အင်တာဗျူး
Vol. 3 Ch. 31
မကြာခင်မှာပဲ ကျုံးယန်က ကိစ္စအားလုံးကို ဆောင်ရွက်ပြီးစီးသွားသည်။
"မင်းမှာ တခြား လိုအပ်ချက်တွေ ရှိသေး လား"
ကျုံးယန်က မေးသည်။
ထန်ထျန်းက စဉ်းစားပြီး "ဝိညာဉ်အသွင်ပြောင်းခြင်း အဆင့် ပြောရဆိုရ လွယ်တဲ့ စိတ်နေသဘောထား ရှိရမယ်" ဟု ပြောသည်။
"တကယ်တော့ ၊ သွယ်လျလှပတဲ့ ကိုယ်ခန္ဓာ ရှိရင် အကောင်းဆုံးပဲ။ ဘာလို့လဲဆိုတော့ မျက်စိပသာဒ ဖြစ်တာပေါ့ "
"အကြီးအကဲ နားလည်ပါတယ်"
ကျုံးယန်က အဓိပ္ပာယ်ပါတဲ့ အပြုံး တစ်ခု ပြုံးပြီးနောက် "ငါ တတ်နိုင်သမျှ ကြိုးစားပေးမယ်။ မင်းရဲ့ လိုအပ်ချက်အားလုံးကိုတော့ ဖြည့်ဆည်းပေးနိုင်မှာ မဟုတ်ဘူး" ဟု ပြောသည်။
"ဒါပေမဲ့ ဂိုဏ်းဘက်ကတော့ မင်းတို့ နှစ်ဦးကြားကို ချိတ်ဆက် ပေးဖို့ပဲ တာဝန်ယူတယ်။ လူကို ခေါ်ထား နိုင် မနိုင်ဆိုတာက မင်းရဲ့ အရည်အချင်းပေါ်မှာပဲ မူတည်တယ်"
ထန်ထျန်း ခေါင်းညိတ်သည်။
တကယ်တော့ အကျိုးဆောင် လိုပင်။
"အကျိုးဆောင်ခ..."
"အဟမ်း၊ ဒါက ဘယ်လို အခကြေးငွေ ကောက်ခံ တာလဲ?"
ထန်ထျန်း စကားမဆုံးခင် ရပ်သွားသည်။
ကျုံးယန်က "ဒီနေ့ ဒီမှာ စာ ထုတ်ပြန်ပေးမယ်။ မနက်ဖြန်ကစပြီး လူတချို့က မင်းကို လာရှာလိမ့်မယ်"
"သင့်တော်တဲ့သူကို ရှာပြီးသွားရင် ငါ့ ကို အသိပေးပါ။ ငါ စာရင်းသွင်း ပြီး စာ ကို ဖယ်ရှားပေးမယ်"
"လူတစ်ယောက် လာတိုင်း စိတ်ဝိညာဉ်ကျောက် တစ်သန်း ပေးရမယ်။ ဒါက မိတ်ဆက်ခ နဲ့ အတူတူပဲ"
"မင်းတို့ မဆွေးနွေးနိုင်ခဲ့ရင် ပုံမှန်အားဖြင့် အချိန် လျော်ကြေး အဖြစ် တစ်ဖက်လူကို စိတ်ဝိညာဉ်ကျောက် တစ်သိန်း ပေးရဦးမယ်"
"တကယ်တော့ တစ်စုံတစ်ယောက်က ဒီအခွင့်အရေးကို အသုံးချပြီး မရိုးမသား ငွေရှာနေတယ်ဆိုရင် မင်း ငါ့ ကို ပြောလိုက်ရုံပဲ။ ဂိုဏ်းက သင့်တော်တဲ့ ပြစ်ဒဏ်ကို ပေးလိမ့်မယ်"
ထန်ထျန်းက ခဏတာ စဉ်းစားသည်။ ဒီစည်းမျဉ်းက အင်တာဗျူး လုပ်တာနဲ့ အတူတူပဲ မဟုတ်လား။
ပြီးတော့ အခကြေးငွေယူတဲ့ အင်တာဗျူး တောင် ဖြစ်နေလေသည်။
မှန်တာပေါ့ ဒီလိုမှသာ တန်းတူ ဆက်ဆံရေး လို့ ခေါ်နိုင်မှာပင် ။
