အကဲဖြတ်ပွဲ(၃)

ချီမင်း ဆေးပညာကျမ်းကို မြင်သည်နှင့် တင်းလိုင်၏ မျက်နှာသည် ဝမ်းသာအားရဖြင့် တောက်ပသွားသော်လည်း ရွာလူကြီး၏ မျက်နှာတွင်မူ ပူလောင်သည့်အရိပ်အယောင်တစ်ခု ပေါ်လာသည်။

ချီမင်း ဆေးပညာကျမ်းသည် ဝူကျိတိုက်ကြီးပေါ်တွင် အကျယ်ပြန့်ဆုံး ဆေးဖက်ဝင်အပင်ဆိုင်ရာ ကျမ်းဖြစ်ပြီး မြို့နယ်အဆင့် ဆေးဖက်ဝင်အပင်ဆိုင်ရာ ဆိုင်များတွင်သာ ရောင်းချသည်။

ငှက်ပျောဖက်ရွာကဲ့သို့ သေးငယ်သော နေရာများတွင် မှော်ဘုရားကျောင်းမှလွဲ၍ ရွာတစ်ရွာလုံးတွင် တစ်အုပ်မှ တွေ့ရမည်မဟုတ်ပေ။

ဝူကျိတိုက်ကြီးသို့ ရောက်ရှိလာခဲ့ပြီးနောက် ယွင်ရှန်းသည် ငှက်ပျောဖက်ရွာမှ တစ်ခါမျှ မထွက်ဖူးသလို တရားဝင် ဆေးပညာ လေ့ကျင့်မှုကိုလည်း မခံယူဖူးပေ။ ချီမင်း ဆေးပညာကျမ်းကို ကျွမ်းကျင်ဖို့ဆိုလျှင် ဝေးရော။

ဟူယန်ရွာမှ တင်းလိုင်အတွက်မူ ကွဲပြားသည်။ သူ၏ မိသားစုတွင် ချီမင်း ဆေးပညာကျမ်း တစ်အုပ်ကို ပိုင်ဆိုင်ထားသောကြောင့် ဖြစ်သည်။

မဟာမှော်ညွှန်ကြားရေးမှူးယန်သည် ကလေးနှစ်ဦး၏ အမူအရာ ပြောင်းလဲမှုကို သတိပြုမိပြီး ယွင်ရှန်းကို စောင်းငဲ့ကြည့်ကာ "ဘာလဲ ချီမင်း ဆေးပညာကျမ်းကိုတောင် မဖတ်ဖူးဘူးလား။ ဒါဆို အကဲဖြတ်စစ်ဆေးမှုမှာ ပါဝင်ဖို့ မလိုတော့ဘူး။ ဒီမှာ မျက်မမြင်တွေကို ငါ လက်မခံဘူး" ဟု ပြောလိုက်သည်။

"ကြားလား။ မဟာမှော်ညွှန်ကြားရေးမှူးက နင့်ကို ထွက်သွားဖို့ ပြောနေပြီ။ နင်က ချီမင်း ဆေးပညာကျမ်းကိုတောင် မဖတ်ဖူးဘဲ ဆေးခူးသမားဖြစ်ချင်သေးတယ်။ အဲဒါ မမှန်ဘူးလား။ ညီလေးယီ"

တင်းလိုင်သည် မာန်မဲစွာ ပြောဆိုပြီးနောက် ယီအမည်ရှိ လူငယ်ကိုပါ ချစ်ခင်စွာ မေတ္တာရပ်ခံလိုက်သည်။

ယီအမည်ရှိ လူငယ်သည်လည်း အနည်းငယ် အံ့အားသင့်သွားသည်။ ယွင်ရှန်းသည် အခြေခံ ဆေးဖက်ဝင်အပင်ဆိုင်ရာ ကျမ်းကိုပင် မသိဘဲ ဆေးခူးသမား အကဲဖြတ်စစ်ဆေးမှုတွင် ပါဝင်မည်ဟု သူ မမျှော်လင့်ခဲ့ပေ။

