အဆင့်တက်ခြင်း
Vol. 2 Ch. 16
ညစာစားပြီးသော် ကောင်းကင်က တဖြည်းဖြည်း မှောင်စပြုလာသည်။
ဝမ်အန်းနင်က ပြင်ဆင်ရမယ့် ပစ္စည်းတွေ အများကြီးရှိတာကြောင့် အလျင်မြန်ဆုံးဆိုရင်တောင် မနက်ဖြန် မနက်မှ ရောက်နိုင်မယ်လို့ ကျောက်စိမ်းပြားကနေတစ်ဆင့် ထန်ထျန်းကို ပြောခဲ့သည်။
ဒါကြောင့် ထန်ထျန်းလည်း ဆက်မစောင့်တော့ဘဲ သူ့အခန်းထဲသို့ ပြန်လာခဲ့သည်။
ကုရှောင်းရွှယ်ကလည်း ပင်မအိမ်ရဲ့ ညာဘက်ဘေးက အခန်းမှာ ဝင်လိုက်လေသည်။
ကျင့်ကြံခန်းထဲ ရောက်လာသောအခါ ထန်ထျန်းက မျက်ခုံးပင့်လိုက်သည်။ ဒီနေရာက တကယ့်ကို တိတ်ဆိတ်ငြိမ်သက်ပြီး နေ့စဉ် ကျင့်ကြံဖို့အတွက် အလွန်သင့်တော်လှသည်။
ထိုင်ချလိုက်ပြီး မကြာမီပင် တည်ငြိမ်မှုရသွားသည်။
ထို့နောက် ထန်ထျန်းက အကန့်အသတ်မဲ့ သုံးစွဲနိုင်သော စနစ်ကို ကြည့်လိုက်သည်။
ဒီနေ့ အိမ်ဝယ်တဲ့ သုံးစွဲမှုအမှတ် က တစ်သောင်းကျော်သွားပြီး တစ်သောင်းသုံးထောင်ကျော် ရရှိထားလေ သည်။
ပိုမိုမြင့်မားတဲ့ အဆင့်ရှိတဲ့ အရာတွေကို လဲလှယ်ဖို့အတွက် လုံလောက်နေပြီပင်။
စဉ်းစားပြီးနောက် ထန်ထျန်းက ပါရမီ လဲလှယ်ခြင်းကို ရွေးချယ်လိုက်သည်။
ပါရမီစက်ဝန်း ငါးလွှာ : သုံးစွဲမှုအမှတ် တစ်သောင်း။
လဲလှယ်လိုက်သည်နှင့် ရင်းနှီးသော ခံစားမှုက ပြန်လည်ရောက်ရှိလာပြီး တစ်ကိုယ်လုံး သက်တောင့်သက်သာ ရှိသွားသည်။
အားလုံး ငြိမ်သက်သွားသောအခါ ထန်ထျန်း စတင်ကျင့်ကြံလေ သည်။
ကျင့်ကြံသည်နှင့်အမျှ အဖြူရောင် ပါရမီစက်ဝန်းငါးလွှာက ခန္ဓာကိုယ်ပတ်လည်တွင် ဖြည်းဖြည်းချင်း တက်လာပြီး မှိန်လိုက် တောက်ပလိုက်ဖြင့် ကောင်းကင်နှင့်မြေကြီး နှင့် ဆက်နွှယ်နေသည်။
ထို့နောက် ဝိညာဉ်စွမ်းအား အမြောက်အမြားက ဦးတည်ရာများစွာ မှ ထန်ထျန်း၏ ကိုယ်ခန္ဓာထဲသို့ စီးဝင်လာသည်။
ဒီအရေအတွက်နဲ့ အရည်အသွေးက သူ မနေ့ညက ကျင့်ကြံခဲ့တာထက် အဆပေါင်းများစွာ ပိုမိုအားကောင်းနေသည်။
ပါရမီတိုးတက်လာခြင်းအပြင် ဒီနေရာရဲ့ ဝိညာဉ်စွမ်းအားသိပ်သည်းဆကလည်း အလွန်မြင့်မားတာကြောင့် ဒီလိုအဆင့်ကို ကျော်လွန်တဲ့ တိုးတက်မှုမျိုး ရရှိခဲ့တာပင် ဖြစ်သည်။
