အဆိပ်ကိုကုသခြင်း....

Vol. 47 Ch. 703

လင်းယွမ်၏ နောက်ရှိ ကောင်းကင်တွင် အကိုဝူက လျင်မြန်စွာ ပျံသန်းလာပြီး သူ၏ ကြီးမားသော နတ်အသိဖြင့် ကောင်းဝူယောင်ကို ချုပ်နှောင်ထားသည်။ အကိုဝူ၏ နာမည်က ဝူရှန်းယန်ဖြစ်သည်။။

" သွေးလွတ်မြောက်ခြင်းနည်းလမ်းက မူလရင်းမြစ်ကို သုံးစွဲတာပဲ။ နတ်ဆိုးခြင်ဆီအဆိပ်ကိုပါ ထည့်ပေါင်းရင် ကောင်းဝူယောင် မင်းကြာကြာခံနိုင်မှာမဟုတ်ဘူး။ " ဝူရှန်းယန်က တွေးလိုက်သည်။

သူက ကောင်းဝူယောင်နှင့် ဆက်ဆံရေးမှာ အမှန်တကယ် နက်ရှိုင်းခဲ့သော်လည်း မိမိ၏ တိုးတက်မှုလမ်းကြောင်းက ပိုအရေးပါသည်။ ကပ်ဘေးကျော်လွှားခြင်းအဆင့်သို့ တက်လှမ်းပြီးနောက် ဝူရှန်းရန်က သူ၏ ကိုယ်ပိုင်ပါရမီဖြင့် မဟာယနအဆင့်သို့ တက်လှမ်းရန် အခွင့်အရေး မရှိသလောက်ဖြစ်သည်ကို နားလည်ခဲ့သည်။

နောက်တစ်ဆင့်ကို တက်လှမ်းရန်အတွက် သူက ပြင်ပအခွင့်အရေးများအပေါ် မှီခိုရမည်ဖြစ်သည်။ ထို့ကြောင့် မကြာသေးမီနှစ်များအတွသ်း သူက အနီးရှိ အမွေအနှစ်များကို အရူးအမူး ရှာဖွေခဲ့ပြီး သူ၏ ဘေးကင်းရေးကို သေချာစေရန်အတွက် ကောင်းဝူယောင်ကိုပါ ခေါ်သွားခဲ့သည်။

ဝူရှန်းယန်၏ မျက်လုံးထဲတွင် ကောင်းဝူယန်က နယ်ရုပ်တစ်ရုပ်သာဖြစ်ပြီး လိုအပ်လျှင် စွန့်ပစ်နိုင်သည်။

" ငါမမှားဘူး။ အင်အားကြီးသူဖြစ်လာဖို့ ပြတ်သားရက်စက်ရမယ်။ အခွင့်အလမ်းတစ်ခု ရှေ့ရောက်လာရင် ရင်းနှီးတဲ့ ဆွေမျိုးကိုတောင် စွန့်လွှတ်ရဲရမယ်။ သူငယ်ချင်းမိတ်ဆွေတွေဆို ပြောစရာတောင်မလိုဘူး။ " ဝူရှန်းယန်၏ အတွေးများက လှုပ်ရှားသွားပြီး စိတ်အားထက်သန်လာသည်။

ဤတစ်ကြိမ် သူတို့ စူးစမ်းရှာဖွေသော အမွေအနှစ်များထဲတွင် ကျောက်စိမ်းအင်မော်တယ်အဆင့်ရှိ အခွင့်အလမ်းကို အမှန်တကယ် တွေ့ရှိခဲ့သည်။ ၎င်းက ကျောက်စိမ်းအင်မော်တယ်ဖြစ်သည်။

ရွှမ်ထျန်းအင်မော်တယ်နယ်မြေမှာပင် ကျောက်စိမ်းအင်မော်တယ်က မြင့်မားသော အဆင့်အတန်းကို ပိုင်ဆိုင်လေသည်။ ၎င်းတို့ထံမှ အခွင့်အလမ်းအနည်းငယ်က သူ့ကို မဟာယနအဆင့် သို့မဟုတ် ရွှေအင်မော်တယ်အဆင့်သို့ပင် တက်လှမ်းစေနိုင်သည်။

" ကံမကောင်းတာ အဲ့ဒီတုန်းက ကောင်းဝူယောင်က ကျောက်စိမ်းအင်မော်တယ်အခွင့်အလမ်းနဲ့ ပိုနီးကပ်နေလိူ့ သူက အရင်ယူသွားတယ်။ "

