မသန့်စင်သော တပည့်များ

"ဟားဟားဟားဟား..."

ထန်ထျန်းရဲ့ အဖြေက ဝမ်ကျိယွီကို ခန္ဓာကိုယ်ရမ်းခါ နေလောက် အောင် ရယ်မောစေသည်။

"ဂိုဏ်းအစ်ကိုထန်ကို တွေ့တာနဲ့ ရင်းနှီးသွားတယ်လို့ ခံစားရတာ အံ့ဩစရာ မရှိတော် ဘူး။ ငါတို့က တကယ်ပဲ စိတ်ဓာတ်တူတယ့်သူ တွေပဲ၊ ဟားဟား"

ဝမ်ကျိယွီက ပျော်ရွှင်စွာ ရယ်မောလိုက်သည်။

ထန်ထျန်းက ပြုံးနေပြီး ဘာမှ မပြောပေ။

သီးခြားလူ ဖြစ်ရတာလည်း ကောင်းသည်။ ဒီလိုဆိုရင် သူ့ကို လ ကြည့်ဖို့ ထူးထူးခြားခြား လာဖိတ်တဲ့လူ ရှိတော့မှာ မဟုတ်ပေ။

ဘာလို့လဲဆိုတော့ သီးခြားလူ ဆိုတဲ့ စကားလုံးက များသောအားဖြင့် အသိုင်းအဝိုင်း နဲ့ မလိုက်ဖက်သူ၊ ဒါမှမဟုတ် အလိုမကျတဲ့သူ ကို ကိုယ်စားပြုလေ့ရှိသည်။

စကား အများကြီး ပြော ပြီးနောက် သူတို့နှစ်ဦးရဲ့ ဆက်ဆံရေးက ပိုပြီး ခင်မင်ရင်းနှီးလာပုံရသည်။

ဝမ်ကျိယွီက ထန်ထျန်းကို ဂုဏ်ထူးဆောင်တပည့် တွေရဲ့ ပျော်ရွှင်စရာ အဖြစ်အပျက်များစွာကို ပြောပြခဲ့ပြီး ထန်ထျန်းကလည်း ဒီလူအုပ်စုအကြောင်းကို ပထမဆုံးအကြိမ် ရှင်းရှင်းလင်းလင်း နားလည်လာခဲ့သည်။

ပြောရမယ်ဆိုရင် ဂုဏ်ထူးဆောင်တပည့် တွေက အခြေခံအားဖြင့် ကျင့်ကြံခြင်းကို စိတ်ဝင်စားသူတွေ မဟုတ်ကြပေ။

သူတို့က ပိုပြီး တက်ကြွကြကာ နေရာ တိုင်းမှာ သူတို့ရဲ့ ပုံရိပ်ကို မြင်တွေ့နိုင်သည်။

ဂုဏ်ထူးဆောင်တပည့် တွေ ရှိနေတာကလည်း စီးပွားရေး တိုးတက်မှုကို အတိုင်းအတာတစ်ခုအထိ အထောက်အကူပြုပြီး ချင်းယွဲ့ဂိုဏ်းကလည်း စိတ်ဝိညာဉ်ကျောက် သာမကဘဲ အကျိုးကျေးဇူးများစွာကို ရရှိနိုင်လေသည်။

နွေဦးပန်းခြံ က ကျယ်ပြောကာ သူတို့နှစ်ယောက် လမ်းလျှောက်ရင်း စကားပြောကြသည်။

ဒီကြားထဲမှာ လူတချို့က သူတို့ကို ဖိတ်ခေါ်ဖို့ ဒါမှမဟုတ် သူတို့နဲ့ ပူးပေါင်းဖို့ ကြိုးစားခဲ့ကြသေးသည်။ ဒါပေမဲ့ ဒီ သီးခြားလူ နှစ်ယောက်ကို မြင်တဲ့အခါ သူတို့ အားလုံးက ရှောင်ရှားသွားကြသည်။

ဒါပေမဲ့ သူတို့ သက်သောင့်သက်သာ ရှိနေတုန်းမှာပဲ အေးစက်တဲ့ အသံတစ်ခု ဘေးနားကနေ ထွက်ပေါ်လာသည်။

"ထန်ထျန်းလား"

