တတိယအထက်ကမ္ဘာ၊ ကမ္ဘာဦးကောင်းကင်၊ အမွေခံတပည့်တစ်ဦး ဖြစ်လာခြင်း

ကမ္ဘာဦးကောင်းကင်အရှင်သည် ပထမအထက်ကမ္ဘာ၏ အင်မော်တယ်ကမ္ဘာမှ မဟုတ်ဘဲ နတ်ဆိုးကမ္ဘာက ဖြစ်သည်။ သူ၏ တာအိုသစ်သီးသည် တာအိုကောင်းကင်: ကမ္ဘာဦးကောင်းကင်အဖြစ် ပြောင်းလဲပြီး စည်းမျဉ်းကောင်းကင်အရှင် ဖြစ်လာသည်မှာ ကြာခဲ့ပြီဖြစ်သည်။

ချီမင်သည် ကမ္ဘာဦးကောင်းကင်အရှင်၏ ကျင့်ကြံခြင်းအဆင့် မည်မျှအထိ ရောက်ရှိသွားပြီလဲကို မသိပေ။

ကမ္ဘာဦးကောင်းကင်အရှင်၏ ကျင့်ကြံခြင်းအဆင့်နှင့် ပတ်သက်၍ အများစုမှာ ချီမင်၏ခန့်မှန်းမှုများသာ ဖြစ်သည်။

အတိအကျ မသိရှိရပေ။

ချီမင်သည် သတိပြန်ဝင်လာခဲ့တော့သည်။ သူသည် ခဏလောက်စဉ်းစားလိုက်ပြီး ကမ္ဘာဦးကောင်းကင်အရှင်အား လက်နှစ်ဖက်ကို စု၍ အရိုအသေပြုလိုက်၏။ သူသည် ဘာမှထပ်မပြောတော့ပေ။ "ဟုတ်ကဲ့ပါ။"

ကမ္ဘာဦးကောင်းကင်အရှင်တိုကင်အပေါ်မှ ပုံရိပ်သည် ခေါင်းအသာညိတ်သည်။ သို့ပေမဲ့ သူ၏မျက်နှာပေါ်တွင် အနည်းငယ် အံဩသွားသည့်ဟန်ရှိ၏။ သူသည် အံ့ဩစွာ ပြောလိုက်သည်။ "ချီမင် မင်း ကောင်းကင်အရှင်နယ်ပယ်ထဲ ရောက်သွားပြီပဲ။ မင်းက ဥပဒေသကောင်းကင်အရှင် စတုတ္ထအဆင့်တောင် ရောက်နေပြီ။ ထင်တောင် မထင်ထားဘူး။"

ကမ္ဘာဦးကောင်းကင်အရှင်၏ပုံရိပ်သည် ထပ်မံ မျက်မှောင်ကြုံလျက် မေး၏။ "ချီမင် မင်း ဥပဒေသကောင်းကင်အရှင် ဖြစ်နေတယ်ဆို ဘာလို့ ကမ္ဘာဦးကောင်းကင်ကို မလာတာလဲ။"

"ဆရာ" ချီမင်သည် တည်ငြိမ်စွာဖြင့် ရှင်းပြလိုက်၏။ "ကျွန်တော် ကောင်းကင်ဉာဏ်အလင်းလောကနဲ့ ကောင်းကင်ပညာရှိလောကတို့ ပေါင်းစပ်သွားလို့ ဥပဒေသကောင်းကင်အရှင်အဆင့်ကို တက်နိုင်ခဲ့တာပါ။ ကျွန်တော် အဆင့်နိမ့်တာအိုမူလအစမိုင်းတွင်းနဲ့ ဖရိုဖရဲနတ်ဆိုဘုရားတစ်ပါးကို ရသွားလို့ပါ။"

"အဲဒါကြောင့်..."

"ဥပဒေသ ကောင်းကင်အရှင်သုံးပါးနဲ့ နတ်ဆိုးဘုရားကျောင်းရဲ့ အာရုံကို ဆွဲဆောင်လိုက်မိပါတယ်။ ဒီအတောအတွင်း ကိစ္စအတော်များများလည်း ဖြစ်လာခဲ့ပါတယ်။ ကျွန်တော် ပြဿနာတွေအားလုံးကို ဖြေရှင်းဖို့ အတော်လေးအားစိုက်ထုတ်ခဲ့ရပြီး အသက်ပါ စွန့်စားလိုက်ရတယ်။"

"သိပ်မကြာခင်တုန်းကပဲ"

"နတ်ဆိုးဘုရားကျောင်းရဲ့ ရန်သူတွေရောက်လာပါသေးတယ်..."

