အထင်လွဲခံရတာကို မကြိုက်တာတစ်ခုပါပဲ

လျှို့ဝှက်ဆန်းကြယ်မိန်းမပျိုကျင့်စဉ်သည် နောက်ဆုံးတွင် ကျင့်စဉ်တစ်ခုမျှသာ ဖြစ်၏။ စုဟန်ယန်က ၎င်းကို အပြည့်အဝ အသက်သွင်းခဲ့သော်လည်း ပျော့ပျောင်းရမည့် အသားမှာ ပျော့ပျောင်းနေဆဲ ဖြစ်သည်။ မည်သည့် ပြောင်းလဲမှုမျှ မပြသခဲ့ပေ။

လုချန်းကို မသက်မသာဖြစ်စေရန် လျှို့ဝှက်ဆန်းကြယ်မိန်းမပျိုကျင့်စဉ်ကို အသုံးပြု၍ ကြိုးစားနိုင်လိမ့်မည်ဟု စုဟန်ယန် တွေးထင်ခဲ့သည်။ သို့သော် ၎င်းမှာ မပြည့်ဝသော မျှော်လင့်ချက်မျှသာ ဖြစ်သည်။

၎င်းသည် လုချန်းကို မသက်မသာဖြစ်အောင် မလုပ်နိုင်ခဲ့ရုံသာမက သူ့အတွက် အကျိုးပင် ဖြစ်ထွန်းစေခဲ့သည်။

စုဟန်ယန် လျှို့ဝှက်ဆန်းကြယ်မိန်းမပျိုကျင့်စဉ်ကို အရူးအမူး အသက်သွင်းနေသည်ကို လုချန်း မြင်လိုက်ရသောအခါ သူ၏စိတ်ထဲမှ ရယ်သံကို လုချန်း မနည်းပင် ထိန်းချုပ်ထားရသည်။

စုဟန်ယန်သည် ထိုသို့ ပြုလုပ်သည့် ပထမဆုံး အမျိုးသမီး မဟုတ်ပေ။ ယခင်ကလည်း သူ့ကို လက်စားချေရန် ဤနည်းလမ်းကို အသုံးပြုရန် ကြိုးစားခဲ့သည့် ဇနီးများ ရှိခဲ့သည်။ ထိုအရေအတွက်မှာလည်း မနည်းလှပေ။

ရလဒ်ကတော့ ကြိုတင်ခန့်မှန်းနိုင်သော အရာတစ်ခု ဖြစ်သည်။

သူတို့အားလုံးသည် လုချန်း၏ နှိမ်နင်းခြင်းကိုသာ ခံခဲ့ရသည်။

သူမ၏ လျှို့ဝှက်ဆန်းကြယ် မိန်းမပျိုကျင့်စဉ်သည် လုချန်းအပေါ် လုံးဝ အကျိုးသက်ရောက်မှု မရှိဟု ထင်ရကြောင်း စုဟန်ယန် မကြာမီ သဘောပေါက်လိုက်သည်။ အချိန်ကြာလာသည်နှင့်အမျှ သူမ၏ အသိစိတ်များ စတင် ပျံ့လွင့်လာသည်။

အင်အားက အပြန်အလှန် သက်ရောက်သည်။

အစက သူမ လုချန်းအပေါ် ဖိအားသက်ရောက်စေခဲ့သည်။ ထို့အတူ လုချန်းကလည်း သူမအပေါ်တွင် တန်ပြန်အင်အားအချို့ကို သဘာဝအတိုင်း သက်ရောက်စေခဲ့သည်။

……

လဝက်ကြာသော်။

မြူခိုးမှော်ဂိုဏ်း တပည့်များက ထိုသတင်းကို သတင်းဖြန့်ဝေခဲ့ကြသည်။ ထို့ကြောင့် နဂါးနက်ခရိုင်ရှိ အဓိကအင်အားစုအားလုံးသည် စုဟန်ယန် နန်းတွင်း၌ သီးသန့်ကျင့်ကြံနေခြင်းအကြောင်းကို သိရှိသွားကြသည်။

