စိတ်တန်ခိုးစွမ်းအားခန္ဓာကိုယ်

အဆင့်နိမ့်စကြာဝဠာရတနာတွေရဲ့ဘေးနားမှာ အလယ်ဆင့်စကြာဝဠာရတနာအစုအပုံတစ်ခုရှိပြီး အရေအတွက်က ဒါဇင်ကျော်တယ်။ သူတို့အထဲမှာ လီဖူချန်းက အရောင်ကလွဲပြီး ဘူးသီးစိမ်းနဲ့အလွန်တူတဲ့ဘူးသီးအနည်းငယ်ကို မြင်လိုက်ရတယ်။ ဒါ့ပြင် လီဖူချန်းက ဖရိုဖရဲမီးကြာပန်းနှစ်ခုကိုလည်း မြင်လိုက်ရတယ်။

"ဒါတွေအားလုံးက ပစ္စည်းကောင်းတွေကြီးပဲ"

လီဖူချန်းမှာ အဆင့်မြင့်စကြာဝဠာရတနာတစ်ခုဖြစ်တဲ့ကမ္ဘာဦးမူလလက်ကောက်နဲ့အနာဂတ်စကြာဝဠာကတနာတစ်ခုဖြစ်တဲ့အသက်သစ်ပင်တို့ရှိပေမယ့် သူမှာ အလယ်ဆင့်စကြာဝဠာရတနာတွေနဲ့ပတ်သက်ပြီး ဘာအတွေးမှ မရှိဘူးလို့တော့ မဆိုလိုပါဘူး။

ဘူးသီးစိမ်းက အသက်အားကို ပျိုးထောင်နိုင်ပြီး အလွန်အမင်းအသုံးဝင်တယ်။ သေမင်းနတ်ဘုရားလိုဏ်ဂူရဲ့ရတနာခန်းထဲရှိဘူးသီးတွေက ဘူးသီးစိမ်းလိုပဲ အသုံးဝင်လောက်တယ်။ ဒါ့အပြင် ဒီနေရာမှာ ဘူးသီးအနည်းငယ်ရှိတယ်။

ဖရိုဖရဲမီးကြာပန်းတွေအတွက် လီဖူချန်းက သူတို့ကို အကြီးအကျယ်လိုအပ်တယ်။

သူ့ရဲ့ကပ်ဘေးလက်တိုးမြှင့်ဖို့အလို့ငှာ သူက အဆင့်မြင့်ကပ်ဘေးစွမ်းအားကို ဝါးမျိုရတယ်။ ဖရိုဖရဲမီးကြာပန်းတစ်ခုက သူက ကပ်ဘေးလက်ရဲ့နှောင်းပိုင်းအခြေအနေက်ု မရောက်သွားစေနိုင်ပေမယ့် အချိန်ပမာဏကို သိသိသာသာလျော့နည်းသွားစေမှာပါ။ ဒါ့ပြင် ဒီနေရာမှာ နှစ်ခုရှိတယ်။

လီဖူချန်းရဲ့စိတ်ဝိညာဉ်စွမ်းအားက ရွေ့လျားသွားပြီး အဆင့်မြင့်စကြာဝဠာရတနာတွေကို မြင်လိုက်ရတယ်။

လီဖူချန်းမျှော်မှန်းထားသလိုပဲ၊ သေမင်းနတ်ဘုရားမှာတောင် အဆင့်မြင့်စကြာဝဠာရတနာတွေအများကြီးမရှိဘူး။

သေမင်းနတ်ဘုရားလိုဏ်ဂူရဲ့ရတနာခန်းမထဲမှာ အဆင့်မြင့်စကြာဝဠာရတနာနှစ်ခုသာရှိတယ်။ သူတို့က ဆန်းကြယ်တဲ့ပုံဆောင်ခဲဘောလုံးတစ်လုံးနဲ့နှလုံးနဲ့တူတဲ့ပုံဆောင်ခဲအမြုတေတစ်ခုဖြစ်တယ်။

"စကြာဝဠာစိတ်ဝိညာဉ်ဘောလုံးနဲ့ပလိန်းနှလုံးသား"

