အထွတ်အထိပ်အစီအရင်
Vol. 2 Ch. 18
ခရမ်းရောင်ဝါးခြံဝင်း အိမ်မှ ထွက်လာပြီးနောက် ထန်ထျန်းက ပင်မတောင်ထိပ်သို့ အလွန်လျင်မြန်စွာ တက်သွားလေ သည်။
ဒါက ချင်းယွဲ့ဂိုဏ်းထဲ ရောက်လာပြီးနောက် ပထမဆုံးအကြိမ် ဂိုဏ်းရဲ့ ပင်မတောင်ထိပ်ကို ရောက်ဖူးခြင်း ဖြစ်သည်။
တောင်ထိပ်က ခန့်ညားပြီး သစ်ပင်တွေက ကောင်းကင်ကို ဖုံးအုပ်ထားသည်။ ရေတံခွန်တွေ၊ နန်းဆောင်တွေက အထဲမှာ ပုန်းကွယ်နေပြီး မြူ တွေက တိမ်တိုက်တွေလို ဝေ့ဝဲနေတာကြောင့် နတ်ပြည်လိုပင် ဖြစ်နေသည်။
ကုရှောင်းရွှယ်၏ ဦးဆောင်မှုအောက်တွင် ထန်ထျန်းက တောင်ပေါ်သို့ တက်သွားရာ နောက်ဆုံးတွင် တောင်၏ တစ်ဝက်ရှိ အလွန်ကျယ်ဝန်းသော ရင်ပြင်ကြီးတစ်ခုဆီသို့ ရောက်ရှိလာသည်။
မျက်စိရှေ့ က မြင်ကွင်းကြောင့် ထန်ထျန်း ပါးစပ်အဟောင်းသား ဖြစ်သွားသည်။
ဧရာမ ရင်ပြင်ကြီးက အဆုံးကို မမြင်ရပေ။
ရင်ပြင်ရဲ့ အလယ်ဗဟိုမှာ ကြီးမားသော ရုပ်တုကြီးတစ်တန် မတ်မတ်ရပ်နေသည်။ လူတွေက သူ့ရဲ့ ခြေဖဝါးမှာ ရပ်နေရင်တောင် ခြေချောင်းအမြင့်ကို မမီနိုင်ပေ။
ရုပ်တုကြီးက မြင့်မားစွာ ရပ်နေပြီး အပေါ်ပိုင်းတစ်ဝက်လုံးက ထူထပ်တဲ့ တိမ်တွေထဲကို ရောက်နေတာကြောင့် သူ့ရဲ့ ဂုဏ်အသရေကို ကောင်းကောင်း မမြင်ရပေ။
ဒါပေမဲ့ တိမ်တွေရဲ့ အပေါ်ဘက်မှာတော့ အလွန်ကျယ်ပြန့်တဲ့ တာအိုကျောက်စာတချပ်က ကောင်းကင်ယံမှာ ပေါ်လော ပေါ်လော ပျံဝဲနေပြီး ရင်ပြင်တစ်ခုလုံးကို လွှမ်းခြုံထားသည်။
ချင်းယွဲ့ဂိုဏ်းမှ တပည့်တွေက ရုပ်တုပတ်ပတ်လည်မှာ ထပ်ကာထပ်ကာ ထိုင်နေကြသည်။
တန်းစီပြီးပေါ့
ဒီမြင်ကွင်းက လူကို အလွန်အမင်း တုန်လှုပ်သွားစေသည်။
"ဒါက ငါတို့ ဂိုဏ်းရဲ့ ဘိုးဘေးကြီးလား"
ထန်ထျန်းက ကုရှောင်းရွှယ်ကို မေးသည်။
ကုရှောင်းရွှယ်က ခေါင်းခါကာ "မဟုတ်ပါဘူး"
"သူ ဘယ်သူလဲဆိုတာ သိတဲ့သူ နည်းတယ်။ ရှင်လည်း မမေးတာ ကောင်းမယ်"
"အကြီးအကဲဦးလေးက ကျွန်မကို ပြောပြဖူးတယ်။ သူက တားမြစ်ထားတဲ့ အရာတစ်ခုလိုပဲ။ အလွန်အကျွံတွေး ရင် မကောင်းတာ တွေ ဖြစ်လာနိုင်တယ်" ဟု ပြောသည်။
