ထူးဆန်းသော လုပ်ရပ်
Vol. 2 Ch. 20
အချိန်က လျင်မြန်စွာ ကုန်လွန်သွားသည်။
မျက်တောင်တစ်ခတ်အတွင်း ညနေစောင်းသို့ ရောက်လာခဲ့သည်။
တာအိုဘုရားကျောင်း ၊ တာအိုအဆင့် ကျင့်ကြံခန်း။
ထန်ထျန်းက ထိုင်ခုံလေးပေါ်တွင် တည်ငြိမ်စွာ ထိုင်နေပြီး ပါရမီစက်ဝန်း ငါးလွှာက သူ့ခန္ဓာကိုယ်ပတ်လည်မှာ တိတ်ဆိတ်စွာ ပျံဝဲနေကာ မှိန်လိုက် တောက်ပလိုက် ဖြစ်နေသည်။
အသက်ရှူလိုက်တိုင်း သန့်စင်သော ဝိညာဉ်စွမ်းအင် အမြောက်အမြား ကိုယ်ထဲသို့ စီးဝင်လာပြီး ချီသန့်စင်ခြင်း အဆင့် (၄) မှ အသစ်ရောက်ရှိခဲ့သော ကျင့်ကြံမှုအဆင့်က ဆက်တိုက် တိုးတက်နေသည်။
ခဏအကြာတွင် ထန်ထျန်း မျက်လုံးဖွင့်လိုက်သည်။
"နည်းနည်းလေး လိုသေးတယ်"
တစ်နေ့တာ ကျင့်ကြံပြီးနောက် ဆေးလုံးအမျိုးမျိုးရဲ့ အကူအညီနဲ့ ထန်ထျန်းက ချီသန့်စင်ခြင်း အဆင့် (၄) ရဲ့ အကန့်အသတ် သို့ ရောက်ရှိလာခဲ့ပြီး မကြာခင် ချီသန့်စင်ခြင်း အဆင့် (၅) ကို အောင်မြင်စွာ ချိုးဖျက် နိုင် တော့မည်။
ဒီလို မြန်ဆန်တဲ့ တိုးတက်မှုနှုန်းက သာမန် ပါရမီစက်ဝန်း ငါးလွှာ ကျင့်ကြံသူတွေထက် အများကြီး သာလွန်နေပြီပင်။
သူ့မှာ အလွန်ကောင်းမွန်တဲ့ အရင်းအမြစ်တွေ ရှိနေတာကြောင့် ရှောင်လွှဲလို့ မရနိုင်ပေ။
တာအိုအဆင့် ကျင့်ကြံခန်း ရဲ့ အကျိုးသက်ရောက်မှုက သူ့ကို ချီသန့်စင်ခြင်း အဆင့်မှာ အကန့်အသတ် သို့ တိုက်ရိုက် ရောက်စေခဲ့သည်။
ဒါ့အပြင် ပုံသဏ္ဌာန်မရှိတဲ့ တာအိုအဆင့် လှိုင်းလုံးတွေက ထန်ထျန်းရဲ့ ကိုယ်ခန္ဓာပတ်လည်မှာ လွှမ်းခြုံနေသည်။
ဒါတွေက အတိဒုက္ခကျော်ဖြတ်ခြင်းအဆင့် ကျင့်ကြံသူတွေအတွက် သီးသန့်ပေးထားတဲ့ အစီအရင် တွေပင်။ ထန်ထျန်းက အခုချိန်မှာ အသုံးမပြုနိုင်သေးပေမယ့် သူ့အပေါ်မှာတော့ အကျိုးသက်ရောက်မှု ရှိနေတုန်းပင်။
ခရမ်းရောင်ဝါးခြံဝင်း အိမ်ထက်တော့ အများကြီး ပိုကောင်းပေ သည်။
