အရှေ့ကောင်းကင်တွင် ခုခံခြင်း၊ အစီအရင်စင်မြင့်အား ပြန်လည်ပြုပြင်ခြင်း

ထိုအချိန်တွင်

ထျန်းယောင်နယ်မြေ၊ ထျန်းလင်းနယ်မြေနှင့် ချန်းဟိုင်နယ်မြေတို့နှင့် ရေတံခွန်ဂိတ်နယ်မြေအကြား စစ်ပွဲသည် မလွှဲမရှောင်သာဖြစ်လာခဲ့သည် ။

စစ်ပွဲမတိုင်မီ အစီအစဉ်များ၏ နောက်ဆုံးအသေးစိတ်အချက်အလက်များကို ဆွေးနွေးအပြီးတွင် ဂိုဏ်းပေါင်းစုံမှ အကြီးအကဲများသည် နောက်ဆုံး ဆုံးဖြတ်ချက်များနှင့်အတူ ပြန်လာကြလေသည် ။

လောကသစ်သည် ရေတံခွန်ဂိတ်နယ်မြေအတွက် အဓိကအကျိုးအမြတ်ဖြစ်သောကြောင့် အခြားနယ်မြေများနှင့် စစ်ပွဲဖြစ်လျှင်ပင် စတေးရသည်မှာ တန်သည်ဟု ဆိုနိုင်ပါသည်။

ထို့အပြင် ပင်လယ်နက်မျိုးနွယ်၊ သွေးနှောမျိုးနွယ်နှင့် နတ်ဆိုးသားရဲမျိုးနွယ်တို့သည် လူသားမျိုးနွယ်နှင့် သမိုင်းကြောင်းအရလည်း သဘောထားကွဲလွဲမှုများရှိပါသည်။

ဤ သမိုင်းနောက်ခံသည် စစ်ပြေငြိမ်းရန်တွက် အကြောင်းမရှိစေဘဲ ပြည့်စုံသော စစ်ပွဲအတွက် လမ်းခင်းပေးခဲ့သည်။

သူတို့၏အပြန်လမ်း၌ ကျန်းချန်ရွှမ်နှင့် ရှန်းရူယန်တို့သည် ဟောက်ရန်ဂိုဏ်းနှင့် မိုးကြိုးချိုင့်ဝှမ်းတွင် အသီးသီး ပြင်ဆင်မှုများပြုလုပ်ရန် ယာယီလမ်းခွဲလိုက်ကြသည်။

နတ်ဗိမာန်ဂိုဏ်း၏ အစီအစဉ်အရ ဟောက်ရန်ဂိုဏ်းနှင့် မိုးကြိုးချိုင့်ဝှမ်း နှစ်ခုစလုံးသည် နေရာတစ်ခုတည်းကို ကာကွယ်ရန် တာဝန်ရသောကြောင့် ၎င်းတို့နှစ်ဦး ထပ်မံတွေ့ဆုံရန် သိပ်မကြာတော့ပေ။

ဟောက်ရန်ဂိုဏ်းသို့ပြန်ရောက်သောအခါ ကျန်းချန်ရွှမ်သည် နတ်ဗိမာန်ဂိုဏ်း၏ ဆုံးဖြတ်ချက်များကို ပြောဆိုရန် ဂိုဏ်းချုပ်ရွယ်ပင်းနှင့်ပထမဆုံးတွေ့ဆုံခဲ့သည် ။

ရွယ်ပင်းသည် ရေတံခွန်ဂိတ်နယ်မြေအတွင်းရှိဂိုဏ်းများ၏ ဆုံးဖြတ်ချက်ကို ကြိုတင်ခန့်မှန်းထားပြီး ဖြစ်သော်လည်း အလွန်ကျေနပ်လျက်ရှိနေသည်။

