အပြတ်အသတ်

"မော့ခယ်" နတ်ဆိုးတိမ်လွှာကလန်မှ မဟာအကြီးအကဲက အဘိုးမာ၏ အတားအဆီးကို ချိုးဖျက်ကာ ပါးလွှာသည့် လေထုအတွင်း ပျောက်ကွယ်သွားသော ပုံရိပ်ကို ငုံ့ကြည့်လိုက်သည်။ သူ့မျက်လုံးများက သွေးရောင်လွှမ်းနေပြီး သူ့ထံမှ ပြင်းထန်သည့် စွမ်းအင်လှိုင်းတို့ ထွက်ပေါ်လာ၏။

မော့ခယ်က ဤကဲ့သို့ သတ်ဖြတ်ခံလိုက်ရပြီ ဖြစ်သည်။ သူသည်  တုံ့ပြန်ရန် အချိန်ပင် မရှိဘဲ အသတ်ခံလိုက်ရသည်။ မော့ခယ်သာ မဟုတ်ဘဲ နတ်ဆိုးတိမ်လွှာကလန်မှ အခြားကျင့်ကြံသူများသည်လည်း တိုက်ခိုက်မှုတစ်ချက်တည်းနှင့် အသတ်ခံလိုက်ရပေသည်။ သူတို့အားလုံးက အသတ်ခံလိုက်ရပြီ ဖြစ်သည်။

နတ်ဆိုးတိမ်လွှာကလန်မှ မဟာအကြီးအကဲက ခေါင်းကို မော့ကာ မျက်မမြင်ထျယ်အား ကြည့်လိုက်သည်။ သူ၏ နက်ရှိုင်းကာ နက်မှောင်သည့် မျက်လုံးများထဲတွင် သတ်ဖြတ်လိုစိတ်များနှင့် လောင်ကျွမ်းနေခဲ့သည်။

သို့သော် မျက်မမြင်ထျယ်က သူ့ကို လျစ်လျူရှုလိုက်သည်။ ဤတူ တိုက်ခိုက်မှုက သူ၏ နှစ်ပေါင်းများစွာ မျိုသိပ်လာရသော အမုန်းတရားများ ပါဝင်နေသော်လည်း သူ၏ နှလုံးသားထဲ၌ အနည်းငယ် ပျော်ရွှင်ခြင်း သို့မဟုတ် ကျေနပ်နှစ်သက်ခြင်းကို မခံစားရပေ။ သူက တည်ငြိမ်မှုကိုသာ ခံစားရပေသည်။

အတိတ်တွင် သူနှင့် မော့ခယ်က အလွန် ရင်းနှီးကြပြီး တစ်ယောက်နှင့် တစ်ယောက် ညီအစ်ကိုဟု ခေါ်ခဲ့ကြသည်။ သို့သော် သူသည် ထိုညီအစ်ကိုဆိုသူက သူ့အား အကွက်ဆင်လိမ့်မည်ဟု မည်သည့်အခါကမှ တွေးထင်ထားဖူးခြင်း မရှိပေ။ သူသည် သူ့ အသက်ကို သူ မနည်း ကယ်တင်ခဲ့ရသည်။

နှစ်ပေါင်းများစွာအတွင်း သူသည် မော့ခယ်ကို သတ်ဖြတ်ပြီး လက်စားချေနိုင်ရန် အိပ်မက်မက်ခဲ့ရသည်။

ယခု နောက်ဆုံးတွင် သူက လုပ်ဆောင်နိုင်ခဲ့ပြီ ဖြစ်၏။ သူသည် နှလုံးသားကို ချုပ်နှောင်ထားသည့် ကိစ္စအား ဖြေရှင်းနိုင်ခဲ့ပြီ ဖြစ်သည်။

ရီဖူရှင်းနှင့် အခြားလူများက မျက်မမြင်ထျယ်ကို ကြည့်လိုက်ကြပြီး သူ၏ စိတ်အခြေအနေကို ခံစားမိကြပေသည်။ သူက ဝမ်းနည်းခြင်းမရှိသလို ပျော်ရွှင်ခြင်းလည်း မရှိပေ။ ကြည့်ရသည်မှာ စိတ်သက်သာရာရသွားပုံပေါ်လေသည်။

