ပြင်းထန်သောတိုက်ပွဲ၊ နယ်မြေတံတိုင်းကိုချိုးဖောက်ခြင်း

သူတော်စင်နှင်းဆီတိမ်တိုက်က လှုပ်ရှားလိုက်ပြီး သူမသည် တာအိုဖွဲ့စည်းခြင်းကျင့်ကြံသူတစ်ဦး၏ လုပ်နိုင်စွမ်းကို ပြသခဲ့လေသည်။

ကြောက်စရာကောင်းသည့်နတ်ဆိုးစွမ်းအားက ရောင်စုံနတ်ဆိုးတိမ်တိုက်အဖြစ်သို့ ပြောင်းလဲသွားပြီး ကောင်းကင်ကို လွမ်းခြုံကာ အမှောင်ထဲမှ တိုက်ခိုက်လိုက်သည်။

၎င်းနတ်ဆိုးစွမ်းအင်သည် အလွန်ထူးခြားသည့် သဘောသဘာဝရှိပြီး ကျတ်တီးမြေဖြစ်ကာ ယိုယွင်းပျက်စီးနေသောမြေအား ထူးခြားစွာ အရောင်ရှိသော မဖြစ်ထွန်းသည့်မြေအဖြစ်သို့ ပြောင်းလဲလိုက်သဖြင့် အဆိပ်တစ်မျိုးဖြင့် ဖုံးလွမ်းလိုက်သည်မှာ ထင်ရှားပါသည်။

ကျန်းချန်ရွှမ်သည် ချက်ခြင်းပင် သူ၏ မူလကောင်းကင်ဆက်ဝိညာဉ်ရတနာဖြစ်သည့် အရောင်ငါးရောင်နတ်အလင်းနှင့် တောက်ပနေသော ဒြပ်စင်ငါးပါးကားချပ်အား ဆင့်ခေါ်လိုက်လေသည်။

၎င်းသည် အတားအဆီးတစ်ခုအဖြစ် ပြောင်းလဲသွားပြီး တိုက်ခိုက်မှုကိုလုံးဝပိတ်ဆို့လိုက်သည် ။

ထိုတိုက်ပွဲသည် ချက်ခြင်းပင် အပြန်အလှန်တိုက်ခိုက်မှုကြောင့် တောက်လောင်ခဲ့ရသည်။

အတားအဆီးကို ချိုးဖောက်ရန် အာရုံစိုက်နေသော နတ်ဆိုးသုံးပါးအပြင် မရေမတွက်နိုင်သော နတ်ဆိုးသားရဲများသည် အော်ဟစ်ကာ တိုက်ခိုက်မှုကို စတင်လိုက်ကြသည်။

“ရူယန်၊ အကာအကွယ်အစီအရင်လုပ်ဖို့ လူတစ်ချို့ကို ခေါ်သွားလိုက်ပါ။ ကိုယ်တို့က ဒီနေရာမှ ရန်သူကို ဖောက်မဝင်လာနိုင်အောင် နှောက်ယှက်ထားလိုက်မယ်။" ကျန်းချန်ရွှမ်က ရှန်းရူယန်အား ညွှန်ကြားခဲ့လေသည်။

သတိထားရန် အနည်းငယ်သတိပေးလိုက်ပြီးနောက်၊ ရှန်းရူယန်သည် ချက်ခြင်းပင် အကာအကွယ်အစီအရင်ကို ချမှတ်ရန် အုပ်စုတစ်ခုကို ဦးဆောင်လိုက်သည်။

ဦးစားပေးရန်မှာ အတားအစီးတည်ငြိမ်မှု သေချာစေရန်ဖြစ်သည်။

အတားအဆီးရှိနေသရွေ့ နတ်ဆိုးသားရဲများသည် တိုက်ခိုက်ရာတွင် ၎င်းတို့ ၏ အရွယ်အစား အားသာချက်ကို အသုံးမပြုနိုင်ဘဲ အတားအဆီး ၏ အကာအကွယ်ကို မှီခို ၍ ခုခံကာကွယ်သူများသည် တိုက်ခိုက်ခြင်းနှင့် နောက်ဆုတ်ခြင်း နှစ်ခုလုံးကို ပြုလုပ်နိုင်ပါသည် ။

