မြောက်ပိုင်းကောင်းကင်တွင်အခြေချခြင်း၊ လောကသစ်၏အခြေအနေဆိုးရွားလာခြင်း

မြေနက်လှံသည် ပင်လယ်နက်လေလွင့်တာအိုနက်နဲသူတော်စင်နှင့် ထိပ်တိုက်တွေ့ခဲ့ပြီး ချက်ခြင်းပင် နေရာလပ်က ပြိုကွဲသွားခဲ့သည်။

ကြီးမားသော၊ ခိုင်မာသောအကြေးခွံများနှင့် လေးလံသော မြေနက်လှံတို့တွေ့သောအခါ သူသည်ဥက္ကာခဲဖြင့်ရိုက်နှက်ခံရသကဲ့သို့ ခံစားခဲ့ရသည် ။

ပင်လယ်နက်လေလွင့်သူ၏ တာအိုနက်နဲအဆင့်အကြေးခွံသည် ထိုတိုက်ခိုက်မှုအောက်တွင် အစိတ်စိတ်ကွဲကြေသွားကာ သစ်သားပြားများက သံတူဖြင့်ရိုက်ခံရသကဲ့သို့ဖြစ်သွားလေသည်။

"အား.."

ပင်လယ်နက်လေလွင့်သူတာအိုနက်နဲကျင့်ကြံသူ၏ ခန္ဓာကိုယ်သည် ပုဇွန်ပုံစံဖြစ်သွားပြီး သူ၏ပါးစပ်မှ ချက်ခြင်းပင် သွေးများအန်ထွက်လာပြီး သူ၏အတွင်းအင်္ဂါတစ်ချို့နှင့်အတူ ပေါင်းစပ်သွားလေသည်။

မဖော်ပြနိုင်သော နာကျင်မှုက သူ့စိတ်၌ ချက်ခြင်းပြည့်သွားကာ သူသည်ပုန်းကွယ်ထားသည့် အလွန်ကြမ်းတမ်းသော မျက်နှာကို လှည့်လာခဲ့သည်။

အဝေး၌ သူတော်စင်အန္တိမယင်နှင့်သူတော်စင်ရေခဲကောင်းကင်သည် အံ့အားသင့်စွာ စိုက်ကြည့်နေကြသည်။

ထိုစက်ဆုပ်ဖွယ်ကောင်းသည့် သူတစ်ပါးကိုပုန်းခိုတိုက်ခိုက်တတ်သော ပင်လယ်နက်လေလွင့်သူသည် နောက်ဆုံးတွင် အပစ်ပေးခံရပြီဖြစ်သည်။

နောက်ဆုံးတွင် မြေနက်လှံသည် ပင်လယ်ရေအောက်သို့ ပြင်းထန်စွာ ထိုးဖောက်ဝင်ရောက်ခဲ့ပြီး ပေရာပေါင်းများစွာမြင့်သော လှိုင်းများ မြင့်တက်လာကာ ပင်လယ်နက်တာအိုနက်နဲသူတော်စင်၏ ပျက်စီးနေသောခန္ဓာကိုယ်အား သယ်ဆောင်သွားလေသည်။

"နှမြောစရာပဲ။"

ကျန်းချန်ရွှမ်သည် မြေနက်လှံကိုရုပ်သိမ်းလိုက်ကာ ဖြည်းညှင်းစွာပြောလိုက်သည်။

နောက်ဆုံးအခိုက်အတန့်တွင် သူသည် ပင်လယ်နက်တာအိုနက်နဲသူတော်စင်၏ နတ်စွမ်းအားသည် ပြန်လည်ရရှိလာကြောင်း ခံစားလိုက်ရပြီးနောက် သူသည် ထိုသူအပေါ် အာရုံခံ၍မရတော့ပေ။

သူသည် ထပ်မံ၍ ဖုံးကွယ်ထားသည့်နတ်စွမ်းအားကိုသုံးကာ အရေးကြီးသောအချိန်တွင် ထွက်ပြေးသွားခဲ့သည်။

၎င်းသည် ကျန်းချန်ရွှမ်၏ကျင့်ကြံခြင်းအဆင့်နှင့် သက်ဆိုင်ပါသည်။

သူ၏ ဒြပ်စင်ငါးပါးတာအိုသည် အလွန်လွမ်းမိုးနိုင်ကာ စွမ်းအားကြီးသော်လည်း ကောင်းကင်နှင့် မြေကြီးတို့၏ နားလည်ခြင်းနှင့် စည်းမျဉ်းများ၏နက်နဲမှုတို့၌ သူသည် တာအိုနက်နဲသူတော်စင်များနှင့် နှိုင်းယှဉ်လျှင်အနည်းငယ်လျော့နည်းနေဆဲဖြစ်သည် ။

