မျိုးနွယ်ခြားများကို ရုတ်တရက်တိုက်ခိုက်ခြင်း၊ တစ်ဦးပြီးတစ်ဦးအနိုင်ယူခြင်း

လူတိုင်းက စုဆောင်းထားသောသတင်းအချက်အလက်များကို နှိုင်းယှဉ်ကြည့်လိုက်သောအခါ၊ မျိုးနွယ်ခြားများအကြားတွင် တာအိုပေါင်းစည်းခြင်းအဆင့်သို့ရောက်နေသောသူအချို့ အပါအဝင် ထိပ်တန်းစွမ်းအားရှင်များ ပါဝင်ပြီး အနည်းဆုံး တာအိုဖွဲ့စည်းခြင်းကျင့်ကြံသူ ၁၅ ဦးဝန်းကျင်ရှိကြောင်း ပေါ်ထွက်လာသည်။

ဥပမာအားဖြင့် နတ်ဆိုးသားရဲတို့အား ဦးဆောင်သူ သူတော်စင်ကောင်းကင်ခွဲသူ တာအိုပေါင်းစည်းခြင်း၏ အထွတ်အထိပ်၌ဖြစ်ကာ ကြောက်မက်ဘွယ်သားရဲတစ်ကောင်ဖြစ်လေသည် ။

ပြီးနောက် မျိုးနွယ်နှစ်ခု၏ ဦးဆောင်သူများဖြစ်ကြသည့် သူတော်စင်အသူရာမြွေနှင့် သူတော်စင် မျက်နှာတစ်ထောင်တို့ကလည်း တာအိုပေါင်းစည်းခြင်းအဆင့်များဖြစ်ကြသည်။

ဤအချက်ကို သိရှိခြင်းအားဖြင့် ကျန်းချန်ရွှမ်နှင့် အခြားသူများသည် မတတ်နိင်ဘဲ အတွေးများထဲ နစ်ဝင်နေကြသည်။

မျိုးနွယ်ခြားဘက်မှ ထိုသူများနှင့်အတူ အကယ် ၍ သူတို့သည် အုပ်စု တိုက်ရိုက် တိုက်ပွဲတစ်ခုကို စတင်ခဲ့လျှင် ဖရိုဖရဲ ဖြစ်မှုကြားတွင် ထိခိုက်ဒဏ်ရာရမှုများသည် မလွဲမသွေ ဖြစ် ပေါ်ရလိမ့်မည်။

အချိန်ဆွဲမည့်ဗျူဟာချလျှင်ပင် အားလုံး မအောင်မြင်နိုင်သော အခြေအနေ ရှိလာနိုင်ပါသည်။

သို့သော်လည်း ကျန်းချန်ရွှမ်သည် ထိုကဲ့သို့ ဆောင်ရွက်ရန် ဆန္ဒမရှိပေ ။

လူတိုင်းက သေဆုံးခြင်းကို ရင်ဆိုင်ရန် အသင့်ဖြစ်နေပြီး ဆုတ်ခွာခြင်းသည် လုံးဝရွေးချယ်စရာ မဟုတ်သော်လည်း သေဆုံးမှုများကို တတ်နိုင်သမျှ လျှော့ချရန်လည်း သူမျှော်လင့်ခဲ့ပါသည် ။

၎င်းကပင် အစစ်အမှန်အရည်အချင်းရှိသည့် ခေါင်းဆောင်တစ်ဦးတွင် ရှိသင့်သည့် ရည်မှန်းချက်ဖြစ်ပါသည်။

ရန်သူသည် အလင်း၌ဖြစ်ကာ သူတို့ကတော့ အမှောင်ထဲမှဖြစ်သည်။ ဤအချက်အလက် ကွာဟချက်သည် သူတို့၏ အကြီးမားဆုံးအားသာချက်ဖြစ်ပါသည် ။

သို့သော် ၎င်းကို ထိထိရောက်ရောက် မည်သို့အသုံးချမည်နည်း?