"ထားလိုက်ပါတော့၊ မနက်ဖြန်မှပဲ ဆက်ကျင့်ကြံ တော့မယ်"
အချိန်ကို ကြည့်ပြီးနောက် ထန်ထျန်းက ဒီနေ့ ကျင့်ကြံခြင်းကို အဆုံးသတ်ဖို့ ဆုံးဖြတ်လိုက်သည်။
ကျင့်ကြံခန်းကနေ ထွက်လာပြီး ထန်ထျန်းက ကုရှောင်းရွှယ်ရဲ့ ဆက်သွယ်ရေး ကျောက်စိမ်းပြားကို ဖွင့်လိုက်သည်။
မကြာခင်မှာပဲ ကုရှောင်းရွှယ်၏ ပုံရိပ်က နောက်ထပ် ကျင့်ကြံခန်းတစ်ခန်းကနေ ထွက်လာသည်။
"ရှင် နောက်ထပ် နည်းနည်းလေး ကျင့်ကြံဖို့ စိတ်ကူးမရှိဘူးလား"
"ဒါ တာအိုအဆင့် ကျင့်ကြံခန်း လေ"
ကုရှောင်းရွှယ်က မေးသည်။
သူမ ပြန်ပြီး အရင်ပုံစံမျိုး ပြန်ရောက်သွားတာကို မြင်တော့ ထန်ထျန်းက ဒေါသထွက်စွာဖြင့် "ညဉ့်နက်တဲ့အထိ မအိပ် ရင် ကျောက်ကပ်ကို ထိခိုက်စေ တယ်"
"အိမ်ပြန်မယ်"
ပြောပြီးသည်နှင့် သူက ဒီနေရာမှ အရင် ထွက်သွားပြီး ကုရှောင်းရွှယ်ကတော့ နောက်ကနေ လိုက်ပါသွားသည်။
ခဏလောက် တိတ်ဆိတ်နေပြီးနောက် ထန်ထျန်းက မေးစရာမရှိဘဲ မနေနိုင်ဘဲ မေးလိုက်သည်။ "ဘယ်လို ခံစားရလဲ"
ကုရှောင်းရွှယ်က "အင်း" ဟု ဆိုပြီး "အရမ်းကောင်းတယ်" ဟု ပြောသည်။
"အရင်က ကျွန်မက အဆင့်မြင့် ကျင့်ကြံခန်းတွေက သာမန် ကျင့်ကြံခန်းတွေထက် ဝိညာဉ်စွမ်းအင် ပိုများရုံပဲလို့ ထင်ခဲ့တာ"
" အထဲမှာ တာအို နိယာမနဲ့ ဥပဒေ တွေ အများကြီးပါဝင်တယ်။ နိယာမ တွေရဲ့ လမ်းညွှန်မှုနဲ့ ကျွန်မရဲ့ ချို့ယွင်းချက်တွေ အများကြီးကို ရှာတွေ့လိုက်တယ်"
"ဒါတွေအပြင် တာအိုအဆင့် ကျင့်ကြံခန်း က ကောင်းကင်၊ မြေကြီး၊ နေ၊ လ၊ ကြယ်တွေနဲ့ တိုက်ရိုက် ချိတ်ဆက်နိုင်ပြီးတော့ ကမ္ဘာလောကရဲ့ အလယ်ဗဟိုမှာ ရှိနေသလိုမျိုး ခံစားရတယ်"
"တကယ့်ကို အံ့ဩစရာကောင်းတယ်"
ကုရှောင်းရွှယ်က ချီးကျူးမဆုံး ဖြစ်နေသည်။
ထန်ထျန်းကတော့ ပါးစပ်အဟောင်းသား ဖြစ်နေသည်။
ဟုတ်လား
မင်းနဲ့ ငါ အဆင့်တစ်ခု တည်း ကျင့်ကြံခန်းထဲ ဝင်ခဲ့တာ သေချာရဲ့လား
