တောင်ထိပ်ငါးခု ဖလှယ်ပွဲ
Vol. 3 Ch. 40
"တောင်ထိပ်ငါးခု ဖလှယ်ပွဲ၊ အဲဒါ ဘာလဲ"
လမ်းမှာ ထန်ထျန်းက ဝမ်ကျိယွီကို မေးသည်။ ခုနက သူ့ကြောင့်သာ မဟုတ်ရင် သူ သဘောတူခဲ့ မှာ မဟုတ်ပေ။
"ဒါက ချင်းယွဲ့ဂိုဏ်းရဲ့ အမြင့်ဆုံး အဆင့် တပည့် စုဝေးပွဲ ပဲ"
ဝမ်ကျိယွီက စိတ်လှုပ်ရှား စွာ ပြောသည်။ "သခင်လေးငါးဦး၊ သခင်မလေး နှစ်ဉီး အကုန်လုံး ပါဝင်ကြလိမ့်မယ်"
"ဒါ့အပြင် ဂိုဏ်းရဲ့ သခင်လေး ၊ ပြီးတော့ နာမည်ကျော် ထိပ်တန်း အဓိက တပည့် တွေလည်း ဒီမှာ စုဝေး ကြလိမ့်မယ်"
"သာမန်လူတွေကတော့ ပွဲခန်းမ ကို ဝင်ခွင့်တောင် မရနိုင်ဘူး။ မိုရှောင်ရှောင်း ရဲ့ ကိုယ်တိုင် ဖိတ်ကြားမှု ကို မင်း ရတာက ချင်းယွဲ့ဂိုဏ်းရဲ့ ကိုးဆယ့်ကိုး ရာခိုင်နှုန်းကျော် တပည့်တွေထက် ရှေ့ ကို ရောက်နေပြီ"
သူ့ရဲ့ စိတ်လှုပ်ရှား နေတဲ့ ပုံကို ကြည့်ပြီး ထန်ထျန်းက ဘာမှ မပြော တော့ပေ။ "မင်း အခုထိ ဒီဖလှယ်ပွဲက ဘာလုပ်တာလဲဆိုတာကို တိတိကျကျ မပြောသေးဘူး"
ဝမ်ကျိယွီက ရှင်းပြသည်။ "သခင်လေးငါးဦး၊ သခင်မလေး နှစ်ဉီး ၊ ပြီးတော့ သခင်လေး တို့က ချင်းယွဲ့ဂိုဏ်းရဲ့ လူငယ်မျိုးဆက် ရဲ့ အမြင့်ဆုံး အုပ်ချုပ်သူ တွေကို လုံးဝ ကိုယ်စားပြု နိုင်တယ်"
"ဒီ အဆင့်အတန်း ကို ရောက်တာက မင်း ချင်းယွဲ့ဂိုဏ်းရဲ့ ထိပ်တန်း အဆင့် ကို တကယ်တမ်း ရောက်ရှိ နေပြီလို့ ဆိုလိုတာပဲ"
"သူတို့ ဆွေးနွေး တဲ့ ကိစ္စတွေက ဂိုဏ်းရဲ့ အနာဂတ် ကို ကိုယ်စားပြု တယ်"
"ပါဝင်ပြီးရင် မင်း ရဲ့ အမြင် က လုံးဝ ပွင့် သွားပြီး ထိတွေ့ ရမယ့် အရာတွေက အခုနဲ့ လုံးဝ မတူ တော့ဘူး"
ထန်ထျန်းက နှုတ်ခမ်းမဲ့ သည်။ နားထောင်ကြည့်တော့ လူ့အဖွဲ့အစည်း ထိပ်တန်း ကို ဝင်ရောက်တာနဲ့ တူတယ်ပေါ့။
