အကြိုနတ်ဘုရားဆရာနဲ့တပည့်

အသက်သစ်သီးနှစ်လုံးကို ခူးဆွတ်ပြီးနောက် လီဖူချန်းက ၎င်းတို့ကို ရန်ချင်းဟူနဲ့သမန်းဝံပုလွေကိုယ်ပွားတို့ထံ ပေးလိုက်တယ်။

"ဒီအသက်သစ်သီးက အသန့်စင်ဆုံးအဆင့်နိမ့်စကြာဝဠာရတနာပဲ။ အဲဒါက မင်းတို့ရဲ့အသက်ရှင်နိုင်စွမ်းကို အဆများစွာ တိုးစေနိုင်တယ်"

ရန်ချင်းဟူနဲ့သမန်းဝံပုလွေကိုယ်ပွားတို့မှာ အသက်အားကြီးကြီးမားမားမရှိပါဘူး။ အသက်သစ်သီးတစ်လုံးမှာပါဝင်တဲ့အသက်အားက သူတို့ထက် အနည်းဆုံးအဆတစ်ရာကျော် ပိုသန်မာတယ်။

အသက်အားအဆတစ်ရာရဲ့အထောက်အပံ့နဲ့အတူ သူတို့နှစ်ယောက်က သူတို့ထက် အဆများစွာပိုသန်မာတဲ့ရန်သူတစ်ယောက်နဲ့ ရင်ဆိုင်ရရင် သူတို့က သူတို့ရဲ့ရန်သူ‌တွေကို သေစေတဲ့အထိ စွမ်းအင်ကုန်ဆုံးစေနိုင်လိမ့်မယ်။

သေမင်းနတ်ဘုရားလိုဏ်ဂူထဲသို့ နှစ်ဆယ့်လေးကြိမ်မြောက်ဝင်ရောက်ပြီးနောက် လီဖူချန်းက ပထမတန်းစားအဆင့်အကြိုနတ်ဘုရားအသုံးအဆောင်ပစ္စည်းတစ်ခုကို ရရှိခဲ့တယ်။

ဒီပထမတန်းစားအဆင့်အကြိုနတ်ဘုရားအသုံးအဆောင်ပစ္စည်းက မီးတာအိုအကြိုနတ်ဘုရားအသုံးအဆောင်ပစ္စည်းတစ်ခုဖြစ်တယ်။

"အရမ်းကောင်းတယ်"

လီဖူချန်းက အဆင့်မြင့်စကြာဝဠာရတနာတစ်ခုဒါမှမဟုတ်အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတစ်ခုကို ရဖို့အတွက် မျှော်လင့်ချက်အများကြီးမထားထားပါဘူး။

"သေခြင်းကျောက်တုံးတွေကို ငါ အကောင်းဆုံးရှာဖွေရမယ့်ပုံပဲ"

သူက အဆင့်မြင့်စကြာဝဠာရတနာတစ်ခုဒါမှမဟုတ်အထွတ်အထိပ်အဆင့်အကြိုနတ်ဘုရားအ သုံးအဆောင်ပစ္စည်းတစ်ခုကို အခွင့်အရေး၂၈ကြိမ်ပြီးနောက် မရနိုင်ရင် အခွင့်အရေးငါးဆယ်ဆိုရင် ဘယ်လိုလဲ။ အခွင့်အရေးတစ်ရာဆိုရင်ရော ဘယ်လိုလဲ။

သူက မရရှိနိုင်ဘူးလို့တော့ လီဖူချန်းက မယုံပါဘူး။

အခွင့်အရေး၂၅ကြိမ်၊ ၂၆ကြိမ်၊ ၂၇ကြိမ်......

