နှစ်ဘက်ညှပ်တိုက်ခြင်း

နယ်မြေသုံးခုမှ မဟာစစ်ပွဲ စတင်ဖြစ်ပွားချိန်တွင် အခြေအနေသည် ချက်ချင်းပင် အလွန်သေရေးရှင်ရေး ဖြစ်လာခဲ့သည် ။

ကနဦးစုံစမ်းစစ်ဆေးမှု နည်းဗျူဟာများမပါဘဲနှင့် ပေါင်းစည်းထားသောနယ်မြေသုံးခု တပ်ဖွဲ့များက သူတို့၏စွမ်းအားအပြည့်အစုံကို စတင်ထုတ်လွှတ်ခဲ့သည်။

မျိုးနွယ်ခြားနယ်မြေများမှ တာအိုပေါင်းစည်းခြင်းကျင့်ကြံသူများသည် ကောင်းကင်နှင့်မြေကြီးကို ဖျက်ဆီးနိုင်သော စွမ်းအားကိုကိုင်ဆောင်ကာ ရေတံခွန်ဂိတ်နယ်မြေမှ ကျင့်ကြံသူများနှင့် ပြင်းထန်စွာ တိုက်ပွဲဖြစ်ပွားခဲ့သည်။

သူတို့၏ သွေးကြောနတ်စွမ်းအားများနှင့် နည်းစနစ်များသည် နေရာလပ်မှကျော်ဖြတ်လာကြသည်။

မျိုးနွယ်ခြားနယ်မြေများမှ တာအိုနက်နဲသူတော်စင်များသည် လူသားတာအိုဖွဲ့စည်းခြင်းသူတော်စင် များအား ချက်ခြင်းပင် သတ်ဖြတ်ခဲ့ပြီး လူသားများအား အသက်ကယ်ဝှက်ဖဲများသုံးရန် တွန်းအား ပေးခဲ့လေသည်။

အရှေ့ကောင်းကင်ပိုင်နက်တွင် နတ်ဆိုးသားရဲသူတော်စင် ငါးယောက်က သူတို့၏အင်အားစုများကို ဦးဆောင်ကာ အတားအဆီးဆီသို့ ထပ်မံ၍ လာခဲ့သည်။

သူတော်စင်ပင်းနန်သည် မြေကြီးကို တုန်လှုပ်စေသော ခြေလှမ်းများဖြင့် တောင်တန်းများနှင့် မြစ်များကို ပျက်စီးစေခဲ့သည် ။

တောင်ကုန်းများကို နောက်ကျောတွင် သယ်ဆောင်ထားသော သူတော်စင် တိုက်တန်သည် သူ့ရောက်ရှိမှုနှင့် နေရာလပ်ကို ချိုးဖောက်ခဲ့ပါသည်။

သူတော်စင်ငရဲမင်းသည် မြေကြီးပေါ်မှ နိုးထလာပြီး အရာရာကို ပြာကျသွားစေသည် ။

သူတော်စင်ကောင်းကင်သယ်ဆောင်သူသည် မုန်တိုင်းများကို လှုံ့ဆော်ပေးပြီး ရေတံခွန်ဂိတ်နယ်မြေကို ဆိုးရွားသော တိမ်တိုက်များဖြင့် ဖုံးအုပ်ထားသည် ။

မိုင်ထောင်ချီဝေးသောနေရာကို ဖြတ်သန်းသွားလာနေပြီး ကောင်းကင်ကို ဖျက်ဆီးနေသည့် မြွေမျိုးနွယ်၏ သူတော်စင်နှင်းဆီတိမ်တိုက်သည် သူမရဲ့ လမ်းကြောင်းမှ အရာအားလုံးကို မျိုခဲ့သည်။

အရှေ့ ကောင်းကင်ပိုင်နက်အတွင်း ကင်းထောက်ခြင်းအတွက် တာဝန်ရှိသော ကင်းထောက်များကို နတ်ဆိုးသူတော်စင်ငါးပါးက လျင်မြန်စွာ ရှာဖွေဖယ်ရှားခဲ့သည်။

ကင်းထောက်တစ်ဦးသည် သူမသေဆုံးမီ စခန်းသို့ သတိပေးစာတစ်စောင် ပြန်ပို့နိုင်ခဲ့သည် ။

ဟောက်ရန်ဂိုဏ်းနှင့် မိုးကြိုးချိုင့်ဝှမ်း၏ ဒေါသထွက်နေသောအဖွဲ့ဝင်များသည် မကြာမီ အရှေ့ကောင်းကင်ပိုင်နက် အတွင်းနှင့်အပြင်ဘက်ရှိ နတ်ဆိုးသားရဲအင်အားစုများကို ရင်ဆိုင်ရန်အတွက် နေရာလပ်ကိုဖြတ်သန်းသွားကြသည် ။