ကံကောင်းခြင်းနှင့် ကံဆိုးခြင်းက လက်တစ်ကမ်းအကွာ၌ ရှိနေခဲ့သည်။ ယခင်က ​ဖြစ်ပျက်ခဲ့သည့် ကိစ္စများကြောင့် မဟုတ်လျှင် သူသည် ရွာသို့ ပြန်သွားဖြစ်လိမ့်မည် မဟုတ်ဘဲ သူ၏ စိတ်အခြေအနေကလည်း သန့်စင်ခံရမည် မဟုတ်ပေ။ ထို့ပြင် ယခုလို သူသည် အဆင့်ကိုးရန်ဟောင်အဖြစ် ရောက်ရှိနိုင်သော အခွင့်အရေးမျိုးလည်း ရရှိလိမ့်မည် မဟုတ်ပါချေ။ အရာအားလုံးက ကံကြမ္မာမှ ဆုံးဖြတ်သွားခြင်းသာ ဖြစ်၏။

မော့ခယ်သည် ယခင်က သူ၏ စွမ်းရည်များကို ခိုးယူရန် တတ်နိုင်သမျှ အရာအားလုံး လုပ်ဆောင်ခဲ့သည်။ သို့သော် နတ်ဘုရားတူတစ်လက်က သူ့ကို သေသည်ထိ ထိတ်လန့်နေစေဆဲ ဖြစ်သည်။ ကိစ္စများက ဤကဲ့သို့ အဆုံးသတ်မည်ဆိုလျှင် သူ ယခင်က ​ဖြတ်သန်းခဲ့သော အချိန်အားလုံးက မည်သည့် အသုံးကျမှုတို့ ရှိလိမ့်မည်နည်း။

မျက်မမြင်ထျယ်က နတ်ဆိုးတိမ်လွှာကလန်၏ မဟာအကြီးအကဲ ရှိနေရာသို့ ကြည့်လိုက်သည်။ သူ့ နှုတ်မှ စကားတစ်ခွန်း ထွက်ပေါ်လာ၏။ "ဦးလေးမာ ကျွန်တော် အဲဒီကို လာခဲ့မယ်။"

အဘိုးမာနှင့် နတ်ဆိုးတိမ်လွှာကလန်မှ မဟာအကြီးအကဲတို့က ရင်ဆိုင်နေကြခြင်း ဖြစ်သည်။ သူက မျက်မမြင်ထျယ်၏ စကားလုံးများကို ကြားသောအခါ ခေါင်းညိတ်လိုက်ပြီး အခြားတစ်ဖက်သို့ ရွှေ့သွားခဲ့ကာ လမ်းဖယ်ပေးလိုက်သည်။

သူ ​ဘေးဘက်သို့ ခြေလှမ်းလိုက်ပြီးနောက် မျက်မမြင်ထျယ်နှင့် နတ်ဆိုးတိမ်လွှာကလန်မှ မဟာအကြီးအကဲတို့က မျက်နှာချင်းဆိုင် ဖြစ်သွားကြသည်။ တစ်ယောက်က အခြားလူများ၏ အထက်တွင် ရှိနေခဲ့သည်။ မဟာလမ်းစဥ်၏ ကြောက်မက်ဖွယ် စွမ်းအားများက သူတို့နှစ်ယောက်လုံးထံမှ ထွက်ပေါ်လာ၏။

"အရင်တုန်းက ကိစ္စတွေရဲ့ နောက်ကွယ်မှာ ခင်ဗျား ရှိနေခဲ့တာ။ ခင်ဗျားက မော့ခယ်ကို အဲဒီလို လုပ်စေခဲ့တာ။ မျက်မမြင်ထျယ်က ပြောလိုက်သည်။ သူ့အသံက တည်ငြိမ်နေဆဲ ဖြစ်သည်။ သူက အရာအားလုံးကို အာရုံသိပ်စိုက်မနေသလိုပင်။ သူ့အား ကြည့်ရသည်မှာ အားလုံးကို အဆုံးသတ်ပစ်ချင်နေပုံရသည်။