နယ်မြေလေးခု၏စစ်ပွဲကြီးမှာ ယခင်က မဖြစ်ခဲ့ဖူးသည့်တိုက်ပွဲဖြစ်ပြီး မျိုးနွယ်တစ်ခု၏ ရှင်သန်ခြင်းနှင့် သေဆုံးခြင်းကိုဆုံးဖြတ်ပေးနိုင်ပါသည်။

ယခင်က နတ်ဆိုးဂိုဏ်းများနှင့် လောကသစ်အတွက် အကောင်းနှင့်အဆိုးအကြား နှိုင်းယှဉ်၍ မဟာစစ်ပွဲကြီးဖြစ်ပွားခဲ့ပါသည်။

အကယ်၍ ရေတံခွန်ဂိတ်နယ်မြေသည် အတွင်းတွင် စည်းလုံးညီညွတ်မှုမရှိခဲ့ပါက စစ်ပွဲမစတင်မီကပင် ဆိုးကျိုးဖြစ်မည်မှာ သံသယဖြစ်စရာမရှိပါ။

လက်ရှိအခြေအနေသည် သူမျှော်လင့်ထားသလိုပင်ဖြစ်ပါသည်။

"ချန်ရွှမ်၊ မင်းကောင်းကောင်းလုပ်ခဲ့တယ်။ မင်းက ငါတို့ရဲ့ ဟောက်ရန်ဂိုဏ်းရဲ့ ဂုဏ်သိက္ခာကို မြှင့်တင်ပေးခဲ့တာပဲ။

ဒီစစ်ပွဲမှာ နောက်ပြန်လှည့်စရာမရှိဘူး။ ဂိုဏ်းတွေအားလုံး စုစည်းမှသာ ရေတံခွန်ဂိတ်ရဲ့ လုံခြုံရေးကို အာမခံနိုင်မှာ။" ရွယ်ပင်းက ကျန်းချန်ရွှမ်အား သူ၏ကြိုးစားအားထုတ်မှုအတွက် ချီးကျူးခဲ့လေသည်။

"ဂိုဏ်းချုပ်၊ ကျွန်တော့်ကိုမြောက်နေပါပြီ။ မျှော်လင့်ထားတဲ့အတိုင်းပဲ လုပ်ခဲ့တာပါ။" ကျန်းချန်ရွှမ်က နှိမ်ချစွာဖြင့် တုံ့ပြန်လိုက်သည်။

"ကျွန်တော်က တိုက်ပွဲဗျူဟာအသေးစိတ်ကို တစ်ခုပြီးတစ်ခု စီစဉ်လိုက်ပါ့မယ်။

မင်းကတော့ အရှေ့ကောင်းကင်ပိုင်နက်နဲ့ရင်နှီးအောင်အရင်လုပ်လိုက်ပါ။ အကြီးအကဲတွေနဲ့ အခြားသူတွေက နောက်ပိုင်းကျရင်မင်းနဲ့လာပူးပေါင်းပါလိမ့်မယ်။" ရွယ်ပင်းက ကျန်းချန်ရွှမ်အား ညွန်ကြားလိုက်သည်။

သူသည် တာအိုဖွဲ့စည်းခြင်းသူတော်စင်လည်းဖြစ်ကာ ဒုဂိုဏ်းချုပ်လည်းဖြစ်သည့် သူ၏ လုပ်နိုင်စွမ်းအား အလွန်ယုံကြည်မှုရှိခဲ့လေသည်။

ကျန်းချန်ရွှမ်အား တိုက်ရိုက်အမိန့်ပေးမည့်အစား လွတ်လပ်စွာ တွေးတော ဆင်ခြင်ခွင့်ပေးခြင်းကို ပိုနှစ်သက်ပါသည်။

နောက်ဆုံးတွင် ကျန်းချန်ရွှမ်သည် သူ၏ ဆက်ခံသူအဖြစ်မြင်ခံရပြီး ဟောက်ရန်ဂိုဏ်း၏ အဓိကပုဂ္ဂိုလ်တစ်ဦး ဖြစ်ပါသည်။

"ဟုတ်ကဲ့ပါ။"

