အမှီလိုက်ခြင်း၊ အသူရာစစ်တပ်

ကျန်းချန်ရွှမ်သည် ရှန်းရူယန်နှင့်အတူ လောကသစ်ကိုဖြတ်ကာ သူတို့၏လမ်းကိုသွားခဲ့ပြီး သူတို့၏ စောင့်ကြပ်ရမည့်နေရာသို့ ဦးတည်သွားခဲ့သည်။

ထိုခရီးတွင်၊ လေထုသည် ကြမ်းတမ်းရက်စက်သည့်နတ်ဆိုးချီနှင့် ပြည့်နှက်နေကာ နတ်ဆိုးခံတပ်သည် ကောင်းကင်၏ နေရာတိုင်း၌ ထိုးထွက်နေပြီး သွေးရောင်ရေဗွေကို ဖြစ်ပေါ်စေခဲ့သည်။

နတ်ဆိုးလေပြင်းများသည် တိုက်ခတ်လာပြီး အသူရာလောက၌ ပြသနာများအရ အသူရာနတ်ဆိုး တို့၏ စွမ်းအားသည်အားနည်းနေသောကြောင့် လောကသစ်သည် အမှောင်ထုထဲ ကျရောက်နေလေသည်။

အသူရာနတ်ဆိုးစစ်တပ်သည် ယခင်က ကြမ်းတမ်းသည်ကို မြင်နိုင်ပါသည်။

သို့သော် ၎င်းတို့ ၏ ဦးတည်ရာမှ အနည်းငယ် ဝေးကွာနေချိန်တွင် ရုတ်တရက် နတ်ဆိုးချီသည် သူတို့ထံသို့ အဝေးမှ ပြေးဝင်လာသည် ။

အနက်ရောင်နတ်ဆိုးမိုးတိမ်များသည် ကြောက်ရွံ့ခြင်းရောင်ဝါကိုသယ်ဆောင်ထားပြီး အသက်ရှုသံအချို့အတွင်း သူတို့ဆီသို့ရောက်ရှိလာကာ သူတို့အားလှည့်ပတ်နေသည့်နတ်ဆိုးချီကို ဖွဲ့စည်းခဲ့သည်။

"ဟားဟားဟား၊ သေခြင်းတရားကို မကြောက်မရွံ့နဲ့ အခုထိ တစ်ယောက်တည်း လှည့်လည်နေတဲ့ လူသားကျင့်ကြံသူတွေ ရှိနေသေးတယ်ပေါ့။"

အနက်ရောင်ချီ၏နောက်တွင် အသူရာနတ်ဆိုးများသည် ကခုန်နေကြပြီး အသူရာနတ်ဆိုးများ၏ ပုံရိပ်များတစ်ခုပြီးတစ်ခုပေါ်ထွက်လာပြီး လူနှစ်ဦးအားဝိုင်းရံထားကြလေသည်။

လောကသစ်တွင် ဖြစ်ပွားခဲ့သော စစ်ပွဲများအရ လူသားများဘက်သည် ခုခံသည့်အနေအထား တွင်သာ ရှိပြီး ကျင့်ကြံသူများအား အသူရာနတ်ဆိုးများ၏ ချုံခိုတိုက်ခိုက်မှုများကို သူတို့၏နေရာမှ ခွင့်ပြုချက်မရှိဘဲ ထွက်ခွာခြင်းမှ တင်းကြပ်စွာတားမြစ်ထားလေသည်။

ထို့ကြောင့် ကျန်းချန်ရွမ်နှင့် ရှန်းရူယန်တို့အား နှစ်ယောက်တည်းတွေ့မြင်သောအခါ ထိုနတ်ဆိုးများသည် အခြားအတွေးမရှိဘဲ ချဉ်းကပ်လာခြင်းဖြစ်သည်။

သူတို့၏နတ်ဆိုးစွမ်းအားများသည် အားနည်းနေသော်လည်း၊ လူသားကျင့်ကြံသူနှစ်ဦးတည်းက သူတို့အတွက်ချိန်းခြောက်မှုမဖြစ်စေပါ။

၎င်းတို့အနက်မှ ခေါင်းဆောင် ၃ ဦးသည် တာအိုဖွဲ့စည်းခြင်းနတ်ဆိုးများဖြစ်ပြီး ၎ င်းတို့သည် လောက်သစ်တွင် အင်အားကြီးမားသော နတ်ဆိုးများဖြစ်ကြပါသည် ။

