မမြင်ရသော ရှုထောင့် (၂)

ကွဲအက်ကြယ်စင်ကွင်းသည် ရာဇ၀တ်ကောင်များဖြင့် ပြည့်နှက်နေသောကြောင့် အခြားကြယ်ကွင်းပြင်များမှ ဧည့်သည်များကို မြင်တွေ့ရသည်မှာ အလွန်ရှားပါသည်။ ဒါတောင် လာတဲ့သူများ ရှိသေးသည်။

ပက်ဂီက သူတို့ထဲက ၁၁ ယောက်ကို ဆက်တိုက်မေးခဲ့ပြီး ရလဒ်တွေက အများအားဖြင့် အတူတူပင်။ ဤဆေးလ်ဗားများသည် မြင်တွေ့နိုင်သော စကြာဝဠာ၏အစွန်းကို မျက်မြင်တွေ့လိုသော မိတ်ဆွေများနှင့် ခရီးသွားများဖြစ်ပြီး ကွဲအက်ကြယ်စင်ကွင်းသည် မြင်တွေ့နိုင်သော စကြာဝဠာ၏ အစွန်းများထဲမှ တစ်ခုဖြစ်သည်။ သူတို့ဖြတ်သွားခဲ့ပြီး ကံမကောင်းစွာနဲ့ပဲ ပက်ဂီ၏ ပြန်ပေးဆွဲခံခဲ့ရသည်။

သူသည် နောက်အကျဉ်းခန်းထဲသို့ လျှောက်သွားပြီး အတွင်းမှ ဆေးလ်ဗားသည် အနည်းငယ် ကွဲပြားသည်။ တခြားသူတွေက အချုပ်ခန်းတံခါးဖွင့်သံကြားတော့ နည်းနည်းတော့ တုန်လှုပ်သွားပေမယ့် ဒီလူက အလွန်တည်ငြိမ်ပြီး လုံးဝ မလှုပ်ရှားဘူး။ သူသည် အကျဉ်းသားမဟုတ်ဘဲ ဤသင်္ဘော၏ ဧည့်သည်တစ်ဦးနှင့် တူနေသည်။

"မင်းက ခေါင်းဆောင်လား" ဒီဆေးလ်ဗားက အရင်ပြောပြီး သူ့လေသံက အရမ်းတည်ငြိမ်၏။ “ကျွန်တော့်ရဲ့လွတ်လပ်မှုကို ပိုက်ဆံနဲ့ဝယ်ဖို့ ဆန္ဒရှိတယ်။ ကြိုက်ရာဈေးနဲ့ ဆုံးဖြတ်လို့ရတယ်။”

"ငါစိတ်မဝင်စားဘူး။" ပက်ဂီက အမူအရာ ပြောင်းလဲသွားခြင်း မရှိပေ။ သူ၏အာကာသယာဉ်သည် တည်နေရာကို သိရှိခြင်းမှ ကာကွယ်ရန်၊ အန္တရာယ်များကို ကာကွယ်ရန် သတင်းအချက်အလက် အနှောင့်အယှက်ပေးမှုများကို ဖွင့်ထားသောကြောင့် ဘေးကင်းလုံခြုံသောနေရာ မရောက်မချင်း ကျွန်များကို ဆက်သွယ်ရေးကိရိယာများ အသုံးပြုခွင့်မပြုပေ။

သူ့လက်ဝှေ့ယမ်းပြီး သူ့လက်အောက်ငယ်သားက ရှေ့သို့ လျှောက်သွားပြီး ဆေးလ်ဗား၏ ခန္ဓာကိုယ်ကို တုန်လှုပ်သွားစေသည်။ ဤဆေးလ်ဗားသည် ပြင်းထန်စွာရုန်းကန်ပြီး ဒေါသတကြီးအော်ကာ “ငါ့မှာ ပိုက်ဆံအများကြီးရှိတယ်။ ကျွန်တွေကို ရောင်းတာ ငွေရဖို့မဟုတ်ဘူးလား"

ရုတ်တရက် စကာဗန်ဂျာ လက်အောက်ငယ်သားတစ်ဦးသည် တစ်စုံတစ်ခုကို တွေ့ရှိသွားသည်။ သူ့အင်္ကျီကို ဆုတ်ဖြဲလိုက်ပြီး အနက်ရောင် ပုတီးစေ့လေးကို ထုတ်လိုက်သည်။ ဤဆေးလ်ဗားသည် ချက်ချင်းပင် ပို၍ကြမ်းတမ်းလာကာ အနက်ရောင်ပုတီးစေ့ကို ပြန်လုယူချင်သော်လည်း ကြမ်းပြင်ပေါ်တွင် ပြင်းပြင်းထန်ထန် ဖိထားခံရသဖြင့် ဒေါသတကြီး အော်ဟစ်နေနိုင်လေသည်။