ထန်ထျန်း လှည့်ကြည့်လိုက်တော့ အဲဒါက သူ မသိတဲ့ လူငယ်တစ်ယောက် ဖြစ်ပြီး အဆင့်မြင့် ဂုဏ်ထူးဆောင်တပည့် လည်း ဖြစ်သည်။

ဒါပေမဲ့ သူ့နဲ့ မတူတာက ဒီလူငယ်ရဲ့ ဘေးမှာ အဓိက တပည့် ဒါမှမဟုတ် အတွင်းစည်းတပည့် ဆယ်ယောက်လောက် စု နေကြပြီး အားလုံးက ချောမောလှပတဲ့ အမျိုးသမီးငယ်တွေ ဖြစ်ကာ ပန်းတွေလို လှပနေကြသည်။

"မင်းက ဘယ်သူလဲ"

ထန်ထျန်း အနည်းငယ် မျက်မှောင်ကြုတ်လိုက်သည်။ ဒီလူငယ်ကို သူ မမြင်ဖူးတာ သေချာသည်။

"ရှန့်တုဖုန်း"

ဒီလူငယ်က ထန်ထျန်းကို ကြည့်ပြီး အခုထိ နားမလည်တဲ့ ပုံစံမျိုး ရှိနေတာကြောင့် အသံက ပိုပြီး အေးစက်လာသည်။ "ဟမ့် တကယ်ပဲ မင်းက ငါပေးတဲ့ ဖိတ်စာကို လုံးဝ ဂရုမစိုက်ခဲ့တာပဲ"

ထန်ထျန်းက ထပ်ပြီး မျက်မှောင်ကြုတ်လိုက်သည်။ ဒီနာမည်ကို သူ မှတ်မိနေတုန်းပင်။

ကုရှောင်းရွှယ် သတိပေးလိုက်မှ မိန်းမလှလေး တွေ က တာကို ကြည့်ဖို့ သူ့ကို ဖိတ်ခဲ့တဲ့သူက ရှန့်တုဖုန်းပဲ ဆိုတာ သူ ရုတ်တရက် သတိရလိုက်သည်။

"မင်းလား"

ထန်ထျန်းက မေးစေ့ကို ပွတ်သပ်လိုက်ပြီး ဒီလူငယ်က ပန်းတွေဝိုင်းရံနေတာကို ကြည့်ပြီး နေ့တိုင်း ချောမောတဲ့ အမျိုးသမီးတွေ က တာကို ကြည့်နေရမှာ သေချာသည်။

မင်း မငြီးငွေ့ဘူးလား

"တောင်းပန်ပါတယ်ကွာ ငါ့ မှာ အဲဒီလို ဝါသနာ မရှိဘူး"

ထန်ထျန်းက ပြောသည်။

ရှန့်တုဖုန်းက အေးစက်စွာ "ဟွန့်" ဟု ဟစ်ပြီး စကားမပြောပေ။

ဒါပေမဲ့ ရုတ်တရက် ကုရှောင်းရွှယ် ရှေ့ကို တိုးလိုက်ပြီး ထန်ထျန်းရဲ့ ရှေ့မှာ ရပ်လိုက်ကာ ရွှေအူတိုင်အဆင့်နှောင်းပိုင်း ရဲ့ အော်ရာ ကို တိတ်တဆိတ် ထုတ်လွှတ်ပြီး သူ့ကို ကာကွယ်လိုက်သည်။

"သခင်လေးထန်၊ သူ ဝိညာဉ်အသိ နဲ့ ရှင့်ရဲ့ ခန္ဓာကိုယ်ကို စစ်ဆေး ဖို့ ကြိုးစားနေတာ"

ကုရှောင်းရွှယ်က ပြောသည်။

ထန်ထျန်း ချက်ချင်း မျက်နှာပျက်သွားပြီး "ရှန့်တုဖုန်း၊ မင်း ဒါက ဘာ အဓိပ္ပာယ်လဲကွ" ဟု ပြောသည်။

ဝိညာဉ်အသိ နဲ့ တခြားသူတစ်ဦးကို လွယ်လွယ်ကူကူ စစ်ဆေး တာက အလွန် ရိုင်းစိုင်းပြီး မကောင်းတဲ့ ရည်ရွယ်ချက်ရှိတဲ့ လုပ်ရပ်ပင်။

