ကောင်းကင်ဘုံကံကြမ္မာဒိုင်း

သံသွေးမြို့မှာ နေထိုင်တာ အကျိုးကျေးဇူးတွေအများကြီးရှိတယ်။ ပထမ၊ သတ်ဖြတ်ခြင်းကို မြို့ထဲမှာ တားမြစ်ထားတယ်၊ ဒါကြောင့် အလွန်အန္တရာယ်ကင်းတယ်။ ဒုတိယ၊ အကြိုနတ်ဘုရားစွမ်းအားပြန်ရဖို့ ပိုလွယ်တယ်။ တတိယ၊ ကျင့်ကြံခြင်းနယ်ပယ်တိုးတက်မှုကို ပိုမြန်ဆန်စေတယ်။ စတုတ္ထ၊ အကြိုနတ်ဘုရားကျောက်တုံးတွေကို ရရှိဖို့ အလုပ်တစ်ခုကို ရှာဖွေနိုင်တယ်။ ပဉ္စမ၊ ငွေရှိသရွေ့ ကြိုက်ရာဝယ်ယူနိုင်တယ်........

သံသွေးမြို့ထဲမှာ နေခြင်းက အကျိုးကျေးဇူးများပြီး ဆိုးကျိုးတစ်ခုမှ မရှိဘူးလို့တောင် ဆိုနိုင်တယ်။

အခြေချပြီးနောက် သူတို့ငါးယောက်က သံသွေးမြို့ကို စတင်လှည့်လည်လိုက်တယ်။

သံသွေးမြို့ထဲမှာ ဆိုင်အမျိုးအစားများစွာရှိပြီး အများစုက အကြိုနတ်ဘုရားလက်နက်ဆိုင်တွေဖြစ်တယ်။

သူတို့က အကြိုနတ်ဘုရားလက်နက်တစ်ခုကို တွေ့မိပြီး လျှောက်လာတယ်။

"သာမန်အကြိုနတ်ဘုရားအသုံးအဆောင်ပစ္စည်းတွေက အဆင့်နိမ့်အကြိုနတ်ဘုရားကျောက်တုံးနှတစ်ဆယ်နဲ့နှစ်ဆယ်ကြားကျသင့်တယ်။ အဆင့်မြင့်အကြိုနတ်ဘုရား‌အသုံးအဆောင်ပစ္စည်းတွေက အဆင့်နိမ့်အကြိုနတ်ဘုရားကျောက်တုံးတစ်ရာနဲ့နှစ်ရာကြားကျသင့်တယ်။ မင်းမှာ အကြိုနတ်ဘုရားကျောက်တုံးအလုံအလောက်ရှိသရွေ့ အကြိုနတ်ဘုရားအသုံးအဆောင်ပစ္စည်းတွေကို မင်းလိုချင်သလောက် ဝယ်ယူနိုင်တယ်" မသေမျိုးအရှင်က သက်ပြင်းချလိုက်တယ်။

သံသွေးမြို့ကို မလာခင် အကြိုနတ်ဘုရားလက်နက်တွေက သူ့အတွက် အလွန်တန်ဖိုးရှိတယ်။ ရောက်လာပြီးနောက် အကြိုနတ်ဘုရားကျောက်တုံးတွေက သံသွေးမြို့ထဲမှာ ကုန်ပစ္စည်းတွေပဲဆိုတာကို သဘောပေါက်ခဲ့တယ်။

ဒါပေမယ့် သူက သက်ပြင်းချရုံမျှပဲ။ ဒီအကြိုနတ်ဘုရားလက်နက်တွေက အလကားမဟုတ်ဘူး။ သူတို့ကို ဝယ်ဖို့ အကြိုနတ်ဘုရားကျောက်တုံးတွေ လိုအပ်တယ်။ တကယ်တော့ အကြိုနတ်ဘုရားကျောက်တုံးတွေက‌‌တောင် ရရှိဖို့ ပိုခက်ခဲတယ်။