ပုံဆောင်ခဲဘောလုံးက စကြာဝဠာစိတ်ဝိညာဉ်ဘောလုံးဖြစ်ပြီး ပုံဆောင်ခဲအမြုတေက ပလိန်းနှလုံးသားဆိုတာ လီဖူချန်းက ခန့်မှန်းစရာတောင် မလိုပါဘူး။

စကြာဝဠာစိတ်ဝိညာဉ်ဘောလုံးမှာ မဟာတာအိုတွေအသင်္ချေပါဝင်တယ်။ စကြာဝဠာစိတ်ဝိညာဉ်ဘောလုံးကိုရတဲ့မည်သူမဆို နတ်ဘုရားဖြစ်လာလိမ့်မယ်လို့ ရှေးဒဏ္ဍာရီတစ်ခုရှိတယ်။

စကြာဝဠာစိတ်ဝိညာဉ်ဘောလုံးက နံပါတ်တစ်စကြာဝဠာရတနာဖြစ်ပြီး ၎င်းရဲ့တန်ဖိုးက အထွတ်အထိပ်အကြိုနတ်ဘုရားအသုံးအဆောင်ပစ္စည်းတွေကိုတောင် ကျော်လွန်တယ်လို့ ပြောနိုင်တယ်။

ပလိန်းနှလုံးသားအတွက်ကတော့ ၎င်းက အထွတ်အထိပ်အကြိုနတ်ဘုရားအသုံးအဆောင်ပစ္စည်းတစ်ခုနဲ့ နှိုင်းယှဉ်နိုင်တဲ့ရတနာတစ်ခုဖြစ်တယ်။

ဘယ်အဆင့်မြင့်စကြာဝဠာရတနာမဆို အကြိုနတ်ဘုရားတွေအကြားမှာ ကြီးမားတဲ့တိုက်ပွဲတစ်ခုဖြစ်စေနိုင်တယ်လို့ပြောရင် မလွန်ပါဘူး။ အတိတ်တုန်းက အဆင့်မြင့်စကြာဝဠာရတနာတစ်ခုဖြစ်တဲ့ကမ္ဘာသစ်သီးအတွက် အကြိုနတ်ဘုရားများစွာက ပျောက်ကွယ်သွားခဲ့ရတယ်။ စစ်ပွဲက ကမ္ဘာသစ်ပင်ပျက်စီးသွား‌တော့မှသာ အဆုံးသတ်ခဲ့တယ်။

လီဖူချန်းရဲ့စိတ်ဝိညာဉ်စွမ်းအားက စကြာဝဠာစိတ်ဝိညာဉ်ဘောလုံးနဲ့ပလိန်းနှလုံးသားအပေါ်မှာ တစ်ခဏရစ်ဝဲပြီးနောက် ရတနာခန်းရဲ့အခြားတစ်ဖက်ကို ကြည့်လိုက်တယ်။

On the other side of the treasury, there is only one thing, and that is the demi-artifact, hundreds of demi-artifacts.

ရတနာခန်းမရဲ့အခြားတစ်ဖက်မှာ တစ်ခုသာရှိပြီး အကြိုနတ်ဘုရားအသုံးအဆောင်ပစ္စည်းတွေဖြစ်တယ်။ အကြိုနတ်ဘုရားအသုံးအဆောင်ပစ္စည်းတွေရာကျော်ရှိတယ်။

အကြိုနတ်ဘုရားအသုံးအဆောင်ပစ္စည်းတွေကို အုပ်စုလေးစုခွဲခြားထားတယ်၊ သာမန်အကြိုနတ်ဘုရားအသုံးအဆောင်ပစ္စည်း၊ အဆင့်မြင့်အကြိုနတ်ဘုရားအသုံးအဆောင်ပစ္စည်း၊ ပထမတန်းစားအဆင့်အကြိုနတ်ဘုရားအသုံးအဆောင်ပစ္စည်း၊ အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်း။

သူတို့အထဲမှာ သာမန်အကြိုနတ်ဘုရားအသုံးအဆောင်ပစ္စည်းတွေက အများဆုံးဖြစ်ပြီး တစ်ရာလောက်ရှိတယ်။

