တားမြစ်ထားသော ရတနာ။ မိစ္ဆာနတ်ဆိုးအမြုတေ။ (၂)

ဒါတင်မကပါ။ လက်နက်များနှင့် သံချပ်ကာများကို ဖန်တီးသည့်အခါ နတ်ဆိုးအမြုတေကို ပေါင်းစပ်ခြင်းဖြင့် သဘာဝလွန်နယ်ပယ် နတ်ဘုရားလက်နက်များကို ထုလုပ်နိုင်သည်။

ကိုယ့်ရဲ့ကျင့်ကြံမှုကို မြှင့်တင်တာ ဒါမှမဟုတ် မျိုးရိုးမြင့်မိသားစုတပည့်ရဲ့ သွေးမျိုးဆက်ကို အားကောင်းစေတာတောင်မှ သူ့ရဲ့ အသုံးပြုပုံတွေထဲက တစ်ခုဖြစ်သည်။

ဖုန်းမော့ကိုသတ်ပြီး နတ်ဆိုးအမြုတေကို ယူသွားတဲ့သူကိုရှာဖို့ မုကျင် စိတ်ပိုင်းဖြတ်ထားတာကြောင့် နေရာတိုင်းမှာ ပြဿနာလိုက်ရှာနေတာ အံ့သြစရာ မရှိတော့ပါ။ မျိုးရိုးမြင့်မိသားစုရဲ့တပည့်တစ်ယောက်အနေနဲ့ သူ့ရဲ့ ထူးခြားတဲ့ သွေးမျိုးဆက်ကို အားကောင်းစေပြီး အသွင်ပြောင်းနိုင်ဖို့ နတ်ဆိုးအမြုတေကို အသုံးလို့ပြုရသည်။

စူးချန်းခုန်းတောင်မှ နွားခေါင်းမျက်နှာဖုံးနဲ့လူဟာ နတ်ဆိုးမိစ္ဆာတွေအကြောင်း အချက်အလက်တွေ အများကြီး မျှဝေဖို့ ဆန္ဒရှိနေတာကို အံ့သြနေမိပြီး နတ်ဆိုးအမြုတေရဲ့ အစွမ်းတွေကိုတောင် တိုက်ရိုက် ပြောပြခဲ့သည်။ ဒါက အရေးအကြီးဆုံး အပိုင်းကို မပြောရသေးဘူးဆိုတာ ညွှန်ပြနေပါသည်။

စူးချန်းခုန်းနဲ့ ဒီလို သတင်းအချက်အလက်တွေကို မျှဝေပြီးတဲ့နောက်မှာတောင် နွားခေါင်းမျက်နှာဖုံးနဲ့လူဟာ အလဲအလှယ်အတွက် ပိုအရေးကြီးတဲ့ အချက်အလက်တွေကို ချန်ထားခဲ့သည်။

အမှန်တကယ်ပင် နွားခေါင်းမျက်နှာဖုံးနဲ့လူက မရွင်မပျဖြင့် ဆိုလေ၏။ “နတ်ဆိုးအမြုက အများကြီးအသုံးဝင်ပြီး ရတနာအစစ်အမှန်လို့ သတ်မှတ်နိုင်ပေမယ့် မဟာမီးတောက်အင်ပါယာက ဘာလို့ ဒီအကြောင်းနဲ့ ပတ်သက်တဲ့သတင်းတွေကို ဖုံးကွယ်ထားရတာလဲ။ ဘာလို့လဲဆိုဝောာ့ အရမ်းကို အန္တရာယ်များလို့ပေါ့ဗျာ။”

“အရမ်းအန္တရာယ်များတယ်?” စူးချန်းခုန်းက ဒီအကြောင်းထက်ပိုပြီး တစ်ခုခုရှိမယ်ဆိုတာ သိပါသည်။

“နတ်ဆိုးအမြုတေရဲ့ အမြင့်ဆုံးစွမ်းအားကို အသုံးပြုနိုင်ဖို့ အရိုးရှင်းဆုံးနဲ့ တိုက်ရိုက်အကျဆုံးနည်းလမ်းကတော့ နှလုံးသားထဲကို တိုက်ရိုက် ထည့်သွင်းဖို့ပဲ။ ဒါက သာမန်သိုင်းပညာရှင်တစ်ယောက်ကို မိစ္ဆာနတ်ဆိုးရဲ့စွမ်းရည်တွေကို အချိန်တိုအတွင်းမှာ မသေနိုင်တဲ့ခန္ဓာကိုယ်နဲ့... ထူးခြားတဲ့နတ်ဆိုးအတတ်တွေကိုတောင် ကျွမ်းကျင်စေနိုင်တယ်။”