ချီမင်သည် ကမ္ဘာဦးကောင်းကင်အရှင်ကို ထိုအချိန်အတောအတွင်း၌ ကြုံခဲ့ရသော ကိစ္စအားလုံးကို ပြောကြားခဲ့သည်။ သူသည် များစွာ မဖုံးကွယ်ထားခဲ့သည့်အတွက် တစ်ဖက်၏ အမူအရာသည် တည်ငြိမ်သွားတော့၏။

"နတ်ဆိုးဘုရားကျောင်း" ကမ္ဘာဦးကောင်းကင်အရှင်သည် အေးစက်စွာ နှာခေါင်းရှုံ့လိုက်သည်။ "မင်းတို့ကများ ငါ့တပည့်ကို ထိရဲတယ်ပေါ့။"

"ထားလိုက်တော့။"

ကမ္ဘာဦးကောင်းကင်အရှင်သည် လက်ဝေ့ယမ်းလိုက်၏။ "မင်း နတ်ဆိုးဘုရားကျောင်းအကြောင်းကို စိုးရိမ်နေစရာ မလိုဘူး။ နောက်ကျရင် သူတို့ကို ငါကိုယ်တိုင် သတိပေးလိုက်မယ်။ သူတို့တွေ မင်းကို ထပ်ပြီး တိုက်ခိုက်ရဲမှာ မဟုတ်တော့ဘူး။"

ကမ္ဘာဦးကောင်းကင်အရှင်သည် စိတ်ကျေနပ်စွာ ပြော၏။ "မင်းက ဒီလောက်အချိန်တိုတိုလေးနဲ့ အဆင့်တွေ ဆက်တိုက်ချိုးဖြတ်ထားတာပဲ။ ဥပဒေသကောင်းကင်အရှင် စတုတ္ထ အဆင့်တောင် ရောက်နေပြီ။ တကယ့်ကို ငါမထင်ထားခဲ့ဘူး။"

"မြန်မြန်ပြင်ဆင်ပြီး ကမ္ဘာဦးကောင်းကင်ကို လာခဲ့တော့။" ကမ္ဘာဦးကောင်းကင်အရှင်သည် ဆိုလေသည်။

"ဆရာ" ချီမင်သည် ပြောလိုက်၏။ "ကျွန်တော် စီနီယာအစ်ကို ချင်ဖေးယွမ်ကို ခေါ်လာချင်တယ်။ အဆင်ပြေမလား ဆရာ။"

"မင်း သဘောပဲလေ" ကမ္ဘာဦးကောင်းကင်အရှင်သည် လက်ဝေ့ယမ်း၏။ သိသာစွာဖြင့် သူက ထိုကိစ္စကို ဂရုမစိုက်ပေ။

"ကျေးဇူးပါတယ် ဆရာ။" ချီမင်သည် ဦးညွှတ်လိုက်၏။

အလင်းတစ်ချက်လက်သွားသည်။

ကမ္ဘာဦးကောင်းကင်အရှင်၏ပုံရိပ်သည် ပျောက်ကွယ်သွားတော့သည်။

ချီမင်သည် စိတ်သက်သာရာရစွာသက်ပြင်းချလိုက်သည်။

ရိုးသားစွာဆိုရလျှင် ချီမင်သည် အနည်းငယ် ထိတ်လန့်နေဆဲဖြစ်သည်။ သူ၏ဆရာက သူ့ကို အထူးတလည် အသံပို့ပြီး ကမ္ဘာဦးကောင်းကင်ကို လာခိုင်းမည်ဟု မထင်ထားခဲ့ပေ။ အရေးကြီးသော ကိစ္စတစ်ခုခု ဖြစ်နေလောက်သည်။

"အခွင့်အလမ်းတစ်ခုလား။" ချီမင်သည် ခဏလောက် တွေးတောမိသွား၏။ "ဘာများ ဖြစ်နိုင်မလဲ။"

