အရှုံးသမားတွေက ပိုကြိုးစားသင့်တယ်

တစ်ဖက်က ကျန်းဟိုင်မြို့ အရှေ့တောင်ဘက် ဝေးလံခေါင်သီသော အိမ်ဟောင်းတစ်ခု၊ မြို့-ဆင်ခြေဖုံး ပိုင်းခြားထားသော မျဉ်းအနီး။

လရောင်သည် တံစက်မြိတ်ရှိ အပေါက်ကြီးကို ဖြတ်၍ အတွင်းဘက်တွင် အရှုပ်အထွေးများကို လင်းလက်တောက်ပနေစေပါသည်။ ထောင့်များကို ကော့ညွှတ်များဖြင့် ဖုံးအုပ်လိုက်ကာ တိုင်ကပ်နာရီက ရပ်သွားပြီဖြစ်ပြီး အေးစက်သောလေက အရှိန်ပြင်းပြင်း ဝင်လာသည်။

"အင်း...."

ရှဟဲသည် နံရံကို မှီထားလေသည်။ အသက်ရှုကြပ်နေကာ ဒူးများကို လက်နှစ်ဖက်ဖြင့် ပတ်လျက် ထောင့်တစ်နေရာတွင် ထိုင်လျက်ရှိပြီး သူ့အမူအရာက အလွန် မောဟိုက်နေသည်။

ရဲအုပ်ကြီး ယူနီဖောင်းဝတ်ထားသော လုပ်ဖော်ကိုင်ဖက် အများအပြားသည် ဝမ်းဗိုက်ဒဏ်ရာများကို ပြင်းထန်စွာ ဆုပ်ကိုင်ထားကာ အချင်းချင်း ဆွဲထူ ဖက်ထားကြသည်။ သူတို့သည် မျက်နှာကျက်ကို ဗြောင်စိုက်ကြည့်နေကြပြီး သူတို့မျက်လုံးများက စိတ်ပျက်အားငယ်မှုကို ဖော်ထုတ်ပြနေ၏။

ဗုန်း!

ပြင်းထန်သော ပေါက်ကွဲသံများသည် အမြောက်များ ထုနေကဲ့သို့ အိမ်အပြင်ဘက်တွင် ပေါက်ကွဲသံများ ထွက်ပေါ်လာသည်။

"ဟမ့်! ဒီလူယုတ်မာတွေက အစီအရင်ကို ထပ်ပြီး တိုက်ခိုက်နေတာပဲ!"

ဆူညံသံကို ကြားတော့ ရှဟဲ ပြတင်းပေါက်မှ ငုံ့ကာ အပြင်ဘက်က လှုပ်ရှားမှုများကို ဂရုတစိုက် ကြည့်လိုက်သည်။ လရောင်အောက်မှာတော့ မိစ္ဆာများသည် အိမ်ဟောင်းအပြင်ဘက်တွင် အုပ်စုများစွာ စုရုံးလာကာ အတန်းရှည်ကြီးအဖြစ် တန်းစီပြီး ကြယ်စွမ်းအင်တိုက်ခိုက်မှုများကို အရူးအမူး ထုတ်လွှတ်နေကြသည်။

ရွှတ်!

အလင်းတွေက ကောင်းကင်ကို ဖြတ်ပျံနေတဲ့ တောက်ပတဲ့ ဥက္ကာပျံကြီးလိုပါပဲ။ သို့သော် တိုက်ခိုက်မှုသည် အိမ်ဟောင်းကို ဝင်ခါနီးတွင် ရုတ်တရက် ရပ်တန့်သွားပြီး အကာအရံကို ထိမှန်ကာ လေထုထဲမှာပဲ ပျောက်ကွယ်သွားခဲ့သည်။

ဗုန်း!

