စောင့်ဆိုင်းခြင်း

Vol. 160 Ch. 2266

ကောင်းကင်အာဏာစက်ကျောင်းတော်တွင် နတ်အလင်းတန်းတစ်ခုက ကောင်းကင်မှ ထိုးဆင်းလာသည်။ ၎င်းသည် လောက၏ မိုးကုပ်စက်ဝိုင်းအလွန်မှ မြစ်ဖျားခံသကဲ့သို့ လေဟာနယ်လမ်းကြောင်း ချက်ချင်း ပွင့်လာခဲ့ပေသည်။

ထို့နောက်တွင် လူတစ်စု ပေါ်ပေါက်လာပြီး ကောင်းကင်အာဏာစက်ကျောင်းတော်သို့ ဆင်းသက်လာသည်။

ထိုအခိုက်အတန့်တွင် ကောင်းကင်အာဏာစက်ကျောင်းတော်၏ ထိပ်သီးပုဂ္ဂိုလ်များက တစ်နေရာသို့ ကြည့်လိုက်ပြီး ထိုနေရာမှာ အာကာသခရီးသွားဝင်္ကပါ တည်ရှိသည့် နေရာ ဖြစ်သည်။ အရှင်ထိုက်ရွှမ် ပြန်ရောက်လာပြီ ဖြစ်သည်။

ရီဖူရှင်းလည်း ပြန်ရောက်လာသင့်ပြီ ဖြစ်သည်။

ကောင်းကင်အာဏာစက်ကျောင်းတော်အကျော်တွင် လူတစ်စုက လေထဲ ခရီးဆက်ကာ ရှေ့သို့ တည့်မတ်စွာ ရောက်လာပေသည်။ အဖြူရောင်ဆံပင်နှင့် လူငယ်က ထိုသူများကြားတွင် ရှိနေသည်ကို မြင်သည့်အခါမှ စိတ်သက်သာရာရစွာ သက်ပြင်းချလိုက်ကြသည်။ သူတို့ မျှော်လင့်ထားသလိုပင် ရီဖူရှင်း ပြန်ရောက်လာပြီ ဖြစ်သည်။ သူတို့အားလုံးသည် ရီဖူရှင်းက ဒဏ်ရာပြင်းပြင်းထန်ထန် ရပြီးနောက်၌ပင် ထူးခြားဆန်းကြယ်သည့် ကံကြမ္မာကြောင့် ပြန်လည်သက်သာလာမည်ဟု ယုံကြည်ကြပေသည်။

ထို့ပြင် သူတို့သည် ရီဖူရှင်း၏ အရှိန်အဝါက ပို၍ ထူးခြားလာသည်ကို သတိပြုမိကြပေသည်။ အဖြူရောင်ဝတ်စုံ၊ အဖြူရောင်ဆံပင်နှင့် လူငယ်၏ အရှိန်အဝါက အစွမ်းထက်သော ပုဂ္ဂိုလ်ဟူသည့် ခံစားချက်ကို ပေးစွမ်းသည်။ သူက ယခင် တိုက်ပွဲကြီးအတွင်းမှ အရှိန်အဝါထက် ပို၍ အားကောင်းလာသည်ဟုပင် ခံစားမိပေသည်။

သူက နောက်တစ်ဆင့် ချိုးဖျက်သွားနိုင်ခဲ့သည်လား။

လူအများ၏ နှလုံးခုန်သံများက တဒိတ်ဒိတ် မြန်ဆန်လာသည်။ ယခု သူတို့၏ ခန့်မှန်းချက်က မှန်ကန်လျှင် ရီဖူရှင်းက အဆင့်မြင့်ရန်ဟောင် ကျင့်ကြံဆင့်သို့ ရောက်ရှိနေပြီး အထွတ်အထိပ်သို့ ရောက်ရန် လမ်းကြောင်းပေါ် ရောက်နေခဲ့ပြီ ဖြစ်သည်။

