စစ်ပွဲ

ပို၍များပြားသော ကျင့်ကြံသူများက ဆန္ဒခြောက်ပါးတောင်တန်း၏ အပြင်ဘက်၌ တဖြေးဖြေး ထွက်ပေါ်လာပေသည်။ သူတို့က နတ်ဘုရားတောင်တန်းတစ်ခွင်လုံးကို လွှမ်းခြုံထားသည့် ကြောက်မက်ဖွယ် မြင်ကွင်းအား အဝေးမှ စောင့်ကြည့်နေကာ သူတို့၏ နှလုံးသားများက ပြင်းထန်စွာ တုန်ယင်နေခဲ့သည်။

ထိုလူများအားလုံးက ဆန္ဒခြောက်ပါးကောင်းကင်မှ ကျင့်ကြံသူများ ဖြစ်ပေသည်။ နတ်ဘုရားတောင်တန်းပေါ်မှ အခြေအနေသည် ရန်ဟောင်များကို ထိတ်လန့်ကြောက်ရွံ့စေခဲ့သည်။ အများစုက ဤတိုက်ပွဲကို မျက်မြင်တွေ့လိုသည့်အတွက် သူတို့က ဤနေရာသို့ အလျင်စလို ရောက်ရှိလာခဲ့ပေသည်။

မည်သည်တို့ဖြစ်ပျက်နေသနည်း။ လူအများ၏ နှလုံးသားများက တုန်ယင်လာကြပေသည်။ သူတို့၏ အကြည့်များက တိုက်ပွဲပေါ်၌ မြဲမြံစွာ ကျရောက်နေခဲ့သည်။ သူတို့က ကောင်းကင်နှင့် မြေကြီးက အပိုင်းပိုင်းကွဲထွက်ကာ ပြိုကျပျက်စီးတော့မလို ခံစားမိပေသည်။

“နတ်ဘုရားတောင်တန်းက ပြိုကျတော့မယ်။” တစ်စုံတစ်ယောက်က ပြောလိုက်၏။ ကောင်းကင်၌ မျောလွင့်နေသော နတ်ဘုရားတောင်တန်းက အက်ကွဲလာကာ အစိတ်စိတ်အမြွှာမြွှာ ပြိုကွဲသွားစေခဲ့သည်။ ဆန္ဒခြောက်ပါးကောင်းကင်မှ အမြင့်ဆုံး သန့်စင်မြင့်မြတ်နယ်မြေက တိုက်ပွဲအတွင်း ပြိုကျသွားခဲ့ပြီ ဖြစ်သည်။

“တချို့တွေက ဆန္ဒခြောက်ပါးအရှင်သခင်က နတ်ဘုရားရုပ်ကြွင်းကို ပိုင်ဆိုင်ထားတဲ့ ထူးချွန်ပြောင်မြောက်တဲ့ ကျင့်ကြံသူတစ်ယောက်ကို ဖမ်းထားတယ်လို့ ပြောကြတယ်။ အရှင်ယဲ့မော်၊ လွတ်လပ်မှုအရှင်သခင်နဲ့ အရှင်ချူးချန်တို့က ဒီသတင်းကို ကြားပြီး ဆန္ဒခြောက်ပါးကောင်းကင်နန်းတော်ကို အပြေးလာခဲ့တယ်။ ပြီးတော့ သူတို့က ဆန္ဒခြောက်ပါးအရှင်သခင်ကို တိုက်ခိုက်ခဲ့တယ်။” တစ်စုံတစ်ယောက်က ပြောလိုက်သည်။ ကျင့်ကြံသူများက နတ်ဘုရားတောင်တန်းပေါ်၌ မည်သည်တို့ ဖြစ်ပျက်နေသည်ကို မမြင်နိုင်ကြပေ။ ထိုနယ်မြေကို မဟာလမ်းစဥ်စွမ်းအားများနှင့် ချိပ်ပိတ်ထားခဲ့သည်။ အမှီအခိုကင်းသော လေဟာနယ်တစ်ခုက ဖျက်ဆီးခြင်းစွမ်းအားများနှင့် စီးဆင်းနေခဲ့ပေသည်။

အချိန်တစ်ခုကြာပြီးသည်အထိ ပေါက်ကွဲသံများကို ကြားနေကြရပေသည်။ ကြောက်မက်ဖွယ် မုန်တိုင်းတစ်ခုက ပတ်ဝန်းကျင်ကို ပျံ့နှံ့လွှမ်းခြုံလာသည်။