ဒါက လူအများစုရဲ့ အိပ်မက် ဖြစ်ပေမယ့် ထန်ထျန်းရဲ့ ရည်မှန်းချက် က ဒီမှာ မဟုတ်ပေ ။ သူက ပိုပြီး သန်မာ ဖို့ပဲ လိုချင်သည် ။ ကျန်တာတွေက အလကား ပင်။
"အခုထိ ဘာ ဆွဲဆောင်မှု မှ မရှိဘူးလို့ ခံစားနေ ရတုန်းပဲ"
"ဒီ အချိန် ကို ကျင့်ကြံတာကမှ ပိုကောင်းအုံးမယ်"
ဝမ်ကျိယွီ ကြောင် သွားပြီး ထန်ထျန်းကို စိုက်ကြည့် နေသည်။ အချိန်အတော်ကြာမှ သက်ပြင်းချပြီး ပြောသည်။ "မင်း က ငါ့ ထက်တောင် ပိုပြီး ထူးဆန်း တယ်"
"တခြားသူတွေ စိတ်ဝင်စား တဲ့ နေရာကို မင်း က နည်းနည်းလေးတောင် စိတ်မဝင်စားဘဲ ကျင့်ကြံ ဖို့ပဲ စဉ်းစားနေတယ်"
"ဒီလိုဆိုရင် မင်း ဘာလို့ ဂုဏ်ထူးဆောင်တပည့် ဆိုတဲ့ အဆင့်အတန်း ကို ရွေးချယ်ခဲ့တာလဲ"
ထန်ထျန်းက ပြုံးလိုက်ပြီး ရှင်းမပြခဲ့ပေ။
သူ ဂုဏ်ထူးဆောင်တပည့် ကို ရွေးချယ်ခဲ့တာက မတတ်သာ လို့ပင်။ အဲဒီအချိန်က ကျင့်ကြံမှု က အရမ်း အားနည်း ခဲ့သည် ။ ဒီ အဆင့်အတန်း ရဲ့ ကာကွယ်မှု မရှိရင် ရုတ်တရက်ပေါ်လာတဲ့ လူတွေရဲ့ ဒုက္ခပေးမှု ကြောင့် စိတ်ညစ် ပြီး သေသွားလောက်ပြီပင်။
"အိုး တော်ပြီ။ ဘာကိုမှ အတင်းအကျပ် လုပ် လို့ မရဘူး"
ဝမ်ကျိယွီက သက်ပြင်းချသည်။ "တကယ်တော့ စဉ်းစားကြည့်ရင် ဖလှယ်ပွဲ ရဲ့ အကြောင်းအရာ က တကယ် စိတ်ဝင်စား စရာ မရှိဘူး။ ရှင်းရှင်းပြောရရင် လူအုပ်စုက အချင်းချင်း စကားပြော နေကြတာပဲ။ စကားပြောတဲ့ ခေါင်းစဉ် က ပိုပြီး မြင့်မား နေတာပေါ့"
" ကြည့်လို့ ကောင်း တာတစ်ခုက ဂုဏ်ပြုပွဲ ပဲ။ သူဌေးကြီး တွေက အချင်းချင်း ချမ်းသာမှုကို ထုတ်ပြ တဲ့ မြင်ကွင်းက တကယ် ရှားပါး တယ်"
ထန်ထျန်းက ချက်ချင်း ရပ် လိုက်သည်။
"ချမ်းသာမှုကို ထုတ် ပြ တာ"
ဝမ်ကျိယွီက ခေါင်းညိတ်သည်။ "နှစ်စဉ် တောင်ထိပ်ငါးခု ဖလှယ်ပွဲ မှာ ဂုဏ်ပြုပွဲ တစ်ခု အမြဲ ပါ တယ်။ အဲဒီအခါမှာ အဲဒီ သူဌေးကြီး တွေက ဝိညာဉ်ကျောက် ကို အသုံးပြုပြီး ဂိုဏ်းရဲ့ ဂုဏ်ထူး ကို လဲလှယ် ကြလိမ့်မယ်"