လမ်းလျှောက်ပတ်ပြီးနောက် အကြီးမားဆုံးအကြိုနတ်ဘုရားလက်နက်ဆိုင်အပြင် အခြားဆိုင်တွေမှာ ပထမတန်းစားအဆင့်အကြိုနတ်ဘုရားလက်နက်တွေမရှိပါဘူး။

ပထမတန်းစားအဆင့်အကြိုနတ်ဘုရားလက်နက်တွေရဲ့တန်ဖိုးက အမျိုးမျိုးရှိတယ်။ ဈေးအပေါဆုံးက အဆင့်နိမ့်အကြိုနတ်ဘုရားကျောက်တုံးတစ်ထောင်၊ အမြင့်ဆုံးက တစ်သောင်းကျော်တယ်။ ဒါက အကန့်အသတ်ဟုတ်ပုံလဲ မရဘူးထင်တယ်။

"အထွတ်အထိပ်အဆင့်အကြိုနတ်ဘုရားလက်နက်တစ်ခုဆိုရင် ဘယ်လောက်တောင်ရှိမလဲမသိဘူးနော်" ရန်ချင်းဟူက သိချင်စွာနဲ့ မေးလိုက်တယ်။

"သံသွေးမြို့ရဲ့အကြီးမားဆုံးဆိုင်ကို သွားရင် သိမှာပေါ့"

ပုံမှန်အားဖြင့် လေလံခန်းမမှာထွက်‌ပေါ်လာတဲ့အထွတ်အထိပ်အဆင့်အကြိုနတ်ဘုရားလက်နက်တွေက ပိုတန်ဖိုးရှိတယ်။ ဆိုင်တွေမှာရှိတဲ့အထွတ်အထိပ်အဆင့်အကြိုနတ်ဘုရားလက်နက်တွေက သာမန်လောက်ပဲဖြစ်မှာပါ။

မြစ်ကိုးခုလက်နက်အိမ်တော်။

ဒါက ‌သံသွေးမြို့ရဲ့အကြီးမားဆုံးအကြိုနတ်ဘုရားလက်နက်ဆိုင်တွေထဲကတစ်ခုဖြစ်တယ်။

မြစ်ကိုးခုလက်နက်အိမ်တော်မှာ အထပ်ကိုးထပ်ရှိတယ်။ အောက်လေးထပ်က သာမန်အကြိုနတ်ဘုရားလက်နက်တွေနဲ့ ညီမျှတယ်၊ ပဉ္စမထပ်မှခုနှစ်ထပ်ထိက အဆင့်နိမ့်အကြိုနတ်ဘုရားလက်နက်တွေနဲ့ ညီမျှတယ်၊ ရှစ်ထပ်မှာ ပထမတန်းစားအဆင့်အကြိုနတ်ဘုရားလက်နက်တွေရှိပြီး ကိုးထပ်မှာ အထွတ်အထိပ်အဆင့်အကြိုနတ်ဘုရားလက်နက်တွေရှိတယ်။

အခြားအကြိုနတ်ဘုရားလက်နက်ဆိုင်တွေနဲ့နှိုင်းယှဉ်ရင် မြစ်ကိုးခုလက်နက်အိမ်တော်မှာ အကြိုနတ်ဘုရားလက်နက်အစုံအလင်ရှိတယ်။ ရှားပါးတဲ့စွမ်းပကားတွေနဲ့အကြိုနတ်ဘုရားလက်နက်မျိုးစုံရှိတယ်။ မသေမျိုးအရှင်က ထာဝရစွမ်းပကားနဲ့သာမန်အကြိုနတ်ဘုရားလက်နက်တစ်ခုနဲ့ကျိန်စာအမျိုးအစားသာမန်အကြိုနတ်ဘုရားလက်နက်တစ်ခုတို့ကိုတောင် မြင်လိုက်ရတယ်။

ဘယ်သူမဆို ပထမဆုံးခုနှစ်ထပ်အထိကို လာနိုင်ပေမယ့် ရှစ်ထပ်မြောက်ပေါ်မှာ အကြိုနတ်ဘုရားကျောက်တုံးနှစ်ထောင်ဒါမှမဟုတ်ပထမတန်းစားအဆင့်အကြိုနတ်ဘုရားလက်နက်တစ်ခုကို ပြဖို့လိုအပ်တယ်။