ကောင်းကင်အာဏာစက်ကျောင်းတော်အတွင်းမှ ကျင့်ကြံသူများသည် ယခင်နှင့် မတူတော့ပေ။ ထိုသည်မှာ သူတို့၏ လောကအမြင်က နိမ့်ကျနေခြင်း မဟုတ်ပါချေ။ သာမန် အဆင့်မြင့်ရန်ဟောင်များက သူတို့ကို အံ့အားသင့်စေရန် လုပ်ဆောင်နိုင်ခြင်း မရှိပေ။ အဆုံးမှာတော့ သူတို့သည် လောက၏ နေရာအနှံ့မှ ထိပ်သီးကျင့်ကြံသူများနှင့် ကြုံတွေ့ခဲ့ဖူးပေသည်။ သို့သော် ရီဖူရှင်းက ထူးခြားသည်။ သူက အဆင့်မြင့်ရန်ဟောင်အဖြစ်သို့ ခြေလှမ်းနိုင်ခဲ့လျှင် ထူးခြားသာလွန်လာတော့မည် လက္ခဏာပင် ဖြစ်သည်။

သူတို့လူစုက ကြီးမားသည့် ခန်းမတစ်ခုရှေ့သို့ ရောက်ရှိလာသည်။ နေရာအားလုံးမှ ထိပ်သီးပုဂ္ဂိုလ်များက စုဝေးနေကြသည်။ သူတို့အားလုံးက ရင်းနှီးသော သူများ ဖြစ်ကြပြီး ရီဖူရှင်း၏ ခန္ဓာကိုယ်အတွင်းမှ အပြောင်းအလဲကို ရှာဖွေတွေ့ရှိကြသည်။

"မင်း အဆင့်တက်သွားတာလား။" ရှန်လော့ရွှယ်က ရီဖူရှင်းအား မေးလိုက်သည်။ သူမသည် ရီဖူရှင်းထံမှ မတူကွဲပြားမှုကို ခံစားမိပေသည်။

"ဟုတ်တယ်။" ရီဖူရှင်းက ခေါင်းညိတ်လိုက်သည်။ ရှန်လော့ရွှယ်က ဆွံ့အသွားခဲ့၏။ သည်လူ၏ ကျင့်ကြံသည့် အရှိန်နှုန်းက အမှန်တကယ် ကြောက်မက်ဖွယ် ကောင်းလှသည်။ ထိုနေ့ရက်များတွင် သူမသည် ရီဖူရှင်းက ချင်ရွှမ်ကန်းကို ကယ်တင်ခဲ့သည့်အချိန်က မြင်ကွင်းကို မှတ်မိနေဆဲ ဖြစ်သည်။ သူ၏ အဆင့်တက်မှုက အလွန် လျင်မြန်လှသည်။ သူ့ကြောင့်နှင့် ရှန်ကလန်က သမိုင်းတစ်ခု ဖြစ်လာခဲ့သည်။ ရှန်ကလန်၏ အဖွဲ့ဝင်များက နေရာအနှံ့သို့ ထွက်ခွာပြန့်ကျဲသွားပေသည်။ ရှန်လော့ရွှယ်သည်ပင် ဖြစ်ပျက်ခဲ့သော အရာများအတွက် ဆိုးရွားသည့် ခံစားချက်ကို ခံစားမိပေသည်။ အဆုံးမှာတော့ သူမသည် တစ်ချိန်က ရှန်ကလန်မှ လူ ဖြစ်ခဲ့ဖူးလေသည်။ သူမ၏ ခန္ဓာကိုယ်အတွင်း စီးဆင်းနေသော သွေးက ရှန်ကလန်နှင့် တူညီသည့် သွေးပင် ဖြစ်သည်။