"ကျွန်မ မျက်မမြင် မဟုတ်ဘူး။ ချီမင်း ဆေးပညာကျမ်းပဲဟာ။ ကျွန်မကို ဆယ့်ငါးမိနစ် ပေးပါ"

ယွင်ရှန်းသည် အစတွင် အနည်းငယ် အံ့အားသင့်သော်လည်း ပုံမှန်ပြန်ဖြစ်လာပြီး မဟာမှော်

ဒါရိုက်တာယန်၏ စိတ်မပါ့တပါ အကြည့်အောက်တွင် ရှက်ရွံ့ခြင်းမရှိဘဲ ချီမင်း ဆေးပညာကျမ်းကို ယူလိုက်သည်။

ချီမင်း ဆေးပညာကျမ်းသည် ယန်မိသားစု၏ ဆေးပညာကျမ်းထက် များစွာ ပါးသော်လည်း စာမျက်နှာ ရာပေါင်းများစွာ ရှိသည်။

ယီအမည်ရှိ လူငယ် အပါအဝင် ကြည့်ရှုသူများထဲမှ မည်သူမျှ ယွင်ရှန်း နောက်ဆက်တွဲ ဘာလုပ်ဖို့ စီစဉ်နေသည်ကို အတိအကျ မသိခဲ့ပေ။

ယွင်ရှန်းသည် ဆေးပညာကျမ်းကို ယူလိုက်ပြီး သူ၏ မျက်တောင်များကို ချကာ နူးညံ့သော လက်ချောင်းများဖြင့် စာအုပ်ကို လှန်လိုက်သည်။ သူ၏ ပန်းရောင် နှုတ်ခမ်းများ အနည်းငယ် လှုပ်ရှားနေသည်။ သူ၏ လှုပ်ရှားမှုများသည် အစတွင် မမြန်သော်လည်း နောက်ပိုင်းတွင် သူမ ရွတ်ဆိုခြင်းနှင့် စာမျက်နှာ လှန်ခြင်းက ပိုမို မြန်ဆန်လာသည်။

ထိုအခါမှသာ လူတိုင်းသည် သူမသည် ဆယ့်ငါးမိနစ်အတွင်း ချီမင်း ဆေးပညာကျမ်းတစ်အုပ်လုံးကို ဖတ်ရှုရန် ရည်ရွယ်ထားသည်ကို နားလည်လိုက်ကြသည်။

"ခုမှ ဖတ်တာက အသုံးမဝင်ဘူး။ နောက်ဆုံးမိနစ်မှာ အလွတ်ကျက်တာလား။ အဲဒါနဲ့များ ငါနဲ့ ယှဉ်ပြိုင်ဖို့ အိပ်မက်မက်နေသေးတယ်"

တင်းလိုင်က ဘေးမှနေ၍ မထီမဲ့မြင် ပြောလိုက်သည်။

စနစ်တကျ လေ့ကျင့်မှု မရဖူးသော ခြောက်နှစ်အရွယ် ကလေးတစ်ဦးသည် ဆေးပညာကျမ်းကို နားလည်ရန် ခက်ခဲမည်ပင်။ ဆယ့်ငါးမိနစ်အတွင်း ချီမင်း ဆေးပညာကျမ်းကို အလွတ်ကျက်ရန်ဆိုလျှင် ပို၍ပင် မဖြစ်နိုင်ပေ။

သူမ ထိုသို့ တွေးနေစဉ်မှာပင် ယွင်ရှန်းသည် ဆေးပညာကျမ်းကို ဖတ်ရှုပြီးသွားပြီဖြစ်သည်။ "ကျေးဇူးပြုပြီး အကဲဖြတ်စစ်ဆေးမှုကို ဆက်လက်ဆောင်ရွက်ပါ မဟာမှော်ညွှန်ကြားရေးမှူးယန် ကျွန်မ အသင့်ပါပဲ"