အခွင့်အရေးတစ်ခုသာ ကျန်တော့တယ်။

"အောင်မြင်မလား ဒါမှမဟုတ် ကျရှုံးမလား"

လီဖူချန်းက အသက်ကို နက်နက်ရှိုင်းရှိုင်းရှုသွင်းပြီးနောက် ပြေးဝင်သွားတယ်။

ထွက်လာပြီးနောက် လီဖူချန်းက ခါးသီးစွာ ပြုံးလိုက်တယ်။ သူက ပျော်ရမလားမပျော်ရဘူးလားကို မသိတော့ဘူးဖြစ်နေတယ်။

ဒီတစ်ခါ သူ့ကံက ကောင်းပေမယ့် အရမ်းကြီးတော့မဟုတ်ဘူး။

မီးတာအိုအကြိုနတ်ဘုရားအသုံးအဆောင်ပစ္စည်းကို ရရှိပြီးနောက် သူက နောက်ထပ်ပထမတန်းစားအဆင့်အကြိုနတ်ဘုရားအသုံးအဆောင်ပစ္စည်းတစ်ခုကို ရရှိလာခဲ့ပြီး အဲဒါက ဓားတာအိုအကြိုနတ်ဘုရားအသုံးအဆောင်ပစ္စည်းတစ်ခုဖြစ်တယ်။ သူက ဆန္ဒရှိရင် ဒီဓားတာအိုအကြိုနတ်ဘုရားအသုံးအဆောင်ပစ္စည်းရဲ့အသိအမှတ်ပြုမှုကို ချက်ချင်းလက်ခံပြီး အကြိုနတ်ဘုရားတစ်ယောက်ဖြစ်လာနိုင်တယ်။

လီဖူချန်းက အသန်မာဆုံးဓားတာအိုအရှင်ဖြစ်တယ်။ သူက ပထမတန်းစားအဆင့်အကြိုနတ်ဘုရားအသုံးအဆောင်ပစ္စည်းရဲ့အသိအမှတ်ပြုမှုကို လက်ခံခဲ့ရင် သူက အထွတ်အထိပ်အဆင့်အကြိုနတ်ဘုရားတစ်ယောက်ဖြစ်လာလိမ့်မယ်။ အဲဒါက သူ့ကို စကြာဝဠာမှာ စွမ်းအားကြီးမားသူတစ်ယောက်ဖြစ်လာစေဖို့ လုံလောက်တယ်။ ပြိုင်ဘက်ကင်းအကြိုနတ်ဘုရားနယ်ပယ်အောက်မှာ သူ့ကိုရင်ဆိုင်နိုင်တဲ့သူတစ်ယောက်မှရှိမှာမဟုတ်ဘူး။

ဒါပေမယ့် လီဖူချန်းက ဆန္ဒမရှိဘူး။

သူက ပထမတန်းစားအဆင့်အကြိုနတ်ဘုရားအသုံးအဆောင်ပစ္စည်းတစ်ခုရဲ့အသိအမှတ်ပြုခြင်းကို လက်ခံခဲ့ရင် သူ့အနေနဲ့ ဓားတာအိုရဲ့အထွတ်အထိပ်ကို ရောက်ရှိဖို့ ခက်ခဲစေလိမ့်မယ်။ သူက စကြာဝဠာရဲ့ထိပ်ဆုံးအယောက်နှစ်ဆယ်ထဲမှာတောင် ပါနိုင်မှာမဟုတ်ဘူး။

ဒါက သူမြင်ချင်တဲ့အရာမျိုးမဟုတ်ပါဘူး။

"ငါ ဒါကို ဝူကျော့အတွက် ချန်ထားရမယ်"

လီဖူချန်းဘေးနားမှာ ဝူကျော့က  အသန်မာဆုံးဓားသမားဖြစ်တယ်။ သူက လက်ရှိမှာ မြို့အရှင်အဆင့်ကောင်းကင်ဘုံအရှင်တစ်ယောက်ဖြစ်ပြီး ဒီဓားတာအိုအကြိုနတ်ဘုရားအသုံးအဆောင်ပစ္စည်းက သူ့ကို ပထမတန်းစားအဆင့်အကြိုနတ်ဘုရားတစ်ယောက်ဖြစ်စေဖို့ လုံလောက်တယ်။

"သွားကြစို့၊ နောက်မှ ထပ်လာကြတာပေါ့"

လီဖူချန်းက သေမင်းကျောက်တုံးတွေအမြောက်အများရရှိဖို့နည်းလမ်းကို စဉ်းစားနေတယ်။

စုဆောင်းရာမှာ သူတစ်ယောက်တည်းလုပ်ဖို့က အဆင်ပြေမှာမဟုတ်ဘူး၊ ဒါကြောင့် ပိုသက်သောင့်သက်သာဖြစ်တဲ့နည်းလမ်းတစ်ခုကို ရှာရပါမယ်။