အဆင့်မြင့်သူ တွေက အဆင့်နိမ့်သူ တွေအပေါ်မှာသာ ဒီလိုလုပ်လေ့ရှိသည်။

သူ့ကို အကြိမ်အနည်းငယ် စစ်ဆေး ခံရပြီးနောက် ထန်ထျန်းက ကုရှောင်းရွှယ်ကို နောက်ထပ် ဒီလိုလုပ်တဲ့သူ ရှိရင် တစ်ခါတည်း တားဆီးဖို့ မှာကြားထားခဲ့သည်။

ဒီ ရှန့်တုဖုန်းက ဒီလိုလုပ်လာလိမ့်မယ်လို့ မထင်ထားခဲ့ပေ။

ထန်ထျန်းရဲ့ မေးခွန်းကို ရှန့်တုဖုန်းက အေးစက်စွာဖြင့် "ဘာမှ မဟုတ်ပါဘူး" ဟု ပြောသည်။

"ငါက မင်းလို မောက်မာတယ့် သူ တစ်ယောက်မှာ ဘယ်လို စွမ်းရည်မျိုးတွေ ရှိလဲဆိုတာကိုပဲ သိချင်တာ"

"တာအိုအဆင့် ကျင့်ကြံခန်း ကို ငှားထားတာဆိုတော့ ကျင့်ကြံမှု တိုးတက်နှုန်းက မြန်နေမှာ သေချာတယ် မဟုတ်လား"

"ချီသန့်စင်ခြင်း အဆင့် (၅) ရောက်နေပြီလား"

ထန်ထျန်း မျက်မှောင်ကြုတ်လိုက်သည်။ ဒီလူငယ်က သူ့အကြောင်းကို အရမ်း သိနေသလို ခံစားရတာ ဘာကြောင့်လဲ။

ရုတ်တရက် ရှန့်တုဖုန်းရဲ့ နောက်က လူအုပ်ထဲမှာ ရင်းနှီးတဲ့ ပုံရိပ်တစ်ခုကို သူ မြင်လိုက်ရပြီး ချက်ချင်း သဘောပေါက်သွားသည်။

အဲဒီလူက ဖန်းဖေးပင်။

ဒါဆိုရင် ရှင်းပြလို့ ရပြီ။ ဖန်းဖေးက လင်းယွဲ့ရဲ့ သူငယ်ချင်းဖြစ်ပြီး သူ့ရဲ့ အခြေအနေကို သေချာပေါက် နားလည်ထားသည်။

ထန်ထျန်းသာ အရင်က ပါရမီအတိုင်း ရှိနေသေးရင် တာအိုအဆင့် ကျင့်ကြံခန်း ရှိရင်တောင် အများဆုံး ချီသန့်စင်ခြင်း အဆင့် (၅) လောက်ပဲ ဖြစ်နေမှာပင်။

ဒီလူငယ်က လက်စားချေဖို့ ကြိုးစားနေတာလား

ထန်ထျန်း မသိနိုင်ပေ။

ဒါပေမဲ့ အရေးမကြီးလှပေ။

ချင်းယွဲ့ဂိုဏ်းအတွင်းမှာ စည်းမျဉ်းကို ချိုးဖောက်တဲ့ အမှား မလုပ်သရွေ့ ဘယ်သူမှ အဆင့်မြင့် ဂုဏ်ထူးဆောင်တပည့် ကို ဘာမှ မလုပ်နိုင်ပေ။

ဒါ့အပြင် ရှောင်ရွှယ်လည်း ရှိနေသေးတယ်လေ။

"ငါ ဘယ်လိုလူဖြစ်ဖြစ် မင်းနဲ့ မဆိုင်ဘူး"

"မင်းသာ ထပ် စော်ကားရဲရင် ငါ ယဉ်ကျေးနေ တော့မှာ မဟုတ်ဘူး"

ထန်ထျန်းက အေးစက်စွာ ပြောလိုက်သည်။

တစ်ချိန်တည်းမှာပဲ ကုရှောင်းရွှယ်ရဲ့ အော်ရာ က ရုတ်တရက် တိုး လာပြီး လူတစ်ယောက်အနေနဲ့ ဟိုဘက်က လူအားလုံးကို ဖိအားပေးလိုက်သည်။

