မင်းက ဒီဓားနတ်ဘုရားလို အယောင်ဆောင်တယ်ပေါ့

"ဆရာ နေ့တိုင်း ကျွန်မကို လိမ်နေတာလား"

လီချင်းဟဲရဲ့ မျက်လုံးများ နီမြန်းလာပြီး လေတစ်ချက် သူ ရှူရှိုက်လိုက်သည်။ ချင်းယန်၏ ဂရုမစိုက်သော အမူအရာကို မြင်လိုက်ရတော့ သူမ ပို၍ပင် ဒေါသထွက်လာသည်။

ချင်းမျိုးရိုးကောင်က ဒါကို ရည်ရွယ်ချက်ရှိရှိ လုပ်ခဲ့တာ သေချာတယ်။

"ဒါကို ဘယ်လိုရှင်းပြမှာလဲ..!"

လီချင်းဟဲ ကုလားထိုင်တစ်လုံးကို ဆွဲထုတ်လိုက်ပြီး ဒေါသတကြီးဖြင့် စားပွဲတစ်ဖက်တွင် ဝင်ထိုင်လိုက်သည်။

"ကံကောင်းလို့ စောစောစီးစီး သိလိုက်ရတာ... မဟုတ်ရင် ရှင် ကျွန်မကို အမှောင်ထဲမှာပဲ ထားခဲ့မှာ..."

"ဓားနတ်ဘုရားက ကျန်းဟိုင်မှာ ရှိတယ်ဆိုတဲ့ သတင်းကို မင်းဘယ်ကရခဲ့တာလဲ"

ချင်းယန် ရှောင်ပိုင်ကို ချလိုက်ပြီး မျက်ခုံးကို ပွတ်ကာ သက်ပြင်းချလိုက်၏။

"မင်းရဲ့ အချက်အလက် ဘယ်ကရလာတာလဲ"

"အင်တာနက်ပေါ်မှာ..."

လီချင်းဟဲ ဒေါသထွက်ကာ ပေါက်ကွဲတော့မည်ဖြစ်သော်လည်း ချင်းယန်၏ အမူအရာ ပြောင်းလဲသွားကာ ထိတ်လန့်တကြား လေးနက်လာသည်ကို သူမ မြင်လိုက်ရသောအခါ ချက်ချင်း နောက်ဆုတ်သွားခဲ့သည်။

နောက်ဆုံးတော့ သူမသည် အနာဂတ်တွင် သူမ၏ ဆရာသခင်ကို ရှာဖွေရန် ထိုသူ့ကိုအားကိုးရပေမည်။

ဒီကံဆိုးမှုကို သူမ လုံးဝ ခွင့်မပြုနိုင်ပါ။

လီချင်းဟဲ သူ့ဖုန်းကို မဝံ့မရဲဖွင့်ပြီး လွှဲပေးလိုက်ကာ :"ကိုယ့်ဘာသာ ရှာကြည့်ပါ အွန်လိုင်းမှာ သတင်းတွေ ပျံ့နေပြီ....."

သူမဆီက ဖုန်းကို ယူလိုက်သည်။

ချင်းယန် စားပွဲပေါ်တင်လိုက်ပြီး လင့်ခ်ကို နှိပ်လိုက်သည်။ သိသိသာသာ ခေါင်းစဉ်တပ်ထားသော ခေတ္တရပ်ထားသည့် ဗီဒီယိုအတိုလေးကို သူချက်ချင်း မြင်လိုက်ရသည်။

[ရှော့! ဓားနတ်ဘုရား ဓားတောင်ကြားမှာ တစ်ဖန်ပေါ်လာပြီ]

အဆိုပါဗီဒီယိုကို နံနက် ၆း၀၀ နာရီတွင် လွှင့်တင်ခဲ့ပြီး အကောင့်သည် အတုအယောင်ဖြစ်ပြီး မှတ်ပုံတင်ထားခြင်းမရှိဘဲ ဖန်တီးထားပုံရသည်။

“….”

