တာအိုအရှင်လှုပ်ရှားခြင်း၊ မြစ်နှင့် တောင်များ ပြန်လည့်ခြင်း

ဝုန်း....

ထိုအချိန်တွင်။

အနက်ရောင် အက်ကွဲကြောင်းများသည် သဘာဝဆေးဥယျာဉ်၏ဘက်တွင် ကောင်းကင်ကိုပင် ဝါးမြိုတော့မလိုဖြစ်နေခဲ့သည်။

ထိုအက်ကွဲကြောင်းများအတွင်းမှ အနီ-အနက်ရောင် ကြီးမားသော မျက်လုံးများ အဆက်မပြတ် ပေါ်ထွက်လာပြီး ၎င်းတို့ ၏ ကြောက်မက်ဖွယ်ကောင်းသော ရောင်ဝါသည် ကျန်းချန်ရွှမ်နှင့် အခြားသူများရှိရာ အဝေးမှပင် သိသာထင်ရှားစွာ ခံစားနေရသည် ။

ထိုနေရာတွင်နေထိုင်ခြင်းသည် ကျန်းချန်ရွှမ်တို့ကဲ့သို့သော အစွမ်းထက်သူတစ် ဦးအတွက်ပင် သိသိသာသာအန္တရာယ်ဖြစ်စေလိမ့်မည်။

ကျေးဇူးတင်စရာကောင်းသည်မှာ သူတို့သည် အသူရာမျက်လုံးများနှင့် အဝေးတွင် ရှိနေပြီ ဖြစ်သည်။

နတ်ဘုရားအရိပ်ဂိတ်နှင့် နတ်ဘုရားဂိုဏ်းမှ ပုဂ္ဂိုလ်များ အပါအဝင် ကံကောင်းသည့် ကျင့်ကြံသူ အများအပြားမှာ ထွက်ပြေးလွတ်မြောက်နိုင်ခဲ့ကြသည် ။

ရက်အနည်းငယ်အကြာတွင်၊

ထိုဆေးဥယျာဉ်အတွင်းမှ ဖြစ်ရပ်သည် လောကသစ်အတွင်းမှ ကျင့်ကြံသူများကြားတွင် ပြန့်နှံသွားခဲ့သည်။

ဝင်လာသူများ၏ ငါးပုံတစ်ပုံမျှသာ ထွက်ပြေးလွတ်မြောက်နိုင်ခဲ့ပြီး ကျင့်ကြံသူများ၏ ငါးပုံလေးပုံနီးပါးမှာ ဥယျာဉ်အတွင်း ၌ သေဆုံးခြင်း သို့မဟုတ် ငရဲမျိုးစေ့များအဖြစ် ပြောင်းလဲသွားခဲ့သည်ဟု ဆိုကြသည် ။

ဤအဖြစ်အပျက်သည် ရေတံခွန်ဂိတ်ဒေသရှိ ဂိုဏ်းပေါင်းများစွာ၏ ကျင့်ကြံသူများကို ထိတ်လန့်စေခဲ့ပြီး နတ်ဘုရားအရိပ်ဂိတ်နှင့် နတ်ဘုရားဂိုဏ်းမှ မဟာယနတာအိုအရှင်များ အပါအ၀င် အဆင့်မြင့်ကျင့်ကြံသူများစွာက ဤလောကသစ်သို့ လျင်မြန်စွာဝင်ရောက် လာခဲ့ကြသည် ။

ကျန်းချန်ရွှမ်နှင့် သူ၏ အဖွဲ့သည် အခြားသူများအကြား ချင်ရှန်းဝူနှင့် ယွင်ရီကျန်းတို့နှင့် ပြန်လည်ပေါင်းစည်းခဲ့သည် ။

သူတို့၏ ပြန်ပြောပြချက်ကို နားထောင်ရင်း ချင်ရှန်ဝူနှင့် ယွင်ရီကျန်းတို့၏ အမူအရာများသည် မကြုံစဖူးလေးနက်လာလေသည် ။

“ဒီလောကသစ်မှာ အသူရာနတ်ဆိုးတွေရှိနေမယ်ဆိုတာ မမျှော်လင့်ထားဘူး။ ဒါ ငါတို့အရင်က မတွေ့ခဲ့ရတဲ့အရာပဲ။" သူတို့က မှတ်ချက်ပြုလိုက်သည်။

