အမြီးလေးချောင်း မြေခွေးမိစ္ဆာ

ညပိုင်း...

ဖုဟိုင်ဗီလာရပ်ဝန်း

မှောင်မိုက်သော တိမ်တိုက်များစုဝေးပြီး မိုးခြိမ်းသံများ ကောင်းကင်မှ ခုန်ဆင်းလာသည်။ ငွေရောင်နဂါးများသည် မှောင်မိုက်သော တိမ်များကိုဖြတ်၍ ပျံသန်းနေကြပြီး အဖြူရောင်အလင်းက ကောင်းကင်ကို လင်းထိန်စေကာ တစ်လျှောက်လုံး မိုးကြိုးများ ယှက်သန်းနေသည်။

ဗုန်း!

ချင်းယန်သည် ကမ္ဘာကြီးနှင့် တစ်သားတည်းဖြစ်နေသကဲ့သို့ ခြံဝင်းထဲတွင် တင်ပျဉ်ခွေထိုင်နေလျက် ရှိသည်။ မိုးကြိုးမုန်တိုင်းသည် သူ့ခေါင်းပေါ်မှ လှိုင်းထန်လာသည်။ လေပြင်းသည် သူ့ဘေးရှိ မြက်ပင်များနှင့် သစ်ပင်များကို လှုပ်ခတ်စေသော်လည်း သူကတော့ မလှုပ်မယှက် ဖြစ်နေသည်။

သူ့ကိုယ်အတွင်း၌ မိုးကြိုးအပိုင်းအစများ စုစည်းလာသည်။ အသက်တစ်ချက် အသက်ရှုလိုက်ရင် မိုးကြိုး ရွှေတောင်ဝှေးကို ရိုက်ခတ်လိုက်သလိုမျိုး ဒေါသတကြီး ဟောက်သံတွေ ဖြာထွက်လာ၏။

"မဆိုးပါဘူး ဒီည ဒီလောက်တောင် ရောက်နေပြီ ဆိုတော့ အောင်မြင်ခါနီးနေပြီ"

ချင်းယန် သူ့မျက်လုံးများကို ဖြည်းညှင်းစွာဖွင့်ကာ ကောင်းကင်တစ်ခွင် ပြည့်လျှံနေသော ထူးဆန်းသော မြင်ကွင်းကို မော့ကြည့်ရင်း ကျေနပ်စွာ ခေါင်းညိတ်လိုက်သည်။

ဤရက်များထဲ ဆင်ခြင်ပြီးနောက် မိုးကြိုးနိယာမကို ကောင်းစွာနားလည် သဘောပေါက်လာခဲ့သည်။ ယခု သူသည် ၎င်းကို သူ့လက်ချောင်းထိပ်များအထိ စုစည်းနိုင်ခဲ့ပြီး ၎င်းကို ယန်လျှပ်စီးကြောင်းအဖြစ် ပြောင်းလဲကာ သူ့ခန္ဓာကိုယ်မှ ပေါက်ကွဲထွက်လာစေခဲ့သည်။

အကယ်၍ ရန်သူတစ်ဦးသည် မိုးကြိုးနိယာမ၏ အပိုင်းအစတစ်ခုကို ဖမ်းမိပါက လျှပ်စီးဗုံးသည် ၎င်းတို့၏ ခန္ဓာကိုယ်အတွင်းသို့ ထိုးဖောက်ဝင်ရောက်ကာ ပြင်းထန်သော မိုးခြိမ်းသံအဖြစ် ပြောင်းလဲမည်။ ပြီးလျှင် ၎င်းတို့၏ သွေးကြောများကို ကွဲအက်သွားစေမည် ဖြစ်သည်။

အထွတ်အထိပ် ကျင့်ကြံသူပင်လျှင် အကြီးအကျယ် ဒုက္ခရောက်ပေလိမ့်မည်။ ချင်းယန် သူ့လက်ကို မြှောက်ပြီး သူ့လက်ချောင်းထိပ်မှာ ကပ်နေတဲ့ လျှပ်စီးကို ငြိမ်းသတ်လိုက်သည်။

