မူလဘုံကို ပြန်လည်ဖွဲ့စည်းခြင်း

Vol. 160 Ch. 2268

ရီဖူရှင်းက ခေါင်းကို ငုံ့ကာ စူးရှသည့် မျက်လုံးများဖြင့် မြေပြင်သို့ ကြည့်လိုက်သည်။ ဘုံကိုးဘုံမှ အင်အားစုများ၏ အကြိမ်ကြိမ် ဝန်းရံခံခဲ့ရအြီး ယနေ့ထိတိုင်အောင် အသက်ရှင်နေရန်မှာ သူ့အတွက် မလွယ်ကူလှပေ။ သူက အလွန် ကံကောင်းသည်ဟု ဆုံးဖြတ်နိုင်သည်။

သူတို့ တောင်းပန်ရုံမျှလောက်နှင့် ဤကိစ္စက အဆုံးသတ်သွားလိမ့်မည် မဟုတ်ပေ။ သူက သူတို့အား အလွယ်တကူ လွှတ်ပေးလိမ့်မည်ဟု ထင်နေသည်လား။

သူသည် အစွမ်းထက်ပုဂ္ဂိုလ်များကို ကြည့်ကာ ကျယ်လောင်စွာ ပြောလိုက်သည်။ "ခင်ဗျားတို့က အကြိမ်ပေါင်းများစွာ ကျုပ်ကို သတ်ဖို့နဲ့ ကောင်းကင်အာဏာစက်ကျောင်းတော်ကို ဖျက်ဆီးဖို့ ကြိုးစားခဲ့တယ်။ ကျုပ်တို့ကြားမှာ ရှိတဲ့ ရန်ငြိုးက သေခြင်းရှင်ခြင်းနဲ့ သက်ဆိုင်ပြီး နှစ်ဖက်တည်းကနေ တစ်ဖက်တည်း ကျန်မှသာ ပြေငြိမ်းနိုင်မယ့် ရန်ငြိုးမျိုးပဲ။ အခု ခင်ဗျားတို့က တောင်းပန်မှုတစ်ခုတည်းနဲ့ ဒီရန်ငြိုးကို ဖြေရှင်းဖို့ ဆန္ဒရှိနေတာလား။ ဒါကို ဖြစ်နိုင်မယ်လို့ ထင်လား။"

တုန်ခါသံက လေဟာနယ်အတွင်း ပဲ့တင်ထပ်လာသည်။ ကောင်းကင်အာဏာစက်ကျောင်းတော် အတွင်းအပြင်မှ လူအများ၏ နှလုံးသားထဲတွင် အကြောက်တရားကို ခံစားလိုက်မိကြပေသည်။

လူတိုင်းသည် ၎င်းက သေချာပေါက် မဖြစ်နိုင်သည်ကို နားလည်ထားကြသည်။ ဘုံကိုးဘုံမှ လူတိုင်းသည် ထိုရန်ငြိုးကို သတိမပြုမိရန်မှာ မဖြစ်နိုင်ပေ။ ရီဖူရှင်းသည် သူ၏ မဟာမိတ်အင်အားစုများထံမှ ထောက်ပံ့မှုနှင့် သူ၏ ပင်ကို ကံကောင်းမှုသာ မရှိခဲ့လျှင် အချိန်ကြာမြင့်စွာကတည်းက သေဆုံးသွားရပေလိမ့်မည်။ ၎င်းသည် အကြိမ်ပေါင်းများစွာ ကျူးကျော်တိုက်ခိုက်ခံခဲ့ရသည့် ကောင်းကင်အာဏာစက်ကျောင်းတော်အတွက်လည်း အတူတူပင် ဖြစ်သည်။

နတ်နန်းတော်သည် ယခင်က စစ်ပွဲကြောင့် ပြိုကွဲသွားခဲ့ရသည်။ သူတို့၏ အဓိကရန်သူများမှာ ရှန်ကလန်နှင့် ရွှေရောင်နတ်ပြည်ထောင်ဖြစ်သော်လည်း အခြားအင်အားစုများက တိုက်ပွဲတွင် ပါဝင်ခဲ့ကြသည်။ ထိုပြဿနာကို ဖြေရှင်းရန်အတွက် ကြီးမားသည့် တန်ဖိုးကို ပေးဆပ်ရမည်မှာ သဘာဝပင် ဖြစ်သည်။