"ကျင်းဟန်၊ မိုရှောင်ရှောင်း၊ လုချန်းကျီ တို့လို လူတွေက ပါဝင် ကြလိမ့်မယ်။ အဲဒီလူတွေရဲ့ လုပ်တာ တွေက သာမန်လူတွေ စိတ်ကူး တောင် မယဉ်နိုင်ဘူး"
"အဲဒီ မြင်ကွင်း က နတ်ဘုရား တွေ တိုက်ခိုက် နေတာနဲ့ ဆင်တူတယ်"
ထန်ထျန်း တိတ်ဆိတ် သွားသည်။
ဒီလို ကိစ္စ တွေတောင် ရှိသေးတာလား
"ဂိုဏ်း ဂုဏ်ထူး ဆိုတာ ဘာလဲ"
ထန်ထျန်းက ထပ်မံ မေးသည်။
ဝမ်ကျိယွီက ရှင်းပြသည်။ "အဲဒါက ချင်းယွဲ့ဂိုဏ်းရဲ့ အမြင့်ဆုံး အဆင့် ဂုဏ်ပြုဆု ပဲ။ ဂုဏ်ထူး မြင့်လေလေ ဂိုဏ်းအတွက် ပံ့ပိုးမှု ပိုများလေလေပဲ"
"မဟုတ်ရင် ကျင်းဟန် တို့ ဘာလို့ ဒီလောက် အာဏာ များရတာလဲလို့ မင်း ထင်နေတာလား"
"အားလုံးက ဝိညာဉ်ကျောက် နဲ့ လဲလှယ် ထားတာ"
"ဒါပေမဲ့ အဲဒီလူတွေ ကစား တဲ့ ကိစ္စတွေက အရမ်း မြင့်မား တယ်။ ငါ တို့နဲ့ ဘာ ပတ်သက်မှု မှ မရှိဘူး"
"မင်း တကယ် မသွားချင်ရင် မသွားနဲ့ပေါ့"
ထန်ထျန်း ဆွံ့အ သွားသည်။
ဝိညာဉ်ကျောက် နဲ့ အဆင့်အတန်း ဝယ်တာမျိုးက လုံလောက် ပြီလို့ ထင်ထားခဲ့တာ။ မမျှော်လင့်ဘဲ ချင်းယွဲ့ဂိုဏ်းက ဝိညာဉ်ကျောက် နဲ့ အာဏာ ဝယ်တဲ့ ကိစ္စမျိုးကိုတောင် လုပ်နိုင်သေးသည်။
သူတို့က အာဏာ မညီမျှတာကို တကယ်ပဲ မကြောက် ကြဘူးလား
ဝမ်ကျိယွီရဲ့ စကားအရ ဂိုဏ်း ဂုဏ်ထူး အတွက် သုံးတဲ့ ဝိညာဉ်ကျောက် ပမာဏက နည်း မှာ မဟုတ်ပေ။
သုံးစွဲမှု စနစ် နဲ့သာ ဆိုရင်...
"သွား မယ် ဘာလို့ မသွားရမှာလဲ"
ထန်ထျန်းက ရုတ်တရက် အော်ဟစ် လိုက်သည်။ "အမြင် ကို တိုး ပြီး လူ့အဖွဲ့အစည်း ထိပ်တန်း ကို တကယ်တမ်း ဝင်ရောက်ဖို့ ဒီလို တန်ဖိုးရှိတဲ့ အခွင့်အရေး မျိုးက ရှားတယ်။ ဘာလို့ မသွားရမှာလဲ"
"အစ်ကိုဝမ်၊ မင်း ရဲ့ အမြင် က တိုးတက် ဖို့ လိုသေးတယ်"
ဝမ်ကျိယွီ: ???
