နတ်ဆိုးမျက်စိ ပြောင်းလဲခြင်း၊ သတ်ဖြတ်ခြင်းမစ်ရှင်ပြီးစီးခြင်း
Vol. 47 Ch. 887
ထိုခဏတွင် ကျန်းချန်ရွှမ်နှင့် ရှိနေသောသူများသည် နတ်ဆိုးမိစ္ဆာအများအပြားက သူတို့အား ဝန်းရံထားကာ ၎င်းတို့၏ ပုံသဏ္ဌာန်အမျိုးမျိုးသည် ကြောက်မက်ဖွယ်ကောင်းကြောင်း ရှင်းရှင်းလင်းလင်း တွေ့မြင်ခဲ့ကြရသည် ။
အရိပ်များ၊ နတ်ဆိုးမကောင်းဆိုးဝါးသားရဲများ သို့ လူပုံပေါက်သောသားရဲများ
စသဖြင့် ရှိကြလေသည်။
တစ်ခုတည်းသော တူညီချက်မှာ သူတို့အားလုံးသည် အလွန်ဆိုးရွားပြီး ကြမ်းတမ်းသော ရောင်ဝါတစ်ခုကို ထုတ်ဖော်ပြနေခြင်းဖြစ်သည်။
သွေးအနံ့မှ ဆွဲဆောင်ထားသော ငါးမန်းများကဲ့သို့ ထိုအသူရာနတ်ဆိုးများသည် သူတို့၏စခန်းကို ပြင်းပြင်းထန်ထန် တိုက်ခိုက်ခဲ့သည်။
မှော်ရတနာများ၊ နတ်စွမ်းအားများနှင့် မန္တာန်များစွာသည် ခုခံရန်အတွက်အတားအဆီးတစ်ခုကို ဖွဲ့စည်းထားလေသည်။
သို့သော် ၎င်းတို့ ၏ ဦးဆောင်ကျင့်ကြံသူများသည်ပုံရိပ်ယောင်နေရာတွင် ပိတ်မိနေသောကြောင့် သူတို့၏နေရာအား အကျိုးအနည်းငယ်ယုတ်စေခဲ့သည်။
ကံကောင်းထောက်မစွာနှင့် သူတို့၏ လျင်မြန်စွာ လွတ်မြောက်မှုက သူတို့အတွက် တိုက်ပွဲဝင်ရန် အခွင့်အလမ်းတစ်ခု ဖြစ်စေခဲ့ပါသည်။
မဟုတ်လျှင် လက်ရှိ တိုက်ခိုက်မှုကို ရင်ဆိုင်၍ အသူရာနတ်ဆိုးများကို ဖယ်ရှားခြင်းသည် ခက်ခဲသောအလုပ် ဖြစ်လိမ့်မည်ဖြစ်သည်။
ဝုန်း....
ရုတ်တရက် ကျန်းချန်ရွှမ်၏ လက်ဖဝါးတွင် အရောင်ငါးရောင်ရှိသော ရောင်ခြည်တစ်ခု တောက်ပလာပြီး ၎င်းနှင့် အနီးဆုံးဖြစ်သော ကင်ခြေများကဲ့သို့သော အသူရာနတ်ဆိုးကို လုံးဝ ဝါးမြိုလိုက်လေသည်။
[ဒင်]
[ဂုဏ်ယူပါတယ် ၊ Host။ အသူရာနတ်ဆိုးကို အောင်မြင်စွာသတ်နိုင်ခဲ့ပါပြီ။]
[လက်ရှိမစ်ရှင်တိုးတက်မှု - ၁ %]
စနစ်၏ တွက်ချက်မှုကို ကြားသောအခါ ကျန်းချန်ရွှမ်သည် တွန့်ဆုတ်ခြင်းမရှိဘဲ လှုပ်ရှားလိုက်ကာ အခြားတိုက်ခိုက်မှုတစ်ခု ထုတ်လွတ်လိုက်သည်။
သူ၏ လက်ဖဝါးသည် နေစစ်မှန်မီး၏ ရွှေရောင်အလင်းဖြင့် တောက်ပနေလေသည် ။
ဂျုန်း...