နွားခေါင်းမျက်နှာဖုံးနဲ့လူရဲ့ စကားတွေက စူးချန်းခုန်းကို အံ့အားသင့်စေခဲ့သည်။

လူသားစစ်သည်တော်တစ်ယောက်ရဲ့နှလုံးသားထဲကို ထည့်သွင်းလိုက်တဲ့ နတ်ဆိုးအမြုတေက မိစ္ဆာနတ်ဆိုးရဲ့စွမ်းရည်တွေကို ပေးစွမ်းနိုင်ပါသည်။

"ဒါပေါ့ ဒါကလည်း အန္တရာယ်အများဆုံးနည်းလမ်းပါပဲ။ နတ်ဆိုးအမြုတေရဲ့ စွမ်းအားကို မခံနိုင်ရင် အဲ့ဒီလူက ချက်ချင်းသေဆုံးသွားမှာဖြစ်ပြီး ခံနိုင်ရည်ရှိရင်တောင် မိစ္ဆာနတ်ဆိုးတွေရဲ့ စွမ်းအား လွှမ်းမိုးခံရပြီး စိတ်နေစိတ်ထား သိသိသာသာပြောင်းလဲသွားတာ ဒါမှမဟုတ် ခန္ဓာကိုယ်ကနေ နတ်ဆိုးအဖြစ် ပြောင်းလဲသွားတာတောင် ဖြစ်နိုင်တယ်။ မိစ္ဆာနတ်ဆိုးအသစ်တစ်ကောင် မွေးဖွားလာတယ်လို့ ပြောရင်လည်း လွန်ရာမကျဘူး။ အဲဒါကြောင့်လည်း တရားဝင်မှတ်တမ်းတွေက မိစ္ဆာနတ်ဆိုးတွေနဲ့ ပတ်သက်တဲ့ အချက်အလက်တွေကို ဖုံးကွယ်ထားရတာ။"

နွားခေါင်းမျက်နှာဖုံးနဲ့လူက အများကြီးသိပြီး နတ်ဆိုးအမြုတေရဲ့ ကြောက်စရာကောင်းတဲ့အချက်တွေကို စူးချန်းခုန်းကို ပြောပြခဲ့သည်။

နတ်ဆိုးအမြုတေတစ်ခုတည်းနဲ့ မိစ္ဆာနတ်ဆိုးအသစ်ကို လုံးဝ ဖန်တီးနိုင်ပါသည်။ ဒါက သိုင်းပညာရှင်တစ်ယောက်ကို မိစ္ဆာနတ်ဆိုးအဖြစ် ပြောင်းလဲသွားစေနိုင်သည်။

အလွန်တရာ အားကောင်းနေပြီးသား သိုင်းပညာရှင်တစ်ယောက်က မိစ္ဆာနတ်ဆိုးရဲ့ စွမ်းအားတွေကို ရရှိခဲ့ရင် ဘယ်လောက်တောင်ကြောက်စရာကောင်းလိုက်မလဲ။ သူတို့က တကယ့်မိစ္ဆာနတ်ဆိုးထက်တောင် ပိုအားကောင်းနိုင်ပါသည်။

နတ်ဆိုးအမြုတေကို နှလုံးသားထဲ ထည့်သွင်းပြီး ကိုယ့်ကိုယ်ကို ပေါင်းစည်းပြီးရင် စိတ်ပိုင်းဆိုင်ရာလွှမ်းမိုးမှုနဲ့ ခန္ဓာကိုယ်က နတ်ဆိုးဖြစ်လာပြီး လူသားမဟုတ်တော့တဲ့အရာတစ်ခုဖြစ်လာသည်။ ဒါက လူအများစုကို ဒီလိုဆက်လုပ်ဖို့ မလိုလားစေတော့တာဖြစ်သည်။

“ဒီလောကမှာ… နတ်ဆိုးအမြုတေကို ပေါင်းစပ်ဖို့ ရွေးချယ်တဲ့လူတွေ အများကြီးရှိရမယ်။”

စူးချန်းခုန်းက နတ်ဆိုးအမြုတေ

နဲ့ ပေါင်းစပ်တာက ပေးဆပ်စရာများတယ်လို့ တွေးခဲ့ပေမယ့် အကျိုးကျေးဇူးတွေကလည်း များပြားလှသည်။