"ဈေးကြီးလွန်းတယ်။ ဒီအထွတ်အထိပ်အဆင့်အကြိုနတ်ဘုရားအသုံးအဆောင်က အဆင့်နိမ့်အကြိုနတ်ဘုရားကျောက်တုံးသုံးသောင်းရှိတယ်"

ရှစ်ထပ်မြောက်မှာ ဝူကျောက လျှာသပ်လိုက်မိတယ်။

လီဖူချန်းက ပြောလိုက်တယ်"ဒါက မြန်နှုန်းမြှင့်တင်ပေးတဲ့ပထမတန်းစားအဆင့်အကြိုနတ်ဘုရားအသုံးအဆောင်ပစ္စည်းတစ်ခုပဲ။ ဒီလောက်ဈေးကြီးတယ်ဆိုတာ သာမန်ပါပဲ"

"လူကြီးမင်းတို့၊ ကျေးဇူးပြုပြီး တစ်ချက်စောင့်ပေးပါ" ကိုးထပ်ရဲ့လှေကားအုံမှာ သူတို့ငါးယောက်ကို မျက်နှာရှည်လူတစ်ယောက်က တားလိုက်တယ်။

လီဖူချန်းက မေးလိုက်တယ်"အကြိုနတ်ဘုရားကျောက်တုံးတွေ ငါ ဘယ်လောက်ပြဖို့လိုအပ်လဲ"

မြင်းမျက်နှာနဲ့လူက ပြောလိုက်တယ်"နှစ်သောင်း၊ သူတို့အားလုံးက အလယ်ဆင့်အကြိုနတ်ဘုရားကျောက်တုံးတွေဖြစ်ရမယ်"

"အလယ်ဆင့်အကြိုနတ်ဘုရား‌ကျောက်တုံးနှစ်သောင်းလား"

လီဖူချန်းက အတော်လေးထိတ်လန့်သွားတယ်။ အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတစ်ခုက အဆင့်နိမ့်အကြိုနတ်ဘုရားကျောက်တုံး၂၄၀၀၀၀ပတ်လည်ထိုက်တန်တယ်လို့ ဆိုလိုတယ်။

ပါဝင်တဲ့အကြိုနတ်ဘုရားစွမ်းအားအရ အလယ်ဆင့်အကြိုနတ်ဘုရားကျောက်တုံးတစ်တုံးက အဆင့်နိမ့်အကြိုနတ်ဘုရားကျောက်တုံးဆယ်တုံးနဲ့ ညီမျှတယ်။ အဆင့်မြင့်အကြိုနတ်ဘုရားကျောက်တုံးတစ်တုံးက အလယ်ဆင့်အကြိုနတ်ဘုရားကျောက်တုံးဆယ်တုံးဒါမှမဟုတ်အဆင့်နိမ့်အကြိုနတ်ဘုရားကျောက်တုံးတစ်ရာနဲ့ ညီမျှတယ်လို့ ဆိုလိုတယ်။

ဒါပေမယ့် သာမန်အနေအထားမှာ အလယ်ဆင့်အကြိုနတ်ဘုရားကျောက်တုံးတစ်တုံးကို အဆင့်နိမ့်အကြိုနတ်ဘုရားကျောက်တုံးဆယ့်နှစ်တုံးနဲ့ ဖလှယ်နိုင်တယ်။ အဆင့်မြင့်အကြိုနတ်ဘုရားကျောက်တုံးတစ်တုံးကို အလယ်ဆင့်အကြိုနတ်ဘုရားကျောက်တုံးဆယ့်နှစ်တုံးနဲ့ ဖလှယ်နိုင်တယ်။