"ဒါကဘာလဲ?" ပက်ဂီသည် ၎င်း၏လက်အောက်ငယ်သားထံမှ အနက်ရောင်ပုတီးစေ့ကို ယူကာ ညှစ်လိုက်သည်။ အလွန်မာကျောပြီး ပုတီးစေ့၏မျက်နှာပြင်သည် မှော်ဆန်သော အရောင်စုံဖြင့် နက်မှောင်သော အလင်းရောင်ကို ထုတ်လွှတ်နေသည်။

"ငါ့ကို ပြန်ပေး! ငါသည် အမှောင်ကြယ်ရဲ့ ကိုယ်စားလှယ်ပဲ။ ဒါကို အမှောင်ကြယ်က ပိုင်တာ။ မင်းယူရဲရင် မင်းဖျက်ဆီးခံရပြီး သေသွားဖို့ပဲရှိတယ်။” ထိုလူက ဒေါသတကြီးအော်တယ်။

"အမှောင်ကြယ်?" ပက်ဂီက အေးစက်စွာ ရယ်မောလိုက်သည်။ "မင်းအိမ်စာ ကောင်းကောင်းလုပ်ထားတာပဲ။ ကြယ်ဝိညာဉ်ပင်လယ်က ဝေးလွန်းပေမယ့် ငါတို့ရဲ့ ကွဲအက်ကြယ်စင်ကွင်းမှာ အမှောင်ကြယ်အဖွဲ့အစည်းတစ်ခု ရှိနေတာကို မင်းသိတယ်။ ငါက မျိုးစပ် ဂိုဒိုရန်ဖြစ်ပေမယ့် အမှောင်ကြယ်နဲ့ လက်မတွဲခဲ့ဘူး၊ မင်း ငါ့ကို ခြောက်လှန့်ချင်တာလား။ ငါက လွယ်လွယ် အလိမ်ခံရမယ်လို့ မင်းထင်နေတာလား"

ပက်ဂီသည် အမှောင်ကြယ်ကို လွတ်မြောက်ရေး၏ ရှေ့ဆောင်ကြီးအဖြစ် ရှုမြင်ခဲ့ပြီး သူသည် အမြဲတမ်း လက်တွဲလိုသော်လည်း အမှောင်ကြယ်သည် အလွန်လျှို့ဝှက်ဆန်းကြယ်သောကြောင့် ၎င်းတို့နှင့် ဘယ်သောအခါမှ မဆက်သွယ်နိုင်ပေ။ အမှောင်ကြယ်က သူ့ကို အမိန့်ပေးရင် သူ့အသက်ကို လိုလိုလားလား ပေးအပ်ပေလိမ့်မည်။

ဆေးလ်ဗားများသည် ဝေးကွာလွန်းသော ကြယ်ဝိညာဉ်ပင်လယ်မှ ဖြစ်သည်။ ၎င်းတို့သည် အမှောင်ကြယ်နှင့် မည်သို့ဆက်စပ်မှု ရှိနိုင်မည်နည်း။ သူက ချက်ချင်းပင် အဖြေထုတ်နိုင်သွားသည်၊ ဤလူသည် 'ကိုယ်စားလှယ်' ဟု ပြောနေသေးသည်။ ဤမျှ တိုက်ဆိုင်မှုမျိုး မည်သို့ဖြစ်နိုင်မည်နည်း။ ဒါသည် ခြိမ်းခြောက်မှုမှလွဲ၍ ဘာမျှမဟုတ်ပေ၊

"မင်းအရမ်းစိတ်ရှုပ်နေတာတွေ့တော့ ဒီပုတီးလုံးက အဖိုးတန်မယ်ထင်တယ်။ ငါယူလိုက်တော့မယ်။"

ပက်ဂီသည် ပုတီးစေ့ကို အိတ်ထဲထည့်ကာ ထွက်လာပြီး၊ ဘာပစ္စည်းလဲဆိုတာ ဖော်ထုတ်ရန် တစ်စုံတစ်ဦးကို ရှာဖွေရန် စီစဉ်လိုက်သည်။ သူ့လက်အောက်ငယ်သားများကို ခေါ်ဆောင်ကာ အချုပ်ခန်းမှ ထွက်သွားပြီးနောက် တံခါးကို ပိတ်လိုက်သည်။