သောက်ကျိုးနဲ
မင်း ဘာ အရူးစကား တွေ ပြောနေတာလဲဆိုတာကို မင်း ကိုယ်တိုင် ပြန်နားမထောင်ကြည့်ဘူးလား
ငါ မင်း ကို အချိန်အတော်ကြာ စည်းရုံးခဲ့ပေမယ့် မင်းက မသွားချင်ခဲ့ဘူး။ ဘာလို့ ရုတ်တရက် ငါ့ရဲ့ အမြင် မကောင်းတော့တာ ဖြစ်သွားရတာလဲဟ
သူက ချက်ချင်း ကြောင် သွားပြီး ခုနက သူ ပြောခဲ့တဲ့ စကားက ထန်ထျန်းကို နားလည်မှု လွဲ သွားစေတာလားလို့ သံသယ ဝင်မိသည်။
"အဟမ်း အဟမ်း"
ထန်ထျန်းက ချက်ချင်း ချောင်းဟန့် လိုက်သည်။ "ဖလှယ်ပွဲ ကို သွားရင် ဧည့်သည် တွေ ခေါ်သွားလို့ ရလား"
ဝမ်ကျိယွီက ခေါင်းညိတ်သည်။ "မင်း မှာ ပါဝင်ခွင့် အရည်အချင်း ရှိရင် ဘယ်သူ့ကိုမဆို ခေါ်သွားလို့ ရတယ်"
"ဒါပေမဲ့ များများ ခေါ်သွားတာမျိုးကို ပုံမှန်အားဖြင့် မအကြံပြု ဘူး။ ဖလှယ်ပွဲမှာ ပါဝင်နိုင်တဲ့သူတွေက သာမန် အဆင့်အတန်း မဟုတ်ကြဘူး။ လူများများ ခေါ်သွားရင် အဆင့်အတန်း နိမ့်ကျ တာမျိုး ဖြစ်စေနိုင်တယ်"
"လုံခြုံရေး ကိစ္စကို စိတ်ပူစရာ မလိုဘူး။ သခင်လေး ရှိနေတာကြောင့် ဘယ်သူမှ အန္တရာယ် မပေးရဲဘူး"
ထန်ထျန်းက ခေါင်းညိတ်သည်။
"ကောင်းပြီ"
"ဒါဆို အစ်ကိုဝမ် စိတ်ဝင်စား လား။ နောက်မှ ငါ တို့ အတူတူ သွားကြမယ်လေ"
ဒီလူက အရမ်း အသိများ သည် ။ တကယ့်ကို စွယ်စုံရ ပုဂ္ဂိုလ်ပင်။ သူ့ကို ခေါ်သွားရင် အများကြီး အဆင်ပြေ လိမ့်မည်။
ဖိတ်ကြားမှု ကို ကြားတော့ ဝမ်ကျိယွီက ချက်ချင်း ပျော်ရွှင် သွားသည်။ "မင်း ဒီစကားကို ပြောတာကိုပဲ ငါ စောင့်နေတာ"
နှစ်ယောက်သား လမ်း လျှောက် ရင်း စကားပြော ရင်း တောင်ဘက် တောင်ထိပ် တောင် ခြေမှာ လမ်း ခွဲ ပြီး နောက်လမှာ တောင်ထိပ်ငါးခု ဖလှယ်ပွဲ ကို အတူတူ ပါဝင်ဖို့ ချိန်းဆို ခဲ့ကြသည်။
ထို့နောက် ထန်ထျန်းက ခရမ်းရောင်ဝါးခြံဝင်း အိမ် ကို ပြန်လာခဲ့သည်။
ဒီနေ့ရဲ့ စစ်ဆေးခြင်း ကို အောင်မြင်ပြီးနောက် သူက ချင်းယွဲ့ဂိုဏ်းရဲ့ အတွင်းစည်းတပည့် အဖြစ် တရားဝင် ဖြစ်လာခဲ့သည်။