ချင်းယန် မျက်မှောင်ကြုတ်ကာ ဗီဒီယိုကိုဖွင့်ရန် သူ့လက်ချောင်းကို ပွတ်ဆွဲလိုက်သည်။ တိုးတက်မှုဘားကို ဖြည်းညှင်းစွာ အောက်သို့ ရွှေ့ကြည့်ရာ ဖုန်း မျက်နှာပြင်ပေါ်မှာ ဓားတောင်ကြားသည် တောင်ထွတ်များနှင့် တောင်တန်းများဖြင့် ဖုံးလွှမ်းနေ၏။

လေက တဟုန်ထိုး တုန်ခါသွားသည်။ အနက်ရောင် ၀တ်စုံဝတ်ထားသည့် လူသည် အထိန်းအကွပ်မဲ့ ကောင်းကင်ထက်မှ ပျံတက်သွားပြီး သူ့အရင်က ကိုယ်ပွားနှင့် ထပ်တူကျလုနီးပါးပင်။ ဓာတ်ပုံဆရာက တောအုပ်ထဲမှာနေပြီး အပေါ်က အရိပ်ကို လှမ်းရိုက်နေစဥ် လေတိုက်နေသဖြင့် သူ့လက်များပင် တုန်ခါသွားသည်။

ချင်းယန် တိုးတက်မှုကို စက္ကန့်အနည်းငယ်ကြာ စောင့်ကြည့်ပြီးနောက် နောက်ထပ်ကြည့်ရန် မလိုအပ်တော့ဟု ခံစားခဲ့ရသည်။

ဒါဟာ အတုအပ ဆိုတာ သေချာတာမို့ အဲဒါနဲ့ ပတ်သက်ပြီးတော့ မေးစရာမရှိပါ။

အဲ့ကောင်က ဓားနတ်ဘုရားဖြစ်ရင်...

ဒါဆို ငါက ဘယ်သူလဲ။

'ငါက နှစ်ထပ်ကောင်လား?!... အခုအွန်လိုင်းမှာ တင်နေတာက လူထုအမြင်ကို ဆွဲထုတ်ဖို့ ကြိုးစားနေတာလား'

ဗီဒီယိုအောက်က မှတ်ချက်တွေကို လှန်ကြည့်ရင်း ချင်းယန်ရဲ့ အတွေးတွေက ခုန်ပေါက်သွားတော့သည်။ ထင်ထားသည့်အတိုင်း ကျန်းဟိုင်မြို့က လူထုအမြင် ပေါက်ကွဲခဲ့သည်။ ဗီဒီယိုကိုမြင်သူတိုင်း ရုတ်ရုတ်သဲသဲ ဖြစ်ခဲ့ကြပြီး မှတ်ချက်များ တိုးလာခဲ့သည်။

[ဒီမှာ သူလာပြီ! သခင်ဓားနတ်ဘုရား နောက်ဆုံးတော့ ပြန်လာပြီ!!]

[ကျွန်​​တော်​က ကျွန်​​တော့်​မိန်းမကို ​သေချာ​ပေါက်​ ပြန်​လာမှာပါလို့ ပြောနေသေးတယ်... ကျန်းဟိုင် ဒီလောက် ကမောက်ကမ ဖြစ်နေတာ... သူ အမိန့်ပေးဖို့ လုံးဝ လိုအပ်နေတာ]

[အခု ဓားတောင်ကြားကို ရောက်သွားတဲ့သူတွေ သူ့ကို တွေ့သေးလား]

[လူတိုင်း သတိနဲ့ ပိုင်းခြားသိမြင်ကြပါ...ဒီဗီဒီယိုက မှုန်ဝါးနေတာ အစစ်လား အတုလား မသိဘူး ကောလဟာလတွေ မဖြန့်ပါနဲ့။]