အရင်ဘဝ က ကုမ္ပဏီတွေလို မဟုတ်ပေ ။ အားလုံးက မာနကြီးတဲ့ ပုံစံ မျိုး ပြနေကြပြီး အင်တာဗျူး အောင်သည်ဖြစ်စေ မအောင်သည်ဖြစ်စေ "အကြောင်း ပြန်တာ စောင့်ပေး ပါ" ဆိုတဲ့ စကားတစ်ခွန်းပဲ ပြောလေ့ရှိသည် ။
လွန်လွန်းတယ်ကွာ
"နားလည်ပါပြီ"
ထန်ထျန်းက ခေါင်းညိတ်ပြီး အထွတ်အထိပ် စိတ်ဝိညာဉ်ကျောက် တစ်ရာ ထပ်ထုတ်လိုက်သည်။
"ဒါဆို ကျွန်တော် မိတ်ဆက်ခ နည်းနည်း ကြိုပေးထားလိုက်မယ်နော် "
"မလောက်ရင် နောက်မှ ထပ်ဖြည့်ပေးပါ့မယ်"
ကျုံးယန်က ပြုံးပြီး ခေါင်းညိတ်လိုက်သည်။
လူတစ်ယောက်ကို တစ်သန်း အထွတ်အထိပ် စိတ်ဝိညာဉ်ကျောက် တစ်ရာက သန်းတစ်ရာ ဖြစ်နေပြီပင်။
သေချာပေါက် လုံလောက်တာပေါ့။
ထန်ထျန်းက ဧည့်သည် ကို ရှာပြီးရင် ကျန်နေတဲ့ စိတ်ဝိညာဉ်ကျောက် ကို မျက်နှာပြောင်တိုက်ပြီး ပြန်တောင်းမှာ မဟုတ်ဘူးလို့ သူ ယုံကြည်သည်။
လုပ်ထုံးလုပ်နည်း အားလုံး ပြီးစီးပြီးနောက် ထန်ထျန်းက ကိုယ်ပိုင် အခန်း ကနေ ထွက်လာပြီး ကုရှောင်းရွှယ် ကို ခေါ်ကာ ဂုဏ်ထူးဆောင်ခန်းမ ကနေ အတူတူ ထွက်လာခဲ့သည်။
လမ်းမှာ ထန်ထျန်းက မေးသည်။ "ရှောင်းရွှယ်၊ အဲဒီ အကြီးအကဲကျုံးယန် က ဘယ်လိုလုပ် မင်းကို တွေ့တာလဲ"
ကုရှောင်းရွှယ် အံ့အားသင့်သွားပြီးနောက် "စီနီယာအစ်မ က သူ့ကို ခေါ်လာတာ"
"စီနီယာအစ်မ က လှိုဏ်ဂူထဲမှာပဲ ကျင့်ကြံနေလို့ မဖြစ်ဘူး။ အပြင်လောကနဲ့ ပိုပြီး ဆက်ဆံသင့်တယ်လို့ ပြောတယ်။ ကျွန်မကလည်း ဝိညာဉ်အသွင်ပြောင်းခြင်း ဆေးလုံး ဝယ်ဖို့ ပိုက်ဆံ လိုနေတာနဲ့ အကြီးအကဲကျုံး ကို သွားရှာခဲ့တာ"
ထန်ထျန်း တိတ်ဆိတ်သွားပြီး ထပ်မံ မေးသည်။ "မင်းနဲ့ စီနီယာအစ်မက ဆက်ဆံရေး ကောင်းလား"
ကုရှောင်းရွှယ်က ပြုံးကာ "ဟုတ်တာပေါ့"
"ကျွန်မ တောင်ပေါ်ကို ရောက်လာကတည်းက ကျွန်မကို အကောင်းဆုံး ဂရုစိုက်ပေးခဲ့တာ စီနီယာအစ်မ ပဲ"
"ကျင့်ကြံမှုနဲ့ ဂိုဏ်းကိစ္စတွေ အများစုကို သူမကပဲ သင်ပေးခဲ့တာ"
ထန်ထျန်း ဆွံ့အသွားသည်။
ဒီ စီနီယာအစ်မ က ကုရှောင်းရွှယ်ကို ဒီလောက် ဂရုစိုက်နေရင် ကျုံးယန်က ကုရှောင်းရွှယ်ကို သူ့ဆီ ပို့ပေးရတဲ့ ရည်ရွယ်ချက်ကို မသိဘူးလား။
အနည်းဆုံးတော့ သူ့ အကြောင်း စုံစမ်းသင့်တယ် မဟုတ်လား။
သူမ ဘာလုပ်ချင်နေတာလဲ။
ထန်ထျန်း မသိသလို ခန့်မှန်းလို့လည်း မရပေ။
