အသူရာနတ်ဆိုးများ၏ငြင်းပယ်ခြင်း၊ လောကသစ်ပြန်လည်တည်ထောင်နိုင်ရန်အခွင့်အရေး

အနောက်ကောင်းကင်ဒိုမိန်း၏တန်ပြန်တိုက်ခိုက်မှုသည် သိပ်မကြာခဲ့ပါ။

သမိုင်းတွင် သွေးနှောများသည် လုပ်ကြံသတ်ဖြတ်ခြင်းနှင့် နည်းဗျူဟာများတွင် အလွန်ကောင်းမွန်ပါသည် ။

သို့သော် ယခုတွင် ကျန်းချန်ရွှမ်၏ ဒြပ်စင်ငါးပါးပြန်လည်မွေးဖွားခြင်းဒိုမိန်းက ၎င်းတို့ကို ပိတ်ဆို့ခြင်းကြောင့် သွေးနှောများသည် အိုးတစ်အိုးထဲရှိလိပ်များကဲ့သို့ လုံးဝပိတ်မိနေလေသည် ။

ဤတိုက်ပွဲတွင် ကျန်းချန်ရွှမ်သည် ကြားဝင်စွက်ဖက်ရန် ခဲယဉ်းပြီး သူသည် သွေးနှောများကို ထွက်ပြေးလွတ်မြောက်ခြင်းမှ တားဆီးကာ ပြန်လည်မွေးဖွားခြင်းဒိုမိန်းငါးပါးကိုသာ ထိန်းသိမ်းခဲ့လေသည် ။

ကျန်သောတိုက်ပွဲများတွင် အနောက်ဘက်ကောင်းကင်ဒိုမိန်းကို ခုခံကာကွယ်သည့် ကျင့်ကြံရေးသမားများ၏ တိုက်ခိုက်မှု အားလုံးနီးပါးကို ခံခဲ့ရသည်။

သူတို့သည် ဤနေ့ရက်အား အလွန်ရှည်ကြာသည်အထိ စောင့်ဆိုင်းနေရလေသည်။

ဆယ်စုနှစ်တစ်ခုကျော် မီးရှို့ဖျက်ဆီးခြင်း၊ သတ်ဖြတ်ခြင်းနှင့် လုယက်ခြင်းတို့ကြောင့် အနောက်‌ကောင်းကင်ဒိုမိန်းသည် သွေးနှောများကျူးကျော်လာသည့်အချိန်တွင် လောင်ကျွမ်းနေသောလောကအဖြစ်သို့ ပြောင်းလဲသွားခဲ့သည် ။

သူ တို့သည် ရန်သူကိုတိုက်ခိုက်ရန်စိတ်အားထက်သန်နေကြသော်လည်း ကောက်ကျစ်သည့် သွေးနှောများသည် ပြသနာကိုဆွဲဆန့်လိုက်ကြပြီး သူတို့၏အင်အားကို တဖြည်းဖြည်းခြင်း ထုတ်ပြကာ သူတို့အား အခွင့်အရေးမပေးခဲ့ပေ။

ထို့ကြောင့် အနောက်ကောင်းကင်အား စောင့်ကြပ်သူများသည် အလွန်စိတ်ပျက်ခဲ့ရသော်လည်း အကူအညီမဲ့နေလေသည်။

အခွင့်အရေးပေးလျှင် သူတို့သည် သေသည်အထိတိုက်ခိုက်ရန် တုံ့ဆိုင်းနေမည်မဟုတ်ဘဲ သူတို့အားလုံးပျက်စီးသွားမည်ဟု ဆိုလိုနေပါသည်။

ကျန်းချန်ရွှမ်၏ ရောက်ရှိလာမှုသည် သူတို့အား ထိုသို့သောအခွင့်အရေးကိုဖန်တီးပေးခဲ့သဖြင့် သွေးနှောများသည် ဒေါသထွက်ခဲ့ကြလေသည်။

ကျင့်ကြံသူများသည် အနောက်ကောင်းကင်ဒိုမိန်းတွင် ဆယ်စုနှစ်အကြာတန်ဖိုးရှိသည့် အင်အားကို ဤတိုက်ပွဲတွင်ထုတ်သုံးခဲ့ကြသည်။

လူတစ်ဦးဆီတိုင်းသည် သူတို့၏အထွတ်အထိပ်တွင်ရောက်နေကြလေသည်။

ဖုန်မှုန့်များငြိမ်သွားသောအခါ အံ့ဩစရာမရှိဘဲ အနောက်ကောင်းကင်ဒိုမိန်း၏စစ်တပ်သည် ရန်သူကိုလုံးဝဖျက်စီးခဲ့လေသည်။