[ဒါက အမှန်ပဲ! ဒီမနက် ဓားတောင်ကြားမှာ လမ်းလျှောက်ရင်း တွေ့ခဲ့တာ ဖမ်းမမိလိုက်ဘူး။ အချိန်စောနေသေးတယ်လေ... အဲ့အချိန် လူအများစုက အိပ်ပျော်နေပြီး ဒေတာအသုံးပြုမှုနည်းနေသေးတာ... ဒီဗီဒီယိုကလည်း ခေတ်စားနေတဲ့ ရှာဖွေမှုစာရင်းထဲမှာ နံပါတ်ကိုးမှာပဲ ရှိတယ်"]

လူတိုင်း ဖုန်းဖွင့်ပြီး သတင်းကိုမြင်သည်နှင့် ဤဗီဒီယိုသည် ဇယားထိပ်သို့ ရောက်ရှိသွားဖွယ်ရှိသည်ဟု ချင်းယန် ခန့်မှန်းမိပါသည်။ ၎င်းက လူထုအမြင်ကို အထွတ်အထိပ်ရောက်အောင် ချက်ချင်း တွန်းပို့လိမ့်မည်။

"ဒါဆို လူထုအမြင်ကို မီးထိုးဖို့ ငါ့လို အယောင်ဆောင်နေကြတာလား"

ချင်းယန် စောစောက စကားပြောခဲ့သည့် နတ်ဆိုးနှစ်ပါးကို သတိရကာ အနည်းငယ် မျက်မှောင်ကြုတ်လိုက်သည်။

ဒါဆို ဒါက သူတို့ရဲ့ အစီအစဉ်လား။

ဓားနတ်ဘုရားကို အယောင်ဆောင်ကာ လူထုအမြင်ဖြင့် ဖိအားများပေးကာ သူ့ကို ထွက်လာခိုင်းမလို့လား?

ဒါပဲလား?

ဒါကို စဉ်းစားရင်း ချင်းယန် ငြိမ်သက်သွားသည်။

အွန်လိုင်းတိုက်ခိုက်မှုများသည် သူ့အတွက် ရွေ့လျားနေသော တိမ်တိုက်မှလွဲ၍ ဘာမျှမဟုတ်ပေ။ ကြည်လင်သော သြတ္တပ္ပစိတ်ဖြင့် သူသည် အခြားသူ​တွေ ဘာပြောပြော မစိုးရိမ်ပါ။

အခု သူတကယ် ဂရုစိုက်ခဲ့တာက ဒီနတ်ဆိုးတွေ ဘာဆက်လုပ်မလဲ။ သူဘာဆက်လုပ်နိုင်မလဲ ဆိုတာပင်။

“သူတို့က ငါ့ကို ဆွဲဆောင်ဖို့ လူထုရဲ့ သဘောထားကို အားကိုးနေတယ်ပေါ့ ကလေးဆန်လိုက်တာ”

ချင်းယန် ဂရုမစိုက်ဘူး။

သူသည် နောက်ဆုံးအကြိမ်က မြက်ခင်းပြင်ဓားသူတော်စင်ကို လေးငါးရက်ကြာ တစ်ယောက်တည်း ထားခဲ့နိုင်ခဲ့သောကြောင့် ယခုတစ်ကြိမ်မှာလည်း အလားတူပင်။ အားလုံးက သူတို့ရဲ့ စိတ်ဓာတ်နဲ့ ပတ်သက်သည်။

"ဟမ်...ဆရာ?"

လီချင်းဟဲသည် ချင်းယန် ဗီဒီယိုကို အဆုံးထိကြည့်နေတာကို တွေ့တော့ သူ့ဖုန်းကို လှမ်းယူပြီး သတိကြီးကြီးနဲ့ မေးလိုက်သည်။

"ဆရာဘိုးဘိုးကို ဘယ်တော့တွေ့ရမှာလဲ"

သူမ မကျေနပ်ချက်ဖြင့် နှုတ်ခမ်းစူကာ :"ဒီတစ်ခါ ကျွန်မကို လိမ်လို့မရဘူး... ဆရာ ကျွန်မကို ကတိပေးထားတယ်လေ..."