ရေတံခွန်ဂိတ်နယ်မြေ၏ နယ်နိမိတွင် အရှေ့ကောင်းကင်ပိုင်နက်ရှိကာ ကျယ်ပြောသည့် ကျင့်ကြံရေးလောက၏ အစွန်ဆုံးဖြစ်ပါသည်။

ကျင့်ကြံရေးဂိုဏ်းများ၏ အနှောက်အယှက်နှင့် လှုပ်ရှားမှုတို့မှဝေးကွာပြီး ၎င်းသည် ကျင့်ကြံသူများက ဖြတ်သွားရန်ပင် ကြုံတောင့်ကြုံခဲဖြစ်သည့်နေရာတစ်ခုဖြစ်ပါသည်။

ရေတံခွန်ဂိတ်နယ်မြေကို အဓိကပိုင်နက် ၉ ခုဖြင့် ခွဲခြားထားပြီး အရှေ့ကောင်းကင်ပိုင်နက်သည် ဤအချက်အချာကျသော ဒေသများထဲမှ တစ်ခုဖြစ်သည်။

အခြားလောကများနှင့် နယ်နိမိတ်ချင်း ထိစပ်နေပြီး ၎င်းကို နယ်မြေနံရံများဟု လူသိများသော ပြင်းထန်သော အတားအဆီးများဖြင့် ခွဲခြားထားပါသည်။ ၎င်းတို့သည် လောက၏ အနှစ်သာရမှ မွေးဖွားလာသော ရေတံခွန်ဂိတ်နယ်မြေ၏ မူလအစဖြစ်ပါသည်။

ဤနံရံများသည် မထိုးဖောက်နိုင်သော်လည်း လောကစည်းမျဉ်များ၏အလေးချိန်ကို သယ်ဆောင်ထားသော စွမ်းအားကြီးသည့် တာအိုဖွဲ့စည်းခြင်းသူတော်စင်များသည် အရေးကြီးသည့် ပြင်ဆင်ခြင်းမရှိဘဲနှင့်ပင် ချိုးဖောက်နိုင်ပါသည်။

အရှေ့ကောင်းကင်ပိုင်နက်၏ အကျယ်အဝန်းမှာ ကျယ်ပြန့်ပြီး ရေတံခွန်ဂိတ်ဧရိယာ၏ ကြီးမားသော အတိုင်းအတာကို ထင်ဟပ်နေလေသည် ။

ဂိုဏ်းအများစုသည် လောက၏နှလုံးသားကိုသာ အာရုံစူးစိုက်ကြသဖြင့် နယ်နိမိတ်တို့အား ချန်ထားကာ မည်သည့်ဂိုဏ်းမှ မရှိလိုပဲ လူဦးရေနည်းပါးပါသည်။

ကျန်းချန်ရွှမ်နှင့် ရှန်းရူယန်တို့က အရှေ့ကောင်းကင်ပိုင်နက်အတွင်း စူးစမ်းလေ့လာခြင်းမပြုမီ ချိန်းချက်ထားသောနေရာဖြစ်ကာ နေရာရွှေ့ပြောင်းစင်မြင့်ပေါ်တွင် သက်တံ့ရောင်အလင်း လင်းလာသည်နှင့် သူတို့သည် တွေ့ဆုံကြလေသည်။

"ဒါက အရှေ့ကောင်းကင်ပိုင်နက်လား ။ ဟောက်ရန်ဂိုဏ်းထဲမှာပဲ အချိန်ကုန်နေတော့ ဒါက ကိုယ်ပထမဆုံး လာရောက်လည်ပတ်တာပဲ။"ကျန်းချန်ရွှမ်က အနည်းငယ် ဖရိုဖရဲဖြစ်နေသည့် မူလဝိညာဉ်ချီများကို အာရုံခံလိုက်မိသည်။