ရီဖူရှင်းက ဤတစ်ကြိမ်သူတို့ကို ဆင့်ခေါ်ခဲ့သည်မှာ သူ၏ စိတ်ထဲတွင် အကြံဉာဏ်ရှိနေပြီးသား ဖြစ်နိုင်သည်။

"အခုချိန်မှာ မူလဘုံက ရှုပ်ထွေးနေပြီး မဟာလမ်းစဥ် ဘုံသုံးထောင်မှာ ရှိတဲ့ ကျင့်ကြံသူတွေက ကြီးမားတဲ့ ကပ်ဘေးနဲ့ ရင်ဆိုင်နေရတယ်။ ကျုပ်တို့က ပြည်တွင်းစစ် မဖန်တီးသင့်ဘူး။ အရင်တုန်းက အဖြစ်အပျက်တွေက ကျုပ်တို့ရဲ့ အမှားဖြစ်ပြီး ဒီ အမုန်းတရားကို လွယ်လွယ်နဲ့ ဖြေရှင်းလို့ မရနိုင်ဘူးဆိုတာ ကျုပ်တို့ သိတယ်။ မင်းမှာ တောင်းဆိုစရာတစ်ခုခု ရှိရင် ကျုပ်တို့ကို ပြောလို့ရပါတယ်။ ကျုပ်တို့ တတ်နိုင်တဲ့ အတိုင်းအတာအတွင်းမှာ ရှိသရွေ့ ရအောင် လုပ်ပေးမယ်လို့ အာမခံပါတယ်။" ကျန်းအော့က ပြောလိုက်သည်။

ရီဖူရှင်းက ကျန်းအော့ကို အထင်အမြင်သေးစွာ ပြောလိုက်သည်။ ကျန်းအော့သည် ထျန်းရှန်းကျောင်းတော်၏ ကျောင်းအုပ်ဖြစ်သည်။ မူလဘုံတစ်ခွင်လုံးတွင် သူက အထွတ်အထိပ်တွင် ရပ်တည်နိုင်သည့် ပုဂ္ဂိုလ်အနည်းငယ်မှ တစ်ယောက်ဖြစ်သည်ဟု ဆုံးဖြတ်နိုင်သည်။ ဤသို့ပြုလုပ်ရန်မှာ သူ့အတွက် အလွန် နှိမ့်ချထားသော လှုပ်ရှားမှု ဖြစ်သည်။ သို့သော် ရီဖူရှင်းသည် ကျန်းအော့က ဟန်ဆောင်ပြုမူနေသည်ကို သိရှိပေသည်။

အစပိုင်းတွင် သူနှင့် ကျန်းအော့ကြား၌ မည်သည့်ရန်ငြိုးမှ မရှိပေ။ အမှန်မှာ ရီဖူရှင်းက သူ့အပေါ်ပင် တစ်စုံတစ်ခု အကြွေးတင်နေခဲ့သေး၏။ အဆုံးမှာတော့ သူသည် ထျန်းရှန်းကျောင်းတော်တွင် အချိန်တချို့ ကျင့်ကြံခဲ့ဖူးသည်။ ကျန်းအော့က တရားမျှတမှုအမည်ခံပြီး တိုက်ပွဲ၌ ပါဝင်လာသည့်အခါ ခန့်မှန်း၍ မရနိုင်သော နက်ရှိုင်းသည့် လူ့စိတ်ကို မြင်တွေ့ခဲ့ရသည်။

နှိုင်းယှဥ်ရလျှင် ကျန်းအော့၏ မျိုးဆက် ကျန်းချင်းကျူက လုံးဝ မတူကွဲပြားသော စရိုက်လက္ခဏာကို ပိုင်ဆိုင်ထားသည်။