ပြောရလျှင် ရီဖူရှင်းအပေါ် သူမ၏ ခံစားချက်များက ရှုပ်ထွေးပေသည်။ သို့သော် သူမသည် လက်ရှိအဆင့်ထိ ရောက်အောင် ကျင့်ကြံပြီးနောက် သူမ၏ စိတ်အခြေအနေက ပြောင်းလဲသွားခဲ့ပြီ ဖြစ်သည်။ သူမသည် ဖြစ်ပျက်ခဲ့သည့် ကိစ္စများအတွက် ရီဖူရှင်းကို အပြစ်တင်၍ မရနိုင်သည်အား သိရှိပေသည်။ ရီဖူရှင်းက သူတို့ကို မသတ်ခဲ့လျှင်ပင် ထျန်းဟယ်မဟာအကြီးအကဲက သတ်ဖြတ်လိမ့်မည် ဖြစ်သည်။ ထိုသို့ပြုလုပ်သည့်သူမှာ ထျန်းဟယ်မဟာအကြီးအကဲသာ ဖြစ်လျှင် သူမက ပို၍ပင် နာကျင်ခံစားရပေလိမ့်မည်။

ထို့ပြင် ဤကပ်ဘေးပြီးနောက် ထျန်းဟယ်မဟာအကြီးအကဲသည် ရှန်ကလန်မှ ထွက်သွားသည့်သူများကို လိုက်သတ်လိမ့်မည် မဟုတ်ဟု ကတိပေးခဲ့သည်။

ရှန်ကလန်မှ အဓိကလူများက သေဆုံးသွားခဲ့ပြီဖြစ်ရာ သူတို့၏ ရန်ငြိုးများက ပြေပျောက်သွားပြီဟု ဆုံးဖြတ်နိုင်ပေသည်။

ရီဖူရှင်းက လတ်တလော မူလဘုံ၌ ဖြစ်နေသည့် အခြေအနေများကို မေးမြန်းလိုက်သည်။ ရှန်ကလန်နှင့် ရွှေရောင်နတ်ပြည်ထောင်က ထပ်မရှိတော့ဘဲ သူတို့၏ ထိပ်သီးပုဂ္ဂိုလ်များက အသတ်ခံလိုက်ရပြီ ဖြစ်သည်။ သို့သော် အင်အားစုများစွာက အသက်ရှင်လျက် ရှိနေသေးသည်။ အင်အားစုအများအပြားက ပြိုကွဲသွားခဲ့ပြီး သူတို့သည် အရင်ဆုံးလာရောက်ကာ ငြိမ်းချမ်းရေးနှင့် ခွင့်လွှတ်မှုကို လာရောက်တောင်းခံခဲ့သည်။

သို့သော် ထိုသည်မှာ ရိုးရှင်းလွယ်ကူသည့် အရာမဟုတ်ပေ။

"အရှင်ထိုက်ရွှမ် ကျေးဇူးပြုပြီး ဘုံကိုးဘုံက အင်အားစုတွေဆီ သတင်းပို့ဖို့ ကူညီပေးပါ။ သူတို့ကို ကောင်းကင်အာဏာစက်ကျောင်းတော်မှာ စုဝေးဖို့ ခေါ်လိုက်ပါ။" ရီဖူရှင်းက အရှင်ထိုက်ရွှမ်ကို ပြောလိုက်သည်။

"ကောင်းပြီ။" အရှင်ထိုက်ရွှမ်က ခေါင်းညိတ်လိုက်သည်။ ရီဖူရှင်းက ကောင်းကင်အာဏာစက်ကျောင်းတော်၏ အဓိကပုဂ္ဂိုလ်ဖြစ်သော်လည်း အရှင်ထိုက်ရွှမ်က ကောင်းကင်အာဏာစက်ကျောင်းတော်၏ ကျောင်းအုပ်ဖြစ်နေဆဲပင် ဖြစ်သည်။ ရီဖူရှင်းသည် သူ့ကို အမြဲတမ်း လေးစားမှုများ ပြသခဲ့ပြီး အမိန့်ပေးရန်ကိစ္စကိုပင် သူ့အား မေးမြန်းခဲ့သည်။