ဒီရက်ပိုင်း ကျင့်ကြံမှုကြောင့် သူမရဲ့ ကျင့်ကြံမှုအဆင့်က ရွှေအူတိုင်အဆင့် အထွတ်အထိပ် ကို နီးကပ်နေပြီပင်။ ဒါ့အပြင် ကြောက်စရာကောင်းတဲ့ ပါရမီကြောင့် သာမန် ရွှေအူတိုင်အဆင့် ကျင့်ကြံသူတွေနဲ့ ယှဉ်လို့ မရနိုင်ပေ။

ရှန့်တုဖုန်းလည်း ဒီဖိအားကို ခံစားရပြီး မကျေနပ်တဲ့ ပုံစံ ရှိပေမယ့် နောက်ဆုံးတော့ ထုတ်မပြခဲ့ပေ။

"ဒီနေရာက နွေဦးပန်းခြံ ။ ငါ ပြဿနာ မရှာ ချင်ဘူး"

"ဒါပေမဲ့ ငါ ပြောမယ်၊မင်းရဲ့ မောက်မာ မှုအတွက် ပြန်ပေးဆပ် ရမယ့်အချိန် ရောက်လာမှာ သေချာတယ်"

"သွားကြမယ်"

ပြောပြီးနောက် ရှန့်တုဖုန်းက သူ့ရဲ့ သက်တော် စောင့်များနဲ့အတူ ထန်ထျန်းကို ရှောင်ရှားပြီး ထွက်သွားလေ သည်။

ထန်ထျန်း စဉ်းစားနေသည်။

မောက်မာတာလား

တကယ် မောက်မာတာ က ဘယ်သူလဲ

ရှန့်တုဖုန်းရဲ့ အတွေးကို သူ နားမလည်နိုင်ဖြစ်နေသည်။

ဒါပေမဲ့ အရေးမကြီးပေ။ အရင်က ပြောခဲ့သလိုပင်။

သူ့မှာ ရှောင်ရွှယ် ရှိလေသည်။

ရှန့်တုဖုန်း ဝေးသွားတဲ့အခါ ကုရှောင်းရွှယ်လည်း သူ့ရဲ့ အော်ရာ ကို ပြန်ရုပ်သိမ်းပြီး ထန်ထျန်းရဲ့ နောက်ကို ပြန်သွားသည်။

ဘေးက ဝမ်ကျိယွီက သူမကို အကြိမ်အနည်းငယ် ကြည့်လိုက်ပြီး "ဂိုဏ်းအစ်ကိုထန် မင်းရဲ့ ဒီ သက်တော် စောင့်လေး က မရိုးရှင်းဘူးနော်" ဟု ပြောသည်။

"တကယ် အားကျတယ်ကွာ"

ထန်ထျန်းက သူ့ကို တစ်ချက်ကြည့်လိုက်ပြီး "မင်း ဘာလို့ ကိုယ့်အတွက် တစ်ယောက် မရှာတာလဲ" ဟု မေးသည်။

ဝမ်ကျိယွီက ရယ်မောရင်း "ငါက တစ်ယောက်တည်း နေသားကျနေပြီ" ဟု ပြောသည်။

"ပြီးတော့ ချင်းယွဲ့ဂိုဏ်းထဲမှာ ဘယ်မှာ အန္တရာယ်ရှိလို့လဲ။ ကိုယ့်အတွက် သက်တော် စောင့်ရှာတဲ့သူတွေက မောက်မာချင်ရုံ သက်သက်ပဲ"

"တကယ်တော့ ဂိုဏ်းအစ်ကိုထန် ကတော့ မတူဘူး"

ထန်ထျန်း စကားမပြောနိုင်ဖြစ်သွားသည်။ ရှန့်တုဖုန်း ပျောက်ကွယ်သွားတဲ့ဘက်ကို ကြည့်ပြီး အံ့ဩစွာ မေးသည်။ "ဂိုဏ်းက ဒီလိုကိစ္စမျိုးကို မတားဘူးလား"

"အဲဒီ ရှန့်တုဖုန်းရဲ့ ဘေးမှာ အနည်းဆုံး မိန်းကလေး ဆယ်ယောက်လောက် ရှိတယ်။ သူတို့က ရိုးရိုး သက်တော် စောင့် တွေလို့ ဘယ်သူကများ ထင်နေမှာလဲ"