"ဒါဆိုကောင်းပြီလေ။" ရီဖူရှင်းက တွန့်ဆုတ်နေခြင်း မရှိပေ။ ချက်ချင်းပင် သူက ခေါင်းညိတ်ကာ အကြံပြုချက်အား သဘောတူလိုက်သည်။ ကျန်းအော့က ထူးဆန်းသော အမူအရာဖြစ်လာသော်လည်း လျင်မြန်စွာ ပုံမှန် ပြန်ဖြစ်သွားခဲ့သည်။ သူက ရီဖူရှင်းတွင် သူတို့ကို မည်သို့ ရင်ဆိုင်ရန် နည်းလမ်းနှင့် အကြံဉာဏ်တစ်ခုခု ရှိနေသည်ဟု ခန့်မှန်းမိပြီး ဖြစ်သည်။

သူက မူလဘုံမှ အင်အားစုများ စုစည်းရသည့် အကြောင်းပြချက် မှာ သူ၏ ဆုံးဖြတ်ချက်ကို ကြေညာရန်နှင့် ငြင်းဆန်သည့် မည်သူမဆို နေရာ၌ပင် သတ်ပစ်နိုင်ပေသည်။

"ကျောင်းအုပ်ကျန်း ပြောသလိုပဲ လောကကြီးက အခု ရှုပ်ထွေးနေတယ်။ ပြင်ပဘုံက အင်အားစုအမျိုးမျိုး ရောက်လာတာက ဘုံကိုးဘုံနဲ့ မဟာလမ်းစဥ် ဘုံသုံးထောင်ရဲ့ လုံခြုံရေးကို ခြိမ်းခြောက်နေခဲ့တယ်။ ကျုပ်တို့ မူလဘုံက ကျင့်ကြံသူတွေအနေနဲ့ ဒီကပ်ဘေးကို ဖယ်ရှားဖို့ ပူးပေါင်းသင့်တယ်။ မဟုတ်ရင် အနာဂတ်မှာ ဘာဖြစ်လာမလဲ တွေးတောင် မတွေးရဲဘူး။" ရီဖူရှင်းက ဆက်ပြောလိုက်သည်။ "ကျောင်းအုပ်ကျန်း ခင်ဗျားရဲ့ မှန်ကန်တဲ့ ခံစားမှုက ထူးခြားတာပဲ။ ဒီလိုဆိုမှတော့ ကျုပ် တည့်ပဲ ပြောတော့မယ်။ ကောင်းကင်အာဏာစက်ကျောင်းတော်ရဲ့ အမည်နဲ့ ကျုပ် ဘုံကိုးဘုံက အင်အားစုတွေကို ခေါ်ခဲ့တာ။ ကျုပ်တို့ အတူတူ ပူးပေါင်းပြီး ပြင်ပဘုံက ကျူးကျော်မှုနဲ့ ဒီပရမ်းပတာကာလကြီးကို အဆုံးသတ်ရမယ်။"

ထိုကျယ်ပြောသော လေဟာနယ်အတွင်းမှ ထိပ်သီးပုဂ္ဂိုလ်ကြီးများသည် ရီဖူရှင်း၏ စကားများကို ကြားသောအခါ သူတို့ နှလုံးသားများက တုန်ယင်လာကြသည်။ သူတို့က ရီဖူရှင်း၏ အတွေးများကို နားလည်လာပေသည်။ အများစုက ကြိုတင်ခန့်မှန်းပြီးသား ဖြစ်သည်။

ရီဖူရှင်းက မူလဘုံကို အင်အားစုတစ်ခုတည်းအဖြစ် စုစည်းချင်နေပုံရသည်။

ထို့ပြင် လက်ရှိအခြေအနေများပေါ် မူတည်လျှင် အင်အားစုအားလုံးက စုစည်းကာ ကောင်းကင်အာဏာစက်ကျောင်းတော်က အားလုံး၏ အကြွင်းမဲ့ အုပ်စိုးသူ ဖြစ်သင့်ပေသည်။ ထိပ်သီးပုဂ္ဂိုလ်ကြီးများက သူ၏ အာဏာအောက်၌ ကျရောက်သွားကြရလိမ့်မည် ဖြစ်သည်။

