အခန်း (၁၀၄)

"၃၂ ခုနှစ် အငတ်ဘေးတုန်းက ဖေးမိသားစုက သူတို့ရဲ့ ဂိုဒေါင်တွေကို ဖွင့်ပေးခဲ့တယ်၊ လူ ဘယ်နှစ်ယောက်ကို ကယ်တင်ခဲ့ရသလဲ?!"

"'၄၆ ခုနှစ် စစ်ပွဲတုန်းက ဖေးမိသားစုက သူတို့ရဲ့ စည်းစိမ်ဥစ္စာ အများစုကို လှူဒါန်းခဲ့ပြီး နိုင်ငံခြားကနေ ပစ္စည်းတွေ ပြန်ယူဖို့အတွက် အသက်ကိုတောင် စွန့်စားခဲ့ရသေးတယ်!"

"'၅၉ ခုနှစ်မှာ..."

"ဖေးမိသားစုက ဒီလောက် လုပ်ပေးခဲ့တာ၊ ဘာလို့ ဒီလို အဆုံးသတ်မျိုး ရောက်လာရတာလဲ?!"

ဖေးလုယောင် ဖေးမိသားစု၏ ဂုဏ်ကျက်သရေနှင့် မျိုးဆက်အလိုက်စွန့်လွှတ်မှုများ အားလုံးကိုစာရင်းစာအုပ်ကဲ့သို့ တစ်ခုပြီးတစ်ခု အလွတ်ရွတ်ဆိုနေသည်။

ဖေးမိသားစုသည် မျိုးဆက်များစွာအတွင်း အချိန်၏ တိုက် စားမှုကြောင့် တဖြည်းဖြည်း မှေးမှိန်ပျက်စီးသွားပြီး နောက် ဆုံးတွင် ပျောက်ကွယ်သွားခဲ့ပါလျှင် သက်ကြီးရွယ်အိုမျိုး ဆက်များ ဤမျှလောက် စိတ်ခံစားမှု ပြင်းထန်နေမည်မဟုတ်ပေ။

သို့သော် ယခုအခါ အခြေအနေသည် လုံးဝကွဲပြားခြားနားနေသည်!

ဖေးမိသားစုသည် ၎င်းတို့ဖေးမိသားစုနှင့် နိုင်ငံတော်နှစ်ခုလုံးမှ သစ္စာဖောက်ခြင်းအားခံခဲ့ရသည်။ ထိုအချက်အား သူတို့ လက်ခံရန် အလွန်ခက်ခဲသည်။ ထို့အပြင် ဖေးမိသားစုအား သူတို့၏ ကိုယ်ပိုင်မျိုးဆက်မှ ဖျက်ဆီးခံရခြင်းကို ပိုလက်မခံချင်ကြပေ! ဤသို့ဆိုလျှင် သေလွန်ပြီးနောက် ဘိုးဘွားမိဘများအား သူတို့ မည်သို့မျက်နှာပြရမည်နည်း?

"ဒါဆို ဘာလဲ ?"

ဖေးလုယောင်၏မေးခွန်းများနှင့် ပြင်းထန်သော စွပ်စွဲချက်များအား ရင်ဆိုင်ရာတွင် ဖေးယီကျန့် အံ့ဩစရာကောင်းလောက်အောင် တည်ငြိမ်နေသည်။

"ခင်ဗျားတို့ ဘာလုပ်ချင်တာလဲ?"

ဖေးယီကျန့် အသုံးပြုလိုက်သည့် "ခင်ဗျားတို့" ဆိုသည့် စကားလုံးမှာ ဖေးလုယောင် နောက်ကွယ်မှ လူများအား ရည်ညွှန်းနေခြင်းသာမက၊ ဖေးမိသားစု၏ ဂုဏ်သိက္ခာအား အတူတကွ ထိန်းသိမ်းလိုသော စိတ်တူကိုယ်တူရှိသည့် ဖေးမိသားစုဝင် အဟောင်းများကိုပါ ရည်ညွှန်းနေကြောင်း ရှင်းလင်းသည်။

"ဟားဟားဟား၊ ငါတို့ ဘာလုပ်ဖို့ စီစဉ်နေတာလဲ?"

ဖေးလုယောင် ကင်မရာအား တစ်ချက်ကြည့်လိုက်ပြီး ကျယ်လောင်စွာ ရယ်မောလိုက်သည်။

"မင်း ဖေးမိသားစုကို မလိုချင်တော့ရင် သူတို့ရဲ့ ပစ္စည်းတွေ အားလုံးကို ပြန်ပေး!"

ဖေးလုယောင်နှင့် သူ့နောက်လိုက်များမှာနိုင်ငံတော်သို့လှူဒါန်း ထားသော ပစ္စည်းများအား ပြန်လည်ရယူရန်မှာ မဖြစ်နိုင်ကြောင်းကောင်းကောင်းသိသည်။ ထို့ကြောင့် မည်သူတစ်ဦးတစ်ယောက်မျှ လက်ထဲသို့ ဘယ်တော့မှ မရောက်စေရန် ၎င်းတို့အား ဖျက်ဆီးပစ်ခြင်းက ပိုကောင်းသည် ဟု တွေးထားကြသည်။

"ဖေးယီကျန့်၊ မင်းက ငယ်လွန်းသေးတယ်"

ဖေးလုယောင် ဖေးမိသားစုသင်္ချိုင်းအား ကြည့်လိုက်သည်။

"မင်း မသိသေးတဲ့ အရာတွေ အများကြီးရှိတယ်၊ အာတုံး (ဖေးသခင်ကြီး) သေဆုံးတာက အရမ်းရုတ်တရက်ဆိုတော့ မင်းကို အများကြီး ပြောပြဖို့အချိန်မရခဲ့ဘူး၊ ဟုတ်တယ်မလား?"