တချိန်တည်းမှာပင် ကျန်းချန်ရွှမ်၊ ရှန်းရူယန်နှင့် ၎င်းတို့အဖွဲ့သည် ပြန်မလာသေးသဖြင့် ဤနယ်မြေအတွင်းရှိ ခုခံကာကွယ်ရေးတပ်ဖွဲ့များ သိသိသာသာ အားနည်းသွားခဲ့သည် ။

ကာကွယ်ရေးကို တာအိုဖွဲ့စည်းခြင်းကျင့်ကြံသူများဖြစ်သည့် လန်ယွဲ့ဟွားနှင့် ဝမ်ယွီရှောင်း တို့က ယာယီဦးဆောင်ခဲ့သည်။ ၎င်းသည် ကာကွယ်ရေးမဟာအစီအရင်နှင့်အတူ ဤနေရာကို အလွယ်တကူ ကျော်လွှားနိုင်မည်မဟုတ်ကြောင်း သေချာစေခဲ့သည် ။

သို့တိုင် ရေတံခွန်ဂိတ်နယ်မြေမှ အခြားနေရာများမှ အခြေအနေကို မသေချာသောကြောင့် သူတို့သည် စိုးရိမ်ပူပန်မှုများရှိခဲ့ကြပါသည်။

သူတို့မရောက်ခင်၌ပင် ဟောက်ရန်ဂိုဏ်းသို့ စစ်ကူများပို့ပေးရန်တောင်းဆိုခဲ့ပြီဖြစ်ပါသည်။

ရန်သူ၏ အရှိန်အဟုန်သည် ပြင်းထန်သောကြောင့် လျင်မြန်သော တုံ့ပြန်မှုကို သူတို့ မျှော်လင့်ခဲ့ကြသည် ။

ဂျုန်း...

နတ်ဆိုးသားရဲစစ်တပ်သည် မည်သည့်အချိန်ကိုမျှ မဖြုန်းတီးခဲ့ပေ ။ သူတို့ ၏ တိုက်ခိုက်မှုများသည် အတားအဆီးပေါ်တွင် စတင်ပေါက်ကွဲခဲ့သည် ။

သူမ၏ လက်မှလှိုင်းနှင့်အတူ လန်ယွဲ့ဟွားသည် ကျင့်ကြံသူများကို သူမ၏ နောက်တွင် လျင်မြန်စွာ နေရာချပေးခဲ့ပြီး စွမ်းအားမြင့်တက်လာခြင်းဖြင့် မဟာ အကာအကွယ်အစီအရင်ကို ထပ်မံ၍ အသက်ဝင်စေခဲ့သည် ။

သို့သော် ကျန်းချန်ရွှမ်နှင့်ယှဉ်လျှင် အစီအရင်များ၌ အခြေခံအသိပညာမရှိခြင်းကြောင့် ၎င်းသည် အနည်းငယ်သာထိရောက်မှုရှိပေသည် ။

အတားအဆီးအပြင်ဘက်တွင် နတ်ဆိုးသူတော်စင်ငါးပါးသည် ၎င်းတို့ ၏ စွမ်းအားများကို ဖြန့်ချိခဲ့ပြီး အတားအဆီးပတ်လည်တွင် နောက်ထပ် ပြင်းထန်သော တိုက်ပွဲတစ်ခုကို ထုတ်လွတ်ခဲ့သည် ။

မကြာခင် ထိုမျိုးနွယ်သုံးခု၏ပြန်လည်တိုက်ခိုက်မှု သတင်းသည် အကြီးအကဲများထံသို့ရောက်သွားပြီး အကူအညီပေးရန်သတင်းနှင့်တကွ ဆက်သွယ်လာခဲ့လေသည်။

ကောင်စီခန်းမတွင် လောကသစ်အတွက် စစ်ကူပို့ရန်နှင့် အသူရာနတ်ဆိုးများ၏ ကျူးကျော်ခြင်းကို စောင့်ကြပ်ရန် ဆွေးနွေးနေကြရာမှ အားလုံးက ထိတ်လန့်သွားကြလေသည်။

နယ်မြေသုံးခုကပါ တိုက်ပွဲစခဲ့ပြီဖြစ်ပါသလား?