သူသည် ကောင်းကင်နတ်ဆိုးဂိုဏ်း၏ နတ်ဆိုးအရှင်၊ နတ်နဂါးကလန်၏ ခေါင်းဆောင်၊ ကျန်းချန်ကျီနှင့် အခြားလူများကို ကြည့်လိုက်သည်။ သူက ပါးစပ်ကို ဖွင့်ကာ ပြောလိုက်၏။ "ဘုံကိုးဘုံခရီးက ရှည်လျားတာကြောင့် ခင်ဗျားတို့အားလုံး တတ်နိုင်သမျှ မြန်မြန် သွားပေးဖို့ ဒုက္ခပေးရဦးမှာပဲ။ ဘုံကိုးဘုံကို သွားပြီး အင်အားစုတွေကို ကျုပ်တို့ ကျောင်းတော်ဆီ လာဖို့ သတင်းပါးပေးပါ။"

"ကောင်းပါပြီ။" ထိုလူများတွင် မည်သည့် ကန့်ကွက်ချက်မှ မရှိပေ။ သူတို့သည် အခြားလူများနှင့် သက်ဆိုင်ရာ ခရီးစဥ်အကြောင်း ဆွေးနွေးပြီးနောက် ချက်ချင်း ထွက်ခွာခဲ့ကြသည်။ သူတို့ထဲမှ အချို့က အာကာသခရီးသွားဝင်္ကပါကို အသုံးပြုပြီး ဗဟိုအင်ပါယာဘုံသို့ သွားကာ အချို့က လေထဲမှနေ၍ အခြားဘုံများသို့ ခရီးဆက်သွားခဲ့သည်။

လေဟာနယ်အတွင်း ခရီးထွက်သွားသော ထိပ်သီးပုဂ္ဂိုလ်များကို မြင်ရသည့်အခါ ကောင်းကင်အာဏာစက်ကျောင်းတော်မှ ကျင့်ကြံသူများ၏ နှလုံးသားများအတွင်း ခံစားချက်လှိုင်းများ ဖြစ်ပေါ်လာသည်။ ကောင်းကင်အာဏာစက်ကျောင်းတော်တွင် ကျင့်ကြံခြင်းအင်အားစုများ စုစည်းခဲ့ခြင်းမှာ ရန်ငြိုးများ အားလုံးကို တစ်ခါတည်း ဖြေရှင်းရန် ဆန္ဒရှိသောကြောင့်ဟု ထင်မှတ်ရပေသည်။

ဤသည်ကို ကြားပြီးနောက် ကောင်းကင်အာဏာစက်မြို့မှ ကျင့်ကြံသူများသည် ထိုမြင်ကွင်းကို မျက်မြင်တွေ့ရရန် ကောင်းကင်အာဏာစက်ကျောင်းတော်သို့ အလျင်အမြန် ရောက်လာကြသည်။

ဘုံကိုးဘုံမှ အင်အားစုများ နောက်ဆုံးအကြိမ် ရောက်လာစဥ်က အရှင်ထိုက်ရွှမ်သည် ပြဿနာကို မဖြေရှင်းခဲ့သလို တွေ့ဆုံရန်လည်း မခေါ်ခဲ့ပေ။ ထို့အစား သူက ရီဖူရှင်း ပြန်လာရန် စောင့်ဆိုင်းနေခဲ့ခြင်း ဖြစ်သည်။

ယခု ရီဖူရှင်းက ပြန်ရောက်လာပြီ ဖြစ်သည်။

ကောင်းကင်အာဏာစက်မြို့မှ လူများ၏ နှလုံးသားထဲတွင် ဂုဏ်ယူမှုများ ရှိနေခဲ့သည်။ တစ်ချိန်က အားအနည်းဆုံးဖြစ်ခဲ့သည့် ကောင်းကင်အာဏာစက်ဘုံက တစ်နေ့တွင် အစွမ်းထက်ဆုံး ဗဟိုအင်ပါယာဘုံအပါအဝင် ဘုံကိုးဘုံကို အမိန့်တစ်ခုတည်းနှင့် ခေါ်နိုင်ရလောက်သည်အထိ အာဏာရှိလာလိမ့်မည်ဟု မည်သူက ထင်မှတ်ထားပါမည်နည်း။