ဝူရှန်းယန်က စိတ်လောနေသည်။ သူအမြန်မလှုပ်ရှားလျှင် ကောင်းဝူယောင်က ကျောက်စိမ်းအင်မော်တယ်အခွင့်အလမ်းကို ဖျက်ဆီးပစ်နိုင်သည်။

" ကောင်းဝူယောင်သေရမယ်။ " ဝူရှန်းယန်က စိတ်ထဲမှ တွေးလိုက်သည်။

ကောင်းဝူယောင်က ကျောက်စိမ်းအင်မော်တယ် အခွင့်အလမ်းကို မယူခဲ့လျှင်တောင် ဝူရှန်းယန်က သူ့ကို လွှတ်ပေးမည်မဟုတ်ပေ။ ၎င်းက ကျောက်စိမ်းအင်မော်တယ် အခွင့်အလမ်းဖြစ်သည်။ လူနည်းနည်းပိုသိလေ ပိုကောင်းလေဖြစ်သည်။

ကျောက်စိမ်းအင်မော်တယ် အခွင့်အလမ်းကိစ္စပေါက်ကြားသွားလျှင် မဟာယနအဆင့်များ သို့မဟုတ် ရွှေအင်မော်တယ်အဆင့်များပင်လျှင် အာရုံစိုက်လာကြပေလိမ့်မည်။ ထိုအချိန်ကျလျှင် သူက ကျောက်စိမ်းအင်မော်တယ် အခွင့်အလမ်းကို ထိန်းသိမ်းနိုင်တော့မည်မဟုတ်ပေ။ ထို့ကြောင့် ကျောက်စိမ်းအင်မော်တယ် အခွင့်အလမ်းကို သိရှိသော လူတိုင်း သေရမည်ဖြစ်သည်။

" ကျောက်စိမ်းအင်မော်တယ်အခွင့်အလမ်းကို ရတာနဲ့ ကန်ဝူမြို့ကို သွားပြီး တံခါးပိတ်ကျင့်ကြံမယ်။ မဟာယနအဆင့်ကို မရောက်မချင် အပြင်မထွက်တော့ဘူး။ " ဝူရှန်းယန်က စိတ်ထဲမှ အစီအစဉ်ဆွဲလိုက်သည်။

[ သင်က ကောင်းကင်ကိုဆန့်ကျင်သော နားလည်နိုင်စွမ်းဖြင့် အမည်မသိအဆိပ်ကို လေ့လာပြီး ထိုအဆိပ်ကို ကျွမ်းကျင်သွားပါပြီ။ ]

လင်းယွမ်က သွေးလွတ်မြောက်ခြင်းနည်းစနစ်ဖြင့် ဆက်လက်ထွက်ပြေးနေစဉ် သူ၏ ခန္ဓာကိုယ်ထဲမှ အဆိပ်ကို လေ့လာပြီး နတ်ဆိုးခြင်ဆီအဆိပ်ကို ကျွမ်းကျင်သွားခဲ့သည်။ သူက ထိုအဆိပ်ကို အပြည့်အဝ နားလည်ပြီး အလွယ်တကူ အဆိပ်ဖြေနိုင်သွားပြီဖြစ်သည်။

နတ်ဆိုးခြင်ဆီအဆိပ်က ကြောက်စရာကောင်းသော်လည်း လင်းယွမ်၏ နယ်ပယ်က အလွန်မြင့်များပြီး အလွှာဆယ့်တစ် အထွတ်အထိပ် အလွှာဆယ့်နှစ်နှင့် နီးစပ်နေပြီဖြစ်သည်။ နတ်ဆိုးခြင်ဆီအဆိပ်က ကပ်ဘေးကျော်လွှားခြင်းအဆင့် ဖြစ်ပြီး လင်းယွမ်၏ မျက်လုံးထဲတွင် အရေးမပါလှပေ။

" နတ်ဆိုးခြင်ဆီအဆိပ်ကို ဖြေဖို့က အရမ်းရိုးရှင်းတယ်။ " လင်းယွမ်က လေ့လာခြင်းကို ရပ်တန့်ပြီး သူ၏ ချီနှင့်သွေးကို လှည့်ပတ်လိုက်သည်။