"အကယ်၍ ဒီမျိုးနွယ်ခြားတွေရဲ့ အစီအစဉ်က ထောင်ချောက်ဆင်ဖို့ဆိုရင် ထောင်ချောက်က ဘယ်မှာရှိနိုင်မလဲ။"

“သူတို့က သူတို့ အင်အားကို ခွဲထုတ်ပြီး အပြန်အလှန် ချိတ်ဆက်ထားတဲ့ အစီအရင်ကိုသုံးလိမ့်မယ်။” ကျန်းချန်ရွှမ်က ရုတ်တရက် အသိအမြင်တစ်ခုရသွားသည်။

ရှန်းရူယန်သည် သူ၏ ရည်ရွယ်ချက်ကို ချက်ချင်းနားလည်လိုက်သည် ။

"ရှင်ဆိုလိုချင်တာက သူတို့ကို တစ်ယောက်ပြီးတစ်ယောက် အနိုင်ယူချင်တာလား?" သူမက မေးလိုက်သည်။

ကျန်းချန်ရွှမ်က သူမကိုကြည့်ကာ ခေါင်းညိတ်လိုက်သည်။

“ဒီတိုက်ပွဲမှာ ကျွန်တော်တို့ရဲ့ အကြီးမားဆုံး အားသာချက်က ရုတ်တရက်တိုက်ခိုက်မှာဖြစ်တယ်။ သူတို့ကို တစ်ယောက်ချင်းဆီ အနိုင်ယူတာက ဒီသတင်းအချက်အလက်တွေကို အသုံးချဖို့အကောင်းဆုံးနည်းလမ်း ဖြစ်လိမ့်မယ်။"

ထိုစကားကိုကြားသောအခါ သူတော်စင်လျှပ်စီးနှင့် အခြားသူများက တိတ်ဆိတ်စွာ ခေါင်းညိတ် လိုက်ကြသည်။

ချင်မိသားစုမှ အကြီးအကဲတစ်ဦးက အကြံပြုခဲ့သည် ။

"ဒီနည်းလမ်းကကောင်းတယ်။ ရန်သူရဲ့ ကင်းထောက်တွေကနေ ကျွန်တော်တို့ရဲ့ တည်ရှိမှုကို ဖုံးကွယ်ထားနိုင် သရွေ့ ကျွန်တော်တို့ဟာ အုပ်စုတစ်စုကို ဖယ်ရှားပြီး နောက်တစ်ကြိမ် ထပ်တိုက်ခိုက်နိုင်တယ် ။ ဒါက ရန်သူရဲ့ အင်အားတွေကို အကြီးအကျယ် အားနည်းစေမှာပါ ။”

ဖေးထျန်းဂိတ်မှ သူတော်စင်ကောင်းကင်လမ်းလျှောက်သူကရယ်မောပြီး အစီအရင်ချပ်ပြားဝိုင်းတစ်ခုကို ထုတ်ကာ ပြောလိုက်သည်။

"အရမ်းကောင်းတယ်။ ကျွန်တော့်မှာ ဖေးထျန်းဂိတ်က အထူးနေရာလပ်အစီအရင်ဖြစ်တဲ့ ပိုင်နက်ထိန်းချုပ်ခြင်းအစီအရင် ရှိတယ်။

ဒီအစီအရင်က မကျိုးပျက်သွားသရွေ့ ဘယ်လိုရောင်ဝါမှအပြင်ထွက်နိုင်မှာမဟုတ်ဘူး။”

ထိုကဲ့သို့ရတနာရှိလာသဖြင့် လူတိုင်းက ဝမ်းသာသည့်အမူအရာများပြလာကြသည်။

၎င်းသည် တစ်စုံတစ်ဦးက မိမိအိပ်ချင်နေသည့်အချိန်တွင် ခေါင်းအုံးကမ်းပေးသကဲ့သို့ဖြစ်ပါသည်။

ကျန်းချန်ရွှမ်ကလည်း အနည်းငယ် ပြုံးပြပြီး သူ၏ ကောင်းကင်ဆက်ဝိညာဉ်ရတနာဖြစ်သော ဒြပ်စင်ငါးပါးကားချပ်ကို ဆင့်ခေါ်၍ ပြောလိုက်သည်။