ရှဟဲသည် ကြယ်ကျောက်တုံးနှစ်လုံးကို ကိုင်ထားပြီး ၎င်းတို့ပေါ်ရှိ ခင်းကျင်းထားသည့် ပုံစံများကို ကြည့်မိပြန်သည်။ သူ သက်ပြင်းတစ်ချက်ချမိ၏။ ကံကောင်းစွာနဲ့ မိစ္ဆာများက အစီအရင် ဖွဲ့စည်းမှုကို မချိုးဖျက်နိုင်ခဲ့ပါ။

"ရှဟဲရဲ့ ဖွဲ့စည်းမှုကျေးဇူးကြောင့် မဟုတ်ရင် တစ်သင်းလုံး ပြားသွားလိမ့်မယ်"

ဘယ်ဘက်လက်ကျိုးနေတဲ့ ရဲအရာရှိက ဆိုသည်။

“ဒီမှာ မိစ္ဆာတွေ ဒီလောက်အများကြီး ပုန်းအောင်းနေမယ်လို့ မမျှော်လင့်ထားဘူး သူတို့က ငါတို့ကို ချောင်းမြောင်းဖို့ ပြင်ထားတာ…”

"ရှဟဲ မင်းရဲ့အစီအရင်က ဘယ်လောက်ကြာကြာ ခံနိုင်လောက်လဲ?"

စကားပြောစက် ကိုင်ပြီး တုန်လှုပ်ချောက်ချားသည့် အခြားလုပ်ဖော်ကိုင်ဖက် တစ်ဦးက မေးသည်။

"စစ်ကူတွေရောက်တဲ့အထိ ထိန်းထားနိုင်ပါ့မလား? အခု မိစ္ဆာက ဆက်သွယ်ရေးလိုင်းကို ဖြတ်တောက်ပစ်လိုက်ပြီ... နောက်ကွယ်က အသင်း ပျောက်ဆုံးနေတာကို အထက်လူကြီစတွေ သတိပြုမိပြီး အခုပဲ ရှာဖွေသင့်တယ်”

"ဒါ..."

ရှဟဲသည် သူ့လက်ထဲက ကြယ်ကျောက်တုံးကို ငုံ့ကြည့်ကာ မျက်ရည်ကျနေတယထက် ပိုရုပ်ဆိုးသော အပြုံးကို တွန်းထုတ်လိုက်ရသည်။

"ငါလည်း မသိဘူး"

လွန်ခဲ့တဲ့ နာရီဝက်လောက်က သူနှင့် သူ၏လုပ်ဖော်ကိုင်ဖက်များသည် မိစ္ဆာများကို ခြေရာခံရန် မစ်ရှင်ဖြင့် မြို့မှ ထွက်ခွာခဲ့ကြသည်။ အစပိုင်းမှာတော့ အရာအားလုံးက ချောချောမွေ့မွေ့ပါပဲ။ ၎င်းတို့ကို အောင်မြင်စွာ ခြေရာခံပြီး မြို့တော်အတွင်း ဆက်သွယ်မှုအချက်ကို တွေ့ရှိခဲ့သည်။ သတင်းပေးခါနီးမှာပဲ မထင်မှတ်ထားတဲ့ အရာတစ်ခု ဖြစ်သွားခဲ့၏။

ဤမိစ္ဆာများသည် ရုတ်တရက် သတိပြုမိသွားပြီး တန်ပြန်တိုက်ခိုက်မှုကို လုပ်ဆောင်ခဲ့ရာ တာဝန်တပ်ဖွဲ့အတွက် အသေအပျောက်များစွာ ဖြစ်ပေါ်စေခဲ့သည်။

ညီအစ်ကိုတွေရဲ့ အပြန်အလှန် အကာအကွယ်ပေးမှုကြောင့်သာ သတင်းအချက်အလတ်တွေ ပေးပို့နိုင်ပြီး အဝေးက အိမ်ဟောင်းဆီ ထွက်ပြေးနိုင်ခဲ့ကြတာပင်။ အခု ကြယ်ကျောက်တုံး အစီအရင်ကြောင့်သာ မဟုတ်ရင် အပြင်က မိစ္ဆာတွေကြောင့် သေလောက်ပြီ။

"ကောင်လေး မင်းကို ဒီလောက်ထိ ဟုတ်လိမ့်မယ်လို့ မမျှော်လင့်ထားဘူး မင်းတကယ်ကို ဖုံးကွယ်ထားတာပဲ!"