“မြန်မြန်ပြန်ဆုတ်ကြ။” ကျင့်ကြံသူများ၏ မျက်နှာအမူအရာက အပြင်းအထန် ပြောင်းလဲနေပြီး သူတို့က နောက်သို့ ပြန်လည်ဆုတ်ခွာသွားကြပေသည်။ မုန်တိုင်းက သူတို့ကို လွှမ်းခြုံထားပြီး အများစုက ထိတ်လန့်ဖွယ်လှိုင်းများကြောင့်  နောက်သို့ လွင့်စင်သွားခဲ့သည်။ သူတို့က ပါးစပ်အပြည့်သွေးများ အန်ထုတ်လိုက်ကြပေသည်။ သူတို့က ချိပ်ပိတ်ထားသည့် မဟာလမ်းစဥ် နယ်မြေနှင့် အကွာအဝေးတစ်ခု ထိန်းသိမ်းထားရန် ကြိုးစားလျှင်ပင် သူတို့က တိုက်ပွဲမှ ထိတ်လန့်တုန်လှုပ်ဖွယ် လှိုင်းများ၏ သက်ရောက်မှုကို ခံရဆဲပင် ဖြစ်သည်။

သို့သော် ကျင့်ကြံသူများက သူတို့၏ စိတ်တည်ငြိမ်မှုကို ပြန်လည်ရရှိပြီးနောက် သူတို့၏ မျက်လုံးများက တိုက်ပွဲမြေပြင်မှ မခွာသွားခဲ့ကြပေ။ သူတို့အားလုံးက နယ်မြေအတွင်း၌ ဖြစ်ပေါ်နေသည့် စစ်ပွဲကို မျက်မြင်တွေ့ရရန် စိတ်အားထက်သန်နေခဲ့ပေသည်။

နတ်ဘုရားတောင်တန်းက ထပ်မံ၍ တည်ရှိတော့မည် မဟုတ်ပေ။ ၎င်းက တိုက်ပွဲအတွင်း ပြိုကျပျက်စီးသွားပြီး အပြီးတိုင် ဖျက်ဆီးခံလိုက်ရပေသည်။ ၎င်းသည် လူတိုင်း၏ နှလုံးသားများကို အခုန်မြန်လာစေခဲ့သည်။ ဆန္ဒခြောက်ပါးကောင်းကင်နန်းတော်က ထိုကဲ့သို့ အပျက်အစီးများ ဖြစ်သွားခဲ့သည်လား။

ဆန္ဒခြောက်ပါးကောင်းကင်နန်းတော်ကဲ့သို့ ထိပ်သီးအင်အားစုတစ်ခုက နတ်ဘုရားတောင်တန်းအတွင်း ကျယ်ပြောသော နယ်မြေတစ်ခုကို သိမ်းပိုက်ထားသည်။ ၎င်းက မြို့တစ်မြို့နှင့် အလားတူပေသည်။ သို့သော် မျက်စိတစ်မှိတ်အတွင်း ပြိုကျပျက်စီးသွားခဲ့ပေသည်။ တိုက်ပွဲက မည်မျှပြင်းထန်သည်ကို ခန့်မှန်းကြည့်နိုင်ပေသည်။

ဆန္ဒခြောက်ပါးကောင်းကင်နန်းတော်၏ ကျင့်ကြံသူများစွာက ဖျက်ဆီးခံလိုက်ရပေသည်။

တိုက်ပွဲမြေပြင်၏ အလယ်တွင် ကျင့်ကြံသူလေးယောက် မတ်တပ်ရပ်နေကြသည်။ အလယ်တွင် ရပ်နေသည့် ကျင့်ကြံသူက သူ၏ အရှိန်အဝါတို့ကို ထိန်းချုပ်ထားခြင်းမရှိဘဲ ထုတ်လွှတ်ထားသည်။ သူ၏ သတ်ဖြတ်ချင်စိတ်များက လောင်ကျွမ်းနေခဲ့သည်။ သူ့မျက်လုံးများက ဒေါသများနှင့် တောက်လောင်နေခဲ့ပေသည်။ ထိုကျင့်ကြံသူက ဆန္ဒခြောက်ပါးအရှင်သခင်မှလွဲ၍ အခြားသူ မဟုတ်ပေ။

