ခုတ်ထွင်ခြင်းစွမ်းအား၊ နတ်ဆိုးသားရဲအားလုံးထိတ်လန့်ခြင်း

နတ်ဆိုးသားရဲများသည် အရှေ့ကောင်းကင်ပိုင်နက်အား စတင်တိုက်ခိုက်စဉ်က သူတို့သည် ထိုလူသားကျင့်ကြံသူအား အမှတ်ရသွားကြသည်။

အတားအဆီးကို လွယ်လွယ်ကူကူ ချိုးဖျက်နိုင်မည်ဟု ထင်ခဲ့ကြသော်လည်း ထိုသူသည် သူတို့အတွက် အဟန့်အတားဖြစ်ခဲ့သည်။

သူတော်စင်နှင်းဆီတိမ်တိုက်၏ရောင်စုံအဆိပ်အား ရင်ဆိုင်ပြီးနောက် ထိုအကာအကွယ် အစီအရင်သည် သူ၏အသက်သွင်းခြင်းအောက်တွင် ထူထဲသည့်ရွက်ဖျင်ကဲ့သို့ ထိုးခွဲ၍ မရနိုင်အောင်ဖြစ်ခဲ့သည်။

နတ်ဆိုးသားရဲစစ်တပ်၏ပထမဆုံးကျရှုံးမှုသည် ကျန်းချန်ရွှမ်ကြောင့်ဟု စွပ်စွဲနိုင်ပါသည်။

ထို့အပြင် ယခု ကျန်းချန်ရွှမ်မှထွက်ပေါ်လာသော ရောင်ဝါသည်ယခင်ကနှင့်မတူ ကွဲပြားခြားနားနေပါသည် ။

သူတို့သိသည့် တာအိုအစပြုခြင်းအဆင့်ဖြစ်သည့်ကျန်းချန်ရွှမ်ထပ် များစွာသာလွန်နေပြီဖြစ်သည်။

နောက်ဆုံးတွင် သူတို့ တစ်ခုခုကို နားလည်သွားကြသည်။

သူတို့၏ နံပါတ် ၁ ရန်သူဖြစ်သော ကျန်းချန်ရွှမ်သည် ထိုးဖောက်ရန်အတွက် အချိန်ကြာကြာ ပျောက်ဆုံးနေခြင်း ဖြစ်ပေလိမ့်မည်။

အတားအဆီးကို ချိုးဖောက်ပြီး အရှေ့ကောင်းကင်ပိုင်နက်၏ခုခံသူများအား ဝိုင်ရံထားကာ အောင်မြင်မှုကြီးရတော့မည့်အချိန်တွင် ကျန်းချန်ရွှမ် ပြန်လာခဲ့လေသည်။

သူသည် နတ်ဆိုးသားရဲတို့၏ ပြေးမလွတ်သောနတ်ဆိုးကဲ့သို့ဖြစ်သည်။

"သွားကြရအောင်!"

နတ်ဆိုးသားရဲသူတော်စင်များသည် ကျန်းချန်ရွှမ်အား အံ့အားသင့်နေကြစဉ်တွင် လူသားကျင့်ကြံသူများသည် ရုတ်တရက်ပေါက်ထွက်လာခဲ့သည်။

သူတို့၏ ဓမ္မစွမ်းအင်များနှင့် နည်းစနစ်များကို အသက်သွင်းကာ ဝိုင်းရံခံရမှုမှကျွမ်းကျင်စွာ လွတ်မြောက်ခဲ့လေသည်။

ကျန်းချန်ရွှမ်ကိုမြင်ပြီးနောက် ရှန်းရူယန်သည်လည်း သူမ၏လျှပ်စီးစွမ်းအားကိုထုတ်ကာ မိုးကြိုးသွားအဖြစ်ပြောင်းလဲပြီး ရှေ့သို့ဦးတည်သွားခဲ့သည်။