လုပ်ဖော်ကိုင်ဖက်တစ်ယောက်က ရှဟဲလက်ထဲက ကြယ်ကျောက်တုံးကို ကြည့်ပြီး: "ခဏပဲ တောင့်ခံထားရအောင် စစ်ကူတွေ မကြာခင်ရောက်လာတော့မှာ!"

"..."

ဒါကိုကြားတော့ ရှဟဲ ခက်ခက်ခဲခဲ ခေါင်းညိတ်ပြလိုက်သည်။

"ငါ အကောင်းဆုံး ကြိုးစားပါ့မယ်"

ကြယ်ကျောက်တုံးက ပေါ့ပေါ့ပါးပါးလေးပဲလို့ ထင်ခဲ့ပေမယ့် အတော်လေး အံ့သြဖို့ကောင်းနေ၏။ ဒီဟာကြောင့် မျက်စိတစ်မှိတ်အတွင်းမှာပဲ သူဟာ အဖွဲ့ရဲ့ အဓိက ကစားသမားပါ ဖြစ်လာခဲ့ပါသည်။

ကံကြမ္မာက လှည့်စားရက်လိုက်တာ။

"ဒါက ခြေရာခံမစ်ရှင်တစ်ခုပဲလို့ ငါတို့ သဘောတူခဲ့တာမလား"

ရှဟဲ သက်ပြင်းချလိုက်ပြီး ကြယ်ကျောက်တုံးပေါ်က ပုံစံတွေကို စိုက်ကြည့်နေသည်။

အိမ်အပြင်မှာတော့ ညလေညင်းများက တဝွီဝွီ လေတိုက်ခတ်လာပြီး မိစ္ဆာများစွာသည် လေထဲတွင် ပျံဝဲကာ ကြယ်စွမ်းအင်လှိုင်းလုံးများကို ထုတ်လွှတ်ကာ ၎င်းတို့၏ ခွန်အားကို ပြန်လည် စုစည်းနေကုန်၏။

"ကြယ်သိုင်းရဲစခန်းက အစီအရင်ကို ဒီလိုနည်းလမ်းနဲ့ ဘယ်တုန်းကများ တီထွင်လိုက်တာလဲ"

"သေစမ်း! သူတို့ဆီ မဝင်နိုင်သေးဘူး! အတားအဆီးတစ်ခု ဖန်တီးဖို့ မျဉ်းတစ်ကြောင်း ဆွဲထားတယ်... အစ်ကိုငါး မျဉ်းကို ဖြတ်ကျော်ပြီးတာနဲ့ သူ့အရိုးစုပဲ ကျန်တော့တယ်..."

"ဒီအစီအရင် ဖွဲ့စည်းပုံက ဘယ်အဆင့်လဲ.... တပ်မှူးတောင် ဒီလောက်အဆင့်မြင့်တဲ့ အစီအရင်ကို မဖန်တီးထားနိုင်ဘူး!"

"ကောင်းပြီ စကားတွေ ရပ်လိုက်... အားလုံး ဆက်တိုက်ခိုက်ကြ ဒီအစွမ်းထက်တဲ့ ဖွဲ့စည်းမှုတစ်ခုက ကြာကြာခံမှာ မဟုတ်ဘူး"

"ဟုတ်!"

ခဏအကြာ။

ဗုန်း!