သွေးနှောများ၏အလောင်းကောင်များကိုကြည့်ကာ မရေတွက်နိုင်သည့်လူသားကျင့်ကြံသူများသည် အောင်မြင်မှုအတွက် ငိုကြွေးခဲ့ကြလေသည်။

သို့သော် သူတို့သည် ကျန်းချန်ရွှမ်အား လှည့်ကြည့်လိုက်ကြရာ သူသည် ထွက်ခွာသွားပြီဖြစ်သည်ကို တွေ့လိုက်ကြရသည်။

အချိန်မဆွဲဘဲ သူ၏တာဝန်ကိုပြီးမြောက်သည်နှင့် ကျန်းချန်ရွှမ်သည် သွေးနှောတာအိုအရှင်များ၏ ပိုင်ဆိုင်မှုများကိုသယ်ဆောင်ကာ ပိုင်နက်အခြားတစ်ခုကိုပျံသန်းသွားခဲ့လေသည်။

မဟာယာနအဆင့်အောက်တွင် ရှုံးနိမ့်မှုမရှိသော အဆင့်မြင့်စွမ်းအားရှင်ဖြစ်သည့် ကျန်းချန်ရွှမ် ပေါ်လာသည့်မည့်သည့်ပိုင်နက်မဆို၊

တန်ပြန်တိုက်ခိုက်မှုများ ၏ ရလဒ်များကို ကြိုတင်ခန့်မှန်းနိုင်ပါသည် ။

ငါးရက်ကြာတိုင်း ကျန်းချန်ရွှမ်သွားရောက်သည့်ပိုင်နက်တစ်ခုဆီတိုင်းတွင်

သူသည် စစ်မြေပြင်ရှိ အခြေအနေကို ချက်ချင်းပြောင်းလဲခဲ့ပြီး ၃ ရက်အတွင်း ပဋိပက္ခကို အဆုံးသတ်ခဲ့သည် ။

သူ၏ ဂုဏ်သိက္ခာသည် ရေတံခွန်ဂိတ်နယ်မြေတစ်ခုလုံးတွင် စတင်ပျံ့နှံ့ခဲ့လေသည်။

အမှန်တကယ်တွင်ကျန်းချန်ရွှမ်သည် တာအိုပေါင်းစည်းခြင်းအဆင့်တွင်ပင်ရှိနေသေးသည်ကို လူအတော်များများက မေ့လျော့ခဲ့ကြသည် ။

ထို့နောက်တွင် လောကသစ်၌ဖြစ်သည်။

တုံ့ပြန်တိုက်ခိုက်မှု၏ မုန်တိုင်းသည် တိတ်ဆိတ်စွာ ပျံသန်းနေလေသည် ။

မသေမျိုးရတနာကြောင့် အသူရာနတ်ဆိုးတာအိုအရှင်နှစ်ဦး၏ကျဆုံးသည့်ရက်မှစ၍

အချို့သည် လောကသစ်ကိုကျူးကျော်လာသည့် အသူရာနတ်ဆိုးများ၏စွမ်းအားသည် အလွန်အားနည်းသွားသည်ကို ခံစားခဲ့ရသည်။

ရှင်းလင်းစွာပင်၊ တာအိုအရှင်နှစ်ဦးကျဆုံးခြင်းသည် အသူရာလောကတစ်ခုလုံးကို သက်ရောက်ပါသည်။

မဟာယာနတာအိုအရှင်သည် လောက၏တစ်စိတ်တစ်ပိုင်းဖြစ်ကာ သူတို့၏ကျဆုံးခြင်းသည် လောက၏တာအိုအား သက်ရောက်မှုရှိမည်ဖြစ်သည်။

ဤသို့သောအခြေအနေတွင် လောကသစ်ကိုတိုက်ခိုက်နေသောအသူရာနတ်ဆိုးတို့၏ပိုင်နက်သည် စတင်၍ ကျဉ်းမြောင်းလာခဲ့သည်။

အသူရာနတ်ဆိုးခံတပ်များမှ ထုတ်လွတ်နေသောအသူရာစွမ်းအားများသည် ပြင်းထန်စွာ လျော့ကျလာခဲ့သည်။

