လျှို့ဝှက်စစ်ဆင်ရေး

ချင်ရှန်းဝူ၏ ထွက်ခွာသွားခြင်းနှင့်အတူ နယ်မြေအတွင်းရှိ မျိုးနွယ်ခြားများကို ဝိုင်းဝန်းဖယ်ရှားရန် စစ်ဆင်ရေးကို တရားဝင်စတင်လုပ်ဆောင်ခဲ့ပြီး ဒုတိယအကြိမ်မစဉ်းစားတော့ပေ ။

သူ၏ အဆိုပြုချက်ကို လက်ခံလိုက်ခြင်းအပေါ် ဝမ်းမြောက်ဝမ်းသာ ခံစားရမည့်အစား ကျန်းချန်ရွှမ်၏ အမူအရာသည် အလေးအနက်လာပါသည် ။

"ယောကျာ်း၊ မျိုးနွယ်ခြားတွေက ကျွန်မတို့ကို ထောင်ချောက်ထဲ ဆွဲသွင်းသွားမှာကို စိုးရိမ်နေတာလား။"

ရှန်းရူယန်က သူ့ဘေးတွင် ဖြည်းညင်းစွာ မေးလိုက်သည် ။

အဓိကအချက်မှာ မျိုးနွယ်ခြား သုံးခုသည် လူသားကျင့်ကြံသူများနှင့် အတူ ရေတံခွန်ဂိတ်နယ်မြေတွင် အခြေချနိုင်ခြင်းက သူတို့၏သာလွန်မှုကို ဖော်ပြနေပါသည်။

ပင်လယ်နက်လေလွင့်သူများ၊ နတ်ဆိုးသားရဲများနှင့် သွေးနှောများအားလုံးသည် သာလွန်ကြပြီး တစ်ခုချင်းစီတွင် တာအိုဖွဲ့စည်းခြင်းသူတော်စင်များစွာရှိပါသည် ။

ထို့ကြောင့် အကယ်၍ တာအိုအရှင်များ သူတို့ကို ကာကွယ်ပေးလျှင်ပင် အံ့ဩစရာမရှိပါ။

သို့သော်လည်း၊ အရှေ့ ကောင်းကင်ပိုင်နက်ကို ကာကွယ် နေ သူ များသည် တာအိုဖွဲ့စည်းခြင်း သူတော်စင် များကိုသာ လွတ်နိုင်ပြီး တာအိုအရှင်များသည် နယ်မြေ အတားအဆီးကို စောင့်ရှောက်ရန် လိုအပ်ပါသည် ။

စာရွက်ပေါ်တွင် သူတို့၏ အင်အားစုများသည် အားသာချက်မရှိနေပေ။

သူတို့၏ တစ်ခုတည်းသောအားသာချက်မှာ ရုတ်တရက်တိုက်ခိုက်ခြင်းဖြစ်ပြီး ရန်သူအား အလင်းထဲတွင်ထားကာ ကိုယ်တိုင်အား အရိပ်ထဲတွင်နေရန်ဖြစ်ပါသည်။

မျိုးနွယ်ခြားများသည် ပြင်ဆင်ပြီးသားဖြစ်ခဲ့လျှင် ထိုပါးလွှာသည့် အားသာချက်ကိုပင် ဆုံးရှုံးရလိမ့်မည်ဖြစ်သည်။

ရှန်းရူယန်သည် ကျန်းချန်ရွှမ်၏ စိုးရိမ်ပူပန်မှုများကို သိရှိခဲ့သည် ။

"ဟုတ်တယ်၊ ဒီစစ်ဆင်ရေးဟာစွန့်စားမှုတစ်ခုပါ ၊ ဒါပေမယ့်ကိုယ်တို့ရဲ့ရည်မှန်းချက်ကို အောင်မြင်နိုင်မယ်လို့ ယုံကြည်နေတုန်းပဲ။" ကျန်ချန်ရွှမ်က ရှန်းရူယန်ဘက်သို့လှည့်ကာ စိတ်ချစေရန်ပြောလိုက်သည်။

“ကျွန်မလည်း ယုံတယ် ။ ကျွန်မတို့ အတူတူရှိနေသရွေ့ မဖြေရှင်းနိုင်တာ ဘာမှမရှိဘူး။"ဟု ရှန်းရူယန်က ပေါ့ပေါ့ပါးပါး ရယ်မောရင်း ပြောလိုက်သည် ။