နောက်မှာတော့ အဆင့်မြင့်အကြိုနတ်ဘုရားအသုံးအဆောင်ပစ္စည်းတွေဖြစ်ပြီး ၇၀ကနေ၈၀အထိ ရှိတယ်။

ပထမတန်းစားအဆင့်အကြိုနတ်ဘုရားအသုံးအဆောင်ပစ္စည်း‌တွေက နှစ်ဆယ်‌ကျော်ရှိတယ်။

အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတွေက ငါးခုသာရှိတယ်။

ဒီအထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းငါးခုမှာ ချပ်ဝတ်တစ်ခု၊ လည်ဆွဲတစ်ခု၊ ဓားမြှောင်တစ်ခု၊ တိုက်ပွဲတူတစ်ခုနဲ့ခါးပတ်တစ်ခုတို့ ပါဝင်တယ်။

အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းငါးခုက အထွတ်အထိပ်အဆင့်အကြိုနတ်ဘုရားငါးယောက်ကို ဖန်တီးဖို့လုံလောက်တယ်။ ဒါက တကယ်ကို ရူးသွပ်စရာပဲ"

အထွတ်အထိပ်အဆင့်ဓားတာအိုအကြိုနတ်ဘုရားအသုံးအ‌ဆောင်ပစ္စည်းတစ်ခုကိုမှ မမြင်ရတဲ့အတွက် လီဖူချန်းက စိတ်ပျက်မိလေတယ်။ သင့်တော်တဲ့အထွတ်အထိပ်အဆင့်အကြိုနတ်ဘုရားအသုံးအ‌ဆောင်ပစ္စည်းတစ်ခုကိုရမှသာ အသန်မာဆုံးအရှင်က ပြိုင်ဘက်ကင်းအကြိုနတ်ဘုရားတစ်ယောက်ဖြစ်လာလိမ့်မယ်။ စကြာဝဠာထဲမှာ အသန်မာဆုံးအရှင်ငါးယောက်အောက်သာရှိပြီး ပြိုင်ဘက်ကင်းအရှင်က သုံးယောက်အောက်သာရှိတယ်။

ဒါပေမယ့် ပထမတန်းစားအဆင့်အကြိုနတ်ဘုရားအသုံးအဆောင်ပစ္စည်းအခုနှစ်ဆယ်အထဲမှာတော့ ဓားတာအိုအကြိုနတ်ဘုရားအသုံးအဆောင်ပစ္စည်းတစ်ခု၊ လက်သည်းတာအိုအကြိုနတ်ဘုရားအသုံးအဆောင်ပစ္စည်းတစ်ခုနဲ့ဓား‌မော့တာအိုအကြိုနတ်ဘုရားအသုံးအဆောင်ပစ္စည်းတစ်ခုရှိတယ်။

သမန်းဝံပုလွေလူဝင်စားက လက်ရှိမှာ အထွတ်အထိပ်ပြိုင်ဘက်ကင်းအရှင်တစ်ယောက်ဖြစ်တယ်။ သူက ပထမတန်းစားအဆင့်လက်သည်းတာအိုအကြိုနတ်ဘုရားအသုံးအဆောင်ပစ္စည်းကိုရရင် သမန်းဝံပုလွေလူဝင်စားက ရွှေအလင်းနတ်ဘုရားထက်မနိမ့်ကျတဲ့ ပထမတန်းစားအဆင့်အကြိုနတ်ဘုရားတစ်ယောက် ချက်ချင်းဖြစ်လာလိမ့်မယ်။ ရန်ချင်းဟူက ပထမတန်းစားအဆင့်ဓားမော့တာအိုအကြိုနတ်ဘုရားအသုံးအ‌ဆောင်ပစ္စည်းကိုရရင် သူမက  အနည်းငယ်သာပိုအားနည်းတဲ့ပထမတန်းစားအဆင့်အကြိုနတ်ဘုရားတစ်ယောက်ဖြစ်လာလိမ့်မယ်။

ဟမ့်......