နေ့တိုင်းလိုလို လှည့်စားခံနေရတာကို ဘယ်သူက ခံနိုင်မှာလဲ။ ဒီအတိုင်းဆက်သွားရင် ဒီဂိုဏ်းမှာ တပည့်တစ်ယောက်အနေနဲ့ သူမရာထူး ဒီအတိုင်း ပြီးသွားမှာကို ကြောက်မိ၏။

"ခဏစောင့်... အချိန်က မရောက်သေးဘူး... အခွင့်အရေး ရလာတဲ့အခါ ဆရာဘိုးဘိုးနဲ့တွေ့ဖို့ ငါ သဘာဝကျကျ စီစဉ်ပေးပါ့မယ်"

"အိုး..."

လီချင်းဟဲ ပို၍ပင် ဝမ်းနည်းလာသည်။ တစ်ခုခုပြောရန် ပါးစပ်ကိုဖွင့်လိုက်သော်လည်း ခဏတာ တုံ့ဆိုင်းသွားပြီးနောက် တိတ်တဆိတ်ထရပ်ကာ စာကြည့်တိုက်၏ အပြင်ဘက်သို့ ထွက်သွားသည်။

သူထွက်သွားပြီး သိပ်မကြာခင်မှာပဲ ချင်းယန် အိတ်ကပ်ထဲမှ စူးရှသော ဖုန်းမြည်သံ ထွက်ပေါ်လာသည်။ သူ့ဖုန်းကို ဆွဲထုတ်လိုက်တော့ လီကျစ်ရွှမ်း ဖြစ်နေ၏။

"ဆရာတူအစ်ကို... ဒီမနက် သတင်းတွေ့​ပြီး​ပြီလား ဆရာ ပြန်လာပြီလား။"

လီကျစ်ရွှမ်းက ထိုစကားကိုသာ တိုက်ရိုက်ပြောခဲ့ပြီး သူမ၏လေသံမှာ အရေးတကြီး ဖြစ်နေပုံပင်။

"..."

ထိုစကားကိုကြားပြီးနောက် ခဏရပ်လိုက်သည်။ သူပြန်ဖြေဖို့ အလျင်စလိုမလုပ်ဘဲ ဘယ်လိုတုံ့ပြန်ရမလဲဆိုတာ တွေးနေမယ့်အစား... အဲဒါက အတုဖြစ်တယ်လို့ သူမကို တိုက်ရိုက်ပြောသင့်သလား ဒါမှမဟုတ် သူမကို အရင်နှစ်သိမ့်ဖို့ ကာဗာဇာတ်လမ်းတစ်ခု ကမ်းလှမ်းတာမျိုး လုပ်သင့်လား စဥ်းစားနေ၏။

ထိုအခိုက် ဖုန်းထဲမှ လီကျစ်ရွှမ်းက ထပ်ပြောလာသည် ။

"အစ်ကို ရဲတွေက ဓားတောင်ကြားကို ရောက်နေပြီ"

"အိုး သူတို့အားလုံးက ဓားနတ်ဘုရားကို နှုတ်ဆက်ကြမလို့တဲ့လား"

ချင်းယန် ဗီဒီယို၏ မှုန်ဝါးဝါးထောင့်ကို ပြန်သတိရပြီး အတည်ပြုမည်ဟု မှန်းဆလိုက်သည်။

နောက်ဆုံးတော့ ဒီလိုအရေးကြီးတဲ့ အခိုက်အတန့်မှာ ကျန်းဟိုင်မြို့တော်ရှိ လူတိုင်းက အန္တရာယ်ရှိ​နေသည်။ ဓားနတ်ဘုရား အကြောင်း ဖော်ပြခြင်းက လူအများ၏နှလုံးကို တုန်လှုပ်စေသော ဗုံးခွံတစ်ခုနှင့်တူသည်။