အသူရာနတ်ဆိုးများသည် အင်အားအပြည့်နှင့် ခနအကြာကပင် ကျူးကျော်လာခဲ့ကြသည်။ ၎င်းသည် တိုက်ဆိုင်မှု ဖြစ်နိုင်ပါသလား?

ရေတံခွန်ဂိတ်နယ်မြေ၏အခြေအနေသည် တိုးတက်လာသော်လည်း အင်အားနှစ်ခု၏ကြားတွင် ရုတ်တရက် သေရေးရှင်ရေးအခြေအနေအတွင်းသို့ ရောက်သွားခဲ့သည်။

ချက်ခြင်းပင် လူတိုင်းသည် တစ်ခုခုလွတ်နေသည်ကို ခံစားလိုက်ရသည်။

သူတို့သည် ကျင့်ကြံခြင်းလောကတွင် အတွေ့အကြုံရှိပြီးသားပုံရိပ်များဖြစ်ကြပြီး လူသားသဘာဝကို နားလည်သော မျိုးနွယ်ခြားများသည် မွေးရာပါ ယုံကြည်၍မရသော အကျင့်များရှိပါသည်။

နတ်ဆိုးသားရဲများ ပင်လယ်နက်မျိုးနွယ်များနှင့် သွေးနှောများသည် အသူရာနတ်ဆိုးများနှင့် ဆက်သွယ်ကာ ရေတံခွန်ဂိတ်နယ်မြေမှလူများအား တိုက်ခိုက်ရန် ပူးပေါင်းခဲ့ပုံရပါသည်။

"ဒီမျိုးနွယ်တွေဟာ အသူရာနတ်ဆိုးတွေနဲ့ တကယ့်ကို ပူးပေါင်းကြံစည်ခဲ့ကြတယ်!" နတ်ဗိမာန်ဂိုဏ်းမှ ဂိုဏ်းချုပ်က ဒေါသဖြင့် လက်သီးဆုပ်ကာ ထုရိုက်လိုက်သည်။

လူတိုင်း၏ အပြောအဆိုများက ပြင်းထန်လာပြီး ဒေါသနှင့် ပြည့်နှက်လာခဲ့ပါသည်။

"ဒီနယ်မြေခြားမျိုးနွယ်စုတွေဟာ တကယ်ပဲ အရှက်မရှိဘူး၊ တိရစ္ဆာန်အုပ်စုပဲ။"

အသူရာနတ်ဆိုးများသည် ကျင့်ကြံသူအားလုံး၏ ဘုံရန်သူဖြစ်ကာ ဖျက်ဆီးခြင်းနှင့် သတ်ဖြတ်ခြင်း တို့ကိုသာသိသော ဆိုးယုတ်သော သတ္တဝါများသာဖြစ်သည်ဟု ယူဆခဲ့ကြသည် ။

ထိုကဲ့သို့သော အဖွဲ့အစည်းများနှင့် ပူးပေါင်းကြံစည်ခြင်းသည် ကျင့်ကြံသူအားလုံး ၏ မထီမဲ့မြင်ပြုခြင်းကို ခံရမည်ဖြစ်သည်။

၎င်းတို့ ၏ ဘဝတစ်လျှောက်လုံးတွင် ကျင့်ကြံသူများသည် တာအိုကို ရှာဖွေခဲ့ကြပြီး အသူရာနတ်ဆိုးများသည် တာအိုကို ဆန့်ကျင်ကာ တညီတညွတ်တည်း ပြစ်တင်ရှုတ်ချခြင်းနှင့် ပပျောက်ရေးကို လုပ်ဆောင်ခဲ့ကြသည် ။

သူတို့နှင့်ပူးပေါင်းသော မျိုးနွယ်ခြားကျင့်ကြံသူများသည် သေခြင်းကိုရှာဖွေနေခြင်းနှင့် ဆင်တူပါသည်။

သို့သော် သူတို့ ရှေ့တွင် ဖြစ်ပျက်နေသည့် အဖြစ်အပျက်က နတ်ဆိုး များသည် နယ်မြေသုံးခုကို မဖျက်ဆီးမီ ရေတံခွန်ဂိတ်နယ်မြေသည် ပထမဦးဆုံး နှစ်ဖက်စလုံးမှ တိုက်ခိုက်မှုများကို ခံရမည်ဖြစ်သည်။

ယခု အခြေအနေသည် သူတို့သည် ဝိညာဉ်နယ်မြေတွင် မျိုးနွယ်စုအမျိုးမျိုးမှ ပြစ်တင်ခြင်းခံရသော မျိုးနွယ်ဖြစ်နေပုံရသည်။

“ဒီလိုဆို အတားအဆီးကနေ ဘယ်တပ်ဖွဲ့ကိုမှ မခွဲနိုင်ဘူးဆိုတာ သေချာနေပြီ။ ဒီတော့ အသူရာနတ်ဆိုး တွေကို ဘယ်လိုလုပ်ကြမလဲ?