ဒါပေမဲ့ သူ သေချာတာကတော့ အဲဒီ စီနီယာအစ်မ က ကုရှောင်းရွှယ် ထင်နေသလိုမျိုး သူမကို ဂရုစိုက် တာမျိုး လုံးဝ မဟုတ်ပေ။
သက်ပြင်းအရှည်ကြီး ချပြီး ထန်ထျန်းက ဒီရှုပ်ထွေးတဲ့ အတွေးတွေကို ဖယ်ရှားလိုက်သည်။
"ငါ ဧည့်သည် တွေကို စရှာနေပြီ"
"ဒီကာလအတွင်းမှာ မင်း ဝိညာဉ်အသွင်ပြောင်းခြင်း အဆင့် ကို ချိုးဖျက် ဖို့ပဲ အာရုံစိုက်ထားပါ"
"ကျန်တဲ့ ကိစ္စတွေက မင်း အဆင့် တက် ပြီးမှ ဆွေးနွေးကြတာပေါ့"
ထန်ထျန်းက ပြောသည်။
ကုရှောင်းရွှယ်က ခေါင်းညိတ်သည်။
ခရမ်းရောင်ဝါးခြံဝင်း အိမ် ကို ပြန်ရောက်ပြီးနောက် နှစ်ယောက်သား ရိုးရှင်းတဲ့ ညစာစားပြီး ကုရှောင်းရွှယ်က သူမ အခန်းထဲကို ဝင်ကာ တံခါးပိတ် ကျင့်ကြံခြင်း ကို စတင်လိုက်သည်။
ထန်ထျန်းက သူမကို တာအိုဘုရားကျောင်း မှာ သွားပြီး တံခါးပိတ် ကျင့်ကြံခြင်း လုပ်စေချင်ခဲ့သည်။ ဘာလို့လဲဆိုတော့ အဲဒီမှာ တာအိုအဆင့် ကျင့်ကြံခန်း ရှိတာကြောင့် ပိုပြီး လွယ်ကူနိုင်မှာပင်။
ဒါပေမဲ့ ကုရှောင်းရွှယ်က ခရမ်းရောင်ဝါးခြံဝင်း အိမ် မှာပဲ ဆက်နေဖို့ တင်းခံနေသည် ။ သူမ အခန်းက ပိုပြီး သက်တောင့်သက်သာ ရှိတယ်ဆိုတဲ့ အဓိပ္ပာယ်မရှိတဲ့ အကြောင်းပြချက်တွေကို ပြောခဲ့သည်။
ထန်ထျန်းက သူမကို ပြောပြ လို့ မရတော့ သူမ သဘောအတိုင်း လွှတ်ထားခဲ့သည်။
ဘာလို့လဲဆိုတော့ ဝိညာဉ် အသွင်ပြောင်းခြင်း အဆင့် မရောက် ခင်မှာ ဒီနေရာနဲ့ တာအိုအဆင့် ကျင့်ကြံခန်း က တကယ်ပဲ ကွာခြားမှု သိပ်မရှိပေ။
ကုရှောင်းရွှယ် တံခါးပိတ် ကျင့်ကြံခြင်း စပြီးနောက် ထန်ထျန်းက ဖူတီ ခန်းမ ရဲ့ ဝမ်အန်းနင် ကို ဆက်သွယ်ပြီး နောက်တစ်ရက်တွင် အလှဆင်ပစ္စည်း တချို့ ထပ်ယူလာဖို့ ပြောကာ ကျန်တဲ့ ဧည့်ခန်းတွေကိုလည်း ပြင်ဆင်ဖို့ ပြောလေ သည်။
မကြာခင်မှာပဲ ဧည့်သည် အသစ်တွေ ရောက်လာတော့မှာမို့ အစီအစဉ် တွေကို လျှော့လို့ မဖြစ်ပေ။
အခြား ကိစ္စတွေ မရှိရင်တောင် ထန်ထျန်းရဲ့ အဆင့်အတန်း အရ အနည်းဆုံး မျက်နှာမပျက်ချင်ပေ။
ဒီကိစ္စတွေ ပြီးသွားတဲ့အခါ ထန်ထျန်းက ပင်မအိမ် ကို ပြန်သွားပြီး ကျင့်ကြံရင်း ဧည့်သည် တွေ ရောက်လာမယ့်အချိန်ကို စောင့်ဆိုင်းနေခဲ့သည်။
......