အသက်ကို ရှုထုတ်ပြီးနောက် နောက်ဆုံးမှာ လီဖူချန်းရဲ့အာရုံက ရတနာခန်းထဲရှိပုံရိပ်တစ်ခုပေါ်ကို ‌ကျရောက်သွားတယ်။

ဒီပုံရိပ်က နေရာလပ်လက်စွပ်သုံးခုကို ကိုင်ထားတယ်။

ထူးကဲအဆင့်အခြေခံအသုံးအဆောင်ပစ္စည်းတစ်ခုမျှပဲ၊ ဆင်းရဲလွန်းတယ်"

"ထူးကဲအဆင့်အခြေခံအသုံးအဆောင်ပစ္စည်းသုံးခု၊ မဆိုးပါဘူး"

"အာ၊ တစ်ခုတောင် မရှိဘူးပဲ"

ပုံရိပ်က နေရာလပ်လက်စွပ်တွေမှထူးကဲအဆင့်အခြေခံအသုံးအဆောင်ပစ္စည်းလေးခုကို ယူထုတ်ပြီး ညာဘက်ရှိထူးကဲအဆင့်အခြေခံအသုံးအဆောင်ပစ္စည်းအအစုအပုံထဲသို့ ပစ်ထည့်လိုက်တယ်။

"သေခြင်စိတ်ဝိညာဉ်လား ဒါမှမဟုတ်......"

လီဖူချန်းက လူသားပုံရိပ်ရဲ့တည်ရှိမှုကို အာရုံခံနိုင်ပေမယ့် ပြိုင်ဘက်ကင်းအရှင်လေးယောက်က လူသားပုံရိပ်ကို မမြင်နိုင်ဘူး။ ဒါ့ပြင် ပြိုင်ဘက်ကင်းအရှင်သုံးယောက်သေဆုံးသွားတဲ့အကြောင်းပြချက်က ဒီလူသားပုံရိပ်ကြောင့်ပဲဖြစ်တယ်။ ဒီလူသားပုံရိပ်က ပြိုင်ဘက်ကင်းအရှင်သုံးယောက်ကို သေမင်းလမ်းကြောင်းဆီ လမ်းညွှန်ပေးနေတယ်။

"ဒီနေရာမှာ ငါ့ကို စောင့်နေ"

လီဖူချန်းက သေခြင်းကျောက်တုံးတစ်တုံးကို ဆုပ်ကိုင်ကာ သေမင်းနတ်ဘုရားလိုဏ်ဂူထဲသို့ ခုန်ဝင်လိုက်တယ်။

"နောက်တစ်ယောက်လာပြီ။ ထားလိုက်တော့၊ ငါ စိတ်အခြေအနေမကောင်းဘူး။ သူ့ကို သေခွင့်ပေးလိုက်မယ်...."

ထူးဆန်းတဲ့ပုံရိပ်က ရတနာခန်းမှ ချက်ချင်းထွက်ကာ လီဖူချန်းရဲ့အရှေ့ကို ရောက်ရှိလာတယ်။

"လာပါ၊ လာပါ၊ ဒီနေရာမှာ မင်းလိုချင်တဲ့ဟာရှိတယ်" ထူးဆန်းတဲ့ပုံရိပ်နောက်မှာ တံခါးနှစ်ချပ်ရှိတယ်။ တစ်ခုက သေခြင်းချီတည်ရှိမှုပြည့်နေတဲ့အနက်ရောင်တံခါးဖြစ်တယ်။ နောက်တစ်ခုက ရှင်ခြင်းချီတည်ရှိမှုပြည့်နေတဲ့အဖြူရောင်တံခါးဖြစ်တယ်။ ထူးဆန်းတဲ့ပုံရိပ်က လီဖူချန်းဆီ လက်ဝှေ့ယမ်းပြကာ သူ့ကို အနက်ရောင်တံခါးဆီ သွားဖို့လမ်းညွှန်လိုက်တယ်။

"အနက်ရောင်တံခါးက သေခြင်းလမ်းကြောင်းမလား"

လီဖူချန်းက ထူးဆန်းတဲ့ပုံရိပ်ကို ကြည့်ကာ ပြောလိုက်တယ်။

"မင်း ငါ့ကို မြင်နိုင်တာလား"