ဒါ့အပြင် အတားအဆီးက ပိုင်နက်အများအပြားမှာလည်း အထောက်အပံ့လိုအပ်နေတယ်။ ဒါမဲ့အခု ကျွန်တော်တို့ ဘယ်ဖက်ကိုမှ မကူညီနိုင်ဘူးဖြစ်နေတယ်။"

နတ်အရိပ်ဂိတ်ဂိုဏ်းမှ တာအိုအရှင်က စိုးရိမ်ဖွယ်အမူအရာဖြင့် ပြောကြားခဲ့သည် ။

အငြင်းပွားမှုက မဖြေရှင်းနိုင်လောက်အောင် ဖြစ်နေသဖြင့် တိတ်ဆိတ်သွားကြသည်။

"လောကသစ်မှာရှိတဲ့ ကာကွယ်ရေးလိုင်းတွေကို အရင်ဆုတ်ခွာကြစို့။ တိုက်ပွဲကိုအချိန်ဆွဲပြီး အရေးကြီးတဲ့ အရင်းအမြစ်တွေကို ကာကွယ်ဖို့ အာရုံစိုက်ကြရအောင်။" ချင်ရှန်းဝူကနောက်ဆုံးတွင် ပြောကြားခဲ့သည် ။

ရေတံခွန်ဂိတ်နယ်မြေနှင့် ယှဉ်လျှင်လောကသစ်မှ သယံဇာတများသည် ရေတံခွန်ဂိတ်အတွင်းမှ ဂိုဏ်းအားလုံး အဓိကစိတ်ဝင်စားကြသောကြောင့် ပဓာနဖြစ်စေပါသည်။

လောကသစ်တွင် တိုက်ပွဲကိုအချိန်ဆွဲခြင်းဖြင့် သူတို့သည် ကာကွယ်ရေးအစီအစဉ်ကို ပိုဆွဲနိုင်ကာ ကာကွယ်သူများအား တတ်နိုင်သမျှကာကွယ်ထားနိုင်စေမည်ဖြစ်သည်။

အဖိုးတန်နေရာများကို မသိမ်းပိုက်ခံရသရွေ့ အခြားနေရာများကို ဂရုစိုက်စရာမလိုပါ။

"ဒါက တစ်ခုတည်းသော နည်းလမ်းပဲ။"

နတ်ဗိမာန်ဂိုဏ်းမှ တာအိုအရှင်သည်လည်း ထိုအကြံပြုချက်ကို သဘောတူခဲ့ပါသည်။

“ဒါပေမဲ့ လောကသစ်က အင်အားက အရမ်းနည်းနေသေးတယ်။ ဒါတွေကို အားဖြည့်ပေးဖို့ လိုတယ်။ ပိုင်နက်တွေအတွက်ကတော့ အပြန်အလှန်အကူအညီပေးကြဖို့ အမိန့်ပေးလိုက်ပါ။" သူက ထပ်ပေါင်းပြောလိုက်သည်။

ပိုင်နက် ၉ ခု ၏ ကျယ်ပြန့်မှုသည် တပ်ဖွဲ့ဝင်များ ၏ ကင်းထောက်လှုပ်ရှားမှုများကို စိန်ခေါ်မှုဖြစ်စေခဲ့ပြီး ဂိုဏ်းများသည် အချင်းချင်း အကူအညီပေးရန် လိုအပ်ပါသည် ။

ရေတံခွန်ဂိတ်၏ အခြေအနေသည် လျင်မြန်စွာ ပြောင်းလဲသွားခဲ့ပြီး ပါဝင်သူ အားလုံးအပေါ် ဖိအားများ သိသိသာသာ တိုးလာခဲ့သည် ။

"အားလုံး ဒီအစီအစဉ်ကို ဆက်လုပ်ကြရအောင် ။ နောက်ထပ် အင်အားစုတွေ စုစည်းဖို့ မင်းတို့ကိုပဲ အားကိုးရတော့မယ်။" တာအိုအရှင်သုံးဦးက ပြောကြားကာ အစည်းအဝေးအပြီးသတ်လိုက်သည် ။