နဂါးနက်မြို့တော်၏ နန်းတွင်းသည် ယခင် နဂါးနက်နိုင်ငံ၏ နန်းတွင်း ဖြစ်သည်။ လုချန်းသည် လက်ရှိတွင် ထိုနေရာ၌ နေထိုင်နေ၏။ သူမ ဤနန်းတော်တွင် သီးသန့်ကျင့်ကြံနိုင်သည် ဟူသည့် အချက်က စုဟန်ယန်နှင့် လုချန်းကြားရှိ ဆက်ဆံရေး၏ ရှုပ်ထွေးသော သဘောသဘာဝကို လုံလောက်စွာ ပုံဖော်ပြနေသည်။

မြူခိုးမှော်ဂိုဏ်းအတွင်းမှ အဖွဲ့ငယ်အချို့သည် မူလက ခွဲထွက်ရန် တွေးတောခဲ့ကြသည်။ သူတို့သည် တန်ခိုးရှင် တစ်သောင်းဂိုဏ်းသို့ ပူးပေါင်းရန် ရည်ရွယ်ခဲ့သော်လည်း ဤသတင်းကို ကြားသောအခါ ထိုအတွေးကို ချက်ချင်း စွန့်လွှတ်လိုက်ကြသည်။

…….

ထိုအချိန်တွင်။

နဂါးနက်ခရိုင်။

နန်းတွင်း။

အခန်းတစ်ခုအတွင်းတွင် လူနှစ်ယောက် အပြန်အလှန် ယှဉ်ပြိုင်တိုက်ခိုက်နေကြသည်။ သို့သော် ၎င်းမှာ တစ်ဖက်သတ် တိုက်ပွဲတစ်ခုသာ ဖြစ်ပြီး တစ်ဖက်တည်းကသာ လုံးဝ ရှုံးနိမ့်နေခဲ့သည်။

လုချန်း သူမကို ကစားနေသည်။ ထိုအဖြစ်ကို မြင်သောအခါ စုဟန်ယန်၏ ထွက်ပြေးခြင်းနှင့် ပတ်သက်သော စိတ်ဓာတ်များ လုံးဝပျောက်ကွယ်သွားသည်။

ဤလဝက်အတွင်း လုချန်း၏ ကြောက်မက်ဖွယ်ကောင်းသော အချက်ကို သူမ အမှန်တကယ် နားလည်ခဲ့ရသည်။

အဆက်မပြတ် ရရှိနေသော သာယာမှုက သူမအား ကျဆုံးသွားသကဲ့သို့ ခံစားစေသည်။

သူမ လုချန်းထံမှ ထွက်ခွာသွားသည်နှင့် ဤလဝက်အတွင်း ဖြစ်ပျက်ခဲ့သမျှကို ပြန်လည် သတိရနေနိုင်သည်ဟု သူမ သံသယဝင်မိသည်။ ထိုအခါ ဤယောက်ျားထံမှ သူမ ခွဲခွာနိုင်တော့မည် မဟုတ်ပေ။

စုဟန်ယန်၏ အသွင်အပြင်မှာ ဆွဲဆောင်မှုရှိသော်လည်း ဝမ်းနည်းနေသည်။ ၎င်းကို မြင်သောအခါ လုချန်းက သူ၏ လှုပ်ရှားမှုများကို ရပ်တန့်လိုက်သည်။ ထို့နောက် သူက သူမ၏ မျက်နှာကို ညင်သာစွာ ပွတ်သပ်လျက် ပြုံးကာ

“ကိုယ့်ရဲ့ ချစ်သူ။ မင်း ထွက်ပြေးချင်နေတုန်းပဲလား။”