သူ့အတွေး ပြောင်းလာသည်နှင့်အမျှ ကောင်းကင်မှ မိုးခြိမ်းသံတွေ တဖြေးဖြေး ပျောက်ကွယ်သွားပြီး တိမ်တိုက်တွေရဲ့ ရှုပ်ထွေးတဲ့ သံလိုက်စက်ကွင်းက ပုံမှန်အတိုင်း ပြန်ဖြစ်လာသဖြင့် ညက ငြိမ်သက်စွာ ကျဆင်းသွားခဲ့သည်။

"ရန်သူကို သတ်ဖို့ နောက်တစ်နည်း ရပြီ"

ချင်းယန် ကျေနပ်စွာ ခေါင်းညိတ်လိုက်သည်။

ရုတ်တရက် ဗီလာထဲမှ ပြင်းထန်သော အငွေ့အသက်များ ထွက်ပေါ်လာသည်။ မြေခွေးအော်သံနှင့်အတူ သေးငယ်သော အတားအဆီး တုန်ခါသွားပြီး လေးလံသော အရာဝတ္ထုများ တိုက်မိသလိုမျိုး ကျယ်လောင်သော အသံကြီးတစ်သံ ထုတ်လွှတ်သည်။

"ဟူး... ရှောင်ပိုင်တော့ ထပ်ဖြစ်ပြန်ပြီ"

ချင်းယန် သက်ပြင်းချပြီး အိမ်ဘက်သို့ ပြန်လှည့်သွားခဲ့သည်။

သားရေဆိုဖာပေါ်တွင် ဆံပင်ဖြူဖြူ မိန်းကလေးငယ်တစ်ဦးကို ဆိုဖာပေါ်တွင် ချည်နှောင်ထားသည်။ သူမသည် လွတ်မြောက်ရန် ကြိုးစားရင်း ဝေဒနာတစ်ခုကို ခံစားနေရသလိုမျိုး ရုန်းကန်နေတာကြောင့် သူမ မျက်လုံးများက နီရဲလာသည်။ သူမ၏ တံတွေးများ ကြမ်းပြင်ပေါ်သို့ စီးကျလာသည်။ ချင်းယန် ချဉ်းကပ်လာသည်ကို သတိပြုမိသောအခါတွင် သူမက နှိမ့်ချ၍ သတိပေးသည့် ဟိန်းဟောက်သံကို ထုတ်လိုက်သည်။

"ဘာလို့ဒီလို ထပ်ဖြစ်ပြန်တာလဲ"

ချင်းယန် မျက်မှောင်ကြုတ်ကာ ဆိုဖာပေါ်သို့ လျှောက်သွားပြီး ရှောင်ပိုင်ခေါင်းပေါ်သို့ သူ့လက်ဖဝါးကို တိုက်ရိုက်တင်ကာ သူမ၏ စိတ်အခြေအနေကို စစ်ဆေးကြည့်လိုက်သည်။

ပရမ်းပတာ၊ ရူးသွပ်မှုနှင့် မနေ့ညကကဲ့သို့ သောင်းကျန်းချင်စိတ်များ။

သားရဲဒီရေရဲ့ သက်ရောက်မှုက ကြီးမားပုံပါပဲ။ ဒီလိုသောင်းကျန်းမှုမျိုး ညတိုင်း ဆက်ဖြစ်နေရင် ရှောင်ပိုင် ဒီအိမ်ကြီးကို ဖြိုခွဲပစ်လိမ့်မည်။

"ဟုတ်တယ် ငါ ဆေးပမာဏကို တိုးဖို့လိုတယ်!"

ချင်းယန် စိတ်ငြိမ်ဆေး နှစ်လုံးကိုထုတ်၍ ရှောင်ပိုင်ပါးစပ်ကိုဖွင့်ကာ အတင်းအကျပ် တိုက်ပစ်ကာ ရေခွက်နှစ်ခွက်ကိုလည်း သူမ သက်သာစေရန် လည်ချောင်းထဲသို့ လောင်းထည့်လိုက်သည်။ ဆေးလုံးဝိုင်းဝိုင်းလေး သူမလည်ချောင်းထဲ လျှောကျသွားသည်။

"ဟမ်..."