တံခါးအပြင်ဘက်တွင် လက်အောက်ငယ်သားက သူ့နှုတ်ခမ်းကို သပ်လိုက်သည်။ သူပြောသည့်အတိုင်း သူ့မျက်နှာသည် လောဘကြီးစွာဖြင့် “ဆေးလ်ဗားတွေက ကွဲအက်ကြယ်စင်ကွင်းရဲ့ ကျွန်ဈေးကွက်မှာ တစ်ခါမျှ မပေါ်ခဲ့ဖူးဘူး။ သေချာပေါက် ဈေးကောင်းကောင်းနဲ့ ရောင်းရလိမ့်မယ် - ဒါက အမြတ်အများကြီး ရနိုင်တယ်။ သူဌေး၊ ငါတို့က ဘယ်သူ့ကို ရောင်းမှာလဲ။"

"ငါဖောက်သည်ကို ဆက်သွယ်ထားပြီးပြီ" ပက်ဂီကဆိုသည်။ "ငါတို့ မျောလွင့်နဂါးကျွန်းကို သွားမယ်။"

(TL Note: ရေပေါ်နဂါးကျွန်း ကို မျောလွင့်နဂါးကျွန်း လို့ ပြောင်းထားပါတယ်။)

လက်အောက်ငယ်သားက မျက်လုံးပြူးသွားသည်။ "အဲဒါ အဲဒီလူရဲ့ နယ်မြေ!"

"ဒီတစ်ခါ ဖောက်သည်က အဲဒီကောင်ရဲ့ လက်အောက်ငယ်သားဖြစ်ပြီး ပိုက်ဆံလည်း သိပ်ရက်ရောတယ်" ပက်ဂီက စိတ်ညစ်ညစ်နှင့်ပြုံးရင်း အဝေးသို့ ထွက်သွားသည်။

အကျဉ်းခန်းထဲတွင် ထိုဆေးလ်ဗားသည် ဒေါသတကြီး ဖြစ်နေ၏။ သူ့စိတ်ထဲတွင် ကျိန်ဆဲနေသည်၊ ကံကောင်းတယ်၊ လျှို့ဝှက်ပုတီးစေ့ကို စကားဝှက်နဲ့ပဲ ဖွင့်လို့ရတယ်။ သူတို့ အထဲက အရာကို မထုတ်နိုင်လောက်ဖူး...

…

ကြယ်ဇုန် ၄၊ ဖွန်း - ဂြိုဟ်နံပါတ် ၁၂၂ သည် ပိုင်ရှင် သို့မဟုတ် လူမှုအဖွဲ့အစည်း မရှိသော ဂြိုဟ်ဖြစ်သည်။ မစ်ရှင်များကို စေလွှတ်သော ဆေးလ်ဗားများသည် ထိုနေရာတွင် စခန်းချနေကြသည်။ အကူအညီများ တောင်းခံလာသောကြောင့် အာကာသယာဉ်များ အများအပြားသည် ဤသက်မဲ့ဂြိုလ်ပေါ်သို့ ရောက်ရှိလာကြပြီး အာကာသယာဉ်များသည် အလယ်ဗဟိုကို ဝိုင်းရံကာ အခြေစိုက်စခန်းအဖြစ် ပုံဖော်ကြသည်။ ၎င်း၏ဗဟိုတွင် ဆေးလ်ဗား၏ ခရီးသွားအာကာသယာဉ်ဖြစ်သည်။

ဂတ်ရှ်လေ၏ အာကာသယာဉ်သည် ဖြည်းညှင်းစွာ ဆင်းသက်ခဲ့ပြီး ဟန်ရှောင်းနှင့် အခြားသူများ လှည့်ပတ်ကြည့်ရှုနေကြသည်။

အခြေစိုက်စခန်းတွင် အသံများဖြင့် ဆူညံနေပြီး အများစုမှာ ကြေးစားစစ်သားများဖြစ်သည်။ ဆေးလ်ဗား၏ မစ်ရှင်သည် ကွဲအက်ကြယ်စင်ကွင်းရှိ နာမည်ကြီး ကြေးစားသမားများကို ဆွဲဆောင်ခဲ့သည်။

ဂတ်ရှ်လေသည် အခြားသူများကို အဓိကအဖွဲ့ဆီသို့ ခေါ်ဆောင်လာသည်။ သူတို့သည် ပို၍ကြီးမားသော အာကာသယာဉ်အောက်သို့ ရောက်ရှိလာကြပြီး ကောင်းကင်ကြိုးဝိုင်းကြေးစား ရာဂဏန်းခန့်သည် ဤနေရာတွင် စုရုံးနေကြသည်။ ဟန်ရှောင်း မော့ကြည့်လိုက်သည် - ဤအာကာသယာဉ်ပေါ်တွင် ကောင်းကင်ကြိုးဝိုင်းသင်္ကေတလည်း ပါရှိသည်။