မဟာမှော်ညွှန်ကြားရေးမှူး ယန်၏ အကြည့်သည် တဖျပ်ဖျပ် လင်းလက်သွားပြီး ယွင်ရှန်း၏ ယုံကြည်မှုရှိသော လေသံကြောင့် အထင်ကြီးသွားသည်။

"ယွန်ယင်း စပျစ်နွယ်ပင်"

"ယွန်ယင်း စပျစ်နွယ်ပင်၊ ဆေးဖက်ဝင်အပင်တစ်မျိုး၊ ခရမ်းရောင် အရွက်များ ရှိပြီး သုံးလက်မ မြင့်သည်။ ချိုသော အရသာရှိပြီး အေးသော သဘာဝရှိသည်။ နားပင်းခြင်းကို ကုသနိုင်ပြီး အမြင်အာရုံကို ကောင်းမွန်စေသည်။ တစ်နှစ်ပတ်လုံး သောက်သုံးပါက အသက်ရှည်စေသည်" တင်းလိုင်သည် အလျင်အမြန် ပြောဆိုပြီးနောက် ယွင်ရှန်းကို အောင်နိုင်သူအသွင်ဖြင့် ကြည့်လိုက်သည်။

"သူမက ဘယ်လို ပေါက်ရောက်တယ်ဆိုတဲ့ အလေ့အထကို မေ့သွားတယ်။ နေရောင်နဲ့ အစိုဓာတ်ကို ကြိုက်ပြီး ရေချောင်းများအနီး ချိုင့်ဝှမ်းများတွင် မကြာခဏ ပေါက်ရောက်တယ်"

ယွင်ရှန်းက အေးဆေးစွာ ထပ်လောင်းပြောလိုက်သည်။

မဟာမှော်ညွှန်ကြားရေးမှူးယန်သည် ထိုစကားကို ကြားပြီးနောက် ဆေးပညာကျမ်းကို ကြည့်လိုက်ရာ ယွန်ယင်း စပျစ်နွယ်ပင်၏ အချက်အလက် အောက်ခြေတွင် စာကြောင်းတစ်ကြောင်း မှတ်တမ်းတင်ထားသည်မှာ အမှန်ပင်။

ထိုသို့သော သိမ်မွေ့သည့် ထောင့်တွင်ပင် သူမ သတိပြုမိခဲ့သည်။

မဟာမှော်ညွှန်ကြားရေးမှူးယန်သည် အခြား ဆေးဖက်ဝင်အပင်များ အကြောင်းကို မေးမြန်းခဲ့ရာ တစ်ကြိမ်စီတိုင်းတွင် တင်းလိုင်က အလျင်အမြန် ပြန်ဖြေခဲ့ပြီး ယွင်ရှန်းကမူ စကားများများ မပြောဘဲ တင်းလိုင်လွဲချော်သွားသည့် နေရာများတွင် သင့်တော်သလို စာကြောင်းတစ်ကြောင်း သို့မဟုတ် နှစ်ကြောင်းကို ထပ်ပေါင်းပြောဆိုပေးခဲ့သည်။

သူမ၏ အဖြေများတွင် သူမ၏ ပြောဆိုပုံက ရှင်းလင်းပြီး တည်ငြိမ်ကာ ကလေးတစ်ဦးနှင့် လုံးဝ မတူပေ။

ဤအရာက မဟာမှော်ညွှန်ကြားရေးမှူးယန်ကို အကြီးအကျယ် အံ့အားသင့်စေခဲ့ပြီး ယီအမည်ရှိ လူငယ်သည်ပင် ဘေးမှနေ၍ သူ၏ နှုတ်ခမ်းကို အနည်းငယ် ကွေးညွှတ်လိုက်မိသည်။ ဤကြောင်မလေးတွင် လှည့်ကွက်အချို့ အမှန်တကယ် ရှိပေသည်။