ဆေးလုံးကို မျိုချပြီးနောက် ရှောင်ပိုင်၏ မျက်လုံးများထဲက အနီရောင်များ ပျောက်ကွယ်သွားပြီး ဆိုဖာပေါ်တွင် တုန်တုန်ယင်ယင် လှဲလျောင်းနေခဲ့သည်။ ဆေး အာနိသင်သည် သူမ၏ သွေးကြောများမှတဆင့် တိုးလာကာ ခန္ဓာကိုယ်မှ ထွက်လာသည့် ပူနွေးသော ရေစီးကြောင်းအဖြစ် ပြောင်းလဲသွားသည်။ သူမအငွေ့အသက်ကလည်း ရုတ်တရက် တိုးလာသည်။

"တင်း! ဧကရာဇ်အဆင့် ကြယ်သားရဲ တွေ့ရှိထားပါတယ်... အမြီးကိုးချောင်း မြေခွေး ဖောက်ထွင်းဝင်ရောက်လာပါတယ်!"

"Host ကျေးဇူးပြုပြီး ချက်ချင်းရွှေ့ပါ... မချဉ်းကပ်ပါနဲ့!"

"သတိပေးချက်! အန္တရာယ်များပါတယ်!"

ဤအခိုက်အတန့်တွင် သူ့စိတ်ထဲတွင် စနစ်ကျသော အသံက ရုတ်တရက် ထွက်ပေါ်လာသည်။ ချင်းယန် ခဏလောက် ထိတ်လန့်သွားပြီး ဆိုဖာပေါ်တွင် တုန်လှုပ်နေသော ရှောင်ပိုင်ကို ကြည့်ရင်း သူ့မျက်နှာမှာ ရွှင်မြူးသွားသည်။

"ဒုတိယစနစ်သတိပေးချက်ကို စတင်လိုက်ပါပြီ!?"

ဟုတ်တယ်!

သခင် မင်းကိုမွေးတာ တကယ် အလကား မဖြစ်သွားဘူး!

"ရှောင်ပိုင်ရဲ့ နောက်ထပ် အောင်မြင်မှုတွေက ဘယ်လိုမျိုးတွေ ဖြစ်လောက်လဲ?"

ချင်းယန် ဆိုဖာပေါ်တွင် ထိုင်ချလိုက်ပြီး ဖရဲသီးအစေ့များကို ခွဲထုတ်ကာ ရှောင်ပိုင်ကို စိတ်ဝင်တစား စောင့်ကြည့်ကာ သူမ၏ ပြောင်းလဲလာမည့် အဆင့်ကို စောင့်ကြည့်နေလိုက်သည်။

ခဏအကြာ။

ကောင်းကင်နှင့်မြေကြီး၏ ဝိညာဉ်စွမ်းအင်များသည် ရှောင်ပိုင်၏အရိုးထဲတွင် ပေါင်းစည်းသွားကြသည်။ သူမအမြီးသုံးချောင်း အနည်းငယ် တုန်ခါသွားပြီး သူမ၏ အဖြူရောင်အမွေးများက လေထဲတွင် လှုပ်ယမ်းနေသည်။

ခဏအတွင်း သူ့ပတ်ဝန်းကျင်က ရောင်ဝါတွေကလည်း တဟုန်ထိုး ခုန်တက်လာလေ၏။

ဗုန်း!

ရောင်ဝါက အထွတ်အထိပ်အထိ ရောက်ရှိသွားပြီး ကြောက်မက်ဖွယ်ကောင်းသော ကြယ်များ၏ ဖိအားတစ်ခုက အရာဝတ္ထုအဖြစ် ပေါင်းစပ်သွားသည်။

မွေးရာပါနယ်ပယ် အလယ်တန်းအဆင့်။

ရှေ့သို့ ခြေတစ်လှမ်း လှမ်းလိုက်ရုံပင်။

"ဟင်? ဒါဘာလဲ?"

ချင်းယန် ရှောင်ပိုင်၏ မြေခွေးအမြီးကို စိုက်ကြည့်ရင်း ရုတ်တရက် တစ်ခုခုလွဲနေတာကို သတိပြုမိလိုက်သည်။ အင်္ကျီအောက်မှ ရှောင်ပိုင်၏ ပြောင်ပြောင်တင်းတင်း တင်ပါးများ ဖောင်းကားလာပြီး အမြီးများက ခေါက်ကာ သူမ၏ လှပသော ပေါင်ကြားတွင် လှုပ်ယမ်းနေသည်။

ချင်းယန် သူ့လက်ချောင်းများကို ဆန့်ထုတ်ကာ ရေတွက်လိုက်သည်။

"တစ် နှစ် သုံး..."

"လေး?"