ဤမေးခွန်းကို ကြားသောအခါ စုဟန်ယန် နှာခေါင်းရှုံ့လိုက်သည်။

“ဒီလို လုပ်လိုက်ရုံနဲ့ ကျွန်မ ဘယ်တော့မှ ရှင်နဲ့ မခွဲနိုင်တော့လူးလို့ တကယ် ထင်နေတာလား။ ကျင့်စဉ်ကျင့်သူတွေက စိတ်ကို အခြေခံပြီး ကျင့်ကြံကြတာပါ။ ကျွန်မက ဒီလို အခြေခံ တဏှာစိတ်တွေကိုတောင် မထိန်းချုပ်နိုင်ဘူးဆိုရင် ကျွန်မရဲ့ အတိတ်က ကျင့်ကြံမှုတွေအားလုံး အလကား ဖြစ်သွားမှာပေါ့။”

ကျင့်စဉ်ကျင့်သူများအတွက် တဏှာစိတ်ကို ထိန်းချုပ်ခြင်းသည် အခြေခံကျသည်။

သူမ ယခု မိမိကိုယ်ကို မထိန်းချုပ်နိုင်ဟု ခံစားနေရသည်။ သို့သော် ဤယောက်ျားထံမှ ထွက်ခွာသွားသည်နှင့် ပြီးခဲ့သော လဝက်မှ ခံစားချက်များကို မေ့ပစ်နိုင်လိမ့်မည်ဟု စုဟန်ယန် ယုံကြည်ထားသည်။

ကြီးမြတ်သော ကျင့်စဉ်လမ်းကို ကျင့်ကြံခြင်းနှင့် နှိုင်းယှဉ်ပါက ဤသို့ အခြေခံ တဏှာစိတ်များက အရေးမပါလှပေ။

သူမသည် ယင်ယန်နယ်ပယ်မှ ကျင့်စဉ်ကျင့်သူတစ်ဦး ဖြစ်သည်။ ထို့ကြောင့် သူမ၏ ခန္ဓာကိုယ်မှ အခြေခံ တဏှာစိတ်များကို မထိန်းချုပ်နိုင်ခြင်းကို သူမ လက်ခံရန် ငြင်းဆန်သည်။

သူမ ထိုသို့ တွေးထင်နေသော်လည်း ကိုယ့်ကိုယ်ကို အနည်းငယ် မသေမချာတော့ ဖြစ်နေသည်။

ဤလဝက်အတွင်း အဆင့်နယ်ပယ်နှစ်ခု တက်ခဲ့သည်။ ထိုသာယာမှုက သူမ၏ အသိစိတ်ကို ထုံထိုင်းစေခဲ့ပြီး သူမအတွက် ရပ်တန့်ရန် ခက်ခဲစေခဲ့သည်။

စုဟန်ယန်၏ ခေါင်းမာမှုကို လုချန်း သိမြင်လိုက်ပြီးနောက် နောက်ထပ် စကားများများ မပြောတော့ပဲ သူ၏ ကိုယ်ပိုင်ကိစ္စများဖြင့် ပြန်လည် အလုပ်များသွားသည်။

ဤအခိုက်တွင် ဆွဲဆောင်မှုရှိသော နီမြန်းသည့် အရောင်တစ်ခု စုဟန်ယန်၏ မျက်နှာပေါ်တွင် ထွက်ပေါ်လာသည်။ သူမ၏ စိတ်ဓာတ်များ ကျိုးပျက်သွားတော့မည်ကဲ့သို့ ခံစားလိုက်ရသည်။

ကံကောင်းထောက်မစွာဖြင့် ပြီးခဲ့သော လဝက်အတွင်း လျှို့ဝှက်ဆန်းကြယ်မိန်းမပျိုကျင့်စဉ်ကို သူမ အဆက်မပြတ် လေ့ကျင့်ခဲ့သည်။

ဒါက ဤယောက်ျားကိုလည်း အကျိုးဖြစ်ထွန်းစေခဲ့သည်။ သို့သော် လျှို့ဝှက်ဆန်းကြယ်မိန်းမပျိုကျင့်စဉ်ကို လေ့ကျင့်ခြင်းက သူမ၏ အာရုံစိုက်မှုအချို့ကို လွှဲပြောင်းနိုင်စေခဲ့သည်။ ၎င်းက သူမ၏ အသိစိတ် လုံးဝ ပျောက်ဆုံးသွားကာ တဏှာစိတ်၏ ကျွန်တစ်ယောက် ဖြစ်သွားခြင်းမှ တားဆီးပေးခဲ့သည်။