အကဲဖြတ်စစ်ဆေးမှု၏ အဆုံးတွင် မဟာမှော်ညွှန်ကြားရေးမှူးယန်သည် ဆေးပညာကျမ်းကို ပိတ်

လိုက်ပြီး လေးနက်စွာ ပြောလိုက်သည်။

"ချီမင်း ဆေးပညာကျမ်း စာမျက်နှာ တစ်ရာကိုး"

တင်းလိုင်ရုတ်တရက် တွေဝေသွားသည်။ မဟာမှော်ညွှန်ကြားရေးမှူးယန်သည် အကဲဖြတ်စစ်ဆေးမှု၏ ပုံစံကို ရုတ်တရက် ပြောင်းလဲလိမ့်မည်ဟု သူမ မမျှော်လင့်ခဲ့ပေ။

သူမသည် ချီမင်း ဆေးပညာကျမ်းကို သင်ယူခဲ့ဖူးသော်လည်း အလွတ်ရွတ်ဆိုနိုင်သည့် အဆင့်အထိ မရောက်သေးပေ။ သို့သော်လည်း သူမ မစိုးရိမ်ပေ။ ယွင်ရှန်းသည်လည်း ထုတ်ပြောနိုင်မည်ဟု သူမ မယုံခဲ့ပေ။

"သွေးကြံ့ကျောက်၊ ဆေးဖက်ဝင် ကျောက်သလင်း၊ ခြောက်ဖက်ပါ စိန်ပုံသဏ္ဌာန်ရှိသည်။ တိုင်ပုံမျက်နှာပြင်များတွင် သွေးကြောင်းများ ပါရှိပြီး ပင်လယ်ကမ်းစပ်မှ အများစု စုဆောင်းရသည်။ ဤကျောက်ကို သန့်စင်သောအခါ မီးခိုးမထွက်သော မီးဖိုတွင် ထည့်ထားရမည်။ နီရဲသည်အထိ မီးရှို့ပြီး ထုတ်ယူ၍ အမှုန့်ကြိတ်ကာ စားသုံးရသည်။ ၎င်းသည် စွမ်းအင်ကို စုဆောင်းနိုင်သည်။ သလိပ်ကို လျှော့ချနိုင်သည်။ သွေးထွက်ခြင်းကို ရပ်တန့်နိုင်သည်။ ဒဏ်ရာများကိုလည်း ကုသနိုင်သည်"

(Note။ ငယ်ငယ်တုန်းကကျွန်မတို့စာကျက်သလိုအလွတ်ပြန်ဆိုရတာမို့ စကားပြေအရေးအသားနဲ့ပဲရေးထားတာပါ)

ယွင်ရှန်း၏ အသံသည် ငွေခေါင်းလောင်းများကဲ့သို့ ပဲ့တင်ထွက်လာပြီး သူ စကားပြောပြီးသည်နှင့် မဟာမှော်ညွှန်ကြားရေးမှူး ယန်၏ ညှိုးနွမ်းနေသော မျက်နှာတွင် လေးစားမှုအသွင် ထွက်ပေါ်လာသည်။

သူသည် ချီမင်း ဆေးပညာကျမ်းကို ဖွင့်လိုက်ရာ စကားလုံးတစ်လုံးချင်းစီက တကယ်ကို မလွဲဘဲ မှန်ကန်နေသည်။

တင်းလိုင်၏ မျက်နှာရှုံ့မဲ့သွားသည်။

"ဘယ်လိုလုပ် ဖြစ်နိုင်မှာလဲ။ နင်... ဒါ မဖြစ်နိုင်ဘူး။ နင် လိမ်နေတာ ဖြစ်ရမယ်။ နင် အဲဒီ စာမျက်နှာရဲ့ အကြောင်းအရာတွေကို မသိနိုင်ဘူး"

