အနောက်ကောင်းကင်ဒိုမိန်း၊ သွေးနှောများ၏အဆုံးသတ်

ရေတံခွန်ဂိတ်နယ်မြေ၏ အနောက်ကောင်းကင်ဒိုမိန်းအတွင်းတွင်ဖြစ်သည်။

ထိုဒိုမိန်းသည် ဒိုမိန်းကိုးခုအနက်သက်တမ်းအငယ်ဆုံးဖြစ်ကာ အစဉ်အမြဲရှင်းလင်းခြင်းမရှိသော အဆုံးမရှိ မြင့်မားသော သစ်ပင်များနှင့် မြူများဖြင့် ပြည့်နေလေသည်။

ကျင့်ကြံသူများပင် သတိဖြင့် လျှောက်ရသော အန္တရာယ်ရှိသည့်နေရာဖြစ်သည်။

ဒဏ္ဍာရီများအရ အနောက်ကောင်းကင် ဒိုမိန်းသည် အခြားကမ္ဘာမှ အစိတ်အပိုင်းတစ်ခုဖြစ်ပြီး ရေတံခွန်ဂိတ်နယ်မြေထဲသို့ ကျရောက်ခဲ့ခြင်းကြောင့် ဖြစ်ပေါ်လာခြင်းဖြစ်သည်ဟု ဆိုကြသည်။

သို့ရာတွင် ထိုပုံပြင်သည်အမှန်တကယ်ဖြစ်ကြောင်းမဖော်ပြနိုင်ဘဲ သက်သေမရှိသည့် ဒဏ္ဍာရီတစ်ခုသာ ဖြစ်ပါသည်။

အနောက်ကောင်းကင် ဒိုမိန်းအနီးရှိ ကျင့်ကြံရေးဂိုဏ်းများသည် တာအိုစည်းမျဉ်းစွမ်းအားများ ပါဝင်သည့် သိပ်သည်းသောမြူများ၏ ထူးဆန်းမှုအား ၎င်းတို့၏တပည့်များကို သတိပေးလေ့ ရှိပါသည်။

ခွင့်ပြုချက်မရှိဘဲ ဝင်ရောက်သူများတွင် ဆယ်ယောက်တွင် တစ်ယောက်ပင်ရှင်သန်နိုင်ခြင်းမရှိဘဲ ဒိုမိန်းအတွက် အာဟာရဖြစ်သွားကာ သူတို့ကိုယ်တိုင်သစ်ပင်အဖြစ်ပြောင်းလဲသွားရမည်ဖြစ်သည်။

သို့သော် ယခုမူ စည်းမျဉ်းဟောင်းများကို ဖျက်သိမ်းလိုက်ပြီဖြစ်သည်။

နယ်မြေသုံးခုမှ ကျူးကျော်ဝင်ရောက်ခြင်းနှင့်အတူ အနောက်ကောင်းကင်ဒိုမိန်းသည် ၎င်း၏ ရှေးဟောင်းသစ်တောများကို မျိုးနွယ်ခြားများက ခုတ်လှဲပြီး လုယက်မှုများကို ပထမဆုံး ရင်ဆိုင်ခဲ့ရသည် ။

ကျူးကျော်စစ်တပ်သည် အနောက်ကောင်းကင် ဒိုမိန်း ၏ မြူခိုးများ၏ ကျိန်စာဒဏ်ကို ခံစားခဲ့ရပြီး အများအပြား ဆုံးရှုံးခဲ့ရသော်လည်း နောက်ဆုံးတွင် အကျိုးဆက်များကြား အနောက်ကောင်းကင် ဒိုမိန်း၏ ဂိတ်များကို အတင်းဖွင့်နိုင်ခဲ့သည် ။

အနောက်ကောင်းကင်ဒိုမိန်းကိုစောင့်ရှောက်သောဂိုဏ်းများနှင့်ကျူးကျော်လာသော သွေးနှောများအကြား ပထမဆုံးတိုက်ပွဲစတင်ခဲ့လေသည်။