ထို့ကြောင့် တာအိုနက်နဲအဆင့်ရန်သူများသည် လွတ်မြောက်ရန်အတွက် ၎င်းတို့ ၏ အသက်ကိုစွန့်စားရန်နှင့် ပေးဆပ်ရန်ဆန္ဒရှိပါက ၎င်းတို့ကိုဖမ်းဆီးရန် သူ့အတွက် ခက်ခဲနေဦးမည်ဖြစ်သည် ။

သို့ရာတွင်၊ ဒြပ်စင်ငါးပါးနတ်အလင်းနှင့် မြေနက်လှံသည် ပူးပေါင်းတိုက်ခိုက်မှုသည် ပင်လယ်နက်လေလွင့်သူ တာအိုနက်နဲကျင့်ကြံသူများအတွက် ခက်ခဲသောအချိန်ဖြစ်စေခဲ့ပါသည်။

ကျန်းချန်ရွှမ်သည် များစွာသောနှစ်ပေါင်းရာချီပြန်လည်ကုသခြင်းမပြုလျှင် ထိုပင်လယ်နက်လေလွင့်သူသည် ထပ်မံ၍လှုပ်ရှားမှုပြုလုပ်နိုင်မည်မဟုတ်ပါ။

ပြီးနောက် ထိုနှစ်ရာပေါင်းများစွာအတွင်းတွင်၊

ပြိုင်ဘက်၏ကျင့်ကြံမှုအဆင့်သည် ဒဏ်ရာများကြောင့်ပင် ကျဆင်းသွားနိုင်ပြီး မည်သည့်အခါမျှ ပြန်လည်ကောင်းမွန်လာနိုင်မည် မဟုတ်ပါ ။

ကျန်းချန်ရွှမ်သည်စိတ်ချစွာ သက်ပြင်းချလိုက်ပြီး သူတော်စင်ဒေါသလှိုင်းနှင့် သူတော်စင်မုန်တိုင်းလှိုင်းတို့ကို လှည့်ကြည့်လိုက်သည်။

ထိုအကြည့်တစ်ချက်က ထိုစွမ်းအားကြီး ပင်လယ်နက်ကျင့်ကြံသူနှစ်ဦးအား နှလုံးသားထဲမှ ကြက်သီးထသွားစေသည်။

ဤတိုက်ခိုက်မှုအနည်းငယ်အကြာတွင် သူတို့နှစ်ဦးသည် ယခင်က မာနထောင်လွှားမှုသည် မည်မျှ မိုက်မဲသည်ကို နားလည်ခဲ့ကြသည် ။

ထိုတာအိုပေါင်းစည်းခြင်းရန်သူသည် ကြောက်စရာကောင်းတဲ့ မကောင်းဆိုးဝါးတစ်ကောင် ဖြစ်သည်မှာ သိသာထင်ရှားပါသည်။

ကျီ...

သူတော်စင်မုန်တိုင်းလှိုင်းက ရုတ်တရက် ဦးချိုတစ်ချောင်းကို ထုတ်လိုက်ပြီး မှုတ်လိုက်ပြီးနောက် သူတို့နှစ်ဦးသည် ပင်လယ်ထဲသို့ ခုန်ဆင်းသွားကြသည် ။

ထိုအသံက ပင်လယ်နက်လေလွင့်သူများ၏ ဆုတ်ခွာဖို့ရန် အချက်ပြခြင်းဖြစ်သည်။

ဦးချိုသံကြားသည်နှင့် ပင်လယ်နက်စစ်တပ်သည် ချက်ချင်း ပြိုကျသွားပြီး ထွက်ပြေးရန် လမ်းကြောင်းအားလုံး၌ပျံ့နှံ့သွားကြသည်။

နောက်မှ လူအင်အားစုများက မဆုတ်မနစ် လိုက်လံတိုက်ခိုက်ခဲ့သော်လည်း သူတို့သည် ပြန်မတိုက်ရဲကြဘဲ သမုဒ္ဒရာကြမ်းပြင်ထဲသို့ နက်ရှိုင်းစွာ ရေငုပ်သွားကြလေသည်။

ကျန်းချန်ရွှမ်၏စွမ်းအားသည် သူတို့အား အတွင်းထဲထိကြောက်ရွံ့စေခဲ့ပြီဖြစ်သည်။

ထို့အပြင် ရှန်းရူယန်နှင့် သူမ၏အုပ်စုသည် စစ်မြေပြင်တွင် ပင်လယ်နက်စစ်တပ်ကို အကြီးအကျယ် ဆုံးရှုံးစေခဲ့ပြီးဖြစ်သည်။

