ဆုငွေ သန်းတစ်ရာ
Vol. 3 Ch. 35
လေးရက် ကြာပြီးနောက်
ဒီနှစ်ရဲ့ ပထမဆုံး အတွင်းစည်းတပည့် စစ်ဆေးခြင်း က ပြင်းပြင်းထန်ထန် စတင်ခဲ့သည်။
ဒါက ရှားပါးတဲ့ ပွဲတော် တစ်ခုဖြစ်ပြီး အတွင်းစည်းတပည့်၊ အဓိက တပည့်၊ ပြီးတော့ ဂုဏ်ထူးဆောင်တပည့်၊ အကြီးအကဲ အမျိုးမျိုးတို့ စုဝေးရောက်ရှိလာကြသည်။
လူတွေက ဒီတစ်ကြိမ်မှာ ဘယ်လို ထူးချွန်တဲ့ ပါရမီရှင် တွေ ပေါ်ပေါက်လာမလဲဆိုတာကို ကြည့်ချင်ကြသည်။
မနက်ခင်းစောစော၊ ခရမ်းရောင်ဝါးခြံဝင်း အိမ်
ထန်ထျန်းက မနက်စောစော အိပ်ရာထပြီး မျက်နှာသစ် ပြီးနောက် ကုရှောင်းရွှယ် နဲ့ လန်ယွီ တို့ ညီအစ်မနှစ်ယောက်ကို ခေါ်လိုက်သည်။ လီဟုန် ကိုလည်း စာ တစ်ခု ပို့ပြီး ခရမ်းရောင်ဝါးတော ကနေ ထွက်လာခဲ့သည်။
တောင်ဘက် တောင်ထိပ် ကို တက်တဲ့ လမ်းတစ်လျှောက်မှာ ချင်းယွဲ့ဂိုဏ်းရဲ့ တပည့် တွေကို တွေ့နိုင်ပြီး သူနဲ့ အတူတူ ဦးတည်တစ်ခုတည်း ကို သွားနေကြသည်။ အခြေခံအားဖြင့် အတွင်းစည်းတပည့် စစ်ဆေးခြင်း ကို လာကြည့်သူတွေ ဒါမှမဟုတ် ဝင်ပြိုင်သူတွေပဲ ဖြစ်ကြသည်။
တောင်ဘက် တောင်ထိပ် ရဲ့ ဒီတစ်ကြိမ် စစ်ဆေးခြင်း နေရာက တောင်အနောက်ဘက် က သစ်တော ထူထပ်တဲ့ ဧရိယာ ထဲမှာ ဖြစ် သည်။
ထန်ထျန်း ဒီကို ရောက်လာတဲ့အခါ လူအများအပြား စုဝေးနေကြလေ ပြီ။
လူတွေရဲ့ ခေါင်းပေါ်မှာ ကြီးမားတဲ့ ဖန်သားပြင်ဆယ်ခု လေထဲမှာ ပျံဝဲနေပြီး သစ်တော ထဲက အခြေအနေကို မတူညီတဲ့ ထောင့် တွေကနေ ပြသနေသည်။
"သခင်လေးထန်"
လီဟုန် က ကြိုရောက်နေပြီး ဒီ စစ်ဆေးခြင်း နဲ့ ပတ်သက်တဲ့ အချက်အလက် အများကြီးကို စီစဉ်ထားသည်။ စစ်ဆေးခြင်း စည်းမျဉ်းများ၊ ပြိုင်ပွဲဝင် တပည့်များ ရဲ့ ခွန်အား၊ ပွဲကြည့် အကြီးအကဲများ အပါအဝင် အသေးစိတ် အချက်အလက် အားလုံးကို ပြည့်စုံစွာ စုစည်းထားသည်။
တောင်ဘက် တောင်ထိပ် မှာ စစ်ဆေးခြင်း ဝင်ရောက်သူ စုစုပေါင်း တစ်ထောင့်ခုနစ်ရာကျော် ရှိသည်။ ဒါပေမဲ့ နှစ်တိုင်း အောင်မြင်နှုန်း အရဆိုရင် တစ်ဝက်ခန့် သာ အောင်မြင်နိုင်သည်။
အလံ အရေအတွက်ကလည်း ဒီအချက်ကို ဖော်ပြနေသည်။