"ကျွန်တော့်ရဲ့ ကောင်းကင်ဆက်ဝိညာဉ်ရတနာဟာလည်း ရောင်ဝါကို ဖုံးကွယ်ပြီး ရန်သူတွေကို ထောင်ချောက်ဆင်နိုင်တဲ့ စွမ်းရည်ရှိတယ်။"

ထိုစကားကို ကြားရသော သူတို့သည် အံ့ဩသွားကြလေသည်။

"ကောင်းကင်ဆက် ဝိညာဉ်ရတနာလား။"

တာအိုဖွဲ့စည်းခြင်းကျင့်ကြံသူ ကျန်းချန်ရွှမ်သည် ဤမျှအံ့သြဖွယ်ကောင်းသောရတနာကိုပိုင်ဆိုင်လိမ့်မည်ဟု မမျှော်လင့်ခဲ့ကြပါ။

မည်သည့်အစီအစဉ်မှမရှိဘဲ ဤရတနာတစ်ခုတည်း၏ တည်ရှိမှုသည် သူတို့ ၏ အောင်မြင်မှုအခွင့်အလမ်းကို ဆယ်ရာခိုင်နှုန်း တိုးပွားစေလိမ့်မည်ဖြစ်သည်။

"အရမ်းကောင်းပါတယ်။" ဂိုဏ်းပေါင်းစုံမှ တာအိုဖွဲ့စည်းခြင်းသူတော်စင်များသည် တက်ကြွစွာ ပြောလိုက်ကြသည်။

အရာအားလုံးစီစဉ်ပြီးချိန်တွင် ထိုအုပ်စုအတွက် မှန်ကန်သောအခွင့်အလမ်းကိုပင် စောင့်ဆိုင်းရန် ကျန်ပါတော့သည်။

…

တစ်နေ့နှင့် တစ်ညတိုင်ဆွေးနွေးခဲ့ကြပြီးနောက် လူသားကျင့်ကြံသူများအား ဆန့်ကျင်တိုက်ခိုက်မည့် အစီအစဉ်သည် မျိုးနွယ်စုသုံးခု၏ ကောင်စီခန်းမတွင် နောက်ဆုံး၌ အကောင်အထည်ဖော်နိုင်ခဲ့သည်။

အစီအရင်များအား ချိတ်ဆက်ထားကာ စီစဉ်ထားပြီး မြင့်မြတ်သောနေရာပတ်ပတ်လည်တွင် အစစ်အမှန်နှင့် ပုံရိပ်ယောင်ကိုဆက်သွယ်ထားသည့် အဆင့်များကို ဝိုင်းထားလေသည်။

တစ်ကြိမ်ဝင်ရောက်သွားသည်နှင့် တာအိုနက်နဲသူတော်စင်သည်ပင် လွယ်လွယ်ကူကူနှင့် ချိုးဖောက်ထွက်နိုင်မည် မဟုတ်ပေ။

ထိုတိုက်ခိုက်မှုသည် မျိုးနွယ်စုသုံးခု၏ ခေါင်းဆောင်များနှင့် အမျိုးမျိုးသော ရတနာများစုစည်းခြင်းဖြင့် အထင်ကရ သုတ်သင်ခြင်းအစီအစဉ်တစ်ခုဖြစ်ခဲ့ပါသည်။

သို့သော် သူတို့မသိခဲ့ကြသည်မှာ သူတို့၏ရန်သူများသည် သူတို့စီစဉ်နေချိန်၌ပင် သူတို့၏အစီအရင်အတွင်းသို့ ဝင်ရောက်ပြီးဖြစ်ကြောင်းပင်ဖြစ်သည်။

ထိုမျိုးနွယ်စုသုံးခု၏ ဆွေးနွေးပွဲပြီးသွားသည်နှင့် တုံ့ဆိုင်းမှုမရှိဘဲ သူတို့သည် ချက်ခြင်းပင် သတ်ဖြတ်ခြင်း အစီအရင်ကို ချမှတ်ခဲ့လေသည်။