ထို့နောက် ဖေးလုယောင် ဖေးယီကျန့် ထိတ်လန့်သွားစေမည့် လျှို့ဝှက်ချက်တစ်ခုအား ထုတ်ဖော်လိုက်သည်။

"ဖေးမိသားစုက ဒီကာလတွေမှာ ဆောက်ခဲ့တဲ့ အဆောက်အအုံတိုင်းမှာ လျှို့ဝှက်ခန်းတစ်ခု ရှိတယ်ဆိုတာ မင်း သိလား?"

ရာစုနှစ်များစွာ မျိုးဆက်သစ်များ ဆက်ခံလာခဲ့သည့် ဖေးမိသားစုမှာ အရေးပေါ် ဆုတ်ခွာရာနေရာတစ်ခု၏ အရေးပါပုံအား နက်နက်နဲနဲ နားလည်ထားသည်။

ငြိမ်းချမ်းသော အချိန်များတွင်ပင် ထွက်လမ်းတစ်ခု အမြဲရှိနေခြင်းမှာ ပညာရှိရာရောက်သည်ဟု သူတို့ ယူဆခဲ့သည်။ ဤအရာသည် ဂုဏ်သရေရှိ မိသားစုကြီးတစ်စု၏ ရှေ့ကိုကြည့်တတ်သော ဉာဏ်ပညာနှင့် အသက်ရှင်ရပ်တည်ရေး ဗျူဟာပင် ဖြစ်သည်။

"အဆောက်အအုံတွေတင် မကဘူး၊ အဲဒီ ဗီလာတွေ၊ အပန်း ဖြေစခန်းတွေ..."

သူ ၎င်းတို့အား တစ်ခုပြီးတစ်ခု စာရင်းပြုစုသည်။

"အခု၊ အဲဒီ လျှို့ဝှက်ခန်းတွေထဲမှာ ဘာတွေ ဖွက်ထားတယ်လို့ မင်း ထင်လဲ?"

ဖေးမိသားစုသည် Flower နိုင်ငံ၏ လျင်မြန်သော ဖွံ့ဖြိုးတိုး တက်မှုကာလအတွင်း ရေတွက်မရနိုင်သော စီမံကိန်းများတွင် ပါဝင်ခဲ့သည်။ ပွင့်ပွင့်လင်းလင်း ပြောရလျှင် မြို့တော်ရှိ အဆောက်အအုံများ၏ အနည်းဆုံး ၂၀% အား ဖေးမိသားစုမှ ဆောက်ခဲ့ခြင်း ဖြစ်သည်။

ဖေးမိသားစု ယခင်က ဝန်ကြီးချုပ်ရာထူးအထိ ရှိခဲ့ဖူးသည့် မိသားစုတစ်စုဖြစ်ရာ၊ ၎င်းတို့၏ စည်းစိမ်ဥစ္စာနှင့် လျှို့ဝှက်အင်အားများမှာ နာမည်ဂုဏ်သတင်းနှင့် ထိုက်တန်ပါသည်။

"မလှုပ်နဲ့!"

"မလှုပ်နဲ့!"

ဖေးလုယောင် လျှို့ဝှက်ချက်များအား ဆက်လက်ပြောဆိုနေစဉ်မှာပင် မြို့တော်ရဲတပ်ဖွဲ့ အချိန်မီ လျင်မြန်စွာရောက်ရှိလာခဲ့သည်။

သူတို့ ကျည်ဆံဖြည့်ထားသော သေနတ်များဖြင့် ဖေးလုယောင်နှင့် သူ့လူများအား ချက်ချင်းဝိုင်းလိုက်ကြသည်။ ဤပဋိပက္ခမှာ တိုက်ရိုက်ထုတ်လွှင့်မှုဖြစ်နေခြင်းကြောင့် ရဲတပ် ဖွဲ့ ချက်ချင်းအရေးယူခဲ့ခြင်း ဖြစ်သည်။ အချို့ရဲအရာရှိများမှ ဖေးယီကျန့်အား ဘေးကင်းရာသို့ ခေါ်ဆောင်သွားရန်ပင် ကြိုးစားခဲ့ကြသည်။

"မလှုပ်နဲ့"

ဖေးလုယောင် ရုတ်တရက် ရောက်ရှိလာသော ရဲတပ်ဖွဲ့အား လုံးဝဂရုမစိုက်ဘဲ ဖေးယီကျန့်ကို စိုက်ကြည့်ကာ အသံမာမာဖြင့် ခြိမ်းခြောက်လိုက်သည်။

"မင်း အခု ထွက်သွားရဲရင် အဲဒီ ဗုံးတွေ တစ်စက္ကန့်အတွင်း ပေါက်ကွဲသွားမယ်လို့ ငါ အာမခံတယ်"

"ပြီးတော့ မင်းတို့၊ သေနတ်တွေကို မြဲမြဲကိုင်ထား! ငါ သေရမှာ ဂရုမစိုက်ဘူး ဒါပေမဲ့ သန်းပေါင်းများစွာသော လူတွေ ငါနဲ့အတူ မြှုပ်နှံခံရလိမ့်မယ်!"