ဒါပေမဲ့ ဒီ အဆင့်အတန်း က သူ့အတွက် ရှိ ရှိ မရှိရှိ မထူးခြားပေ ။
သူ့ကို ကျင့်စဉ် ရှင်းပြပေးမယ့် အကြီးအကဲ ကို မလိုအပ်သလို အတွင်းစည်းတပည့် တွေအတွက် အထူးပေးထားတဲ့ ကျင့်ကြံမှု အဆောက်အအုံ တွေကိုလည်း မလိုအပ်ပေ။
ဒါကို သူ့ရဲ့ သေးငယ်တဲ့ စွဲလမ်းမှု အား ဖြည့်ဆည်း တာလို့ပဲ သဘောထားလိုက်သည်။
ခရမ်းရောင်ဝါးခြံဝင်း အိမ် ကို ပြန်ရောက်တော့ ထန်ထျန်းက သူ့ရဲ့ ကျင့်ကြံမှု ဘဝ ကို ပြန်လည် စတင်ခဲ့သည်။
ခက်ခက်ခဲခဲ ကျင့်ကြံ တာ မဟုတ်ပေမယ့် ကြိုးစား ပြီး အလေးအနက် ထား ကျင့်ကြံခဲ့သည်။
စက်ဝန်း ခုနစ်လွှာ စွမ်းရည် နဲ့ ကြိုးကြာ ခန္ဓာ ရဲ့ ကောင်းချီးပေး မှု ကြောင့် အုတ်မြစ်ချ ခြင်း အဆင့် မှာ သူရဲ့ တိုးတက်မှုနှုန်း က ချီသန့်စင်ခြင်း အဆင့် တုန်းကနဲ့ လုံးဝ မကွာ ပေ။
တစ်လခွဲ လောက်အတွင်းမှာပဲ အုတ်မြစ်ချ ခြင်း အလယ်အဆင့် ကို အောင်မြင်စွာ ထိုးဖောက် နိုင်ခဲ့သည်။ ဒီ အမြန်နှုန်း က လန်ယွီ တို့ အစ်မတွေကို အံ့အားသင့် စေပြီး သူတို့ရဲ့ ကျင့်ကြံမှုနှုန်း က ဒီလောက် မမြန် ဘူးလို့ ပြောခဲ့ကြသည်။
ဒါပေမဲ့ နှစ်ရက် ကြာပြီးနောက် ဖြစ်ပျက်ခဲ့တဲ့ ကိစ္စက ထန်ထျန်းကိုတောင် တုန်လှုပ် သွားစေခဲ့သည်။
သူနဲ့ တစ်ချိန်တည်း မှာ ဖောက်ထွင်း ခဲ့တဲ့ ကုရှောင်းရွှယ် က ထပ်မံ ချိုးဖျက် ခဲ့ပြီး ဝိညာဉ်အသွင်ပြောင်းခြင်း အလယ်အဆင့် ကို ရောက်လာခဲ့သည်။
ဒါက ဝိညာဉ်အသွင်ပြောင်းခြင်း အဆင့် လေ
လိုအပ်တဲ့ ဝိညာဉ်စွမ်းအား နဲ့ တာအိုကျင့်စဉ် နားလည်မှု တွေက အုတ်မြစ်ချ ခြင်း အဆင့် နဲ့ လုံးဝ မယှဉ် နိုင်ပေ။
"မင်း ဘယ်လို လုပ် လိုက်တာလဲ"
ထန်ထျန်းက သူမကို ခေါင်းကနေ ခြေဖျားအထိ အကြိမ်ကြိမ် လေ့လာ ချင်လွန်းလို့ မနေနိုင် ပေ။ မွေးရာပါ ပါရမီ စွမ်းရည် က ဒီလောက် ကြောက်စရာ ကောင်းတာလား
ကုရှောင်းရွှယ် က ရှက်ရွံ့ သည့်ပုံစံဖြင့် ပြောသည်။ "ကျွန်မလည်း မသိ ဘူး..."