"ကြေးအလံ စုစုပေါင်း ရှစ်ရာ၊ ငွေအလံ တစ်ရာ၊ ရွှေအလံ က ဆယ်ခု ပဲ ရှိတယ်"
"ပြီးတော့ အစွမ်းအထက်ဆုံး ဖြစ်တဲ့ ဘုရင်အလံ က တစ်ခု ပဲ ရှိတယ်"
လီဟုန်က ပြောသည်။
အလံ အားလုံး ပေါင်းလိုက်ရင် ကိုးရာ့တစ်ဆယ့်တစ် သာ ရှိသည်။
ဆိုလိုသည်မှာ အတွင်းစည်းတပည့် ဖြစ်နိုင်သူက ကိုးရာကျော် သာ ရှိသည်။
"အထူးနည်းလမ်းတွေ ကို အသုံးပြုပြီး ပွဲကို နှောင့်ယှက် ခွင့်ပြုလား"
ထန်ထျန်းက မေးသည်။
လီဟုန်က "စည်းမျဉ်းတွေထဲမှာ အထူးတလည် ဖော်ပြထားခြင်း မရှိပါ ဘူး။ စစ်ဆေးခြင်း ကာလအတွင်းမှာ အဖွဲ့ဖွဲ့ခြင်း ကိုသာ ခွင့်မပြုတာ"
"အဖွဲ့ဖွဲ့တာ ကို တွေ့ရှိရင် စစ်ဆေးခြင်းကနေ ပယ်ချ မှာ "
ထန်ထျန်း ခဏတာ စဉ်းစားပြီး "ငါ့ အတွက် သတင်း ဖြန့်ပေးပါ" ဟု ပြောသည်။
"ဘယ်သူမဆို ငါ့ ကို ဘုရင်အလံ ရအောင် ကူညီပေးပြီး နောက်ဆုံးမှာ ငါ့ ကို အရှုံး ပေးရင်"
"စိတ်ဝိညာဉ်ကျောက် သန်းတစ်ရာ "
လီဟုန် ချက်ချင်း မျက်လုံး ပြူးသွားသည်။
"သခင်လေးထန်၊ သေချာရဲ့ လား"
"စိတ်ဝိညာဉ်ကျောက် သန်းတစ်ရာ က အုတ်မြစ်ချ ခြင်း အစောပိုင်း တပည့် တွေကို အရူးအမူး ဖြစ်သွားစေလိမ့်မယ်"
ထန်ထျန်းက နှုတ်ခမ်းမဲ့ကာ "အရူးအမူး ဖြစ်တာ မဖြစ်တာ ကိစ္စမရှိဘူး"
"ဒါက အကြီးအကဲ တွေ တားဆီး မှာကိုပဲ ငါ စိုးရိမ်တာ"
လီဟုန်က မျက်မှောင်ကြုတ်ပြီး ခဏတာ စဉ်းစားသည်။ "မဖြစ်နိုင်ပါဘူး"
"ဒါက စည်းမျဉ်းတွေထဲမှာ တားမြစ် ထားတဲ့ ကိစ္စ မဟုတ်ဘူး။ ပြီးတော့ ဒီလို လုပ်လိုက်ရင် စစ်ပွဲ က ပိုပြီး ပြင်းထန် လာမှာ သေချာတယ်။ အကြီးအကဲ တွေကလည်း ဒီကနေတစ်ဆင့် ပြိုင်ပွဲဝင်သူ တွေရဲ့ တကယ့် ခွန်အား ကို ပိုပြီး ရှင်းရှင်းလင်းလင်း ခွဲခြားနိုင်လိမ့်မယ်"
"ဒါကြောင့် သူတို့ တားဆီး ဖို့ အခွင့်အရေး အများကြီး မရှိဘူး"
ထန်ထျန်းက ခေါင်းညိတ်သည်။
သူလည်း ဒီလိုပဲ တွေးခဲ့သည်။ ပြီးတော့ လီဟုန် မပြောခဲ့တဲ့ အချက်တစ်ခု ရှိသေးသည်။ ဒီလို ဆုငွေ က တပည့် တချို့ရဲ့ စိတ်သဘောထား ကိုလည်း တစ်စိတ်တစ်ပိုင်း ခွဲခြား နိုင်သည်။
ဒါက အကြီးအကဲ တွေအတွက် ကောင်းမွန်တဲ့ ကိစ္စ ပင်။
မျှတမှု ဆိုတာက...