"ဟမ်?" ထွက်ပြေးဖို့ စဉ်းစားနေတာလား ။ အဲ့ဒါက သိပ်မလွယ်ဘူး ၊ နောက်မှာနေ။"

သို့သော် သူတော်စင်ငရဲမင်းက ပြင်းပြင်းထန်ထန် အော်ဟစ်ကာ ရှန်းရူယန်ကို အလွယ်တကူ လွတ်မြောက်စေလိုခြင်းမရှိဘဲ လျင်မြန်စွာ တုံ့ပြန်ခဲ့သည် ။

သူ၏ ခန္ဓာကိုယ်သည် ပြောင်းလဲသွားပြီး သူ့အတွင်း ၌ နတ်ဘုရားမီးတောက်များ တောက်ပလာကာ မီးခြင်္သေ့ကိုးကောင်အဖြစ် ပြောင်းလဲသွား၍ ရှန်းရူယန်နောက်သို့ လိုက်လေတော့သည်။

ဤတိုက်ခိုက်မှုသည် မီးလျှံခြင်္သေ့မျိုးနွယ် ၏ မွေးရာပါဘုရားမီးကို ပုံဆောင်ပြီး အလွန် ကြောက်မက်ဖွယ်ကောင်းပြီး စည်းမျဉ်းစည်းကမ်းများကို အရည်ပျော်စေနိုင်သည် ။

သို့သော် ထိုအချိန်တွင် ကျန်းချန်ရွှမ်ကလည်း သူ ၏ လှုပ်ရှားမှုကို ပြုလုပ်ခဲ့သည် ။

သူ ၏ ညာလက်သည် တွန့်သွားပြီး လျှပ်စီးအရှိန်ဖြင့် ဒြပ်စင်ငါးပါးကားချပ်ကိုဆင့်ခေါ်လိုက်သည်၊ ပြီးနောက်

လူတိုင်းသည် ရွှေရောင်နတ်အလင်းတစ်ခုလက်သွားသည်ကို မြင်ခဲ့ကြပြီး မီးခြင်္သေ့ကိုးကောင်ဆီသို့ ရောင်ခြည်တစ်ခုက ပစ်ခတ်ခဲ့သည်ကို မြင်လိုက်ရလေသည်။

ရွှေရောင်အလင်းရောင် ဖြတ်သန်းသွားသော နေရာတွင် နေရာလပ်သည် ပွင့်လင်းနေပြီး မီးခြင်္သေ့ကိုးကောင်ကို တိုဖူးကဲ့သို့ ဖြတ်တောက်ကာ ၎င်း၏ လမ်းကြောင်းထဲရှိ အရာအားလုံးကို အရည်ပျော်သွားစေခဲ့သည် ။

သို့သော်လည်း တိုက်ခိုက်မှုသည် ထိုနေရာတွင် မပြီးဆုံးခဲ့ပေ ။ ခြင်္သေ့ကိုးကောင်ကို ဖျက်ဆီးပြီးနောက် ၎င်းသည် သူတော်စင်ငရဲမင်းဆီသို့ ဆက်သွားခဲ့သည် ။

ခနအကြာတွင် သွေးများပြန့်ကျဲသွားခဲ့သည်။

အချိန်မီ တုံ့ပြန်နိုင်ခြင်းမရှိသော သူတော်စင်ငရဲမင်းသည် ဤဓားဖြင့် ခြင်္သေ့ပေါင်တစ်ချောင်းကို ဖြတ်ခံလိုက်ရလေသည် ။

၎င်းသည် ကျန်းချန်ရွှမ်၏ မူလဝိညာဉ်ရတနာဖြစ်သည့် ဒြပ်စင်ငါးပါးကားချပ်မှ ဖွဲ့စည်းထားသော ရွှေဗလာနယ်ဓားဖြစ်လေသည်။