"ဟုတ်တယ်။" နတ်ဆိုးတိမ်လွှာကလန်၏ မဟာအကြီးအကဲက ပွင့်လင်းစွာ ဝန်ခံလိုက်သည်။ သူတို့က သူ့ အမိန့်ကို နာခံခဲ့ခြင်း ​ဖြစ်သည်။ သူ့ကြောင့်သာ မဟုတ်ခဲ့လျှင် မော့ခယ်က ထိုအရာမျိုးကို မည်သို့ လုပ်ဆောင်နိုင်ပါမည်နည်း။ ထို့ပြင် သူက မည်သို့ အောင်မြင်နိုင်မည်နည်း။ ထိုစဥ်က မျက်မမြင်ထျယ်သည်လည်း သာမန်လူတစ်ယောက် မဟုတ်ခဲ့ပေ။

"အင်း။" မျက်မမြင်ထျယ်က ထပ်မပြောတော့ချေ။ သူက တည်ငြိမ်စွာ ခေါင်းညိတ်လိုက်သည်။ သူတို့ထဲက မည်သူကမှ စကားအများကြီး မပြောပေ။ သူတို့သည် စကားအများကြီး ပြောရန် မလိုအပ်သည်မှာ သိသာလှသည်။ ဤသည်မှာ သေခြင်းရှင်ခြင်း ကိစ္စရပ် ဖြစ်သည်။ သူတို့နှစ်ယောက်ထဲမှ တစ်ယောက်က ကျိန်းသေ သေဆုံးရပေလိမ့်မည်။

သို့သော် သေရမည့်တစ်ယောက်က သေချာပေါက် နတ်ဆိုးတိမ်လွှာကလန်မှ မဟာအကြီးအကဲ ဖြစ်သည်။ သူ့ကို ဝန်းရံထားသည့် ကျင့်ကြံသူများနှင့် သူက မျက်မမြင်ထျယ်ကို သတ်ဖြတ်ရန် နည်းလမ်းမရှိပေ။

ထို့ကြောင့် ရလဒ်မှာ အစောကတည်းက ဆုံးဖြတ်ပြီးသားဖြစ်ကာ နတ်ဆိုးတိမ်လွှာကလန်၏ မဟာအကြီးအကဲက သေဆုံးရပေလိမ့်မည်။

အမှန်တွင် နတ်ဆိုးတိမ်လွှာကလန်မှ မဟာအကြီးအကဲ အပါအဝင် လူတိုင်းသည် အဖြေကို နားလည်ထားသည်။ ကောင်းကင်အာဏာစက်ကျောင်းတော်မှ ကျင့်ကြံသူများက နတ်ဘုရားကပ်ဘေးအား ဖြတ်ကျော်ခဲ့ဖူးသူနှင့် ရောက်လာသောအချိန်၌ သူက မည်သို့ မျှော်လင့်ချက်ထားနိုင်ပါမည်နည်း။

"အရင်တုန်းက ကောင်းကင်အာဏာစက်ကျောင်းတော် တိုက်ပွဲမှာ မင်းက ကောင်းကင်ဒေသက လူတွေ အချင်းချင်း သတ်ဖြတ်နေတာကို အပြစ် ပြောခဲ့တယ်။ ဒါပေမယ့် အခု မင်းက ကောင်းကင်အာဏာစက်ကျောင်းတော်က လူတွေကို ဦးဆောင်ပြီး အထက်ကောင်းကင်​ဒေသကို ဆန့်ကျင်တိုက်ခိုက်နေတယ်။ ကောင်းပါလေရဲ့။" နတ်ဆိုးတိမ်လွှာကလန်မှ မဟာအကြီးအကဲက ပြောလိုက်သည်။ သို့သော် သူက ပြောပြီးသည်နှင့် အနည်းငယ် တွန့်ဆုတ်သွားသလို ခံစားလိုက်ရသည်။

သူတို့က စတင်၍ပင် မတိုက်ခိုက်ရသေးသော်လည်း သူက ထိတ်လန့်ကြောက်ရွံ့မှုကို ခံစားနေရပြီး ဖြစ်သည်။ ထိုသည်မှာ သူက မည်သည့်အတွက်ကြောင့် ထိုသို့ ပြောလိုက်ရသနည်း ဟူသည်ပင် ဖြစ်သည်။ မဟုတ်လျှင် သူက စတင်သတ်ဖြတ်နေလိမ့်မည် ဖြစ်၏။