သူတို့နှစ်ဦး၏ ပထမဆုံးတွေ့ဆုံမှုမှစ၍ လက်ရှိအချိန်အထိ အရာရာကို အတူတကွ ရင်ဆိုင်ခဲ့ကြပြီး အစပိုင်းတွင် အိပ်မက်ပင် မမက်ရဲသည့် အရာများစွာကို အောင်မြင်စွာ အကောင်အထည် ဖော်နိုင်ခဲ့ကြပါသည်။

သူတို့အချင်းချင်း အပြန်အလှန် အားပေးထောက်ခံမှု ရှိနေသရွေ့ မဖြစ်နိုင်သည်မှာ မရှိပါ။

သူမ၏ စကားကိုကြားသောအခါ ကျန်းချန်ရွှမ်ကလည်း သဘောတူကာ လက်ခုပ်တီး၍ ပြုံးလိုက်သည် ။

မကြာမီ လျှို့ဝှက်ဆက်သွယ်ရေးမှတဆင့် စစ်ဆင်ရေးနှင့် ပတ်သက်သည့် သတင်းစကားသည် မိုးကြိုးချိုင့်ဝှမ်း၊ ချင်မိသားစုနှင့် ဖေးထျန်းဂိတ်တို့ ၏ အဆင့်မြင့်ကိုယ်စားလှယ်များထံ ရောက်ရှိခဲ့လေသည် ။

အကျဉ်းချုပ် ကြိုတင်ပြင်ဆင်မှုများ ပြုလုပ်ပြီးနောက် ဂိုဏ်းတစ်ခုစီသည် နောက်ဆုံးဆွေးနွေးမှုများ အတွက် ဟောက်ရန်ဂိုဏ်း ၏ ယာယီဌာနချုပ်သို့ ထူးချွန်သူအများအပြားကို စေလွှတ်ခဲ့သည် ။

ရှန်းရူယန်အပြင် မိုးကြိုးချိုင့်ဝှမ်းသည် တာအိုဖွဲ့စည်းခြင်းကျင့်ကြံသူနှစ်ဦး ဖြစ်သော လျှပ်စီးစွမ်းအားတွင် ကျွမ်းကျင်သော သူတော်စင်အထွတ်ထိပ်နှင့် သူတော်စင် လျှပ်စီးတို့ကို မကောင်းသည့်အရာများကိုဖျက်စီးရန်နှင့် ခုခံရန် လွတ်လိုက်လေသည်။

ဟောက်ရန်ဂိုဏ်း ၏ အဖွဲ့ကို ဦးဆောင်နေသူမှာ ကျန်းချန်ရွှမ်ဖြစ်ပြီး ဂိုဏ်း၏ တာအိုဖွဲ့စည်းခြင်း အဆင့် ဖြစ်သည့် သူတော်စင်ကောင်းကင်လမ်းလျှောက်သူနှင့် သူတော်စင်လွှင့်မျောတို့ကလည်း အတွေ့အကြုံရှိကာ ယုံကြည်ရသည့်သူများဖြစ်ကြပါသည်။

ကျန်းချန်ရွှမ်သည် ၎င်းတို့ ၏ ကြွယ်ဝသော အတွေ့အကြုံအတွက် ထိုလူပုဂ္ဂိုလ်များကို အထူးရွေးချယ်ခဲ့ပါသည် ။

ချင်မိသားစုနှင့် နတ်ဗိမာန်ဂိတ်တို့ကလည်း တာအိုဖွဲ့စည်းခြင်းကျင့်ကြံသူနှစ်ဦးဆီကို လွတ်ခဲ့ပါသည်။

ချင်မိသားစုက အကြီးအကဲနှစ်ဦးကို စေလွှတ်လိုက်သည် ။ သူတို့သည် နှစ်ပေါင်းများစွာ တာအိုဖွဲ့စည်ခြင်းကျင့်ကြံသူများဖြစ်ပြီး အလွန်အစွမ်းထက်ပါသည် ။

ထိုသူတို့သည် တာအိုပေါင်းစည်းခြင်း သို့ တာအိုဖွဲ့စည်းခြင်းအဆင့် ရှိသည်။

ဖေးထျန်းဂိတ်သည် ကင်းထောက်ခြင်းနှင့် ခြေရာကောက်ခြင်းဆိုင်ရာ ကျွမ်းကျင်ပညာရှင်ဖြစ်သည့် တာအိုဖွဲ့စည်းခြင်းသူတော်စင်နှစ်ဦးကို စေလွှတ်ခဲ့သည်။ ဤအံ့အားသင့်ဖွယ်စစ်ဆင်ရေးကို ၎င်းတို့ ၏ လမ်းကြောင်းပေါ်တွင် ပြုလုပ်ခဲ့သည် ။