နတ်ဆိုးခြင်ဆီအဆိပ် ဖြေနည်းက အင်မော်တယ်များ၏ မျက်လုံးထဲတွင် မြင့်မားသော အင်မော်တယ်လမ်းစဉ် မူလရင်းမြစ်ဖြင့်သာ ဖြေရှင်းနိုင်သည်။ ထို့ကြောင့် ကပ်ဘေးကျော်လွှားခြင်းအဆင့် နတ်ဆိုးခြင်ဆီအဆိပ်ကို ဖြေရှင်းရန် ရွှေအင်မော်တယ်အဆင့်ရှိ အင်မော်တယ်လမ်းစဉ် မူလရင်းမြစ်ကို လိုအပ်သည်။

သို့သော် ထိုအဆိပ်ကို လုံးဝ ကျွမ်းကျင်နားလည်ပြီးသောအခါ လင်းယွမ်က အန္တရာယ်မရှိဘဲ အဆိပ်ကို ပြန်လည်တိုက်ဖျက်လိုက်သည်။ လင်းယွမ်၏ ထိန်းချုပ်မှုအောက်တွင် ချီနှင့်သွေးများက သိမ်မွေ့စွာ ရောနှောသွားပြီး ရုပ်ခန္ဓာနှင့် စိတ်ဝိညာဉ်ထဲတွင် အမြစ်တွယ်နေသော နတ်ဆိုးခြင်ဆီအဆိပ်ဆီသို့ ရောက်ရှိသွားသည်။

နတ်ဆိုးခြင်ဆီအဆိပ်က တဖြည်းဖြည်း အသက်စွမ်းအားများအဖြစ် ပြောင်းလဲပြီး လင်းယွမ်၏ ဒဏ်ရာများကို စတင်ကုသပေးသည်။ နတ်ဆိုးခြင်ဆီအဆိပ်က အလွန်ပြင်းထန်သော်လည်း ၎င်းကို ပြောင်းလဲပြီး တိုက်ရိုက်စုပ်ယူလိုက်လျှင် ကြီးမားသော အားဖြည့်ဆေးတစ်ခု ဖြစ်သည်။

" ဖြေရှင်းပြီးပြီ။ " လင်းယွမ်က သူ၏ ခန္ဓာကိုယ်ထဲမှ နတ်ဆိုးခြင်ဆီအဆိပ်ကို ဖြေရှင်းလိုက်နိုင်သည်။

အမှန်တွင် နတ်ဆိုးခြင်ဆီအဆိပ်မိသူတစ်ယောက်ကို ကယ်တင်ရန် မူလရင်းမြစ်ကို သုံးစွဲလိုသော ရွှေအင်မော်တယ်တစ်ပါးရှိလျှင်တောင် အချိန်များစွာ လိုအပ်ပေလိမ့်မည်။ ထို့အပြင် ရွှေအင်မော်တယ်တစ်ပါးက ကပ်ဘေးကျော်လွှားခြင်းအဆင့်တစ်ယောက်ကို ကယ်တင်ရန်အတွက် မူလရင်းမြစ်ကို အသုံးပြုရန် မသေချာပေ။ မူလရင်းမြစ်ကို သုံးစွဲခြင်းက ခွန်အားကျဆင်းစေနိုင်ပြီး ရွှေအင်မော်တယ်များအတွက်ပင် အန္တရာယ်ရှိနိုင်လေသည်။

" ဟမ် ကောင်းဝူယောင်က ရပ်လိုက်တာလား။ " ကောင်းကင်မှ ဝူရှန်းယန်က အနည်းငယ် အံ့ဩသွားသည်။

" သူက တောင့်မခံနိုင်တော့ဘူးထင်တယ်။ " ဝူရှန်းယန်၏ ခန့်မှန်းချက်အရ သွေးအနှစ်သာရကို လောင်ကျွမ်းခြင်း၊ ပြင်းထန်သော ဒဏ်ရာများနှင့် နတ်ဆိုးခြင်ဆီအဆိပ်ကြောင့် ကောင်းဝူယောင်က ယခုထိသာ ခံနိုင်လေသည်။

" ကျောက်စိမ်းအင်မော်တယ် အမွေအနှစ် မပျက်စီးသွားဖို့ မျှော်လင့်ရမှာပဲ။ " ကောင်းဝူယောင်က မသေဆုံးမီ ကျောက်စိမ်းအင်မော်တယ်အမွေအနှစ်ကို ဖျက်ဆီးရန် ကြိုးစားလိမ့်မည်ဟု ဝူရှန်းယန်က တွေးထားသည်။