"အသစ်မွေးဖွားလာတဲ့ ဒီလောကသစ်မှာ ဘာလို့ အသူရာနတ်ဆိုးတွေရှိနေရတာလဲ?" ရှန်းရူယန်သည် မနေနိုင်ဘဲ ယွင်ရီကျန်းအား မေးလိုက်သည်။ ထိုမေးခွန်းအား ကျန်းချန်ရွှမ်သည် လည်း အဖြေရလိုပါသည်။

ယွင်ရီကျန်းက မည်သည့်သတင်းအချက်အလက်ကိုမျှ မဖုံးကွယ်ဘဲ တုံ့ပြန်ပြောကြားခဲ့သည် ။

“အသူရာနတ်ဆိုးတွေက နာမည်အတိုင်း အသူရာချောက်နက်ထဲကမွေးဖွားလာကြပြီး မင်းတို့အရင်က ရင်ဆိုင်ဖူးတဲ့ အသူရာသတ္တဝါတွေလိုပါပဲ။

ဒါပေမဲ့ အသူရာနတ်ဆိုး အစစ်တွေက သူတို့ရဲ့ကန့်သတ်ထားတဲ့အသိစိတ်အတိုင်းသာ ပြုမူတဲ့ သာမန်အသူရာသတ္တဝါတွေထပ် ပိုအန္တာရယ်ရှိတယ်။

ယှဉ်ကြည့်ရင် အသူရာနတ်ဆိုးအစစ်တွေက ငါတို့လို ဉာဏ်ရည်မျိုးရှိပြီး ပုန်းကွယ်ခြင်းနဲ့ ဟန်ဆောင်ခြင်းတို့မှာ ထူးချွန်တယ်။

ဆိုလိုတာက ငါတို့မသိဘဲ ငါတို့ကြားထဲမှာတောင်ရှိနေနိုင်သေးတယ်။”

ဤပြောဆိုချက်သည် ကျန်းချန်ရွှမ်နှင့် ရှန်းရူယန်တို့ နှစ်ဦးစလုံးကိုထိတ်လန့်စေခဲ့သည် ။

ကျန်းချန်ရွှမ်သည် သူကြုံတွေ့ခဲ့ရသော အရိပ်အယောင်ကို ချက်ချင်းတွေးလိုက်မိသည် ။

ထိုအချိန်က ၎င်းသည် ထူးခြားမှု အချို့ကို ပြသခဲ့ပါသည် ။

သို့သော် ၎င်း၏ နည်းလမ်းများသည် သူနှင့် မယှဉ်နိုင်ခဲ့ပေ။ သူ၏စစ်မှန်သော နည်းလမ်းများကို ထုတ်ဖော်ဖို့ အခွင့်အလမ်းမရှိခဲ့ပါ။

"သူတို့ဘာကြောင့် ဒီလောကမှာ ပေါ်လာရတာလဲဆိုတော့… " ယွင်ရီကျန်းက ဆက်ပြောလိုက်သည်။

“လောလောဆယ်တော့ တိတိကျကျ အဖြေမပေးနိုင်သေးဘူး ။

ယေဘုယျအားဖြင့် ကြည့်ရတာ ငါတို့ထပ်အရင် ဒီလောကရဲ့တည်ရှိမှုကို သိခဲ့ကြပုံပဲ။

မဟုတ်ရင် အစပိုင်းမှာ ငါတို့ တစ်ခုခုကို သတိထားမိမှာ။

သူတို့ကိုယ်သူတို့ အရမ်းပုန်းခိုထားကြတယ် ။

အကယ် ၍ မင်းသာ သူတို့ပိုင်နက်ထဲကို စွန့်စားမဝင်ခဲ့ရင်၊ သူတို့အားလုံးက မင်းတို့ကို သူတို့ရဲ့ စားနပ်ရိက္ခာအဖြစ် ပြောင်းလဲဖို့ မကြိုးစားခဲ့ရင်၊ သူတို့ ဆက်ပြီး ပုန်းအောင်းနေနိုင်လိမ့်မယ်လို့ ငါယုံကြည်တယ်။”

ဝုန်း....!