……

သေမင်းနတ်ဘုရားရေကန်မှ ထွက်ပြီးနောက် သူတို့သုံးယောက်က နက်ပြာပလိန်းသို့ ပြန်ရောက်လာတယ်။

"မီးတာအိုကို အရင်ကျင့်ကြံရအောင်"

ပထမတန်းစားအဆင့်မီးတာအိုအကြိုနတ်ဘုရားအသုံးအဆောင်ပစ္စည်းကို မသုံးတာက ဖြုန်းတီးလွန်းတယ်လို့ လီဖူချန်းက ခံစားမိတယ်။ သူ့မှာ လုပ်စရာဘာမှမရှိတာကြောင့် သူက အဲဒါကို သူကိုယ်တိုင်အသုံးပြုဖို့ စီစဉ်ထားတယ်။ ဒါပေမယ့် ကြိုတင်သိထားရမှာက မီးတာအိုကို အဆင့်တစ်ခုအထိ ကျင့်ကြံထားဖို့ပါပဲ။

တကယ်တော့ အစောပိုင်းအအဆင့်တွေမှာ လီဖူချန်းက မီးတာအိုနဲ့ပတ်သက်ပြီးအသိအချို့ရှိခဲ့တယ်။ အတိတ်မှာ သူ့ရဲ့ကျင့်ကြံခြင်းနည်းစနစ်က နတ်မီးတောက်ကျင့်ကြံခြင်းနည်းစနစ်ဖြစ်ခဲ့ပြီး သူ့ရဲ့ဓားပညာက နတ်မီးတောက်ဓားပညာဖြစ်ခဲ့တယ်။ နောက်ပိုင်းမှာ သူ့ရဲ့အရိုးတည်ဆောက်ပုံက နတ်မီးတောက်အရိုးတည်ဆောက်ပုံသို့ ပြောင်းခဲ့သေးတယ်။

ဒါကြောင့် မီးတာအိုကို နောက်ထပ်ကျင့်ကြံတဲ့အခါ လီဖူချန်းက အတိတ်ကို သတိရမိတယ်။

လီဖူချန်းရဲ့ထိုးထွင်းသိမြင်မှုနဲ့စိတ်အခြေအနေဲ့အတူ သူက မီးတာအိုကို အပြည့်အဝနားလည်ကျင့်ကြံတဲ့အခါ သူ့ရဲ့တိုးတက်မှုအရှိန်ကို ကြယ်တွေအကြားရွှေ့ပြောင်းခြင်းလို့သာ ဖော်ပြနိုင်တယ်။

တစ်နှစ်မပြည့်ခင်မှာ လီဖူချန်းက မီးတာအိုကို အလယ်အခြေအနေကြယ်ပိုင်နက်အဆင့်အထိ နားလည်ခဲ့တယ်။

ဒါပေမယ့် ဒါက ကမ္ဘာနှလုံးသားထဲမှာ ဖြစ်လို့ပဲ။ အပြင်ကမ္ဘာမှာဆိုရင် သူ့ရဲ့တိုးတက်မှအရှိန်က အဲလောက်မြန်မှာမဟုတ်ဘူး။

ဒါ့ပြင် ဖရိုဖရဲမီးကြာပန်းကလည်း သူ့ကို ကူညီပေးခဲ့ပြီး သူ့ရဲ့ကျင့်ကြံခြင်းအချိန်ကို များစွာလျော့ချပေးခဲ့တယ်။

ကမ္ဘာနှလုံးသားထဲမှာ ဆယ်နှစ်ကုန်ဆုံးသွားပြီ။

လီဖူချန်းရဲ့မီးတာအိုက နှောင်းပိုင်းအခြေအ‌နေကြယ်ပိုင်နက်အဆင့်ကို ရောက်ရှိသွားခဲ့တယ်။

"ဒါဆို‌လုံလောက်ပြီ"