လူအများက တီးတိုးပြောဆိုနေကြသည်။ ရီဖူရှင်းက လူအုပ်ကြီးကို ကြည့်နေခဲ့သည်။ ဘေးတွင် ရှိနေသည့် လူများအားလုံးက ထိပ်သီးပုဂ္ဂိုလ်များ ဖြစ်သည်။ သူ့နောက်တွင် စီဝေ့အင်ပါယာနန်းတော်၏ ထိပ်သီးပုဂ္ဂိုလ်များ ရှိနေခဲ့သည်။ ယခု ရီဖူရှင်းအနီးမှ အင်အားက မူလဘုံတစ်ခွင်ကို လွှမ်းမိုးရန် လုံလောက်နေခဲ့ပြီ ဖြစ်သည်။

ထိုသို့သော အခြေအနေအောက်တွင် မည်သူက သူ့ကို ဆန့်ကျင်ရန် ရဲဝံ့လိမ့်မည်နည်း။ ထို့ပြင် ထိုအင်အားစုများသည် အတိတ်က သူ့ကို အသက်ကြွေးတင်နေခဲ့ပြီး ဖြစ်သည်။ သူတို့က မနာခံခဲ့လျှင် သူက သူတို့ကို သတ်ပစ်လိမ့်မည်လား မည်သူမှ ပြောနိုင်လိမ့်မည် မဟုတ်ပေ။

ရီဖူရှင်းက ဆက်ပြောလိုက်သည်။ "ဒီနေ့ကစပြီး ကောင်းကင်အာဏာစက်ကျောင်းတော်ကို ဗဟိုပြုပြီး ဘုံကိုးဘုံက ကြီးမားတဲ့ မဟာမိတ်အဖြစ်နဲ့ စုစည်းသွားလိမ့်မယ်။ တောင်တန်းဘုံက ထျန်းရှန်းဘုံကျောင်းရဲ့ ထိန်းချုပ်မှုအောက်မှာ ရှိလိမ့်မယ်။ တောင်တန်းဘုံက အင်အားစုတွေက ထျန်းရှန်းဘုံကျောင်းကို ခေါင်းဆောင်အဖြစ် သတ်မှတ်ရမယ်။"

ယခင်က ရီဖူရှင်းသည် တောင်တန်းဘုံမှ ထျန်းရှန်းဘုံကျောင်းဆရာတော် ပုတောက်၏ အမြင်ကို မေးမြန်းခဲ့ပြီး ဆရာတော်က သူ့ကို ထောက်ခံသည့် ဆန္ဒကို ဖော်ပြခဲ့သည်။ ထို့ကြောင့် ရီဖူရှင်းက စိတ်သက်သက်သာသာနှင့် အရာအားလုံးကို လုပ်ဆောင်နိုင်ပေသည်။ မူလဘုံက အတူတကွ စုစည်းသွားသည်နှင့် ကြောက်စရာကောင်းသော အင်အားစုတစ်ခု ဖြစ်လာပေလိမ့်မည်။ သူတို့သည် ယခင်က ရန်သူများ၏ အသက်ကို ချမ်းသာပေးခဲ့သော်လည်း ကောင်းကင်အာဏာစက်ကျောင်းတော်၏ ထိန်းချုပ်မှုအောက်တွင် ရှိနေကာ အမိန့်များကို နာခံကြရမည် ဖြစ်သည်။ မဟုတ်လျှင် သူတို့ကို အသက်ရှင်လျက် ထားရန် သူ့အတွက် မည်သည့်အသုံးဝင်မှု ရှိပါမည်နည်း။ အနာဂတ် ရန်သူများအဖြစ် မွေးမြူထားရန်လား။