ယွင်ရီကျန်းက စကားပြောနေစဉ် ပြင်းထန်သော တုန်ခါမှုတစ်ခုက ၎င်းတို့အောက်ရှိ မြေကြီးကို လှုပ်ခါလိုက်ပြီး လူတိုင်းသည် ဝေးလံသော ဆေးဥယျာဉ်ဆီသို့ လှည့်ကြည့်လိုက်ကြသည် ။

ကြောက်မက်ဖွယ်ကောင်းသော စည်းမျဉ်းစွမ်းအင်က လိမ့်တက်နေကာ ကျယ်ပြောသည့် နေရာလပ်သည် ပင်ကူကွန်ယက်ကဲ့သို့ အက်ကွဲကြောင်းများက ပြန့်နှံ့လာနေပြီး အဝေးမှပင် သူတို့၏သက်ရောက်မှုကို ခံစား သိမြင်နေရသည်။

ချင်ရှန်းဝူနှင့် ယွင်ရီကျန်းတို့၏ အမူအရာများမဲမှောင်လာခဲ့သည်။

"မဟာယနတာအိုအရှင်က ဥယျာဉ်အတွင်းက နတ်ဆိုးတွေကို ဥယျာဉ်မှာ ရှင်းလင်းတော့မယ်။”

ထိုစကားကိုကြားသောအခါ ကျန်းချန်ရွမ်၊ ရှန်းရူယန် နှင့်အခြားသူများသည် ထိတ်လန့်တုန်လှုပ်သွားကြသည် ။

တစ်ချိန်တည်းမှာပင် သူတို့သညိလည်း ၎င်းကို မျှော်လင့်နေကြပါသည်။

အကယ်၍ မဟာယနတာအိုအရှင်သည် ထိုအသူရာနတ်ဆိုးများ ဆွဲဆောင်နေသည်ကို တားဆီးနိုင်မလားကို သိချင်နေလေသည်။

ဝုန်း....! ဝုန်း....! ဝုန်း....!

အပင်ဥယျာဉ် ၏ တည်နေရာမှ ပဋိပက္ခများသည် ကမ္ဘာကြီးတစ်ခုလုံး ငိုကြွေးနေသကဲ့သို့ ပို၍ ပြင်းထန်လာသည် ။

ကောင်းကင်ပေါ်တွင်၊

အနီရောင်နှင့်အနက်ရောင်လျှပ်စီးသည်ပျက်စီးသွားပြီး ကမ္ဘာပျက်နေသကဲ့သို့ ဖြစ်နေလေသည်။

ကျန်းချန်ရွှမ်၊ ရှန်းရူယန်နှင့် လန်ယွဲ့ဟွား တို့က အရာရာကို ထိတ်လန့်စွာဖြင့်ကြည့်နေကြလေသည်။

ဤသည်မှာ မဟာယာနတာအိုအရှင်၏ အစွမ်းဖြစ်ပါသလား?

၎င်းသည် ကြောက်စရာကောင်းလောက်အောင် အစွမ်းထက်ပါသည်။

ကျန်းချန်ရွှမ်သည် မည်သည့်အချိန်တွင်မဆို ကောင်းကင်နှင့်မြေကြီး ပြိုကျနိုင်သကဲ့သို့ ဤလောက ၏ဆန္ဒသည် တုန်လှုပ်နေသည်ကို ပို ၍ ရှင်းရှင်းလင်းလင်း ခံစားလိုက်ရသည်။

၎င်းသည် သူ၏ ထင်မြင်ချက်သက်သက်မဟုတ်ခဲ့ပါ။ ၎င်းသည် တကယ့် ဖြစ်နိုင်ခြေတစ်ခု ဖြစ်သည်။

သို့သော်လည်း မဟာယာန တာအိုအရှင်များသည် သီအိုရီအရ သေခြင်းတရားဆီ တက်လှမ်းနိုင်စွမ်းရှိသောသူများဖြစ်သည်။

သူတို့သည် အကယ်၍ သူတို့ရွေးချယ်လျှင် မသေမျိုးနယ်မြေသို့တက်လှမ်းနိုင်ရန်ပင် အခွင့်အရေး ငါးဆယ်ရာခိုင်နုန်းရှိပါသည်။