ချီမင်သည် သဘာဝအတိုင်း သူ့ဆရာ၏ ညွှန်ကြားချက်ကို မမေ့ပါပေ။ သို့သော်လည်း ဥပဒေသကောင်းကင်အရှင် အဆင့်သို့ ချိုးဖြတ်ပြီးနောက်တွင် ချီမင်သည် များစွာ သီးသန့်တံခါးပိတ်ကျင့်ကြံခဲ့သည့်အတွက် သူတွင် ကမ္ဘာဦးကောင်းကင်သို့ သွားရန် အခွင့်အရေး မရှိခဲ့ပေ။

"သွားကြမယ်။"

နေ့တစ်ဝက်ကြာပြီးနောက် ချီမင်သည် ချင်ဖေးယွမ်ကို ခေါ်လိုက်ပါ၏။

"အရှင်မင်းကြီး။" ချင်ဖေးယွမ်က ဦးညွှတ်လိုက်သည်။

"စီနီယာအစ်ကို" ချီမင်က ဆိုသည်။ "ခင်ဗျား ဒီလို လုပ်စရာ မလိုဘူး။ ဆရာက ကျွန်တော့်ကို ကမ္ဘာဦးကောင်းကင်ကို မြန်မြန်လာဖို့ သတင်းစကားပါးထားတယ်။ အဲဒါကြောင့် ကျွန်တော် စီနီယာ့ကို ခေါ်ဖို့ အထူးတလည် အသိပေးလိုက်တာ။"

"ဒါက..."

ချင်ဖေးယွမ်သည် စိတ်လှုပ်ရှားသွား၏။ "ကျေးဇူးတင်ပါတယ်။ အရှင်မင်းကြီး"

"ကျွန်တော့်ကို ဂျူနီယာညီလေးလို့ပဲ ခေါ်ပါ။"

"ဟုတ် ဟုတ်ကဲ့ပါ အရှင်မင်းကြီး" ချင်ဖေးယွမ်က ပြောသည်။

“…”

ချီမင်သည် သူ့ရှေ့တွင် ခေါင်းငုံ့ကာ ဒူးထောက်ထားသည့် ချင်ဖေးယွမ်ကိုကြည့်လျက် သူ၏နှုတ်ခမ်းများကို တင်းတင်းစေ့လိုက်သည်။

…

နာရီဝက်လောက်ကြာသွားပြီးနောက်။

ချီမင်သည် ကမ္ဘာဦးကောင်းကင်အရှင်တိုကင်ကို ထုတ်ယူသည်။ အတွေးတစ်ချက်ဖြင့် ၎င်းထဲသို့ သူ၏တာအိုစွမ်းအားများကို ထည့်ကာ အသက်သွင်းလေ၏။ သူ့လက်ထဲမှ တိုကင်သည် ပျံသန်းသွားသည်။

သိပ်မကြာခင်မှာပဲ ကမ္ဘာဦးကောင်းကင်အရှင်တိုကင်သည် အလင်းလှိုင်းများ ထုတ်လွှတ်လာခဲ့ပြီး ၎င်းတို့က အချိန်နှင့်နေရာလွတ်ကို ဖွင့်ကာ တည်ငြိမ်သည့် ဟင်းလင်းပြင်လမ်းကြောင်းတစ်ခုကို တည်ဆောက်ပေးသွားသည်။ အနက်ရောင် ဝဲဂယက်ပုံစံ တံခါးတစ်ခု ပေါ်လာသည်။

အနက်ရောင် တံခါးထဲမှ ဆန်းကြယ်သည့် အရှိန်အဝါများ ထွက်လာသည်။

"သွားကြစို့။”

ချင်ဖေးယွမ်သည် လေးစားစွာ ပြန်ဖြေလိုက်ပြီး ချီမင်၏နောက်သို့ တိတ်ဆိတ်စွာ လိုက်သွားသည်။

"ကျွန်တော်တို့ ကောင်းကင်ဧကရာဇ်ကို နှုတ်ဆက်ပါတယ်။"

"ကျွန်တော်တို့ ကောင်းကင်ဧကရာဇ်ကို နှုတ်ဆက်ပါတယ်။"

“…”