အသူရာနတ်ဆိုးများသည် တိုက်ပွဲအတွက် နတ်ဆိုးချီကို မှီခိုကြပြီး ၎င်းသည်သူတို့၏ အခြားသက်ရှိများနှင့် မတူညီသည့်ကွာခြားချက်တစ်ခုဖြစ်ပါသည်။

နတ်ဆိုးချီကို လျှော့ချခြင်းသည် အသူရာနတ်ဆိုးတို့၏ စစ်တပ်ကို အခြားအရာများထက် ပို၍ သိသာထင်ရှားစွာ အားနည်းစေခဲ့သည် ။

အသူရာနတ်ဆိုးများသည် အခြားလောကများမှသက်ဆင်းလာကြပြီး ထို့ကြောင့် သူတို့သည် အသူရာချောက်မှစွမ်းအင်အား ဆက်တိုက်စုပ်ယူကြရသည်။

သူတို့ တာအို၏ နတ်ဆိုးစွမ်းအားကိုထိန်းသိမ်းရန်ဖြစ်သည်။

ယခုမူ အသူရာစွမ်းအားသည် စတင်၍ မရှိတော့ဘဲ အသူရာနတ်ဆိုးများသည် အသူရာချောက်နက်၏စွမ်းအားကို မစုပ်ယူနိုင်တော့သဖြင့် သူတို့၏တိုက်ပွဲတွင် သိသာသည့်သက်ရောက်မှုကိုမြင်ရနိုင်ပါသည်။

ရက်ပေါင်းများစွာကျော်လွန်သွားပြီးနောက်၊ လောကသစ်အားစောင့်ကြပ်နေသည့် အင်အားစုများသည် ဆက်၍ လောကသစ်တွင် အပြောင်းအလဲများကို သတိပြုမိလာသည်။

တာအိုအရှင်များ၏ ကူညီစောင့်ကြပ်မှုကြောင့် သူတို့၏တဖြည်းဖြည်းနှင့် အသူရာနတ်ဆိုးများအား ရှင်းလင်းရန် အစီအစဉ်များ စတင်၍ ဆွဲခဲ့လေသည်။

မရေတွက်နိုင်သော ကျင့်ကြံသူအုပ်စုများသည် သူတို့၏ခုခံသည့်ဧရိယာများမှ ထွက်ကာ နတ်ဆိုးတို့၏ ပိုင်နက်များကို စတင်၍ ကင်းထောက်နေကြလေသည်။

လမ်းတစ်လျှောက်တွင် နတ်ဆိုးချီ၏ ကျူးကျော်ဝင်ရောက်မှု အားနည်းလာသည်ကို သိသိသာသာ ခံစားခဲ့ရပြီး ၎င်းတို့တွေ့ကြုံခဲ့ရသည့် အသူရာနတ်ဆိုးများသည် ယခင်ကကဲ့သို့ အင်အား မရှိတော့ပေ ။

၎င်းသည် သံသယမရှိစွာ လူတိုင်းအတွက် အရိပ်အမြွက်ဖြစ်ကာ ထိုအခွင့်အရေးသည် တန်ပြန်တိုက်ခိုက်ရန် အခွင့်အရေးရောက်လာပြီဖြစ်ကြောင်း ပြနေပါသည်။

တဖြည်းဖြည်းနှင့် အင်အားစုအမျိုးမျိုးသည် ကျင့်ကြံသူအဖွဲ့အမျိုးမျိုးကို ပို့လိုက်ပြီးနောက် အသူရာနတ်ဆိုးပိုင်နက်အတွင်းပိုင်းသို့ ပို၍ကျယ်ပြန့်ကာ စွန့်စားခဲ့လေသည်။

ယခင်က ကျူးကျော်တိုက်ခိုက်မှုများကို ဦးဆောင်ခဲ့သော အဆင့်မြင့် အသူရာနတ်ဆိုးများနှင့် တွေ့ကြုံရသောအခါ ၎င်းတို့၏ ခိုင်မာသော အခြေအနေများ၌ မရှိတော့သည်ကိုတွေ့ရသောအခါ ၎င်းတို့ ၏ စိတ်နှလုံးထဲတွင် ကြီးမားသော ဝမ်းမြောက်မှုကို ဆောင်ကြဉ်းပေးခဲ့သည် ။

အသူရာနတ်ဆိုးလောက၌ပြသနာဖြစ်နေကာ သူတို့၏အဆင့်မြင့်အသူရာနတ်ဆိုးများ၌သာ သက်ရောက်မှုရှိမည်ဖြစ်သည်။