အခြားအစွမ်းထက်ကျင့်ကြံသူများအတွက် သူတို့က ဆန္ဒခြောက်ပါးအရှင်သခင်ကို ဝန်းရံထားကြသည်။ သူတို့က သူ့အနီးမှ နေရာသုံးခုတွင် ရပ်နေကြသည်။ သူတို့တစ်ယောက်ချင်းစီက ထိတ်လန့်အံ့သြဖွယ် စွမ်းအားတို့ ထုတ်လွှတ်ထားကြသည်။ တိုက်ပွဲက ထိုအခြေအနေသို့ ရောက်ရှိနေခဲ့ပြီး ဖြစ်သည်။ ဆန္ဒခြောက်ပါးကောင်းကင်နန်းတော်သည်လည်း ချေမှုန်းခံလိုက်ရပေသည်။ ဆန္ဒခြောက်ပါးကောင်းကင်နန်းတော်၏ ကျင့်ကြံသူများက အသတ်ခံလိုက်ရသည်။ ကိစ္စများက တစ်စထက်တစ်စ ပိုပြင်းထန်လာပြီး ယခုအခါမှ ငြိမ်းချမ်းအောင် လုပ်ရန် မဖြစ်နိုင်ပေ။ သူတို့က ဆန္ဒခြောက်ပါးအရှင်သခင်ကို ထွက်ပြေးခွင့်ပြုလိုက်လျှင် သူက ကြီးမားသော ပျက်စီးခြင်းဖြစ်စေပေလိမ့်မည်။

ယခုတွင် ဆန္ဒခြောက်ပါးအရှင်သခင်၏ စိတ်ထဲ၌ ဒေါသခိုးဝေနေခဲ့သည်။ သူက ထိုကျင့်ကြံသူသုံးယောက် လုပ်ချင်နေသည့်အရာကို ကောင်းကောင်း သိရှိပေသည်။ ထိုလူများက သူ့ကို အမြစ်ဖြတ်သုတ်သင်ချင်နေသည်အား သိပေသည်။ သူတို့က အနာဂတ်တွင် ပြဿနာဖြစ်လာခြင်းမှ တားဆီးရန် သူ့ကို ဤနေရာ၌ သုတ်သင်သတ်ဖြတ်ချင်နေ​ပေသည်။

ဘုန်း...

ကောင်းကင်တွင် လေပြင်းနှင့် တိမ်တိုက်တို့က ဒေါသတကြီး လှည့်ပတ်အော်မြည်နေကြသည်။ မဟာလမ်းစဥ်စွမ်းအားများကလည်း အော်ဟစ်မြည်တမ်းနေခဲ့၏။ နတ်အလင်းရောင်ဝါတို့က တောက်ပနေသည်။ လွတ်လပ်မှုအရှင်သခင်၏ ပုံရိပ်ယောင်က ပေါ်ပေါက်လာပြီး နေမင်းနှင့် အရာအားလုံးကိုပင် ဖုံးကွယ်လွှမ်းခြုံသွားသည်။ ၎င်းက ကျယ်ပြောသော လေဟာနယ်ကို လွှမ်းခြုံသွားပြီး လွတ်လပ်သော နယ်မြေတစ်ခုအဖြစ် ပြောင်းလဲသွားစေခဲ့သည်။ နတ်ဘုရားက သူ၏ လက်ဝါးများကို ချိပ်စည်းသဏ္ဌာန် ပုံဖော်လိုက်သောအခါ ကြီးမားလှသည့် တစ်သောင်းရှစ်ထောင်သော လက်ဝါးများက ကောင်းကင်ထက်တွင် ဖြစ်တည်လာသည်။ လက်ဝါးများက အတူတကွ စုစည်းလာပြီး အလွန် အထင်ကြီးဖွယ် မြင်ကွင်းကို ဖြစ်ပေါ်လာစေသည်။

“ဆန္ဒခြောက်ပါးအရှင်သခင် လက်ရှိ အခြေအနေတွေကို လျစ်လျူရှုခဲ့တဲ့အတွက် မင်းကိုယ်မင်းပဲ အပြစ်တင်ရမယ်။” လွတ်လပ်မှုအရှင်သခင်က ပြောလိုက်သည်။ ထို့နောက် တစ်သောင်းရှစ်ထောင်သော လက်ဝါးကြီးများက တပြိုင်တည်း ကျဆင်းလာပေသည်။ လေဟာနယ်က ပြိုကျလုဆဲဆဲနှင့် ပြင်းထန်စွာ တုန်ခါလာသည်။ လက်ဝါးများက ကောင်းကင်ကို လွှမ်းခြုံထားပြီး ဆန္ဒခြောက်ပါးအရှင်သခင်ထံသို့ ရိုက်ခတ်လာသည်။

ဘုန်း..