မီးတောက်များလောင်ကျွမ်းခြင်းနှင့်အတူ အသူရာနတ်ဆိုးနှစ်ကောင်သည် ပြာအဖြစ် လောင်ကျွမ်းသွားလေသည်။
လောလောဆယ်တွင် အခြားကျင့်ကြံသူများသည်လည်း လှုပ်ရှားနေကြပါသည်။
ရုတ်တရက်ဆိုသလို ဆူပူအုံကြွနေသော အသူရာနတ်ဆိုးများကို ကျန်းချန်ရွှမ်နှင့် သူ၏ မဟာမိတ်များက နှိမ်နင်းခဲ့ပါသည်။
အသူရာနတ်ဆိုးများ ပို၍အသတ်ခံရသည်နှင့် ထူးဆန်းသောလှိုင်းတစ်ခုသည် လေထဲတွင် ပျံ့နှံ့သွားသည်။
စွန်းလုံရှန်း၊ ကောင်းပိုင်ယွဲ့ နှင့်အခြားသူများသည် ၎င်းတို့ ၏ ထူးခြားသောစွမ်းရည်များကြောင့် ခဏတာမူးဝေသည်ဟု ခံစားရသော်လည်း လျင်မြန်စွာပြန်လည်ကောင်းမွန်လာခဲ့သည် ။
သို့သော် အခြားသူများသည် အသူရာနတ်ဆိုးများအစား ၎င်းတို့ ၏ လုပ်ဖော်ကိုင်ဖက်များကို ဆန့်ကျင်တိုက်ခိုက်သည့် လက္ခဏာများကို စတင်ပြသလာခဲ့သည် ။
"သေစမ်း။
ဒါက အသူရာနတ်ဆိုးတွေရဲ့ နတ်ဝိဇ္ဇာစွမ်းအားပဲ။” စွန်းလုံရှန်းက ပြင်းထန်သော အမူအရာဖြင့် ပြောခဲ့သည် ။
"ဒါကို မြန်မြန်မဖြေရှင်းရင် အခြားသူတွေအတွက် အချိန်မကြာခင် ပြန်ကောင်းလာဖို့ ခက်ခဲလိမ့်မယ် ။"
ထိုစကားကို ကြားလိုက်ရသည့်အခါ ကျန်းချန်ရွှမ်၏ မျက်လုံးသည် စူးရှသွားသည် ။
ခနအကြာတွင် သူ့နောက်တွင် အပြာ၊ အနီ၊ အဝါ၊ အဖြူ၊ အစိမ်းရောင် ရောင်ခြည်များ ထွက်ပေါ်လာလေသည် ။
လျှင်မြန်သည့်ရွေ့လျားမှုနှင့်အတူ အရောင်ငါးရောင်ရှိသော နတ်အလင်းသည် အသူရာနတ်ဆိုး တစ်ကောင်၏ ခန္ဓာကိုယ်ကိုဖြတ်သွားကာ ၎င်းကို မရွေ့ပြောင်းနိုင်အောင်လုပ်လိုက်သည်။
တစ်ချိန်တည်းမှာပင် ရှန်းရူယန်သည် သူ၏ဘေးတွင် ရပ်နေပြီး သူမ၏ လျှပ်စီးငါးပါးမသေမျိုးဓား ကို ထုတ်လွတ်လိုက်သည်။
ဂျုန်း...
မိုးကြိုးပစ်သံ တစ်သံ ထွက်ပေါ်လာခဲ့သည် ။
သူတို့၏ပူးပေါင်းတိုက်ခိုက်မှုအောက်တွင် အလင်း၏တောက်ပမှုသည် ကောင်းကင်ကို ဖြတ်သွားခဲ့ပြီး အသူရာနတ်ဆိုးများ၏ ကျဆုံးခြင်းကို မြင်နေရလေသည်။
ထိုအချိန်တွင် ယခင်ကတိုက်ပွဲ၌ အသိစိတ်လွတ်သွားသူများသည် နိုးကြားလာကာ သူတို့၏ အသိကိုပြန်လည်ရရှိခဲ့သည်။
ကျန်းချန်ရွှမ်သည်သူ၏ မစ်ရှင်တိုးတက်မှုကိုစစ်ဆေးခဲ့သည် ။
ထိုတိုက်ပွဲအပြီးတွင် သူ့တာဝန်၏တစ်ဝက်ကို ပြီးစီးသွားပြီဖြစ်ကြောင်း သိလိုက်ရသောအခါ အံ့သြသွားခဲ့သည်။
ဆိုလိုသည်မှာ...