ပါရမီနဲ့ ကျင့်ကြံခြင်းပတ်ဝန်းကျင်ဟာ ကျင့်ကြံသူတွေအတွက် တကယ့်ကို မရှိမဖြစ်ပင်။
ဒီလိုအခြေအနေမျိုးမှာ ကျင့်ကြံခြင်းအမြန်နှုန်း က တကယ့်ကို ကြောက်စရာကောင်းလှသည်။
ထန်ထျန်းက သူ့ရဲ့ ကျင့်ကြံမှုအဆင့်က မျက်စိနဲ့ မြင်နိုင်လောက်တဲ့ အထိ လျင်မြန်စွာ တိုးတက်နေတာကို ရှင်းရှင်းလင်းလင်း ခံစားရသည်။
သူ စိတ်ကိုတည်ငြိမ်ပြီး အာရုံစိုက်ကာ အလေးအနက် ကျင့်ကြံလေ သည်။
နာရီအနည်းငယ်ကြာပြီးနောက် ချီသန့်စင်ခြင်း အဆင့် (၃) မှ သိသိသာသာ တိုးတက်လာသော်လည်း ထန်ထျန်း မျက်လုံးဖွင့်လိုက်သည်။
"သိပ်မကောင်းသေးဘူး"
"ဒီအမြန်နှုန်း အတိုင်းဆိုရင် ဒီညတော့ ချီသန့်စင်ခြင်း အဆင့် (၄) ကို ရောက်မှာ မဟုတ်ဘူး"
သူက အနည်းငယ် မကျေမနပ်ဖြစ်နေပုံရသည်။
ဒီလိုပုံစံကို တခြားသာမန် ကျင့်ကြံသူတွေသာ မြင်ခဲ့ရင် သူ့ကို ဆွဲပြီး ရိုက်ပစ်ချင်ကြမှာ သေချာသည်။
တစ်ညတည်းနဲ့ အဆင့်တစ်ခု တက်ချင်တယ်ပေါ့။
ချီသန့်စင်ခြင်းအဆင့် အစောပိုင်းမှာ လိုအပ်တဲ့ ဝိညာဉ်စွမ်းအား မများရင်တောင် မင်း လိုချင်တာက များလွန်းတယ်ကွ
ဒါပေမဲ့ ထန်ထျန်းက ဒီလို မထင်ပေ ။ အထူးသဖြင့် ကုရှောင်ရွှယ်လို အဆင့်မြင့် ပါရမီရှင်ကို မြင်ပြီးနောက်မှာ သူ ပိုပြီး အလျင်လိုလာခဲ့သည်။
အများကြီး နောက်ကျနေကာ မကြိုးစား ရင် ကွာခြားချက်က ပိုပြီး ကြီးလာရုံပဲ ရှိမယ်လေ ။
"ပါရမီကိုတော့ ချက်ချင်းတိုးလို့ မရဘူး။ ဒါဆို တခြားနည်းလမ်းတွေ စဉ်းစားရမယ်"
ထန်ထျန်း စဉ်းစားပြီးနောက် သိုလှောင် လက်စွပ်ထဲကနေ ကြွေပုလင်း တွေ အများကြီးကို ထုတ်လိုက်သည်။
အဆင့်မြင့် ချီသန့်စင်ခြင်းဆေးလုံး၊ အဆင့်မြင့် ကိုယ်ခန္ဓာမာကြော ဆေးလုံး၊ အဆင့်မြင့် ချီကျင့်ကြံခြင်း ဆေးလုံး။
ဒါတွေက သူ ကျင်းယွီ ခန်းမကနေ ဝယ်လာခဲ့တာဖြစ်ပြီး ချီသန့်စင်ခြင်း ကျင့်ကြံသူများ အတွက် အသင့်တော်ဆုံး ဆေးလုံးတွေပင်။
"မသုံးဘဲနဲ့တော့ မနေနိုင်ဘူး"
"သူတို့က ဈေးနှုန်းနဲ့ ထိုက်တန်မလားဆိုတာ ကြည့်ရသေးတာပေါ့။"
ထန်ထျန်းက အဆင့်မြင့် ချီသန့်စင်ခြင်းဆေးလုံးတစ်ပုလင်းကို ဖွင့်ကာ အဖြူရောင် ဆေးလုံးတစ်လုံးကို ထုတ်လိုက်သည်။