လူသားများ၏စခန်းမှ ခေါင်းဆောင်များ၏လှုပ်ရှားမှုကိုစောင့်ကြည့်နေသရွေ့ သူတို့သည် အခြေအနေအား ပြောင်းပြန်လှန်နိုင်ရန်မဖြစ်နိုင်သလောက်ရှိပါသည်။

"လူသားကျင့်ကြံသူတွေ မင်းတို့ရဲ့အလောင်းက ငါတို့အတွက် ပျော်စရာကောင်းတဲ့ ပွဲတော်တစ်ခု ဖြစ်လိမ့်မယ်။ ဟားဟားဟား။"

ထိပ်တန်းနတ်ဆိုးတစ် ဦးကပြောလိုက်ပြီး ရုတ်တရက်ကြီးမားသောလက်သည်းတစ်ခုပေါ်လာပြီး ကျန်းချန်ရွှမ်အား ဖမ်းရန်ရောက်လာခဲ့လေသည်။

သို့သော် နောက်တစ်ခဏတွင် အစိမ်း ၊ အနီ ၊ အဝါ ၊ အဖြူ ၊ အပြာရောင် ရောင်ခြည်များ ထွက်ပေါ်လာပြီး နတ်ဆိုးတို့ ၏ မိုက်မဲသော အိပ်မက်များကို ချက်ချင်းဖျက်ဆီးပစ်လိုက်သည် ။

ကျန်းချန်ရွှမ်နှင့် ရှန်းရူယန်တို့သည် ဤနတ်ဆိုးများနှင့်စကားလုံးများကို ဖြုန်းတီးခြင်းမရှိဘဲ သူတို့ ၏ နတ်စွမ်းအားများကို ချက်ချင်းထုတ်လွှတ်ခဲ့လေသည်။

ဒြပ်စင်ငါးပါးနတ်မိုးကြိုးက မြည်ဟိန်းသွားပြီး တောက်လောင်နေသောအလင်းနှင့် မိုးချုန်းသံ တို့သည် ပတ်ဝန်းကျင်ရှိ နတ်ဆိုးမိုးတိမ်များကို ချက်ချင်းပျံ့လွင့်စေခဲ့သည် ။

နတ်ဆိုးများသည် တစ်ခုခု မှားယွင်းနေသည်ကို ချက်ချင်းသိရှိသွားခဲ့သော်လည်း ထိုအချိန်တွင် နောင်တရရန် နောက်ကျသွားခဲ့ပြီဖြစ်သည် ။

ပို ၍ ကြောက်စရာကောင်းသော ဒြပ်စင်ငါးပါးသုတ်သင်ခြင်းအလင်းသည် ပေါက်ကွဲသွားပြီး ထိုဧရိယာကို ချက်ချင်း အလင်း ၏ နယ်ပယ်တစ်ခုအဖြစ် ပြောင်းလဲသွားစေကာ အရာအားလုံး မရှိတော့ပါ ။

တာအိုဖွဲ့စည်းခြင်းနတ်ဆိုးသုံးပါးသည် ၎ င်းတို့ ၏ နတ်ဆိုးရတနာများကို ဆင့်ခေါ်ရန်ပင် အချိန်မရခဲ့ဘဲ ဒြပ်စင်ငါးခုသုတ်သင်ခြင်းအလင်းကြောင့် ချက်ချင်းပင် ဖျက်ဆီးခံခဲ့ရသည် ။

အခြားတာအိုဖွဲ့စည်ခြင်းနတ်ဆိုးများသည် ငါးရောင်ခြယ်နတ်အလင်းနှင့် ဒြပ်စင်ငါးပါးမိုးကြိုးတို့၏ အောက်တွင် ပြာအဖြစ်တိုက်ရိုက်ပြောင်းလဲသွားခဲ့သည်။

ကျန်းချန်ရွှမ်နှင့် ရှန်းရူယန်တို့သည် ဤနတ်ဆိုးအဖွဲ့ကို လှုပ်ရှားမှုတစ်ခုတည်းဖြင့် သုတ်သင်လိုက်ပြီး ၎င်းသည် သူတို့၏ကြောက်မက်ဖွယ်စွမ်းအားပင်ဖြစ်သည်။

သို့သော်လည်း ပြင်းထန်သော ပေါက်ကွဲမှုအလယ်တွင် တိတ်တဆိတ်အနက်ရောင်အရိပ်တစ်ခု ထွက်ပေါ်လာပြီး တိတ်တဆိတ် လွတ်မြောက်သွားခဲ့လေသည် ။

"သေစမ်း။ ဒီနှစ်ယောက်က ဘယ်သူတွေလဲ!"