ပတ်ဝန်းကျင်တွင် ကောင်းကင်ဉာဏ်အလင်းဧကရာဇ်မင်းဆက်၏ အင်မော်တယ်အရာရှိများနှင့် အင်မော်တယ်ဘုရင်များသည် စုဝေးကာ အတန်းလိုက် မတ်တပ်ရပ်နေကြသည်။ သူတို့က ဦးညွှတ်ကာ လေးစားသည့် အသံများဖြင့် ညီညာစွာ အော်လိုက်ကြသည်။

"ကမ္ဘာဦးလောကကို ကာကွယ်ထား။"

ချီမင်သည် ဟင်းလင်းပြင်လမ်းကြောင်းထဲသို့ ဝင်သွားခဲ့ပေမဲ့ သူ၏အသံက ထွက်ပေါ်လာခဲ့သည်။

"ဟုတ်ကဲ့ပါ။"

“…”

အင်မော်တယ်အရာရှိတို့သည် ညီညာစွာ ပြန်ဖြေလိုက်သည်။

"ဟုတ်ကဲ့ပါ သခင်။" ယန်ရွှီတို့ကလည်း ပြန်ဖြေ၏။

ချီမင်သည် ယန်ရွှီတို့ကို ခေါ်မလာပေ။ ထိုအစား သူက ၎င်းတို့ကို ကမ္ဘာဦးလောကတွင် မတော်တဆများမဖြစ်လာစေရန် စောင့်ကြပ်ဖို့ ချန်ထားခဲ့သည်။ ပိုပြီးသန်မာသည့် ဖရိုဖရဲနတ်ဆိုးဘုရားတစ်ပါး တိုက်ခိုက်လာခဲ့လျှင် စည်းမျဉ်းကောင်းကင်အရှင်တစ်ပါး မဟုတ်သရွေ့ ယန်ရွှီတို့သည် ကမ္ဘာဦးလောကကို ကာကွယ်စောင့်ကြပ်နိုင်ပါ၏။

ချင်ဖေးယွမ်သည် အသက်ပြင်းပြင်းရှုလျက် သူ၏ ရင်တွင်းမှ စိတ်လှုပ်ရှားမှုကို ထိန်းချုပ်လိုက်သည်။ သူသည် လျင်မြန်စွာဖြင့် လိုက်ကာ ဟင်းလင်းပြင်လမ်းကြောင်းထဲသို့ လျှောက်ဝင်သွားတော့သည်။ အနက်ရောင်တံခါးသည် လျင်မြန်စွာ ပိတ်သွားတော့၏။

…

မြင်ကွင်းက ပြောင်းလဲသွားသည်။

ကမ္ဘာဦးကောင်းကင်။

သူသည် အလယ်ဗဟိုတွင် ကောင်းကင်ဘုံ(၃၆)ထပ်၏ အပြင်၌ တည်ရှိသယောင်ဖြစ်နေသော ခမ်းနားသည့် တာအိုနန်းတော်ကြီးကို မြင်လိုက်ရသည်။ အလင်းလှိုင်းများ ဝန်းရံလာ၏။ ရွှေရောင်အလင်းများ တောက်ပနေပြီး ခရမ်းရောင်ချီတို့ တိုးမြင့်ထွက်ပေါ်လျက် ဖရိုဖရဲတို့ ဝိုင်းရံထားသည်မှာ လောကကြီး၏အမှန်တရားများကို ဖော်ပြထားသည့်အလားပင်။

တာအိုနန်းတော်၏ အဝင်ဝတွင် ရင်ပြင်တစ်ခုရှိသည်။

ရင်ပြင်ထဲတွင် အနက်ရောင်တံခါးတစ်ချပ် ရှိပြီး ထိုအထဲမှ လူတစ်ယောက် လျှောက်ထွက်လာ၏။ မြင်ကွင်းက ချဲ့ကားလိုက်ပြီးနောက်မှာ လျှောက်ထွက်လာသည့် ထိုလူသည် ချီမင်ဖြစ်နေပါသည်။ ချင်ဖေးယွမ်သည် နီးကပ်စွာ လိုက်ပါလာ၏။