တာအိုပေါင်းစည်းခြင်းအဆင့်၏ အကူအညီဖြင့် ရွှေဗလာနယ်ဓားသည် နေရာလပ်နှင့် အမှန်တကယ် ပေါင်းစည်းသွားပုံရသည် ။

၎င်း၏ထိတ်လန့်ဖွယ်အရှိန်နှင့် သေခြင်းသည် သူတော်စင်ငရဲမင်းကိုအံ့အားသင့်စေခဲ့ပြီး တုံ့ပြန်နိုင်စွမ်း မရှိတော့ပေ။

"ယောကျ်ား။"

ထိုအချိန်တွင် ရှန်းရူယန်သည် ကျန်းချန်ရွှမ်၏ ဘက်သို့ ရောက်ရှိခဲ့ပြီး ရွှေဗလာနယ်ဓားနောက် အနီးကပ်လိုက်လာကာ ကျန်းချန်ရွှမ်၏ လက်ထဲသို့ ပြန်ရောက်လာခဲ့သည် ။

"ရူယန်။"

အချိန်ကြာမြင့်စွာမတွေ့ရသော သူ၏တာအိုအဖော်ကိုမြင်လျှင် ကျန်းချန်ရွှမ်သည် သိသာစွာ တုန်လှုပ်နေခဲ့သည်။

သူသည် အရှေ့ကောင်းကင်ပိုင်နက်၏ သေရေးရှင်ရေးအခြေအနေအား ရောက်လာစဉ်က မြင်တွေ့ခဲ့ရပြီဖြစ်သည်။

ရှန်ရူယန်သည် အဆင့်ပို၍မြင့်သော ရန်သူသုံးဦးနှင့် တိုက်ခိုက်နေသည်ကိုတွေ့မြင်ရသည်က သူ့အား အလွန်စိုးရိမ်စေခဲ့ပေသည်။

"ဒီတစ်ခါတော့ မင်းတကယ်ကို လွတ်မြောက်သွားပြီ ။"

ကျန်းချန်ရွှမ်သည် ရှန်းရူယန်၏ ဆံပင်ကို ညင်သာစွာပုတ်လိုက်ပြီး နူးညံ့သိမ်မွေ့စွာပြောလိုက်သည် ။

ဤအခိုက်အတန့်တွင်ရှန်းရူယန်သည် နောက်ဆုံးတွင် သူမ ၏ သတိကို လျှော့ချလိုက်ပြီး သူမ ၏ မျက်နှာသည် နူးညံ့လာကာ ပြောလိုက်သည်။

"ရှင်ရောက်လာမယ်ဆိုတာ ကျွန်မသိတယ်။ သိနေခဲ့တာ။"

သူမ၏ စကားများက ယုံကြည်မှုအပြည့်ဖြင့် ပြည့်နှက်နေပြီး ကျန်းချန်ရွှမ်၏ နှလုံးသားကို နွေးထွေးစေခဲ့သည်။

နတ်ဆိုးသားရဲစစ်တပ်အတွင်းရှိ နတ်ဆိုးသားရဲများအားလုံးသည် ကျန်းချန်ရွှမ်၏ လှုပ်ရှားမှုကြောင့် တုန်လှုပ်သွားကြသည် ။

အချိန်အနည်းငယ် သူတို့သည် နေရာ၌ပင် ကြောင်အနေကြသည်။

မီးတောက်ခြင်္သေ့မျိုးနွယ်၏ ကျော်ကြားသော တာအိုပေါင်းစည်းခြင်းသူတော်စင် ငရဲမင်းသည် ထိုလူ၏ တိုက်ခိုက်မှုကို တစ်ကြိမ်မျှ မခံနိုင်ပါ ။

"ဒီလူသားကျင့်ကြံသူက တာအိုနက်နဲအဆင့် ဖြစ်နိုင်လား?"