အဖွဲ့တစ်ဖွဲ့ချင်းစီကို အနည်းဆုံး တာအိုပေါင်းစည်းခြင်းသူတော်စင်နှစ်ဦးမှ ဦးဆောင်ခဲ့သည်။

ကျန်းချန်ရွှမ်နှင့် သူ၏ အဖွဲ့သည် ကနဦးဧရိယာတွင် အချိန်အတော်ကြာ စောင့်ဆိုင်းနေခဲ့ပြီးနောက် နောက်ဆုံးတွင် ရန်သူများချဉ်းကပ်လာသည်ကို မြင်လိုက်ရလေသည် ။

ကံကောင်းခြင်းသည် သူတို့ဘက်တွင်ရှိခဲ့ပြီး သူတို့ဘက်သို့ လာနေသည့်အုပ်စုသည် မျိုးနွယ်စုသုံးခု၏ ခေါင်းဆောင်များမပါဝင်ဘဲ တနည်းအားဖြင့် တာအိုပေါင်းစည်းခြင်းသူတော်စင် မပါဝင်ကြောင်း ဆိုလိုနေပါသည်။

အကယ်၍ သူတို့သည် တာအိုပေါင်းစည်းခြင်းသူတော်စင်နှင့်တွေ့ဆုံခဲ့ပါက သူတို့၏ အစီအစဉ်သည် ရန်သူခေါင်းဆောင်များကိုချုံခိုတိုက်ခိုက်ရန်ပြောင်းလဲသွားလိမ့်မည်ဖြစ်သည်။

တာအိုပေါင်းစည်းခြင်းသူတော်စင်နှင့်တိုက်ပွဲများသည် လွယ်ကူစွာဖုံးကွယ်၍ ရမည်မဟုတ်ပါ။

နေရောင်ခြည်အောက်တွင် အကြေးခွံများသည် အလင်းရောင်ပြန်ဟပ်နေပြီး ပင်လယ်နက် တာအိုဖွဲ့စည်းခြင်း ကျင့်ကြံသူနှစ်ဦးသည် သူတို့၏ စက်ဝန်းအတွင်းသို့ဝင်လာကြသည်။

၎င်းတို့နောက်တွင် ဗလာနယ်ပြန်ကျင့်ကြံသူများဖြစ်ပြီး အမျိုးမျိုးသောရတနာများကို သယ်ဆောင် လာကြကာ ကျန်းချန်ရွှမ်နှင့် အခြားသူများထောင်ထားသည့် ထောင်ချောက်ထဲသို့ဝင်လာကြလေသည်။

ကျန်းချန်ရွှမ်နှင့် သူတော်စင်ကောင်းကင်လမ်းလျှောက်သူတို့ကြား အကြည့်တစ်ချက်ဖြင့် ပိုင်နက်ထိန်းချုပ်ခြင်းအစီအရင်သည် ချက်ခြင်းပင် အသက်ဝင်လာခဲ့သည်။

အသက်အနည်းငယ်ရှုချိန်၌ပင် ပတ်ဝန်းကျင်မှ နေရာလပ်သည် စည်းချပြီးသားဖြစ်သွားသည်။

ဗလာနယ်ပြန်သတ္တဝါများသည် ဘာကိုမှ သတိမပြုမိကြပါ။

"ဘာတွေဖြစ်နေတာလဲ ၊ ဘယ်သူရှိလဲ"

ပင်လယ်နက်တာအိုဖွဲ့စည်းခြင်းကျင့်ကြံသူတစ်ဦးသည် တစ်ခုခုမှားယွင်းနေသည်ကိုတွေ့ရှိ ၍ အော်ဟစ်ခဲ့လေသည် ။

"ဒါက အစီအရင်တစ်ခုလား? လူသားကျင့်ကြံသူတွေဖြစ်နိုင်မလား?"