ချီမင်၏အနောက်မှ အနက်ရောင်တံခါးသည် ပိတ်ဆို့သွားခဲ့ပြီး နေရာလွတ်က ပုံမှန်ပြန်ဖြစ်သွားသည်။

"ဒါက ကမ္ဘာဦးကောင်းကင်ပဲ။"

ချီမင်သည် လက်နှစ်ဖက်ကို နောက်ပစ်လျက် ပတ်ပတ်လည်ကို ကြည့်လိုက်၏။ သူသည် ရှေ့တွင် ရှိနေသော ခမ်းနားသည့်နန်းတော်ကြီးကို တွေ့သွားတော့သည်။ ၎င်းက ဖရိုဖရဲထဲ၌ ရပ်တည်နေခဲ့ပြီး လောက၏အမှန်တရားများ ပါဝင်သော အဆုံးမဲ့ ခရမ်းရောင်ချီတို့ ဝန်းရံနေသည်။

တာအိုနန်းတော်၏ဝင်ပေါက်တွင် အဆုံးကာရန်တူ လုံးရေညီ နှစ်ကြောင်းစပ် ကဗျာ ရေးသားထား၏။

ထိုက်ချီယင်ယန်နှင့် သင်္ကေတလေးခု။ ကောင်းကင်သည် သူ၏သားတော်အတွက် တံခါးဖွင့်ထားနိုင်တယ်။

ကမ္ဘာဦးတာအိုနန်းတော်။

ချီမင်သည် တစ်ချက်သာ ကြည့်လိုက်သော်လည်း ကောင်းကင်တာအို၏အမှန်တရားကို တွေ့မြင်လိုက်ရဟန်ရှိ၏။ သူသည် ကောင်းကင်နှင့် မြေကြီးမဟာတာအို၏ စစ်မှန်ရည်ရွယ်ချက်တို့ကိုတောင် ထိုနှစ်ကြောင်းဆက်ကဗျာမှ တစ်ဆင့် မြင်နိုင်သည်။ အတော်လေး အံ့ဩဖွယ်ကောင်းပါ၏။

ထို့အပြင် ကမ္ဘာဦးတာအိုနန်းတော်အနားတွင် ဖရိုဖရဲထဲ၌ ပုန်းကွယ်နေသော နန်းတော်များ ရှိသေးသည်။ ထို တွေ့မြင်နိုင်ရန် ခက်ခဲသည့် တာအိုနန်းတော်များကို ကမ္ဘာဦးကောင်းကင်အရှင်၏အမွေခံတပည့်များ သို့မဟုတ် ကိုယ်ပိုင်တပည့်များက တည်ဆောက်ခဲ့ခြင်းဖြစ်သည်။

ထိုသူတို့အကုန်လုံးသည် စည်းမျဉ်းကောင်းကင်အရှင်များ ဖြစ်သည်။

မှန်ပေသည်။

သူသည် အမွေခံတပည့်တစ်ဦး ဖြစ်ချင်လျှင် စည်းမျဉ်းကောင်းကင်အရှင် လောကထဲသို့ ခြေချရမည်ဖြစ်သည်။

"ဝင်လာခဲ့"

ကမ္ဘာဦးကောင်းကင်အရှင်၏အသံသည် ကမ္ဘာဦးတာအိုနန်းတော်မှ ထွက်ပေါ်လာခဲ့သည်။ ၎င်းအသံသည် တည်ငြိမ်သော်လည်း ကျက်သရေများနှင့် ပြည့်နှက်နေ၏။ ကမ္ဘာဦးတာအိုနန်းတော်၏တံခါးသည် အလိုအလျောက် ပွင့်လာခဲ့သည်။

“ကျေးဇူးပြုပြီး။”

ထိုအခိုက် ချီမင်သည် တာအိုဂိုဏ်း၏ ဘေးနှစ်ဖက်၌ ကလေးနှစ်ယောက် ရပ်နေသည်ကို တွေ့လိုက်ရသည်။ ကောင်လေးတစ်ယောက်နှင့် ကောင်မလေးတစ်ယောက်ပင်။ ၎င်းတို့သည် ရွှေကလေးငယ်နှင့် ကျောက်စိမ်းအပျိုစင်တို့ ဖြစ်ပါ၏။