ထန်ထျန်း တအံ့တဩဖြစ်သွားသည်။
ဒါ ဘယ်လိုကြီးလဲ
ချင်းယွဲ့ဂိုဏ်းရဲ့ ကျင့်ကြံရာနေရာမှာ သူတို့ရဲ့ ဘိုးဘေးကို မထားဘဲ တားမြစ်ထားတဲ့အရာတစ်ခုကို ထားတယ်ပေါ့။
အသစ်အဆန်းကြီးကို ကစားနေတာလား
ထန်ထျန်း စဉ်းစားပြီးနောက် ဆက်မတွေးရဲတော့ပေ။
တကယ်လို့ သူ့ကိုယ်သူ မကောင်းတာတွေ ဖိတ်ခေါ်မိရင် မကောင်းဘူးလေ။
ဒါပေမဲ့ ဒီချင်းယွဲ့ဂိုဏ်းက တကယ်ပဲ နေရာတိုင်းမှာ ထူးဆန်းမှုတွေ ရှိနေတာပဲ။
အကြည့်ကို ပြန်ရုပ်သိမ်းပြီး ထန်ထျန်းနဲ့ ကုရှောင်းရွှယ်တို့ တာအိုဘုရားကျောင်း ထဲသို့ ချောမွေ့စွာ ဝင်ရောက်သွားကြသည်။
ဝင်လာသည်နှင့် ထန်ထျန်းက ခရမ်းရောင်ဝါးခြံဝင်း အိမ်နဲ့ လုံးဝကွဲပြားခြားနားတဲ့ အငွေ့အသက်ကို ခံစားလိုက်ရသည်။
ကျင့်ကြံခြင်း အငွေ့အသက်က အရမ်း အားကောင်း လွန်းပေသည်။
ကုရှောင်းရွှယ် ပြောသလိုပဲ တာအိုဘုရားကျောင်း က နေ့စဉ် ကျင့်ကြံဖို့အတွက် အသင့်တော်ဆုံး နေရာပင်။
ခရမ်းရောင်ဝါးခြံဝင်း အိမ်လို နေရာမျိုးကတော့ စိတ်တည်ငြိမ်ပြီး ကိုယ့်ကိုယ်ကိုယ် သန့်စင်ဖို့အတွက် ပိုပြီး သင့်တော်ပေ သည်။
"သခင်လေးထန်၊ ဘယ်ကိုသွားချင်လဲ"
ကုရှောင်းရွှယ်က "ရင်ပြင်မှာ ကျင့်ကြံမယ်ဆိုရင် နေရာလွတ်တစ်နေရာ ရှာပြီး ထိုင်လိုက်ရုံပါပဲ" ဟု ပြောသည်။
"ကျင့်ကြံခန်းကို သွားချင်ရင်တော့ ဝမ်တာအို ခန်းမမှာ သော့ငှားရပါမယ်။"
"ဝမ်တာအို ခန်းမက ရုပ်တုရဲ့ နောက်ဘက်မှာပါ"
ထန်ထျန်းက ရယ်မောရင်း "ကျင့်ကြံခန်းကိုပဲပေါ့" ဟု ပြောသည်။
"အထွတ်အထိပ် အဆင့် ကျင့်ကြံခန်းက ဘယ်လောက်ကုန်မလဲဆိုတာ... မင်း ဘယ်လောက် အစွမ်းထက်တဲ့ ကျင့်ကြံမှု အကျိုးသက်ရောက်မှု ရှိလဲဆိုတာ ကြည့်ချင်သေးတယ်ကွာ"
ဆုံးဖြတ်ပြီးနောက် သူတို့နှစ်ဦး တာအိုဘုရားကျောင်း ၏ အစွန်းဘက်ရှိ ကျောက်ပြားလမ်းအတိုင်း ဝမ်တာအို ခန်းမသို့ ရောက်ရှိလာခဲ့သည်။
အခုဆို မနက်ခင်းတစ်ဝက်ကျော်နေပြီ။ လိုအပ်တဲ့ တပည့်တွေက စောစောစီးစီး ငှားရမ်းပြီးသွားပြီဖြစ်ပြီး အထဲမှာ လူသိပ်မရှိတော့ပေ။