အိမ်ဟောင်း၏ အပြင်ဘက်တွင် ပြင်းထန်သော မီးမုန်တိုင်းတစ်ခု ထွက်ပေါ်လာပြန်သည်။ မိုးတွေ သဲသဲမဲမဲ ရွာချနေသလို မိုးခြိမ်းသံတွေကလည်း တဝုန်းဝုန်းဖြင့်။

"အား! ပူတယ် ပူတယ်!"

ရှဟဲသည် ကြယ်ကျောက်တုံးကို ဆုပ်ကိုင်ထားရာမှ ပူလောင်သော အပူကို ချက်ချင်း ခံစားလိုက်ရသည်။ ထို့ကြောင့် ကြောက်လန့်တကြားနဲ့ မြေပေါ်ကို အမြန်ပစ်ချခဲ့၏။

"မင်းရဲ့အစီအရင်က ပျက်တော့မှာလား"

ဒါကိုမြင်တော့ လုပ်ဖော်ကိုင်ဖက် တစ်ယောက်က စိုးရိမ်တကြီး မေးလာသည်။

"စစ်ကူတွေရောက်တဲ့အထိ ထိန်းထားနိုင်ပါ့မလား"

"ငါလည်း မသိဘူး"

ရှဟဲ ဒီအဖြေကို ထပ်ခါတလဲလဲ ပြောကာ ကြယ်ကျောက်ကို အားကိုးတကြီး စိုက်ကြည့်ရင်း သက်ပြင်းချလိုက်၏။

“ထိန်းနိုင်မယ်လို့ မျှော်လင့်ပါတယ်..."

ပြီးတော့ ချင်းယန်ပေးတဲ့ သူ့အတွက် လက်ဆောင်ဖြစ်သည်။ ဒီအထိ ဆုပ်ကိုင်ထားရတာကတင် သူ့မျှော်လင့်ချက်ထက် ကျော်လွန်နေပြီ။ အပြင်က မိစ္ဆာတွေ အစီအရင်ကို ဖြိုဖျက်နိုင်ရင်တောင် လက်ခံရတော့မှာပဲ။

"ဘာမှ မလုပ်နိုင်တော့ဘူး"

ဒါကိုတွေးပြီး ရှဟဲ ချက်ချင်း အလုပ်ဆင်းပြီး သူ့ဖုန်းကိုဆွဲထုတ်ပြီး ကယ်တင်ဖို့စောင့်နေရင်း ကတ်ဂိမ်းကစားနေလိုက်၏။

….

အချိန်တွေကုန်ကာ နာရီဝက်လောကိအထိ ကြာသွားသည်။ အပြင်ဘက်မှ လက်နက်ကြီး ပစ်ခတ်သံများ ရပ်သွားစဥ် ရှဟဲ မှိန်းနေရာမှ ချက်ချင်း နိုးလာသည်။

သူ အပြင်ကို လှမ်းကြည့်လိုက်၏။

အိုဘုရားရေ!

မိစ္ဆာများသည် မြေပြင်ပေါ်တွင် ထိုင်ချနေကြကာ အားလုံး မောပန်းနွမ်းနယ်နေကြသည်။ လက်တွေက သုံးရလွန်းလို့ တုန်တုန်ယင်ယင်တောင် ဖြစ်နေကြသော်လည်း ကြယ်ကျောက်တုံးကတော့ လေထဲတွင် တရွေ့ရွေ့နဲ့ ရွေ့လျားနေဆဲ။

ရှေးကျပြီး ခိုင်ခံ့သော အစီအရင် ဖွဲ့စည်းပုံပုံစံသည် တောင်ကြီးပမာ တည်ငြိမ်ပြီး အနှောင့်အယှက်ပေးခံရသည့် လက္ခဏာ လုံးဝမရှိပါ။

"!!!"

ဒါကိုမြင်တော့ ရှဟဲရဲ့ မျက်လုံးတွေ ပြူးကျယ်သွားပြီး ကြယ်ကျောက်တုံးကို သူ့လက်ထဲမှာ ဆုပ်ကိုင်လျက် ခုန်ထလိုက်သည်။

"အမိုက်စားပဲ!"