ဒါက အဓိကအားဖြင့် အကြိုနတ်ဘုရားကျောက်တုံးတွေရဲ့အဆင့်ပိုမြင့်လေလေ၊ စုပ်ယူခြင်းထိရောက်မှုက ပိုမြင့်လေပဲ။ သေခြင်းရှင်ခြင်းအခိုက်အတန့်အတွင်း အကြိုနတ်ဘုရားစွမ်းအားရဲ့ကြီးမားတဲ့ပမာဏကို သုံးစွဲပါလိမ့်မယ်။ အကြိုနတ်ဘုရားစွမ်းအားကို ပြန်ရဖို့ လူတိုင်းက အဆင့်မြင့်အကြိုနတ်ဘုရားကျောက်တုံးတွေရှိဖို့ မျှော်လင့်ကြတယ်။ အကြိုနတ်ဘုရားစွမ်းအားကို ပြန်ရဖို့ အဆင့်နိမ့်အကြိုနတ်ဘုရားကျောက်တုံးတွေအသုံးပြုတာက နှေးလွန်းတယ်။

တစ်ယောက်မှာ အလယ်ဆင့်အကြိုနတ်ဘုရားကျောက်တုံးတွေ မရှိပေမယ့် လီဖူချန်းမှာ ရှိတယ်။

လီဖူချန်းထုတ်လိုက်တဲ့အလယ်ဆင့်အကြိုနတ်ဘုရားကျောက်တုံးတွေနှစ်သောင်းကို မြင်ပြီးနောက် မျက်နှာရှည်လူရဲ့မျက်လုံးတွေက အံ့အားသင့်မှုတွေ လင်းလက်သွားတယ်။

အလယ်ဆင့်အကြိုနတ်ဘုရားကျောက်တုံးနှစ်ရာရှိသူကို မြင်တွေ့ဖို့ဆိုတာ ရှားပါးတယ်လေ။ အလယ်ဆင့်အကြိုနတ်ဘုရား‌‌ကျောက်တုံးရာအနည်းငယ်ရှိတာက သာမန်အထွတ်အထိပ်အဆင့်အကြိုနတ်ဘုရားတွေအတွက် ကောင်းလွန်းနေပါပြီ။

"ကျေးဇူးပြုပြီ" မျက်နှာရှည်လူက ခြေတစ်လှမ်းနောက်ဆုတ်လိုက်တယ်။

လှေကားပေါ်တက်ရင်း ရန်ချင်းဟူက ပြောလိုက်တယ်"သူ နင့်ကို ကြည့်တဲ့အချိန်မှာ ဒီလူရဲ့မျက်လုံးတွေက တစ်ခုခုမှားနေတဲ့ပုံပဲ"

လီဖူချန်းက ပြောလိုက်တယ်"ကြွယ်ဝမှုက လူတစ်ယောက်ရဲ့နှလုံးသားကို လှုပ်ရှားသွားစေတယ်ဆိုတာ ပုံမှန်ပါပဲ"

လီဖူချန်းမှာ အလယ်ဆင့်အကြိုနတ်ဘုရား‌ကျောက်တုံးနှစ်သောင်းကို ထုတ်နိုင်ရင်  သူ့မှာ ဒီထက်ပိုရှိတယ်ဆိုတာ ပြောပြခဲ့သလိုပါပဲ။ ဘယ်လိုလုပ်ပြီး လောဘမတက်ဘဲ ဖြစ်နိုင်မှာလဲ။

The ninth floor was very spacious but there were very few display cabinets. There were only over a dozen of them and only a few of them had peak-grade half-divine artifacts.

ကိုးထပ်က အရမ်းကျယ်ပေမယ့် ခင်းကျင်းပြသထားတဲ့ဗီရိုအလွန်နည်းတယ်။ တစ်ဒါဇင်ကျော်သာ ရှိပြီး အချို့အထဲမှာ အထွတ်အထိပ်အဆင့်အကြိုနတ်ဘုရားကျောက်တုံးတွေရှိတယ်။

"ဒါ ဈေးကြီးလွန်းတယ်"