"ဘာလို့ ငါ့စကားကို နားမထောင်တာလဲ? ငါတို့ နေရာအချို့ကို ရှာပြီး လူအချို့ကို ကယ်တင်နိုင်မှာပါ၊ ဟားဟားဟား"

"ငါတို့ရဲ့ လုပ်ဆောင်ချက်ကို မြို့တော်ထဲမှာပဲ ကန့်သတ်ထားတာကို မင်း ကျေးဇူးတင်သင့်တယ်"

တိတ်ဆိတ်သော သင်္ချိုင်းဝန်းတွင် ဖေးလုယောင် ရယ်မောသံမှာ အထူးပင် မာနထောင်လွှားနေသည်။

ဖေးမိသားစု ဒေဝါလီခံကြောင်း ကြေညာပြီးနောက် ခြောက်လခန့် ကြာမြင့်ခဲ့ပြီ။

ထိုခြောက်လအတွင်း ဤသက်ကြီးရွယ်အိုများမှာ ကောင်းစွာ မအိပ်စက်နိုင်ခဲ့ပေ။ အချို့အား ရဲများမှ ဖမ်းဆီးခေါ်ဆောင် သွားခဲ့ပြီး၊ အချို့မှာမူ ဖေးမိသားစု ဤကဲ့သို့သော ကံကြမ္မာသို့ ရောက်ရှိလာရသည်ကို ယခုတိုင် မယုံနိုင်သေးပေ။

သူတို့ တစ်သက်လုံး ဖေးမိသားစုတွင် မွေးဖွားကြီးပြင်းလာခဲ့ပြီး မိသားစုအား ဂုဏ်ယူခဲ့ကြသည်။ သို့သော် နောက်ဆုံးတွင် ဖေးမိသားစုသည် များစွာသော အမည်းစက်များအား ခံယူပြီး သမိုင်းထဲသို့ ပျောက်ကွယ်သွားခဲ့ရသည်။ ဘယ်မိသားစုမှာ လူဆိုးလူမိုက်တွေ မရှိတာလဲ? ဘယ်မိသားစုမှာများ ညစ် ပတ်တဲ့လုပ်ရပ်တွေ မရှိလို့လဲ? ဒါပေမဲ့ ဒါက ဖေးမိသားစု ဖျက်ဆီးခံရဖို့ အကြောင်းရင်း မဟုတ်ဘူး! ဒီလို အခြေအနေမျိုး ရောက်လာပြီဆိုမှတော့! ဘာလို့ ပြိုကွဲမသွားရတာလဲ?

ဤအကြမ်းဖက် အစီအစဉ်တွင် လူခြောက်ဦး ပါဝင်ခဲ့သည်။ ဖေးလုယောင်၊ အကြီးအကဲများအဖွဲ့မှ နှစ်ဦးနှင့် အစွန်း ရောက် ဖေးမိသားစု သစ္စာခံသုံးဦးတို့ဖြစ်သည်။

ပါဝင်သူများထဲမှ အများစုသည်ပင် မိသားစုကြီးများ ရှိကြဆဲဖြစ်ပြီး ၎င်းတို့၏ နည်းပါးသော ပိုင်ဆိုင်မှုများဖြင့် သက် သောင့်သက်သာ အနားယူနိုင်ကြသည်။ သို့သော်လည်း မုန်းတီးမှုမှာ ပိုင်ဆိုင်မှု သို့မဟုတ် သက်တောင့်သက်သာရှိမှုထက် ပိုမိုပြင်းထန်နေခဲ့သည်။

ဤလူများမှာ ထိုဆိုးရွားသော ခေတ်ကာလများအား ကိုယ် တိုင် ဖြတ်သန်းခဲ့ကြသူများဖြစ်ပြီး၊ ဖေးမိသားစုနှင့် နိုင်ငံ တော်တို့ အခက်အခဲများ အတူတကွ ရင်ဆိုင်မျှဝေခဲ့ကြသည်အား ကောင်းကောင်း သိရှိနားလည်ကြသည်။ ထို့ကြောင့် ဖေးမိသားစု၏ပြိုလဲမှုအား သာမန်အတိုင်း လက်ခံနိုင်ခြင်းမရှိဘဲ၊ ဖေးယီကျန့်အား သစ္စာဖောက်အဖြစ် ရှုမြင်ကာ အမုန်းတရား ပိုမိုကြီးထွားလာခြင်းဖြစ်သည်။

ပွင့်ပွင့်လင်းလင်း ပြောရလျှင်၊ ဖေးမိသားစုမရှိဘဲ ယနေ့ Flowerနိုင်ငံ မည်သည့်ပုံစံ ဖြစ်နေမည်ကိုပင် ပြောရန် ခက်ခဲသည်။

"ငါတို့က ဒီလောက် ပေးဆပ်ခဲ့တာ ဘာကြောင့်လဲ၊ မင်းက ဒါကို ပေါ့ပေါ့တန်တန် သဘောထားခဲ့ပြီး ငါတို့ လုပ်စရာရှိတာ လုပ်ပြီးတဲ့နောက် စွန့်ပစ်လိုက်ရတာလဲ?"

"ငါတို့ ဖေးမိသားစုရဲ့ လက်ရာပစ္စည်းတွေကို ထားဖို့ အဲဒီ ပြတိုက်မှာ ဘာအခွင့်အရေးရှိနေလို့လဲ?"