လီဖူချန်းမှာ အချိန်အ‌လုံအလောက်ရှိရင် မီးတာအိုကို အလုံးစုံတတ်သိနားလည်ခြင်းအဆင့်သို့ တိုးမြှင့်ဖို့က အလွယ်လေးပါပဲ။ အကြိုနတ်ဘုရားတစ်ယောက်မဖြစ်ခင်တော့ သူက သူ့ရဲ့မီးတာအိုအဆင့်ကို ဆက်တိုးမြှင့်ရအုံးမှာပါ။

မီးတာအိုအကြိုနတ်ဘုရားအသုံးအဆောင်ပစ္စည်းကို ယူထုတ်ပြီးနောက် လီဖူချန်းက ၎င်းရဲ့အသိအမှတ်ပြုခြင်းကို စတင်လက်ခံလိုက်တယ်။

ဟုန်း......

မီးတာအိုအကြိုနတ်ဘုရားအသုံးအဆောင်ပစ္စည်းက ကြက်‌သွေးရောင်ရှိတဲ့ကြေးညိုလည်ဆွဲတစ်ခုဖြစ်ပြီး ၎င်းကို ကြက်သွေးရောင်မီးလျှံလည်ဆွဲလို့ခေါ်တယ်။ လီဖူချန်းက ကြက်သွေးရောင်မီးလျှံလည်ဆွဲရဲ့စွမ်းအားကို အသက်သွင်းလိုက်တဲ့အခါ ကြက်သွေးရောင်အလင်းတစ်ခုက ပေါက်ကွဲထွက်လာတယ်။

ချက်ချင်းပဲ လီဖူချန်းကို ကြက်သွေးရောင်အလင်းက ဝန်းရံသွားတယ်။

"ဒီလိုကြောက်စရာကောင်းတဲ့စွမ်းအား"

အလွန်အမင်းကြောက်စရာကောင်းတဲ့မီးစွမ်းအားတစ်ခုက သူ့ခန္ဓာကိုယ်ထဲသို့ စိမ့်ဝင်လာနေပြီး သူ့ရဲ့မီးတာအိုသွေးမျိုးဆက်က ပြောင်းလဲသွားတာကို လီဖူချန်းက ခံစားမိတယ်။

အကြိုနတ်ဘုရားအသုံးအဆောင်ပစ္စည်းရဲ့အသိအမှတ်ပြုခြင်းက တကယ်တော့ သွေးမျိုးဆက်ပြောင်းလဲခြင်းပါပဲ။ သွေးမျိုးဆက်ကို အကြိုနတ်ဘုရားသွေးမျိုးဆက်အဖြစ် ပြောင်းလဲခြင်းကသာ အနာဂတ်မှာ အကြိုနတ်ဘုရားစွမ်းအားကို အဆက်မပြတ်ထုတ်လုပ်နိုင်လိမ့်မယ်။

ပြောင်းလဲခြင်းဖြစ်စဉ်က အလွန်မြန်တယ်။ နာရီအနည်းငယ်အတွင်းမှာ လီဖူချန်းရဲ့မီးတာအိုသွေးမျိုးဆက်က မီးတာအိုအကြိုနတ်ဘုရားသွေးမျိုးဆက်အဖြစ်သို့ ပြောင်းလဲသွားခဲ့တယ်။ တစ်ချိန်တည်းမှာ လီဖူချန်းက ပထမတန်းစားအဆင့်မီးတာအိုအကြိုနတ်ဘုရားတစ်ယောက်ဖြစ်လာခဲ့တယ်။

"ဒါ အကြိုနတ်ဘုရားတစ်ယောက်ရဲ့စွမ်းအားလား"

လီဖူချန်းရဲ့ခန္ဓာကိုယ်က လွင့်မျောသွားပြီး ကမ္ဘာကြီးက ပိုအားနည်းလာသလို သူက ခံစားရတယ်။

မဟုတ်ဘူး၊ ကမ္ဘာကြီးက ပိုအားနည်းလာတာမဟုတ်ဘူး၊ သူက ပိုသန်မာလာတာပဲ။

သူ့ရဲ့မီးတာအိုအကြိုနတ်ဘုရားစွမ်းအားမှာ မီးတာအိုဥပဒေသပါဝင်တယ်။ အဲဒါက နှောင်းပိုင်းအခြေအနေကြယ်ပိုင်နက်အဆင့်မှာပဲရှိသေးပေမယ့် မီးလက္ခဏာအလွှာတစ်ခုပါဝင်သေးတယ်။ ဒီမီးလက္ခဏာအလွှာက ဒီကမ္ဘာကြီးနဲ့သဟဇာတမဖြစ်ဘူး။ ၎င်းက အလွန်အမင်းလွှမ်းမိုးကြီးစိုးတယ်။