ထို့ကြောင့် အတားအဆီးသည် စစ်ပွဲ ၏ ဗဟိုချက်ဖြစ်ခဲ့သည် ။

"အစီအရင်ကို ထိန်းသိမ်းဖို့ မင်းတို့ရဲ့စွမ်းအားတွေအကုန်သုံးကြ။" ကျန်းချန်ရွှမ်က အမိန့်ပေးလိုက်သည်။

ချက်ခြင်းပင် သူ၏မဟာမိတ်များသည် သူတို့၏အမျိုးမျိုးသော ဝိညာဉ်ရတနာများ အစီအရင်များနှင့် မန္တာန်များကို ဆင့်ခေါ်လိုက်ပြီး တောက်ပသည့်အလင်းရောင်များကို ဖန်တီးခဲ့ကြသည်။

နတ်ဆိုးသားရဲမျိုးနွယ်မှ များစွာသော တာအိုဖွဲ့စည်ခြင်းနတ်ဆိုးသူတော်စင်များသည်လည်း ပျံထွက်သွားပြီး သူတို့၏အတွင်းနတ်စွမ်းအားများနှင့် သွေးကြောစွမ်းအားများကို ထုတ်လိုက်ပြီး သူတို့၏အတားအဆီးများကို ဖြတ်ကျော်ရန်လုပ်လိုက်ကြသည်။

စစ်ပွဲသည် ထိုအခိုက်အတန့်တွင်ပေါက်ထွက်လာခဲ့သည်။

အတားအဆီးများ နေရာချထားခြင်းကြောင့် နှစ်ဖက်စလုံးသည် ပြင်းထန်သော စွမ်းအားတိုက်ခိုက်မှုများသာ ပြုလုပ်နိုင်ခဲ့သည်။

ကြီးမားသောမန္တာန်များသည် နေရာလပ်ကိုဖြတ်သွားကာ လေထဲတွင် တိုက်မိကာ ပေါက်ကွဲကုန်ကြသည်။

တစ်ချိန်က နေရာလွတ်ဖြစ်ကာ ကျတ်တီးမြေဖြစ်သည့် အရှေ့ကောင်းကင်သည် ရုတ်တရက် သိသာထင်ရှားသည့် စစ်မြေပြင်ဖြစ်လာခဲ့သည်။

နေရာလပ်ထဲတွင် ပေါက်ကွဲမှုများ ဆက်တိုက်ဖြစ်ပေါ်ခဲ့ပြီး ကြယ်များနှင့် ကောင်းကင်ပေါ်တွင် ဥက္ကာခဲ့များ တိုက်မိနေသကဲ့သို့ ကြယ်များကိုပင် ဖျက်ဆီးပစ်ခဲ့ပါသည်။

မီး၊ မိုးကြိုး၊ ရေခဲ့၊ အဆိပ်မြူများ၊ လေပြင်းများနှင့် ရေလွှမ်းမိုးမှုများအား အမြောက်ဆံများအဖြစ် သုံးကာ ဆက်တိုက်ပြိုင်ဘက်ကို ပစ်ခတ်ခဲ့ကြပါသည်။

၎င်းသည် ကျင့်ကြံသူများ၏တိုက်ပွဲနှင့် မတူဘဲ သေမျိုးလောကမှစစ်ပွဲနှင့် တူညီနေပါသည်။

ကျန်းချန်ရွှမ်သည်လည်း အင်အားမချွေဘဲ အမျိုးမျိုးသော ရတနာများနှင့် မန္တာန်များကို ထုတ်ခဲ့သည်။

စစ်မှန်နေမီးသည် နတ်ဆိုးသားရဲများအား လောင်ကျွမ်းပစ်လိုက်ပြီး ကောင်းကင်ထိုးခွဲခြင်းနှင့် ပုံရိပ်ယောင်ခေါင်းလောင်းတို့က ရန်သူ၏ စိတ်ကို နှောက်ယှက်ကာ သေဆုံးမှုများကို ဖြစ်ပေါ်စေခဲ့သည်။