စတုတ္ထမြောက် အမြီး?

"ဟားဟား... ဒီနတ်သမီး ထိုးဖောက်သွားပြီ!"

ထိုအချိန်တွင် ရှောင်ပိုင် မျက်လုံးများဖွင့်ကာ နှုတ်ခမ်းကို လျှာဖြင့် သပ်လိုက်သည်။ ထို့နောက် လျှာလေးကို ဆန့်ထုတ်ကာ ကြီးထွားလာသော အမြီးကို ပွတ်သပ်လိုက်သည်။ အမြီးကိုးချောင်း မြေခွေးတစ်ကောင်တွင် အမြီးများလေလေ ကျင့်ကြံမှုက ပိုမိုနက်နဲလေဖြစ်သည်။

"ဟမ်... ဒီနတ်သမီးက အောင်မြင်မှုတစ်ခုကို ဘယ်လိုလုပ် ရလိုက်တာလဲ"

သူမ မျက်မှောင်ကြုတ်ကာ ဆိုဖာပတ်ပတ်လည်ကို လှမ်းကြည့်ရင်း ဖြစ်စဉ်ကို သတိရမိသည်။

ဟမ်...

မမှတ်မိဘူး။

ငါတစ်ရေးတစ်မော အိပ်နေတာမလား?

ပြီးတော့ ဒီအောင်မြင်မှုကို ရခဲ့တယ်!

"အံ့သြစရာပဲ!"

"ဟားဟားဟား!"

ရှောင်ပိုင် စိတ်လှုပ်ရှားစွာ မတ်တပ်ထရပ်ကာ ထွက်ခွာသွားခဲ့သည်။ အရည်အချင်းအသစ်ဖြင့် သူ အပြင်ထွက်ကစားရမည်။

ဒါပေမယ့် ရုတ်တရက်...

"ဒီကိုလာ... ရှောင်ပိုင် ကြည့်ကြည့်ရအောင်"

ချင်းယန် ဆိုဖာပေါ်တွင် လှဲနေပြီး ရှောင်ပိုင်ကို လက်ညှိုးထိုးကာ သူမအမြီးကို စိုက်ကြည့်နေသည်။

"သခင် မင်းရဲ့ ခွန်အားကို စမ်းသပ်ချင်တယ်"

"ခွန်အားကို စမ်းသပ်မလို့လား?"

ရှောင်ပိုင် သူမ အမွေးအမြီးကို ပွေ့ဖက်လိုက်ပြီး သတိဖြင့် မျက်မှောင်ကြုတ်လိုက်သည်။ နောက်ကိုလည်း ခြေတစ်လှမ်းဆုတ်ရင်း။

"ဘာလုပ်ချင်နေတာလဲ သခင်!"

သတိပေးနေတယ်!!! ငါက အလယ်အလတ်အဆင့် မွေးရာပါနယ်ပယ် နတ်သမီးပဲ။ နင်အရင်ကလို မြေခွေးတွေကို အနိုင်ကျင့်လို့မရဘူး!!"

"မဟုတ်ရင် နင့်ကို ကိုက်ပစ်မယ်!"

"ငါ့ကိုကိုက်မယ် ဟုတ်လား?"

ချင်းယန် သမ်းလိုက်သည်။

"ဘယ်နားကို ကိုက်မလို့လဲ ဒီကိုလာဖို့ ပြောနေတယ်နော်..."

သူပြောပြီးသည်နှင့် ရှောင်ပိုင်၏ စာချုပ်က အသက်ဝင်လာပြီး သူမ၏သခင်ထံမှ ဖိအားများသက်ရောက်ကာ ချက်ချင်းပင် သူမကို ကြောက်ရွံ့တုန်လှုပ်သွားစေခဲ့သည်။

"အော......"

ရှောင်ပိုင် မဝံ့မရဲဖြင့် ချင်းယန်ဆီသို့ သတိကြီးစွာ ရွေ့သွားသည်။ သူ့အမြီးကို ကိုင်ထားရင်း မျက်လုံးများက ဂနာမငြိမ် ဖြစ်လာသည်။

"သခင်! ဘာမဆို လုပ်လို့ရတယ် ကျွန်မအမြီးကို မလုနဲ့..."

"လွှတ်စမ်း အမြီးကို ပေး!"

"ဟင့်အင်း!"