နောက်တစ်ရက်။
ဝမ်အန်းနင် က မနက်အစောကြီး ရောက်လာပြီး အရင်လို အကောင်းဆုံး အလှဆင်ပစ္စည်း တွေကို ယူလာခဲ့သည်။
ထန်ထျန်းက သူ့ကို စကားပြောပြီး ပစ္စည်းတွေကို ထားခဲ့ကာ ဧည့်သည် တွေ ရောက်လာပြီးနောက် သူတို့ရဲ့ ကိုယ်ပိုင် စိတ်ကြိုက် အလှဆင်နိုင်စေဖို့ လုပ်ထားလေ သည်။
ဝမ်အန်းနင် ထွက်သွားပြီး တစ်နာရီခန့်အကြာမှာ ပထမဆုံး ဧည့်သည် က "အင်တာဗျူး" အတွက် ရောက်လာသည်။
သူမက အေးစက်ပြီး ဆွဲဆောင်မှုရှိတဲ့ အဓိက တပည့် တစ်ယောက် ဖြစ်ပြီး ဝိညာဉ်အသွင်ပြောင်းခြင်း အလယ်အဆင့် ရှိပြီး အော်ရာ ပြင်းထန်သည်။
သူမ ရောက်လာတာနဲ့ ဝိညာဉ်စွမ်းအင် နဲ့ ထန်ထျန်း တစ်ကိုယ်လုံးကို စစ်ဆေး လိုက်သည်။
ထန်ထျန်း စကားတောင် မပြောဘဲ စိတ်ဝိညာဉ်ကျောက် တစ်သိန်း ပေးပြီး လာရာလမ်းကို ပြန်သွားဖို့ ပြောလိုက်သည်။
အားလုံးက တန်းတူ ဆက်ဆံရေး ဖြစ်နေတာကို မင်းက ဘာလို့ ဒီလို မာနကြီးတဲ့ ပုံစံ မျိုး ပြနေတာလဲ
ခဏအကြာမှာ နောက်ထပ် ဧည့်သည် တစ်ယောက် ရောက်လာသည်။
ဒီတပည့်က ယဉ်ကျေးပုံရပြီး ထန်ထျန်းနဲ့ ရဲရဲဝံ့ဝံ့ စကားပြောသည်။
ဒါပေမဲ့ သူမက အရမ်း စကားများ ပြီး သင့်တော် တဲ့ ဒါမှမဟုတ် မသင့်တော် တဲ့ တောင်းဆိုမှုတွေ အများကြီး တောင်းဆိုတာကြောင့် နောက်ဆုံးတော့ ထန်ထျန်းက ငြင်းပယ်လိုက်သည်။
သူက ပြဿနာများတဲ့သူ ကို မကြိုက်ပေ။
ထို့နောက် နောက်ထပ် လူငယ် ကျင့်ကြံသူ တစ်ယောက် ရောက်လာသည်။ ဆွေးနွေးပြီးနောက် သိပ် မသင့်တော်ဘူးလို့ ခံစားရတာကြောင့် ထန်ထျန်းက ယဉ်ကျေးစွာ ပြန်လွှတ်လိုက်သည်။
မနက်ခင်း တစ်ခုလုံး တိတ်ဆိတ်စွာ ကုန်ဆုံးသွားသည်။ ထန်ထျန်းက အင်တာဗျူး အတွက် လာတဲ့ ဧည့်သည် ဆယ့်သုံးယောက်ကို တွေ့ဆုံခဲ့ပေမယ့် သင့်တော်တဲ့သူကို ရှာမတွေ့ခဲ့ပေ။
ထန်ထျန်း သက်ပြင်းအသာ ချလိုက်သည်။
အရင်တုန်းက လူ့စွမ်းအားအရင်းအမြစ် ဌာန တွေက ဝန်ထမ်းခေါ်ယူတဲ့အခါ ဘယ်လို ခံစားရလဲဆိုတာ သူ နားလည်လာခဲ့လေပြီ ။