ထို့ကြောင့် ဤစစ်ဆင်ရေးအတွက် စုစုပေါင်း တာအိုဖွဲ့စည်ခြင်းကျင့်ကြံသူ ၁၀ ဦးကို စုစည်းထားပြီး အထင်ကြီးလောက်စရာ အဆင့်မြင့်အဖွဲ့တစ်ခု ဖြစ်စေခဲ့ပါသည်။

အထူးအင်အားစုတစ်ခုပင် ထိုသို့ တာအိုဖွဲ့စည်းခြင်းကျင့်ကြံသူအများအပြားကို အလွယ်တကူ စုဆောင်းရန် ရုန်းကန်ရလိမ့်မည်ဖြစ်သည်။

“ဒီတိုက်ပွဲမှာ အကူအညီပေးဖို့ ခင်ဗျားတို့ရဲ့ဂိုဏ်းတွေက စေလွှတ်ပေးဖို့ ဆန္ဒရှိတဲ့အတွက် အားလုံးကို ကျေးဇူးတင်ပါတယ်။ ရေတံခွန်ဂိတ်၏ အနာဂတ်အတွက် ဒီလိုအန္တရာယ်ရှိသော စွန့်စားမှုဟာ မရှိမဖြစ်လိုအပ်ပါတယ်။” ကျန်းချန်ရွှမ်က ခန်းမထဲမှလူများကိုဦးညွတ်ရင်း ပြောလိုက်လေသည်။

"အာ ၊ ဂိုဏ်းချုပ်ကျန်းက အရမ်းယဉ်ကျေးလွန်းနေပါပြီ။ ဒီစစ်ဆင်ရေးရဲ့ အရေးပါမှုက ကျွန်တော်တို့အားလုံးအတွက် ရှင်းလင်းပြီး ကျွန်တော်တို့ အပြည့်ဝ ပံ့ပိုးပေးမယ်လို့ အာမခံပါတယ်။" ချင်မိသားစုမှ တာအိုဖွဲ့စည်းခြင်းအကြီးအကဲတစ်ဦးက ပြုံးပြုံးရွှင်ရွှင်ဖြင့် ဖြေကြားခဲ့လေသည် ။

“ဟုတ်တယ် ၊ ဒါက ရေတံခွန်ဂိတ်နယ်မြေကို အကျိုးပြုမဲ့ ကိစ္စပဲ ။ ကျွန်တော်တို့အကူအညီပေးဖို့ အလွန်လိုလားပါတယ်။" ဖေးထျန်းဂိတ်မှ တာအိုဖွဲ့စည်းခြင်းကျင့်ကြံသူကလည်း သူ၏ယဉ်ကျေးမှုကို ဖော်ပြခဲ့သည်။

သူတို့အားလုံး ပါဝင်ပတ်သက်နေသည့် စွန့်စားမှုများကို နားလည်ကြသော်လည်း ရရှိနိုင်သည့် သိသာထင်ရှားသော အကျိုးကျေးဇူးများကိုလည်း မြင်တွေ့ခဲ့ကြပါသည် ။

အကယ်၍ ၎င်းသည်တရားမျှတမှု ၏ မြင့်မြတ်သောစံနှုန်းအတွက်ဖြစ်လျှင်၊ ဤစစ်ဆင်ရေးကို စတင်ခြင်းသည် စိတ်ကူးယဉ်သပ်သပ်သာ မဟုတ်တော့ပါ။

၎င်းသည် ဂိုဏ်းဂဏများကို အပြည့်အဝထောက်ခံမှုပေးရန် လှုံ့ဆော်ပေးခဲ့သော အကျိုးကျေးဇူးများ ပေါင်းစပ်ခြင်းဖြစ်သည် ။

ဟောက်ရန်ဂိုဏ်းနှင့် မိုးကြိုးချိုင့်ဝှမ်းတို့၏ ဦးဆောင်ခြင်းနှင့်တကွ အထူးသဖြင့်အခြေအနေကို ကြီးကြပ်သော မဟာယာနတာအိုအရှင်နှင့်အတူ အန္တရာယ်ကိုသိသိသာသာလျှော့ချနိုင်ခဲ့ပါသည် ။

ချင်မိသားစုနှင့် ဖေးထျန်းဂိတ်အတွက် ဤသည်မှာ နာမည်နှင့်အကျိုးအမြတ်နှစ်မျိုးစလုံးအတွက် အလားအလာရှိသော ရင်းနှီးမြှုပ်နှံမှုတစ်ခုဖြစ်သည် ။