ပြတိုက်အား စတင်တည်ဆောက်စဉ်ကပင် ဖေးမိသားစုသည် ၎င်းတို့၏ စုဆောင်းထားသော ပစ္စည်းများစွာအား လှူဒါန်းခဲ့သဖြင့်၊ ထိုပြတိုက်မှာ စတင်တည်ထောင်ချိန်မှစ၍ လက်ရာပစ္စည်းများ မပြည့်စုံမှုမရှိသော အခြေအနေမျိုး မရှိခဲ့ပေ။

[ဟာကွာ! ဒီအဘိုးကြီး ဘာတွေပြောနေတာလဲ?]

[သေချာပြီ၊ ငါ နေနေတဲ့ အဆောက်အအုံက ဖေးမိသားစု ဆောက်ခဲ့တာ!]

[ဒီလူ ရူးနေတာလား? ဘာလုပ်သင့်လဲ? ဘာလုပ်သင့်လဲ?]

တိုက်ရိုက်ထုတ်လွှင့်မှုဖြစ်သောကြောင့် ဖေးလုယောင်၏ ခြိမ်းခြောက်စကားများအား မြို့တော်မှ လူတိုင်း ချက်ချင်းနားလည်ခဲ့ကြသည်။ ထို့ကြောင့် မြို့တော်ရှိ လူအများစုမှာ ထိတ်လန့်တုန်လှုပ်နေကြသည်။ ဖေးလုယောင် ပြောခဲ့သည့်အတိုင်းပင် မြို့တော်ရှိ အဆောက်အအုံများစွာအား ဖေးမိသားစုမှ ဆောက်ခဲ့ခြင်း ဖြစ်သည်။

ဥပမာအားဖြင့်၊ လူတစ်ဦးမှာ ဖေးမိသားစု ဆောက်လုပ်ထားခြင်းမဟုတ်သော အဆောက်အအုံတွင် နေထိုင်နေသော်လည်း တစ်ကီလိုမီတာပင် မဝေးသောနေရာတွင် ဖေးမိသားစု ဆောက်ထားသည့် အဆောက်အအုံတစ်လုံး ရှိနေနိုင်သည်။ အကယ်၍ ထိုလျှို့ဝှက်ခန်းများတွင် တပ်ဆင်ထားသည့် ဗုံးများ အမှန်တကယ် ပေါက်ကွဲခဲ့ပါက မည်သူမျှ မည်သို့ ရှောင်ရှားနိုင်မည်နည်း?

"ဖေးလုယောင်! စိတ်ကို ထိန်းပါ!"

ခေါင်းဆောင်ရဲအရာရှိမှာ ချက်ချင်းပင် ရှေ့သို့ တက်လာကာ စေ့စပ်ဆွေးနွေးရန် ကြိုးစားလိုက်သည်။

"ဖေးလုယောင်၊ ခင်ဗျားမှာ တောင်းဆိုချက်တွေ၊ အကြံဉာဏ်တွေ ရှိရင် လွတ်လပ်စွာ ပြောပါ၊ ကျွန်တော်တို့ ထိုင်ပြီးအေး အေးဆေးဆေးဆွေးနွေးကြရအောင်၊ နောင်တရမယ့် အလုပ် မျိုး မလုပ်ပါနဲ့"

ဖေးမိသားစုမှ သက်ကြီးရွယ်အိုများမှာ ဤမျှ အစွန်းရောက်သော အကြမ်းဖက်နည်းလမ်းအား အသုံးပြုလိမ့်မည်ဟု မည် သူမျှ မမျှော်လင့်ခဲ့ကြပေ။ ထို့ကြောင့် ရဲတပ်ဖွဲ့၏ အဓိကရည်ရွယ်ချက်မှာ ဖေးလုယောင်နှင့် အချိန်ဆွဲရန်သာဖြစ် သည်။ တစ်ချိန်တည်းမှာပင်၊ သက်ဆိုင်ရာဌာနများမှာ ဖေးလုယောင် ထုတ်ဖော်ခဲ့သည့် ဖေးမိသားစု၏ အဆောက်အအုံများအတွင်းမှ လျှို့ဝှက်ခန်းများဟုခေါ်ဆိုသော နေရာများအား အသည်းအသန်ရှာဖွေနေကြသည်။

သို့သော်လည်း ဖေးမိသားစု၏ဆောက်လုပ်ရေး စီမံကိန်းဧရိယာမှာ အလွန်ကျယ်ဝန်းသဖြင့်လအချိန်တိုအတွင်း အား လုံးကို ရှာဖွေရန်မှာ မဖြစ်နိုင်သလောက်ပင်။

တစ်ခုတည်းကိုပင် လွတ်သွားခဲ့ပါက၊ အကယ်၍ တစ်ခုခု အမှန်တကယ် ဖြစ်ပွားခဲ့လျှင် မည်မျှသော အပြစ်မဲ့သူများ သေဆုံးသွားမည်ကို မည်သူမျှ မသိနိုင်ပေ။

"နောင်တရတာ ?"

ဖေးလုယောင် ခေါင်းခါလိုက်သည်။

"ငါ နောင်တမရဘူး ဒါပေမဲ့ မိသားစုခေါင်းဆောင် ဖေးယီကျန့်၊ မင်း နောင်တရလား?"

"ခုလိုရက်စက်တဲ့အတွက် နောင်တရတာလား ? ဖေးမိသားစုအတွက် ဘာထွက်ပေါက်မှမချန်ခဲ့တဲ့အတွက် နောင်တရတာကိုလား?"