သူတော်စင်ကောင်းကင်သယ်ဆောင်သူက မယုံကြည်နိုင်သည့်အသံဖြင့် ပြောလိုက်လေသည်။

သူတော်စင်ငရဲမင်း၏ အာရုံစိုက်မှုက ရှန်းရူယန်၌ ရှိခဲ့သော်လည်း တာအိုပေါင်းစည်းခြင်း ပြိုင်ဘက်တစ်ဦးအနေဖြင့် သူ၏ခြေထောက်အား ဖြတ်ရန် မလွယ်ကူခဲ့သင့်ပါ။

"မဟုတ်ဘူး ၊ သူက တာအိုပေါင်းစည်းခြင်းအဆင့်ပဲရှိသေးတယ် ။"

သူတော်စင်နှင်းဆီတိမ်တိုက်က ပြင်းပြင်းထန်ထန် ပြောလိုက်သည် ။

သူမ ၏ တာအိုနက်နဲအဆင့်စွမ်းအားကြောင့် ကျန်းချန်ရွှမ်၏ လက်ရှိအဆင့်သည် တာအိုပေါင်းစည်းခြင်းအဆင့်သာ ဖြစ်သည်ကို သူမသိနိုင်ပါသည် ။

သို့သော် ၎င်းသည် ပို ၍ ကြောက်မက်ဖွယ်ကောင်းစေသည် ။

တာအိုပေါင်းစည်းခြင်းအဆင့်တွင်သာရှိကာ ဤကဲ့သို့သောတိုက်ခိုက်မှုကို လုပ်ဆောင်နိုင်ခြင်းသည် လုံးဝမထင်မှတ်နိုင်လောက်အောင် ဖြစ်ပါသည် ။

ဤလူသားကျင့်ကြံသူ၏ အလားအလာသည် သိသိသာသာကြီးမားလွန်းပြီး အနာဂတ်တွင် ၎င်းသည် နယ်ပယ်သုံးခုလုံးအတွက် ကြီးမားသော ခြိမ်းခြောက်မှုတစ်ခုဖြစ်လာမည်မှာ သေချာပါသည် ။

"ဘာပဲဖြစ်ဖြစ်၊ ငါတို့ သူ့ကို ဒီနေရာမှာ သတ်ပစ်ရမယ်။"

သူတော်စင်နှင်းဆီတိမ်တိုက်က ချက်ချင်းပဲ ထိုဆုံးဖြတ်ချက်ကို ချမှတ်ခဲ့သည်။

ပါရမီရှင်တစ်ယောက်သည် လဲကျသွားနိုင်သောကြောင့် ကြောက်စရာကောင်းမည်မဟုတ်ပါ။

သို့သော် ဤကဲ့သို့ နယ်ပယ်တစ်ခုအထိ တိုးတက်လာခဲ့သည့် ကျန်းချန်ရွှမ်ကဲ့သို့ပါရမီရှင် တစ်ယောက်သည် အမှန်တကယ် ထိတ်လန့်တုန်လှုပ်ဖွယ်ကောင်းခဲ့ပါသည်။

ရေတံခွန်ဂိတ်နယ်မြေသည် နောက်ထပ် တာအိုအရှင်တစ်ဦးပေါ်ထွန်းရန် နှစ်ရာပေါင်း အနည်းငယ်သာ စောင့်ရခြင်းဖြစ်ကောင်းဖြစ်နိုင်ပါသည်။

"သေစမ်း၊ သေစမ်း၊ အား...။"

ထိုအချိန်တွင် နတ်ဆိုးသားရဲသူတော်စင်သုံးဦးဘက်တွင် သူတော်စင်ငရဲမင်းသည် ဒေါသဖြင့် ဟိန်းလိုက်လေသည်။

ရန်သူမှ လက်တစ်ဖက်ကို ဖြတ်ခံလိုက်ရခြင်းသည် ရုပ်ပိုင်းဆိုင်ရာ ညှဉ်းပန်းနှိပ်စက်မှုသာမက သူ့အတွက် စိတ်ပိုင်းဆိုင်ရာ နာကျင်မှုလည်း ဖြစ်ခဲ့သည် ။