ဝူကျောနဲ့မသေမျိုးအရှင်က နက်ရှိုင်းစွာ အသက်ရှုသွင်းလိုက်တယ်။

သူတို့နဲ့အနီးဆုံးဗီရိုထဲမှာ လွှသွားပါရှိတဲ့ဘီးဝိုင်းတစ်ခုရှိတယ်။ ၎င်းကို ကြည့်ရတာ အဝေးတိုက်ခိုက်ရေးအကြိုနတ်ဘုရားအသုံးအဆောင်ပစ္စည်းတစ်ခုဖြစ်ပုံပဲ။ ဒါပေမယ့် တန်ဖိုးကို မြင်လိုက်တဲ့အချိန်မှာ သူတို့က အလွန်တုန်လှုပ်သွားကြတယ်။ အလယ်ဆင့်အကြိုနတ်ဘုရားကျောက်တုံးကို ထုတ်ပြရတာ အံဩစရာမရှိဘူးပဲ။ ဒီလွှသွားဘီဝိုင်းရဲ့တန်ဖိုးက အလယ်ဆင့်အကြိုနတ်ဘုရားကျောက်တုံး၂၅၀၀၀ရှိနေတာပဲ။

"အားလုံးပဲ၊ ဒီအထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းကို ဝိညာဉ်ဖမ်းခုတ်ချက်လို့ခေါ်တယ်။ ၎င်းမှာ မှင်တက်စရာစွမ်းအားရှိပြီး ၎င်းရဲ့အကြီးမားဆုံးလက္ခဏာကတော့ ဘယ်လောက်ပဲဝေးဝေး ၎င်းကို ထိန်းချုပ်နိုင်တာပဲ။ ဒါက မှင်တက်စရာတိုက်ခိုက်ရေးစွမ်းအားရှိတဲ့ကိုယ်ပွားတစ်ယောက်ရှိတာနဲ့အတူတူပဲ‌ပေါ့။ ဒါပေမယ့် ဘယ်လောက်ဝေးတယ်ဆိုတဲ့နေရာမှာ အကန့်အသတ်တစ်ခုရှိအုံးမှာပဲ၊ အကန့်အသတ်က တစ်ယောက်နဲ့တစ်ယောက် မတူပါဘူး"

ပထမတန်းစားအဆင့်အကြိုနတ်ဘုရားချီတည်ရှိမှုတစ်ခုကို ထုတ်လွှတ်နေတဲ့ မီးခိုးရောင်ဆံပင်အကြီးအကဲတစ်ယောက်က လျှောက်လာပြီး ပစ္စည်းကို သူတို့ငါးယောက်နဲ့ မိတ်ဆက်ပေးလိုက်တယ်။

"ဒါ ပစ္စည်းကောင်းတစ်ခုပဲ"

လီဖူချန်းက ခေါင်းညိတ်လိုက်တယ်။

ဝိညာဉ်ဖမ်းခုတ်ချက်က တိုက်ရိုက်တိုက်ခိုက်တာထက် လျှို့ဝှက်တိုက်ခိုက်တဲ့နေရာမှာ ပိုသင့်တော်တယ်။

ကောင်းပေမယ့် ချက်ချင်းဝယ်ရလောက်တဲ့အထိ သူက အရူးမဟုတ်ပါဘူး။

ပထမ၊ သူက အကြိုနတ်ဘုရားအသုံးအဆောင်ပစ္စည်းတွေရဲ့ဈေးကွက်ပေါက်ဈေးကို ကောင်းကောင်းနားမလည်ဘူး။

ဒုတိယ၊ တစ်ယောက်ယောက်က  အဆင့်၁အထွတ်အထိပ်အကြိုနတ်ဘုရားတစ်ယောက်ရဲ့စွမ်းအားမရှိရင် ဝိညာဉ်ဖမ်းခုတ်ချက်ရဲ့သေစေနိုင်စွမ်းက အဆုံးမှာတော့ အကန့်အသတ်ရှိပါလိမ့်မယ်။ လီဖူချန်းရဲ့လက်ရှိအကြိုနတ်ဘုရားစွမ်းအားက အဆင့်၂ဒါမှမဟုတ်အဆင့်၃အထွတ်အထိပ်အဆင့်မှာပဲ ရှိပေလိမ့်မယ်။ သူက လျှို့ဝှက်တိုက်ခိုက်ရင်တောင် ပထမတန်းစားအဆင့်အကြိုနတ်ဘုရားတစ်ယောက်ကို သတ်နိုင်လိမ့်မှာမဟုတ်ဘူး။