လုချန်း၌ ရပ်တန့်ရန် ရည်ရွယ်ချက် မရှိသည်ကို စုဟန်ယန် မြင်လိုက်ရသည်။ ထိုအခါ သူမ အနည်းငယ် ကူကယ်ရာမဲ့သလို ခံစားလိုက်ရသည်။

သူမ၏ တပည့်နှစ်ယောက် ပြောခဲ့သကဲ့သို့ ဤလူ တစ်လ သို့မဟုတ် နှစ်လအထိ ဆက်သွားနိုင်တာက အမှန်တကယ်ပဲလား။

ဒီလောက် လိုအပ်လို့လား...

သူက အမှန်တကယ် ထိုမျှ စွမ်းဆောင်နိုင်လျှင်ပင် ထိုသို့သော ကိစ္စများအပေါ်တွင် သူ၏စိတ်ကို အမြဲတမ်း အာရုံစိုက်ထားရန် လိုအပ်ပါသလား။

အင်အားကြီး အဖွဲ့အစည်းတစ်ခုမှ ကျင့်စဉ်ကျင့်သူတစ်ဦးအနေဖြင့် သူ၏ အာရုံစိုက်မှုအားလုံးသည် ကျင့်စဉ်အပေါ်တွင် ရှိနေသင့်သည် မဟုတ်ပါလား။

ထိုသို့သော ကိစ္စများသည် အပျော်အပျက် ကိစ္စများသာ ဖြစ်သည်။ သို့သော် လုချန်းက အဘယ်ကြောင့် သူ၏ အာရုံစိုက်မှုအားလုံးကို ထိုအပေါ်တွင် ထားရှိကြောင်း စုဟန်ယန် နားမလည်နိုင် ဖြစ်နေဆဲ ဖြစ်သည်။

သူမ၏ အမြင်တွင် လုချန်းကဲ့သို့ လူတစ်ယောက်သည် အတွေ့အကြုံ ရယူရန် အင်အားကြီး အဖွဲ့အစည်းတစ်ခုမှ လာခြင်း ဖြစ်သည်။ ထို့ကြောင့် သူသည် ယောက်ျားနှင့် မိန်းမ ကိစ္စများတွင် နစ်မွန်းနေ၍ မဖြစ်ပေ။

လုချန်း စုံတွဲကျင့်စဉ် နည်းလမ်းတစ်ခုခုကို အသုံးပြုနေကြောင်း သူမ သိသည်။ သို့သော် စုံတွဲကျင့်စဉ် နည်းလမ်းများ၏ အကျိုးသက်ရောက်မှုမှာ အကန့်အသတ် ရှိသည်။

သူမ လျှို့ဝှက်ဆန်းကြယ်မိန်းမပျိုကျင့်စဉ်ကို လေ့ကျင့်စဉ်ကလည်း ထိုနည်းတူ အတွေ့အကြုံမျိုး ကြုံခဲ့ရသည်။ အစပိုင်းတွင် သူမ၏ ကျင့်စဉ်အခြေအနေသည် အလွန် လျင်မြန်စွာ တိုးတက်ခဲ့သည်။ သို့သော် အချိန်ကြာလာသည်နှင့်အမျှ လျှို့ဝှက်ဆန်းကြယ်မိန်းမပျိုကျင့်စဉ်ကို လည်ပတ်သောအခါ သူမ၏ ကျင့်စဉ်အခြေအနေကို မြှင့်တင်နိုင်သည့် အရှိန် နှေးကွေးသွားသည်။

သူမသည် လုချန်း၏ ကျင့်စဉ်မီးဖို အတိအကျ မဟုတ်သော်လည်း ဤယောက်ျားအတွက် သိုလှောင်အိုးတစ်မျိုးမျိုး ဖြစ်လာသည်ဟု စုဟန်ယန်သည် ယခုအခါ ခံစားနေရသည်။