"ဒါဟာကြီးမားတဲ့တိုက်ပွဲအတွက်သင့်လျော်တဲ့ နေရာဖြစ်ပုံပေါ်တယ်။" ရှန်းရူယန်က လေ့လာကြည့်ရှုလိုက်ပြီး လူဆိတ်ညံသောနေရာသို့ကြည့်နေလေသည်။

ထိုသေးငယ်တဲ့ နေရာရွေ့ပြောင်းရေးစင်မြင့်အသေးတွင် ဟောက်ရန်ဂိုဏ်းမှလူများနှင့် နေရာချလိုက်မည်ဖြစ်သည်။

ယေဘုယျအားဖြင့် ၎င်းကိုထိန်းသိမ်းရန် တာ၀န်ရှိသူတစ်ဦးရှိလိမ့်မည်ဖြစ်သည်။ ၎င်းသည် လွတ်မြောက်ရာ လမ်းကြောင်းအဖြစ် အသုံးချနိုင်ပါသည်။

အကယ်၍ တစ်နေ့တွင် ရေတံခွန်ဂိတ်နယ်မြေတွင် မနေနိုင်လျှင် သူတို့သည် အရှေ့ကောင်းကင်ပိုင်နက်သို့ ထိုသေးငယ်သည့် နေရာရွေ့ပြောင်းရေးစင်မြင့်မှ ထွက်ပြေးနိုင်မည် ဖြစ်သည်။

သို့သော်လည်း ထိုလမ်းကြောင်းကို ပထမဦးဆုံး စစ်ပွဲတွင် အသုံးပြုရလိမ့်မည်ဟု မည်သူမျှ မမျှော်လင့်ထားပေ ။

"ဒီနေရာရွေ့ပြောင်းရေးစင်မြင့်ကို အရင်ပြင်လိုက်ကြတာပေါ့။" ကျန်းချန်ရွှမ်က အကြံပြုလိုက်ကာ ရှေးဟောင်းအစီအရင်အား ပိတ်လိုက်လေသည်။

ထိုကဲ့သို့သော သေးငယ်သော ဖွဲ့စည်းပုံသည် လာမည့် စစ်ပွဲများ၏ ကြိုးပမ်းအားထုတ်မှုများကို အထောက်အကူမပြုနိုင်ပါ ။

ရှိန်လောက်သည့် ဂိုဏ်းနှစ်ခုမှ တာအိုဖွဲ့စည်းခြင်းသူတော်စင်နှစ်ဦးလက်အောက်တွင် အဖိုးတန်သော အဆင့်မြင့် နေရာရွေ့ပြောင်းရေးစင်မြင့်ရှိရန်၊ အမျိုးမျိုးသောအစီအရင်များဖြင့် တပ်ဆင်ထားခြင်းပြုလုပ်ရန်၊ မြေမှမြင့်တက်လာခြင်း စသည်တို့သည် ဟောက်ရန်ဂိုဏ်းနှင့် မိုးကြိုးချိုင့်ဝှမ်းတို့က အရှေ့ကောင်းကင်ပိုင်နက်တွင် ပြုလုပ်ထားသည့် ပထမဆုံးဗျူဟာ ဖြစ်ပါသည်။

စင်မြင့်ကိုပြုပြင်ပြီးနောက် ကျန်းချန်ရွှမ်နှင့်ရှန်းရူယန်တို့သည် ပူးပေါင်း၍ မိုးကြိုးချိုင့်ဝှမ်း၏ နေရာရွေ့ပြောင်းစင်မြင့်အားလည်း ပြုပြင်ခဲ့ပြီးနောက် အရှေ့ကောင်းကင်ပိုင်နက်အား ထောက်လှမ်းခဲ့လေသည်။

သူတို့သည် မြေပြင်အနေအထား၊ နယ်မြေတံတိုင်းဖွဲ့စည်းပုံနှင့် အစီအရင် ကျောက်ဆူးများ၏ တည်နေရာများကိုပင် ခွဲခြားသတ်မှတ်ကာ အသိပညာများစုဆောင်းခဲ့သည် ။