တတိယ၊ လီဖူချန်းက နတ်ဘုရားစစ်မြေပြင်မှာ အကြိုနတ်ဘုရားအသုံးအဆောင်ပစ္စည်းတွေကို ကိုယ်တိုင်ရှာဖွေဖို့ ဆုံးဖြတ်ထားတယ်။ အကြိုနတ်ဘုရား‌ကျောက်တုံးတွေနဲ့ဝယ်ဖို့ အလျင်လိုစရာမလိုပါဘူး။

It

လီဖူချန်းက မဝယ်ချင်မှန်း သိသာလို့ထင်တယ်။ မီးခိုရောင်ဆံပင်အကြီးအကဲက လီဖူချန်းကို နောက်ထပ်ဗီရိုတစ်ခုကို ခေါ်သွားကာ ဆက်လက်မိတ်ဆက်လိုက်တယ်"ဒီအထွတ်အထိပ်အဆင့်အကြိုနတ်ဘုရားကျောက်တုံးကို သွေးနေတူလို့ ခေါ်တယ်။ ၎င်းမှာ သွေးတာအိုနဲ့ယန်တာအိုတို့ရဲ့စွမ်းပကားနှစ်ခုလုံးပါဝင်တယ်။ ၎င်းရဲ့သေစေနိုင်စွမ်းက ဝိညာဉ်ဖမ်းခုတ်ချက်အထက်မှာ ရှိပေမယ့် အလယ်ဆင့်အကြိုနတ်ဘုရားကျောက်တုံး၁၅၀၀၀ပဲကျတယ်။ ဒါက ‌ပေါချောကောင်းတစ်ခုပဲ"

လီဖူချန်းက ‌ပြုံးလိုက်တယ်။ ဒါက ပေါချောင်ကောင်းတစ်ခုဆိုရင်တောင် သင့်တော်သလားမသင့်တော်သလားအပေါ်မှာ မူတည်သေးတယ်လေ။ သွေးနေတူက အ‌‌တော်လေးလူသိမများတဲ့အကြိုနတ်ဘုရားအသုံးအဆောင်ပစ္စည်းတစ်ခုဖြစ်ပြီး လူအများစုနဲ့ မသင့်တော်မှန်း သိသာတယ်။

"ကောင်းကင်ဘုံကံကြမ္မာဒိုင်းကလည်း ငါတို့လက်နက်အိမ်တော်ရဲ့သန်စင်ထားတဲ့အသုံးအဆောင်ပစ္စည်းပဲ။ အကြိုနတ်ဘုရားစွမ်းအားနဲ့ သန့်စင်ပြီးရင် အဲဒါက မင်းရဲ့စိတ်နဲ့ ချိတ်ဆက်နိုင်လိမ့်မယ်။ ၎င်းက မင်းထက်အရင် သတ်ဖြတ်ခြင်းဆန္ဒကို အာရုံခံနိုင်ပြီး ရန်သူရဲ့တိုက်ခိုက်မှုကို ကြိုတင်တားဆီးနိုင်တယ်။ ဒါ့ပြင် ၎င်းရဲ့ခံစစ်က သာမန်အထွတ်အထိပ်အဆင့်အကြိုနတ်ဘုရားချပ်ဝတ်တွေထက် ပိုမာကျောတယ်။ အကြိုနတ်ဘုရားစွမ်းအားကုန်ဆုံးခြင်း အနေအထားကို ထည့်မတွက်ရင် ပြိုင်ဘက်ကင်းအကြိုနတ်ဘုရားတစ်ယောက်ကတောင် ချိုးဖြတ်နိုင်မှာမဟုတ်ဘူး" နောက်ဆုံးအထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းကို မိတ်ဆက်တဲ့အချိန်မှာ မီးခိုးရောင်လူရဲ့မျက်လုံးတွေက ဂုဏ်ယူမှုတွေနဲ့ ပြည့်နေတယ်။

ဒီလိုတန်ဖိုးရှိအထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတွေက အခြားဆိုင်တွေမှာရှိတာ ရှားတယ်။ သူတို့မှာ ရှိရင်တောင် သူတို့က ရောင်းမှာမဟုတ်ဘူး။