"နောက်ဆုံးတော့ မင်းဒီကို ရောက်လာပြီ။" ခေါင်းဆောင်းအင်္ကျီဝတ်ထားသော အရပ်ရှည်ရှည် အမျိုးသမီးကြီးတစ်ယောက် လမ်းလျှောက်လာသည်။

ဤမစ်ရှင်အတွက် သုံးကွင်းအဆင့် ကေဒါ [ရေခဲပြင်မှော်ဆရာ]၊ မူလအမည် ‘ဂိုအာ’ ဖြစ်သည်၊ ဤမစ်ရှင်အတွက် ကောင်းကင်ကြိုးဝိုင်း၏ ခေါင်းဆောင်ဖြစ်သည်။ သူမသည် အပြာနုရောင် ဆံပင်ရှည်၊ အေးစက်သော သဘောသဘာဝရှိပြီး ရေခဲကဲ့သို့ အေးစက်သည့်အသံ ရှိသည်။ ဤသည်မှာ မှော်ဆရာတစ်ယောက် ဖြစ်သည်- ဟန်ရှောင်းသည် သူမအတွင်းမှ စီးဆင်းနေသော မှော်အတတ်ကို မခံစားနိုင်သော်လည်း သူမထံမှ အေးစက်မှုကို ခံစားနိုင်သည်။

သူမသည် ရေခဲဒြပ်စင် မှော်ဆရာ ဖြစ်ပုံရတယ်၊ ဟန်ရှောင်းတွေးမိသည်။

ယန္တရားပညာရှင် အတန်းအစားကဲ့သို့ပင်၊ မှော်ဆရာ အတန်းအစားသည် ရှုပ်ထွေးသော အသိပညာနှင့် ပုံစံအမျိုးမျိုးရှိသည်။ ရေခဲမှော်ဆရာများသည် ကိုင်တွယ်ရန် ခက်ခဲပြီး ၎င်းတို့တွင် နှေးကွေးခြင်း၊ အေးခဲခြင်းနှင့် တောင့်တင်းခြင်းကဲ့သို့သော စိတ်အနှောင့်အယှက်ဖြစ်စေသော စွမ်းရည်အမျိုးမျိုးရှိကြသည်။

ဂိုအာသည် ဂတ်ရှ်လေကို တစ်ချက်ကြည့်လိုက်သည်။ သူမသည် ဟန်ရှောင်းနှင့် နံဘေးမှ အခြားလူများကို မြင်ပြီး မျက်မှောင်ကြုတ်ကာ "သူတို့က ဘယ်သူလဲ"

“ဘလက်စတား ကြေးစားတပ်ဖွဲ့။ ကျွန်တော်တို့က မိတ်ဖက်သဘောတူချက်တစ်ခု လုပ်ထားတာမို့ သူတို့က ကူညီပေးဖို့ ဒီမှာရှိနေကြတယ်” ဂတ်ရှ်လေက ပြောသည်။

“သူတို့အကြောင်း တစ်ခါမှ မကြားဖူးဘူး။” ဂိုအာခေါင်းယမ်းလိုက်သည်။

ဟန်ရှောင်းက စိတ်ထဲမထားပေ။ ဘလက်စတား ကြေးစားတပ်ဖွဲ့၏ အမည်သည် ဂျူဘာလီ အာကာသစခန်းတွင်သာ ကန့်သတ်ထားသေးသည်။ နာမည်ကြီးဖို့ ဝေးသေး၏။ ကောင်းကင်ကြိုးဝိုင်းနှင့် ယှဉ်ရင် သူ့ကြေးစားတပ်ဖွဲ့သည် လုံးဝ သတိထားမိစရာ မရှိပေ။

ဂိုအာသည် ၎င်းတို့သည် အောက်ဆွဲများသာ ဖြစ်သည်ဟု ထင်ခဲ့သော်လည်း ရုတ်တရက် သူမသည် အန္တရာယ်ကို ခံစားလိုက်ရသည်။ မှော်ဆရာ၏ အာရုံများက သူမအား သန်မာသူတစ်ယောက်နှင့် တွေ့နေရကြောင်း အသိပေးနေသည်၊ ထိုမှသာ ဟန်ရှောင်းနှင့် အခြားသူများကို အလေးအနက်ထား၍ အကဲခတ်တော့သည်။ သူတို့နှစ်ဦးတွင် အလွန်တက်ကြွသော ဆဲလ်စွမ်းအင်များပါရှိကြောင်း သူမသတိပြုမိသွားသည်။