လုချန်းသည် ထက်မြက်သော ဓားတစ်လက်နှင့် တူပြီး သူမက သူ၏ ဓားအိမ် ဖြစ်သည်။ သူ၏ ဓားအိမ်ဖြစ်သော သူမသည် လုချန်းကို ဘယ်လိုမှ ကန့်သတ်နိုင်ခြင်း မရှိပေ။ သူ ထွက်ချင်လျှင် ထွက်မည်၊ ဝင်ချင်လျှင် ဝင်မည် ဖြစ်သည်။

အတန်ငယ်ကြာပြီးနောက် လုချန်း အသက်ပြင်းပြင်း ရှူလိုက်သည်။ သူ၏လက်ကို ဝှေ့ယမ်းလိုက်ရာ စိတ်ဝိညာဉ် စွမ်းအား လုံးတစ်ခုက သူ၏ ခန္ဓာကိုယ်ပေါ်မှ ချွေးသီးများအားလုံးကို သန့်စင်သွားစေသည်။

လုချန်း စုဟန်ယန်ကို ထပ်မံ ကြည့်လိုက်သည်။ စုဟန်ယန်သည် သူမ၏ ပါးစပ်ကို အနည်းငယ် ဖွင့်ဟထားလျက် အသက်ကို ပြင်းပြင်း ရှူရှိုက်နေသည်။

လုချန်းက

“ကျွန်‌တော်က ဇနီးတွေ အများကြီးနဲ့ လက်ထပ်ပြီး သူတို့ကို အရမ်း ကောင်းကောင်းမွန်မွန် ဆက်ဆံတယ်။ ဒါက သူတို့ကို သူတို့ ဆန္ဒအလျောက် ကျွန်တော့်အတွက် ဘေးဒုက္ခတွေ ခံယူစေချင်လို့လို့ ခင်ဗျား ထင်နေတာလား။”

လုချန်းက သူမ၏ အတွေးများကို နောက်တစ်ကြိမ် တိုက်ရိုက် ထုတ်ဖော် ပြောဆိုလိုက်သည်ကို မြင်သောအခါ စုဟန်ယန် အနည်းငယ် မှင်တက်သွားသည်။ အဘယ်ကြောင့် ဤယောက်ျားက သူမ တွေးတောနေသမျှ အရာအားလုံးကို သိရှိနေရသနည်း။

ယခုအခါ လုချန်းကို သူမ အတော် သံသယဝင်မိသည်။ သူသည် သူတစ်ပါး၏စိတ်ကို ဖတ်နိုင်ပြီး သူမ တွေးတောသမျှ အရာအားလုံးကို သိရှိနေသည်ဟု ထင်နေသည်။

ထို့နောက် စုဟန်ယန်က အေးစက်သော လေသံဖြင့်

“မဟုတ်လို့လား”

“ရှင့်လို လူတစ်ယောက်က အောက်ကမ္ဘာက မိန်းမတွေကို ဘာလို့ ဒီလောက် ကောင်းကောင်းမွန်မွန် ဆက်ဆံနိုင်ရမှာလဲ။ ရှင်က ကာမလိုက်စားတဲ့ လူတစ်ယောက် ဖြစ်နေရင်တောင် ရှင့်ရဲ့ အမြင်မှာ အဲဒီမိန်းမတွေက ကစားစရာတွေသက်သက်ပါပဲ။”

“ရှင် သူတို့အပေါ် ကောင်းနေတာက မသမာတဲ့ ရည်ရွယ်ချက်တစ်ခု သေချာပေါက် ရှိရမယ်။ သူတို့ရဲ့ ခန္ဓာကိုယ်တွေက ဘာမှ ထူးထူးခြားခြား မဟုတ်ဘူး။ သူတို့မှာ ဘာရတနာမှလည်း မပိုင်ဆိုင်ဘူး။ ဒါ့ကြောင့် ရှင် ကြံစည် နေနိုင်တာ တစ်ခုတည်းပဲ ရှိတယ်။ အဲ့ဒါက တစ်နေ့နေ့မှာ သူတို့က ရှင့်အတွက် ဆန္ဒအလျောက် စတေးပေးဖို့ပါပဲ။”