အချိန်အတော်ကြာသည်အထိ ရန်သူ၏ တိုက်ခိုက်မှုကို ပိတ်ဆို့တားဆီးခြင်း၌ကျရှုံးရန် မဆိုနှင့်၊ သူသည် ထိုကဲ့သို့သော ထိခိုက်နစ်နာမှုမျိုးကို မခံစားခဲ့ရဖူးပါ။

သူ ၏ ကိုယ်ခန္ဓာသည် နတ်ဘုရား၏ မီးလျှံများဖြင့် ဖွဲ့စည်းထားခြင်းဖြစ်ပြီး များသောအားဖြင့် ရုပ်ပိုင်းဆိုင်ရာ ထိခိုက်မှုအချို့ကို ရှောင်ရှားနိုင်ပါသည် ။

သို့သော် ကျန်းချန်ရွှမ်၏ဓားအောက်တွင် အကျိုးသက်ရောက်မှုမရှိခဲ့ပေ။

ထို့ပြင်၊ သူ၏ ခန္ဓာကိုယ် ပြန်လည်ထူထောင်ရေးသည် ထိုဓားဖြင့် ထိုးခံရပြီးနောက်တွင် အလွန် နှေးကွေးသွားခဲ့သည်။

ဤအခိုက်အတန့်တွင် ကျန်းချန်ရွှမ်သည် လူအုပ်ထဲမှ ရှေ့သို့ ခြေလှမ်းလှမ်းလိုက်ပြီး ရွှေဗလာနယ်ဓားကို ထပ်မံဆင့်ခေါ်လိုက်သည် ။

ထိုလုပ်ရပ်က နတ်ဆိုးသားရဲစစ်တပ်ကို တုန်လှုပ်စေခဲ့ပြီး ခြေလှမ်းပေါင်းများစွာ အတူတကွ ပြန်လှည့်သွားစေခဲ့သည်။

"နတ်ဆိုးသားရဲတွေ ရေတံခွန်ဂိတ်နယ်မြေကိုကျူးကျော်ပြီး အသူရာနတ်ဆိုးတွေနဲ့ မဟာမိတ်ဖွဲ့တဲ့အတွက် မင်းတို့ရဲ့အပြစ်တွေက ခွင့်လွတ်လို့မရနိုင်ဘူး။"

သူသည် ဖြည်းညင်းစွာ စကားပြောခဲ့သည် ၊ သူ၏ အသံသည် အရှေ့ကောင်းကင်ပိုင်နက် တစ်ခုလုံးတွင် ပဲ့တင်ထပ်နေသည် ။

“ဒီအချိန်မှာ ဘာထပ်ပြောစရာရှိသေးလဲ ။ ရေတံခွန်ဂိတ်က ဖျက်ဆီးခံရပြီး သိပ်မကြာခင်မှာ အရာရာဟာ ငါတို့ရဲ့ ပိုင်ဆိုင်မှု ဖြစ်သွားလိမ့်မယ်။”

သူတော်စင်နှင်းဆီတိမ်တိုက်သည် သူမ၏ကြီးမားလှသော မြွေခန္ဓာကိုယ်နှင့်အတူ နေရာလပ်ထဲ သွားလာနေကာ အဝေးမှ ရပ်ပြီး ပြင်းပြင်းထန်ထန် အော်ဟစ်ပြောဆိုလိုက်သည်။

ထိုအချိန်တွင် နတ်ဆိုးတို့ ၏ အပေါင်းအသင်းကို ဖုံးကွယ်ထားရန် မလိုတော့ပေ ။

အသူရာနတ်ဆိုးများသည် နယ်မြေသုံးခု၏စစ်တပ်အတွင်းပေါ်လာခြင်းမရှိလျှင် သက်သေရှိမည် မဟုတ်ပါ။