ချက်ခြင်းပင် ထိုကဲ့သို့သတင်းသည် လျှင်မြန်စွာလောကသစ်သို့ပျံ့နှံ့သွားပြီး အင်အားစုအားလုံးသည် စတင်၍ တန်ပြန်တိုက်ခိုက်မှုအတွက် စုရုံးခဲ့ကြသည်။

ထိုအချိန်တွင် ဒိုမိန်းတွင်တန်ပြန်တိုက်ခိုက်မှုများပြီးဆုံးသွားသော ကျန်းချန်ရွှမ်သည် သူ၏ဂိုဏ်းမှ ဆင့်ခေါ်သည်ကို လက်ခံရရှိခဲ့သည်။

လောကသစ်၏အခြေအနေသည် ပြောင်းလဲသွားပြီး အသူရာနတ်ဆိုးလောက၏ ပုံမမှန်မှုများသည် အသူရာနတ်ဆိုးတို့၏တိုက်ခိုက်မှု၌ သက်ရောက်ပြီး သိသာသည့်ကျဆင်းမှုများသို့ ဦးတည်စေခဲ့လေသည်။

ဂိုဏ်းအကြီးအကဲများက ကျန်းချန်ရွှမ်သည် လောကသစ်တွင် ကူညီနိုင်မည်ဟု မျှော်လင့်ခဲ့ကြသည်။ အဘယ်ကြောင့်ဆိုသော် ဤကာလအတွင်း နယ်ပယ်ကိုးခုတွင် တန်ပြန်တိုက်ခိုက်မှုများတွင် သူ၏ အောင်မြင်မှုများသည် ထူးခြားကောင်းမွန်လှပါသည်။

ထိုတောင်းဆိုမှုကိုလက်ခံရန် ကျန်းချန်ရွှမ်က တွန့်ဆုတ်ခြင်းမရှိခဲ့ပါ။

သူနှင့် ရှန်းရူယန်တို့သည် ဒိုမိန်းကိုးခုကို ဖြတ်သန်းသွားစဉ် ၊ နယ်မြေသုံးခု၏ ကျူးကျော်မှုသည် မရေတွက်နိုင်သော သေဆုံးမှုနှင့် အပျက်အစီးများဖြင့် သေသေချာချာ နှိမ်နင်းခံခဲ့ရပါသည် ။

နယ်မြေသုံးခု၏ မိုက်မဲသော စိတ်ကူးအိပ်မက်နှင့် ရည်မှန်းချက်များသည် လုံးဝပျက်စီးသွားခဲ့သည်ဟု ဆိုနိုင်ပါသည် ။

ပြီးနောက်သူတို့သည် နှစ်သောင်းချီကြာမြင့်သည်အထိ ပြန်လည်၍ ထူထောင်နိုင်ရန် အခွင့်ရှိမည်မဟုတ်ပါ။

ရေတံခွန်ဂိတ်နယ်မြေ၌လည်း ပျက်စီးဆုံးရှုံးမှု အများအပြား ရှိခဲ့ပါသည်။

စစ်ပွဲ၏အနိုင်ရသူများအနေဖြင့် သူတို့၏ပြန်လည်ထူထောင်သောအရှိန်သည် ရှုံးနိမ့်သွားသော နယ်မြေသုံးခုနှင့် မယှဉ်နိုင်ပါ။

နှစ်တစ်ရာအတွင်းတွင် ကောင်းကင်ရေတံခွန်ဂိတ်နယ်မြေသည် အောင်ပွဲခံပြီးနောက် ယူဆောင်လာသော သယံဇာတများနှင့်အတူ အမြင့်ဆုံးအဆင့်သို့ ပြန်ရောက်ဖို့ရန် အလားအလာရှိပါသည်။

နယ်မြေသုံးခုသည် သူတို့၏ရှုံးနိမ့်မှုကြောင့် အတွင်းရေးပြသနာများနှင့် ပြန်လည်ဖွဲ့စည်းမှုများတွင် ပိတ်မိနေမည့်ပုံပေါ်ပါသည်။

ထိုအချိန်တွင်၊ ကောင်းကင်ဘုံရေတံခွန်ဂိတ်နယ်မြေသည် ထျန်းလင်းနယ်မြေ၏ ဒေသတစ်ခုလုံးကို လုံးဝထိန်းချုပ်လိမ့်မည်ပုံ ပေါ်ပါသည်။