တိုက်ခိုက်မှု ပထမလှိုင်းအပြီးတွင် နှစ်ဘက်စလုံးသည် ကျဆုံးသူများရှိခဲ့ပြီး အထူးသဖြင့် နတ်ဆိုးသားရဲမျိုးနွယ်မှ နတ်ဆိုးသားရဲများသည် အဓိကပစ်မှတ်ဖြစ်သည့်အလျှောက် သူတို့အား ထိပ်တိုက်ရင်ဆိုင်ရာတွင် ပိုမိုထိခိုက်လွယ်စေခဲ့သည်။

မကြာမီ လူတိုင်းသည် သူတို့၏ရန်သူများကိုတွေ့ရှိသွားကြသည်။

ဟောက်ရန်ဂိုဏ်းနှင့် မိုးကြိုးချိုင့်ဝှမ်းတို့မှ တာအိုဖွဲ့စည်းခြင်းအကြီးအကဲများသည် လျှင်မြန်စွာဖြင့် နတ်ဆိုးသူတော်စင်များ၏ ပစ်မှတ်ဖြစ်လာခဲ့လေသည်။ ထိုအချိန်တွင် သူတော်စင်နှင်းဆီတိမ်တိုက် သည် ကျန်းချန်ရွှမ်နှင့် ရင်ဆိုင်တိုက်ခိုက်နေခဲ့လေသည်။

သူမ၏ ကြီးမားသောလည်ချောင်းကိုဖွင့်ကာ နှင်းဆီတိမ်တိုက်သည် ရောင်စုံနတ်ဆိုးတိမ် လှိုင်းများကို တစ်ဆင့်ပြီးတစ်ဆင့်ထုတ်လိုက်လေသည်။

ကျန်းချန်ရွှမ်သည် ဒြပ်စင်ငါးပါးကားချပ်ကို ထပ်မံဆင့်ခေါ်ခဲ့ပြီး တိုက်ခိုက်မှုကို ပြင်ပမှ ထိထိရောက်ရောက် ပိတ်ဆို့ခဲ့သည် ။

သူမ၏ နတ်စွမ်းအားဖြစ်သည့် အဆိပ်တိမ်များသည် အလွယ်တကူပျက်စီးသွားခဲ့သဖြင့် ထိုဖြစ်ရပ်သည် နှင်းဆီတိမ်တိုက်အား သူမပြိုင်ဘက်၏ ခွန်အားကို သိသွားစေခဲ့သည်။

ဒြပ်စင်ငါးပါးကားချပ်ကိုပြန်လည်ရယူရင်း ကျန်းချန်ရွှမ်သည် ရန်သူ၏ ရင်ဆိုင်ရန်ခက်ခဲမည့် အနေအထားကိုလည်း ခံစားခဲ့ရသည် ။

တိမ်၏အဆိပ်သည် ပြင်းထန်ကာ စမ်းကြည့်လိုက်သည့်အခါ ဒြပ်စင်ငါးပါးကားချပ်မှလွဲ၍ ကျန်သည့် နည်းလမ်းများသည် လုံးဝ ပိတ်ဆို့ရန်မလုံလောက်သည်ကို တွေ့ခဲ့ရသည်။

၎င်းသည် သူ၏ချဉ်းကပ်မှုတွင် သတိထားရန်လိုအပ်ပြီး အခြားဝိညာဉ်ရတနာများသည် ထိုအဆိပ်တိမ်နှင့် တွေ့လျှင် ပျက်စီးခြင်း သို့ အဆင့်လျော့ခြင်းများဖြစ်သွားနိုင်ပါသည်။

အကယ်၍ ဒြပ်စင်ငါးပါးကားချပ်၏ အကူအညီကြောင့်သာမဟုတ်လျှင် ထိုမြွေနတ်ဆိုးသူတော်စင် နှင့် ရင်ဆိုင်ရသည်မှာ ပြသနာဖြစ်လာနိုင်ပါသည်။