ထန်ထျန်း နည်းနည်း ထူးဆန်းနေသည်။ အတွင်းစည်းတပည့် နဲ့ အဓိက တပည့် တွေက အရေးကြီးတဲ့ သူတွေ ဖြစ်သင့်သည်။ ချင်းယွဲ့ဂိုဏ်းက သူတို့ကို ရှန့်တုဖုန်းလို လူမျိုးက ဒီလို ဖျက်ဆီးပစ်တာကို လွှတ်ထားတာလား

ဝမ်ကျိယွီက ပြုံးပြီး "ဂိုဏ်းမှာ သူ့အစီအစဉ် တွေ ရှိတယ်။ ငါတို့ လို လူတွေက လွယ်လွယ်နဲ့ မခန့်မှန်းနိုင်ဘူး" ဟု ပြောသည်။

"တခြား ရှုထောင့်ကနေ စဉ်းစားကြည့်ပေါ့ ၊ ပိုက်ဆံနဲ့ လှည့်စားခံရပြီး ကိုယ့်ကိုယ်ကိုယ် ရောင်းစားတဲ့သူတစ်ယောက်က ဂိုဏ်းရဲ့ အလေးထားမှုကို ခံယူနိုင်ဖို့ ဘာ အရည်အချင်းမျိုး ရှိနိုင်မှာလဲ"

ထန်ထျန်း တိတ်ဆိတ်သွားသည်။

ဒီလို ပြောတာ မှန်ပေမယ့် နည်းနည်းတော့ နှမြောစရာပင်။ ဒီထဲမှာ လူတချို့က လှည့်ဖြားခံရပြီး လမ်းမှား ရောက်သွားတာတွေ ရှိနိုင်လေသည်။

"တကယ်တော့ သာမန်တပည့်တွေကို ငါ တို့က သီးသန့် နာမည်နှစ်မျိုးနဲ့ ခေါ်ကြတယ်"

ဝမ်ကျိယွီက ဆက်ပြောသည်။ "တာအိုကျင့်စဉ် ကို စိတ်အားထက်သန်ပြီး အခက်အခဲတွေကို သည်းခံကာ အပြင်လောကရဲ့ သွေးဆောင်မှုတွေကို မလှုပ်မယှက် တွန်းလှန်နိုင်တဲ့ တပည့်တွေကို ငါ တို့က ယေဘုယျအားဖြင့် သန့်စင် သော တပည့် လို့ ခေါ်တယ်"

"စိတ်ဝိညာဉ်ကျောက် အတွက် ဂုဏ်ထူးဆောင်တပည့် တွေနဲ့ ပတ်သက်နေတဲ့ တပည့်တွေကိုတော့ ကျွန်တော်တို့က မသန့်စင် သော တပည့် လို့ ခေါ်တယ်"

"အဲဒီထဲမှာ သက်တော် စောင့် တွေလည်း ပါတယ်"

ထန်ထျန်း အနည်းငယ် မျက်မှောင်ကြုတ်ပြီး ကုရှောင်းရွှယ်ကို အမှတ်မထင် ကြည့်လိုက်သည်။

ဒီလိုဆိုရင် သူမကလည်း မသန့်စင် သော တပည့် လို့ ခေါ်တာပဲ လား

ဒါပေမဲ့ သူမမှာ မသန့်စင်တဲ့ လုပ်ရပ်မျိုး မရှိပေ။ တကယ်တော့ သူမက အရမ်း ရိုးသားလွန်းလို့ ထန်ထျန်းကို ဒေါသထွက်စေခဲ့တာပင်။

"ဒီနာမည်က နားထောင်လို့မကောင်းဘူး"

ထန်ထျန်းက ပြောသည်။

ဝမ်ကျိယွီက ခေါင်းခါပြီး ပြုံး လိုက်သည်။ "ဟုတ်တယ်၊ နားထောင်လို့မကောင်းဘူး"

"ဒါပေမဲ့ အဲဒါက အမှန်တရားပဲ"

"ဘယ်အကြောင်းကြောင့်ပဲ ဖြစ်ဖြစ်၊ အဲဒါက သူ့ရဲ့ တာအို စိတ်နှလုံး မတည်ငြိမ်တော့ဘူးဆိုတာကို ကိုယ်စားပြုတယ်"