ယခုမူ အသူရာနတ်ဆိုများကိုတွန်းလှန်နိုင်လျှင် ကောင်းကင်ရေတံခွန်ဂိတ်နယ်မြေ၏ နောက်ဆုံးခြေလှမ်းသည် အသင့်ဖြစ်နေပြီဖြစ်သည်။

ကျန်းချန်ရွှမ်အတွက်မူ ထိုအခွင့်အလမ်းအား ငြင်းပယ်ရန်အကြောင်းအရင်းမရှိပါ။

"သွားကြရအောင်။"

ကျန်းချန်ရွှမ်နှင့် ရှန်းရူယန်နှင့် အတူ ဟောက်ရန်ဂိုဏ်းသို့ပြန်သွားခဲ့ပြီး အကြီးအကဲများနှင့်တွေ့ကာ လောကသစ်တွင် အသူရာနတ်ဆိုးများ၏ရန်မှကာကွယ်ရန် ဆွေးနွေးကြလေသည်။

ထိုအကြီးအကဲမှတစ်ဆင့် သူတို့သည် လွန်ခဲ့သည့်ဆယ်စုနှစ်များအတွင်း အသူရာနတ်ဆိုးများ၏ အခြေအနေအား သိခဲ့ရသည်။

၎င်းသည် နတ်ဆိုးအင်အားများကို ခွဲဝေခြင်း၊ နတ်ဆိုးစွမ်းအားများ၏ များစွာသောသတင်းများနှင့် သူတို့၏ကိုယ်ပိုင်တိုက်ခိုက်စွမ်းအားခွဲဝေပုံများနှင့် အခြားကိစ္စများပါဝင်ပါသည်။

၎င်းသည် ကျန်းချန်ရွှမ်၏ ကွဲပြားချက်ဖြစ်သည်။ အပြင်တွင် သူသည် မည်မျှချီးကျူးခံရပါစေ၊ သူ၏ဆင်ခြင်တုံတရားကို မည်သည့်အခါမှ ဆုံးရှုံးအောင်မပြုလုပ်နိုင်ပါ။

သူ၏ ခွန်အားသည် သိသိသာသာ ကြီးထွားလာသော်လည်း သတိနှင့် တည်ငြိမ်မှုကို ထိန်းသိမ်းထားဆဲ ဖြစ်သည် ။

၎င်းလောကထဲသို့ရောက်လာသည့်အချိန်မှစ၍ ယခုထိ သူသည်ဤလောက၏ ခမ်းနားကြီးကျယ်ခြင်းကို မမေ့ခဲ့ပါ။

ကောင်းကင်၏အလွန်တွင် ခြေတစ်လှမ်းမှားခြင်းသည် အသူရာချောက်နက်ထဲကျရောက်သွားနိုင်ပြီး ထပ်မံ၍ ထလာနိုင်တော့မည်မဟုတ်ပါ။

ထို့ကြောင့် စစ်ပွဲအခြေအနေက အလွန်ကောင်းမွန်နေသော်လည်း သူသည် သတင်းအချက်အလက် အားလုံးကို နားလည်ရန် ဤနေရာသို့ လာနေဆဲဖြစ်သည် ။

"အကြီးအကဲလျို၊ ကျွန်တော်တို့ အခု သွားပါတော့မယ်။ လောကသစ်မှာ ထပ်တွေ့ကြမယ် ။”

တစ်ရက်အကြာတွင် ကျန်းချန်ရွှမ်သည် ဂိုဏ်း၏အကြီးအကဲကိုနှုတ်ဆက်ကာ လျှင်မြန်စွာဖြင့် ဟောက်ရန်ဂိုဏ်း၏ နေရာမှ ရှန်းရူယန်နှင့်အတူ လောကသစ်သို့ သွားလိုက်ကြသည်။

လောကသစ်သို့ ခြေလှမ်းလိုက်သောအခါ ကောင်းကင်ရှိ သွေးအရောင်သည် တဖြည်းဖြည်း မှေးမှိန်လာသည်ကို တွေ့မြင်ရပြီး ကျန်းချန်ရွှမ်သိရှိခဲ့သော အကျွမ်းတဝင်ရှိသော မြင်ကွင်းကို ပြသခဲ့သည် ။

နှစ်ပေါင်းများစွာ ကြာမြင့်ခဲ့သည့် ရက်စက်ကြမ်းကြုတ်သော စစ်ပွဲသည်နောက်ဆုံးမှာ အဆုံးသတ်မည့် လက္ခဏာ ပေါ်ထွက်လာခဲ့ပါသည်။

***