နယ်မြေနှစ်ခုအကြား ဆယ်စုနှစ်တစ်ခုကျော်ကြာ တိုက်ပွဲများ ပြင်းထန်စွာ ဖြစ်ပွားခဲ့ပြီး အနောက်ကောင်းကင်ဒိုမိန်း ၏ ရှေးဟောင်းသစ်တောများကို ဖျက်ဆီးလုနီးပါး ဖြစ်ခဲ့ရသည် ။

ယခုအခါ အနောက်ကောင်းကင် ဒိုမိန်းသည် မီးလောင်ကျွမ်းနေသော သစ်သားများနှင့် အလောင်းများဖြင့် ဖုံးအုပ်ထားသော အနက်ရောင် ပြာများဖြင့် ဖုံးလွှမ်းနေသော မြေကြီးတစ်ခု ဖြစ်လာပြီး မီတာများစွာ မြှင့်တက်လာလေသည် ။

ဧရာမသစ်တော၏ မူလမြူခိုးများသည် ထာဝရအနက်ရောင်မီးခိုးအဖြစ်သို့ ပြောင်းလဲသွားပြီး အနောက်ကောင်းကင်ဒိုမိန်းတစ်ခုလုံးတွင် ပျံ့နှံ့သွားခဲ့သည် ။

တစ်ချိန်က ကျင့်ကြံသူများကိုပင် လမ်းလွဲစေသော မြူသည် ပျက်စီးခြင်းနှင့် ဖျက်စီးခြင်းတို့ဖြင့် ပြည့်နေသော အင်အားတစ်ခုဖြစ်လာခဲ့သည်။

အနောက်ကောင်းကင် ဒိုမိန်း၏ စစ်မြေပြင် တွင် ရေတံခွန်ဂိတ်နယ်မြေ၏တာအိုအရှင်များက တန်ပြန်တိုက်ခိုက်ရန်ကြေငြာပြီးသည်နှင့် အခြေအနေက ချက်ခြင်းပင် ပြောင်းပြန်ဖြစ်သွားခဲ့သည်။

တာအိုအရှင်များ၏ရှုံးနိမ့်မှုကိုကြားရပြီးနောက် သွေးနှောစစ်တပ်သည် စတင်၍ နောက်ဆုတ်သွားကာ ဆက်လက်၍ မနေရဲတော့ပေ။

သို့သော်လည်း အနောက်ကောင်းကင်ကို စောင့်ရှောက်သော ကျင့်ကြံသူများက ရန်သူကို လွယ်လွယ်ကူကူ ထွက်ခွာခွင့် မပေးခဲ့ကြပေ။

အနောက်ကောင်းကင် ဒိုမိန်းရှိ ဧရာမသစ်တောများ ၏ အကြွင်းအကျန်များအပေါ်တွင် ယခုအချိန်တွင် စစ်တပ်နှစ်ခုသည် ရက်အတော်ကြာ လိုက်လံရှာဖွေခဲ့ကြသည်။

သွေးနှောများသည် ထွက်ပြေးနေကြကာ လူသားများက လိုက်ရှာနေကြခြင်းဖြစ်သည်။ ထို့နောက်တွင် သူတို့သည် ရာနှင့်ချီသော တိုက်ပွဲများဖြစ်ပွားခဲ့လေသည်။

သို့သော်လည်း သူတို့၏ယခင်သိမ်းပိုက်ထားခဲ့သောနေရာများတွင် သွေးနှောများသည် ချုံခိုတိုက်ခိုက်မှုများအား များစွာပြင်ဆင်ထားခဲ့သောကြောင့် သူတို့၏လောကသို့ တစ်လှမ်းခြင်း ပြန်ဆုတ်သွားနိုင်ခဲ့လေသည်။