ဖေးယီကျန့် ထိုစကားများအား လျစ်လျူရှုလိုက်သည်။ သူ ရဲအရာရှိမှ အချိန်ဆွဲရန် အစွမ်းကုန် ကြိုးစားနေကြောင်း အရိပ် အမြွက်ပြသည် ကို ချက်ချင်းပင် သတိပြုမိလိုက်သည်။ မြို့တော်၏အမြင့်ဆုံး အာဏာပိုင်များသည်လည်း ဤကိစ္စအား သတိပေးခံထားရပြီးဖြစ်သည်ဟု သူ ခန့်မှန်းလိုက်သည်။

ထို့ကြောင့် ဖေးမိသားစု ဤတစ်ကြိမ်တွင် "သမိုင်းတွင် စိုးမိုးနိုင်သည်" ဟု အမှန်တကယ် ပြောဆိုနိုင်သည်။

"နောင်တမရဘူး"

ဖေးယီကျန့် သူ့မိဘများ၏သင်္ချိုင်းကျောက်တိုင်အားကြည့်လိုက်သည်။

"ခင်ဗျားတို့ ကျွန်တော့် မိဘတွေကို သတ်ဖို့ ကြံစည်တုန်းက ဘာလို့ သူတို့ကို အသက်ရှင်ဖို့ အခွင့်အရေးမပေးခဲ့တာလဲ?"

— သေစမ်း!

တန်ပြန်စွပ်စွဲချက်ကြောင့် သူ့ပတ်ဝန်းကျင်ရှိ လူအများစု၏ မျက်နှာများ မရည်ရွယ်ဘဲပြောင်းလဲသွားသည်။ ဖေးယီကျန့် အဘယ်ကြောင့် သူတို့အား ပုဂ္ဂိုလ်ရေးအရဆက်လက်ဒေါသထွက်စေနေရသနည်း?!

ယခုအချိန်မှာ မြို့တော်၏ လုံခြုံရေးနှင့် သက်ဆိုင်သည့် အရေးကြီးဆုံးကိစ္စ ဖြစ်သည်။ ထို့ကြောင့် ပုဂ္ဂိုလ်ရေး မကျေ နပ်မှုများအား ခဏဘေးဖယ်ထားရမည့်အချိန်ဖြစ် သည်။

"မင်း မိဘတွေကို သတ်ခဲ့တဲ့ လူတွေ ထောင်ထဲမှာရောက်နေပြီ မဟုတ်ဘူးလား?"

ဖေးလုယောင် ဒေါသတကြီး ပြောလိုက်သည်။

"မင်း ဒီ့အတွက် ဖေးမိသားစုတစ်ခုလုံးကို မင်းနဲ့အတူ မြှုပ်နှံတော့မလို့လား?"

"ထောင်ထဲမှာလား?"

ဖေးယီကျန့် မျက်နှာ ရုတ်တရက် မှောင်မိုက်သွားသည်။ သူ့မျက်လုံးနက်များတွင် အေးစက်သော အလင်းရောင်တစ်ခု ထိုးထွက်လာသည်။

"ကျွန်တော် အနှစ်သုံးဆယ်နေထိုင်ခဲ့ပြီးပြီ၊ ကားမတော်တဆမှုက အနည်းဆုံး အကြိမ်နှစ်ဆယ်၊ ပြန်ပေးဆွဲခံရတာ အနည်းဆုံးငါးကြိမ် ရှိခဲ့တယ်၊ ခင်ဗျားတို့ ကျွန်တော့်ရဲ့ အာဏာကို တမင်တကာ ထိခိုက်အောင်လုပ်ခဲ့တဲ့ အကြိမ်တွေကိုတော့ ရေတွက်ဖို့တောင် စိတ်မပါတော့ဘူး"

တစ်ခါတစ်ရံ သူ ကံကြမ္မာကိုပင် ကျေးဇူးတင်ခဲ့သည်ဟု ခံစားရသည်။

သူ၏ကြိုတင်သတ်မှတ်ထားသော ကံကြမ္မာနှင့် နောက်ဆုံး သေဆုံးမည့်နည်းလမ်းသာ မဟုတ်ပါက၊ သူ ဤ "မတော် တဆမှုများ" ကြောင့် လွန်ခဲ့သော နှစ်ပေါင်းများစွာကတည်းက သေဆုံးသွားခဲ့နိုင်သည်။

ဖေးယီကျန့် ကံကြမ္မာ၏ ချည်နှောင်မှုများကို ဖြတ်တောက်နိုင်မလားဟူ၍ တစ်ကြိမ် ကိုယ့်ကိုယ်ကို သတ်သေရန်ကြိုး စားခဲ့ဖူးသည်။ သို့သော် သူ ကြုံတွေ့ခဲ့ရသော မတော်တဆမှုအများစုမှာ သူ့အမှားကြောင့် မဟုတ်ခဲ့ပေ။

အချို့ကို သူ ကံကောင်းစွာ ရှောင်ရှားနိုင်ခဲ့သည်။ အချို့က သူ့အား ဒဏ်ရာရစေခဲ့ပြီး၊ အချို့က သေလုနီးပါးဖြစ်စေခဲ့သည်!

သို့သော် ဖေးယီကျန့် ယခုအချိန်အထိ အသက်ရှင်သန်နေရန် ကံကောင်းခဲ့သည်။

ငွေကြေးမှာ အင်အားကြီးမားသော ပိုင်ဆိုင်မှုဖြစ်သည်။

ထို့အပြင် ဖေးမိသားစု စည်းစိမ်ဥစ္စာမှာ အလွန်ကြီးမားပြီး ၎င်း၏ ၈၀% မှာ တိုက်ရိုက်မျိုးဆက်များ လက်ထဲတွင်ရှိသည်။ သူတို့ (တိုက်ရိုက်မျိုးဆက်များ) တစ်ခုခု ဖြစ်သွားပါက၊ စည်းစိမ်အား ခွဲဝေရန်အတွက် သဘာဝအတိုင်း ဆက် လက် လုပ်ဆောင်သွားမည်မဟုတ်ပါလား?