ကျောက်စိမ်းအင်မော်တယ်အဆင့်ရှိ ပစ္စည်းများနှင့် အင်မော်တယ်ရတနာများကို ကောင်းဝူယောင်က မဖျက်ဆီးနိုင်သော်လည်း နည်းစနစ်များနှင့် အမွေအနှစ်များကို ဖျက်ဆီးပစ်နိုင်သည်။ သို့သော် ကျောင်းစိမ်းအင်မော်တယ်၏ ပျက်စီးလွယ်သော နည်းစနစ်များပင် အလွယ်တကူ ဖျက်ဆီးနိုင်မည်မဟုတ်ပေ။

ဝူရှန်းယန်က ရပ်တန့်ပြီး အဝေးရှိ ကောင်းဝူယောင်ကို ကြည့်လိုက်သည်။

" ကောင်းဝူယောင် မင်းဘာလို့ဆက်မပြေးတော့တာလဲ။ " ဝူရှန်းယန်က ကောင်းဝူယောင်ကို ဂရုတစိုက် လေ့လာနေသည်။

" ကောင်းဝူယောင် မင်း နောက်ဆုံးစကားပြောချင်သေးလား။ " ဝူရှန်းယန်က ကောင်းဝူယောင်ကို ကြည့်ပြီး ထူးခြားသော ခံစားချက်တစ်ခုကို ရလိုက်သည်။

အကြောင်းရင်းတစ်ခုခုကြောင့် သူ၏ ရှေ့မှ ကောင်းဝူယောင်က သူသိခဲ့သော ကောင်းဝူယောင် မဟုတ်သကဲ့သို့ ခံစားနေရသည်။

" ထားလိုက်တော့။ လုပ်စရာရှိတာ လုပ်ရမှာပဲ။ " ဝူရှန်းယန်က အနည်းငယ် စိုးရိမ်နေပြီး အပြင်းထန်ဆုံး နည်းစနစ်ကို ထုတ်ဖော်လိုက်သည်။

" ဒြပ်စင်ငါးမျိုးစက်ဝန်း... " ဝူရှန်းယန်၏ အတွေးတစ်ချက်ဖြင့် ဒြပ်စင်ငါးမျိုး၏ စွမ်းအားဖြစ်သော ရွှေ၊ သစ်သား၊ ရေ၊ မီးနှင့် မြေကြီးတို့က စတင်လည်ပတ်လာသည်။

ဒြပ်စင်ငါးမျိုး တစ်ခုစီက အခြေခံနိယာမတစ်ခု ဖြစ်သော်လည်း ပေါင်းစပ်လိုက်သောအခါ အဓိကပေါင်းစပ်နိယာမများနှင့် နီးစပ်သွားသည်။

ဝူရှန်းယန်က ကပ်ဘေးကျော်လွှားခြင်းအဆင့် အထွတ်အထိပ်သို့ ရောက်နိုင်ခြင်းမှာ ဒြပ်စင်ငါးမျိုးနိယာမ၏ နားလည်မှုတွင် မှီခိုခဲ့သောကြောင့် ဖြစ်သည်။ အမှန်တော့ သူက ဒြပ်စင်ငါးမျိုးလမ်းစဉ်အတိုင်း ဆက်သွားလျှင် မဟာယနအဆင့်သို့ တက်လှမ်းနိုင်မည့် အခွင့်အရေးရှိသည်ကို အနည်းငယ် ခံစားခဲ့ရသည်။

သို့သော် အခွင့်အရေးအနည်းငယ်သာ ဖြစ်ပြီး အချိန်မည်မျှ ပေးရမည်ကို မသိနိုင်ပေ။ ထို့ကြောင့် ဝူရှန်းယန်က သူ၏ မျှော်လင့်ချက်များကို ပြင်ပအခွင့်အလမ်းများပေါ်တွင်သာ ထားရှိခဲ့သည်။

လင်းယွမ်က ဝူရှန်းယန်ကို ကြည့်လိုက်သည်။ သူက သူ၏ စိတ်အသိကို ခန္ဓာကိုယ်ပေါ်တွင်သာ အာရုံစိုက်ထားပြီး စိတ်စွမ်းအားဖြင့် အဆက်မပြတ် ချိန်ညှိမှုများ ပြုလုပ်နေခဲ့သည်။