ထိုသို့သော ဂုဏ်သရေမျိုးမှာ ကောင်းကင်အာဏာစက်မြို့မှ လူများ အတိတ်တွင် ထိုကဲ့သို့ အတွေးမျိုး တွေးရဲခြင်းပင် မရှိပေ။ သို့သော် ယခုတွင် ၎င်းက အမှန်တကယ် ဖြစ်လာပြီ ဖြစ်၏။

လူတိုင်းသည် ထိုခမ်းနားထည်ဝါသည့် မြင်ကွင်းကို မြင်တွေ့ရရန် စိတ်ရှည်စွာ စောင့်ဆိုင်းနေကြသည်။

အချိန်က တဖြေးဖြေး ကုန်ဆုံးသွားသည်။ အချိန်ကြာမြင့်စွာ ကုန်ဆုံးသွားပြီး နောက်ဆုံး၌ ရောက်ရှိလာပြီ ဖြစ်သည်။ ပထမဆုံးရောက်ရှိလာသူများမှာ ဗဟိုအင်ပါယာဘုံမှ ဖြစ်လေသည်။ ကောင်းကင်အာဏာစက်ကျောင်းတော်မှ လူများက အာကာသခရီးသွားဝင်္ကပါကို ဖြတ်ကာ သတင်းသွားပို့ခဲ့ခြင်း ဖြစ်ပြီး သူတို့က အမြန်ဆုံး ရောက်ရှိသွားခဲ့သည်။

ဗဟိုအင်ပါယာဘုံမှ ထျန်းရှန်းကျောင်းတော်၊ သိုင်းနတ်ဘုရားကလန်နှင့် ကောင်းကင်မျှော်စင်ကျောင်းတော်တို့ ရောက်ရှိလာကြသည်။ ရှန်ကလန်က ဖျက်ဆီးခံလိုက်ရသော်လည်း နတ်ဘုရားမာန်ဟုန်ဘုံကျောင်းက တည်ရှိနေဆဲ ဖြစ်သည်။ သို့သော် နတ်ဘုရားမာန်ဟုန်ဘုံကျောင်းသည် အထက်ဘုံရှိ အင်အားစုများထံမှ အထောက်အပံ့ကို ရရှိထားသည့်အတွက် သူတို့က မလာခဲ့ပေ။ ၎င်းသည် အထက်ဘုံမှ အင်အားစုများ ဖြစ်သည့်အတွက်ကြောင့် မည်သည့်အခါမှ ခေါင်းကို ငုံ့ကာ တောင်းပန်လိမ့်မည် မဟုတ်ပေ။ ရီဖူရှင်းက နတ်ဘုရားမာန်ဟုန်ဘုံကျောင်းအား တိုက်ခိုက်ရန် သူ၏ မဟာမိတ်များကို ဦးဆောင်လာပါက သူတို့အားလုံးသည် ခေတ္တမျှ လက်လျှော့လိုက်ရန်သာ တတ်နိုင်ပေသည်။

ရှန်ကလန်က ပြိုကွဲသွားခဲ့ပြီ ဖြစ်သည်။

နန်ထျန်းနတ်ပြည်ထောင်၊ ယွမ်ယန်ကလန်နှင့် ရှောင်ကလန်ကဲ့သို့ အခြားအင်အားစု အနည်းငယ်က ကောင်းကင်အာဏာစက်ကျောင်းတော်၏ မဟာမိတ်များ ဖြစ်လာကြပြီး သူတို့သည် ကျောင်းတော်အတွင်း လက်ရှိ ရောက်ရှိနေပြီး ဖြစ်သည်။

"ကျုပ် ကျန်းအော့က ထျန်းရှန်းကျောင်းတော်ရဲ့ ကျင့်ကြံသူတွေကို ဦးဆောင်ပြီး စုဝေးပွဲကို တက်ရောက်လာပါတယ်။" အသံတစ်ခု ထွက်ပေါ်လာသည်။ ကောင်းကင်အာဏာစက်ကျောင်းတော်မှ ကျင့်ကြံသူများ၏ နှလုံးသားထဲတွင် အေးစက်သည့် အငွေ့အသက်တို့နှင့် မုန်တိုင်း ထန်လာပေသည်။ ကျန်းအော့က အမှန်တကယ်ပင် အလွန် အရှက်မဲ့သော ပုဂ္ဂိုလ်ဖြစ်သည်။ သူသည် ယခင်က ဖြစ်ပွားခဲ့သော အရာအားလုံးကို မေ့သွားပုံရလေသည်။