သူ ချက်ချင်း စိတ်ဓာတ်ကျသွားသည်။ ဒီကောင်မလေးက အမှတ်မထင်ပဲ သူ့ကို ပြင်းပြင်းထန်ထန် ထိုးနှက်တတ်လေသည် ။
တာအိုဘုရားကျောင်း အပြင်ဘက် သို့ ရောက်သောအခါ ထန်ထျန်းက ဝမ်တာအို ခန်းမထဲသို့ တစ်ဖန် ပြန်ဝင်သွားသည်။
အရင်က တာဝန်ခံက ရှိနေဆဲပင်။ ထန်ထျန်း ပြန်လာတာကို မြင်တော့ သူ့မျက်နှာမှာ အပြုံးတစ်ခု ပေါ်လာသည်။
"တာအို မိတ်ဆွေ ကျင့်ကြံတာ ပြီးသွားပြီလား"
"ဘယ်လို ခံစားရလဲ"
သူက ယဉ်ကျေးစွာ မေးသည်။
ထန်ထျန်းက သူ့ကိုကြည့်ပြီး ကုရှောင်းရွှယ်ရဲ့ လေသံနဲ့ ပြောလိုက်သည်။ "အရမ်းကောင်းတယ်"
"ဒါကြောင့် နှစ်လက အရမ်းတိုတယ်လို့ ခံစားရတယ်။ နောက်ထပ် လေးလ ထပ်တိုးပေးပါ"
တာဝန်ခံ: ...
တကယ်တော့ သူ ပိုပြီး မြင်ချင်တာက ထန်ထျန်းက သူ့ရဲ့ ရွေးချယ်မှုကို နောင်တရပြီး ရင်ဘတ်စည်တီး နာကြည်းနေတဲ့ ပုံစံမျိုးပင်။
ကံမကောင်းစွာနဲ့ပဲ သူ စိတ်ပျက်ခဲ့ရသည်။
"မင်း ဆန္ဒအတိုင်းပါပဲ"
မကြာခင်မှာပဲ အရောင်းအဝယ် ပြီးစီးသွားသည်။
ထန်ထျန်းက သူ့ရဲ့ ပိုက်ဆံအိတ်ကို ကြည့်ပြီး ထပ်ပြောသည်။ "မဖြစ်ဘူး၊ ဒီခံစားချက်က အရမ်းကောင်းတယ်"
"လေးလက မလုံလောက်ဘူး၊ နောက်ထပ် ခြောက်လ ထပ်လုပ်ပေးပါ။ စုစုပေါင်း တစ်နှစ် ပြည့်အောင်လို့"
တာဝန်ခံက နောက်တစ်ကြိမ် စကားမပြောနိုင်ဖြစ်သွားသည်။
ဂိုဏ်းတူညီလေး ၊ မင်း ဒါ ဘာလုပ်နေတာလဲ။ နံပါတ် ကို ပြည့်အောင် လုပ်နေတာလား
တံခါးပိတ် ကျင့်ကြံဖို့ ပြင်နေတဲ့ အတိဒုက္ခဖြတ်ကျော်ခြင်းအဆင့် ကျင့်ကြံသူတွေတောင် ဒီလို မလုပ်ကြပေ။
သူတို့က အများဆုံး ခြောက်လလောက် ငှားပြီး မအောင်မြင်မှသာ နောက်ထပ် ခြောက်လ ထပ်တိုးလေ့ရှိသည် ။
ထန်ထျန်းက နောက်ပြောင်နေပုံ မရတာကို မြင်တော့ တာဝန်ခံ ခေါင်းညိတ်လိုက်ရသည်။
ကောင်းပြီ၊ မင်းက ပိုက်ဆံရှိတာကိုး