ရွှေရောင်အလင်းလွှာက ဆန္ဒခြောက်ပါးအရှင်သခင် အနီးတွင် တစ်ဖန် ပေါ်ပေါက်လာပေသည်။ ကြည့်ရသည်မှာ ၎င်းက သူ၏ နယ်မြေဖြစ်ပုံရသည်။ ရွှေရောင်အလင်းလွှာက ကြောက်မက်ဖွယ် ရွှေရောင်မုန်တိုင်းတို့ ပါဝင်နေသည့် အကြွင်းမဲ့နယ်မြေတစ်ခုအဖြစ် ပြောင်းလဲသွားပုံရသည်။ မရေတွက်နိုင်သော ရွှေရောင်အလင်းများက မုန်တိုင်းအလယ်၌ ကခုန်နေခဲ့သည်။ လွတ်လပ်မှုအရှင်သခင်၏ လက်ဝါးများက ဆန္ဒခြောက်ပါးအရှင်သခင်ထံသို့ ချဥ်းကပ်သွားသောအခါ သူက ခေါင်းမော့ကာ တစ်ဖက်လူကို စူးစိုက်ကြည့်လိုက်သည်။ အစိတ်စိတ်အမြွှာမြွှာ ပြိုကွဲသွားရမည့်အစား ရွှေရောင်အလင်းလွှာက ပတ်ဝန်းကျင်တစ်ခွင်ကို ချဲ့ထွင်ဖြန့်ကျက်လာခဲ့၏။ ၎င်းက ပေါက်ကွဲမှုတစ်ခု ဖြစ်ပေါ်လာသလိုပင် ဖြစ်ပေသည်။

ပြင်းထန်သည့် ရွှေရောင်မုန်တိုင်းတစ်ခုက ကောင်းကင်တစ်ခွင်ကို လွှမ်းခြုံသွား၏။ မြင်ကွင်းက စစ်မှန်သည့် နတ်ဘုရားကပ်ဘေးတစ်ခုကဲ့သို့ပင် ဖြစ်သည်။ မုန်တိုင်းက တစ်သောင်းရှစ်ထောင်သော လက်ဝါးကြီးများထံ ဦးတည်သွားခဲ့၏။ မုန်တိုင်းက နေရာအနှံ့ ဖြတ်သန်းသွားကာ လက်ဝါးများက ချက်ချင်း ချေမွ ဖျက်ဆီးခံလိုက်ရပေသည်။ မဟာလမ်းစဥ်၏ စွမ်းအားများက မုန်တိုင်းနှင့်အတူ ယှဥ်တွဲရပ်တည်နိုင်ပုံမရပေ။

ဘုန်း..

ဖျက်ဆီးခြင်းရွှေရောင်မုန်တိုင်းက တိုက်ပွဲတစ်ခွင်ကို လွှမ်းခြုံကာ အပြင်ဘက်သို့ ဆက်လက်ပျံ့နှံ့လာပြီး ထိပ်သီးပုဂ္ဂိုလ်သုံးယောက်ကို အထဲ၌ ပိတ်ဆို့ထားလိုက်သည်။ ၎င်းက လေဟာနယ်တစ်ခွင်လုံးကို ဆန္ဒခြောက်ပါးအရှင်သခင်၏ နယ်မြေတစ်ခု ဖြစ်ပေါ်လာစေသည်။

ထိုကဲ့သို့ ကြောက်မက်ဖွယ်မုန်တိုင်းနှင့် ရင်ဆိုင်ရသောအခါ လွတ်လပ်မှုအရှင်သခင်သည်ပင် နောက်သို့ အနည်းငယ် ဆုတ်ခွာသွားခဲ့ရသည်။

“ကြည့်ရတာ သူ ရူးသွားပြီ ထင်တယ်။” အရှင်ယဲ့က အောက်ဘက်မှ မြင်ကွင်းကို ကြည့်ပြီး မှတ်ချက်ချလိုက်သည်။ အဆုံးမဲ့ နတ်အလင်းတို့က ဆန္ဒခြောက်ပါးအရှင်သခင်၏ ရုပ်ကြွင်းမှ အဆုံးမဲ့ နတ်အလင်းတို့ ထိုးထွက်လာသည်။ နတ်အလင်းတန်းတိုင်းက အလင်းလွှာနှင့် ဆက်သွယ်ထားပြီး သူ၏ လွှမ်းမိုးချုပ်ကိုင်မှုအောက်မှ သူ့ ကိုယ်ပိုင်နယ်မြေကဲ့သို့ပင် ဖြစ်သည်။