စဉ်းစားကြည့်ရင် အသက်အရွယ်ကြီးရင့်လာတဲ့ သိုင်းပညာရှင်တစ်ယောက်ဟာ သူတို့ရဲ့ဘဝရဲ့အဆုံးသတ်ကို နီးကပ်လာပေမယ့် နတ်ဆိုးအမြုတေနဲ့ ပေါင်းစည်းခြင်းအားဖြင့် သူတို့ဟာ ချက်ချင်းပြန်လည်မွေးဖွားနိုင်သည်။ သူတို့က ဇီဝဗေဒလုံးဝပြောင်းလဲမှုကို ကြုံတွေ့ရနိုင်ပြီး သက်တမ်းပိုရှည်လာကာ ပိုမိုအားကောင်းတဲ့ စွမ်းအားတွေကို ရရှိနိုင်ပါသည်။ လူဘယ်နှစ်ယောက်ကများ ဒါကို ငြင်းနိုင်မှာလဲ။

နတ်ဆိုးအများစုဟာ… မူလက လူသားမျိုးနွယ်တွေ ဖြစ်ကောင်းဖြစ်နိုင်ပါသည်။

ဒါကလည်း မဟာမီးတောက်အင်ပါယာက မိစ္ဆာနတ်ဆိုးတွေနဲ့ ပတ်သက်တဲ့ အချက်အလက်တွေကို ပိတ်ပင်ထားတဲ့ အဓိက အကြောင်းရင်းတွေထဲက တစ်ခုဖြစ်သည်။

လူအများစုဟာ သူတို့ရဲ့ ဘဝမှာ မိစ္ဆာနတ်ဆိုးတစ်ကောင်နဲ့ ဘယ်တော့မှ မတွေ့ဖူးကြပါ။ အမြုတေကို ရဖို့အတွက် တစ်ကောင်ကို သတ်နိုင်ဖို့ဆိုတာ ပြောစရာမလိုတော့ပြီ။ ဒါက သာမန်လူတစ်ယောက် လုပ်နိုင်တဲ့ အရာမျိုး မဟုတ်ပါ။ အားအနည်းဆုံး မိစ္ဆာနတ်ဆိုးအသေးစားတောင် ဒေသတစ်ခုလုံးကို စိန်ခေါ်နိုင်လို့ဖြစ်သည်။

“အံ့သြစရာမရှိတော့ပါဘူး… နတ်ဆိုးအမြုတေကို ငါ ထိလိုက်တိုင်း ငါ့နှလုံးက အလိုလို တုန်လာတာကိုး။” နတ်ဆိုးအမြုတေကို ထိလိုက်တဲ့အခါ ဘာကြောင့် ထူးဆန်းတဲ့ ခံစားချက်တွေ ခံစားရတယ်ဆိုတာ စူးချန်းခုန်း နောက်ဆုံးတော့ နားလည်သွားပါပြီ။ ဘာလို့လဲဆိုတော့ ဒါက အသုံးပြုဖို့ အထိရောက်ဆုံး နည်းလမ်းဖြစ်လို့ပါပဲ။

ထုံးစံအတိုင်း စူးချန်းခုန်းက ဒီနည်းလမ်းကို ရွေးချယ်မှာ မဟုတ်ပါ။ ပထမအချက်ကတော့ စွန့်စားတာ ကျရှုံးနိုင်ခြေရှိလို့ပါပဲ။ အဲဒါက သေခြင်းတရားဖြစ်သည်။

ဒုတိယအချက်ကတော့ အောင်မြင်ရင်တောင် ပေးဆပ်ရမှာ အရမ်းများသည်။ လူတစ်ယောက်ရဲ့ စိတ်နေစိတ်ထား ထိခိုက်ပြီး ခန္ဓာကိုယ်တောင် နတ်ဆိုးလို ဖြစ်လာလိမ့်မည်။ ဒီလို ပြောင်းလဲသွားတဲ့သူကို ဘယ်လိုလုပ်ပြီး ကိုယ့်ကိုယ်ကိုယ် ယူဆနိုင်ပါ့တော့မှာလဲ။

စူးချန်းခုန်း လိုချင်တာက မသေနိုင်တဲ့ဘဝပါ။ လူသားလည်း မဟုတ် တစ္ဆေလည်း မဟုတ်ဘဲ မျိုးစိတ်ပြောင်းလဲသွားတဲ့ အဆုံးမဲ့ဘဝမျိုး မဟုတ်ပါ။