မရေမတွက်နိုင်သော တိုက်ပွဲများမှတဆင့် နှစ်ဦးစလုံးသည် ၎င်းတို့၏ သက်ဆိုင်ရာ ဂိုဏ်းများအတွက် ကျွမ်းကျင်သော စစ်ဗျူဟာကျွမ်းကျင်သူများ ဖြစ်လာကြပြီး အရေးပါသော စစ်ပွဲပြင်ဆင်မှုများအတွက် လိုအပ်သည့် ရှုပ်ထွေးသော အသေးစိတ်အချက်အလက်များကို ကျွမ်းကျင်စွာ ဖော်ထုတ်နိုင်ခဲ့ကြသည် ။

သုံးရက်ကြာကြိုးစားပြင်ဆင်ပြီးနောက် နေရာရွေ့ပြောင်းစင်မြင့်၏အလင်းက ထပ်မံ၍ အသက်ဝင်လာပြီး အလင်းပေါက်ထွက်ခြင်းနှင့် အတူ ဟောက်ရန်ဂိုဏ်း၏ တပ်ဖွဲ့တစ်ခုရောက်ရှိ လာကြောင်း အချက်ပြနေလေသည်။

ဟောက်ရန်ဂိုဏ်း ၏ ရောက်ရှိလာမှုကို ဦးဆောင်သူမှာ အခြားသူမဟုတ်ဘဲ လန်ယွဲ့ဟွားဖြစ်ကာ ဂိုဏ်း၏အခြားအကြီးအကဲသူတော်စင်များနှင့် အတူ ဂိုဏ်း၏နောက်ခံအင်အားဖြင့် ဖွဲ့စည်းထားသည့် တပည့်များနှင့် လာခြင်းဖြစ်သည်။

လောကသစ်တွင် အသူရာနတ်ဆိုးများကို စောင့်ကြပ်ရန်တာဝန်ရှိသူနှင့် ဂိုဏ်းတွင်တာဝန်ရှိသောသူ များမှလွဲ၍ တာအိုဖွဲ့စည်းခြင်းသူတော်စင်တစ်ဝက်ကျော် ရှိနေကြလေသည်။

၎င်းသည် ပထမတစ်ကြိမ်သာရှိပါသေးသည်။ စစ်ပွဲက ကြီးမားလာသည်နှင့် အမျှ များစွာသောသူ များက အလှည့်ကျလာရောက်လိမ့်မည်ဖြစ်သည်။

ဤနယ်မြေ လေးခုတိုက်ပွဲတွင် ဂိုဏ်းအားလုံးသည် အင်အားမချွေတာဘဲ အစွမ်းကုန် ကြိုးစားအားထုတ် ထားကြသည်။

၎င်းသည် လူမျိုးခြားများဖြင့် စစ်ပွဲတစ်ခုသပ်သပ်ပင်မဟုတ်ပါ။

နတ်ဗိမာန်ဂိုဏ်း၏ အစီအစဉ်အရ ဂိုဏ်းတစ်ခုဆီသည် သူတို့၏ပိုင်နက်ကို ကာကွယ်ရန် တာဝန်ရှိပါသည်။

ထိုးဖောက်မှုတစ်ခုက ဂိုဏ်းကို လွှမ်းမိုးလိုက်ခြင်းဖြစ်ပြီး မရေတွက်နိုင်သော ဆုံးရှုံးမှုနှင့် ညီမျှပါသည်။

ထိုကဲ့သို့အခြေအနေမျိုးတွင် မည်သူမဆိုအပါးခိုလိုက်ခြင်းက မိမိကိုယ်ကိုယ်သတ်သေနေသကဲ့သို့ ဖြစ်ပေလိမ့်မည်။

"ဒုဂိုဏ်းချုပ်.."