သက်တမ်းတိုးခြင်း အောင်မြင်စွာ ပြီးစီးပြီးနောက် ထန်ထျန်း၏ ပိုက်ဆံအိတ်က နောက်တစ်ကြိမ် လျင်မြန်စွာ တိုးတက်လာပြီး ဘီလီယံ နှစ်ရာကျော်သို့ ရောက်ရှိသွားလေ သည်။
သုံးစွဲမှုအမှတ် လည်း အလားတူပင်၊ တစ်သိန်းခြောက်သောင်းကျော် ရရှိခဲ့သည်။
ပါရမီစက်ဝန်း ခြောက်လွှာ က မကြာခင် ရတော့မည်။
ထန်ထျန်း စိတ်ကြည်နူးသွားပြီး တာဝန်ခံကို ကျေးဇူးတင်ကြောင်း ပြောပြီးနောက် ကုရှောင်းရွှယ်နဲ့အတူ တာအိုဘုရားကျောင်း မှ ထွက်လာခဲ့သည်။
ဒါပေမဲ့ ထွက်လာပြီးနောက် သူ ခရမ်းရောင်ဝါးခြံဝင်း အိမ်ကို အလျင်အမြန် ပြန်မသွားဘဲ တောင်အောက်သို့ ဆင်းပြီး အပြင်စည်းတပည့်တွေနဲ့ တာဝန်ခံတပည့်တွေရဲ့ နယ်နိမိတ်ချင်း ထိစပ်နေတဲ့ ဧရိယာကို ရောက်ရှိလာသည်။
တပည့်ခန်းမ။
ဒီနေရာက အပြင်စည်းတပည့်အဖြစ် အဆင့်တက် ဖို့ နေရာပင်။
အပြင်စည်းတပည့်အဖြစ် အဆင့်တက်ရန် စည်းကမ်းက အလွန်ရိုးရှင်းသည်။ ချီသန့်စင်ခြင်း အဆင့် (၄) သို့ ရောက်ရှိပြီး စိတ်ပိုင်းဆိုင်ရာ ပြဿနာ မရှိရင် အောင်မြင်စွာ အဆင့်တက်နိုင်သည်။
ထန်ထျန်းက သတ်မှတ်ချက် ပြည့်မီနေပြီပင်။
သို့သော်လည်း သူ ပေါ်လာတော့ လူတိုင်းရဲ့ အာရုံစိုက်မှုကို ခံခဲ့ရသည်။
နောက်ဆုံးတော့ အဆင့်မြင့် ဂုဏ်ထူးဆောင် တပည့် တစ်ဦးက အပြင်စည်းတပည့်အဆင့်ကို တက်ဖို့ လာတာက တကယ့်ကို ထူးဆန်းတဲ့ ကိစ္စပင်။
အကြောင်းပြချက်က ရိုးရှင်းပါသည်။
ဒီလောက် ပိုက်ဆံအများကြီးရှိရင် အရင်းအမြစ်တွေနဲ့တောင် အုတ်မြစ်ချ ခြင်းအဆင့်ကို ကျော်လွန်ပြီး တက်နိုင်ပေသည် ။
ဘယ်သူဌေးသားက ၁၈ နှစ်အရွယ်မှာ သူငယ်တန်းမှာ ရှိနေသေးတာလဲ
သို့သော်လည်း သူတို့ မထင်မှတ်ထားသည်က ဒီလိုလူမျိုး ရှိနေရုံသာမက စစ်ဆေးပြီးနောက် ထန်ထျန်း၏ ကျင့်ကြံမှုအဆင့်က သနားစရာကောင်းတဲ့ ချီသန့်စင်ခြင်း အဆင့် (၄) သာ ရှိနေခြင်းဖြစ်သည်။
"အော် ---"
"သူ သာမန်သေမျိုး ပဲလား?"