နတ်ဆိုးတိမ်လွှာကလန်၏ မဟာအကြီးအကဲက သူ၏ ကံကြမ္မာကို နားလည်ပေသည်။

"ဒါက မင်းနဲ့ လေးမျက်နှာကျေးရွာကြားက ရန်ငြိုးပဲ။ ကောင်းကင်အာဏာစက်ကျောင်းတော်က အဲဒါနဲ့ ဘာဆိုင်လို့လဲ။" အဘိုးမာက ပြောရင်း နတ်ဆိုးတိမ်လွှာကလန်မှ မဟာအကြီးအကဲကို ကြည့်လိုက်သည်။ "အရင်တုန်းက မင်းက သူ့မျက်လုံးကို ဖျက်ဆီးခဲ့ပြီး သတ်မိလုနီးပါး လုပ်ခဲ့ဖူးသလို လေးမျက်နှာကျေးရွာရဲ့ နတ်ရတနာကို ခိုးယူခဲ့တယ်။ အခု ကျုပ်တို့က အကြွေး ပြန်ယူဖို့လာတာ ဘာများ မှားနေလို့လဲ။"

"ဒါဆို ကောင်းကင်အာဏာစက်ကျောင်းတော်က လူတွေ ဘာလို့ လေးမျက်နှာကျေးရွာရဲ့ ပြဿနာမှာ ဝင်ပါလာရတာလဲ။" နတ်ဆိုးတိမ်လွှာကလန်မှ မဟာအကြီးအကဲက ကောင်းကင်မှ ကြယ်အလင်းလွှာကို မော့ကြည့်ကာ မေးလိုက်သည်။ အကယ်၍ ကြယ်အလင်းလွှာ မရှိခဲ့လျှင် သူက ဤနေရာ၌ ရပ်ကျန်နေလိမ့်မည် မဟုတ်ပေ။ သူက ထွက်ပြေးသွားနိုင်ပေသည်။

"ခင်ဗျားအတွက် ကံမကောင်းတာပဲ။ ကျုပ်က လေးမျက်နှာကျေးရွာက လူ ဖြစ်နေတယ်။ ဒါကြောင့် ကျုပ်မှာ ဒီပြဿနာကို ပါဝင်စွက်ဖက်ခွင့်ရှိတယ်။" ရီဖူရှင်းက အဝေး၌ ရှိနေသည့် နတ်ဆိုးတိမ်လွှာကလန်၏ မဟာအကြီးအကဲကို ကြည့်ကာ ပြောလိုက်သည်။

နတ်ဆိုးတိမ်လွှာကလန်၏ မဟာအကြီးအကဲက သူ့ကို ကြည့်လိုက်သည်။ သူ့ထံမှ နတ်ဆိုးစွမ်းအားများ ထွက်ပေါ်လာကာ နတ်ဆိုးအရှိန်အဝါတို့က ကျယ်ပြောသော လေဟာနယ်တစ်ခွင်၌ ပြည့်နှက်နေခဲ့သည်။

ဝုရှ်...

နတ်ဆိုးတိမ်လွှာကလန်မှ မဟာအကြီးအကဲ၏ ခန္ဓာကိုယ်က ရုတ်တရက် ပျောက်ကွယ်သွားကာ နတ်ဆိုးအလင်းတန်းတစ်ခုအဖြစ် ပြောင်းလဲသွားပြီး လေထုကို ဖြတ်သန်းထိုးဖောက်သွားခဲ့သည်။

ရီဖူရှင်းက မျက်မှောင်ကြုတ်လိုက်သည်။ သူသည် ခြိမ်းခြောက်နေသော စွမ်းအားကို ရှင်းလင်းစွာ ခံစားမိနိုင်သည်။ သူက လှုပ်ရှားရန် ပြင်လိုက်သည်နှင့် သူ့ဘေးတွင် ပုံရိပ်တစ်ခု ဆင်းသက်လာသည်။ ၎င်းက ကြယ်အလင်းများဖြင့် ဖုံးလွှမ်းခံထားရသည့် ရန်ဟောင်ချန်း ဖြစ်ကာ ကာကွယ်ရေး အလင်းလွှာတစ်ခု ဖန်တီး၍ ရီဖူရှင်းကို လွှမ်းခြုံလိုက်သည်။