“သေစမ်း၊ ဒီစက်ဆုပ်ရွံရှာဖွယ် သွေးနှောတွေက နေရာတိုင်းမှာ ထောင်ချောက်တွေချထားတယ်။ ငါတို့တကယ်ပဲ သူတို့ကို ထွက်ပြေးခွင့်ပေးမှာလား ။"

အနောက်ကောင်းကင်ဒိုမိန်းကို စောင့်ကြပ်နေသောစစ်တပ် ၏ ရှေ့တန်းတွင် စောင့်ကြပ်သူမှာ ထျန်းကျူး ဂိုဏ်းမှ တာအိုနက်နဲကျင့်ကြံသူဖြစ်သည် ။

ယခုအချိန်တွင် သူသည် ရန်သူအား စိတ်အားထက်သန်စွာ လိုက်လံဖမ်းဆီးနေသော်လည်း ဒေါသတကြီးဖြင့် ကျိန်ဆဲခြင်းမှတပါး အခြားရွေးချယ်စရာမရှိတော့ဘဲ သွေးနှောများ၏ တာအိုနက်နဲကျင့်ကြံသူ၏ အတားအဆီးကို ခံခဲ့ရသည် ။

ထို့ပြင် အခြားသောကျင့်ကြံသူများလည်း မလိုက်လာနိုင်သဖြင့် သွေးနှောစစ်တပ်က အတားအဆီးကို ဖြတ်ကျော်တော့မည်ဖြစ်သည်။

အခြားနယ်မြေများနှင့် မတူဘဲ ထျန်းလင်းနယ်မြေသည် သွေးနှောများအတွက် အထွတ်အမြတ် နေရာတစ်ခုဖြစ်ပါသည်။ အကယ်၍ သူတို့ပြန်သွားနိုင်လျှင် ပင်လယ်ထဲသို့ဝင်သွားသောငါးကဲ့သို့ ဖြစ်ကာ လူသားများသည်နောက်သို့လိုက်ရန် ခက်ခဲသွားမည်ဖြစ်သည်။

တန်ပြန်တိုက်ခိုက်မှုအတွက် ခက်ခက်ခဲခဲ အနိုင်ရခဲ့သော အခွင့်အရေးသည်လွဲချော်သွားပုံရသဖြင့် ထျန်းကျူးဂိုဏ်း၏ သခင်ကို နက်ရှိုင်းစွာ စိတ်ဓာတ်ကျစေခဲ့ပါသည်။

သွေးနှောခေါင်းဆောင်နှင့် နေရာလပ်ကိုဖြတ်သန်းကာ တိုက်ခိုက်ကြပြီးနောက်၊ သူ၏အခွင့်အရေး လုံးဝဆုံးရှုံးသွားပြီကိုသိသဖြင့် သူ၏ပုံရိပ်သည်ရပ်တန်သွားခဲ့လေသည်။

ထိုနေရာတွင် သွေးနှောတာအိုနက်နဲသူတော်စင်သည် မတတ်နိုင်ဘဲ စိတ်ချစွာ သက်ပြင်းချလိုက်လေသည်။

သို့သော်ထိုအချိန်တွင် ပုံမှန်မဟုတ်သည့်အခြေအနေဖြစ်ပေါ်လာခဲ့သည်။

ရုတ်တရက် အလွန်မြန်ဆန်သည့်အလင်းတန်းနှစ်ခုသည် ကောင်းကင်ကိုဖြတ်သန်းလာပြီး အလွန်လွမ်းမိုးနိုင်သည့် ရောင်ဝါကိုသယ်ဆောင်ထားပြီး ရှေ့တန်းသို့တိုက်ရိုက်ရောက်ရှိလာကာ လူတိုင်းကို ဖိနှိပ်ခဲ့သည်။

ထို့နောက်တွင် ပုံရိပ်နှစ်ခုသည် မြေပေါ်သို့ဆင်းသက်လာပြီး သွေးနှောစစ်တပ်၏ သောင်းနှင့်ချီသော လမ်းကြောင်းများကို ပိတ်ဆို့လိုက်သည်။