"ချီမင်း ဆေးပညာကျမ်း၊ စာမျက်နှာတစ်ဆယ်၊ လိပ်တံတွေးပင်၊ စာမျက်နှာနှစ်ရာ့လေးဆယ်၊ မြွေအသက်ရှူသစ်ခွ၊ စာမျက်နှာသုံးရာနှစ်ဆယ့်တစ်... ဆက်ပြီး ရွတ်ဆိုဖို့ လိုဦးမလား။ တင်းလိုင် နင့် ကတိကို မှတ်ထား။ ဒူးထောက်ပြီး တွားသွားရမယ်"

ထိုအချိန်တွင် ယွင်ရှန်း၏ နူးညံ့သော မျက်နှာလေးက ပါးချိုင့်လေးနှစ်ဖက်နှင့်အတူ ထူးခြားစွာ တောက်ပနေသည်။

ချီမင်း ဆေးပညာကျမ်းရှိ ဆေးဖက်ဝင်အပင် အမျိုးအစားများသည် ယန်မိသားစု၏ ဆေးပညာကျမ်းထက် များစွာ နည်းပါးသည်။ ၎င်းကို အပင်ပေါင်း တစ်သောင်း၏ အကြမ်းဖော်ပြချက်နှင့် ပေါင်းစပ်လိုက်ခြင်းဖြင့် သူမသည် ချီမင်း ဆေးပညာကျမ်းကို နောက်ပြန်ပင် ရွတ်ဆိုနိုင်သည်။

သူတို့ဘေးတွင်ရှိသော ယီအမည်ရှိ လူငယ်သည် သူ၏ မျက်ခုံးများကို ဆွဲဆောင်မှုရှိစွာ ပင့်လိုက်သည်။ သူသည် ယွင်ရှန်း၏ မာယာများဖြင့် ပြည့်နေသော အပြုံးကို မြင်လိုက်ရပြီး ဖြစ်ပုံရသည်။

"နင် နင်... နင်"

တင်းလိုင်၏ မျက်နှာက ဒေါသတကြီး နီမြန်းလာသည်။ သူမကို ငှက်ပျောဖက်ရွာမှ တွားသွားခိုင်းခြင်းသည် သူမ၏ မျက်နှာပျက်ရုံသာမက ဟူယန်ရွာ၏ ဂုဏ်သတင်းကိုပါ ထိခိုက်စေမည် ဖြစ်သောကြောင့် ဤအသုံးမကျသူမိန်းကလေးကို ဤမျှ မာနကြီးရန် သူမ လုံးဝ ခွင့်မပြုနိုင်ပေ။

သူမ၏ လက်မှ မီးလျှံတစ်ခု ရုတ်တရက် ထွက်ပေါ်လာပြီး မီးသည် ရုတ်တရက် တိုးလာကာ ယွင်ရှန်း၏ ခန္ဓာကိုယ်ငယ်လေးဆီသို့ တည့်တည့် ပစ်လွှတ်လိုက်သည်။

ပွဲရှိသူ မည်သူမျှ မှော်ပညာ သင်တန်းသားတစ်ဦးသည် ရွတ်ဆိုခြင်းမရှိဘဲ ချက်ချင်း မီးမှော်ပညာကို အသုံးပြုနိုင်သည်ကို မမျှော်လင့်ခဲ့ကြပေ။

ဤသည်မှာ ယွင်ရှန်း၏ မှော်ဆရာတစ်ဦးနှင့် ပထမဆုံးအကြိမ် တိုက်ခိုက်မှုဖြစ်သည်။ ပြိုင်ဘက်သည် မှော်ပညာ သင်တန်းသားသာ ဖြစ်သော်လည်း မှော်ပညာသည် မျက်စိတစ်