ထိုကဲ့သို့သော အခြေအနေမျိုးတွင် ပင်လယ်နက်ကျင့်ကြံသူတစ်ဦးမှ မနေရဲတော့ပါ။

သို့သော်လည်း ပင်လယ်နက်လေလွင့် တာအိုနက်နဲကျင့်ကြံသူနှစ်ဦးထွက်ပြေးလွတ်မြောက်မှုကို ကျန်းချန်ရွှမ်သည် လိုက်လံ၍ ဖမ်းဆီးခြင်းမပြုခဲ့ပါ။

အကြောင်းမှာ ပင်လယ်နက်လေလွင့်ကျင့်ကြံသူများသည် ပင်လယ်အောက်တွင် အလွန် ကျင်လည်တတ်ပြီး သူသည် မြောက်ပိုင်းကောင်းကင်ပိုင်နက်အတွင်းရှိအခြေအနေနှင့် မရင်းနီးသဖြင့် အန္တရာယ်ရှိသောအခြေအနေသို့ကျရောက်ရန် လွယ်ကူခဲ့ခြင်းကြောင့် ဖြစ်သည်။

သို့သော် တာအိုပေါင်းစည်းခြင်း ပင်လယ်လေလွင့်သူများ လွတ်မြောက်လိုသောအခါ ကျန်းချန်ရွှမ်သည် ချက်ခြင်းလှုပ်ရှားကာ သတ်ဖြတ်လိုက်သည်။

နောက်ဆုံးတွင် ကျန်းချန်ရွှမ်နှင့်အခြားသူများ၏ ပံ့ပိုးမှုဖြင့် ပင်လယ်နက်လေလွင့်သူများမှ ဖျက်ဆီးလုနီးပါးဖြစ်ခဲ့သော မြောက်ပိုင်းကောင်းကင်ပိုင်နက်သည် အသက်ရှင်ခဲ့ပါသည်။

သူတော်စင်အန္တိမယင်နှင့်သူတော်စင်ရေခဲကောင်းကင်တို့က ကျေးဇူးတင်စကား ပြောလိုက်ကြသည်။

အစွန်းရောက် ယင်ဂိုဏ်းနှင့် ရေခဲကောင်းကင်တံခါးတို့၏ တပည့်များသည် ၎ င်းတို့ ၏ အသက်ကို ကယ်တင်သည့် ကျေးဇူးကြောင့် ပို၍ပင် ကျေးဇူးတင်ခဲ့ကြသည် ။

“ညီအစ်ကို ချန်ရွှမ်၊ အကယ်၍အနာဂတ်မှာ ကျွန်တော်တို့ရဲ့အကူအညီလိုအပ်ခဲ့ရင် ကျွန်တော်တို့ သေချာပေါက် အသက်နဲ့ရင်းပြီး ပြန်ပေးမှာပါ။"

သူတော်စင်ရေခဲကောင်းကင်သည် ကျန်းချန်ရွှမ်ကိုဦးညွှတ်ကာ ပြောလိုက်သည်။

"ကျွန်တော်မခံယူဝံ့ပါဘူး။ မခံယူဝံ့ပါဘူး။ အခုခေတ်မှာရေတံခွန်ဂိတ်နယ်မြေက ဖရိုဖရဲကိစ္စတွေကြောင့် ကျင့်ကြံသူတွေကြားမှာ အပြန်အလှန်ကူညီကြတာက သဘာဝပါပဲ။"

ကျန်းချန်ရွှမ်သည် ရိုးသားစွာဖြေလိုက်သည်။

ထိုနေ့တွင် မြောက်ပိုင်းကောင်းကင်ပိုင်နက်သည် ကျဆုံးသွားသည့်တပည့်များကို မြေမြုပ်ပေးခဲ့ပြီး သူတို့၏ဝိညာဉ်ကို အေးချမ်းစေခဲ့သည်။

မြောက်ပိုင်းကောင်းကင်ပိုင်နက်၏ အရေးကိစ္စများသည် ကျန်းချန်ရွှမ်နှင့် အခြားသူများ၏ အကူအညီနှင့် ဖြေရှင်းပြီဖြစ်လေသည်။