အခြား ပင်လယ်နက်တာအိုဖွဲ့စည်းခြင်းကျင့်ကြံသူသည် အံ့အားသင့်သွားသည် ။

သို့သော် သူတို့အား တုံ့ပြန်လိုက်သည်မှာ ဆန်းကြယ်သော အလင်းရောင်ငါးရောင်ပင်ဖြစ်ပါသည်။

ကျန်းချန်ရွှမ်သည် လက်ကိုဝေ့ယမ်းလိုက်ပြီး ဒြပ်စင်ငါးပါးကားချပ်ကို ဖွင့်လိုက်ကာ အလံတစ်ခုအဖြစ် ပြောင်းလဲလိုက်သည်။

"အရှေ့နဂါးစိမ်းအလံ။"

ဒြပ်စင်ငါးပါး၏ စွမ်းအားသည် လည်ပတ်ခဲ့ပြီး အစိမ်းရောင်နဂါးသည် တိတ်ဆိတ်စွာ ထွက်ပေါ်လာကာ ပိုင်နက်ထိန်းချုပ်ခြင်းအစီအရင်နှင့် ပေါင်းစပ်ကာ အချင်းချင်း ဖြည့်ဆည်းလိုက်လေသည်။

ချက်ခြင်းပင် အစီအရင်ထဲရှိပင်လယ်နက်လေလွင့်သူများသည် သူတို့၏မူလဝိညာဉ်ထဲ၌ တစ်ခုခုနှင့် ရစ်ပတ်ခံလိုက်ရသည်ကို ခံစားမိလိုက်ပြီး သူတို့၏မြင်ကွင်းသည် ဝေဝါးလာကာ အပေါ်၊အောက် စသည့် ဦးတည်ချက်အားနားလည်မှုမရှိတော့ဘဲ မတိမကျဖြစ်လာခဲ့သည်။

“မကောင်းတော့ဘူး ၊ လူသားကျင့်ကြံသူတွေ ရောက်လာပြီ။ အခြားသူတွေကို အလျင်အမြန် သတင်းပို့ပါ ။”

ဘေးအန္တရာယ်ကို သတိပြုမိသောအခါ ပင်လယ်နက်တာအိုဖွဲ့စည်းခြင်းကျင့်ကြံသူများ၏ ဓမ္မစွမ်းအင်သည် လိမ့်တက်လာကာ ကောင်းကင်ဆီသို့ ရေဒြပ်စင်စွမ်းအားကို ထုတ်လွတ်လိုက်လေသည်။

သို့သော် ရုတ်တရက် အစိမ်းရောင်နဂါးဝင်္ကဘာထဲတွင် များစွာသော လူသားတာအိုဖွဲ့စည်းခြင်း ကျင့်ကြံသူ များသည် သူတို့၏ဝိညာဉ်ရတနာများကို ကိုင်ဆောင်ကာ တိုက်ခိုက်ခဲ့ကြသည်။

သူတို့၏ရုတ်တရက်တိုက်ခိုက်ခြင်းကြောင့်နှင့် ဆယ်ယောက်နှစ်ယောက်အခြေအနေကြောင့် မျိုးနွယ်ခြားများကို တိုက်ခိုက်သည့် ပထမဆုံးတိုက်ပွဲသည် လူသတ်မှုအဖြစ်ပြောင်းလဲသွားကာ ချက်ခြင်းနီးပါး အဆုံးသတ်သွားခဲ့သည်။

အင်အားမမျှမှုကြောင့် ပင်လယ်နက်လေလွင့်သူများ၌ အခွင့်အရေးမရှိခဲ့ပါ။

ကျန်းချန်ရွှမ်နှင့်သူ့ အဖွဲ့ ၏ တစ်ခုတည်းသောစိုးရိမ်ပူပန်မှုမှာ စွမ်းအင်ယိုစိမ့်မှုဖြစ်သည် ။

"ဒါကို အမြန်ဆုံး အဆုံးသတ်လိုက်ရအောင်။"

ရှန်းရူယန်က ၎င်းကို ကောင်းကောင်းနားလည်ပါသည်။ သူမ၏မျက်လုံးထဲမှ မိုးကြိုးများသည် လိမ့်တက်လာကာ ချက်ခြင်းပင်မိုးကြိုးစည်းတံဆိပ်ကို ထုတ်လိုက်ပြီး ပင်လယ်နက် ဗလာနယ်ပြန်ကျင့်ကြံသူများ ဆီသို့ ပစ်ချလိုက်သည်။

ဂျုန်း...