စိတ်မကောင်းပါဘူး။ ဒီလောကကြီးက မူလကတည်းက မမျှတ ပေ ။ သူတို့ရဲ့ ကိုယ်ပိုင် အကျိုးစီးပွား ကို မထိခိုက်သရွေ့ ဘယ်သူမှ ဘာမှ ပြောမှာ မဟုတ်ပေ ။
"ဒီအတိုင်း လုပ်ပါ"
ထန်ထျန်းက ပြောသည်။
မကြာခင်မှာပဲ လီဟုန်က သတင်း ကို ဖြန့်ဖို့ ထွက်သွားသည်။
သိပ်မကြာခင်မှာ လူအုပ်ထဲမှာ လှုပ်လှုပ်ရှားရှား ဖြစ်သွားသည်။
လူအများအပြားက စကားပြောနေရင်း ရုတ်တရက် မယုံကြည်နိုင်တဲ့ အမူအရာ တွေ ပြသကြပြီး ထန်ထျန်း ရှိရာကို အကြည့် တွေ ပို့လိုက်ကြသည်။
ထန်ထျန်းကတော့ အေးအေးဆေးဆေး ထိုင်နေပြီး သူ့ရဲ့ လုပ်ရပ်က ဘယ်လောက်ပဲ ကြီးမားတဲ့ လှိုင်းဂယက် ကို ဖြစ်စေပါစေ ဂရုမစိုက်ပေ။
ဒါက သူ့ရဲ့ အဆင့်အတန်း နဲ့ လုပ်သင့်တဲ့ ကိစ္စ ပင်။ သူ တကယ်ပဲ ကိုယ့် ခွန်အား ကို အားကိုးပြီး တခြား တပည့်တွေနဲ့ သေကြေလုနီးပါး လုယက်ရင် လူတွေက ပိုပြီး ထူးဆန်း တယ်လို့ ထင်ကြလိမ့်မည်။
ခဏအကြာမှာ ရင်းနှီးတဲ့ ပုံရိပ် တစ်ခုက လာရှာသည်။
ဒါက ဝမ်ကျိယွီ ပင်။
"ဂိုဏ်းတူအစ်ကိုထန် မိုက် လိုက်တာဗျာ"
"စိတ်ဝိညာဉ်ကျောက် သန်းတစ်ရာ က တပည့်တွေကို အခု အရူးအမူး ဖြစ်စေတယ်။ သူတို့ ဘုရင်အလံ ကို ဘယ်လိုရအောင် လုပ်ရမလဲဆိုတာ ဆွေးနွေးနေကြပြီ"
ဝမ်ကျိယွီက သက်ပြင်းချသည်။
ထန်ထျန်းက အနည်းငယ် ပြုံးကာ "လူအများကြီး ရှိတော့ လုရတာ အရမ်း ပြဿနာ များတယ်"
"အသေးအမွှား နည်းနည်းလေးပဲ သုံးလိုက်တာပါ "
ဝမ်ကျိယွီက ခေါင်းခါသည်။ "မပြောပါနဲ့တော့၊ ဒါကလည်း အသေးအမွှား သုံးတာတဲ့ လား"
"တကယ် စိတ်ပျက် စရာပဲ"
ထန်ထျန်းက ပြုံး ပြီး သူ့ကို ဘေးမှာ ထိုင်ဖို့ ဖိတ်ခေါ်သည်။
"အဲဒီ အကြီးအကဲ တွေ ဘယ်လို တုံ့ပြန်လဲ"
သူက ဒီကိစ္စကို ပိုပြီး စိတ်ဝင်စားသည်။
ဝမ်ကျိယွီက နှုတ်ခမ်းစူသည်။ "ဘာ တုံ့ပြန်မှာလဲ။ ပွဲတော်ကို ပိုပြီး ပျော်စရာ ဖြစ်စေဖို့ပဲ သူတို့ လိုချင်ကြတာ"
"ဒါပေမဲ့ ဒီလိုဆိုရင် မင်း က တောင်ဘက် တောင်ထိပ် မှာ လုံးဝ နာမည်ကြီး သွားပြီပဲ"