ထူးဆန်းတဲ့သူ တွေ တကယ် များလှသည်။
တချို့လူတွေက သူ့ရဲ့ နာမည်ကောင်း ကို သိပြီး စိတ်ဝိညာဉ်ကျောက် ကို တမင်တကာ ပစ်မှတ်ထားပြီး လာကြသည်။ စကားပြောရင်ပဲ သန်းပေါင်းများစွာ အကြောင်း ပြောဆိုကြတာကြောင့် သူ ရယ်မောချင်စိတ် ပေါက်ပြီး ပြတ်ပြတ်သားသား ငြင်းပယ်ခဲ့သည်။
နေ့လယ်ခင်း ကို ရောက်တဲ့အခါ လာရောက်သူတွေက ဆက်လက် ရှိနေတုန်းပင်။
ဒါက နာမည်ကြီးသူရဲ့ အကျိုးသက်ရောက်မှု ပင် ဖြစ်နိုင်သည်။
ဒါပေမဲ့ လူများတာကလည်း အားသာချက် ရှိသည် ။ ထန်ထျန်းက နောက်ဆုံးတော့ သင့်တော်တဲ့သူ တစ်ယောက်ကို တွေ့ခဲ့သည်။
လီဟုန်၊ အဓိက တပည့်၊ နှစ်ဆယ့်ရှစ်နှစ် အရွယ် ဝိညာဉ် အသွင်ပြောင်းခြင်း အစောပိုင်းအဆင့် ကျင့်ကြံသူ။
ဂိုဏ်းထဲက အသေးအဖွဲ ကိစ္စများ ကို သူ သေချာ သိတာကြောင့် ထန်ထျန်းကို အပြင်က ကိစ္စများ ကို စီမံခန့်ခွဲဖို့ ကူညီပေးနိုင်သည်။
သူ့ရဲ့ တောင်းဆိုချက်တွေကလည်း အရမ်း ရိုးရှင်းသည်။ ပုံမှန် ကျင့်ကြံမှု ကို မနှောင့်ယှက်ဖို့၊ ကိစ္စရှိရင် ဆက်သွယ်ရေး ကျောက်စိမ်း နဲ့ ဆက်သွယ်ဖို့ပဲပင်။ကိစ္စတစ်ခုခုရှိရင် သူက အမြန်ဆုံး ဖြေရှင်းပေးလိမ့်မည်ဟုပင် ။
ပုံမှန်အားဖြင့် ထန်ထျန်း လိုအပ်တဲ့အခါ သူ အားရင် လာပေးလိမ့်မည် ။
"မင်း ခရမ်းရောင်ဝါးခြံဝင်း အိမ် မှာ နေမှာ မဟုတ်ဘူးလား"
ထန်ထျန်းက မေးသည်။
လီဟုန်က ပြုံးပြီး ခေါင်းခါသည်။ "ငါ က ကိုယ့် လှိုဏ်ဂူ မှာပဲ နေရတာကို ပိုကြိုက်တယ်။ လှိုဏ်ဂူရဲ့ ကျင့်ကြံမှု ပတ်ဝန်းကျင်က ခရမ်းရောင်ဝါးခြံဝင်း အိမ် ထက် အများကြီး မကောင်းဘူးဆိုရင်တောင်မှပေါ့"
"ဒါက ဧည့်သည် ရဲ့ အဆင့်အတန်းနဲ့ သိပ် မကိုက်ညီဘူးဆိုတာ ငါ သိတယ်။ ဒါပေမဲ့ ဒါက ငါ့ ရဲ့ စိတ်ပိုင်းဖြတ်မှု ပဲ"
"ဒါကြောင့်လည်း ဘယ်သူမှ ငါ့ ကို ဧည့်သည် အဖြစ် ငှားချင်စိတ် မရှိကြ တာ"
သူက ရိုးရိုးသားသား ပြောသည်။
ထန်ထျန်းက ခေါင်းညိတ်သည်။
ဒီလို ရိုးသားသူ မျိုးကို ထန်ထျန်းက ပိုပြီး ကြိုက်နှစ်သက်သည်။