"ကောင်းကင်မျှော်စင်ကျောင်းတော်က ရောက်ရှိလာပါတယ်။"

"သိုင်းနတ်ဘုရားကလန်က ရောက်ရှိလာပါတယ်။" အမျိုးမျိုးသော အင်အားစုများမှ ပုဂ္ဂိုလ်များက ကျယ်လောင်စွာ ပြောလိုက်ကြသည်။ သူတို့၏ အသံများက လေဟာနယ်ကို ဖြတ်ကာ ပဲ့တင်ထပ်လာ၏။

"ကျေးဇူးပြုပြီး စောင့်ပေးပါ။"

ကျောင်းတော်အတွင်းမှ အသံတစ်ခုက မဟာခန်းမအထက်တွင် ပျံ့နှံ့လာသည်။ ၎င်းသည် ရီဖူရှင်း၏ အသံ ဖြစ်၏။ ထူထဲကာ ပြည့်ဝလှသည့် ထိုးဖောက်နိုင်သော စွမ်းအားများနှင့် ထိုအသံလှိုင်းက ကောင်းကင်အာဏာစက်ကျောင်းတော် အတွင်းနှင့် အပြင် ကောင်းကင်အာဏာစက်မြို့တစ်မြို့လုံးကို တုန်ယင်သွားစေသည်။

ထိပ်သီးပုဂ္ဂိုလ်များစွာ ရောက်ရှိလာသော်လည်း ရီဖူရှင်းက 'ကျေးဇူးပြုပြီး စောင့်ပေးပါ' ဟူသည့် စကားလုံးများကိုသာ ပြောလိုက်သည်။ သူက သူတို့ကို အပြင်ဘက်၌ စောင့်ဆိုင်းပါရန် ပြောခဲ့သည်။

ထိုထိပ်သီးအင်အားစုများ အားလုံးသည် ယခင်က မောက်မာကာ လွှမ်းမိုးနိုင်စွမ်းရှိခဲ့ကြသူများဖြစ်ကာ ရီဖူရှင်းသည်ပင် တစ်ချိန်က ထျန်းရှန်းကျောင်းတော်၌ ကျင့်ကြံခဲ့ဖူးသည်။ ဤအင်အားစုများသည် မည်သည့်အချိန်မှစကာ ရီဖူရှင်းကို သူတို့ မျက်လုံးထဲ ထည့်ခဲ့ကြသနည်း။ သို့သော် နှစ်အနည်းငယ်ကြာပြီးနောက် ဤနေရာ၌ မည်သို့ ဖြစ်လာသနည်း။

ရီဖူရှင်းသည် သူတို့ကို အပြင်ဘက်၌ စောင့်ဆိုင်းနေရန် ပြောခဲ့သည်။

ကျန်းအော့နှင့် အခြားထိပ်သီးပုဂ္ဂိုလ်များ၏ ခံစားချက်က ယခုအချိန်တွင် မည်သို့ ဖြစ်နေမည်နည်း။ သူတို့ကိုယ်တိုင်သာလျှင် သိပေလိမ့်မည်။

သို့သော် သူတို့သည် အမျက်ဒေါသ မထွက်ဝံ့ကြပေ။ သူတို့၏ အသက်များက ရီဖူရှင်း လက်ထဲ၌ ရှိနေခဲ့သည်။ သူတို့က မည်သို့သော သဘောထားမျိုး ထားရှိနိုင်ပါမည်နည်း။

သူတို့သည် သူတို့ မအောင်မြင်နိုင်သည်ကို သတိပြုမိသည့်အခါ သူတို့နှင့် ပူးပေါင်းထားသည့် အင်အားစုကို စွန့်လွှတ်လက်လျှော့ကာ ငြိမ်းချမ်းရေးအတွက် တောင်းပန်လာနိုင်ပေသည်။