ပြင်းထန်တဲ့ ရနံ့က ချက်ချင်း တိုးဝင်လာပြီး ယွမ်ယန်ဆေးလုံးထက် အဆပေါင်းများစွာ ပိုပြီး အားကောင်းသည်။
သူက ချက်ချင်း မျိုချလိုက်သည်။
ချက်ချင်းပင် ပြင်းထန်သော ဝိညာဉ်စွမ်းအား မုန်တိုင်းတစ်ခုက ထန်ထျန်း၏ ဝမ်းဗိုက်ထဲတွင် ပေါက်ကွဲသွားသည်။
ဒီမုန်တိုင်းမှာ ဖျက်ဆီးနိုင်တဲ့ စွမ်းအား မရှိဘဲ သွေးကြောတွေတစ်လျှောက် လျင်မြန်စွာ ပျံ့နှံ့သွားပြီး ရုတ်တရက် တရှိန်ထိုးတက်လာ သည်။
ထန်ထျန်းက သူ့ခန္ဓာကိုယ်တစ်ခုလုံး ပူနွေးလာတယ်လို့ ခံစားရပြီး ဆေးလုံးရဲ့ စွမ်းအားက အသက်ရှူချိန်တစ်ခုအတွင်းမှာ တစ်ကိုယ်လုံးကို လွှမ်းခြုံသွားသည်။
ခဏအကြာတွင် ဝိညာဉ်စွမ်းအား အားလုံး ဒန်ထျန်ထဲသို့ ပြန်ရောက်သွားပြီး ကျင့်ကြံမှုအဆင့်ကို အနည်းငယ် တိုးမြှင့်လာသည်။
"တကယ်ကို ကောင်းတာပဲ"
ထန်ထျန်းက ချီးကျူးမဆုံး ဖြစ်နေသည်။ ဒီလိုအကျိုးသက်ရောက်မှုမျိုးက ယွမ်ယန်ဆေးလုံးနဲ့ ယှဉ်လို့မရပေ။
ဒီဆေးလုံးမှာ အသန့်စင်ဆုံး ဝိညာဉ်စွမ်အား တွေ ပါဝင်သည်။ သန့်စင်ဖို့တောင် မလိုဘဲ ဒန်ထျန်ထဲ ချက်ချင်းထည့်နိုင်ပြီး ကိုယ်ခန္ဓာရဲ့ ခွန်အားကို မြှင့်တင်ပေးလေသည် ။
တစ်ပုလင်းကို စိတ်ဝိညာဉ်ကျောက် ၁၀၀၊ ဆေးလုံး ၁၀ လုံးပါတာ တကယ့်ကို မရှုံးပေ။
"ထပ်လာစမ်း "
ထန်ထျန်းက ချီသန့်စင်ခြင်းဆေးလုံးတစ်လုံးကို ထပ်ထုတ်ကာ ပုံမှန်ကျင့်ကြံမှုနဲ့ ပေါင်းစပ်ပြီး မျိုချလိုက်သည်။
မကြာခင်မှာပဲ ချီသန့်စင်ခြင်းဆေးလုံးတစ်ပုလင်း ကုန်သွားလေသည်။
ထန်ထျန်း၏ ကျင့်ကြံမှုအဆင့်က ချီသန့်စင်ခြင်း အဆင့် (၃) ၏ အကန့်အသတ် သို့ ရောက်ရှိသွားပြီး တစ်လှမ်းသာ လိုတော့သည်။
ဒါပေမဲ့ ဒီအချိန်မှာ သူ ဆက်မလုပ်တော့ဘဲ ကိုယ်ခန္ဓာမာကြော ဆေးလုံးနဲ့ ချီကျင့်ကြံ ခြင်းဆေးလုံးကို မျိုချဖို့ ရွေးချယ်လိုက်သည်။
ဝိညာဉ်စွမ်းအင် တစ်ခုတည်းနဲ့တော့ မရပေ။ အခြေခံကောင်းကောင်းလည်း ရှိဖို့ လိုသည်။
ကိုယ်ခန္ဓာမာကြော ဆေးလုံးက ကိုယ်ခန္ဓာကြံ့ခိုင်မှုကို တိုးမြှင့်ပေးပြီး လေ့ကျင့်ခန်းလုပ်စရာ မလိုပေ။
ချီကျင့်ကြံ ခြင်းဆေးလုံးကတော့ ဝိညာဉ်စွမ်းအားရဲ့ အရည်အသွေးကို မြှင့်တင်ပေးဖို့ပင်။