သူတို့၏ တွန့်ဆုတ်မှုသည် မလုံလောက်သော အခြေခံအုတ်မြစ်တစ်ခု၏ ခံစားချက်မှ ပေါ်ထွက်လာပြီး မြှင့်တင်ရေးလုပ်ငန်းစဉ်အတွင်း စွန့်စားမှုအားလုံးကို ခံနိုင်ရည်ရှိရန် အပြည့်အဝယုံကြည်မှုရှိစေခြင်း ဖြစ်သည် ။

သူတို့၏ စွမ်းအားသည် လောကထဲတွင် မသေမျိုးနှင့် အနီးဆုံးတွင်ရှိပါသည်။

သူတို့သည် မိမိတို့၏ ခွန်အားကို အပြည့်အဝ ထုတ်လွှတ်သင့်မည်လား ဆိုလျှင် ယခုကဲ့သို့ အသစ်ဖွဲ့စည်းထားသည့် လောကမဆိုနှင့် ရေတံခွန်ဂိတ်နယ်မြေပင်မူ သူတို့၏စွမ်းအားကို ခံနိုင်မည်မဟုတ်ပါ။

ဝုန်း....!

ရုတ်တရက် မြေကြီးက တဖန် တုန်လှုပ်သွားသည် ။

ကျန်းချန်ရွှမ်နှင့် အခြားသူများက ဤတိုက်ပွဲအပြီးတွင် သဘာဝအပင်ဥယျာဉ်တစ်ခုလုံးသည် လေထုအလယ်ပိုင်းမှ ဖယ်ရှားခံခဲ့ရသည်ကို မြင်တွေ့ခဲ့ရသည် ။

တောင်တန်းများနှင့် မြစ်များ အပါအဝင် မိုင်သန်းပေါင်းများစွာ အတွင်းရှိ ရှုခင်းအားလုံးကို ချက်ချင်း မြေမှုန့်အဖြစ် ပြောင်းလဲခဲ့သည်။

၎င်းသည် မဟာယာနတာအိုအရှင်၏ စွမ်းအားအဆင့်ဖြစ်သည် ။

သူတို့၏ ခွန်အားကို အပြည့်အဝ အသုံးမပြုဘဲနှင့်ပင် သူတို့၏ ဖျက်ဆီးခြင်းသည် မိုင်သန်း ပေါင်းများစွာရှိနေပြီဖြစ်ပြီး ပျက်စီးခြင်းလမ်းကြောင်းသည် ဆက်လက် ကျယ်ပြန့်နေဆဲ ဖြစ်သည်။

ထိုနှုန်းဖြင့် သူတို့သည် ဤလောကအား လုံးဝဖျက်စီးဖို့ရန် အချိန်သိပ်ကြာမည်မဟုတ်ပါ။

"စီနီယာအစ်ကို ချင် ၊ စီနီယာအစ်ကို ယွင် ။"

လန်ယွဲ့ဟွားသည် မနေနိုင်ဘဲ ချင်ရှန်းဝူနှင့် ယွင်ရီကျန်းဘက်ကို လှည့်လိုက်သည် ၊ သူမ ၏ နှလုံးသားသည် အလောတကြီးဖြစ်နေလေသည်။

အကယ် ၍ ထိုသူများအား ဆက်လက်မမေးပါက ဤလောကပေါ်ရှိ ဟောက်ရန်ဂိုဏ်းနှင့် မိုးကြိုးချိုင့်ဝှမ်းတို့ ၏ ခက်ခဲစွာ ချမှတ်ထားသော အခြေခံအုတ်မြစ်များ ပျောက်ကွယ်သွားနိုင် ပါသည် ။

သို့သော် ချင်ရှန်းဝူနှင့် ယွင်ရီကျန်း တို့သည် တစ်ပြိုင်နက်တည်း ခေါင်းခါလိုက်ကြသည် ။

“ဂျူနီယာညီမလန် စိတ်မပူပါနဲ့ ။

ဒီလူကြီးတွေက ဘာလုပ်သင့်တယ် ၊ ဘာမလုပ်သင့်ဘူးဆိုတာ သေချာသိပါတယ် ။

နောက်ဆုံးမှာ အဲ့လိုမျိုးကပ်ဘေးမျိုး အမှန်တကယ် ပေါ်ပေါက်လာခဲ့လျှင် ကျင့်ကြံသူတွေအနေနဲ့ ရဲ့လမ်းကြောင်းတွေ အဆုံးသတ်သွားနိုင်ဖွယ်ရှိတယ်။”