ကျန်းချန်ရွှမ်၏နာမည်သည် မြောက်ပိုင်းကောင်းကင်ပိုင်နက်တွင်လည်း ကျော်ကြားနေခဲ့သည်။

ထိုအချိန်တွင် မြင်ကွင်းသည် လောကသစ်သို့ပြောင်းလဲသွားခဲ့သည်။

လောကသစ်တွင် လူသားမျိုးနွယ်နှင့် အသူရာနတ်ဆိုးတို့အကြားကြောက်မက်ဖွယ်တိုက်ပွဲသည် ပို၍ပြင်းထန်လာသည်။

ဆယ်စုနှစ်များစွာ စစ်ပွဲများ ဖြစ်ပွားခဲ့ပြီးနောက် အသူရာနတ်ဆိုးမျိုးနွယ်စုများ ၏ နယ်မြေသည် ဆက်လက် ကျယ်ပြန့်လာခဲ့သော်လည်း လူသားမျိုးနွယ် ၏ အင်အားသည် ကျုံ့သွားခဲ့သည် ။

လောကသစ်တွင် အသူရာနတ်ဆိုးများ၏ ပုံရိပ်များကို နေရာတိုင်းမှာ တွေ့နိုင်ပါသည်။

ခိုင်ခံ့သောနေရာအမျိုးမျိုး၏ ပူးတွဲကာကွယ်ရေးသည်ပြိုလဲသွားပြီး အသူရာ နတ်ဆိုးများသည် မကြာခဏလူသားများ၏ နယ်မြေများသို့ ၀င်ရောက်လေ့ရှိပြီး အကျပ်အတည်းများစွာ ဖြစ်ပေါ်စေသည် ။

လောကသစ်၏ မျက်နှာပြင်ပေါ်တွင် အသူရာနတ်ဆိုးခံတပ်များသည် မြေကြီးပေါ်မှ တစ်ခုပြီးတစ်ခု တက်လာသည် ။

ကောင်းကင်သို့ တိုက်ရိုက်ရောက်ရှိခဲ့သည့် ရက်စက်သည့်နတ်ဆိုးချီများသည်ကောင်းကင်အား ကူးစက်စေကာ မြေကိုလုံးဝဖျက်ဆီးခဲ့သည်။

အသူရာနတ်ဆိုးများသည် အခြားလူမျိုးစုများထက် ပို၍ ကြောက်မက်ဖွယ်ကောင်းပါသည်။

သူတို့သည် သူတို့၏မူလသဘာဝဖြစ်သည့် ဖျက်ဆီးခြင်းနှင့် သွေးဆာခြင်းများနောက်သို့လိုက်ခဲ့ပြီး လူသားများအား နေညမပြတ်တိုက်ခိုက်မှုများ ဆက်တိုက်ပြုလုပ်ခဲ့လေသည်။

ထို့ပြင် အသူရာနတ်ဆိုးများသည် လူသားကျင့်ကြံသူများကို ဖောက်ပြန်ပျက်စီးစေနိုင်သော များစွားသော ထူးဆန်းသည့်နည်းလမ်းစွမ်းရည်များရှိပါသည်။

ယခင်က ချစ်ခင်သူများသည် အချင်းချင်းသတ်ဖြတ်လာကြပြီး မထင်မှတ်ထားသည့် ဝမ်းနည်းစရာများဖြစ်စေခဲ့သည်။

အသူရာနတ်ဆိုးများ၏ စွမ်းအားသည် ထိုလောကတွင် ပြန့်နှံ့ခဲ့ပြီး လောက၏အနှစ်သာရကို ညစ်ညမ်းစေခဲ့သည်။

အကြောင်းမှာ ထိုလောကသည် သူ၏ကိုယ်ပိုင်မျိုးနွယ်စုမရှိသောကြောင့်ဖြစ်သည်။

လောကသစ်၏ ထောင့်တိုင်းသည် လူသားမျိုးနွယ်နှင့် အသူရာနတ်ဆိုးများအကြား စစ်မြေပြင်ဖြစ် ခဲ့ပြီး အလောင်းကောင်များပြန့်ကျဲနေကာ အပျက်အစီးပုံများဖြင့် စက်ဆုပ်ဖွယ်ဖြစ်လာခဲ့သည်။

ဤနေရာတွင် တိုက်ပွဲသည် နောက်ဆုံးအဆင့်သို့ ရောက်ရှိနေပြီဖြစ်ပြီး သတ်ဖြတ်မှုသည် ပို ၍ ပင် ရက်စက်လာသည် ။

သို့သော် လူသားမျိုးနွယ်သည် လွှမ်းမိုးနိုင်သော အနေအထားတွင် မရှိပေ။ သူတို့သည် နောက်ဆုံးခံတပ်ကို စောင့်ကြပ်နေကြကာ သူတို့၏ပျက်စီးကြောင်းကို စောင့်နေခြင်းပင် ဖြစ်ကောင်းဖြစ်နိုင်ပေသည်။