အရှင်ယဲ့နှင့် အခြားသူများက ၎င်းကို မြင်သောအခါ သူတို့က ဆန္ဒခြောက်ပါးအရှင်သခင်က သူ၏ စွမ်းအားများ အားလုံးကို အသုံးပြုကာ သူတို့၏ တိုက်ခိုက်မှုများကို ခုခံကာကွယ်ရန်လုပ်ဆောင်နေသည်ဟု နားလည်လိုက်ကြသည်။ သူက သူ၏ နယ်မြေနှင့်တသားတည်း ဖြစ်လာခဲ့ပေသည်။ ဤသည်မှာ မဟာလမ်းစဥ်နတ်ဘုရားကပ်ဘေးမှ ရှင်သန်လာနိုင်ခဲ့သည့် ပြိုင်ဘက်ကင်း ကျင့်ကြံသူများ၏ လှည့်ကွက်တချို့ ဖြစ်ပေသည်။ သို့သော် သူ့နယ်မြေဖျက်ဆီးခံလိုက်ရသည့်အခါ နာကျင်မှုအပြည့်နှင့်အကျိုးဆက်များကို ခံစားရပေလိမ့်မည်။ အနိမ့်ဆုံးရလဒ်အနေနှင့် သူ၏ မဟာလမ်းစဥ်က ထိခိုက်ခံရလိမ့်မည် ဖြစ်ကာ သူ့ကျင့်ကြံခြင်းစွမ်းအားများက ၎င်းကြောင့် နိမ့်ကျသွားနိုင်သည်။

သူက ဤနေရာ၌ သုတ်သင်ခံလိုက်ရကာ အသက်ရှင်လျက် ထွက်မသွားနိုင်သည်ပင် ဖြစ်နိုင်ပေသည်။ ထို့ကြောင့် သူက သူ၏ ကျင့်ကြံခြင်းကဲ့သို့သော အခြားအရာများအတွက် စိတ်ပူနေခဲ့ခြင်းမရှိပေ။

ဘုန်း...

နောက်ထပ် ကြောက်မက်ဖွယ် အသံတစ်ခု ထွက်ပေါ်လာခဲ့သည်။ အရှင်ယဲ့က တိုက်ခိုက်ခံလိုက်ရသည်။ ဖျက်ဆီးခြင်းအနက်ရောင်တွင်းပေါက်တစ်ခုက ကောင်းကင်ထက်တွင်ပေါ်ပေါက်လာ၏။ ထိုအတွင်းတွင် စစ်ပုဆိန်တစ်လက်ဖြစ်တည်လာပေသည်။ ၎င်းက လေဟာနယ်ကို တိုက်ရိုက်ထိုးဖောက်ကာ ဆန္ဒခြောက်ပါးအရှင်သခင်ထံ တိုးဝင်လာသည်။ စစ်ပုဆိန်က အောက်သို့ ကျဆင်းလာသည်နှင့် အသင်္ချေစစ်ပုဆိန်၏ ပုံရိပ်များကလည်း ဖျတ်ခနဲ လှုပ်ရှားလာသည်။ စစ်ပုဆိန်ပုံရိပ်များအားလုံးက အောက်သို့ အဆက်မပြတ် ကျဆင်းလာ၏။ နတ်ဘုရားကပ်ဘေး၏ ပြင်းထန်သော အလင်းများက ၎င်း၏ လမ်းကြောင်းအတွင်းရှိအရာအားလုံးကို ဖျက်ဆီးပစ်လိုက်သည်။

သို့သော် ထိုအခိုက်အတန့်တွင် ဆန္ဒခြောက်ပါးအရှင်သခင်နှင့် ကောင်းကင်ကို ဆက်သွယ်ပေးနေသည့် ရွှေရောင်နတ်အလင်းတို့က နတ်သစ်ပင်သဏ္ဌာန် ဖြစ်တည်လာသည်။ နွယ်နှင့်သစ်ပင်များက ပြန့်ကားထွက်လာကာ စစ်ပုဆိန်တဝိုက် ရစ်ပတ်လာ၏။

မရေတွက်နိုင်သော စစ်ပုဆိန်များက ပိတ်ဆို့တားဆီးခံလိုက်ရသည်။ အားအကောင်းဆုံး စစ်ပုဆိန်များသည်သာ ရွှေရောင်အကိုင်းအခက်များကို ဖြတ်သန်းကာ ကောင်းကင်ကို ခွဲထွက်၍ ဆန္ဒခြောက်ပါးအရှင်သခင်ထံ ဆက်လက် တိုးဝင်လာခဲ့သည်။