"ငါတို့ လုံးဝ သူ့ကို အတားအဆီးကိုဖြတ်ခွင့်ပြုလို့မရဘူး။" ကျန်းချန်ရွှမ်သည် သူ့ကိုယ်သူ တွေးလိုက်မိသည်။

သူတော်စင်နှင်းဆီတိမ်တိုက်က သူ၏အတားအဆီးကို ထိုးဖောက်ပြီး သူမ၏အဆိပ်တိမ်များအား ပြန့်နှံ့စေပါက ဟောက်ရန်ဂိုဏ်းသည် ဝမ်းနည်းစရာအဆုံးသတ်ကို ခံစားရပါလိမ့်မည်။

အနည်းငယ်သော တိုက်ခိုက်မှုဖြင့် နှစ်ဘက်စလုံးသည် တစ်ဘက်၏ စွမ်းအားကိုသိရှိသွားခဲ့ပြီး တိုက်ခိုက်မှုကိုရပ်နားလိုက်ကာ တိုက်ရိုက်ရင်ဆိုင်တိုက်ခိုက်ခြင်းက သူတို့၏ပြသနာကို အလွယ်တကူဖြေရှင်းနိုင်မည်မဟုတ်ကြောင်း သတိပြုမိသွားသည်။

သို့ရာတွင် အချိန်က ကျန်းချန်ရွှမ်၏ဘက်တွင် မဟုတ်ခဲ့ပေ။

သူတော်စင်ပင်းနန်နှင့် အခြားနတ်ဆိုးအရှင်များသည် သူတို့၏အတားအဆီးအပေါ်တိုက်ခိုက်မှုကို ဆက်လုပ်ခဲ့ပြီး ရှန်းရူယန်သည် အကာအကွယ်အစီအရင်အား နေရာချရန် အချိန်ပို၍ လိုအပ်ခဲ့ပါသည်။

ရန်သူ၏ထိုးဖောက်မှုသည် ရပ်တန့်သွားခဲ့သည်။

ရုတ်တရက် လန်ယွဲ့ဟွားသည် ပျံသန်းလာပြီး ကျန်းချန်ရွှမ်၏ဘေးတွင် ရပ်လိုက်သည်။

"ချန်ရွှမ်၊ မင်းက ရန်သူတွေ အတားအဆီးကိုဖြတ်ကျော်လာမှာကို သွားပြီး တားဆီးလိုက်ပါ။ ငါ ဒီ ကောင်းကင်မျိုမြွေကို ရင်ဆိုင်လိုက်မယ်။"

ရှင်းလင်းစွာပင် သူမသည် တိုက်ပွဲ၏အဓိကအချက်က အတားအဆီးတွင် မူတည်နေကြောင်းကို နားလည်ပါသည်။

"ကောင်းပါပြီ။ ဒီဒြပ်စင်ငါးပါးကားချပ်ဒိုင်းကာက ရန်သူရဲ့ အဆိပ်မြူတွေကို တားဆီးပေးနိုင်တယ်။ သတိထားပါ၊ အကြီးအကဲလန်။"

ကျန်းချန်ရွှမ်သည် လန်ယွဲ့ဟွား ၏ အကြံပြုချက်ကိုအလွယ်တကူလက်ခံခဲ့သည် ။

သူမနှင့်အတူ ဒြပ်စင်ငါးပါးကားချပ်၏ စွမ်းအား တစိတ်တပိုင်းကိုချန်ထားပေးခဲ့ခြင်းက သူမအား သူတော်စင်နှင်းဆီတိမ်တိုက်၏ စွမ်းအားကို ပြသနာမရှိဘဲ ခံနိုင်စေပါလိမ့်မည်။

"ကောင်းပြီ။"

ခဏအကြာတွင် ကျန်းချန်ရွှမ်သည် အလင်းတန်းတစ်ခုအဖြစ် ပြောင်းလဲကာ စစ်မြေပြင် ၏ အခြားအစိတ်အပိုင်းတစ်ခုသို့ ဦးတည်သွားခဲ့လေသည်။