ဤတိုက်ခိုက်မှုအတွင်း သူ၏လက်အောက်၌ အသူရာ နတ်ဆိုး ငါးဆယ်နီးပါး သေဆုံးခဲ့ရသည်။
ကံမကောင်းစွာနဲ့ပဲ သူတို့ဟာ ရှိနေသောနတ်ဆိုးများ အားလုံးနီးပါးကို သုတ်သင်ခဲ့ပြီးပုံရပါသည်။
ဤလှိုင်းအတွင်း စနစ်၏ မစ်ရှင်ကို ပြီးစီးအောင်လုပ်ရန် ဖြစ်နိုင်ချေမရှိတော့ပါ။
ခွမ်း....
ရုတ်တရက် နေရာလပ်မကွဲမီတွင် ရက်စက်မှု၊ ဆိုးယုတ်မှုနှင့် ပြည့်နေသည့်မျက်လုံးတစ်လုံး ပေါ်လာပြီး လူတိုင်း၏အကြည့်များကို ဖမ်းစားလိုက်သည်။
"အား......"
၎င်းကို မြင်ခဲ့သူ မည်သူမဆို ပြောင်းလဲမှုအမျိုးမျိုးကို ကြုံတွေ့ခဲ့ရပြီး ကျန်းချန်ရွှမ်နှင့် ရှန်းရူယန် တို့ပင် ၎င်းတို့၏ အရေပြားပေါ်တွင် အနက်ရောင်အမွေးများ ပေါက်လာခဲ့ကြသည် ။
ကံကောင်းထောက်မစွာဖြင့် သူတို့၏ ဓမ္မစွမ်းအား အနည်းငယ် လည်ပတ်ခြင်းနှင့်အတူ သူတို့သည် ထိုပြောင်းလဲမှုများအား လျင်မြန်စွာ ဖယ်ရှားပစ်ခဲ့ပါသည်။
ထိုကဲ့သို့သော ဖြစ်ရပ်များသည် ကျန်းချန်ရွှမ်နှင့်ရှန်းရူယန်တို့ကဲ့သို့ ကျင့်ကြံသူအနည်းငယ်အတွက် ဖြစ်နိုင်သော်လည်း ၎င်းတို့ထဲရှိ ကျင့်ကြံသူအနည်းစုအတွက်မူ ဘေးအန္တရာယ်ဖြစ်ခဲ့လေသည်။
အချိန်တိုအတွင်း၌ သူတို့ထဲမှ ထက်ဝက်နီးပါးသည် ပြင်းထန်သော ပြောင်းလဲမှုများအား ကြုံတွေ့ခဲ့ရပြီး အသိစိတ်များ ဆုံးရှုံးခဲ့ရသည်။
ဤအရေးကြီးသောအခိုက်အတန့်တွင် ကောင်းပိုင်ယွဲ့သည် သူ၏ ပိုင်ဆိုင်မှုမှရှေးကျသော ကြေးနီမီးခွက်ကို လျင်မြန်စွာထုတ်လိုက်သည် ။
မီးခွက်သည် တောက်ပသော အဝါရောင်အလင်းကို ပေါ်ထွက်လာစေပြီး ထိခိုက်ခံရသော ကျင့်ကြံသူများ၏ မျိုးဗီဇပြောင်းလဲမှုများကို ရပ်တန့်စေခဲ့သည် ။
သူတို့၏ ခန္တာကိုယ် ပုံမမှန်မှုများဖြစ်သည့် အရိုးပွများနှင့် ထူးဆန်းသောအစိတ်အပိုင်းများသည် စတင်၍ ပျောက်ကွယ်လာခဲ့သည်။
"ဟဲဟဲဟဲ...။"
သို့ရာတွင် ရုတ်တရက်ကြီး မျက်လုံးရှိရာ ဘက်မှ အော်ဟစ်လိုက်လေသည်။
ထို့နောက် တစ်ကောင်ချင်းဆီသည် မီတာဒါဇင်ကျော်ရှည်သော ဧရာမလင်းနို့ များ နှင့် ဆင်တူသော အသူရာနတ်ဆိုးများသည် ထိုမျက်လုံး၏အတွင်းမှ ထွက်လာကြသည်။
သူတို့၏ပါးစပ်များသည် ကျယ်ပြန့်စွာပွင့်လာပြီး ဝိညာဉ်ကိုပင်ထိုးဖောက်နိုင်သည့် စူးရှသည့်အသံတစ်ခုကို ထုတ်လွတ်ကာ လူတိုင်း၏ နားထဲတွင် ပဲ့တင်ထပ်လျှက်ရှိသည်။
"အား......"