"ဒါက ကောင်းပါတယ်၊ ဒါပေမယ့် ဈေးကြီးလွန်းတယ်။ ငါ့မှာ အဲလောက်များတဲ့အလယ်ဆင့်အကြိုနတ်ဘုရား‌ကျောက်တုံးတွေမရှိဘူး"

လီဖူချန်းရဲ့အမူအရာက နောင်တရဟန်ရှိပေမယ့် သူ့မျက်လုံးတွေက အေးစက်စက်အလင်းတစ်ခုလက်သွားတယ်။

ကောင်းကင်ဘုံကံကြမ္မာဒိုင်းက တကယ်ကို ရှားပါးတဲ့ အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတစ်ခုပဲ။ သမန်းဝံပုလွေလူဝင်စားရဲ့ရွေ့လျားချပ်ဝတ်က အဆင့်၁အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတစ်ခုဆိုရင် ကောင်းကင်ဘုံကံကြမ္မာဒိုင်းက သေချာပေါက် အဆင့်၁အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတစ်ခုပဲ။ ဒါ့ပြင် ၎င်းက ဒိုင်းဖြစ်တာကြောင့် ၎င်းရဲ့သန့်စင်တဲ့ခံစစ်က ရွေ့လျားချပ်ဝတ်ထက် ပိုသာလွန်တယ်။

ဒါကြောင့် ကောင်းကင်ဘုံကံကြမ္မာဒိုင်းကို အလယ်ဆင့်အကြိုနတ်ဘုရားကျောက်တုံးတစ်သိန်းသတ်မှတ်တာက မလွန်ပါဘူး။

လီဖူချန်းရဲ့မျက်လုံးတွေ အေးစက်သွားတဲ့အကြောင်းရင်းကတော့ သူက ကောင်းကင်ဘုံကံကြမ္မာဒိုင်းမှ အားကောင်းတဲ့ဝိညာဉ်အမှတ်အသားတစ်ခုကို အာရုံခံမိလို့ပဲ။ ဒီဝိညာဉ်အမှတ်အသားက အားကောင်းလွန်းပြီး ဝယ်သူက ကောင်းကင်ဘုံကံကြမ္မာဒိုင်းကို သန့်စင်လိုက်တာနဲ့  ဝိညာဉ်အမှတ်အသားက ပေါက်ကွဲထွက်လာလိမ့်မယ်။ အဲဒါက ဝယ်သူကို တစ်ခဏမိန်းမောသွားစေပြီး ဝယ်သူရဲ့စိတ်ဝိညာဉ်ကို ပြင်းပြင်းထန်ထန်ထိခိုက်စေနိုင်တယ်။

လီဖူချန်းထင်တာမမှားရင် မြစ်ကိုးခုလက်နက်အိမ်တော်က ဒီကောင်းကင်ဘုံကံကြမ္မာဒိုင်းကို ရောင်းဖို့ အစီအစဉ်မရှိဘူး။ သူတို့က လူတွေကို အရင်လှည့်စားပြီးမှ ‌၎င်းကို ပြန်ယူဖို့ စီစဉ်ထားပုံပဲ။

ကောင်းကင်ဘုံကံကြမ္မာဒိုင်းမှာ ဝိညာဉ်အမှတ်အသားချန်ထားသူက မြစ်ကိုးခုလက်နက်အိမ်တော်ရဲ့အိမ်တော်သခင်မြစ်ကိုးခုတိုင်ယန်နတ်ဘုရားပဲဖြစ်မယ်။

မြစ်ကိုးခုတိုင်ယန်နတ်ဘုရားက ပြိုင်ဘက်ကင်းအကြိုနတ်ဘုရားတစ်ယောက်ဖြစ်ပြီး ဝိညာဉ်တာအိုအကြိုနတ်ဘုရားတစ်ယောက်ဖြစ်မယ်လို့ လီဖူချန်းက ခန့်မှန်းထားတယ်။ ဒါ့ပြင် သူ့ရဲ့ဝိညာဉ်တာအိုကျွမ်းကျင်မှုက အလွန်အမင်းမြင့်မားပြီး အံ့မခန်းဝိညာဉ်တာအိုအကြိုနတ်ဘုရားအသုံးအဆောင်ပစ္စည်းတစ်ခုရှိပုံပဲ။ သို့မဟုတ်ရင် သူက သန့်စင်တဲ့ဝိညာဉ်တာအိုကျွမ်းကျင်မှုတစ်ခုမျှနဲ့ ဒီလိုဝိညာဉ်အမှတ်အသားတစ်ခုကို မချန်ထားနိုင်လောက်ဘူး။