ထို့ပြင် သမိုင်းကြောင်းကို အောင်နိုင်သူမှ ရေးထိုးရမည်ဖြစ်သည်။ နောက်ဆုံးအောင်ပွဲခံသူများမှာ နတ်ဆိုးသတ္တဝါများ၊ ပင်လယ်နက်လေလွင့်သူများနှင့် သွေးနှောများ ဖြစ်နေသရွေ့ဖြစ်သည်။

ထို့နောက် အခြားမည်သည့်အရာမျှ အရေးမကြီးပါ ။

နောက်ဆုံးတွင် ဇာတ်လမ်းမှာ အသူရာနတ်ဆိုးများက ရေတံခွန်ဂိတ်နယ်မြေကို ကျူးကျော်ခဲ့ကြပြီး လူသားများသည် အသူရာနတ်ဆိုးများ ၏ သတ်ဖြတ်ခြင်းကို ခံခဲ့ရသည်။

နတ်ဆိုးသားရဲများ၊ ပင်လယ်နက်လေလွင့်သူများနှင့် သွေးနှောများသည် မီးနှင့်ရေဘေးတို့မှ ရေတံခွန်ဂိတ်နယ်မြေကိုကယ်တင်သောကယ်တင်ရှင်ကြီးများဖြစ်ကြပြီး အသူရာနတ်ဆိုးများကို ပြန်လည်ရုပ်သိမ်းခဲ့သည် ။

"နတ်ဆိုးသားရဲတွေ တကယ်ပဲ ရက်စက်ကြမ်းကြုတ်ပြီး အရှက်မရှိတဲ့ကောင်တွေပဲ အသူရာနတ်ဆိုးတွေနဲ့ မဟာမိတ်လုပ်တာ မင်းတို့ပျက်စီးကြောင်းကိုကိုယ်တိုင်ရှာနေတာပဲ။"

ကျန်းချန်ရွှမ်သည် သူတော်စင်နှင်းဆီတိမ်တိုက်အား စိုက်ကြည့်ကာ ကြေငြာလိုက်ပြီး သတ်ဖြတ်ခြင်းရည်ရွယ်ချက်များသည် လေထု၌ ထူထဲနေလေသည်။

ထိုအချိန်တွင် သူတော်စင် နှင်းဆီတိမ်တိုက်သည်ပင် ကျန်းချန်ရွှမ်၏ပြိုင်ဘက်ဟု သတ်မှတ်နိုင်ပါသည်။

၎ င်းတို့၏နောက်တွင် တာအိုဖွဲ့စည်းခြင်းကျင့်ကြံသူ အုပ်စုတစ်စုသည်လည်း တိုက်ခိုက်ရေးစိတ်ဓာတ်များဖြင့် တောက်ပနေပြီး ၎ င်းတို့ ၏ မျက်လုံးများမှာ အေးစက်မှုဖြင့် ပြည့်နှက်နေသည် ။

ကျန်းချန်ရွှမ်၏ ရောက်ရှိလာမှုသည် သူတော်စင်နှင်းဆီတိမ်တိုက်၏ အစီအစဉ်များကို အနှောင့်အယှက်ဖြစ်စေပြီး နှစ်ဖက်အကြား ဟန်ချက်ကို လုံးဝနှောင့်ယှက်စေခဲ့သည် ။

ယခုအချိန်တွင် အမြတ်ထုတ်ဖို့ အခွင့်အလမ်း မရှိတော့ဘဲ မျက်နှာချင်းဆိုင် တိုက်ပွဲသာ ဖြစ်ခဲ့ရတော့သည်။

သို့သော်လည်း အရေအတွက်ကိုသာ ကြည့်လိုက်လျှင် နတ်ဆိုးသားရဲစစ်တပ်သည် ပိုမိုအားကောင်းနေဆဲဖြစ်ပြီး ရလဒ်မှာ မသေချာသေးပေ ။