“အဆင့် B စူပါနှစ်ယောက်…” ဂိုအာ၏ အမူအရာ အနည်းငယ် ပြောင်းလဲသွားသည်။ အဆင့် B စူပါများသည် သာမန်ထက် သာလွန်သော်လည်း ၎င်းတို့သည် နေရာတိုင်းတွင် မရှိပေ။ ကောင်းကင်ကြိုးဝိုင်းတွင်ပင်၊ အဆင့် B စူပါများသည် အနည်းဆုံး ကွင်း၃ကွင်းအဆင့် ကေဒါများဖြစ်ပြီး အဖွဲ့ဝင် ဒါဇင်များစွာသာရှိသော ဤကြေးစားအဖွဲ့တွင် အဆင့် B စူပါနှစ်ယောက်ရှိနေသည်။ အချိုးအဆသည် အလွန်မြင့်မားနေ၏။

သူမသည် ဤအဖွဲ့တွင် တစ်ယောက်တည်းသော အဆင့် B ဖြစ်သည်၊ သူတို့၏ အဆင့်မြင့် တိုက်ခိုက်ရေးစွမ်းအားသည် ဤကြေးစားအဖွဲ့လေးလောက်ပင် မမြင့်မားပေ။

ဂိုအာက သူတို့ကို ကြည့်နေတာကို ရပ်လိုက်ပြီး “ကျွန်မတို့ အလုပ်ရှင်က ကြေးစား တော်တော်များများကို ငှားထားတယ် - သူတို့က တိုက်ခိုက်ရေးအင်အား မပြတ်လပ်ဘူး။ ဒါပေမယ့် အခုအခြေအနေက သိပ်မကောင်းဘူး... အားလုံးက ဒီမှာဆိုတော့ ဟိုဘက်ကို အရင်သွားရအောင်။ ငါတို့လမ်းမှာပြောမယ်။"

သူတို့သည် ဆေးလ်ဗား၏ သင်္ဘောဆီသို့ သွားကြပြီး ဂိုအာသည် လက်ရှိအခြေအနေကို ရှင်းပြသည်။

ဤဆေးလ်ဗားသည် သူ၏ ဖမ်းဆီးခံရသော သူငယ်ချင်းများကို ကယ်တင်ရန် ကြေးစားသမားများကို ငှားရမ်းရန် ပမာဏများစွာ သုံးစွဲထားသည် - သူသည် အမှန်တကယ် ရက်ရောသော်လည်း၊ ကြေစားများသည် မစတင်သေးပေ။ သူတို့သည် အဆင်မပြေသည့်အဆင့်တွင် ရပ်တန့်နေ၏ - ရန်သူ၏ တည်နေရာကို မည်သူမျှ မသိကြပေ။ ဆေးလ်ဗားများကို တိုက်ခိုက်ခဲ့သော စကာဗန်ဂျာများသည် မည်သည့်နေရာတွင်မှ မတွေ့ရတော့ဘဲ ကြေးစားစစ်သားများ မည်မျှပင် စုဝေးစေကာမူ စတင်ရန် နေရာမရှိပေ။

ထိုသို့ သတင်းအချက်အလက် ချို့တဲ့သော မစ်ရှင်များသည် အလွန်ဒုက္ခများ၏။ ကြေးစားသမားများသည် အမျိုးမျိုးသော ထောက်လှမ်းရေးနည်းလမ်းများကို အသုံးပြုခဲ့သော်လည်း အဆိုပါ စကာဗန်ဂျာအုပ်စုသည် သတင်းအချက်အလက် အနှောင့်အယှက်ပေးစက်ကို ဖွင့်ထားပြီး ရှာဖွေတွေ့ရှိနိုင်ခြင်းမရှိပေ။ သူတို့ လှုပ်ရှားစဉ်အတွင်း ခြေရာလက်ရာများစွာလည်း မထားခဲ့ချေ။ စကာဗန်ဂျာများက ကာကွယ်ထားကြမည်ကို သူတို့သိသော်လည်း ဘယ်သွားမယ်ဆိုတာ မသိကြချေ။

ဒီထက်ပိုပြီး နှောင့်နှေးခဲ့မယ်ဆိုရင် သူ့လူမျိုးများကို ရောင်းစားပြီးသား ဖြစ်သွားလိမ့်မည်။ အသက်ရှင်ကျန်ရစ်သော ဆေးလ်ဗားသည် အလွန်စိတ်ပူပန်နေပြီး တောင်းဆိုချက်အသစ်ကို ထပ်ထုတ်လိုက်သည်။ မည်သူမဆို ထိရောက်သော တည်နေရာအချက်အလက်ကို ပေးနိုင်ပါက၊ ဘောနပ်စ်များ ပေးမည်။