"ဘယ်သူသိမှာလဲ၊ အသက်ကလည်း သိပ်မငယ်တော့ဘူး။ ချီသန့်စင်ခြင်း အဆင့် (၄) ပဲ ရှိသေးတာ"
"ဒီလိုလူမျိုးအတွက် သူ့မိသားစုက ဒီလောက် အရင်းအမြစ်တွေ ဆက်ရင်းနှီးမြှုပ်နှံရဲသေးတာလား"
"အဆင့်မြင့် ဂုဏ်ထူးဆောင် တပည့် အတွက် စိတ်ဝိညာဉ်ကျောက် ၅ သန်း၊ ဒီကမ္ဘာကြီးက တကယ်ကို ကြောက်စရာကောင်းလောက်အောင် မတရားဘူးကွာ"
နောက်ဆုံးတော့ ဒါက ကျင့်ကြံသူတွေရဲ့ လောက ဖြစ်ပြီး လူတွေက ခွန်အားကို အလေးထားဆုံးပင်။
ထန်ထျန်းက ငွေကြေးအင်အား ကြီးမားပုံရပေမယ့် သူ့ကို လှောင်ပြောင်တဲ့ အကြည့်တွေ အများကြီး ရခဲ့သည် ။
ထန်ထျန်းက ဂရုမစိုက်ပေ။
တကယ်တော့ ဒီလိုအခြေအနေမျိုး ဖြစ်တာကို သူ ကျေနပ်နေသေးသည်။
ဘာလို့လဲဆိုတော့ ဒီလိုဖြစ်မှပဲ လူတွေက သူ့ရဲ့ တကယ့်ခွန်အားကို မှားယွင်းစွာ ဆုံးဖြတ်နိုင်ပြီး တစ်စိတ်တစ်ပိုင်းအနေနဲ့ သူ့ကိုယ်သူ လုံခြုံတဲ့ ပတ်ဝန်းကျင်တစ်ခုမှာ ထားနိုင်မှာ ဖြစ်လေ သည်။
ဟုတ်ပေသည် သူက သေရမှာကို ကြောက်၏
ဒါကို ဝန်ခံဖို့ မခက်ခဲပေ။
ကျင့်ကြံခြင်းလောက မှာ အန္တရာယ်တွေ နေရာတိုင်းမှာ ရှိနေသည်။ အနည်းငယ် ပေါ့ဆမိရင်တောင် အသက်ဆုံးရှုံးနိုင်ပေသည်။
အသက်က အဖိုးအတန်ဆုံးအရာပင်။ ထန်ထျန်းက သူ့ရဲ့ ပေါ့ဆမှုကြောင့် လွယ်လွယ်နဲ့ အသက်ကို စွန့်လွှတ်ချင်စိတ် မရှိပေ။
သူ လုံလောက်အောင် မပျော်ရွှင်ရ သေးဘူးလေ။
ဖြစ်နိုင်ရင် ကမ္ဘာပေါ်မှာ ပြိုင်ဘက်ကင်းမဖြစ်မချင်း သူ ပုန်းအောင်းနေချင်သေးသည်။
ကျင့်ကြံမှု စစ်ဆေးခြင်းကို အောင်မြင်ပြီးနောက် ထန်ထျန်းက အပြင်စည်းတပည့်တစ်ဦး ဖြစ်လာခဲ့သည်။
ထို့နောက် ကုရှောင်းရွှယ်နဲ့အတူ ခရမ်းရောင်ဝါးတောသို့ ပြန်လာခဲ့သည်။
နက်ရှိုင်းတဲ့ လမ်းငယ်လေးအတိုင်း လျှောက်လာပြီး အစီအရင် ရှေ့သို့ ရောက်လာသည်။
ရုတ်တရက် အစီအရင် ရဲ့ အပြင်ဘက်မှာ ရှိနေတဲ့ ပုံရိပ်တစ်ခုက ထန်ထျန်းရဲ့ အာရုံကို ဖမ်းစားလိုက်သည်။