"အကြိုနတ်ဘုရားဖြစ်လာပြီးနောက် ငါ့ရဲ့သူတော်စင်လိပ်ပြာနဲ့စိတ်ဝိညာဉ်က တိုးမြင့်လာတယ်။ ငါ့ခန္ဓာကိုယ်မာကျောမှုကလည်း တိုးမြင့်လာတယ်၊ ဒါပေမယ့် မသိသာပါဘူး။ အထူးသဖြင့် ငါ့ရဲ့စိတ်ဝိညာဉ်ပဲ၊ ၎င်းက အရိပ်အငွေ့တစ်ခုလောက်သာ တိုးမြင့်လာတယ်"

လီဖူချန်းရဲ့သူတော်စင်စိတ်ဝိညာဉ်ဖြစ်စေဒါမှမဟုတ်ခန္ဓာကိုယ်မာကျောမှုဖြစ်စေ၊ သူတို့က သာမန်လူတွေထက် အများကြီးပိုသာလွန်တယ်။ တိုးမြင့်မှုတစ်ခုရှိလာတာကတင် လုံလောက်ပါပြီ။

ဟုန်း......

လီဖူချန်းက သူ့ရဲ့ညာလက်သီးကို ဆုပ်လိုက်တယ်၊ မီးလျှံတွေ လိမ့်တက်လာတယ်။ သူက ခေါင်းငုံ့လိုက်ရာ မီးလျှံအကွာအဝေးအတွင်းရှိအရာအားလုံးက ဖရိုဖရဲအပျက်အဆီးတွေပမာ ရှေးဦးမူလအခြေအနေတစ်ခုအဖြစ်သို့ လောင်ကျွမ်းသွားတာကို သူက မြင်လိုက်ရတယ်။

"ဆရာ......"

ဒီနေ့မှာ လီဖူချန်းက ဝူကျောကို ကမ္ဘာနှလုံးသားထဲသို့ ခေါ်ဆောင်လာတယ်။

မြို့အရှင်အဆင့်ကောင်းကင်ဘုံအရှင်တစ်ယောက်အနေနဲ့ ဝူကျောက ကမ္ဘာသစ်သီးမှာ ကျင့်ကြံဖို့ ပရည်အချင်းရှိတယ်။

"မင်းရဲ့ထိုးထွင်းသိမြင်မှုက အတော်လေးကောင်းတယ်။ မင်း မြို့အရှင်အဆင့်ကောင်းကင်ဘုံအရှင်တစ်ယောက်တောင်ဖြစ်လာပြီးပဲ" လီဖူချန်းက ဝူကျောနဲ့ပတ်သက်ပြီး အလွန်ကျေနပ်မိတယ်။ ထိုးထွင်းသိမြင်မှုအရ သူနဲ့သမန်းဝံပုလွေလီဖူချန်းကလွဲပြီး ရန်ချင်းဟူကသာ ဝူကျောနဲ့နှိုင်းယှဉ်နိုင်တယ်။

ဝူကျောက ပြောလိုက်တယ်"ဒါတွေအားလုံးအတွက် ဆရာ့ကိုပဲ ကျေးဇူးတင်ရမှာပါ"

ကမ္ဘာသစ်သီးမရှိရင်၊ ဓားတာအိုထူးကဲအဆင့်အခြေခံအသုံးအဆောင်ပစ္စည်းမရှိရင် ဒါမှမဟုတ် ဓားတာအိုစကြာဝဠာရတနာမရှိရင် သူက ဒီလောက်လျင်မြန်စွာတိုးတက်လာဖို့မဖြစ်နိုင်မှန်း ဝူကျောက သိတယ်။