လုချန်းက ပြုံးလျက်

“ခင်ဗျားရဲ့ တွေးခေါ်ပုံက သိပ်တော့ မလွဲပါဘူး။”

“ကျင့်စဉ်လောကဆိုတာ အားနည်းသူက အားကြီးသူရဲ့ အစာ ဖြစ်ရတဲ့ နေရာတစ်ခုပါ။ သာမန်လူတွေက ပုရွက်ဆိတ်တွေနဲ့ တူတယ်။ ဒါပေမဲ့ ကျင့်စဉ်ကျင့်သူတိုင်းက သွေးအေးကြတာတော့ မဟုတ်ဘူး။ ကျွန်‌တော်က တာဝန်ယူတတ်တဲ့ ကျင့်ကြံသူတစ်ယောက် မဖြစ်နိုင်ဘူးလား။”

စုဟန်ယန်က အေးစက်စွာဖြင့်

“ရှင်သာ ကိုယ်ကျင့်တရား မြင့်မြတ်တဲ့ လူတစ်ယောက်ဆိုရင် မိန်းမတစ်ယောက်ရဲ့ ခန္ဓာကိုယ်ကို အတင်းအကျပ် အပိုင်စီးမှာ မဟုတ်ဘူး။”

လုချန်းက တည်ငြိမ်စွာဖြင့်

“လူ့သဘာဝက ရှုပ်ထွေးပြီး ဆန့်ကျင်ဘက်တွေ ဖြစ်နေတတ်တယ်။ ကျွန်တော်က မကောင်းတဲ့အရာတစ်ခု လုပ်ခဲ့တာကြောင့် အရာအားလုံး မကောင်းတဲ့လူလို့ ဆိုလိုတာ မဟုတ်သေးဘူး။”

“ဒီကမ္ဘာကြီးမှာ အဖြူနဲ့ အမည်းသက်သက်ပဲ ရှိတာ မဟုတ်ဘူး။ မီးခိုးရောင်ဆိုတာလည်း ရှိသေးတယ်။”

စုဟန်ယန်က မျက်နှာသေဖြင့်

“ဘာလို့ ရှင်က ကျွန်မကို ဒီအကြောင်းတွေ အားလုံး လာပြောနေတာလဲ။ ဒီစကားတွေကြောင့် ကျွန်မက ရှင့်အပေါ် သံယောဇဉ် ဖြစ်လာမယ်လို့ ထင်နေတာလား။”

လုချန်းက

“အဲဒီလို မဟုတ်ပါဘူး။ ကျွန်တော်က အထင်လွဲခံရတာကို မကြိုက်တာတစ်ခုပါပဲ။”

“ခင်ဗျားက ကျွန်တော့်ရဲ့ အဆင့်အတန်း ကို ခန့်မှန်းမိနေပြီပဲ။ ကျွန်တော့်လို လူတစ်ယောက်က စတေးခံခိုင်းဖို့ လူတစ်ယောက် လိုအပ်ခဲ့ရင် ဒီကမ္ဘာမှာ လာရှာမှာ မဟုတ်ဘူးလို့ ခင်ဗျား မတွေးမိဘူးလား။”

“ကျွန်တော့်ဆီက စကားတစ်ခွန်းတည်းနဲ့ အဖွဲ့အစည်းပေါင်းများစွာက သူတို့ရဲ့ အကောင်းဆုံး မိန်းမပျိုလေးတွေကို ကျွန်တော့်ဆီ ပို့ပေးကြလိမ့်မယ်။”

“နောက်ပြီး ခင်ဗျား ကျွန်တော့်ဆီက တစ်ချိန်ချိန်မှာ ထွက်သွားချင်တယ်ဆိုရင် ဘယ်အချိန်မဆို ထွက်သွားနိုင်ပါတယ်။ ကျွန်တော် ခင်ဗျားကို တားမှာ မဟုတ်ဘူး။”