ထို့ကြောင့် နတ်ဆိုးအမြုတေနှင့် ပေါင်းစပ်ခြင်းသည် ၎င်း၏အသုံးဝင်မှုကို အမြင့်ဆုံးဖြစ်စေရန် အရိုးရှင်းဆုံးနည်းလမ်းဖြစ်သော်လည်း စူးချန်းခုန်းက အဲ့လို ဘယ်တော့မှ လုပ်မှာမဟုတ်။

“နတ်ဆိုးအမြုတေကို အခြားနည်းလမ်းတွေနဲ့ အသုံးပြုဖို့ လိုအပ်ချက်တွေရှိတယ်မဟုတ်လား။”

ထို့နောက် စူးချန်းခုန်းက မေးလိုက်သည်။

သာမန်လူများအတွက် နတ်ဆိုးအမြုတေကို တိုက်ရိုက်အသုံးပြုရန် ခက်ခဲသည်။ ၎င်းကို အခြားနည်းလမ်းနဲ့ အသုံးနိုင်ဖို့ အခြေအနေအချို့ လိုအပ်ပေလိမ့်မည်။

နွားခေါင်းမျက်နှာဖုံးနှင့်လူသည် ရိုးသားစွာ ခေါင်းညိတ်ပြသည်။ “မှန်တယ်… လူတစ်ယောက်ရဲ့ အသက်ကိုရှည်စေဖို့ သွေးမျိုးဆက်ကို အားကောင်းစေဖို့ ဒါမှမဟုတ် ကျင့်ကြံမှု တိုးမြှင့်ဖို့အတွက် တိုက်ရိုက် အသုံးမပြုနိုင်ဘူး။ များသောအားဖြင့် အခြားပစ္စည်းတွေနဲ့ ပေါင်းစပ်အသုံးပြုကြတယ်။ ဥပမာဆိုရင် ဆေးလုံးအဖြစ် ပြုလုပ်ဖို့ပေါ့။”

“မှန်နေတာပဲ…”

စူးချန်းခုန်းက ဒါကို ခန့်မှန်းပြီးသားဖြစ်ပြီး ထိုလူရဲ့ စကားတွေက သူ့ရဲ့ သံသယကို အတည်ပြုပေးခဲ့သည်။

နတ်ဆိုးအမြုတေကို တိုက်ရိုက် သန့်စင်ဖို့ ခက်ခဲပြီး အထိရောက်ဆုံး နည်းလမ်းတစ်ခုကတော့ ဆေးလုံးအဖြစ် ပြုလုပ်ဖို့ပါပဲ။

“ပြီးတော့ နတ်ဆိုးအမြုတေကိုသုံးတဲ့ ဆေးလုံးချက်နည်းက အရမ်းတန်ဖိုးရှိတယ်။ မျိုးရိုးမြင့်တဲ့ မိသားစု အနည်းငယ်သာ ပိုင်ဆိုင်ကြတယ်။ ကျွန်တော့်မှာ ဒီလိုဆေးချက်နည်းတစ်ခုရှိတယ်။ ဒီဆေးပြားချက်နည်းက နတ်ဆိုးအမြုတေကို အဓိကပါဝင်ပစ္စည်းအဖြစ် အသုံးပြုပြီး ကျင့်ကြံမှုကို မြှင့်တင်ပေးတဲ့ ဆေးပြားကို ထုတ်လုပ်ဖို့ပါ။”

နွားခေါင်းမျက်နှာဖုံးနဲ့လူက အများကြီးပြောပြခဲ့ပြီး နောက်ဆုံးမှာ ဒါကိုထုတ်ပြောလာခဲ့သည်။

အရင်က အချက်အလက်တွေကို စူးချန်းခုန်းကို အလကားပေးခဲ့တာဖြစ်သည်။ စူးချန်းခုန်းက ဒီအကြောင်းသိထားပြီး နတ်ဆိုးအမြုတေရဲ့လုပ်ဆောင်ချက်တွေကို နားလည်ပေမယ့် သူ့ရဲ့စွမ်းအားကို ထုတ်လွှတ်ဖို့ နည်းလမ်းမရှိဘဲ ဒီအတိုင်း သိထားတာက လက်တွေ့မှာ အသုံးမဝင်ပါ။

စူးချန်းခုန်းက အလဲအလှယ်လုပ်ဖို့ ငြင်းဆန်နေသေးရင် နွားခေါင်းမျက်နှာဖုံးနဲ့လူက အချက်အလက်တချို့ကို မျှဝေလိုက်ရမှာဖြစ်ပြီး တကယ့်ဆုံးရှုံးရှိမည်မဟုတ်ပါ။