တကယ်တော့ သူအပါအဝင် သူ့ဆရာ‌ဘေးနားရှိတစ်ယောက်ကမှ တိုးတက်မှုမနှေးကွေးပါဘူး။ ဒါတွေအားလုံးက သူ့ဆရာ သူတို့ကို ပေးအပ်ခဲ့တဲ့ကံကြမ္မာကောင်းတွေကြောင့်ပါပဲ။

"မင်း အကြိုနတ်ဘုရားတစ်ယောက်ဖြစ်ချင်လား" လီဖူချန်းက ရုတ်တရက်မေးလိုက်တယ်။

ဝူကျောရဲ့အသက်ရှုသံက အနည်းငယ်မြန်ဆန်လာတယ်၊ သူက လီဖူချန်းကို ပဟေဠိမျက်လုံးတွေနဲ့ ကြည့်လိုက်တယ်။

လီဖူချန်းက သူ့ရဲ့နေရာလပ်လက်စွပ်မှ ငွေဓားတစ်လက်ကို ယူထုတ်လိုက်တယ်။ ဓားကို ဓားအိမ်မှ မချွတ်ခင် ကြောက်စရာကောင်းတဲ့ဓားချီတစ်ခုက စီးဆင်းလာတယ်။ ဟင်းလင်းပြင်ကို ရှေးဦးမူလအခြေအနေသို့ ပိုင်းဖြတ်သွားပြီး အက်ကြောင်းတွေက ကြီးမားလာတယ်"ဒါက ပထမတန်းစားအဆင့်ဓားတာအိုအကြိုနတ်ဘုရားအသုံးအဆောင်ပစ္စည်းတစ်ခုပဲ။ အဲဒါရဲ့အသိအမှတ်ပြုမှုကို လက်ခံပြီးရင် မင်းက မြို့အရှင်ကောင်းကင်ဘုံအရှင်မှ ပထမတန်းစားအဆင့်ဓားတာအိုအကြိုနတ်ဘုရားတစ်ယောက် ချက်ချင်းဖြစ်လာလိမ့်မယ်။ ဒါက တကယ်ကို ကောင်းကင်ဘုံသို့ ခြေတစ်လှမ်းချခြင်းပဲ"

မြို့အရှင်အဆင့်ကောင်းကင်ဘုံအရှင်နဲ့ပထမတန်းစားအကြိုနတ်ဘုရားတစ်ယောက်အကြားခြားနားချက်ကို တွက်ချက်ဖို့က မဖြစ်နိုင်ဘူး။ တကယ်တော့ ကြားထဲမှာ အရှင်အဆင့်ကျန်ရှိသေးတယ်လေ။

"ဒါဆို ဆရာကရော"

ဝူကျောက မေးလိုက်တယ်။

ဒါက ပထမတန်းစားအဆင့်ဓားတာအိုအကြိုနတ်ဘုရားအသုံးအဆောင်ပစ္စည်းတစ်ခုလေ။

လီဖူချန်းက ပြုံးကာ ပြောလိုက်တယ်"မင်းရဲ့ဆရာက ပထမတန်းစားအဆင့်ဓားတာအိုအကြိုနတ်ဘုရားအသုံးအဆောင်ပစ္စည်းတွေကို စိတ်မဝင်စားဘူး။ ဘယ်လိုလဲ၊ မင်း သေချာတွေးပြီးပြီလား။ မင်း သိရမှာက မင်း ပထမတန်းစားအဆင့်ဓားတာအိုအကြိုနတ်ဘုရားအသုံးအဆောင်ပစ္စည်းတစ်ခုရဲ့အသိအမှတ်ပြုမှုကို လက်ခံလိုက်တာနဲ့ မင်းရဲ့အနာဂတ်အောင်မြင်မှုတွေက အကန့်အသတ်ဖြစ်လာလိမ့်မယ်"

"ဝူကျောက တွေးထားပြီးပါပြီ"

ဝူကျောက ရည်မှန်းချက်ကြီးတဲ့လူတစ်ယောက်မဟုတ်ဘူး။ သူက အနာဂတ်မှာ အထွတ်အထိပ်ဓားတာအိုအကြိုနတ်ဘုရားအသုံးအဆောင်ပစ္စည်းတစ်ခုကို ရရှိနိုင်ပေမယ့် တကယ်လို့ သူ မရရှိနိုင်ရင်ရော။ သူက သူ့ဘဝတစ်ခုလုံးမှာ အကြိုနတ်ဘုရားတစ်ယောက်ဖြစ်လာ‌တော့မှာ မဟုတ်ဘူးပေါ့။