"ဒုတိယအနေနဲ့ နတ်နန်းတော်ကို အထက်ကောင်းကင်ဘုံရဲ့ လမ်းစဥ်ပင်လယ်မှာ ပြန်ပြီး တည်ဆောက်မယ်။ အထက်ကောင်းကင်ဘုံရဲ့ အစွမ်းထက်ဆုံး အင်အားစုကို ပြန်လည်ဖွဲ့စည်းပြီး အင်အားစုအားလုံးက နတ်နန်းတော်ရဲ့ အမိန့်ကို နာခံကြရမယ်။" ရီဖူရှင်းက ဆက်ပြောလိုက်သည်။ ဘုံတိုင်းအတွက် ထိုနေရာမှ အင်အားစုများကို ထိန်းချုပ်ရန် သူနှင့် အနီးကပ်ဆုံး မဟာမိတ်များကို တာဝန်ပေးမည် ဖြစ်သည်။

ယခုတွင် ဘုံကိုးဘုံက တစ်ဝက်မျှသာ ကျန်ရစ်ပေသည်။ လျှို့ဝှက်နယ်မြေဘုံ၊ စီဝေ့ဘုံနှင့် သဏ္ဌာန်မဲ့ဘုံတို့က ဖျက်ဆီးခံခဲ့ရကာ သူရိန်ဘုံက နေမင်းနတ်တောင်တန်း၏ ထိန်းချုပ်ထားခြင်းကို ခံရပေသည်။

အမှန်တွင် ဘုံကိုးဘုံက ယခင်ကကဲ့သို့ မဟုတ်တော့ပေ။

"အသင်္ချေဘုံလည်း အတူတူပဲ။ ကောင်းကင်အာဏာစက်ဘုံက အင်အားစုအသစ်တစ်ခု တည်ဆောက်ဖို့ ကျုပ်တို့ လူတွေ ပို့ပေးလိုက်မယ်။ အသင်္ချေဘုံက အင်အားစုတွေ အားလုံး ကျုပ်တို့ရဲ့ တိုက်ရိုက်အုပ်ချုပ်မှုအောက်မှာ ရှိပြီး ကျုပ်တို့ ထုတ်ပြန်တဲ့ အမိန့်တွေကို လိုက်နာရမယ်။"

ယခု စီဝေ့ဘုံက ဖျက်ဆီးခံလိုက်ရပြီး သောမျိုးနွယ်စုက အသင်္ချေဘုံ၌ ပြန်လည်အခြေချနိုင်ပေသည်။ ထို့ပြင် ဆေးအင်ပါယာ၏ ပြန့်ကျဲသွားသော အင်အားစုကဲ့သို့သော အင်အားစုအချို့ကို အသင်္ချေဘုံရှိ အခြားအင်အားစုများအား ထိန်းချုပ်ရန် ကူညီပေးစေ၍ ရသည်။

ဆေးအင်ပါယာနှင့် လီချန်ရှန်းက မူလဘုံသို့ ရောက်ရှိလာသောအခါ သူတို့သည် မူလဘုံ၌ အချိန်တချို့ နေထိုင်၍ ကျင့်ကြံရန် စီစဥ်ထားကြောင်း ပြောခဲ့သည်။ အနာဂတ်၌ ကိစ္စများက ပြောင်းလဲသွားသည့်အခါ သူတို့က လက်စားချေရန် တုန်းဟွာနယ်မြေသို့ ပြန်မည် ဖြစ်သည်။