သူက ထိုတိုက်ခိုက်မှု ကျရောက်လာနေသည်ကို မြင်သောအခါ ဆန္ဒခြောက်ပါးအရှင်သခင်က နတ်အလင်းတန်းတစ်ခု ​ဖြစ်လာသလို ထင်မှတ်ရသည်။ မရေတွက်နိုင်သော ရွှေရောင်အလင်းတန်းတို့ ပေါက်ကွဲထွက်လာကာ အောက်သို့ ခုတ်ပိုင်းလာသည့် စစ်ပုဆိန်ကို  ရိုက်ခတ်သွားသည်။ ဆန္ဒခြောက်ပါးအရှင်သခင်က ကောင်းကင်သို့ ညွှန်ပြလိုက်ကာ သူ့ခန္ဓာကိုယ်က စစ်ပုဆိန်နှင့် ထိပ်တိုက်တွေ့ဆုံသွားခဲ့သည်။ စစ်ပုဆိန်က မဟာလမ်းစဥ်မှ ဖြစ်တည်လာခြင်းဖြစ်ကာ သူ၏ ခန္ဓာကိုယ်က အစွမ်းထက် လမ်းစဥ်တစ်ခုမှ တူညီစွာ ဖြစ်တည်လာခြင်း ဖြစ်ပေသည်။

သူ၏ လက်ချောင်းနှင့် စစ်ပုဆိန် ရိုက်ခတ်မိသွားသည့်အခါ ဆန္ဒခြောက်ပါးအရှင်သခင်၏ ပုံရိပ်သည်လည်း စစ်ပုဆိန် အောက်တွင် ပေါ်ပေါက်လာသည်။ ဖျက်ဆီးခြင်းမုန်တိုင်းက ပို၍အားကောင်းလာကာ အနီးဝန်းကျင်သို့ လွှမ်းခြုံသွားခဲ့သည်။ အပြင်ဘက်လောကမှ ကျင့်ကြံသူများက မရေတွက်နိုင်သော ဖျက်ဆီးခြင်း ရွှေရောင်အလင်းများက သူတို့ဝန်းကျင်သို့ စိမ့်ထွက်လာသည်အား မြင်တွေ့လိုက်ရသည်။ ထိုသို့ကြောက်မက်ဖွယ် စွမ်းအားကို မည်သူမှ ခံနိုင်ရည်ရှိလိမ့်မည် မဟုတ်ပေ။

“ဆန္ဒခြောက်ပါးအရှင်သခင် ခင်ဗျားရဲ့ ကံကောင်းခြင်းတွေ ကုန်ဆုံးသွားပြီ။” အရှင်ယဲ့က ပြောလိုက်၏။ အရှင်ချူးချန်ကလည်း တိုက်ခိုက်လာသည်။ သူတို့သုံးယောက်ကြားတွင် အရှင်ချူးချန်၏ အခြေအနေက အကောင်းဆုံးဖြစ်နေဆဲ ဖြစ်သည်။

ဆန္ဒခြောက်ပါးအရှင်သခင်က ဤတိုက်ပွဲမှ အသက်ရှင်လျက် ထွက်သွားနိုင်မည် မဟုတ်ပေ။

တိုက်ပွဲမြေပြင်တွင် ရီဖူရှင်းလည်း ရှိနေခဲ့၏။ နတ်အလင်းတို့က သူ့ကို ဝန်းရံထားပြီး သူ၏ ခန္ဓာကိုယ် ဖျက်ဆီးခံရခြင်းမှ တားဆီးထားသည်။ သူ့အနီးတွင် ဗုဒ္ဓ၏ ဖျော့တော့သော အလင်းအချို့ ပေါ်ပေါက်လာသည်။ ရီဖူရှင်းက အဝေး၌ ရှိနေသော အရှင်ချူးချန်ကို ကြည့်လိုက်ကာ ထူးဆန်းအံ့သြဟန်တချို့ ဖြစ်ပေါ်လာ၏။

ယခုအချိန်၌ပင် အရှင်ချူးချန်က ရီဖူရှင်းကို ကာကွယ်ရန် အမှတ်ရနေသေးသည်လား။

ဆန္ဒခြောက်ပါးအရှင်သခင်အတွက် အခြေအနေက ကောင်းမွန်လိမ့်မည် မဟုတ်ပေ။