ဒါ့ပြင် သူက သူ့ဆရာမဟုတ်ဘူးလေ။ သူ့ဆရာက အသန်မာဆုံးအရှင်။ ပထမတန်းစားအဆင့်ဓားတာအိုအကြိုနတ်ဘုရားအသုံးအဆောင်ပစ္စည်းကသာ သူနဲ့ထိုက်တန်တယ်လို့ ကံကြမ္မာက သတ်မှတ်ထားပြီးသားပါပဲ။

"ကောင်းပြီ၊ ဓားကို ယူလိုက်"

လီဖူချန်းက ငွေရောင်ဓားရှည်ကို ဝူကျောထံ လှမ်းပေးလိုက်တယ်။

အသက်ကို နက်ရှိုင်းစွာ ရှုသွင်းလျက် ဝူကျောက ငွေရောင်ဓားကို လက်ခံလိုက်တယ်။ လီဖူချန်းရဲ့ညွှန်ပြမှုနဲ့အတူ သူ့ခန္ဓာကိုယ်ထဲရှိဓားတာအိုစွမ်းအားကို ငွေရောင်ဓားရှည်ထဲသို့ ထည့်သွင်းလိုက်တယ်။

ချွမ်း......

ငွေရောင်ဓားရှည်က ငွေရောင်ဓားအလင်းတွေ ပေါက်ကွဲထွက်လာတယ်။ ဝူကျောရဲ့ခန္ဓာကိုယ်တစ်ခုလုံးကို ငွေရောင်ဓားအလင်းက ဝန်းရံသွားတယ်၊ သူ့ကို ကြည့်ရတာ အလွန်အမင်းတောက်ပနေတဲ့ငွေရောင်နေတစ်စင်းနဲ့ တူတယ်။

"အား......"

ဝူကျောရဲ့‌အကြိုနတ်ဘုရားအသုံးအဆောင်ပစ္စည်းနဲ့အသိအမှတ်ပြုခြင်းက လီဖူချန်းထက် ပိုကြမ်းတမ်းပြီး ပိုပြီးနာကျင်ရတယ်။ ဒါက တစ်ယောက်ချင်းစီရဲ့ခွန်အားနဲ့ဆက်စပ်တယ်။ ဝူကျောရဲ့မြို့အရှင်အဆင့်ခွန်အားက အတော်လေးအားနည်းတယ်။ ဒါကြောင့် အသိအမှတ်ပြုခြင်းဖြစ်စဉ်က ပိုခက်ခဲတာပေါ့။

အသိအမှတ်ပြုခြင်းက တစ်လကြာခဲ့တယ်။

တစ်လကြာပြီးနောက် ဝူကျောရဲ့ဆံပင်က ငွေရောင်ပြောင်းသွားတယ်။

"မင်း ဘယ်လိုခံစားရလဲ"

လီဖူချန်းက ပြုံးကာ ဝူကျောကို ကြည့်လိုက်တယ်။

ဝူကျောရဲ့ချီတည်ရှိမှုက အဆတစ်ထောင်ပိုသန်မာလာပြီး သူ့ရဲ့ဓားချီက စကြာဝဠာကို ထိုးဖောက်နိုင်သလို ခံစားရစေတယ်။

"အားကောင်းလွန်းတယ်၊ ဆန်းကြယ်လွန်းတယ်"

သူ့ရဲ့စိတ်ဝိညာဉ်နဲ့သူတော်စင်လိပ်ပြာက အကြီးအကျယ်တိုးမြင့်လာတာကို ဝူကျောက ခံစားမိတယ်။ သူ့ခန္ဓာကိုယ်ကို အကြိုနတ်ဘုရားစွမ်းအားက အာဟာရဖြည့်ထားပြီး အဆက်မပြတ်ပိုသန်မာလာတယ်။ အရေးကြီးဆုံးကတော့ သူ့ရဲ့ဓားတာအိုသွေးမျိုးဆက်က ဓားတာအိုအကြိုနတ်ဘုရားသွေးမျိုးဆက်အဖြစ်သို့ ပြောင်းသွားပြီး ဓားတာအိုအကြိုနတ်ဘုရားစွမ်းအားရဲ့တည်ငြိမ်စီးကြောင်းတစ်ခုက တိုးထွက်လာတာပဲ။