ရေတံခွန်ဂိတ်နယ်မြေ၏ တိုက်ပွဲသတင်းများလည်း ဆိုးရွားနေသည့်အခြေအနေသည် ဆက်တိုက် ထွက်ပေါ်နေခြင်းဖြင့် တစ်ရက်တွင် ချင်ရှန်းဝူနှင့် အခြားမဟာယာနတာအိုအရှင်များသည် နောက်ဆုံးတွင် စိတ်ဆုံးဖြတ်လိုက်ကြသည်။

"ကျွန်တော်တို့ ဒီလိုမျိုးတွေ ဆက်ဖြစ်နေတာကို ခွင့်မပြုနိုင်ဘူး ။"

လောကသစ်၏ ကောင်းကင်ပေါ်တွင် နတ်ဘုရားအရိပ်ဂိတ်၊ နတ်ဗိမာန်ဂိုဏ်းနှင့် ဟောက်ရန်ဂိုဏ်းတို့၏ မဟာယာနတာအိုအရှင်သုံးဦးသည် ဘေးချင်းယှဉ်ရပ်နေကြသည်။

သူတို့၏ရှုထောင့်မှကြည့်လျှင် အသူရာမျိုးနွယ်၏ခံတပ်များသည် လှောင်အိမ်နှင့် ဆေးထိုးအပ်တို့နှင့် တူကာ လောကသစ်၏အနှစ်သာရများကို စုပ်ယူနေကြသည်။

ဤသို့ဆက်ဖြစ်နေမည်ဆိုလျှင် လောကသစ်ပင် အသူရာနတ်ဆိုးတို့မှ လုံးဝဝါးမြိုခံရမည် သာမကဘဲ ရေတံခွန်ဂိတ်နယ်မြေသည်လည်း ကူးစက်ခံရတော့မည်ဖြစ်သည်။

"ဟုတ်တယ်။ အသူရာနတ်ဆိုးတွေကို နောက်ထပ် မဖြိုခွင်းနိုင်တော့ဘူး။"

နတ်ဗိမာန်ဂိုဏ်းမှ တာအိုအရှင်ကပြောလိုက်သည်။

ထိုနေရာသို့မလာခင် သူတို့သည် နှစ်ပေါင်းများစွာအနားယူခဲ့ပြီးဖြစ်ကာ ၎င်းတို့၏စွမ်းအားများ အားလုံးကို အထွတ်အထိပ်သို့ရောက်အောင်လုပ်ခဲ့သည်။

နောက်ဆုံးတိုက်ပွဲဝင်ဖို့ရန်သာ ရှိပါတော့သည်။

မဟာယနတာအိုအရှင်များလှုပ်ရှားသည့်အခါ သက်ရောက်မှုက တိုင်းတာ၍ မရနိုင်ပါ။

သို့သော် ထိုအခြေအနေသည် အရေးယူခြင်းမှလွဲ၍ အခြားရွေးချယ်စရာမရှိသည့် အခြေအနေသို့ ရောက်ရှိသွားခဲ့သည် ။

"သွားကြရအောင်!"

နတ်ဘုရားအရိပ်ဂိတ်မှ တာအိုအရှင်ကသူတို့နှစ်ဦးအားကြည့်ကာ ပြောလိုက်သည်။

သူတို့က ခေါင်းညိတ်လိုက်သည်။

ထို့နောက် သူသည် လက်ဖဝါးကိုထုတ်လိုက်ပြီး ညှင်သာစွာဖြင့် နေရာလပ်ကို ဖိလိုက်လေသည်။

ချက်ခြင်းပင် ထူးဆန်းသည့်စွမ်းအားသည်ပြန့်နှံ့သွားပြီး လောက၏စည်းမျဉ်းများသည် နာခံစွာဖြင့် သူ၏လက်အား ရှောင်လိုက်လေသည်။

သူတို့သုံးဦး၏ရှေ့တွင် အနက်ရောင်ဝင်ပေါက်က ပေါ်ထွက်လာခဲ့သည်။

မဟာယာန တာအိုအရှင်များသည် တာအိုသို့ရောက်သောအခါ သူတို့သည် ကြောက်မက်ဖွယ် တည်ရှိမှုများ ဖြစ်လာကြပြီး

၎င်းတို့သည် လောကများအကြားရှိ တံခါးများကို လွတ်လပ်စွာ ဖွင့်နိုင်ပါသည် ။

***