တာဝန်ခံတစ်ဦးကို ချက်ချင်းတွေ့ပြီး ထန်ထျန်းက သူ့ရဲ့ ရည်ရွယ်ချက်ကို ပြောပြသည်။
ထန်ထျန်းရဲ့ အဝတ်အစားကို မြင်ပြီးနောက် တာဝန်ခံက ယဉ်ကျေးစွာ မေးသည်။ "တာအို မိတ်ဆွေ ဘယ်လို ကျင့်ကြံခန်းကို ငှားချင်ပါသလဲ"
ထန်ထျန်းက စဉ်းစားပြီး "ကျွန်တော် ပထမဆုံးအကြိမ် လာတာဆိုတော့ အရင်ဆုံး ကြည့်လိုက်ပါဦးမယ်" ဟု ပြောသည်။
ထို့နောက် တာဝန်ခံက ကျင့်ကြံခန်းအားလုံးရဲ့ အချက်အလက်တွေကို ထန်ထျန်းကို ပေးလိုက်သည်။
စဉီးပိုင်း ကျင့်ကြံခန်း: တစ်ရက်ကို စိတ်ဝိညာဉ်ကျောက် ၅၀၀။
အလယ်အလတ် ကျင့်ကြံခန်း: တစ်ရက်ကို စိတ်ဝိညာဉ်ကျောက် ၃၀၀၀။
အဆင့်မြင့် ကျင့်ကြံခန်း: တစ်ရက်ကို စိတ်ဝိညာဉ်ကျောက် ၂၀,၀၀၀။
အထွတ်အထိပ် ကျင့်ကြံခန်း: တစ်ရက်ကို စိတ်ဝိညာဉ်ကျောက် ၁၀၀,၀၀၀။
တာအိုအဆင့် ကျင့်ကြံခန်း: တစ်ရက်ကို စိတ်ဝိညာဉ်ကျောက် ၁,၀၀၀,၀၀၀။
ဒါ့အပြင် အထက်ပါ ကျင့်ကြံခန်းအားလုံးအတွက် ချီစုစည်းခြင်းအစီအရင် ၊ ချီသန့်စင်ခြင်းအစီအရင် စတဲ့ အဆင့်အမျိုးမျိုးရှိတဲ့ အထောက်အကူပြု အစီအရင် တွေကို တပ်ဆင်နိုင်သည်။ စျေးနှုန်းက တစ်နေ့ စိတ်ဝိညာဉ်ကျောက် ၁၀၀ ကနေ စိတ်ဝိညာဉ်ကျောက် ၁၀၀,၀၀၀ အထိ ကွာခြားသည်။
စာရင်းမှာ ဖော်ပြထားတဲ့ ဈေးနှုန်းတွေကို ကြည့်ရင်း ထန်ထျန်းရဲ့ နှုတ်ခမ်းထောင့်က တဖြည်းဖြည်း ကော့ညွတ်သွားသည်။
နောက်ဆုံးတော့ သူက တိုးတိုးလေး ပြောလိုက်သည်။ "ကျွန်တော့်ကို အမြင့်ဆုံး အစီအရင် နဲ့ လုပ် ပေးပါ။"
"တာအိုအဆင့် ကျင့်ကြံခန်း၊ ပြီးတော့ အမြင့်ဆုံးအဆင့် အထောက်အကူပြု အစီအရင် အကုန်လုံး စီစဉ်ပေးပါ "
သူ့စကားဆုံးတော့ လူအနည်းငယ်မှာ ခဏတာ တိတ်ဆိတ်သွားသည်။
ထို့နောက် မယုံကြည်နိုင်ဖွယ် အော်ဟစ်သံနှစ်သံ ထွက်ပေါ်လာသည်။
"အာ"
"ဘာလား"
ကုရှောင်းရွှယ် မျက်လုံးပြူးသွားပြီး တာဝန်ခံကတော့ ကြောင်တောင်တောင် ဖြစ်သွားသည်။
"အမြင့်ဆုံး အစီအရင် နဲ့ အကုန်လုံး စီစဉ် ပေးပါ"
ထန်ထျန်းက ထပ်မံ ပြောသည်။
"အဟမ်း..."