အပြုသဘောဆောင်သော အမြင်ရှိသော်လည်း အခြေအနေသည် သေချာစွာ ဆန်းစစ်ရန် လိုအပ်နေသေးသည် ။

ကျန်းချန်ရွှမ်သည် စစ်ဆင်ရေး၏ အလားအလာရှိသော အန္တရာယ်များကို အသေးစိတ်ဖော်ပြခဲ့ပြီး မဟာဗျူဟာများနှင့် ရည်မှန်းချက်များကို အကြမ်းဖျင်းဖော်ပြခဲ့သည် ။

အစစအရာရာ စီစဉ်ပြီးပြီဖြစ်၍ ဆက်လက်၍ တုံ့ဆိုင်းနေရန်မလိုအပ်တော့ပါ။

အဆိုပါအဖွဲ့သည် စခန်းမှ တိတ်ဆိတ်စွာ ထွက်ခွာသွားပြီး ရေတံခွန်ဂိတ်နယ်မြေအတွင်းရှိ မျိုးနွယ်ခြားများ ထိန်းချုပ်ထားသည့် နယ်မြေများသို့ ဦးတည်သွားခဲ့လေသည် ။

တာအိုဖွဲ့စည်ခြင်းကျင့်ကြံသူများ၏ အမြန်နှုန်းသည် အမှန်တကယ်ကြောက်မက်ဘွယ်ဖြစ်ပါသည် ။

အလားအလာရှိသော သူလျှိုများကို ရှောင်ရှားရန် သူတို့သည် ဖေးထျန်းဂိတ်၏ အကြံပြုချက်ကို လိုက်နာခဲ့ကြပြီး နေရာရွေ့ပြောင်းခြင်းဝင်ပေါက်များကို အသုံးပြုခဲ့ကြသည်။

ချင်မိသားစုမှ ထောက်လှမ်းရေးအချက်အလက်များကို အခြေခံ၍ ၎င်းတို့သည် မျိုးနွယ်ခြားများ မကြာခဏလာရောက်လေ့ရှိသော နေရာများကို ရှောင်ရှားခဲ့ကြပြီး အလွန်သတိကြီးစွာဖြင့် ဆက်လက်လုပ်ဆောင်ခဲ့ကြသည် ။

လူခွဲ၍ သွားလာရန်နှင့် သတင်းအချက်အလက်များကို အတည်ပြုဖို့ အခါအားလျော်စွာ ပြန်လည်စုစည်းရန်အတွက် သူတို့သည်မျိုးနွယ်ခြားများထိန်းချုပ်ထားသည့် နယ်မြေများသို့ သာမှန်အချိန်များထက် အနည်းငယ်ပို၍ ရောက်ရှိနိုင်ရန် လုပ်နိုင်ခဲ့သည်။

အံ့ဩစရာကောင်းသည်မှာ ၎င်းတို့သည် လမ်းတစ်လျှောက်တွင် မျိုးနွယ်ခြား ကျင့်ကြံသူတစ်ဦးမှ မတွေ့ရဘဲ လျှို့ဝှက်ချက်ကို ထိန်းသိမ်းထားပါသည် ။

မျိုးနွယ်ခြားများက ထိန်းချုပ်ထားသော နယ်မြေများသို့ ရောက်သောအခါ သူတို့သည် တိုက်ရိုက်ဝင်ရောက်ခြင်းထက် ခိုးဝင်သော ချဉ်းကပ်နည်းကို ရွေးချယ်ခဲ့ကြသည် ။

ခိုးဝင်မှု ကျွမ်းကျင်သူများသည် ရှေ့တွင် ဦးဆောင်သွားကြပြီး ကျန်သူများက နောက်သို့ လိုက်ကြသည် ။

မျိုးနွယ်ခြားများအုပ်စိုးသောနယ်မြေတွင် လူသားကျင့်ကြံသူများသည် သံသယဝင်စရာ ကောင်းပါသည်။

ထိုအုပ်စုသည် အဓိကနေရာသို့ရောက်ရန် မြို့တစ်မြို့မှ တစ်မြို့သို့ ကူးပြောင်းကာ ရန်သူ၏ ပိုင်နက်တွင် ဖောက်ထုတ်ခံရမည်ကို ရှောင်ဖယ်ကာ ရောနှောသွားလာခဲ့ပါသည်။