ထန်ထျန်းက ပြန်လည် ချေပချင်ပေမယ့် အကြောင်းပြချက်ကောင်း ကို ရှာမတွေ့ခဲ့ပေ။

ဟုတ်ပေသည်။ စစ်မှန်တဲ့ ကျင့်ကြံသူတစ်ယောက်အတွက် တာအို စိတ်နှလုံး က အရေးကြီးဆုံးပင်။ ဒုက္ခ ဒါမှမဟုတ် တခြား ကိစ္စတွေကြောင့် စိတ်လှုပ်ရှားလို့ မရပေ။

ဒီလို စိတ်နှလုံး သန့်စင်တဲ့ တပည့်တွေကသာ ဂိုဏ်းက အလေးထားဆုံး အနာဂတ် ပင်။

......

ရှန့်တုဖုန်းရဲ့ မျက်နှာကတော့ အခုထိ မကောင်းသေးပေ။

သူ့ရဲ့ ဖိတ်ကြားချက်ကို ငြင်းပယ်ခံရတာ၊ ပြီးတော့ သူ့ကို မျက်နှာချင်းဆိုင် ခြိမ်းခြောက်ခံရတာက သူ့ကို အရမ်း စိတ်မချမ်းမသာ ဖြစ်စေခဲ့သည်။

"ဖန်းဖေး၊မင်း ပြောတာ မှန်တယ်။ ဒီ ထန်ထျန်းက တကယ် မိုက်မဲတယ်"

ရှန့်တုဖုန်းက ပြောသည်။

ဘေးက ဖန်းဖေး ရှေ့တိုးလာပြီး ညင်သာစွာ ပြောသည်။ "ရှင် စိတ်မဆိုးပါနဲ့"

"သူက ခရမ်းရောင်ဝါးခြံဝင်း အိမ်နဲ့ တာအိုအဆင့် ကျင့်ကြံခန်း ကို တစ်ပြိုင်နက် ဝယ်ထားတာဆိုတော့ နည်းနည်း မောက်မာ တာ ပုံမှန်ပါပဲ"

ရှန့်တုဖုန်းက အေးစက်စွာ "ဟွန့်" ဟု ဟစ်လိုက်သည်။ "အဲ့တော့ ဘာဖြစ်လဲ"

"ဂိုဏ်းမှာ ချမ်းသာတယ့် သူက သူ တစ်ယောက်တည်း မဟုတ်ဘူး။ သူက ကံကောင်းလို့ ချမ်းသာလာတဲ့ သူဌေးသစ် တစ်ယောက်ပဲ"

"ငါ က သူ့ကို အကြီးအကဲ ရဲ့ တာအိုကျင့်စဉ် ဆွေးနွေးပွဲ ကို စိတ်ရင်းမှန်နဲ့ ဖိတ်ခေါ်တာကို သူက ငါ့နာမည်ကိုတောင် မမှတ်မိဘူးတဲ့"

"တကယ်... မောက်မာ တဲ့ ကောင် ပဲ"

ဖန်းဖေးက ခေါင်းကို အနည်းငယ် ငုံ့ပြီး တိုးတိုးလေး ပြောသည်။ "ကျွန်မ ဖိတ်စာ ပို့တုန်းက ရှင့်အကြောင်းကို တမင်တကာ ပြောခဲ့သေးတယ်။ ဒါပေမဲ့ တံခါးကိုတောင် ဝင်ခွင့်မရဘူး"

ရှန့်တုဖုန်းက သွားကြိတ် လိုက်သည်။

"စောင့်ကြည့်နေ"

"သူ့ကို ပြန်ပေးဆပ် ရမယ့်အချိန် မကြာခင် ရောက်လာမှာ"

ခဏအကြာတွင် သူက ထပ်ပြောသည်။ "ဒါနဲ့၊ မင်းပြောတဲ့ အဓိက တပည့် အဖြစ် တက်တော့မယ့် သန့်စင် သော တပည့် က ဘယ်တော့ လာမှာလဲ"

ဖန်းဖေးက ညင်သာစွာ ပြုံးလိုက်သည်။ "မကြာခင်ပေါ့"

"စိတ်မပူပါနဲ့၊ ကျွန်မ သူမကို ရှင်ဆီ ပို့ပေးနိုင်မယ်ဆိုတာ သေချာပါတယ်"