လန်ယွဲ့ဟွားသည် ကျန်းချန်ရွှမ်ကိုနှုတ်ဆက်လိုက်သည် ။

အခြားသူများသည် ကျန်းချန်ရွှမ်၏ ရာထူးအသစ်အား သတိရကာ ယာယီထိတ်လန့်သွားပြီး အတူတူပင် နှုတ်ဆက်လိုက်ကြသော်လည်း ကျန်းချန်ရွှမ်က သိမ်မွေ့စွာတားဆီးလိုက်သည်။

"အကြီးအကဲတို့ ကျေးဇူးပြုပြီး ကျွန်တော်နဲ့ ဒီလို ယဉ်ကျေးမှုတွေလုပ်နေဖို့ မလိုပါဘူး။ ကျွန်တော်က ဒုဂိုဏ်းချုပ်တာဝန်ကို ထမ်းဆောင်နေပေမဲ့ ဒီလို ယဉ်ကျေးမှုတွေမလိုပါဘူး။ ကျွန်တော့်ကို ချန်ရွှမ်လို့ပဲ ခေါ်ပါ။” သူသည် အပြုံးဖြင့်ပြောလိုက်ပြီး လူတိူင်းထံမှ အသိအမှတ်ပြုမှုအား ရရှိခဲ့သည်။

ခွန်အားက အဓိကကျသော လောကထဲ၌ စီနီယာများအား လေးစားမှုရှိခြင်းက ကောင်းမွန်သည့် လက္ခဏာတစ်ခု၏ သင်္ကေတဖြစ်ပါသည်။

“ကောင်းပါပြီ၊ အကြီးအကဲများနဲ့ဂိုဏ်းတူညီကိုတို့ ကျွန်တော် အရှေ့ကောင်းကင်ပိုင်နက်က အခြေအနေကို အရင်ပြောပြပါရစေ။”

ကျန်းချန်ရွှမ်ကထိုသို့ပြောခဲ့ပြီး လူတိုင်းကိုအသေးစိတ်ရှင်းလင်းချက်ပေးရန် အသေးစိတ် ပြင်ဆင်ထားသောမြေပုံကို ထုတ်ယူခဲ့သည် ။

အချို့သော အကြီးအကဲများသည် အရှေ့ကောင်းကင်ပိုင်နက်သို့ ယခင်က ရောက်ဖူးသော်လည်း မည်သူမျှ အပြည့်အဝ ထောက်လှမ်းခြင်း မပြုခဲ့ပေ ။

စစ်ပွဲအတွင်း ကြိုတင်ပြင်ဆင်မှုတိုင်းသည် ရှင်ခြင်းနှင့် သေခြင်းကြားက ခြားနားချက် ဖြစ်နိုင်ပါသည်။

ကျန်းချန်ရွှမ်၏ နူးညံ့သိမ်မွေ့မှုက သူ့ကို ပိုပြီး လေးစားမှုရှိစေခဲ့ခြင်းမှာ သံသယဖြစ်စရာမရှိပါ။

အသစ်ခန့်အပ်ခြင်းခံရသော ဒုဂိုဏ်းချုပ်သည် ခင်မင်ရင်းနှီးပြီး သန်မာရုံသာမက အသေးစိတ် ကိုလည်း အာရုံစိုက်ခဲ့သဖြင့် ဟောက်ရန်ဂိုဏ်းကို ဦးဆောင်ရန် ရွယ်ပင်းနှင့် ချင်ရှန်းဝူတို့၏ စံပြရွေးချယ်မှု ဖြစ်စေခဲ့ပါသည် ။

တင်းမာနေသော စစ်ပွဲများကြားတွင် ရေတံခွန်ဂိတ်နယ်မြေသည် မကြုံစဖူး စည်းရုံးလှုံ့ဆော်မှု တစ်ခုကို စတင်ခဲ့ပြီး နယ်မြေတစ်လျှောက် တိတ်ဆိတ်စွာ ဖြန့်ကျက်ထားသော ကာကွယ်ရေး အသေးစိတ် ကွန်ယက်တစ်ခုကို ဖွဲ့စည်းခဲ့ပါသည်။