သူ့ဖခင်နှင့် မိခင်တို့ ဖေးမိသားစုနှင့် ပေထန်မိသားစုမှ အဖွဲ့ဝင်အနည်းငယ်သာ သူတို့အား ပူးပေါင်းကြံစည်နေသည်ဟု ထင်ရသော်လည်း အမှန်တကယ်တွင် သူတို့ သေဆုံးစေလိုသူများမှာ များစွာရှိနေသေးသည်။ ကားမတော်တဆမှု မဖြစ်မီကပင် သူတို့ သုံးဦး ရေတွက်မရသော မတော်တဆမှုများအား ခံစားခဲ့ရသည်မဟုတ်ပါလား? ဒါဆို သူတို့ ဘယ်လို အနားယူနိုင်မှာလဲ?

သို့သော် ဖေးယီကျန့် ယခင်က ကံကြမ္မာ၏ ချည်နှောင်ခြင်းအား ခံခဲ့ရသဖြင့် သူ့အောင်မြင်နိုင်ခြေအား မသေချာခဲ့ပေ။ သို့သော် ယခုမူ ကံကြမ္မာကားပျောက်ကွယ်သွားလေပြီ!

နန်ယုသာ မရှိခဲ့ပါက ဖေးယီကျန့် ဤလူများအား ပေးဆပ်စေရန် ပိုမိုပြင်းထန်သော နည်းလမ်းများကို အသုံးပြုခဲ့ပေမည်။ သို့သော် ထိုနည်းလမ်းမှာ အလုပ်မဖြစ်ပေ။

သူ ကောင်းမွန်သော နောက်ခံလိုအပ်သည်။ ပွင့်ပွင့်လင်းလင်း လျှောက်လှမ်းရန်လိုအပ်သည်။

ဖေးယီကျန့် လုပ်နိုင်သည်မှာ ဤလူများအား သူတို့အုတ်ဂူကို သူတို့ဘာသာ တူးစေခြင်းသာ။

ဖေးယီကျန့် စကားများမှာ ဖေးလုယောင်၏ ရွဲ့စောင်းနေသောမျက်နှာအား ချက်ချင်းပင် တောင့်တင်းသွားစေသည်။ ဖေးလုယောင်၏ အမူအရာကို ကြည့်ခြင်းအားဖြင့်၊ ဖေးယီကျန့် ထုတ်ဖော်လိုက်သော လျှို့ဝှက်အဖြစ်အပျက်များအား သူ လုံးဝမသိခဲ့ကြောင်း ထင်ရှားနေသည်။

"တတိယအစ်ကို!"

ဖေးရှင်းလင် ထိုအချိန်တွင် ရောက်ရှိလာသည်။

"အရူးလို မလုပ်ပါနဲ့! ဒါက ဖေးမိသားစုကို ထာဝရအရှက်ရစေလိမ့်မယ်!"

ဖေးရှင်းလင် ခေတ်နောက်ကျပြီး ပဒေသရာဇ်ဆန်သော် လည်း သူသည် ဖေးမိသားစုအပေါ် စိတ်ရောကိုယ်ပါ မြှုပ်နှံထားသူဖြစ်သည်။ သူ့ ကိုယ်ပိုင်အကျိုးစီးပွားအား တစ်ခါမျှ မတွေးခဲ့ဘဲ၊ တိုက်ရိုက်မျိုးဆက်အား အမြဲလေးစားခဲ့သူလည်း ဖြစ်သည်။

"ရှင်းလင်"

ဖေးလုယောင် ဖေးရှင်းလင်ဘက်မှ သိပ်ပြီး တုံ့ပြန်မှုမရှိသည်ကို တွေ့လိုက်ရသည်။

"ဒီလို တိတ်တဆိတ်ပျောက်ကွယ်သွားမယ့်အစား ဖေးမိသား စုကို ငါ့ဘဝတစ်သက်တာလုံး လူတိုင်း အမှတ်ရနေစေချင်တယ်၊ ငါတို့ ဖေးမိသားစု ထွက်ခွာမယ်ဆိုရင်တောင် ခမ်းနားတဲ့ပုံစံနဲ့ လုပ်ရမယ်!"

ဖေးရှင်းလင် ဖေးလုယောင်၏ ရူးသွပ်သော အမူအရာအား ကြည့်ရင်း ဝမ်းနည်းရမလား၊ အခြား ခံစားချက်တစ်ခုခု ခံစားရမလား မသိတော့ပေ။ အခြေအနေများ ဤအဆင့်အထိ မည်သို့ရောက်ရှိလာခဲ့ရသနည်း။

"မစ္စတာ ဖေးလုယောင်! ခင်ဗျားမှာ ခင်ဗျားရဲ့ မိသားစုရှိသေးတယ်၊ စဉ်းစားကြည့်ပါ..."

ညှိနှိုင်းရေးကျွမ်းကျင်သူ၏ စကားများမှာ ဖေးလုယောင်အား တွန့်ဆုတ်သွားအောင်မလှုံ့ဆော်နိုင်ခဲ့ပေ။ ဤကဲ့သို့သောအရာအား လုပ်ပြီးသည်နှင့် နောက်ပြန်လှည့်ရန် မဖြစ်နိုင်တော့ပေ။ သူ အချိန်ဆွဲနေခြင်းမှာ နောက်ထပ်ရည်ရွယ် ချက်တစ်ခုသာ ရှိနေသေးသောကြောင့်ပင်။

"ဖေးယီကျန့်"

ဖေးလုယောင် လျှို့ဝှက်သော အကြံအစည်များဖုံးလွှမ်းနေသည့် အပြုံးဖြင့် ပြောလိုက်သည်။

"ငါတို့ ဂိမ်းတစ်ခု ကစားကြမလား?"