လင်းယွမ်၏ အမြင်တွင် ကောင်းဝူယောင်၏ ခန္ဓာကိုယ်က မပြည့်စုံပေ။ ခွန်အားများစွာက ပေါင်းစပ်နေခြင်းမရှိပေ။ ၎င်းက ရုပ်ခန္ဓာ၏ ခွန်အား အားနည်းမှုမဟုတ်ဘဲ ပြည့်စုံမှုဖြစ်သည်။ အားအနည်းဆုံး ရုပ်ခန္ဓာပင် စွမ်းအားအမျိုးမျိုး ပေါင်းစပ်နေသရွေ့ ပြည့်စုံသည်ဟု ယူဆနိုင်သည်။

" ဒြပ်စင်ငါးမျိုး နိယာမ... " လင်းယွမ်က ခန္ဓာကိုယ်မူလပိုင်ရှင်မှာ ဝူရှန်းယန်ကို ဆွေးမျိုးတစ်ယောက်သဖွယ် သဘောထားခဲ့သည်ကို တွေးမိပြီး သက်ပြင်းချလိုက်သည်။

ပတ်ဝန်းကျင်ရှိ အချိန်လေဟာနယ်က ခိုင်မာလာပြီး ဒြပ်စင်ငါးမျိုးနိယာမအပါအဝင် နိယာမအားလုံး စတင်ပျက်စီးလာသည်။ လင်းယွမ်က အဓိကပေါင်းစပ်နိယာမဆယ်ခုကျော်ကို သတ္တမအဆင့်သို့ ရောက်ရှိခဲ့သည်။ ထို့အပြင် အချိန်လေဟာနယ်ပေါင်းစပ်နိယာမတွင်လည်း ဆဋ္ဌမအဆင့် အလယ်အလတ်သို့ ရောက်ရှိနေခဲ့သည်။

လင်းယွမ်က သူ၏ ရုပ်ခန္ဓာကို အပြည့်အဝ ချိန်ညှိခြင်းမရှိလျှင်တောင် လုံလောက်သော ခွန်အားကို ရရှိနိုင်သည်။ သူက အနည်းဆုံး ကျောက်စိမ်းအင်မော်တယ် တစ်ပါးနှင့်ရင်ဆိုင်ရလျှင်တောင် အချိန်လေဟာနယ်အပေါ် ကျွမ်းကျင်မှုကို အသုံးပြုပြီး အလွယ်တကူ ထွက်ပြေးနိုင်သည်။ ကပ်ဘေးကျော်လွှားခြင်းအဆင့် အထွတ်အထိပ်တွင်ရှိသော ဝူရှန်းယန်ကတော့ ပုရွက်ဆိတ်တစ်ကောင်သာ ဖြစ်သည်။

" ဘာလဲ..." ဝူရှန်းယန်၏ သူငယ်အိမ်များက ကျဉ်းမြောင်းသွားသည်။ သူ၏ အမြင်တွင် သူနားလည်ထားသော ဒြပ်စင်ငါးမျိုးနိယာမက လုံးဝ ပျောက်ကွယ်သွားသည်။ ခဏအတွင်း ဒြပ်စင်ငါးမျိုးနိယာမသာမက အခြားနိယာမများ၏ လှုပ်ရှားမှုများကလည်း ပျောက်ကွယ်သွားပြီး နိယာမများမရှိသော နယ်ပယ်တစ်ခုကို ရောက်ရှိသွားသည်။

" ပြေး..." ဝူရှန်းယန်က အလွန်ကြောက်လန့်သွားပြီး အခြေအနေကို နားမလည်သော်လည်း ချက်ချင်း ဝေးရာသို့ ထွက်ပြေးခဲ့သည်။

ဝူရှန်းယန်က အဝေးသို့ မရောက်မီ ပတ်ဝန်ကျင်ရှိ အချိန်နှင့် လေဟာနယ်က စတင်ပြောင်းလဲလာပြီး ၎င်းတို့က သူ၏ လက်ဖဝါးထဲတွင် ဆုပ်ကိုင်ထားသကဲ့သို့ ဖြစ်နေသည်။

အဆိပ်ကိုကုသခြင်း....

Vol. 47 Ch. 703

" ကောင်းဝူယောင်သေရမယ်။ " ဝူရှန်းယန်က စိတ်ထဲမှ တွေးလိုက်သည်။

ဝူရှန်းယန်က ရပ်တန့်ပြီး အဝေးရှိ ကောင်းဝူယောင်ကို ကြည့်လိုက်သည်။