၎င်းသည် အသူရာနတ်ဆိုး၏မူလဝိညာဉ်ဖြစ်ကာ သူ၏မူလဝိညာဉ်အားတစ္ဆေအရိပ်ကဲ့သို့ ပြောင်းလဲကာ ၎င်းသည် အလွန်လျှို့ဝှက်ပါသည်။

ဤအခိုက်အတန့်တွင် သူသည် အလွန်ကြောက်ရွံ့မှုဖြင့် ပြည့်နှက်နေပြီး ခဏမျှ မနေရဲတော့ဘဲ နောက်ဆုတ်နေသော နတ်ဆိုးစစ်တပ်ဆီသို့ ပြေးသွားခဲ့သည် ။

အမှန်တကယ်၌ အစောပိုင်းနေ့ဝက်အကြာတွင် နတ်ဆိုးစစ်တပ်သည်စတင်၍ ဆုတ်ခွာနေပြီဖြစ်ကာ သူတို့ပိုင်နက်အား ခိုင်မာစေရန်လုပ်နေပြီဖြစ်သည်။

သူတို့သည် လူသားတို့၏တန်ပြန်တိုက်ခိုက်မှုအားခုခံရန် သူတို့၏နတ်ဆိုးခံတပ်များသို့ပြန်သွားရန် ရည်ရွယ်ခဲ့ကြပြီး သူတို့အသုံးပြုသော လောကသစ်အား အလွယ်တကူစွန့်လွတ်ရန် ဆန္ဒမရှိခဲ့ကြပေ။

ကျန်းချန်ရွှမ်နှင့် ရှန်းရူယန်တို့ကို ဝန်းရံခဲ့ကြသော ထိုနတ်ဆိုးအဖွဲ့ငယ်သည် အမှန်တကယ်တွင် တာအိုဖွဲ့စည်းခြင်းနတ်ဆိုးခေါင်းဆောင်များမှ ဦးဆောင်ကာ သူတို့ကိုယ်တိုင်စွန့်စား၍ ထွက်လာခဲ့ကြကာ နောက်မဆုတ်မီ၌ အောင်မြင်မှုတစ်ခုပြုလုပ်ရန်မျှော်လင့်ခဲ့ခြင်းဖြစ်သည်။

သို့သော် သေမင်းတမန်ဖြစ်သည့် ကျန်းချန်ရွှမ်ဆီသို့ ပြေးဝင်မိကာ ချက်ခြင်းပင် ဖျက်ဆီးခံခဲ့ရပါသည်။

သူတို့သည် ကိုယ်တိုင်ဦးဆောင်၍ထွက်လာခြင်းသည် ကြီးမားသောဆုံးရှုံးမှုနှင့် ပြန်ရောက်လျှင် ပြင်းထန်စွာ အပြစ်ပေးခံရလိမ့်မည်ဖြစ်သည်။

သို့သော်လည်း သူသည် ကျန်းချန်ရွှမ်၏ သတင်းအချက်အလက်ကို စစ်တပ်ထံသို့ ပေးအပ်ရန် စဉ်းစားခဲ့ပြီး ၎င်းသည် သူတို့ ၏ ကျရှုံးမှုကို အဖက်ဆယ်နိုင်သည်မှာဖြစ်ကောင်းဖြစ်နိုင်ပါသည်။

ဤ နတ်ဆိုး၏ မူလဝိညာဉ်ဖြင့် ဖွဲ့စည်းထားသော အရိပ်သည် တစ်ခဏမျှ မနေရဲဘဲ နောက်ဆုံး နတ်ဆိုးစစ်တပ် ၏ နေရာသို့ မရောက်မီ တစ်ရက်နှင့် တစ်ည မနားဘဲ ထွက်ပြေးသွားခဲ့လေသည် ။

သူ ၏ ပင်ပန်းနွမ်းနယ်သော အမူအရာသည် နောက်ဆုံးတွင် သက်သာရာအရိပ်အမြွက်ကို ပြသခဲ့သည် ။ ကြီးမားသော ဆုံးရှုံးမှုများရှိသော်လည်း နောက်ဆုံးတွင် သူသည် သေခြင်းမှ လွတ်မြောက်ခဲ့သည် ။

"နောက်လာမဲ့ကိစ္စတွေကတော့၊ ဒီအတိုင်း..."