အစ၌ ထိုနေရာတွင် လူသားကျင့်ကြံသူအနည်းစုနှင့် မျိုးနွယ်ခြားအများစုရောနှောနေထိုင်ကြကာ နောက်ပိုင်းတွင် မျိုးနွယ်ခြားများသာ ရှိသည့်မြို့များအထိဖြစ်ပြီး မူလနေထိုင်မှုပုံစံသည် ရောနှောနေဆဲ ဖြစ်ပါသည်။

နတ်ဆိုးသားရဲများ ပင်လယ်နက်လေလွင့်သူများနှင့် သွေးနှောများအားလုံးသည် အပြန်အလှန် မှီခိုနေထိုင်ကြသည်။

သူတို့သည် နက်ရှိုင်းသည့်နေရာသို့သွားလေလေ လူသားကျင့်ကြံသူများအား ကြိုဆိုမှုမရှိ လေလေဖြစ်ပြီး အချို့နေရာများတွင် လူသားကျင့်ကြံသူများကိုဖမ်းဆီးကာ ကျွန်အဖြစ် ဆက်ဆံသည့်နေရာများရှိပြီး မျိုးနွယ်ခြားများမကျွမ်းကျင်သည့် အဂ္ဂိရတ်နှင့် အသုံးအဆောင် ပစ္စည်းများစွာပြုလုပ်ရန်ခိုင်းစေကြလေသည်။

များစွာသော မျိုးနွယ်ခြားကျင့်ကြံသူများ၏ကျင့်ကြံခြင်းဂိုဏ်းများသို့ ဖြတ်လာပြီးသည့်နောက် သူတို့သည် ဦးတည်နေသည့်နေရာသို့နီးလာပြီဖြစ်လေသည်။

ယခုချိန်ထိ သူတို့အား မည်သည့်မျိုးနွယ်ခြားမှ သတိမပြုမိသေးပါ။

“ဒီမျိုးနွယ်ခြားတွေက တကယ်ပဲ ကြမ်းကြုတ်တဲ့ ရည်ရွယ်ချက်တွေရှိကြတာပဲ။" အဖွဲ့ဝင်တစ်ဦးက မှတ်ချက်ပြုခဲ့သည် ။

သူတို့သည် မျိုးနွယ်ခြားများ၏ မြို့များနှင့် ဂိုဏ်းများကိုဖြတ်သန်းလာရာ၌ သူတို့သည် နယ်မြေအတားအဆီး စစ်ပွဲ၏အခြေအနေအကြောင်းသတင်းများကို များစွာကြားခဲ့ရသည်။

မျိုးနွယ်ခြားအားလုံးနီးပါး သူတို့၏မွေးရပ်မြေဘက်တွင် ထောက်ခံကြသည်ကို တွေ့ခဲ့ရပါသည်။။

ထို့အပြင်၊ သူတို့သည် ရေတံခွန်ဂိတ်နယ်မြေမှ လူသားကျင့်ကြံသူအားလုံး အမြစ်ဖြတ် သုတ်သင်ခံရလျှင် ကောင်းမည်ဟူ၍ပင် ယုံကြည်နေကြသည်။

ထိုနည်းလမ်းဖြင့် သူတို့၏မွေးရပ်မြေသည် ရေတံခွန်ဂိတ်နယ်မြေအား သိမ်းပိုက်ကာ ထိုမျိုးနွယ်ခြားများသည် နေထိုင်ရန် နေရာများပိုရလာမည်ဖြစ်သည်။

"ရေတံခွန်ဂိတ်နယ်မြေရဲ့ သယံဇာတတွေကို သုံးပြီး ကျင့်ကြံထားကြတာကို သူတို့က ကျေးဇူးမတင်ဘူးဘဲ။ ဒီမျိုးနွယ်ခြားတွေက သေဖို့ထိုက်တန်တယ်။" မျိုးနွယ်ခြားတို့၏ ပိုင်နက်အတွင်းပိုင်းသို့ သွားလေလေ၊ ထိုမျိုးနွယ်ခြားများအား မကျေနပ်မှုများလာလေလေ ဖြစ်သည်။

နတ်ဆိုးမျိုးနွယ်၏ သာမန်လူများမှ ကျင့်ကြံသူများအထိ လူသားများအား ကြင်နာမှုရှိသည့်သူအား မမြင်ခဲ့ရပေ။

သို့ရာတွင် ကျန်းချန်ရွှမ်က ထိုကိစ္စအားစိတ်မပူပါ။

သူသည် မျိုးနွယ်ခြားများ၏ အဓိကပိုင်နက်အတွင်းမှ အခြေအနေကိုသာ အာရုံပို၍ စိုက်ခဲ့လေသည်။