ရုတ်တရက် ကြီးမားသော တောင်တန်းများစွာသည် မြေပြင်မှ ထွက်ပေါ်လာပြီး ရှေးဟောင်းစစ်တပ်ကို ၎င်း ၏ လမ်းကြောင်းများတွင် အတင်းအဓမ္မ တားဆီးခဲ့သည် ။

"ဘယ်သူက လုပ်ရဲတာလဲ? သေချင်နေတာလား?"

ရှေးဟောင်းစစ်တပ်က ၎ င်းတို့ ၏ လမ်းကြောင်းကို ရှာဖွေရင်း ရုတ်တရက် ဖရိုဖရဲဖြစ်သွားခဲ့သည် ။

စစ်တပ်၏ ဖွဲ့စည်းပုံသည် ပျံ့သွားပြီး တစ်ဦးနှင့်တစ်ဦး နင်းမိစပြုလာသည်ကို စောင့်ကြည့်နေသည့် သွေးနှောတာအိုနက်နဲကျင့်ကြံသူသည် အတိုင်းအတာထက် ကျော်လွန် ၍ ဒေါသထွက်ကာ တိုးပွားလာသော စွမ်းအားဖြင့် ရှေ့သို့ တိုးဝင်လာခဲ့သည် ။

"ငါးရောင်ခြယ်သုတ်သင်ခြင်းအလင်း။"

တောင်များအထက်တွင် ပျံသန်းနေသော မည်းနက်သည့်အရိပ်များသည် အစိမ်း၊ အနီ၊ အဝါ၊ အဖြူ၊ အပြာရောင် ရောင်ခြည်များဖြင့် ရုတ်တရက်ပေါက်ကွဲသွားသည် ။

ငါးရောင်ခြယ်အလင်းသည် သုတ်သင်ခြင်းရောင်ဝါကိုသယ်ဆောင်ကာ ချက်ခြင်းပင် စိန်ခေါ်မှုကို ရင်ဆိုင်ခဲ့သည်။

ဂျုန်း...

သူတို့၏တိုက်ခိုက်မှုသည် လေထဲတွင် ကြောက်မက်ဖွယ်စွမ်းအားကိုထုတ်လွတ်ခဲ့ပြီး မြင့်တက်လာသော တောင်တန်းများကို ပြိုကျစေခဲ့သည်။

သို့သော် ၎င်းသည် သွေးနှောစစ်တပ်အတွက်လွှတ်မြောက်ရန်လမ်းမဟုတ်ခဲ့ပဲ ထိုအစား ပြိုကျနေသောတောင်များသည် သွေးနှောများအတွက် ကပ်ဘေးတစ်ခုဖြစ်ခဲ့လေသည်။

"သေစမ်း။ သေစမ်း!

သွေးနှောများသည် ဒေါသထွက်သွားကြသည်။ မရေတွက်နိုင်သော တာအိုဖွဲ့စည်းခြင်း သွေးနှောကျင့်ကြံသူများသည်အလျင်အမြန်ထွက်လာပြီး ရန်သူအားတိုက်ခိုက်ခဲ့သည် ။

သို့သော် ထို့နောက်တွင် ဒြပ်စင်ငါးပါး၏ ပိုင်နက်သည့် ပွင့်ထွက်လာပြီး ပြန်လည်မွေးဖွားခြင်း သံသရာ၏ လွှမ်းမိုးနိုင်သည့် စွမ်းအားဖြင့် ရောနှောသွားသည်။

သွေးနှောတာအိုသခင် အများအပြားသည် ခဏအကြာတွင်သူတို့သည် ပိုင်နက်မှ ဖျက်ဆီးခံရသောအခါ ပျံသန်းရန်ပင် မလွယ်ကူတော့ပေ။

၎င်းသည် သွေးနှောကျင့်ကြံသူအများစု၏ကျောရိုးကိုကြက်သီးထစေခဲ့ပြီး အေးစက်သည့် ကြောက်ရွံ့မှုတစ်ခုဖြစ်စေခဲ့လေသည်။

"ဟား ဟား ၊ အရမ်းကောင်းတယ်!"