သူ၏စိတ်သည် နောက်လှုပ်ရှားမှုအတွက်ကြံစည်နေသော်လည်း သူသည် သူ၏လည်ပင်းကို ထောက်ထားသည့် လက်အားသတိမထားမိခဲ့ပေ။

သူ၏ စိတ်ဝိညာဉ်သည် အလွန်အမင်း တုန်လှုပ်သွားပြီး ခေါင်းကို လှည့်ကြည့်လိုက်ရာ သူ ၏ နှုတ်ခမ်းများပေါ်တွင် အေးစက်နေသော အပြုံးတစ်ခုရှိနေသည့် ကျန်းချန်ရွှမ်ကို မြင်လိုက်ရလေသည်။

"မဟုတ်ဘူး။ မဟုတ်ဘူး။"

သူသည် အော်ဟစ်ရန်ကြိုးပမ်းခဲ့သော်လည်း သူ၏မူလဝိညာဉ်သည် တာအို၏စွမ်းအားနှင့် ရစ်ပတ်ခံထားရသည်ကို စိတ်ပျက်စွာ တွေ့ခဲ့ရသည်။

"လမ်းပြပေးတဲ့အတွက် ကျေးဇူးတင်ပါတယ် ၊ ငါတို့ နောက်တစ်ခါ ထပ်တွေ့မှာမဟုတ်ပါဘူး ။"

ကျန်းချန်ရွှမ်သည် ဖြည်းဖြည်းပြောလိုက်ပြီးနောက် သူ၏လက်ထဲမှ မီးတောက်ထွက်လာကာ အသူရာနတ်ဆိုးတို့၏အရိပ်အား ချက်ခြင်းပင် လောကမှပျောက်ကွယ်သွားစေခဲ့သည်။

နတ်ဆိုးသည် ထာ၀ရလောင်မြိုက်နေမီးဖိုထဲသို့ ပစ်ချခံရသည်ကို အနီးအနားရှိ နတ်ဆိုးစစ်တပ်ပင် သတိမထားမိပေ ။

ဒြပ်စင်ငါးပါးကားချပ်အတွက် အာဟာရအဖြစ်ပြောင်းလဲသွားလေသည်။

"ယောက်ျား၊ ရှင်က တကယ့်ကို လိမ္မာပါးနပ်တာပဲ။"

ရှန်းရူယန်က ပါးစပ်ကို ဖုံးအုပ်ကာ တခစ်ခစ်ရယ်လိုက်သည်။

ရှင်းလင်းစွာပင် အသူရာနတ်ဆိုး၏ မူလဝိညာဉ်လွတ်မြောက်မှုသည် ကျန်းချန်ရွှမ် ခွင့်ပြုထားသောကြောင့်ဖြစ်ပေသည်။

သူနှင့် ရှန်းရူယန်တို့သည် အမှန်တကယ်ပင် ထိုနတ်ဆိုးနောက်သို့တလျှောက်လုံးလိုက်လာခဲ့ကြပြီး သူတို့အားနောက်ဆုံး၌ နတ်ဆိုးအစီအရင်၏တည်နေရာသို့ ခေါ်သွားပေးခဲ့ခြင်းဖြစ်ပါသည်။

သို့သော် နတ်ဆိုးစစ်တပ်ကို နေရာချထားသည့် ဤနေရာသည် လောကသစ်သို့ မလာမီ အကြီးအကဲထံမှ ရရှိသော သတင်းအချက်အလက်နှင့် မကိုက်ညီပေ။

အချိန်ခဏ စောင့်ကြည့်ပြီးနောက် ကျန်းချန်ရွှမ်သည် ထိုနတ်ဆိုးစစ်တပ်၏ ကြီးမားသော အတိုင်းအတာကို သတိထားမိခဲ့လေသည်။

ထိုပမာဏသည် ဂိုဏ်းမှအချက်အလက်ထက် ၅ ဆမှ ၆ ဆအထိ ပိုများပါသည်။

ထို့ကြောင့် ဤနေရာတွင် နတ်ဆိုးအချို့ စုစည်းလာခဲ့သည်ဟု ဆိုလိုပါသည် ။

ကျန်းချန်ရွှမ်သည် ချက်ခြင်းပင် ရန်သူ၏ရည်ရွယ်ချက်အား နားလည်သွားခဲ့သည်။

"စစ်တပ်လေးခု ငါးခုလောက်စုစည်းနေပုံအရ နတ်ဆိုးတွေရဲ့အစီအစဉ်က သူတို့ရဲ့ခံတပ်ကို ပြန်ဆုတ်ဖို့စီစဉ်နေတာဖြစ်မယ်။"