မှိတ်အတွင်း ပြောင်းလဲသွားပြီး ခန့်မှန်းရန် မဖြစ်နိုင်သလောက် နီးပါးရှိကာ မီးလျှံများတိုးလာတော့မည် ဖြစ်သည်။

ရုတ်တရက် ယွင်ရှန်း၏ ခန္ဓာကိုယ်သည် ပေါ့ပါးသွားပြီး အားကောင်းသော လက်တစ်စုံက သူမကို ပွေ့ချီလိုက်သည်။

"မှတ်ထား မင်း ငါ့ကို ကျေးဇူးဆပ်စရာရှိတယ်"

ယီအမည်ရှိ လူငယ်သည် ပျင်းရိသည့် လေသံဖြင့် တိုးတိုးလေး ပြောလိုက်သည်။ ယွင်ရှန်းသည် လှပစွာ ကွေးညွှတ်နေသော မျက်နှာတစ်ခုကိုသာ မြင်လိုက်ရသည်။

လူငယ်၏ နှုတ်ခမ်းများမှာ အနည်းငယ်သာ လှုပ်ရှားသွားပြီး သူ၏ ဝါးတားတား မျက်လုံးများ တောက်ပသွားသည်။ သူတို့ကို တိုက်ခိုက်နေသော မီးလျှံက လေထဲတွင် ရပ်တန့်သွားသည်။

မီးဒြပ်စင်သည် တိုးပွားလာပြီး ကြောက်မက်ဖွယ်ကောင်းသော မီးဝံပုလွေအဖြစ်သို့ ပြောင်းလဲသွားသည်။ မီးဝံပုလွေ၏ ခန္ဓာကိုယ်သည်ကြီးမားကာ သွေးနီရောင် မျက်လုံးများက ကြောက်မက်ဖွယ် သတ်ဖြတ်လိုစိတ်ဖြင့် ပြည့်နေကာ လေထဲတွင် မီးပင်လယ်ကို ဖန်တီးလိုက်ပြီး တင်းလိုင်ထုတ်လွှတ်လိုက်သော မီးလျှံများကို မျိုချလိုက်သည်။ ထို့နောက် လှည့်၍ တင်းလိုင်ပေါ်သို့ ခုန်အုပ်လိုက်သည်။

ဤသည်မှာ မှော်ပညာ အတုယူဖန်တီးခြင်း မီး အလယ်အလတ်အဆင့် မှော်ပညာဖြစ်သည်။

ရွာလူကြီး၏ ပါးစပ်ပင် ကျယ်ကျယ်ဟသွားသည်။ ဤလူငယ်သည် မှော်တုတ်သို့မဟုတ် မှော်

ရွတ်ဆိုမှုကို မသုံးစွဲဘဲ အလယ်အလတ်အဆင့် မှော်ပညာကို ချက်ချင်း ထုတ်လွှတ်လိုက်ခြင်း ဖြစ်သည်။

"မဖြစ်နိုင်ဘူး"

တင်းလိုင်သည် နာကျင်မှုဖြင့် အော်ဟစ်လိုက်သည်။

မီးသည် တဟုန်းဟုန်း တောက်လောင်ကာ သူမ၏ ခန္ဓာကိုယ်တစ်ခုလုံးကို ဖုံးလွှမ်းသွားသည်။

ထို့နောက် ရွာလူကြီးက တုံ့ပြန်လိုက်သည်။

တင်းလိုင်သေလို့မရပေ။

သူသည် သူ၏ မှော်တုတ်ကို ထုတ်ယူကာ ဝှေ့ယမ်းလိုက်ရာ မှော်တုတ်ပေါ်ရှိ မှော်ဝိဉာဉ်ကျောက် နှစ်ခုမှာ အပြာနှင့် အစိမ်းရောင် တောက်ပလာသည်။ အပြာရောင် ကျောက်တုံးသည် မျက်စိကျိန်းစေသော အလင်းကို ထုတ်လွှတ်သည်။