ထိုအခိုက်အတန့်သည် မရေတွက်နိုင်သည့်လူသားကျင့်ကြံသူများအား နောက်မှ ဝိုင်းရံနိုင်ရန် အချိန်ပေးခဲ့ကာ သွေးနှောစစ်တပ်၏ဆုတ်ခွာခြင်းကို တားဆီးနိုင်ခဲ့လေသည်။

သွေးနှောများလွှတ်မြောက်ပြီဟု ထင်ခဲ့ကြသောသူများသည် လူနှစ်ဦးတည်းဖြင့် သောင်းနှင့်ချီသော သွေးနှောများအား တားဆီးထားသည်ကိုမြင်လျှင် တုန်လှုပ်သွားကြလေသည်။

ထိုအစ်ရောက်လာသူများသည် ကျန်းချန်းရွှမ်နှင့် ရှန်းရူယန်တို့ပင်ဖြစ်ပေသည်။

"မင်း ဒီမှာရောက်နေမှတော့ ဘာလို့ နည်းနည်းကြာကြာ မနေတာလဲ"

ဒေါသထွက်နေသော သွေးနှောကျင့်ကြံသူများကို ရင်ဆိုင်ရင်း ကျန်းချန်ရွှမ်သည် ပေါ့ပါးစွာ စကားပြောလိုက်သည်။

ဒြပ်စင်ငါးပါးလောကငယ်တွင် ပြန်လည်မွေးဖွားခြင်းစည်းမျဉ်းနှင့်ပူးပေါင်းကာ သူသည် များစွာသော တာအိုနက်နဲကျင့်ကြံသူများကို နောက်ဆုတ်စေနိုင်ရန် ယုံကြည်ချက်ရှိပါသည်။

"သေမင်းလှံ။"

သွေးနှောများ၏ ရှင်သန်မှုလမ်းကြောင်းကို ခြိမ်းခြောက်ခဲ့သော ရန်သူသည် အလွန် မာနကြီးနေသည်ကို မြင်လိုက်ရသောအခါ သွေးနှောတာအိုအရှင်သည် အကြောင်းပြချက် ပျောက်သွားခဲ့လေသည်။

သူ၏ကောင်းကင်ဆက်ဝိညာဉ်ရတနာကိုဆင့်ခေါ်ကာ သူသည် ၎င်းကို အနက်ရောင် အလင်းရောင်ခြည်အဖြစ် ပြောင်းလဲလိုက်သည်။

သို့သော် ကျန်းချန်ရွှမ်၏ လက်မောင်းမှလှိုင်းတစ်ခုနဲ့အတူ ဒြပ်စင်ငါးပါးကားချပ်ကို ချက်ခြင်းဖော်ထုတ်လိုက်ပြီး ရွှေဗလာနယ်ဓားသည် တစ်နေရာမှပေါ်ထွက်လာကာ ရွှေရောင်အလင်းပေါက်ကွဲမှု ဖြစ်ပေါ်ခဲ့လေသည်။

နှစ်ဦး၏တိုက်ခိုက်မှုမှ စည်းမျဉ်းများသည် ချက်ခြင်းပင် အကြိမ်ထောင်ပေါင်းများစွာ နေရာလပ်တွင် ပေါ်ထွက်လာခဲ့သည်။

သွေးနှောတာအိုနက်နဲသူတော်စင်သည် ပြင်းထန်စွာတိုက်ခိုက်ခဲ့သည်။

သို့တိုင် မည်သို့ပင်ဖြစ်ပါစေ သူသည် ကျန်းချန်ရွှမ်၏ဒြပ်စင်ငါးပါး ပြန်လည်မွေးဖွားခြင်းပိုင်နက်အား မချိုးဖောက်နိုင်ခဲ့ပါ။