သူ တောင်းဆိုတဲ့ အခြေအနေတွေက ဘာမှ မဟုတ်ပေ ။ ထန်ထျန်းက အပြင်ထွက်တဲ့အခါ လူအုပ်နဲ့ ထွက်ရတဲ့ ပုံစံမျိုး ကို မလိုချင်ပေ။ ကိစ္စတွေ မနှောင့်နှေးရင် ပြီးတာပဲ။
နောက်ဆုံးတွင် ထန်ထျန်းက တစ်လလျှင် စိတ်ဝိညာဉ်ကျောက် တစ်သန်း ဈေးဖြင့် လီဟုန် နဲ့ သဘောတူညီချက် ရရှိခဲ့သည်။
ပထမ သုံးလကို စမ်းသပ်ကာလ အဖြစ် သတ်မှတ်သည်။ အဆင်ပြေရင် သုံးလကြာပြီးနောက် တစ်လလျှင် သန်းနှစ်ဆယ် ဖြစ်လာလိမ့်မည်။
ဝိညာဉ် အသွင်ပြောင်းခြင်း အဆင့် ကျင့်ကြံသူ ဖြစ်တာကြောင့် ဈေးနှုန်းက မနိမ့်နိုင်ပေ။
ထန်ထျန်းက သူ့ကို ကျင့်ကြံမှု ပတ်ဝန်းကျင် ပိုကောင်းတဲ့ လှိုဏ်ဂူ တစ်ခု ဘာလို့ မငှားတာလဲလို့ မေးတဲ့အခါ လီဟုန်က ပြုံး ပြီး ပြန်ဖြေသည်။ "ကျင့်ကြံဖို့ တာအိုဘုရားကျောင်း ရှိတယ်။ လှိုဏ်ဂူ က နေထိုင်နိုင်ရင် ရပြီ။ တစ်ခါတလေဆို လုံးဝ ပြန်မလာ တာလည်း ရှိတယ်လေ "
"ကျင့်ကြံခြင်း မှာ အများ ဆုံး သုံးစွဲမှု က ဆေးဝါး နဲ့ အရင်းအမြစ် တွေပဲ"
"ငါ့ လို မိသားစု အထောက်အပံ့ မရှိတဲ့ ကျင့်ကြံသူတွေက တတ်နိုင်သမျှ ခြိုးခြံချွေတာ ရမယ်"
ထန်ထျန်း ဆွံ့အသွားသည်။ တိုတောင်းတဲ့ အချိန် အတွင်းမှာ ရုတ်တရက် ချမ်းသာလာတာကြောင့် သာမန် ကျင့်ကြံသူတွေရဲ့ အခြေအနေကို သူ အနည်းငယ် အထင်အမြင် လွဲမှား ခဲ့သည်။
ခရမ်းရောင်ဝါးခြံဝင်း အိမ် လို စျေးမကြီးတဲ့ နေရာမျိုးကို လူတွေက ပိုက်ဆံ နည်းနည်း သုံးရုံနဲ့ ငှားနိုင်တယ်လို့ သူ ထင်ခဲ့သည် ။
ဒါပေမဲ့ တကယ်တော့ ကုရှောင်းရွှယ်လို ပါရမီရှင် တစ်ယောက်တောင် ဆန်းကြယ် အဆင့် စိတ်ဝိညာဉ် ဓါး ကိုပဲ သုံးနိုင်သည် ။
"မင်း ကို ကြိုဆိုပါတယ်။ ငါ့ တို့ရဲ့ ပူးပေါင်း မှု အောင်မြင်ပါစေလို့ မျှော်လင့်မိပါတယ်"
ထန်ထျန်းက လက်ဆန့်တန်းလိုက်သည်။
လီဟုန်လည်း လက်ဆန့်တန်းလိုက်သည်။
ဒီအချိန်မှာ သူက တရားဝင် ထန်ထျန်း ရဲ့ ဧည့်သည် တစ်ယောက် ဖြစ်သွားခဲ့ပြီပင်။