တူညီတဲ့ ဝိညာဉ်စွမ်းအား ပမာဏမှာ အရည်အသွေး မြင့်မားလေ၊ သဘာဝအတိုင်း ပိုပြီး အားကောင်းလေ ဖြစ်သည်။
ထန်ထျန်းက တစ်လုံးချင်းစီ မျိုချပြီး သူ့ရဲ့ ခွန်အားကို အတတ်နိုင်ဆုံး မြှင့်တင်လိုက်သည်။
လုံလောက်ပြီလို့ ထင်ရတဲ့အခါ သူ ချီသန့်စင်ခြင်းဆေးလုံး ဒုတိယပုလင်းကို ဖွင့်လိုက်သည်။
တစ်လုံးတည်းနဲ့တင် ချီသန့်စင်ခြင်း အဆင့် (၃) ရဲ့ ကန့်သတ်ချက်ကို ချိုးဖျက်ပြီး ချီသန့်စင်ခြင်း အဆင့် (၄) ကို အောင်မြင်စွာ ရောက်ရှိခဲ့သည်။
"ဟူး ~"
ထန်ထျန်းက သက်ပြင်းချလိုက် သည်။
နောက်ဆုံးတော့ အဆင့်တက်နိုင်ခဲ့ပြီကွ။
အခုဆိုရင် သူက သာမန် တပည့် အဆင့်အတန်းကနေ လုံးဝ ရုန်းထွက်နိုင်ခဲ့ပြီး ချင်းယွဲ့ဂိုဏ်းရဲ့ တကယ့် အပြင်စည်းတပည့်တစ်ဦး ဖြစ်လာခဲ့ပြီပင်။
"အချိန်ရရင်တော့ အဆင့် မြှင့်ရမယ် "
"ပိုက်ဆံပေးဝယ်ထားတဲ့ အဆင့်အတန်းနဲ့ ကိုယ့်ခွန်အားနဲ့ တရားဝင်ရရှိတဲ့ အဆင့်အတန်းက နည်းနည်းတော့ ကွာခြားတယ်။"
"များလေ ပိုကောင်းလေပဲကွ"
ထန်ထျန်း ဒီလိုပဲ တွေးနေသည်။
ကျင့်ကြံခြင်းပြီးနောက် အခု...... ညဉ့်နက်နေပြီပင်။
ထန်ထျန်း ထပြီး ကျင့်ကြံအခန်းကနေ ထွက်ကာ သူ့ရဲ့ အိပ်ခန်းဆီ ပြန်လာခဲ့သည်။
နူးညံ့တဲ့ အိပ်ရာပေါ် လဲလျောင်းလိုက်ပေမယ့် အိပ်ချင်စိတ် သိပ်မရှိပေ ။
ချီသန့်စင်ခြင်း အဆင့် ကျင့်ကြံသူတွေက တစ်လလောက် အိပ်စရာမလိုဘဲ နေနိုင်ကြသည် ။
ဒါပေမဲ့ ထန်ထျန်းက ဘဝက အရမ်းရိုးရှင်းလွန်းတာကို မကြိုက်ပေ။
အခြေအနေပေးရင် ပျင်းရိစွာ အနားယူတာကလည်း ပျော်စရာတစ်ခုပဲပင်။
တစ်နေကုန် တံခါးပိတ် ကျင့်ကြံနေပြီး မစား၊ မအိပ် တာက တကယ့်ကို ပျင်းစရာကောင်းလွန်းလှသည်။
အတွေးပေါင်းများစွာ နဲ့အတူ ထန်ထျန်း တဖြည်းဖြည်း အိပ်ပျော်သွားသည်။
နောက်တစ်နေ့။
မိုးသောက်ချိန်မှာ တောင်တွေနဲ့ သစ်တောတွေကြား ငှက်တွေ၊ တိရစ္ဆာန်တွေရဲ့ အသံတွေ ကြားရပြီး ထန်ထျန်း နိုးလာခဲ့သည်။
ခဏလောက် အိပ်ရာထဲ လူးလိမ့်နေပြီးနောက် သူ ထကာ မျက်နှာသစ်၊ အဝတ်အစားလဲပြီး တံခါးဖွင့် ထွက်လာသည်။
လေကောင်းလေသန့်က ချက်ချင်း တိုးဝင်လာပြီး သူ့ကို လန်းဆန်းစေသည်။