တာဝန်ခံက စိတ်ကို ပြန်ထိန်းပြီး "တာအို မိတ်ဆွေ၊ စော်ကားလိုစိတ် မရှိပါဘူး" ဟု ပြောသည်။
"မင်းက ဂုဏ်ထူးဆောင် တပည့်တစ်ဦး ဖြစ်ပေမယ့် မင်းရဲ့ ကျင့်ကြံမှုအဆင့်က ချီသန့်စင်ခြင်း အဆင့် (၄) ပဲ ရှိသေးတယ်"
"ချီသန့်စင်ခြင်း အဆင့်အတွက် အလယ်အလတ် ကျင့်ကြံခန်းကို ရွေးချယ်ဖို့ အကြံပေး ပါတယ်။ ပိုမြင့်တဲ့ အဆင့်တွေက မင်း စွမ်းဆောင်နိုင်တဲ့ ကန့်သတ်ချက်ကို ကျော်လွန်သွားပြီး ဘာအကျိုးသက်ရောက်မှုမှ ရှိမှာ မဟုတ်ဘူး"
ထန်ထျန်းက ရယ်မောရင်း "မင်းရဲ့ စေတနာကို ကျေးဇူးတင်ပါတယ်" ဟု ပြောသည်။
"ဒါပေမဲ့ မင်း ကျွန်တော့်ကို အကြံမပေးပါနဲ့ "
"ကျွန်တော် ဘယ်အရာမဆို အမြင့်ဆုံး အစီအရင် နဲ့ သုံးရတာ ပိုပြီး အကျင့်ဖြစ်နေလို့ပါဗျာ "
တာဝန်ခံက တအံ့တဩဖြစ်သွားပြီး ဘာပြောရမှန်း မသိတော့ပေ။
ဒီအချိန်မှာ ကုရှောင်းရွှယ်က ထန်ထျန်းကို အလျင်အမြန် ဆွဲကာ တိုးတိုးလေး ပြောသည်။ "သခင်လေးထန်၊ ရှင် သူ့စကား နားထောင်လိုက်ပါ"
"အလယ်အလတ် ကျင့်ကြံခန်းရဲ့ အစီအရင် ကို ကျော်လွန်သွားရင် တကယ်ပဲ အကျိုးသက်ရောက်မှု သိပ်မရှိဘူး"
"တာအိုအဆင့် ... အဲဒါက အတိဒုက္ခဖြတ်ကျော်ခြင်းအဆင့် ကျင့်ကြံသူတွေအတွက် သီးသန့် ပြင်ဆင်ထားတာ"
"ပိုက်ဆံတွေကို ဒီလိုလိုက် မဖြုန်း နဲ့လေ "
ကုရှောင်းရွှယ်က စိတ်ရင်းမှန်နဲ့ ဆက်လက် တိုက်တွန်းသည်။
သူမရဲ့ စိတ်ရင်းမှန်တဲ့ အကြည့်ကို ကြည့်ပြီး ထန်ထျန်းက ခေါင်းညိတ်ကာ "မင်း ပြောတာ မှန်တယ်" ဟု ပြောသည်။
ထို့နောက် သူက တာဝန်ခံဘက်သို့ လှည့်ကာ "ခုနက မင်းကို ပြောခဲ့တဲ့ အမြင့်ဆုံး အစီအရင် က..."
"နှစ်ခန်းကို ကျွန်တော်တို့ နှစ်ယောက် တစ်ယောက်တစ်ခန်းစီ ပြင်ပေးပါ ။"
"အမှား မပါပါ စေနဲ့"
ကုရှောင်းရွှယ်: ???
ငါ ပြောတာ မှန်တယ်ဟုတ်လား
ရှင် ဘာတွေ ပြောနေလဲဆိုတာ နားထောင်ကြည့်ဦး။
ရှင် နည်းနည်းလေးတောင် နားမထောင်တာပဲ
"သခင်လေးထန်၊ အဲ့လို မလုပ်ပါနဲ့"
ကုရှောင်းရွှယ်က စိုးရိမ်တကြီး ပြောသည်။
ထန်ထျန်းက စိတ်ထဲကနေ သက်ပြင်းချလိုက်သည်။ ဒီကလေးမလေးက အရာရာမှာ ကောင်းပေမယ့် အရမ်းဖြူစင်ပြီး အရမ်း ကြင်နာလွန်းသည်။
တချို့လူမျိုးဆိုရင် သူ မပြောခင်မှာပဲ ကိုယ့်အတွက် တစ်ခန်း ရဖို့အတွက် ရှေ့တိုးပြီး တောင်းဆိုနေလောက်ပြီပေါ့။
"ထပ်မပြော နဲ့တော့"
ထန်ထျန်းက တိုးတိုးလေး ပြောသည်။ "ဒီလိုလုပ်တာက တကယ်တော့..."