ရေငွေ့လှိုင်းတစ်ခု ပျံ့နှံ့သွားပြီး တင်းလိုင်ပေါ်ရှိ မီးကို ငြှိမ်းသတ်လိုက်သည်။

သို့သော် မီးဝံပုလွေသည် တင်းလိုင်ကို မှတ်မိနိုင်စရာ မရှိအောင် လောင်ကျွမ်းစေခဲ့ပြီးဖြစ်သည်။ သူမ၏ ခန္ဓာကိုယ်တွင် အမာရွတ်များ ပြည့်နေပြီး မီးလောင်နေသော အဆင့်နိမ့် မှော်လက်နက်တစ်ခု သူမ၏ ခန္ဓာကိုယ်မှ ပြုတ်ကျသွားသည်။

တင်းလိုင်သည်လည်း ပြင်ဆင်လာခဲ့သည်။ သူမ၏ ခန္ဓာကိုယ်တွင် မှော်တိုက်ခိုက်မှုကို သိုလှောင်နိုင်သော မှော်လက်နက်တစ်ခု ဆောင်ထားခဲ့သည်။

တစ်စက္ကန့်အတွင်း ဤမျှလောက် ပျက်စီးမှုများ ဖြစ်သွားခြင်းလား။ ဤသည်မှာ မှော်ပညာ၏ စွမ်းအားလား။

ယွင်ရှန်းသည် စိတ်ထဲတွင် အေးစက်မှုကို ခံစားလိုက်ရပြီး ပြင်းထန်စွာ လောင်ကျွမ်းကာ နာကျင်စွာ ရုန်းကန်နေသော တင်းလိုင်ကို ကြည့်လိုက်သည်။

ယွင်ရှန်းသည် သူမကို စာနာခြင်းမရှိသလို လူငယ်ကိုလည်း ကျေးဇူးတင်ခြင်းမရှိဘဲ လူငယ်၏ လက်မောင်းများမှ ရုန်းထွက်ရန် ကြိုးစားသည်။

သို့သော် လူငယ်၏ လက်မောင်းများသည် သံမဏိနှင့် ကွန်ကရစ်ဖြင့် သွန်းလောင်းထားသကဲ့သို့ ခိုင်မာပြီး တောင်များကဲ့သို့ တည်မြဲနေကာ သူမကို လွှတ်ပေးရန် ရည်ရွယ်ချက်မရှိသည်ကို ပြသနေသည်။

ဝူကျိတိုက်ကြီး၏ ဆေးပညာ အခြေအနေများအောက်တွင် တင်းလိုင်ကဲ့သို့သော ကျယ်ပြန့်စွာ လောင်ကျွမ်းမှုမျိုးရှိပါက စနစ်တကျ ကုသမှုမရှိလျှင် သူမကို စောင့်ကြိုနေသည်မှာ သေခြင်းတရားသာ ဖြစ်သည်။

"မှတ်ထား ကြောင်မလေး ရန်သူကို ရင်ဆိုင်တဲ့အခါ ဘယ်လို အထင်သေးမှုမဆို မိုက်မဲရာ ရောက်တယ်"

ယီအမည်ရှိ လူငယ်သည် သူ၏ အသံက ရေခဲကဲ့သို့ ထိုးဖောက်နေကာ ယွင်ရှန်းကို သတိပေးလိုက်သည်။

အားကောင်းသူများ ရှင်သန်ပြီး အားနည်းသူများ ပျက်စီးသည်။

သို့သော် နောက်တစ်ခဏတွင် သူ၏ နှုတ်ခမ်းများသည် ဆွဲဆောင်မှုရှိသော အပြုံးအဖြစ် ကွေးညွှတ်သွားသည်။

"ငှက်ပျောဖက်ဘုရားကျောင်းက ကြိုဆိုပါတယ်။ ကြောင်မလေး ငါ့နာမည်ကို မှတ်ထားနော်။ ယီပိုင်မင်း"