“ငါတို့အပြင် ဓါးသွားများတပ်ဖွဲ့နဲ့ ခရမ်းရောင်ရွှေတပ်ဖွဲ့လည်း ဒီမှာရှိတယ်။ ခရမ်းရောင်ရွှေက ကံကြမ္မာဖတ်သူကို သွားရှာတော့ ရန်သူတွေရဲ့ တည်နေရာကို ရှာတွေ့နိုင်တယ်” ဂိုအာက ဆိုသည်။

ကောင်းကင်ကြိုးဝိုင်းကဲ့သို့ ကြီးမားသော ဓါးသွားများတပ်ဖွဲ့နှင့် ခရမ်းရောင်ရွှေတပ်ဖွဲ့တို့သည် ကြေးစားတပ်ကြီးနှစ်ခုသည် ကွဲအက်ကြယ်စင်ကွင်းတွင် လှုပ်ရှားကြသည်။ ဤမစ်ရှင်အတွက် ဆုလာဘ်များကို အခြေခံဆုနှင့် ဘောနပ်စ်ဆု ဟူ၍ နှစ်ပိုင်းခွဲထားသည်။ အခြေခံဆုကြေးမှာ ငှားရမ်းခဖြစ်ပြီး၊ သုံ့ပန်းများကို ကယ်တင်သည့် ကြေးစားများသည် အခြေခံဆုထက် အဆများစွာရှိသော ဘောနပ်စ်ကို ပေးအပ်မည်ဖြစ်သည်။ ထို့ကြောင့် ဤမစ်ရှင်များတွင် ကြေးစားရဲဘော်များကြား ဆက်ဆံရေးသည် ရဲဘော်ရဲဘက်များသာမက ပြိုင်ဖက်များလည်းဖြစ်သည်။

တရားဝင်ကြေးစားသမားများသည် ဂုဏ်သိက္ခာရှိရှိ ပြိုင်ဆိုင်ကြသည် - သူတို့သည် ရည်ရွယ်ချက်ရှိရှိ အချင်းချင်း ဝန်ထုပ်ဝန်ပိုး မဖြစ်ပေ၊ မဟုတ်ပါက ၎င်းတို့၏ ဂုဏ်သိက္ခာကို ထိခိုက်စေလိမ့်မည်ဖြစ်သည်။

ပုံမှန်အားဖြင့်၊ ရန်သူကို မတွေ့နိုင်ဘဲ ပိုကောင်းတဲ့ ထောက်လှမ်းရေးကိရိယာတွေ မရှိသည့်အခါ၊ လျှို့ဝှက်ဆန်းကြယ်သော ကြိုမြင်မှုနည်းလမ်းများသည် မျှော်လင့်မထားသည့် ရလဒ်ကောင်းများ ရရှိနိုင်သည်။ ဤစွမ်းရည်များသည် အလွန်ထူးခြားသော ပင်ကိုယ်စွမ်းရည်များနှင့် တင်းကျပ်သောစည်းမျဉ်းများ လိုအပ်သောကြောင့် ၎င်းတို့သည် ရှားပါးလှသည်။

ကစားသမားများသည် ကြိုတင်သိမြင်မှု အမျိုးအစား စွမ်းအားများကို မနိုးထနိုင်ပေ။ မှော်ဆရာ အတန်းအစားတွင် ဗေဒင်ဟောနည်းကို သင်ယူနိုင်သော်လည်း သူတို့အသုံးပြုသောအခါတွင် အချက်အလက်အနည်းငယ်သာ ရရှိသောကြောင့် ၎င်းတွင် အကန့်အသတ်များစွာ ရှိနေသည်။

လူများက ဓါးသွားများ အဖွဲ့ကို လမ်းတစ်ဝက်မှာတွေ့ပြီး အတူတူ လမ်းလျှောက်လာကြသည်။ ဂိုအာနှင့် ဓါးသွားများ ခေါင်းဆောင်တို့သည် လမ်းကို ဦးဆောင်ရင်း ပေါ့ပေါ့ပါးပါး စကားစမြည်ပြောနေကြသည်။

ကြေးစားအဖွဲ့ကြီး နှစ်ခုစလုံးတွင် ၎င်းတို့၏ ကိုယ်ပိုင်ဝတ်စုံများ ရှိသည်။ သူတို့သိသည့်သူများနှင့် စကားစမြည်ပြောနေကြပြီး၊ ဟန်ရှောင်းနဲ့ တခြားသူတွေက ထိုလူအုပ်စုနှစ်ခု၏ အလယ်တွင် အထင်အရှား ရှိနေ၏။ သူတို့ပတ်ဝန်းကျင်က လူများက လူမသိသူမသိ ဖြစ်နေသော ကြေးစားအဖွဲ့ကို အကဲခတ်နေကြသည်။

"သူတို့က ဘယ်သူတွေလဲ?"