"ကိုယ့်ကိုကိုယ် ဓားနဲ့ထိုးလိုက် ဒါဆိုရင် လျှို့ဝှက်အိမ်ရဲ့ လိပ်စာကို ငါပေးမယ်၊ ဖေးမိသားစု အဆောက်အအုံလား၊ မင်း သဘောကျတဲ့နေရာလား... ရွေးချယ်နိုင်တယ်!"

ထိုသူ စကားဆုံးသည်နှင့် တစ်ပြိုင်နက်၊ အနီးအနားမှ တစ်စုံ တစ်ဦးက ချွန်ထက်သော ဓားမြှောင် တစ်ချောင်းအား ဖေးယီကျန့် ရှေ့သို့ ပစ်ချပေးလိုက်သည်။

ဖေးမိသားစု သင်္ချိုင်းသို့ အသည်းအသန် အပြေးအလွှား သွားရောက်နေရင်း ဖြစ်ပျက်နေသည့် တိုက်ရိုက်ထုတ်လွှင့်မှုအားကြည့်ရှုနေသော နန်ယု ထိုမြင်ကွင်းကြောင့် ဒေါသတကြီး ဆဲဆိုလိုက်သည်။

ထိုအဘိုးကြီးတွင် အလွန် ယုတ်မာသော စိတ်ထားရှိသည်။ ဖေးယီကျန့်သာ ဤအခိုက်အတန့်တွင် ခါးခါးသီးသီးငြင်း ဆန်လိုက်လျှင် သို့မဟုတ် တွေဝေသွားခဲ့လျှင်၊ သူ အသက်ရှင်ကျန်ရစ်ခဲ့သည့်တိုင် ပတ်ဝန်းကျင်မှ လူများ၏အကြည့်များအောက်တွင် အရှက်ရစွာနေထိုင်သွားရတော့မည်ဖြစ် သည်။

သက်ပြင်းရှည်ကြီး တစ်ချက် ရှိုက်ထုတ်လိုက်သည်။

နန်ယု၊ စိတ်မပူပါနဲ့၊ သူ ဘေးအန္တရာယ်ပေါင်းများစွာကို ကျော်ဖြတ်လာခဲ့ပြီးပြီ၊ ဒီလို အသေးအမွှားလေးကြောင့် အရှုံးပေးလိုက်မှာ မဟုတ်ဘူး!

ဖေးလုယောင်၏တိုက်ရိုက်ထုတ်လွှင့်မှုမှာ မိနစ်နှစ်ဆယ်ကျော်သာ ကြာမြင့်သေးသည်။ ရဲတပ်ဖွဲ့ဝင်များ အပြင်းအ ထန် ကြိုးပမ်းသော်ငြားလည်း တွေ့ရှိရသော လျှို့ဝှက်ခန်းနှစ်ခန်း၏တံခါးများကို ဖွင့်လိုက်သည့်အခါတွင် ပေါက်ကွဲစေ သော ဗုံးများဖြင့် ပြည့်နှက်နေသည်ကိုတွေ့ရသည်။

၎င်းတို့အား အဝေးမှ ထိန်းချုပ်နေခြင်းဖြစ်သော်လည်း ခလုတ်တည်နေရာအား မည်သူမျှ မသိချေ။ နည်းပညာရှင်များမှာ ထိန်းချုပ်မှု ဆက်သွယ်ချက်အား ဖြတ်တောက်ရန် နည်းလမ်းတစ်ခုရှာဖွေရန် အရေးတကြီး လုပ်ဆောင်နေကြသော်လည်း ၎င်းမှာ အချိန်များစွာယူရတော့မည်ဖြစ်သည်။

ယခုအချိန်တွင် သူတို့ မရှိမဖြစ် လိုအပ်နေသည်မှာ အချိန်သာဖြစ်သည်။

ဖေးလုယောင် ခလုတ်အား သူ့ကိုယ်၌ ထားရှိမည်မဟုတ်ပေ။ သူ ထားရှိခဲ့လျှင်ပင်၊ ၎င်းအား ချက်ချင်း ဆွဲယူရန် သူတို့ မရဲကြပေ။ အကယ်၍ သူ အမှန်တကယ် နှိပ်လိုက်လျှင် ဘာဖြစ်မလဲ? ဖေးမိသားစု စစ်ပွဲကာလအတွင်း ဤပစ္စည်းများ မည်မျှသိုလှောင်ထားခဲ့သနည်း။

ရာစုနှစ်ပေါင်းများစွာ ရှင်သန်ခဲ့သော မိသားစုတစ်စုအား မည်သူကမျှ လျှော့မတွက်သင့်ပေ။ ဤ ဖော်ထုတ်မှုသာမရှိခဲ့ပါက၊ မြို့တော်၌ ထိုကဲ့သို့သော လျှို့ဝှက်အန္တရာယ်များ ရှိနေကြောင်း သူတို့ လုံးဝသိရှိမည်မဟုတ်ပေ။

ကံမကောင်းစွာဖြင့်၊ လက်ရှိအခြေအနေမှာ ပိုမို ကောင်းမွန်လာခြင်း မရှိသေးပေ။

ဖေးလုယောင်နှင့် သူ့လူများ ၎င်းတို့၏ အစီအစဉ်အား စွန့်လွှတ်ရန် ဆွဲဆောင်စည်းရုံးနိုင်ခြင်း မရှိပါက၊ ထိခိုက်ဒဏ်ရာရမှုများ ရှောင်လွှဲ၍မရသော အမှန်တရားဖြစ်လာတော့မည်ဖြစ်သည်။

မရေမတွက်နိုင်သော လူများ၏အကြည့်အောက်တွင် ဖေးယီကျန့် ဓားမြှောင်အား ဖြည်းညင်းစွာ ကောက်ယူလိုက်သည်။

"ယီကျန့်!"