ချင်းယန် ရှောင်ပိုင်ကို ဖမ်းကိုင်လိုက်ပြီး သူမ တင်ပါးပေါ် ရိုက်ချလိုက်သည်။ သူသည် သူမကို လှန်လိုက်ပြီး သူမ၏ အနေအထားကို ချိန်ညှိကာ သူမပေါင်ကို ချုပ်ထားလိုက်သည်။

"အား!"

ရှောင်ပိုင်မှာ သူမ၏ နူးညံ့သော ခန္ဓာကိုယ်ကို ဆန့်ထုတ်လိုက်ပြီး သူမ၏ လှပသော မျက်နှာကို ဆိုဖာပေါ်တွင် မြှုပ်ထားရသည်။ သူမသည် ပိုးတစ်ကောင်လို လိမ်ကာ ရှက်ရွံ့ ဒေါသထွက်နေသည်။ ထို့နောက် ချင်ယန်၏ စကားသံ ထပ်မံထွက်ပေါ်လာသည်။

"မလှုပ်နဲ့... မင်းအမြီးက ကောင်းကောင်းဖွံ့ဖြိုးနေလား ငါကြည့်ချင်တယ်!"

"သခင်ကသာ တစ်ခုခုတော့ မှားနေတာ!"

"ကောင်းကောင်းနေ!"

"အား နာတယ်လို့"

ရှောင်ပိုင် အော်ဟစ်ပြီး မျက်နှာနီမြန်းသွားသည်။ သူမနှုတ်ခမ်းကို တင်းကျပ်စွာ ကိုက်လိုက်ကာ တင်းကျပ်သော တင်ပါးကြီးကို မြင့်လျက် သူမ၏ နှင်းဖြူအမြီးလေးခုကို ထောင်ထားလိုက်သည်။ သူမ၏ နူးညံ့သော ခန္ဓာကိုယ်က ချင်းယန်၏ ရင်ခွင်ထဲတွင် တုန်လှုပ်နေ၏။

အမြီးသည် မြေခွေးများအတွက် အရေးပါသောအချက်ဖြစ်ပြီး ၎င်းတို့ကို အလွန်အကဲဆတ်စေသည်။

"မြင့်မြင့်ကို မြှောက်ထား.. ကိုင်ရတာ အဆင်မပြေဘူး"

"အင်း... နူးညံ့တယ်..."

ချင်းယန် ဆိုဖာပေါ်တွင်ထိုင်ကာ နူးညံ့ပျော့ပျောင်းသော အမြီးကို ကိုင်ကြည့်လိုက်သည်။ ရှောင်ပိုင်လည်း သူမ တင်ပါးများကို နာခံစွာ မြှင့်တင်လိုက်ပြီး သူနှင့်အတူ ကစားခွင့်ပေးရတော့သည်။

စက္ကန့်အနည်းငယ် ကြာတော့...

"တင်း! hostက အမြီးကိုးချောင်း မြေခွေးကို အနိုင်ယူလိုက်တဲ့အတွက် ဆုကြေးက အဆနှစ်ဆယ်တိုးသွားပါပြီ"

"ဂုဏ်ယူပါတယ် host ဆုလက်ခံရရှိပါပြီ လက်နက်သန့်စင်ရှင်းလင်းချက်!"

"ဂုဏ်ယူပါတယ် host.. ဧကရာဇ်အဆင့် ကိုယ်ခံပညာ မဟာမြေရိုင်းကောင်းကင်လက်ချောင်းကို ရရှိခဲ့ပါပြီ"

စနစ်၏သတိပေးချက်များ ဆက်တိုက် အသံမြည်လာသည်။

"???"

ချင်းယန်သည် ရှောင်ပိုင်၏ ပျော့ပျောင်းသော မြေခွေးအမြီးကို ပွတ်သပ်လိုက်ပြီး သူ့မျက်နှာတွင် မေးခွန်းများစွာဖြင့် ပြည့်နှက်လာသည်။

မဟုတ်သေးဘူး...

ဒါပေမယ့် သူ တို့ထိနေတာက အမြီးဆိုတာ ရှင်းပါတယ်။

"ငါက အဲဒီလိုလူဆိုးလား"

သူသည် ရှောင်ပိုင်၏အမြီးပေါ်တွင် တံတောင်ဆစ်ကို စိုက်ထားပြီး စကားမပြောနိုင်တော့ချေ။