“ကောင်းကင်ကြိုးဝိုင်းရဲ့ အကူအညီနဲ့ တူသလိုပဲ၊ သူတို့ကို ဘလက်စတား ကြေးစားတပ်ဖွဲ့လို့ ခေါ်တယ်ထင်ပါ့။ လူသိပ်မသိသေးတဲ့ အဖွဲ့ငယ်လေးပါ”

"ဒီမှာ ပွဲလာကြည့်တာ ဖြစ်နိုင်တယ်။"

ကြေးစားသမားများသည် အချင်းချင်း စကားစမြည်ပြောဆိုကြပြီး ကစားသမားများသည် စိတ်မသက်မသာ ခံစားနေရသည်။ သူတို့သည် ဒီလူအုပ်နဲ့ လုံးဝမလိုက်ဖက်ဘူးလို့ ခံစားနေရ၏။

လမ်းမှာ ဟန်ရှောင်းက ဘာဆက်လုပ်ရမလဲ စဉ်းစားနေသည်။ ဂိုအာက သူ့ကို ငှားဖို့ အစီအစဉ် ရှိမရှိ သူ မသိသော်လည်း၊ သူက လာပြီးမှတော့ ဘာမှမလုပ်ဘဲ မနေချင်ပေ။ သူတို့က ရောက်လာပြီးသားမို့ လက်ဗလာနဲ့ မပြန်ချင်တော့ချေ။

ကွဲအက်ကြယ်စင်ကွင်းရဲ့ ကျော်ကြားတဲ့ ကြေးစားစစ်သားတွေ အများကြီး ဒီဂြိုလ်ပေါ်မှာ လာစုနေတယ်။ ငါက နောက်ကျမှ ရောက်လာတာဆိုတော့ ကိုယ့်ဖာသာ နာမည်ရအောင် မလုပ်ရသေးဘူး။ ဒီနေရာမှာ ငါလုပ်နိုင်တာ ဘာမှမရှိတဲ့ပုံပဲ။

ဒီအဖြစ်အပျက်က သူနဲ့ မထိတွေ့ဖူးတဲ့ အဖြစ်အပျက်တစ်ခုမို့ ကြံဖန်ကြံဖန် လုပ်ရတာပေါ့။

သူတွေးနေစဥ်ပင် သူတို့သည် စခန်းအလယ်သို့ ရောက်လာကြသည်။ ဆေးလ်ဗားသည် သူတို့၏ မြင်ကွင်းထဲတွင် ပေါ်လာသည် - သူတို့တွင် နှင်းကဲ့သို့ ဖြူစွတ်နေသော အသားအရည်၊ ဦးခေါင်းထက်တွင် ရှည်လျားပြီး ချစ်စရာကောင်းသော ဦးမှင်လေးများရှိပြီး နူးညံ့ချောမွေ့သော အမည်မသိပစ္စည်းဖြင့် ပြုလုပ်ထားသည့် ရင်သပ်ရှုမောဖွယ်အဝတ်အစားများနှင့် မျက်နှာ၏အောက်ခြေတစ်ဝက်ကို လေစစ်မျက်နှာဖုံးဖြင့် ဖုံးအုပ်ထားသည်။

ဤသည်မှာ ကစားသမားများသည် 'အာကာသ တော်ဝင်မျိုးနွယ်' ကို ပထမဆုံး မြင်ဖူးခြင်းဖြစ်သည်။ သူတို့သည် ဟိုဟိုဒီဒီကြည့်ကာ 'တော်ဝင်' ဟူသည် မည်သို့သော အရာဖြစ်သည်ကို မသိကြပေ။ ထူးဆန်းသော တခြားဂလက်ဆီမျိုးနွယ်များနှင့် ဘာမှမကွာခြားဘူးလို့ ခံစားရသည်။