"အဲဒီတုန်းက ရွှေအူတိုင် အလယ်အဆင့် ကို ချိုးဖျက် တုန်းကတောင် သုံးလ လောက် ကြာခဲ့တာ"
"မမျှော်လင့်ဘဲ ဝိညာဉ်အသွင်ပြောင်းခြင်း အလယ်အဆင့် ကို တက် သွားခဲ့တယ်"
ထန်ထျန်း ဘာမှ မပြော နိုင်တော့ပေ။
ဒါက အရမ်း လွန်လွန်းသည်။ မင်း ရဲ့ ဝိညာဉ်အသွင်ပြောင်းခြင်း အဆင့် ကျင့်ကြံမှုနှုန်းက ငါ့ ရဲ့ အုတ်မြစ်ချ ခြင်း အဆင့် နဲ့ အတူတူ လောက် မြန်နေပြီး မမျှော်လင့်ဘဲ လို့ ပြောနေသေးတယ်။
တကယ်ပဲနော် ...
"မင်း ရဲ့ စွမ်းရည် က အတိအကျ ဘာလဲ"
ထန်ထျန်းက မေးသည်။
"မွေးရာပါ ပါရမီပါ "
ကုရှောင်းရွှယ် က ပြောသည်။ "ဂိုဏ်းကို စ ရောက် တုန်းက အကြီးအကဲ ဦးလေး က ကျွန်မကို အထူး စစ်ဆေးခဲ့တာ။ အရာအားလုံး ချောချောမွေ့မွေ့ သွားရင် အသက် သုံးဆယ် မတိုင်ခင် အင်မော်တယ်အဆင့် တက် နိုင်မယ်လို့ ပြောတယ်"
"အခု ရုတ်တရက် မြန် သွားတာ... ခရမ်းရောင်ဝါးခြံဝင်း အိမ် ရဲ့ ပတ်ဝန်းကျင် ကြောင့် ဖြစ်နိုင်တယ်"
ထန်ထျန်း နှုတ်ခမ်းမဲ့ သည်။ ပတ်ဝန်းကျင်က ဘာဖြစ်လဲ။ လူတိုင်းက ဝင်း တစ်ခုတည်းမှာ နေကြတာ။ ငါက ဘာလို့ ဒီလို ခံစားချက် မျိုး မရှိရတာလဲ။
ကုရှောင်းရွှယ် ရဲ့ အိပ်ခန်း က ထူးခြား နေတာလား
မဟုတ်ရင်...
ထန်ထျန်းက ခေါင်းခါပြီး ဒီ အန္တရာယ်ရှိတဲ့ အတွေး ကို ချက်ချင်း ဖယ်ရှားလိုက်သည်။ သူမက အခုမှ ဆယ့်ငါးနှစ် ပဲ ရှိသေးတာလေ
ဒီလောက် တိရစ္ဆာန်ဆန် လို့ မရဘူး။
စဉ်းစားကြည့်တော့ စွမ်းရည် ဖြစ်ရမည်။ မွေးရာပါ ပါရမီ မှာ ဒီလို ထူးခြားချက် ရှိနေတာ ဖြစ်နိုင်မလား
ဒါဆိုရင် သုံးစွဲမှုအမှတ် ပိုရအောင် လုပ်ဖို့ လိုသည်။ ဒုံးပျံစီး ပြီး ကျင့်ကြံ ရတဲ့ အရသာ ကို ကိုယ်တိုင် ခံစား ဖို့ လိုသည်။
ထန်ထျန်းရဲ့ ညည်းညူမှု ကို ကြားလိုက်ရသလိုလိုနဲ့ နေ့လယ်ပိုင်းမှာ ခရမ်းရောင်ဝါးခြံဝင်း အိမ် ကို ရင်းနှီးတဲ့ လူဟောင်း တစ်ယောက် ရောက်လာခဲ့သည်။
ချင်းဟိုင် ပင်။