"အတွင်းစည်းတပည့် စစ်ဆေးခြင်း မှာ စိတ်ဝိညာဉ်ကျောက် သန်းတစ်ရာ ကို ပစ်ပေးနိုင်တယ့်သူ ဘယ်သူမှ မရှိဘူး"
ထန်ထျန်းက ပြုံးပြီး ဘာမှ မပြောပေ။ ဒီလို နာမည် ကို ရလည်း ရပါစေတော့။
ထို့နောက် သူတို့ နှစ်ယောက် စကားစမြည် ပြောကြပြီး ဝမ်ကျိယွီက ဒီနေ့ ဒီကို ရောက်လာတဲ့ အရေးကြီး ပုဂ္ဂိုလ်များ ကို ထန်ထျန်းကို မိတ်ဆက်ပေးသည်။
"အဲဒီ မုတ်ဆိတ်ဖြူ အဖိုးကြီး က တောင်ဘက် တောင်ထိပ် ရဲ့ အကြီးအကဲ ယွင်ရှို့ချီ အတိဒုက္ခ ဖြတ်ကျော်ခြင်း အထွတ်အထိပ် ပေါ့ တောင်ဘက် တောင်ထိပ် ရဲ့ အသေးအဖွဲ ကိစ္စတွေကို သူပဲ စီမံတာ"
ဝမ်ကျိယွီက ပြောသည်။
ထန်ထျန်းက ကြည့်လိုက်သည်။ ယွင်ရှို့ချီ ရှိနေတဲ့ နေရာက အမြင့်ဆုံး နေရာမှာ ဖြစ်ပြီး မျက်လုံးမှိတ် ပြီး အနားယူနေသည်။ လေးနက်တဲ့ အရှိန်အဝါ ရှိပြီး သူ့ပတ်လည်မှာ တခြား အကြီးအကဲ များစွာ ထိုင်နေကြသည်။
ဒါပေမဲ့ ထန်ထျန်း ကြည့်လိုက်တဲ့ တစ်ချိန်တည်းမှာ သူက ရုတ်တရက် မျက်လုံးဖွင့် လိုက်ပြီး ဒီဘက်ကို ဖျော့တော့တဲ့ အကြည့် တစ်ချက် ပေးလိုက်သည်။ ဘာ စိတ်ခံစားမှု မှ မရှိပေ။
ထန်ထျန်းက ချက်ချင်း အကြည့် ကို ရုပ်သိမ်းလိုက်သည်။
ဒီလို မွန်းစတားအို တွေရဲ့ အာရုံခံနိုင်စွမ်း က တကယ်ပဲ စူးရှသည် ။
"ကိစ္စမရှိပါဘူး။ အကြီးအကဲယွင် က ပြုံးရယ်ခြင်း မရှိပေမယ့် စည်းမျဉ်းကို အခိုင်အမာ လိုက်နာသူ ပါ "
"ဂိုဏ်းစည်းမျဉ်းကို မချိုးဖောက်သရွေ့ သူက ဂရုစိုက် မှာ မဟုတ်ဘူး"
ဝမ်ကျိယွီက ပြုံး သည်။
ထို့နောက် သူက အခြားတစ်ဖက်ကို လက်ညှိုးထိုးပြသည်။ "အဲဒီ အနက်ရောင်ဝတ် ထားတဲ့သူက တောင်ဘက် တောင်ထိပ် ရဲ့ သခင်မလေး နှစ်ဉီး ထဲက တစ်ဦးဖြစ်တဲ့ မိုရှောင်းရှောင်း ပဲ"
( မော့မှ မိုသို့ပြောင်းထားသည်)
"သူ့ရဲ့ စိတ်နေစိတ်ထားက နည်းနည်း ထူးဆန်း တယ်။ စိတ်အပြောင်းအလဲ မြန် တယ်။ ပုံမှန်အားဖြင့် နည်းနည်းလေးပဲ စကားပြော တယ်"