ထူးဆန်းတဲ့ပုံရိပ်က ခြေတစ်လှမ်း‌နောက်ဆုတ်သွားတယ်။

"မင်း ဘယ်သူလဲ" လီဖူချန်းက မဖြေဘဲ ပြန်မေးလိုက်တယ်။

ထူးဆန်းတဲ့ပုံရိပ်က ရက်စက်စွာပြုံးလိုက်တယ်"စိတ်ဝင်စားစရာပဲ။ စိတ်ဝင်စားစရာကောင်းတဲ့တစ်ယောက်ယောက်ကို ငါမတွေ့ရတာ အတော်ကြာပြီ။ ဒီနေရာကို လာပါ......"

ထူးဆန်းတဲ့ပုံရိပ်ရဲ့မျက်လုံးတွေမှ အနက်ရောင်အလင်းတွေ ပေါက်ကွဲထွက်လာတယ်။ ဒီအနက်ရောင်အလင်းက လူတစ်ယောက်ရဲ့စိတ်တန်ခိုးစွမ်းအားကို ဖျက်ဆီးနိုင်သလို ခံစားရစေတယ်။ အခြားတစ်ယောက်ယောက်သာဆိုရင် သူတို့ကို ဒီအနက်ရောင်အလင်းက ခြိမ်းခြောက်ပြီး အနက်ရောင်တံခါးဆီ ချက်ချင်းပျံသန်းသွားမိပေလိမ့်မယ်။

လီဖူချန်းရဲ့စိတ်ဝိညာဉ်တန်ခိုးစွမ်းအားက အလွန်အမင်းအားကောင်းနေတာ စိတ်မကောင်းစရာပဲ။ ဒီအနက်ရောင်အလင်းက လီဖူချန်းအတွက် လေပြေလေညင်းတစ်ခုသာသာပါပဲ။ မဟုတ်ဘူး၊ အဲဒါကို လေပြေလေညင်းတစ်ခုလို့တောင် သတ်မှတ်လို့မရဘူး၊ အဲဒါက လေသာဖြစ်တယ်။

"ကြည့်ရတာ မင်းက လူတစ်ယောက်ရဲ့စိတ်တန်ခိုးစွမ်းအားကိုပဲ သက်ရောက်နိုင်စွမ်းရှိပုံပေါ်တယ်"

လီဖူချန်းက စိတ်သက်သာရာရသွားတယ်။ ရန်သူက အလွန်အမင်းအားကောင်းရင် လီဖူချန်းက သေချာပေါက်အန္တရာယ်ဖြစ်ပေလိမ့်မယ်။

"ဘာ၊ သူ့ကို လုံးဝမသက်ရောက်ဘူးလား"

ထူးဆန်းတဲ့ပုံရိပ်ရဲ့အမူအရာက ပြောင်းသွားတယ်။ သူက အားကောင်းတဲ့စိတ်တန်ခိုးစွမ်းအားရှိတဲ့သူတွေကို မြင်ဖူးပေမယ့် လီဖူချန်းလိုတစ်ယောက်မှမပါဘူး။ လီဖူချန်းက သူ့ကိုမြင်နိုင်ပြီး သူ့ရဲ့စိတ်တန်ခိုးစွမ်းအားခြိမ်းခြောက်မှုကို လစ်လျူရှုနိုင်တယ်။

"အတုံ့အလှယ်အနေနဲ့ ငါရဲ့စွမ်းရည်ကို အရသာခံလိုက်စမ်း"

လီဖူချန်းရဲ့မျက်လုံးတွေက ခရမ်းနီရောင်အလင်းတွေ ရုတ်တရက်‌ ပေါက်ကွဲထွက်လာတယ်။

ဝုန်း.....