သူသာမက ကျန်းချန်ရွှမ်အား အတူတကွတိုက်ခိုက်နေသူ သွေးနှောတာအိုအရှင် ဆယ်ယောက်ကျော်သည် သေခြင်းနှင့်ရှင်ခြင်းအခိုက်အတန့်ကိုခံစားနေရလေသည်။

သွေးနှောစစ်တပ်အတွက် လမ်းဖွင့်ဖို့ကြိုးစားမည့်အစား၊ သူတို့သည် ဖရိုဖရဲအခြေအနေအား ချိုးဖောက်ရန်ကြိုးစားနေကာ သူတို့၏ကိုယ်ပိုင်လွတ်မြောက်မှုကို ရှာနေသည်နှင့် ပိုတူပေသည်။

သို့သော် သူတို့ ၏ ရည်ရွယ်ချက်များ မည်သို့ပင်ရှိစေကာမူ ပြန်လည်မွေးဖွားခြင်းပိုင်နက်အတွင်း ဝင်ရောက်လာသည့်တာအိုအရှင် မည်သူမျှ မကျော်လွှားနိုင်သော နံရံကို ရင်ဆိုင်နေရသကဲ့သို့ ဖြတ်ကျော်နိုင်ခြင်း မရှိခဲ့ပေ။

နောက်တစ်ခဏတွင် အနောက်ကောင်းကင်ဒိုမိန်းကိုကာကွယ်သောအဆင့်မြင့်ကျင့်ကြံသူများသည် ရောက်ရှိလာကာ သွေးနှောတာအိုအရှင်များအား တိုက်ခိုက်ခဲ့လေသည်။

ထိုအရာသည် သူတို့ ၏ ကံကြမ္မာကို တံဆိပ်ခတ်ထားသည်မှာ သံသယဖြစ်စရာမရှိပေ ။

မဖြတ်သန်းနိုင်သည့် အတားအဆီးနှင့် အတူ နောက်မှလိုက်နေသောသူများနှင့် တစ်ချိန်က ကောင်းမွန်ခဲ့သည့်အခြေအနေသည် လူတစ်ဦးတည်းမှပြောင်းလဲခံလိုက်ရသည်။

မရေတွက်နိုင်သော သွေးနှောကျင့်ကြံသူများသည် စိတ်ပျက်မှုကို ပြသခဲ့ကြပြီးူ ၎ င်းတို့ ၏ ဆန္ဒများ ကျိုးပဲ့ပျက်စီးခဲ့ကြသည် ၊ ၎ င်းတို့ ၏ အကူအညီမဲ့သော ဟိန်းသံများသည် အနောက်ကောင်းကင် ဒိုမိန်းတစ်လျှောက် ပျံ့နှံ့သွားခဲ့သည် ။

"မဟုတ်ဘူး.. ငါဒါကိုလက်မခံနိုင်ဘူး။ ငါနယ်မြေခြားမှာသေဖို့ငြင်းဆန်တယ်။"

"သတ်...သွေးနှောတွေကိုသတ်ဖြတ်ကြ၊ ငါတို့ရဲ့ အနောက်ကောင်းကင်ကိုကာကွယ်ကြ။"

ကျန်းချန်ရွှမ် ရုတ်တရက်ပေါ်ပေါက်လာခြင်းနှင့်အတူ အနောက်ကောင်းကင်ပိုင်နက်ရှိ သွေးနှောစစ်တပ်ကို ဖျက်သိမ်းရန်တိုက်ပွဲသည် ယခုအချိန်တွင်တရားဝင်ဖြစ်ပွားခဲ့ပြီး အလွန်ပြင်းထန်နေသည် ။

***