“လူမှုအဖွဲ့အစည်းတစ်ခုက သန်မာပြီး ရှေးကျရင်၊ အုပ်ချုပ်တဲ့လူမျိုးက တော်ဝင်မျိုးနွယ်ဖြစ်မှာ သေချာတယ်။ တခြားသူတွေက သူတို့ရဲ့ ဝါသနာကို တော်ဝင်စံနှုန်းအဖြစ် ကြည့်ကြလိမ့်မယ်။ ဒါက လူမှုအဖွဲ့အစည်းတွေရဲ့ ရပ်တည်ချက်နဲ့ ပတ်သက်တဲ့ ရှုမြင်မှုပဲ၊ သူတို့ရဲ့ ခန္ဓာကိုယ်ပုံစံနဲ့ ဘာမှ မဆိုင်ဘူး။” ဟန်ရှောင်းက ဟားလပ်စ်ကို သူ့ပခုံးပေါ် ပုတ်လိုက်သည်။

"မင်း ငါ့ကို ဘာလို့ပုတ်တာလဲ" ဟားလပ်စ်က မျက်လုံးလှန်၍ ကြည့်လိုက်သည်။ ဤအကြောင်းအရာနှင့် ပတ်သက်၍ ဆူနီက သေချာပေါက် မပြောချင်ပေ။

ဆေးလ်ဗား အာကာသယာဉ်မှုးသည် ကြေးစားသမားများနှင့် စေ့စပ်ညှိနှိုင်းနေပြီး “ကျွန်တော့်သူငယ်ချင်းတွေကို ကယ်တင်ဖို့ အမြန်ထွက်နိုင်မယ်လို့ မျှော်လင့်ပါတယ်။ အချိန်အကြာကြီး နှောင့်နှေးနေပြီ။ မင်းလူတွေ ဆက်ပြီး အပါးခိုနေရင် မင်း ဘာဆုမှ မရနိုင်ဘူး။”

“ရန်သူတွေရဲ့ တည်နေရာကို မသိဘူး။ ထောက်လှမ်းရေးနဲ့ ခြေရာခံခြင်း နည်းလမ်းအားလုံးက အသုံးမဝင်ဘူး၊ ပြီးတော့ မင်းကလည်း ငါတို့ကို တန်ဖိုးရှိတဲ့ သတင်းအချက်အလက်တွေ မပေးထားဘူး။ ဒါကြောင့် ကျွန်တော်တို့ ခဏစောင့်နေဖို့ပဲ တတ်နိုင်တယ်။ ဒါပေမယ့် စိတ်မပူပါနဲ့၊ ငါတို့သူငယ်ချင်းတွေက ကံကြမ္မာဖတ်သူကို ဖိတ်ပြီးသွားပြီ။ မင်းရဲ့ကတိကို လိုက်နာပြီး သတင်းပေးတဲ့သူကို ဘောနပ်စ်ဆု ပေးသရွေ့တော့ မကြာခင်မှာ ရလဒ်ထွက်လာမယ်လို့ ယုံကြည်တယ်” ကြေးစားတစ်ယောက်က ပြောလိုက်သည်။

“ကွဲအက်ကြယ်စင်ကွင်းထဲက လူတွေက တကယ်လောဘကြီးပြီး ရှေးရိုးဆန်တယ်” ဆေးလ်ဗားအာကာသယာဉ်မှူးက ညည်းညူလိုက်သည်။ “ဒီနေရာကို မကြိုက်ဘူး။ ဘာပဲဖြစ်ဖြစ် ရလဒ်တွေပဲလိုချင်တယ်၊ ငွေက ပြဿနာမဟုတ်ဘူး။"

ဝူးရှ်!

သဲများ လေတိုက်၍ လှိမ့်တက်လာပြီး နောက်ထပ် အာကာသယာဉ်တစ်စီး ဆင်းသက်လာသည်။ ခရမ်းရောင်ရွှေတပ်ဖွဲ့၏ သင်္ကေတကို ၎င်း၏ကိုယ်ပေါ်တွင် ရိုက်နှိပ်ထားသည်။ လူအုပ်ကြီးကွဲသွားကာ ခရမ်းရောင်ရွှေတပ်ဖွဲ့သည် သင်္ဘောပေါ်မှဆင်းကာ ချဉ်းကပ်လာကြသည်။ ခေါင်းဆောင်၏အနားတွင် ဤမစ်ရှင်အတွက် နဂါးငွေ့တန်းမှ အမြန်ထွက်ခွာလာပြီး ခရမ်းရောင်ရွှေစစ်တပ် အဖွဲ့ဝင်တစ်ဦးလည်းဖြစ်သည့် ခရစ်စတယ်ဘောလုံးကို ကိုင်ဆောင်ထားသော နတ်ဝိဇ္ဇာ ကံကြမ္မာဖတ်သူတစ်ဦးလည်း ပါလာသည်။