သူတော်စင်နှင်းဆီတိမ်တိုက်သည် ကြားဖြတ်တိုက်ခိုက်ရန် ကြိုးပမ်းခဲ့သော်လည်း လန်ယွဲ့ဟွားသည် ဓားတစ်ချောင်းတည်းဖြင့် တွန်းလှန်ပစ်လိုက်သဖြင့် သူတော်စင်နှင်းဆီတိမ်တိုက်သည် ကျန်းချန်ရွှမ် ထွက်ခွာသွားသည်ကို ဒီအတိုင်းသာ ကြည့်နေရလေသည်။

သူတော်စင်ပင်းနန်နှင့် အခြားသူများသည် ဆက်လက်တိုက်ခိုက်နေကြသည်။

တိုက်ခိုက်မှုတစ်ခုစီနှင့်အတူ အပေါက်ငယ်များသည် အတားအဆီးတစ်လျှောက် ပြန့်နှံ့သွားပြီး ပြိုကွဲနိုင်သည့်အခြေအနေသို့ ရောက်လာခဲ့သည်။

"မြေနက်လှံ။"

ရုတ်တရက် ကြီးမားသည့် အရိပ်ကြီးသည် အတားအဆီးကိုဖြတ်သွားပြီး နဂါးနှင့် ဆင်ပုံရိပ်၏ ကောင်းကင်ခန္ဓာ၏ အလေးချိန်နှင့်အတူ သူတို့ဆီသို့ကျလာလေသည်။

နတ်ဆိုးသူတော်စင်များ၏ ကြီးမားသည့်ခန္ဓာကိုယ်များကိုပင် ဆန့်ကျင်ကာ မြေနက်လှံသည် အရိပ်မလွမ်းမိုးဘဲ အတင်းအကြပ်ဖိနှိပ်လိုက်လေသည်။

ကျန်းချန်ရွှမ်သည် တောင်ဗဟိုချက်ကို ကိုင်ဆောင်ကာ သတိလွတ်နေသည့်သူတော်စင်တိုက်တန်ကို ပစ်မှတ်ထားလိုက်ကာ မြေနက်လှံဖြင့် အတင်းအကြပ် တွန်းလိုက်သောကြောင့် အဝေးသို့ လွင့်ထွက်သွားလေသည်။

ဟိန်းသံများ….

သူတော်စင်တိုက်တန်၏ ဒေါသဖြင့် ဟိန်းလိုက်သဖြင့် အခြားတာအိုပေါင်းစည်းခြင်း သူတော်စင်သုံးဦးက ကျန်းချန်ရွမ်၏ရောက်ရှိမှုကို သတိပြုမိသွားလေသည်။

"အကယ်၍ အတားအဆီးကိုချိုးဖောက်ချင်ရင် ငါ့ကိုအရင်ဖြတ်ရမယ်။"

တုံ့ဆိုင်းမှုမရှိဘဲ ကျန်းချန်ရွှမ်သည် ရွှေရောင်နတ်အလင်းကိုထုတ်လိုက်ပြီး နတ်ဆိုးသူတော်စင် သုံးဦးအား တစ်ပြိုင်နက်တိုက်ခိုက်လိုက်သည်။

"လူသားတွေရဲ့အကြီးအကဲပဲ။"သူ၏ရဲတင်းမှုကြောင့် ဒေါသထွက်နေကြစဉ်တွင် သူတော်စင်ငရဲမင်းက ပထမဆုံးတုံ့ပြန်လိုက်ပြီး သူ၏ပါးစပ်ကိုဖွင့်လိုက်ကာ နတ်မီးတောက်ကို ထုတ်လိုက်၍ မီးတောက် ခြင်္သေ့ကိုးကောင်အဖြစ်ပြောင်းသွားပြီး ကျန်းချန်ရွမ်ဆီသို့ ဦးတည်၍ လာခဲ့လေသည်။

ဂျုန်း...