သူသည် နောက်သို့လှည့်ကာ ရှန်းရူယန်အား ပြောလိုက်လေသည်။

တကယ်ပင်။ ထိုအချိန်တွင် ၎င်းသည် နတ်ဆိုးတို့အတွက် တိုက်ခိုက်မှုပြုလုပ်ရန်မဖြစ်နိုင်ပါ။ သူတို့သည် ပြန်ဆုတ်နေခြင်းဖြစ်လိမ့်မည်။

ရှန်းရူယန်သည်လည်း လျှင်မြန်စွာဖြင့် ချက်ခြင်းပင် ကျန်းချန်ရွှမ်၏ဆိုလိုရင်းအား ဖမ်းဆုပ်မိလေသည်။

"နတ်ဆိုးစစ်တပ်ကို ကြားဖြတ်တိုက်ခိုက်ဖို့ ဒီဧရိယာကို ကာကွယ်နေတဲ့ နီးစပ်ရာဂိုဏ်းတွေဆီ သတင်းစကားပို့လိုက်ကြရအောင်။ ကိုယ်တို့ ဒီနတ်ဆိုးတွေနဲ့ ခဏလောက် ကစားနိုင်ပါတယ် ။"

ကျန်းချန်ရွှမ်က ပြောလိုက်သည် ။

ထို့နောက် သူသည် အထူးဆက်သွယ်ရေး ရတနာကို ထုတ်ယူလိုက်ရာ ၎င်းသည် အစူရာအလင်းတန်းများစွာအဖြစ်သို့ ပြောင်းလဲသွားပြီး နေရာလပ်ထဲသို့ ပျောက်ကွယ်သွားကာ သတင်းစကားကို အဝေးထိ ကျယ်ကျယ်ပြန့်ပြန့် ပျံ့နှံ့စေခဲ့သည် ။

လိုအပ်သည်များကိုလုပ်ဆောင်ပြီးနောက် သူတို့သည်တုံ့ဆိုင်းနေခြင်းမရှိတော့ဘဲ သူတို့၏ တည်ရှိမှုအား ဖုံးကွယ်ကာ နတ်ဆိုးစစ်တပ်ထံသို့ အနီးကပ်ရွေ့သွားခဲ့သည်။

သူတို့သည် နတ်ဆိုးစစ်တပ်နှင့် နီးကပ်လာသည်နှင့် အမျှ လေထဲမှ နတ်ဆိုးချီသည် အလင်းကို ဖုံးကွယ်နိုင်သည်အထိ သိပ်သည်းနေခဲ့သည်။

မရေတွက်နိုင်သော ပုံပန်းသဏ္ဌာန် အမျိုးမျိုးနှင့်နတ်ဆိုးများသည် ယခင်ကထပ် ကိုးရိုးကားရား နိုင်ကာ လုံးဝချောက်ခြားနေပြီး စုစည်းနေသော အင်္ဂါများကဲ့သို့ဖြစ်နေလေသည်။

ကျန်းချန်ရွှမ်၏ အသိစိတ်သည် နတ်ဆိုးစစ်တပ်တစ်ခုလုံးအပေါ်တွင် တိတ်တဆိတ် လွှမ်းမိုးနေခဲ့သည် ။

အချို့စုံစမ်းမှုများကိုလုပ်အပြီးတွင် တာအိုဖွဲ့စည်းခြင်းအဆင့်နတ်ဆိုးများ၏ တည်ရှိမှုကို တွေ့ရှိခဲ့ရလေသည်။

ထိုအင်အားသည် အရှေ့ကောင်းကင်ဒိုမိန်းကို တိုက်ခိုက်သည့်အချိန်က မျိုးနွယ်ခြားများလွှတ်ခဲ့သည့် အင်အားနှင့် ညီမျှပါသည်။

သူတို့သည် ယခုတွင်နှစ်ယောက်တည်းသာရှိသော်လည်း နှစ်ဦးသားသည် အချင်းချင်း မျက်လုံးထဲတွင် ဆုံးဖြတ်ထားသောအကြည့်ဖြင့်ကြည့်နေကြလေသည်။

***