"ဒါ တကယ်ကို စိတ်မကောင်းစရာပဲ"

မီးခိုးရောင်ဝတ်အကြီးအကဲက မကျေမနပ်မဖြစ်ပါဘူး။ ဒီအထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတွေ ရှိနေတာ အချိန်အလွန်ကြာပြီ၊ သူတို့ကို အချိန်တိုအတွင်းရောင်းနိုင်မှာမဟုတ်ဘူးဆိုတာ သိသာပါတယ်။

လမ်းမကြိီးပေါ်မှာ ရန်ချင်းဟူက မေးလိုက်တယ်"ကောင်းကင်ဘုံကံကြမ္မာဒိုင်းနဲ့ပတ်သက်ပြီး ပြဿနာတစ်ခုခုရှိလို့လား"

သူမနဲ့လီဖူချန်းက ဘယ်အချိန်ကတည်းက အပြန်အလှန်နားလည်မှုရှိနေတာ မသိလိုက်ပါလား။ သူမက လီဖူချန်းရဲ့မျက်လုံးထဲရှိပြောင်းလဲမှုတွေကို သတိပြုမိနိုင်ခဲ့တာပဲ။

လီဖူချန်းက ပြောလိုက်တယ်"တစ်ယောက်ယောက်က အထဲမှာ ထောင်ချောက်တစ်ခုချန်ထားတယ်။ ငါတို့တွေ နောက်ပိုင်းမှာ အကြိုနတ်ဘုရားအသုံးအဆောင်ပစ္စည်းတွေဝယ်ရင် သတိတွေပိုထားရလိမ့်မယ်"

သူ့မှာ အားကောင်းတဲ့စိတ်ဝိညာဉ်တစ်ခုရှိတဲ့အတွင် တစ်‌ယောက်ကမှ သူ့ရဲ့နှာခေါင်းအောက်မမှလမ်းလျှောက်လို့မရဘူး။ ဒါပေမယ့် ရန်ချင်းဟူနဲ့အခြားသူတွေမှာ အဲလိုစွမ်းရည်မရှိဘူး၊ သူတို့က အလွယ်တကူလှည့်စားခံရလိမ့်မယ်။

"ငါ သိပြီ"

ရန်ချင်းဟူနဲ့အခြားသူတွေက ခေါင်းညိတ်လိုက်တယ်။

မြစ်ကိုးခုလက်နက်အိမ်တော်မှ ထွက်လာပြီးနောက် လီဖူချန်းတို့က နောက်ထပ်ကျော်ကြားတဲ့အကြိုနတ်ဘုရားအသုံးအဆောင်ပစ္စည်းဆိုင်တစ်ဆိုင်ကို သွားလိုက်တယ်။

အထွတ်အထိပ်အဆင့်ဓားတာအိုအကြိုနတ်ဘုရားအသုံးအဆောင်ပစ္စည်းကို တွေ့ဖို့ဖြစ်နိုင်ချေက အလွန်နိမ့်မှန်း လီဖူချန်းက သိပေမယ့် သူက ကြိုးစားကြည့်ချင်ပါသေးတယ်။ နေရာလပ်-အချိန်နဲ့ဆက်စပ်တဲ့အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတစ်ခုကို တွေ့ရင်လဲ မဆိုးပါဘူးလေ။

ကံမကောင်းစွာနဲ့ နေရာလပ်နဲ့အချိန်ဆိုင်ရာအထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတွေက တန်ဖိုးအရှိဆုံးအထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတွေထဲကတစ်ခုဆိုတာ လီဖူချန်းက သိမနေခဲ့ဘူးပဲ။