ရှေ့ခြံဝင်းကို ရောက်တော့ ထန်ထျန်း အံ့သြသွားသည်။ ကုရှောင်းရွှယ်က ဘယ်အချိန်ကတည်းက မသိလိုက်ဘဲ မနက်စာ ပြင်ပြီး ကျောက်စားပွဲမှာ သူ့ကို စောင့်နေခဲ့သည်။
"ရှင် နိုးလာပြီပေါ့ "
"လာ၊ မနက်စာ စားရအောင်"
ကုရှောင်းရွှယ်က ဟီးဟီးရယ် ရင်း ပြောသည်။
ထန်ထျန်းက ပြုံးပြီး ရှေ့ကိုသွား ထိုင်ကာ "မင်းပဲ စားစရာမလိုတော့ဘူးဆို " ဟု ပြောသည်။
ကုရှောင်းရွှယ်က ပန်းကန်နဲ့တူ တွေကို ချ ပေးရင်း "ရှင် ပဲပြောတယ်မလား၊ ထမင်းစားတာက လူ့ဘဝရဲ့ အကောင်းဆုံးအရာတွေထဲက တစ်ခုပဲတဲ့" ဟု ပြောသည်။
"အလွယ်တကူ စွန့်လွှတ်လိုက်ရင် ဘယ်လောက်တောင် နစ်နာလိုက်မလဲ။"
ထန်ထျန်း ပြုံးလိုက်သည်။ ဒီကလေးမလေးက တကယ်ကို ဖြူစင်ပြီး ချစ်စရာကောင်းလှသည်။
တကယ်တော့ သူက မနေ့က ရုတ်တရက် စိတ်ကူးပေါက်လို့ ပြောလိုက်တာ၊ သူမက တကယ်ကြီး မှတ်ထားတာပဲ။
စားပွဲပေါ်မှာ ဆန်ပြုတ်နဲ့ အိမ်ချက်ဟင်းလေးတွေ ရှိနေဆဲပင်။ ထန်ထျန်း မြည်းစမ်းကြည့်တော့ အရသာက ကောင်းနေတုန်းပင်။
"ချက်ပြုတ် တာက သက်တော် စောင့်စည်းမျဉ်းတွေထဲမှာ ပါမှာ..... မဟုတ်ဘူး ထင်တယ်နော်"
ထန်ထျန်းက နောက် လိုက်သည်။
ကုရှောင်းရွှယ် မျက်နှာနီမြန်းသွားသည်။ သူမက သက်တော် စောင့်စည်းမျဉ်းတွေကို ကျက်ထားရုံနဲ့ ရပြီလို့ အရင်က ထင်ခဲ့တာ။
ဒါပေမဲ့ မနေ့က အတွေ့အကြုံအရ အဲဒီထဲက တစ်ခုမှ အသုံးမဝင်ခဲ့ပေ ။
ထန်ထျန်းက ခေါင်းခါရင်း သက်ပြင်းချလိုက်သည်။ "တကယ်တော့ ငါ တို့က အလုပ်ခန့်ထားတဲ့ ဆက်ဆံရေးပဲ"
"မင်း ငါ့ အပေါ် ဒီလောက် ကောင်းနေဖို့ မလိုပါဘူး။"
ကုရှောင်းရွှယ်က ဟင်းတွေကို စားရင်း တိုးတိုးလေး ရေရွတ်သည်။ " ကျွန်မအပေါ် ကောင်တယ့်သူ အပေါ် ပြန်ကောင်းပေး တာပေါ့ရှင့်။"
"ဘာပြောလိုက်တာလဲ"
ထန်ထျန်းက ရှင်းရှင်းလင်းလင်း မကြားလိုက်ပေ။
ဒါပေမဲ့ ကုရှောင်းရွှယ်ကလည်း ထပ်မပြောတော့ဘဲ စားစရာ တွေ မအေးခင် အမြန်စားဖို့ ထန်ထျန်းကို အချက်ပြသည်။
နွေဦးလေညင်းက ဖြတ်တိုက်သွားသည်။
ဘယ်အချိန်ကမှန်း မသိလိုက်ရပေမယ့် မန်ကျည်းပင်အိုကြီးပေါ်က အပင်ငယ်လေးတွေက စတင် ပွင့်လန်းနေကြပြီပင်။