"မင်းကြောင့် တစ်ခုတည်း မဟုတ်ဘူး၊ ငါ့မှာ တခြားအကြောင်းပြချက်တွေ ရှိသေးတယ်။"
"ဒီနေ့ မနက်စာအတွက် ကျေးဇူးတင်လို့ ပေးတာလို့ မှတ်လိုက်ပေါ့ "
သူ ကုရှောင်းရွှယ်ကို အမှန်တရားကို ပြောပြလို့ မရပေ။ ဒီလိုပဲ ရှင်းပြလို့ ရတော့တာပေါ့လေ။
ကုရှောင်းရွှယ်က ကြောင်နေသည်။ သူမ စိတ်ထဲမှာ ဘာတွေ တွေးနေလဲဆိုတာ မသိရပေ။
ကောင်းတာတစ်ခုက သူမက နားထောင်တတ်ပြီး ဆက်ပြီး ငြင်းဆန်ခြင်း မရှိတော့ပေ။
ထန်ထျန်း အနည်းငယ် သက်ပြင်းချလိုက်သည်။ နောင်ဆိုရင် ဒီလိုကိစ္စမျိုးတွေကို ရှောင်ရှားဖို့ ကြိုးစားရမည်။ မဟုတ်ရင် ဒီကလေးမလေး စိတ်ထဲမှာ ဖိအားတွေ ဖြစ်လာမှာ စိုးရိမ်ရလေသည်။
ကုရှောင်းရွှယ်လို လူမျိုးက ကျေးဇူးတရားကို အရမ်းအလေးထားလေ့ရှိသည်။
ထန်ထျန်းက ကုရှောင်းရွှယ်အတွက် တမင်လုပ်ပေးခဲ့တာလို့ မျက်နှာပြောင်တိုက်ပြီး ဝန်ခံချင်စိတ် မရှိပေ။
"မင်း တာအိုအဆင့် ကျင့်ကြံခန်းမှာ ကျင့်ကြံချင်တာ တကယ် သေချာလား"
တာဝန်ခံက မေးသည်။
ထန်ထျန်းက ခေါင်းညိတ်ကာ "ဟုတ်ပါတယ်၊ စုစုပေါင်း နှစ်ခန်း အစီအရင် တွေ အကုန်လုံးက လည်း အမြင့်ဆုံးအဆင့်ပဲ ဖြစ်ရမယ် ။"
"စုစုပေါင်း ဘယ်လောက်ကျ လဲ"
တာဝန်ခံက တွက်ချက်ပြီးနောက် " မင်းရဲ့ လိုအပ်ချက်အတိုင်းဆိုရင် နေ့တိုင်း စိတ်ဝိညာဉ်ကျောက် လေးသန်းနဲ့ သိန်း၇၀ ကို ပုံမှန်ကုန်ကျစရိတ်အဖြစ် ပေးရပါမယ်" ဟု ပြောသည်။
ထန်ထျန်း အနည်းငယ် မျက်မှောင်ကြုတ်ကာ မေးသည်။ "တစ်ခါတည်း ရက်အများကြီး ငှားလို့ရလား"
ငါးသန်း နီးပါးက နည်းနေသေးသည်။
တာဝန်ခံက အသက်ပြင်းပြင်း ရှူသွင်းပြီး "ရပါတယ်၊ အကြာဆုံး တစ်နှစ်ပါ" ဟု ပြောသည်။
"ဒါပေမဲ့ ဒီတစ်နှစ်အတွင်းမှာ မင်း ကျင့်ကြံခန်းထဲ ဝင်သည်ဖြစ်စေ၊ မဝင်သည်ဖြစ်စေ အချိန်တွက်ချက်မှုထဲ ထည့်တွက်ပါ့မယ် "
ထန်ထျန်းက သူ့ရဲ့ ပိုက်ဆံအိတ်ကို ကြည့်လိုက်သည်။
သန်းသုံးရာကျော် ရှိနေပြီပင်။
တွက်ကြည့်တော့ နှစ်လစာအတွက် အံကိုက်ပင်။
"ဒါဆို အရင်ဆုံး နှစ်လလောက် စမ်းကြည့်ရအောင်"
ထန်ထျန်းက ပြောလေ သည်။