ယွင်ရီကျန်း၊ ရွယ်ပင်းနှင့်အခြားသူများသည် မတ်တပ်ရပ်လိုက်ကာ သဘောတူညီရင်း ခေါင်းညိတ်နေစဉ် သူတို့ ၏ အမူအရာများသည် အဆင်မပြေဖြစ်နေကြသည်။

တုံ့ဆိုင်းခြင်းမရှိဘဲ ဂိုဏ်းချုပ်များသည် သူတို့၏ဂိုဏ်းများ စောင့်ကြပ်ရန်တာဝန်ကျသည့်နေရာများသို့ သွားလိုက်ကြသည်။

မဟာကောင်စီခန်းမသည် ဗလာဖြစ်နေကာ တိတ်ဆိတ်သွားလေသည်။

ထိုအချိန်တွင် ရေတံခွန်ဂိတ်၏ အခြေအနေသည် အရေးကြီးဆုံးအခြေအနေဖြစ်ပါသည်။

ထိုအချိန်တွင်။

ကျန်းချန်ရွှမ်နှင့်သူ ၏ လုပ်ဖော်ကိုင်ဖက်များသည်နောက်ဆုံးတွင် ထိုသတင်းကိုရရှိခဲ့သည် ။

နယ်မြေသုံးခုနှင့် အသူရာနတ်ဆိုးတို့သည် လောကသစ်နှင့် အတားအဆီးနှစ်ခုလုံးတွင် အင်အားအပြည့်နှင့် တိုက်ခိုက်လာခဲ့ခြင်းသည် သူတို့အား မိုးကြိုးပစ်သကဲ့သို့ ဖြစ်ပေသည်။

သူတို့အားလုံးသည် ရေတံခွန်ဂိတ်နယ်မြေရင်ဆိုင်နေရသော ကပ်ဘေးသည် နယ်မြေသုံးခုက အသူရာနတ်ဆိုးများနှင့် ပူးပေါင်းလိုက်ခြင်းဖြစ်ကြောင်း နားလည်ခဲ့ကြသည်။

ကံကောင်းစွာဖြင့် သူတို့သည် ရေတံခွန်ဂိတ်နယ်မြေအတွင်းမှ တာအိုဖွဲ့စည်းခြင်းနှင့် ၎င်း၏ အထက်အဆင့်များအား ဖယ်ရှားပြီးဖြစ်ပါသည်။

မဟုတ်လျှင် မျိုးနွယ်ခြားကျင့်ကြံသူများ၏ ပြည်တွင်းပုန်ကန်မှုကြောင့် မထင်မှတ်ထားတဲ့ အကျိုးဆက်များ ဖြစ်လာနိုင်ပါသည်။

"ငါတို့အမြန်ပြန်ရမယ်!" ကျန်းချန်ရွှမ်သည် အဖွဲ့အား တည်ငြိမ်စွာ ကြေငြာခဲ့သည် ။

အားလုံးက သဘောတူလက်ခံကြသည်။

“ဒီတိုက်ပွဲမှာ မျိုးနွယ်ခြားတွေဆီက တိုက်ခိုက်ရေး ရတနာတွေ အများအပြား သိမ်းဆည်းရတယ်။ အသူရာနတ်ဆိုးတွေကို ခုခံကာကွယ်ဖို့အတွက် လူအနည်းငယ်ကို လောကသစ်ဆီ ခေါ်သွားကြစို့ ။"

ကျန်းချန်ရွှမ်သည် ရုတ်တရက်စိတ်ကူးတစ်ခုရခဲ့သည် ။

သူ၏ အစီအစဉ်အတိုင်း မိုးကြိုးချိုင့်ဝှမ်းနှင့် ဟောက်ရန်ဂိုဏ်းတို့သည် လောကသစ်ကို ပံ့ပိုးရန် တာအိုဖွဲ့စည်းခြင်းကျင့်ကြံသူနှစ်ဦးစီကို စေလွှတ်ခဲ့သည် ။

ကျန်းချန်ရွှမ်ဦးဆောင်သော ကျန်ငါးဦးသည် အရှိန်အပြည့်ဖြင့် အရှေ့ကောင်းကင်ပိုင်နက်သို့ အလျင်အမြန် ပြန်သွားကြမည်ဖြစ်သည် ။