အမှန်တော့ ထိုကလေးနှစ်ယောက်လုံးသည် ဥပဒေသကောင်းကင်အရှင် နဝမအဆင့် ဖြစ်ပါသည်။ တာအိုကောင်းကင်သို့ ပြောင်းလဲပြီး စည်းမျဉ်းကောင်းကင်အရှင်အဆင့်သို့ ခြေချရန် ခြေတစ်လှမ်းသာ လိုတော့ပါ၏။

ချီမင်သည် ခေါင်းအသာညိတ်ကာ သူ၏စိတ်အခြေအနေကို တည်ငြိမ်စေလိုက်သည်။ သူသည် ကမ္ဘာဦးတာအိုနန်းတော်ထံသို့ ဦးတည်သွားလိုက်တော့၏။ ချင်ဖေးယွမ်သည် ချီမင်နောက်မှ လိုက်လာခဲ့ပေမဲ့ ထိုကလေးနှစ်ယောက်ထံမှ တားဆီးခြင်းကို ခံလိုက်ရ၏။

"ချင်ဖေးယွမ် မဝင်သွားနဲ့။ ဆရာသခင်မှာ တခြားအစီအစဉ်တွေ ရှိတယ်။" ရွှေကလေးငယ်က ဆိုသည်။

"အာ" ချင်ဖေးယွမ်သည် ပြန်လည်မတုံ့ပြန်နိုင်ခင် ခဏလောက် ကြောင်အသွားခဲ့၏။ သူသည် ကမ္ဘာဦးတာအိုနန်းတော်အား ပြင်းပြသည့် စိတ်ဆန္ဒများဖြင့် ကြည့်လိုက်သည်။ သို့သော်လည်း အကြည့် အမြန်ပြန်ခွာလျက် သူ၏ခေါင်းကို ငုံ့ချလိုက်၏။ "ကျွန်တော် ဆရာ့ရဲ့အမိန့်ကို နာခံပါ့မယ်။"

ရွှေကလေးငယ်က ခေါင်းညိတ်သည်။ "ငါ့နောက်လိုက်ခဲ့။"

"အရှင်မင်းကြီး..." ချင်ဖေးယွမ်သည် လက်နှစ်ဖက်ကို စုဖွဲ့၍ ချီမင်ကို ဦးညွှတ်သည်။ "ကျွန်တော် သွားလိုက်ပါဦးမယ်။"

ချီမင်သည် ရွှေကလေးငယ်က ချင်ဖေးယွမ်ကို ဦးဆောင်လျက် ကမ္ဘာဦးတာအိုနန်းတော်မှ ထွက်ခွာကာ ဖရိုဖရဲထဲ၌ ရှိသော အခြားနန်းတော်အား ခေါ်ဆောင်သွားသည်ကို ကြည့်နေသည်။ သူတို့တွင် အမှန်တကယ့်ကို မတူညီသည့် စီစဉ်ထားပေးမှုများ ရှိပါ၏။

"ကျွန်မ နောက်လိုက်ခဲ့ပါ။" ကျောက်စိမ်းအပျိုစင်က သူမ၏လက်ကို မြှောက်ပြသည်။

"ကျေးဇူးပြုပြီး လမ်းပြပေးပါဦး။"

မြင်ကွင်းကပြောင်းလဲသွားသည်။

ချီမင်သည် ကျောက်စိမ်းအပျိုစင်နောက်သို့ လိုက်၍ တာအိုနန်းတော်ထဲသို့ ဝင်လာခဲ့ပြီး စင်္ကြံတစ်လျှောက် လျှောက်လာခဲ့သည်။ စင်္ကြံနှစ်ဖက်စီတွင် ဖရိုဖရဲမြူခိုးတို့ ထွက်ပေါ်နေပါသည်။ အလင်းတန်းမျိုးစုံ ထွန်းလင်းလျက် စကားလုံးများ တစ်လုံးပြီးတစ်လုံး ပြောင်းလဲသွားခဲ့သည်။ ထိုစကားလုံးတို့သည် အထွတ်အထိပ်စည်းမျဉ်းပေါင်းစုံတို့အား သယ်ဆောင်ထားခဲ့၏။