ကျန်းချန်ရွှမ်၏ ထိန်းချုပ်မှုအောက်တွင် ရွှေရောင်နတ်အလင်းသည် မီးတောက်ခြင်္သေ့လေးကောင် အား ရှင်းလင်းလိုက်ပြီး ကျန်ရှိသည့် ငါးကောင်ကို ရှင်းရန် ရေကို ဆင့်ခေါ်လိုက်လေသည်။

သူတော်စင်တိုက်တန်သည် တောင်ဗဟိုချက်နှင့် အတားအဆီးကိုဆက်လက်ချိုးဖောက်ရန် ကြိုးပမ်းသောအခါ ကျန်းချန်ရွှမ်သည် မြေနက်လှံကို ထပ်မံခေါ်ယူခဲ့ပြီး သူ့အား မိုင်ရာပေါင်းများစွာ အကွာအဝေးသို့ရောက်အောင် တွန်းလှန်ခဲ့လေသည်။

ထိုသို့ဖြင့် ကျန်းချန်ရွှမ်သည် အောင်မြင်စွာဖြင့် နတ်ဆိုးသူတော်စင်နှစ်ဦးအား အတားအဆီးကို ထိခိုက်ခြင်းမှ တားဆီးနိုင်ခဲ့သည်။

သို့ရာတွင် ထိုအချိန်၌ သူတော်စင်ပင်းနန်သည် ဟိန်းလိုက်လေသည်။

ကျန်းချန်ရွှမ်၏ ရွှေရောင်နတ်အလင်းကို သည်းခံရင်း သူ၏ခေါင်းပေါ်မှ ဦးချိုများသည် မယုံနိုင်စရာ ကောင်းသည့်စွမ်းအားများဖြင့် ပေါက်ထွက်လာခဲ့လေသည်။

"ဝူး..."

ထိုတိုက်ခိုက်မှုသည် ကျန်းချန်ရွှမ်အား ရည်ရွယ်ခြင်းမဟုတ်ပါ။ သူတော်စင်ပင်းနန်၏ ကြီးမားသောခန္ဓာကိုယ်သည် ရုတ်တရက်ရှေ့သို့ကိုင်းလိုက်ရာ အတားအဆီးများကို အက်ကွဲမှုဖြင့် ပြည့်သွားစေခဲ့လေသည်။

ထိုလှုပ်ရှားမှုသည် သူ၏အတွင်းနတ်စွမ်းအားများဖြစ်သည့် "ကောင်းကင်နှင့်မြေကြီးကို မျှတစေခြင်း" သည်အခြားအင်အားစုများကို ဖိနှိပ်နိုင်သည့် စွမ်းအားကိုပိုင်ဆိုင်ထားပြီး ကွဲပြားသည့် မဟာဗျူဟာကိုပြသနေပါသည်။

ဂျုန်း...

စဉ်ဆက်မပြတ်တိုက်ခိုက်မှုများကြောင့် အားနည်းသွားသော နယ်မြေ အတားအဆီးသည် ဤတိုက်ခိုက်မှုအောက်တွင် ပြိုကျနေသည့် တောင်တန်းအသံနှင့် ဆင်တူသော အသံကို ထုတ်လွှတ်ခဲ့သည် ။

ပြီးနောက် စောင့်ကြည့်နေသည့် မျက်လုံးများအောက်တွင် ဆယ်မီတာကျော်အက်ကွဲကြောင်းက တဖြည်းဖြည်းနှင့် သူတော်စင်ပင်းနန်း၏ ဦးချိုများအောက်တွင် ဖြစ်ပေါ်လာသည်။

ရေတံခွန်ဂိတ်အတားအဆီးသည် ပျက်စီးတော့မည်ဖြစ်ပါသလား?

ထိုအချိန်တွင် လူတိုင်း၏နှလုံးသား၌ ကြက်သီးထသွားကာ သူတို့အားလည်းသေးငယ်သည့်အက်ကွဲကြောင်းများဖြစ်ပေါ်သွားသကဲ့သို့ဖြစ်နေသည်။