သို့သော် နတ်ဆိုးအလင်းတန်းသည် ကောင်းကင်ထက်သို့ ထိုးတက်သွားကာ ချက်ချင်းပင် ဦးတည်ရာအား ပြောင်းလဲလိုက်ပြီး အမြင့်ဆုံးထိ တက်သွားခဲ့သည်။ ရှင်းလင်းစွာပင် နတ်ဆိုးတိမ်လွှာကလန်၏ မဟာအကြီးအကဲက ရီဖူရှင်းအား ပစ်မှတ်ထားခြင်း မဟုတ်ပေ။ သူက ထွက်ပြေးနိုင်ရန်အတွက် အာရုံပြောင်းလိုက်ခြင်းသက်သက် မဟုတ်ပါချေ။

သူ၏ ဒေါသနှင့် သတ်ဖြတ်ချင်စိတ်က အမှန်တကယ် ဖြစ်သော်လည်း အသက်ရှင်လျက် ထွက်ပြေးသွားချင်သည့် စိတ်က ပိုစစ်မှန်ပေသည်။ နတ်ဆိုးတိမ်လွှာကလန်၏ မဟာအကြီးအကဲက လက်စားချေတိုက်ခိုက်ရန် မဟုတ်ဘဲ လွတ်မြောက်ရန် လုပ်ဆောင်သွားခြင်းသာ ဖြစ်သည်။

ဘန်း...

ပေါက်ကွဲသည့် အသံတစ်ခုက လေထဲတွင် ထွက်ပေါ်လာပြီး နတ်ဘုရားတူတစ်လက် ပေါ်လာကာ ကြယ်အလင်းလွှာကို ထုခွဲ၍ အက်ကြောင်းများ ဖြစ်လာစေသည်။ ထိုသည်မှာ နတ်ဆိုးတိမ်လွှာကလန်မှ မဟာအကြီးအကဲ၏ တိုက်ခိုက်မှု ဖြစ်သည်။ သူက ထိုစွမ်းအားကို ချိုးဖျက်ကာ သူ့ကို အကျဥ်းချထားသော နေရာမှ ထွက်ပြေးချင်နေခဲ့သည်။

သို့သော် သူက ထိုသို့ လုပ်ဆောင်နိုင်ပါမည်လား။

ရန်ဟောင်ချန်းထံမှ ကြယ်အလင်းတို့ လင်းလက်လာပြီး သူက တောင်ဝှေးအား မြှောက်လိုက်သည်။ ရုတ်တရက် တောက်ပသည့် ကြယ်အလင်းတို့ လေထဲသို့ ထိုးတက်သွားကာ ထိခိုက်သွားသည့် ကြယ်အလင်းလွှာကို ပြန်ပြုပြင်ခဲ့သည်။ တခဏအတွင်း ၎င်းက အသစ်ကဲ့သို့ တစ်ဖန် ပြန်ဖြစ်သွားခဲ့၏။ ပြန်လည်ပြုပြင်လိုက်သော အစိတ်အပိုင်းများက မူလအတိုင်းပင် ဖြစ်သည်။ နတ်ဆိုးတိမ်လွှာကလန်၏ မဟာအကြီးအကဲက ၎င်းကို ဖျက်ဆီးဖို့ရာ ကြိုးစားရန်မှာ မဖြစ်နိုင်လုနီးပါးပင် ဖြစ်ကာ အဆင့်များ၏ ကွာခြားချက်က ကြီးမားလွန်းလှသည်။

ထို့နောက် နတ်အလင်းများက ပေါက်ကွဲထွက်လာကာ ကောင်းကင်နှင့် မြေကြီးကြား၌ စီးဆင်းနေသည်။ အစွမ်းထက်သော နတ်ဘုရားစွမ်းအားတစ်ခု ဆင်းသက်လာ၏။ နတ်ဆိုးတိမ်လွှာကလန်မှ မဟာအကြီးအကဲ၏ အမူအရာက ပြောင်းလဲသွားပြီး ထိုနေရာသို့ ကြည့်လိုက်လျှင် နတ်ဘုရား ခန္ဓာနှင့် တသားတည်းဖြစ်နေပုံပေါ်သော မျက်မမြင်ထျယ်ကို မြင်လိုက်ရသည်။ သူ၏ ခန္ဓာကိုယ်က ရွှေရောင်ချပ်ဝတ်ဖြင့် ဖုံးလွှမ်းခံထားရပြီး မှန်းဆ၍မရနိုင်သော နတ်စွမ်းအားတို့က သူ့ထံမှ ထွက်ပေါ်နေခဲ့သည်။