ထူးဆန်းတဲ့ပုံရိပ်က ရုတ်တရက်ပေါက်ကွဲသွားပြီး ၎င်း ပြန်သိပ်သည်းလာတဲ့အခါ ပိုပြီးပါးလာတယ်။

"မဟုတိဘူး၊ ရပ်တော့"

ထူးဆန်းတဲ့ပုံရိပ်က ရပ်ဖို့ လျင်မြန်စွာပြောလိုက်တယ်။

"ဒါ တကယ်ထိရောက်တာပဲ"

လီဖူချန်းက မေးငေါ့လိုက်တယ်။

လီဖူချန်းခန့်မှန်းတာ မှန်တယ်။ ထူးဆန်းတဲ့ပုံရိပ်ရဲ့တည်ရှိမှုက အလွန်ထူးခြားတယ်။ ၎င်းက စိတ်တန်ခိုးစွမ်းအားခန္ဓာကိုယ်တစ်ခုဖြစ်ပြီး လူတစ်ယောက်ရဲ့စိတ်တန်ခိုးစွမ်းအားကို အလွယ်တကူသက်ရောက်နိုင်တယ်။ လူတစ်ယောက်ရဲ့စိတ်တန်ခိုးစွမ်းအားကို စိတ်ဝိညာဉ်က သက်ရောက်တယ်။ ဆိုလိုတာကတော့ စိတ်ဝိညာဉ်က လုံလုံလောက်လောက်အားမကောင်းရင် တစ်ယောက်ယောက်က ထူးဆန်းတဲ့ပုံရိပ်ရဲ့အ‌ရှေ့မှာ ယုန်ဖြူတစ်ကောင်အလား လုံးဝခြိမ်းခြောက်နိုင်စွမ်းရှိမှာမဟုတ်ဘူး။

ဒါပေမယ့် လီဖူချန်းရဲ့စိတ်ဝိညာဉ်က အလွန်အမင်းအားကောင်းတယ်၊ ဒါကြောင့်၊ သူ့ရဲ့စိတ်တန်ခိုးစွမ်းအားကလည်း အလွန်အမင်းအားကောင်းတယ်။ သူက ထူးဆန်းတဲ့လူရဲ့စိတ်တန်ခိုးစွမ်းအားလွှမ်းမိုးမှုကို ခုခံနိုင်ရုံသာမက သူ့ရဲ့စိတ်တန်ခိုးစွမ်းအားကို သုံးပြီး ထူးဆန်းတဲ့ပုံရိပ်ကို ဒဏ်ရာရစေနိုင်တယ်။

"ရတနာခန်းထဲမှာ အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းငါးခုနဲ့ အဆင့်မြင့်စကြာဝဠာရတနာနှစ်ခုရှိတယ်။ သူတို့အားလုံးကို ယူလာခဲ့စမ်း"

လီဖူချန်းက အမိန့်ပေးလိုက်တယ်။

"မဖြစ်နိုင်ဘူး" ထူးဆန်းတဲ့ပုံရိပ်က လျင်မြန်စွာ ရှင်းပြလိုက်တယ်"ငါ ရတနာခန်းထဲကိုသာ ပစ္စည်းတွေ ယူသွားနိုင်ပြီး ပြန်မယူထုတ်နိုင်ဘူး။ ငါ ရတဲ့ဟာတွေက ကျပန်းဖြစ်ပြီး တစ်ကြိမ်မှာ ပစ္စည်းတစ်ခုကိုပဲ ရနိုင်တယ်"

ဝုန်း.....

ထူးဆန်းတဲ့ပုံရိပ်ပြောပြီးပြီးချင်း သူ့ခန္ဓာကိုယ်က ပေါက်ကွဲသွားပြန်တယ်။

"ငါ မင်းကို လိမ်နေတာမဟုတ်ဘူး"

ဝုန်း.....

"ငါ မင်းကို တကယ်လိမ်နေတာမဟုတ်ဘူး"

"မင်း ငါ့ရဲ့စိတ်တန်ခိုးစွမ်းအားကို ပျောက်ကွယ်အောင်လုပ်ခဲ့ရင်တောင် ငါ လုပ်နိုင်မှာမဟုတ်ဘူး"

ထူးဆန်းတဲ့ပုံရိပ်ရဲ့ခန္ဓာကိုယ်က မြူပမာ ပါးလာတယ်။

"ကြည့်ရတာ မင်း ငါ့ကို မလိမ်ခဲ့ဘူးပဲ" လီဖူချန်းက သက်ပြင်းချလိုက်တယ်။