ချင်းယန် ဖုန်းကို ပုခုံးပေါ်တင်လိုက်ပြီး ကြက်ဥတစ်လုံးကို အခွံခွာလိုက်သည်။

"သူတို့အပြင် ဘယ်သူရှိလဲ"

"ပြီးတော့ အကြီးအကဲလီနဲ့ စာကြည့်တိုက်ပိုင်ရှင်ရောပဲ... သူတို့ ချက်ချင်း ပြေးသွားကြတာ... လူတစ်စုက အခု ဓားတောင်ကြားအပြင်ဘက်မှာ စုဝေးနေကြတော့ ကျန်းဟိုင် ခေါင်းဆောင်မှု တစ်ခုလုံးက တုန်လှုပ်ခြောက်ခြားနေကြပြီ!"

"ဆရာတူအစ်ကို အခု ဆရာ ဘယ်မှာလဲ သူ့ကို ညီမလည်း တွေ့ချင်သေးတယ်..."

"အလျင်စလိုမလုပ်ပါနဲ့ ဆရာတူညီမလေး သူ့မှာ လုပ်စရာတွေရှိတယ်"

ချင်းယန် သူ့ကြက်ဥပြုတ်ကို စားပြီး :"အွန်လိုင်းမှာ ကောလဟာလတွေ အရမ်းများနေတယ်... ဆရာတူအစ်ကို့​ကိုပဲ ယုံပါ"

"ကောင်းပြီ ညီမလေး နားလည်ပါပြီ!"

လီကျစ်ရွှမ်း၏ ပျော့ပျောင်းသော အသံသည် တစ်ဖက်စွန်းမှ ဆင်းသက်လာသည်။

"ဆရာတူအစ်ကိုကလွဲလို တခြား ဘယ်သူ့ကိုမှ အခြားမည်သူ့ကိုမှ လုံး၀ ယုံမှာ မဟုတ်ဘူး"

"ကောင်းပြီ ခဏစောင့်... သတင်းရရင် အကြောင်းကြားမယ်"

"ဒါဆို ညီမလေး အတန်းအရင်သွားတက်​တော့မယ်..."

ချင်းယန် သူ့ဖုန်းကိုချပြီး မနက်စာစားပြီး အွန်လိုင်းသတင်းကို လှန်ကြည့်လိုက်သည်။ မိနစ်အနည်းငယ် အတွင်း မျှော်လင့်ထားသည့်အတိုင်း တစ်စုံတစ်ယောက်သည် မတူညီသောရှုထောင့်မှ ဗီဒီယိုများကို တစ်ခုပြီးတစ်ခု လွှင့်တင်ခြင်းဖြင့် ဆောင်​နေခဲ့သည်။ #ကျန်းဟိုင်ဓားနတ်ဘုရား# ဟူသော # သည် အွန်လိုင်းတွင် ပဉ္စမနေရာသို့ ရောက်ရှိသွားကာ ပြစ်တင်ရှုံ့ချမှုလှိုင်းများ ထပ်မံ ပေါ်ပေါက်လာခဲ့သည်။

"မင်းက ငါ့ကို ဆိုက်ဘာနဲ့ အနိုင်ကျင့်ရတာ ကြိုက်တယ်ပေါ့ ဟုတ်လား"

စာကြည့်တိုက်၏ လေဟာပြင်ဧရိယာတွင်တော့ ချင်းယန် အွန်လိုင်းအပ်ဒိတ်များကို ကြည့်ရင်း သူ့မျက်လုံးထဲတွင် အေးစက်သွားသည်။

အဲဒီအရှင်က ဘယ်သူလဲ သူ တွေ့ချင်လာပြီ