ရှဟဲ ချက်ချင်းပင် ဝမ်းသာသွားသည်။ သူက ပြတင်းပေါက်ကို အမြန်ဖွင့်ပြီး အပြင်မှာ မိစ္ဆာများကို မျက်နှာချင်းဆိုင် ကဲ့ရဲ့ရှုံ့ချပစ်လိုက်သည်။

"မင်းတို့ ပိုကြိုးစားသင့်တယ် အရှုံးသမား တစ်စု!"

မိစ္ဆာများမှာ ပူပန်သောက ရောက်နေသည့်အကြား ထိုစကားများက သူတို့နားထဲသို့ ရှင်းရှင်းလင်းလင်း ရောက်ရှိလာကြရာ သူတို့စိတ်ထဲ သရော်လှောင်ပြောင်မှုများ ပြည့်လျှံလာပြီး မျက်နှာများ မည်းမှောင်သွားသည်။

"သတ္တိရှိရင် ထွက်လာခဲ့စမ်း! မင်းကသာ သရဲဘောကြောင်တဲ့ကောင်!"

"မင်းသတ္တိရှိရင် ဆင်းလာခဲ့! မင်းကသာ အရှုံးသမား!"

ပြတင်းပေါက်နား ရောက်တော့ ရှဟဲက သူ့လက်ခလယ်ကို ထောင်ပြလိုက်သည်။

ဒါကိုမြင်တော့ တခြားအုပ်ကြီးတွေက ပြိုင်ဘက်ရဲ့အရှိန်ကို နှိမ်ပြီး ကဲ့ရဲ့လှောင်ပြောင်ကြကုန်၏။ သူတို့သည် စူးရှသော စကားများဖြင့် မိစ္ဆာကို ကျိန်ဆဲနေပြီး မျက်နှာများ နီမြန်းသွားသည်အထိ စကားလုံးများဖြင့် တိုက်ခိုက်နေကြသည်။

"အားလုံး စိတ်အေးအေးထားပါ... စိတ်လိုက်မာန်ပါ မလုပ်ကြနဲ့!"

ဦးဆောင်သူမိစ္ဆာက သူ့လက်ကို ဝှေ့ယမ်းလိုက်သည်။

"သူတို့ဘာသာ ခဏလောက် ကျိန်ဆဲကြပါစေ... လူကြီးမင်း ရောက်လာရင် ဒီပုံစံလေးကို သူ့လက်နဲ့ ချိုးပစ်နိုင်တယ်!"

သူပြောပြီးတာနဲ့ အခြားမိစ္ဆာများလည်း ငြိမ်သက်သွားသည်။ သူတို့သည် လက်ပိုက်ပြီး အစီအရင် ရှေ့၌ ငြိမ်သက်စွာ စောင့်ဆိုင်းနေကြသည်။ ခဏအကြာတွင် ဆောင်းဦးအရွက်တွေ လှုပ်လှုပ်ရွရွ ဖြစ်လာသည်။

ညက ရုတ်တရက် မှောင်မိုက်သွားပြီး ကြောက်မက်ဖွယ်ကောင်းသော ကြယ်တာရာ စွမ်းအားများသည် အိမ်ဟောင်းတစ်ဝိုက် ပျံ့နှံ့သွားကာ မြင်သာထင်သာသော ကြယ်ဖိအားတစ်ခုအဖြစ် ပေါင်းစပ်လုနီးပါး ဖြစ်သွားသည်။

"လူကြီးမင်း!"