"နောက်ဆုံးအနေနဲ့ ဗဟိုအင်ပါယာဘုံမှာရှိတဲ့ အင်အားစုတွေကို အပြည့်အဝ ပြန်လည် ဖွဲ့စည်းသွားမယ်။ ကျန်းအော့က ထျန်းရှန်းကျောင်းတော်ရဲ့ ကျောင်းအုပ်ဖြစ်တော့မှာမဟုတ်ဘူး။ နန်ထျန်းနတ်ပြည်ထောင်ရဲ့ အင်ပါယာနန်က ထျန်းရှန်းကျောင်းတော်ကို ဝင်ရောက်ပြီး ကျောင်းအုပ်ကြီးရာထူးကို ယူလိမ့်မယ်။ သူက ထျန်းရှန်းကျောင်းတော်ကို အုပ်ချုပ်ပြီး ဗဟိုအင်ပါယာဘုံမှာ ကျင့်ကြံလိမ့်မယ်။ တစ်ချိန်တည်းမှာပဲ ရှောင်ကလန်နဲ့ ယွမ်ယန်ကလန်က နန်ထျန်းနတ်ပြည်ထောင်နဲ့အတူ ထျန်းရှန်းကျောင်းတော်ကို ဝင်ရောက်ပြီး ဗဟိုအင်ပါယာဘုံကို အုပ်ချုပ်ဖို့အတွက် အင်ပါယာနန်ကို ကူညီထောက်ပံ့ပေးလိမ့်မယ်။ ထျန်းရှန်းကျောင်းတော်မှာ စုစည်းထားတဲ့ အရင်းအမြစ်တွေအားလုံးကို လက်အောက်ခံတွေဆီ ဖြန့်ဝေပေးမယ်။ ပြီးတော့ အင်အားစုတွေ အားလုံးက အစွမ်းထက်ဆုံး လူငယ်တွေကို ထျန်းရှန်းကျောင်းတော်မှာ ကျင့်ကြံဖို့ ပို့ရမယ်။" ရီဖူရှင်းက ဆက်ပြောလိုက်သည်။ "ဒါက ယာယီနေရာချထားပေးတာပါ။ အသေးစိတ်အချက်တွေကို ခင်ဗျားတို့အားလုံး နောက်ပိုင်း သိလာလိမ့်မယ်။ အင်အားစုအားလုံး ပူးပေါင်းပေးပါ။"

"တစ်ချိန်တည်းမှာ ကောင်းကင်အာဏာစက်ကျောင်းတော်ကနေ ဘုံကိုးဘုံကို ဆက်သွယ်ဖို့ အာကာသခရီးသွားဝင်္ကပါ တည်ဆောက်ဖို့လိုတယ်။ ဒါမှသာ ဘုံကိုးဘုံကို အချိန်မရွေး တပ်ကူလွှတ်ပေးလို့ ရလိမ့်မယ်။"

ရီဖူရှင်း၏ အသံက လေဟာနယ်အတွင်း ပဲ့တင်ထပ်လာသည်။ သူက အစွမ်းထက် ပုဂ္ဂိုလ်များကို ကြည့်ကာ မေးလိုက်သည်။ "တစ်ခုခု ကန့်ကွက်ချင်တာ ရှိလား။"

သူ့အသံထွက်ပေါ်လာသည်နှင့် ကျယ်ပြောလှသော လေဟာနယ်အတွင်း မီးကို ရေနှင့် ဖြန်းပက်လိုက်သလိုမျိုး တိတ်ဆိတ်မှုက ကြီးစိုးသွားသည်။ ထျန်းရှန်းကျောင်းတော်နှင့် ဗဟိုအင်ပါယာဘုံရှိ အင်အားစုများ အားလုံးကို အင်ပါယာနန် လက်အောက်သို့ ပို့ကာ ကျန်းအော့အား အစားထိုးရန် ဆုံးဖြတ်ချလိုက်သည်။ ဤတစ်ကြိမ်၌ မူလဘုံရှိ အပြောင်းအလဲသည် ဗဟိုအင်ပါယာဘုံအား အဓိကထားခဲ့ခြင်း ဖြစ်သည်။

သူသည် ကျောင်းတော်ကို သူ့လူများအား စီမံခိုင်းရုံမျှမက ကျောင်းတော်မှ ပိုင်ဆိုင်ထားသည့် အရင်းအမြစ်များကို အင်အားစုအသီးသီးထံ ဖြန့်ဝေပေးစေကာ နယ်မြေအတွင်းမှ ထူးချွန်သည့် လူငယ်လေးများကိုလည်း ထိန်းချုပ်ထားပေသည်။

မူလဘုံကို ပြန်လည်ဖွဲ့စည်းခြင်း

Vol. 160 Ch. 2268

ရီဖူရှင်းက မူလဘုံကို အင်အားစုတစ်ခုတည်းအဖြစ် စုစည်းချင်နေပုံရသည်။

အမှန်တွင် ဘုံကိုးဘုံက ယခင်ကကဲ့သို့ မဟုတ်တော့ပေ။