ထန်ထျန်းက တစ်ချက် ကြည့်လိုက်သည်။ မိုရှောင်းရှောင်း က အနက်ရောင် ဝတ်စုံ ဝတ်ထားပြီး ကြီးမားတဲ့ ကျောက်တုံး တစ်ခုပေါ်မှာ တစ်ယောက်တည်း ထိုင်နေသည်။ ကျောက်တုံးအောက်မှာလည်း အနက်ရောင်ဝတ် ထားတဲ့ ကျင့်ကြံသူ အနည်းငယ် ရှိပြီး သူမရဲ့ ဧည့်သည် တွေ ဖြစ်ပုံရသည်။
"နောက်တစ်ယောက်ကရော"
ထန်ထျန်းက မေးသည်။
ဝမ်ကျိယွီက ပြောသည်။ "ချန်စစ်ရို က အပြင် သိပ် မထွက်ဘူး။ အပြင်ကိစ္စတွေကို မိုရှောင်းရှောင်း ပဲ စီမံတာ"
"သူတို့နှစ်ယောက်ကို အထင်မသေး ပနဲ့။ သခင်မလေး နှစ်ဉီး ပေါင်းလိုက်ရင် လုချန်းကျီ တောင်မှ သူတို့ကို မျက်နှာသာပေး ရတယ်"
"သူတို့ရဲ့ အဆင့်အတန်း က တောင်ဘက် တောင်ထိပ် မှာ အကြီးအကဲယွင် နဲ့ အတူတူ လိုပဲ"
ထန်ထျန်းက သက်ပြင်းချသည်။ ဒီလူတွေက ချင်းယွဲ့ဂိုဏ်းရဲ့ ထိပ်တန်း တွေ ဖြစ်ကြတာကြောင့် လွယ်လွယ်ကူကူ ဆက်ဆံလို့ မရဘူးဆိုတာ သေချာသည်။
သူတို့နှစ်ယောက် စကားပြောနေတုန်းမှာ အတွင်းစည်းတပည့် စစ်ဆေးခြင်း က နောက်ဆုံးတော့ စတင်တော့မည်။
ထန်ထျန်းလည်း ပြိုင်ပွဲဝင်သူ တွေရဲ့ အဖွဲ့ထဲကို ဝင်ရောက်ခဲ့သည်။ ဒါပေမဲ့ သူ ဘယ်မှာ ရပ်နေပါစေ ဒီနေ့ရဲ့ တစ်ခုတည်းသော အာရုံစိုက်ရာ ဖြစ်နေဆဲပင်။
"စိတ်ဝိညာဉ်ကျောက် သန်းတစ်ရာ၊ ငါ ရအောင် ယူမယ်"
တစ်ချို့လူတွေက သူတို့ရဲ့ ရည်ရွယ်ချက် ကို တိုက်ရိုက် အော်ဟစ်ခဲ့သည်။
ဒါပေမဲ့ သူ့ကို နောက်ထပ် အကြည့်များ စွာက လျှို့ဝှက်စွာ ပစ်မှတ်ထား လိုက်ကြပြီး ဒီနေ့ စစ်ဆေးခြင်းရဲ့ အဓိက ပြိုင်ဘက် အဖြစ် သတ်မှတ်ခဲ့ကြသည်။
အကြီးအကဲ ယွင်ရှို့ချီ ရဲ့ ကြေညာချက် အောက်မှာ စစ်ဆေးခြင်း တရားဝင် စတင်ခဲ့သည်။
ခေါင်းပေါ်က ကြီးမားတဲ့ ဖန်သားပြင်ဆယ်ခု က မတူညီတဲ့ မြင်ကွင်း တွေကို ပြသနေပြီး တစ်ခုစီက သစ်တော ထဲက မတူညီတဲ့ နေရာ တွေကို ကိုယ်စားပြုသည်။
ထို့နောက် စစ်ဆေးခြင်းကို ကြီးကြပ် တဲ့ အကြီးအကဲ က အမိန့်ပေး လိုက်သည်။ ထန်ထျန်းနဲ့ တခြား ပြိုင်ပွဲဝင်သူ များစွာက သူတို့ရဲ့ ရှေ့က သစ်တော ထဲကို ပြေးဝင်သွားကြသည်။