ပေါက်ကွဲနေသော မိုးကြိုးပစ်သံများ ဆက်တိုက်ကြားရပြီးနောက် ပင်လယ်နက် ဗလာနယ်ပြန်ကျင့်ကြံသူ များသည် တိုက်ခိုက်မှု အနည်းငယ်ကို ခံနိုင်ခဲ့ သော်လည်း နောက်ဆုံးတွင် ပြင်းထန်သော ဖရိုဖရဲ နတ်မိုးကြိုး၏ အောက်တွင် ဖုန်မှုန့်အဖြစ် ပြောင်းလဲကာ ဖျက်ဆီးခံခဲ့ရသည်။

"လူသားကျင့်ကြံသူတွေ၊ မင်းတို့လုပ်ရဲတယ်ပေါ့။ ငါတို့ရဲ့ပင်လယ်နက်လေလွင့်သူတွေက မင်းတို့ကို အလွတ်ပေးမှာမဟုတ်ဘူး။"

နောက်ထပ် ပင်လယ်နက်တာအိုဖွဲ့စည်ခြင်းကျင့်ကြံသူသည် သူ၏ မူလဝိညာဉ်ကို ကိုယ်တိုင်ဖျက်ဆီးရန် ဆုံးဖြတ်ပြီး သူတို့မျိုးနွယ်မှလူများကို အသိပေးရန် လုပ်လိုက်သည်။

သို့သော် အခြားသူများက သူ့ကို ထိုသို့လုပ်ရန် အခွင့်အလမ်း မပေးခဲ့ပေ ။

ချင်မိသားစုမှ အကြီးအကဲတစ်ဦးနှင့် ဟောက်ရန်ဂိုဏ်းမှ ဝါရင့်သူတော်စင်တစ်ဦးတို့သည် အတူတကွ အလုပ်လုပ်ခဲ့ကြပြီး မိမိကိုယ်ကို ဖျက်ဆီးခြင်းကို အတင်းအဓမ္မရပ်တန့်ကာ မန္တာန်များဖြင့် ထပ်ခါတလဲလဲ ရိုက်ခဲ့ကြသည် ။

သူတို့သည် သူ၏ကျင့်ကြံခြင်းကိုဖျက်ဆီးကာ သူ့အားသေမျိုးအဖြစ်ပြောင်းလဲလိုက်လေသည်။

အခြား ပင်လယ်နက်တာအိုဖွဲ့စည်းခြင်းကျင့်ကြံသူတစ်ဦးကိုလည်း အလားတူနည်းဖြင့် ကိုင်တွယ်ဖြေရှင်းခဲ့ပြီး ၎င်းတို့၏ တာအိုပြိုကွဲမှုကြောင့် မျိုးနွယ်ခြားရန်သူများထံ သတိပေးချက်ရောက်မည်ကို တားဆီးခဲ့သည် ။

ပင်လယ်နက်လေလွင့်ကျင့်ကြံသူအဖွဲ့တစ်ဖွဲ့သည် ကျန်းချန်ရွှမ် နှင့်အခြားသူများ ၏ လက်အောက်တွင် ဘယ်တုန်းကမှ မတည်ရှိခဲ့ဖူးသကဲ့သို့ ပျောက်ကွယ်သွားလေသည် ။

၎င်းတွင် တာအိုဖွဲ့စည်းခြင်းကျင့်ကြံသူနှစ်ဦးပါဝင်ကာ ပင်လယ်နက်လေလွင့်ကျင့်ကြံသူများအတွက် ပြင်းထန်သောထိုးနှက်ချက်ဖြစ်ပါသည် ။

ထို့ကြောင့် ပထမအကြိမ်တိုက်ခိုက်မှုသည် ကျန်းချန်ရွှမ်နှင့် သူ့အဖွဲ့တို့ ၏ လက်ထဲတွင် လွယ်ကူစွာ အဆုံးသတ်ခဲ့ပါသည်။