အဲဒါက ပိုးသားပါးပါး အဝတ်အစား ဝတ်ထားတဲ့ အမျိုးသမီးတစ်ဦးဖြစ်ပြီး အစီအရင် ရဲ့ အစွန်းဘက်မှာ မလှုပ်မယှက်ဘဲ ဘေးတိုက်လဲလျောင်းနေသည်။ ကိုယ်ပေါ်က အဝတ်အစားတွေက နည်းနည်း ရှုပ်ပွနေပြီး မကောင်းတဲ့ အရာတစ်ခုခု ကြုံခဲ့ရပုံရသည်။
"သွားကြည့်လိုက်ပါ"
ထန်ထျန်းက ကုရှောင်းရွှယ်ကို ရှေ့ကိုသွားပြီး စစ်ဆေးခိုင်းသည်။
ကုရှောင်းရွှယ် လျှောက်သွားသည်။ ဒါပေမဲ့ မကြာခင်မှာပဲ သူမရဲ့ မျက်နှာက ထူးဆန်းသွားပြီး ထန်ထျန်းကို အန္တရာယ်မရှိကြောင်း အချက်ပြကာ သူ့ကို လာခိုင်းသည်။
ထန်ထျန်း လျှောက်သွားကာ အဲဒီအမျိုးသမီးရဲ့ မျက်နှာကို ရှင်းရှင်းလင်းလင်း မြင်လိုက်ရတဲ့အခါ သူ အံ့အားသင့်စွာဖြင့် အော်လိုက်သည်။
"အာ..."
"သူမ ဖြစ်နေတာလား"
အဲဒီအမျိုးသမီးက ဖန်းဖေး ပင် ဖြစ်သည်။
ကုရှောင်းရွှယ်က အံ့ဩစွာဖြင့် "ရှင် သိလို့လား" ဟု မေးသည်။
ထန်ထျန်းက ခေါင်းညိတ်ကာ "လွန်ခဲ့တဲ့ ရက်အနည်းငယ်က တစ်ခါဆုံဖူးတယ်။သူ့အပေါ် အမြင်ကောင်းမရှိ ဘူး"
"သူမ ဘာဖြစ်တာလဲ"
"ဒဏ်ရာရပြီး မေ့မျောနေပုံရတယ်"
ကုရှောင်းရွှယ်က နှုတ်ခမ်းကို တင်းတင်းစေ့လိုက်သည်။ "အင်း..."
"အပေါ်ယံကတော့ ဒီလိုပဲ ထင်ရတယ်"
"ဒါပေမဲ့ တကယ်တော့ သူမက သွေးကြောဖုံးကွယ်ဆေးလုံး လို့ ခေါ်တဲ့ ဆေးလုံးတစ်မျိုးကို သောက်ထားပတယ့်ပုံပဲ"
"ဒီဆေးလုံးက အရမ်းကို ရှားပါးတယ်။ ကျွန်မလည်း မတော်တဆ သိခဲ့ရတာ"
"သွေးကြောဖုံးကွယ်ဆေးလုံး ကို စားပြီးရင် သွေးကြောတွေ ထိခိုက်ပြီး ခန္ဓာကိုယ် အားနည်းတဲ့ လက္ခဏာ အတုကို ပြသတယ်။ ဖြေဆေး သောက်လိုက်ရင် ချက်ချင်း ပြန်ကောင်းနိုင်တယ်"
ထန်ထျန်း ခဏလောက် ကြောင်သွားသည်။ ဒီလိုဆေးလုံးမျိုးလည်း ရှိသေးတာလား
ဖန်းဖေး ဒါကို ဘာကြောင့် စားတာလဲ
ထန်ထျန်းက ခေါင်းငုံ့ပြီး ဖန်းဖေးရဲ့ ရှုပ်ပွနေတဲ့ မပေါ့်တပေါ် အဝတ်အစားတွေနဲ့ အသားဖြူဖြူတွေကို မြင်တော့ စကားမပြောနိုင်ဖြစ်သွားသည်။
ဒီကောင်မလေး...
သူမ ဘာထူးဆန်းတဲ့ အရာတွေ လုပ်နေတာလဲ