"ဂုဏ်ယူပါတယ်၊ မင်းက ငါတို့ထက် ခြေတစ်လှမ်းဦးပြီး အကြိုနတ်ဘုရားတစ်ယောက်ဖြစ်လာပြီးပဲ"

ရန်ချင်းဟူနဲ့သမန်းဝံပုလွေလူဝင်စားက လျှောက်လာတယ်။

လီဖူချန်းက သေမင်းနတ်ဘုရားလိုဏ်ဂူမှ အကြိုနတ်ဘုရားအသုံးအဆောင်ပစ္စည်းငါးခုသာ ရရှိခဲ့တယ်။ သာမန်အကြိုနတ်ဘုရားအသုံးအဆောင်ပစ္စည်းနှစ်ခု၊ အဆင့်မြင့်အကြိုနတ်ဘုရားအသုံးအဆောင်ပစ္စည်းတစ်ခု၊ ပထမတန်းစားအဆင့်အကြိုနတ်ဘုရားအသုံးအဆောင်ပစ္စည်းနှစ်ခု။ သူတို့ထဲကတစ်ခုမှ ရန်ချင်းဟူနဲ့သမန်းဝံပုလွေလူဝင်စားအတွက် မသင့်တော်ပါဘူး။

ပထမတန်းစားအဆင့်အကြိုနတ်ဘုရားဖြစ်လာပြီး ကမ္ဘာနှလုံးသားထဲမှာ ကျင့်ကြံပြီးနောက် ဝူကျောရဲ့တိုးတက်မှုအရှိန်က မှင်တက်စရာအဆင့်ကို ရောက်ရှိလာတယ်။ နှစ်အနည်းငယ်အတွင်း သူ့ရဲ့ဓားပညာက မြို့အရှင်အဆင့်မှ ကြယ်ပိုင်နက်အဆင့်သို့ တိုးမြင့်လာခဲ့တယ်။ နောက်ထပ်နှစ်အနည်းငယ်ကြာပြီးနောက် သူ့ရဲ့ဓားတာအိုကျင့်ကြံခြင်းနည်းစနစ်က အန္တိမအဆင့်ကို ရောက်ရှိလာတယ်။ ထိုအချိန်မှာ သူက အကြိုနတ်ဘုရားတစ်ယောက်မဟုတ်ရင်တောင် သူ့ခွန်အားက သာမန်အရှင်တစ်ယောက်ရဲ့အဆင့်မှာ ရှိနေပါပြီ။

"ငါ့ရဲ့မီးတာအိုကလည်း အလုံးစုံတတ်သိနားလည်ခြင်းအဆင့်မှာ ရှိနေပြီ"

သံသယရှိစရာမလိုဘဲ လီဖူချန်းက မီးတာအိုကို အလုံးစုံတတ်သိနားလည်ခြင်းကြယ်ပိုင်နက်အဆင့်သို့ နားလည်နိုင်ခဲ့တယ်။

ထိုအချိန်မှာ သူ့ခွန်အားက ကောင်းကင်ဘုံဖောက်ဓားနတ်ဘုရားနဲ့ နှိုင်းယှဉ်နိုင်နေပါပြီ။

ကောင်းကင်ဘုံဖောက်ဓားနတ်ဘုရားက သူ့ရဲ့ဓားပညာကို အလုံးစုံတတ်သိနားလည်ခြင်းအဆင့်အထိ ကျင့်ကြံထားပြီး ပထမတန်းစားအဆင့်ဓားတာအိုအကြိုနတ်ဘုရားအသုံးအဆောင်ပစ္စည်းနဲ့အတူ သူ့ခွန်အားက ပထမတန်းစားအဆင့်အကြိုနတ်ဘုရားနဲ့အထွတ်အထိပ်အ‌ဆင့်အကြိုနတ်ဘုရားအကြားမှာ ရှိတယ်။