အတော့်ကို နက်နဲလွန်းလှပါ၏။

သိပ်မကြာခင်မှာပဲ ချီမင်သည် ခန်းမရှေ့သို့ ရောက်လာခဲ့တော့သည်။

"ဆရာ" ကျောက်စိမ်းအပျိုစင်သည် တံခါးအပြင်ဘက်၌ ရပ်ကာ ဦးညွှတ်သည်။ "ချီမင် ရောက်လာပါပြီ။"

"သွားလို့ရပြီ။" ကမ္ဘာဦးကောင်းကင်အရှင်၏အသံ ထွက်ပေါ်လာခဲ့သည်။

ကျောက်စိမ်းအပျိုစင်သည် ခေါင်းညိတ်၍ တိတ်တဆိတ် ထွက်သွားတော့သည်။

"ချီမင် တံခါးဖွင့်ပြီး ဝင်ခဲ့။" ကမ္ဘာဦးကောင်းကင်အရှင်သည် ဆိုလေသည်။

ချီမင်၏အမူအရာမှာကား တည်ငြိမ်လှသည်။ သူသည် လက်မြှောက်၍ တံခါးကို တွန်းကာဖွင့်လိုက်သည်။ အနည်းငယ်တောက်ပသည့် အလင်းတို့ ထိန်လင်းသွားတော့၏။ ချီမင်သည် ခန်းမထဲကို ကြည့်လိုက်တော့ အနည်းငယ် လွတ်နေသည့် ခန်းမကိုသာ တွေ့လိုက်ရသည်။

ထို့အပြင် ချီမင်သည် ဘေးတစ်ဖက်စီ၌ လေးစားစွာ မတ်တပ်ရပ်နေသော လူများကို တွေ့လိုက်၏၊ ခုံအမြင့်ပေါ်တွင် ကမ္ဘာဦးကောင်းကင်အရှင်သည် တင်ပျဉ်ခွေချိတ်ကာ ထိုင်နေ၏။ ပတ်ဝန်းကျင်ကောင်းကင်သည် တိမ်တိုက်တို့ဖြင့် ပြည့်နှက်နေကာ ကောင်းကင်တာအို၏အမှန်တရားတို့ကို ဖော်ပြနေပါ၏။

ချီမင်သည် သက်ပြင်းချ၍ လျင်မြန်စွာ လျှောက်ဝင်သွားလိုက်သည်။ သူသည် ဦးညွှတ်ကာ "တပည့်ချီမင်က ဆရာ့ကို အရိုအသေပြုပါတယ်။"

ကမ္ဘာဦးကောင်းကင်အရှင်သည် ခေါင်းအသာမော့လျက် ချီမင်ကို ကြည့်နေလေသည်။ သူ့နောက်မှ တံခါးသည် အလိုအလျောက် ပိတ်သွားခဲ့သည်။ "ဟုတ်ပြီ။ ဒီမှာ လူတိုင်း ရောက်နေကြပြီ။"

"မင်းတို့အားလုံး တစ်ယောက်ကိုတစ်ယောက်သိသင့်လို့ ပြီးတော့ မင်းတို့ရဲ့ဂိုဏ်တူတပည့်ချင်းချင်း ရင်းနှီးသွားစေချင်လို့ပဲ။" ကမ္ဘာဦးကောင်းကင်အရှင်သည် ဆိုလေသည်။

"ဟုတ်ကဲ့ပါ ဆရာ။"

“…”

လူတိုင်းသည် ပြောလိုက်ကြ၏။

ကမ္ဘာဦးကောင်းကင်အရှင်၏ အကြီးဆုံးတပည့် ဝါနက်ကောင်းကင်အရှင်က လျှောက်ထွက်လာသည်။ သူသည် ကမ္ဘာဦးကောင်းကင်အရှင်၏ပထမဆုံး တပည့်ဖြစ်သောကြောင့် ဦးဆောင်မိတ်ဆက်လိုက်သည်။ ထို့နောက်မှာ ကမ္ဘာဦးကောင်းကင်အရှင်၏အခြားတပည့်များကိုလည်း ကိုယ့်ကိုယ်ကို မိတ်ဆက်လိုက်ကြ၏။

သိပ်မကြာခင်မှာပဲ ချီမင်၏ အလှည့်ရောက်လာသည်။

"ချီမင်က စီနီယာအစ်ကိုအစ်မတို့ကို အရိုအသေပြုပါတယ်။"