အချို့ ကျင့်ကြံသူများ၏ ဦးခေါင်း များ ချက်ချင်း ပေါက်ကွဲသွားပြီး အခြား သူများသည် ထို ဖရိုဖရဲနှင့် မတည်ငြိမ်သော စွမ်းအင်ကြောင့် ကူးစက်ခံနေပုံရသည်။
သူတို့၏ခန္ဓာကိုယ်များသည် ပြောင်းလဲမှုကိုဖြတ်သန်းနေရပြီး မကောင်းဆိုးဝါးသက်ရှိများအဖြစ် သူတို့၏အဖော်များကို ပြန်လည်တိုက်ခိုက်နေကြသည်။
"မင်းက သေချင်နေတာပဲ!"
ထိုမြင်ကွင်းသည် စွန်းလုံရှန်းနှင့် အခြားသူများ၏ဒေါသကို လှုံ့ဆော်ပေးခဲ့ပါသည်။
သူတို့သည် သူတို့၏စွမ်းအားအပြည့်ကိုထုတ်လွတ်လိုက်ကြပြီး သူတို့၏ဓမ္မရတနာများနှင့် နတ်စွမ်းအားများဖြင့် လင်းနို့နတ်ဆိုးများကို တိုက်ခိုက်လိုက်ကြသည်။
ကျန်းချန်ရွှမ်သည် ဤအခွင့်အလမ်းကို တွန့်ဆုတ်ခြင်းမရှိဘဲ ရယူခဲ့သည်။
သူ့လက်ထဲမှ လှိုင်းတစ်ခုနှင့်အတူ ဒြပ်စင်ငါးပါးကားချပ်သည် သူတို့အထက်၌ ကျယ်ပြန့်သော ချောက်ကြီးတစ်ခုအဖြစ် ပြောင်းလဲသွားခဲ့သည်။
ဂျုန်းဟူသောအသံနှင့်အတူ မြေပုံသည် ဒါဇင်နှင့်ချီသော လင်းနို့များကို တစ်မိနစ်အတွင်း ဖုံးလွှမ်းသွားခဲ့သည်။
ထို့နောက် ပြင်းထန်သော တုန်ခါမှုဖြင့်
ဖြန်း.....
တစ်ခဏအတွင်းမှာပင် ဒြပ်စင်ငါးခုကားချပ်ဖြင့် ရစ်ပတ်ထားသော လင်းနို့မိစ္ဆာများအားလုံးသည် သွေးအဖြစ် ပျော်ကျသွားလေသည် ။
ဤအချိန်တွင် ကျန်းချန်ရွှမ်သည် စနစ်မှတာဝန်ပေးထားသောမစ်ရှင်ကိုပြီးမြောက်ရန် ခြေလှမ်းအနည်းငယ်သာ လိုပါတော့သည်။
နောက်မဆုတ်တော့ဘဲ ဒြပ်စင်ငါးပါးကားချပ်သည် ရွှေဗလာနယ်ဓားအဖြစ် အသွင်ပြောင်းလိုက်သည်။
ကျန်းချန်ရွှမ်၏ ရွှေဗလာနယ်ဓားအောက်တွင် မရေတွက်နိုင်သော လင်းနို့နတ်ဆိုးများကို ဖုန်မှုန့်အဖြစ်သို့ ပြောင်းလိုက်သောကြောင့် လေထုထဲတွင် တုန်လှုပ်ဖွယ် အသံများ ဆက်တိုက် ပြည့်နှက်သွားခဲ့သည် ။
လင်းနို့ နတ်ဆိုးများ၏ ကြောက်မက်ဖွယ် အော်ဟစ်သံများသည် ရုတ်တရက် လေထဲတွင် ပြည့်နှက်သွားသည် ။
သို့သော်လည်း ကျန်းချန်ရွှမ်သည်ထိခိုက်ခြင်းမရှိဘဲ သူ၏ရွှေဗလာနယ်ဓား၏ အရှိန်ကို မြှင့်တင်လိုက်လေသည်။
သူ၏ စနစ်မစ်ရှင်အတွက် လိုအပ်သော နောက်ဆုံး အသူရာနတ်ဆိုးကိုသတ်လိုက်သောအခါ သူ၏စိတ်သည် နောက်ဆုံးတွင် စနစ်၏အသိပေးချက်ကိုရရှိခဲ့လေသည်။