ဖေးရှင်းလင် အော်ခေါ်လိုက်သည်။

"မလုပ်နဲ့!"

ထို့နောက် သူ ဖေးလုယောင်ထံသို့ တစ်ဖန် ပြန်လှည့်လာကာ တောင်းပန်လိုက်သည်။

"တတိယအစ်ကို၊ ကျွန်တော် တောင်းပန်ပါတယ်! ခင်ဗျားမှာ ကျွန်တော့်အပေါ် မကျေနပ်တာရှိရင် ကျွန်တော့်ဆီပဲ လာပါ!"

နောက်တစ်စက္ကန့်တွင် ဖေးရှင်းလင် သူ့ကိုယ်သူ ရိုက်လိုက်ပြီးနောက် ဖေးလုယောင် ရှေ့တွင် ဒူးထောက်လိုက်သည်။

"ဖေးမိသားစုကို ကောင်းကောင်းမဦးဆောင်နိုင်ခဲ့တဲ့ ကျွန်တော့် အမှားပါ! ကျေးဇူးပြုပြီး ဒီလို အမှားမျိုး ထပ်မလုပ်ပါနဲ့တော့!"

သို့သော် ပါဝင်ပတ်သက်နေသောပုဂ္ဂိုလ် ဖေးယီကျန့်ကမူ ဤရုန်းရင်းဆန်ခတ် အခြေအနေတွင်ပင် အမူအရာမပျက်တည် ငြိမ်နေသည်။

"ဖေးလုယောင်၊ ခင်ဗျား တောင်းဆိုတဲ့အတိုင်း ကျွန်တော် လုပ်ပေးနိုင်တယ်"

သူ လက်ထဲရှိ ဓားမြှောင်အား ကျွမ်းကျင်စွာ လှည့်၍ပြောလိုက်သည်။

"ဒါပေမဲ့၊ ကျွန်တော် တစ်ခုသိချင်တယ်"

"အဲဒီတုန်းက၊ အဲ့ဒီသုံးယောက်အပြင် ကျွန်တော့် မိဘတွေကို သတ်ဖို့ ကြံစည်တဲ့ အစီအစဉ်မှာ တခြားဘယ်သူတွေ ပါဝင်ခဲ့သေးလဲ"

နန်ယု ပေးခဲ့သောဗီဒီယိုတွင် ဖေးမိသားစုဝင် သုံးဦးသာရှိခဲ့သည်။ ပြိုင်ဘက်မိသားစုတွင် ခွေးချင်းကိုက်မှု သက်သေအချို့ ရှိခဲ့သည့်တိုင် တရားခံသုံးဦးသာပေါ်ထွက်ခဲ့သည်။

ထိုအဖြစ်အပျက် ဖြစ်ခဲ့သည်မှာ နှစ်နှစ်ဆယ် ရှိခဲ့ပြီ။ မည်မျှ ခိုင်မာသော သက်သေများရှိခဲ့ပါစေ၊ အချိန်ကြာလာသည်နှင့်အမျှ ပျောက်ကွယ်သွားရတော့သည်။

သို့သော် ဖေးယီကျန့် စိတ်ထဲတွင်မူ ထိုသုံးဦးတည်းသာ နောက်ကွယ်ကကြိုးကိုင်သူများ ဖြစ်နိုင်မည် မဟုတ်ချေ။

ဖေးမိသားစု တစ်ခုလုံးတွင် တိုက်ရိုက်အမွေဆက်ခံသူများ သေဆုံးသွားစေရန် ဆန္ဒရှိသူများရေတွက်၍ပင် မရနိုင်အောင် များပြားသည်။

သွေးသားအရင်းအချာ ဆွေမျိုးရင်းချာ မဟုတ်သည်များကို ပြောဖွယ်ရာ မလိုပေ။ ညီအစ်ကိုမောင်နှမများကြားတွင်ပင် ကြီးမားသော စည်းစိမ်ဥစ္စာအား စားသုံးရသောအခါ အပေး အယူ တွက်ချက်ခြင်းမှာ ပုံမှန်လိုလိုသာ။

သို့သော် မည်မျှပင် ပုံမှန်ဖြစ်ပါစေ၊ ဖေးယီကျန့် ၎င်းအား လက်ခံပြီး ထိုသူများကို လွှတ်ပေးလိမ့်မည်ဟု မဆိုလိုချေ။

သူ၏တစ်ခုတည်းသော သွေးသားများမှာ ဖခင်နှင့် မိခင်သာ ဖြစ်သည်။ သူ့အား ငယ်စဉ်ကတည်းက ဂရုစိုက်ချစ်ခင်ခဲ့ပြီး အန္တရာယ်မှကာကွယ်ပေးခဲ့သည့် တစ်ဦးတည်းသောမိသားစုဖြစ်သည်!