သူသည် သဘာဝအတိုင်း ထိုတပည့်အားလုံး၏မိတ်ဆက်စကားများကို ကြားလိုက်ရသည်။ သူပြောမည့် စကားကိုလည်း စိတ်ထဲကတွေးလိုက်၏။ "ကျွန်တော်က ဂျူနီယာညီလေးချီမင်ပါ။ ကျွန်တော်က ဆရာရဲ့တပည့်ဖြစ်ဖို့ ကံကောင်းသွားတာပါ။ ပြီးတော့ ကျွန်တော်က ဂိုဏ်းကို နောက်ဆုံးဝင်လာတဲ့သူပါ။"

သိပ်မကြာခင်မှာပဲ ချီမင်သည် သူ့ကိုယ်သူ မိတ်ဆက်ခြင်းအား ပြီးဆုံးသွားတော့၏။

ထို့ပြင် ချီမင်နှင့် ကမ္ဘာဦးကောင်းကင်အရှင်တို့အပြင် ခန်းမထဲတွင် လူ(၉၈)ယောက်ရှိသည်။

ကမ္ဘာဦးကောင်းကင်အရှင်တွင် ကိုယ်ပိုင်တပည့်ကိုးယောက်နှင့်အမွေခံတပည့်(၈၉)ယောက်ရှိသည်။ ချီမင်သည် ကမ္ဘာဦးကောင်းကင်အရှင်ကိုယ်တိုင် တပည့်အဖြစ်လက်ခံခဲ့သည့် သူတစ်ဦးဖြစ်ပြီး ဂိုဏ်းထဲသို့ တစ်ဖက်၏အရှိန်အဝါကို မှတ်သားထားခဲ့၏။

ကမ္ဘာဦးကောင်းကင်အရှင်က ဆိုသည်။ "အခုကစပြီး မင်းက ငါ့ရဲ့ တရားဝင် တပည့်ဖြစ်လာပြီ။ ငါ့ရဲ့ အမွေကို ယူလို့ရပြီ။"

"ကျေးဇူးပါတယ် ဆရာ။" ချီမင်က ခေါင်းညိတ်လိုက်သည်။

"လက်ခံလိုက်တော့" ကမ္ဘာဦးကောင်းကင်အရှင်သည် လက်ဝေ့ယမ်းပြလိုက်သောကြောင့် ချီမင်ထံသို့ အလင်းကြောင်းသုံးခု ပျံသန်းသွားသည်။ သူသည် အဖမ်းခံရလုနီးပါးပင်။ ၎င်းတို့က ကျောက်စိမ်းစလစ်နှစ်ခုနှင့် ထိပ်တန်းအဆင့် မွေးရာပါကောင်းကင်တာအိုရတနာတစ်ခု ဖြစ်သည်။

ကျောက်စိမ်းစလစ်နှစ်ခု။

၎င်းတို့သည် ကောင်းကင်အောင်ပွဲခံခြင်းတိမ်တိုက်နှင့် ကမ္ဘာဦးကျမ်းတို့ဖြစ်သည်။

ပထမဆုံး ကမ္ဘာဦးကျမ်းသည် ကမ္ဘာဦးကောင်းကင်အရှင်၏အမွေအနှစ် နည်းစနစ်ဖြစ်သည်။ ၎င်းသည် ကမ္ဘာဦးတာအိုသစ်သီးကို ကျင့်ကြံနိုင်ပြီး တာအိုကောင်းကင်အဖြစ် ပြောင်းလဲနိုင်သည်။ ၎င်းက အထွတ်အထိပ်နည်းစနစ်ဖြစ်သည့်အတွက် စည်းမျဉ်းကောင်းကင်အရှင်အဆင့်သို့ ခြေချနိုင်ပါသည်။

ထို့ပြင် ကောင်းကင်အောင်ပွဲခံခြင်းတိမ်တိုက်သည် မဟာတာအိုအံ့ဖွယ်စွမ်းအားဖြစ်သည်။

အတော်လေးစွမ်းအားကြီးသည်။

"ကျေးဇူးတင်ပါတယ်။ ဆရာ" ချီမင်သည် ပျော်ရွှင်စွာ ခေါင်းညိတ်လိုက်သည်။