အနက်ရောင်ဝတ်ရုံ အဖိုးအိုတစ်ဦးသည် အိမ်ဟောင်းရှေ့တွင် ပေါ်လာ၏။ အခြားမိစ္ဆာများကလည်း မြေပြင်ပေါ်တွင် ချက်ချင်း ဦးညွှတ်ထိုင်ချကြသည်။

"မင်းတို့အားလုံး အမှိုက်တွေချည်းပဲ! တစ်ချက်လောက် ထိုးနှက်လိုက်တာနဲ့ ပျက်စီးသွားမယ့် အစီအရင်အစုတ်အပြက်က မင်းတို့ကို တားထားတယ်ပေါ့!"

အနက်ရောင်ဝတ်ရုံ လူကြီးက လေထဲသို့ ခုန်တက်ကာ အိမ်ဟောင်းကို စိတ်မရှည်စွာ ငေးကြည့်နေသည်။

"အင်း... ငါ့ကို ထွက်လာခိုင်းမှတော့ ငါ အစွမ်းကုန် ချေမှုန်းပြမယ်!"

ဒီလိုကြားရတဲ့အခါ အိမ်ဟောင်းထဲက ရှဟဲနှင့် သူ၏လုပ်ဖော်ကိုင်ဖက်များ အံ့အားသင့်သွားကြသည်။ တစ်ယောက်ကိုတစ်ယောက် ကြည့်ကာ စိတ်ပျက်အားငယ်နေကြတာ အထင်အရှားပင်။

မွေးရာပါနယ်ပယ်က သခင်ကြီး ရောက်လာပြီ။ သူ့ကို အစီအရင်က ဘယ်လိုလုပ် အနိုင်ယူနိုင်မှာလဲ။

"ကြွက်အုပ်စုလေး!"

အနက်ရောင်ဝတ်ရုံလူကြီးသည် သူ့လက်ဖဝါးကို မြှောက်ကာ သူ၏စစ်မှန်သော ချီစွမ်းအင်ကို စုဆောင်းလိုက်သည်။ လူအုပ်ကြီး၏ မျက်စိရှေ့၌ပင် သူသည် ကြယ်စွမ်းအင် တိုက်ခိုက်မှုကြီးကို ထုတ်လွှတ်လိုက်လေ၏။

ဝုန်း!

ကြီးမားလှသော ကြယ်စွမ်းအားကြီးသည် အိမ်ဟောင်းပေါ်၌ တောင်တစ်လုံး ကျလာသကဲ့သို့ ပျံ့နှံ့သွားကာ ကြောက်မက်ဖွယ်ကောင်းသော လှိုင်းလုံးကြီးတစ်ခု ဖန်တီးပစ်ခဲ့သည်။ ၎င်းက အစီအရင် မျက်နှာပြင်ပေါ်သို့ ဖြည်းညှင်းစွာ ထိုးကျလာခဲ့သည်။

ဒါပေမယ့် နောက်အခိုက်အတန့်၌ ဗုန်းကနဲ အသံနက်ကြီးနဲ့အတူ ကြယ်ကျောက် အစီအရင်ဖွဲ့စည်းပုံက အလင်းတန်းတစ်ခု ဖြန့်ကျက်လိုက်သည်။

အပြင်ဘက်က ကြီးမားသော တိုက်ခိုက်မှုကို သမုဒ္ဒရာအတွင်းက ရေတစ်စက်ကဲ့သို့ အစီအရင် ဖွဲ့စည်းမှုမှ လုံးဝ စုပ်ယူသွားခဲ့သည်။

အသုံးမဝင်ပါ!

မိစ္ဆာများ : ???

သူတို့၏ ပါးစပ်ထောင့်များ ပြုတ်ကျသွားကာ အပြုံးများလည်း မှေးမှိန်သွားကုန်သည်။

အိမ်ဟောင်းထဲက ရှဟဲနှင့် သူ၏လုပ်ဖော်ကိုင်ဖက်များ၏ အပြုံးများကတော့ ရိုင်းစိုင်းစွာ ကောက်ကွေးနေ၏။

"ဒီလောက်ပဲလား?!!"