နတ်ဆိုးတိမ်လွှာကလန်မှ မဟာအကြီးအကဲသည် မျက်မမြင်ထျယ်ထံမှ မဟာအင်ပါယာတစ်ပါး၏ အရှိန်အဝါကို ခံစားမိနိုင်ပေသည်။

ဘုန်း...

နတ်ဘုရားတူတစ်လက်က ကောင်းကင်မှ ကျဆင်းလာပြီး နတ်ဆိုးတိမ်လွှာကလန် မဟာအကြီးအကဲထံ တိုးဝင်သွားသည်။ ကြောက်မက်ဖွယ် ဖိအားက သူ့အနီးမှ လေဟာနယ်ကို အေးခဲသွားစေခဲ့သည်။ ထို့ပြင် မဟာအကြီးအကဲ ကိုယ်တိုင်သည်လည်း ထိုထူးခြားလှသည့် စွမ်းအားကို ခံစားမိခဲ့ပေသည်။

"ကြည့်ရတာ ဦးလေးထျယ်ရဲ့ တိုက်ခိုက်ရေးစွမ်းရည်က အရမ်း တိုးတက်လာတာပဲ။ အရမ်းကောင်းတယ်။" ရီဖူရှင်းက နတ်အလင်းကို ကြည့်ကာ ပြောလိုက်သည်။ သူ ပြောပြီး သိပ်မကြာခင်မှာပင် တူက နောက်တစ်ဖန် ကျဆင်းလာပြီး လေထဲတွင် အစွမ်းထက် ပုဂ္ဂိုလ်များ ပေါ်ပေါက်လာသည်။ သို့သော် သူတို့က ထိုတိုက်ခိုက်မှုကို မတားဆီးနိုင်ခဲ့ပေ။ နောက်ထပ် ကျယ်လောင်သော အသံတစ်ခု ထွက်ပေါ်လာပြီး နတ်ဆိုးတိမ်လွှာကလန်မှ မဟာအကြီးအကဲက နောက်သို့ လွင့်စင်သွားခဲ့သည်။ သူရှိနေခဲ့သော လေဟာနယ်က ခွဲခြမ်းခံလိုက်ရကာ ကြောက်မက်ဖွယ် နတ်အလင်းတို့က လေထဲတွင် ဒေါသတကြီး ဖြတ်သန်းသွားသည်။

မျက်မမြင်ထျယ်က နတ်ဘုရားတစ်ပါးကဲ့သို့ ပြောင်းလဲသွားပုံရသည်။ သူက ရှေ့သို့ ဆက်လျှောက်လာကာ တူကို တစ်ဖန် လွှဲယမ်းလိုက်ပြီး စီးဆင်းနေသော ရေကဲ့သို့ ချောမွေ့လှစွာ နတ်ဆိုးတိမ်လွှာကလန်၏ မဟာအကြီးအကဲကို တိုက်ခိုက်လိုက်သည်။

၎င်းက ရိုးစင်းသော်လည်း လွှမ်းမိုးနိုင်စွမ်း ရှိလှသည်။ သူက အကန့်အသတ်မဲ့သော ခွန်အားကို ပိုင်ဆိုင်ထား၏။

ဘုန်း...

နောက်ထပ် ကျယ်လောင်သော အသံတစ်ခု ထွက်ပေါ်လာပြီး လေထုက အက်ကွဲသွားသလို ထင်မှတ်ရကာ နတ်ဆိုးတိမ်လွှာကလန် မဟာအကြီးအကဲက နောက်သို့ တစ်ခါလွင့်စင်သွားပြန်ပြီး သူ့ပါးစပ်မှ သွေးတို့ စီးကျလာသည်။ သူ့ကို ကြည့်ရသည်မှာ ကျိုးကြေပျက်စီးသွားပြီး ခုခံရန် စွမ်းအား လုံးဝ မရှိတော့ပုံရလေသည်။