ချင်လင်က ဂိုဏ်းခေါင်းဆောင်လား? အာနီရောက်လာပြန်ပြီ!

Vol. 76 Ch. 1134

အိမ်ဟောင်းပြန်လာ၍ကားပါကင်ထိုးပြီးနောက် လင်းဖန်၊အန်တီရွှေ့ကန်းနှင့်ဦးလေးရွှေ့ကန်းတို့က အိမ်ဟောင်းကိုသန့်ရှင်းရေးစလုပ်ကြသည်။

ကျောက်မိုချင်းနှင့်ချင်ရန်၏ဇနီးလျောင်လီတို့ကမူ ကလေးထိန်းနေကြသည်။

မနှစ်က ချင်ရန်၏သမီးမွေးခဲ့သောကြောင့် ဒီနှစ်တစ်နှစ်ပြည့်ပြီ။ အစ်မကြီးဖြစ်သူသူမက ရှောင်ဖုန်းလေးကိုစူးစမ်းနေ၏။

ချင်ရန်က သူ့ဖုန်းနှင့်ဗီဒီယိုရိုက်ထားပြီး သူ့ကိုယ်ပိုင်မီဒီယာအကောင့်တွင် CEO နေ့စဉ်ဘဝဟုတင်သည်။

အခု CEO က နှစ်သစ်အိမ်ပြန်သောကြောင့် ဓာတ်ပုံရိုက်ထားရမည်။ ချင်လင်က မပါမဖြစ်ပါလာ၏။

ချင်လင်နာမည်ကြီးလွန်းသောကြောင့် အင်တာနက်မှာ အချောင်နာမည်ကြီးချင်သောဆယ်လီများစွာရှိသည်။

ညီအစ်ကိုတစ်ယောက်အနေနှင့် သူလည်းမျှယူရမည်။

ချင်လင်ကမူ သူ့ဖုန်းနှင့်သတင်းကြည့်နေသည်။

သတင်းကြည့်ကြည့်ချင်း အရင်ဆုံးမြင်လိုက်ရသောသတင်းဗီဒီယိုကြောင့် သူနည်းနည်းစိတ်ပျက်မိသည်။

ပညာရေးကွန်ရက်ကနေလွတ်ထွက်လာတဲ့ နောက်ငါးတစ်ကောင်!

မိန်းမလှတစ်ဦး၏စေ့စပ်ဓာတ်ပုံသတင်းဖြစ်ပြီး ကလပ်ပညာရှင်ဟုကောလာဟလထွက်နေသည်။

တကယ်တော့ ထိုအလှလေးက ကုမ္ပဏီတစ်ခု၏ဘဏ္ဍာရေးဌာနမှာ အလုပ်လုပ်သည်။ ဟော့ဟော့ရမ်းရမ်းဝတ်စားခြင်းကြောင့် အထင်ခံရခြင်းသာ။

သူမ၏ရည်းစားဟောင်းကြောင့်လား၊ လွန်ကျူးခဲ့သူကြောင့်လားမသိ။

ရဲစခန်းမှာအမှုဖွင့်ခံရပြီး ကောလာဟလကဖြစ်ရပ်မှန်ဖြစ်နေသည်။

ပြည်သူတချို့၏စိတ်ပိုင်းဆိုင်ရာမှာ နည်းနည်းပြဿနာရှိနေပုံရ၏။ ဘာမဆို အကြောင်းအရင်းမရှိ၊အခြေအမြစ်မရှိဘဲမဖြစ်နိုင်။ သူတို့မှတ်မိသည်ဆိုပြီး ခွေးခေါင်းအီမိုဂျီတောင်တပ်ထားသည်။

ဒီလူတွေ တကယ်စိတ်ရောဂါဖြစ်နေခြင်းပင်။

ထို့ကြောင့် စကားကောင်းတစ်ခုရှိသည်:

'အင်တာနက်မှာ မုန်းစရာ၊ရယ်စရာလူတွေပြည့်နေပေမဲ့ ဘာမှအနှစ်သာရမရှိ'တဲ့။

အထူးသဖြင့် ရွယ်ရင်းမှာ 'မင်းကောင်မလေးက သူများထက်မလှနိုင်၊ မင်းမိဘက သူများထက်မချမ်းသာနိုင်၊ မင်းပညာရေးက သူများလောက်မကောင်းနိုင်၊ မင်းမိသားစုမှာပျော်စရာမရှိနိုင်'တဲ့။

အတွင်းစိတ်ပုပ်သောလူများရှိနေခြင်းကြောင့်ပင်။

သူများထက်ပိုတော်လာရင် မဟုတ်တာလုပ်ထားသလိုအထင်ခံရမည်။

ချင်လင်က နောက်ဗီဒီယိုတစ်ပုဒ်ဆက်ကြည့်သည်။ သူကသက်ပြင်းချပြီး:

တစ်ခါတလေ လူတွေမှာ မနာလိုဝန်တိုစိတ်တွေသိပ်မများသင့်။ မဟုတ်ရင် သူတို့စိတ်တွေလမ်းလွှဲသွားမည်။

သို့ရာတွင် နောက်ဗီဒီယိုကြောင့် ဆွံ့အသွား၏။

အမျိုးသမီးတစ်စုက 'ချန်မျိုးရိုးနှင့်လူတစ်ယောက်က သူတို့အိမ်ထောင်ကွဲအောင်လုပ်ကြောင်း' စွပ်စွဲထားသောအမှုဖြစ်သည်။

ခေါင်းစဉ်ဖတ်ပြီး ချင်လင်အထင်လွဲတော့မည်။

အဲဒီလူက သူတို့ယောက်ျားတွေကိုဘာလုပ်လို့လဲ?

အကြောင်းအရာဖတ်ပြီးမှ ဒီအမျိုးသမီးတစ်စုက သူတို့သူငယ်ချင်းများ၏ပါတီပွဲ၊ မွေးနေ့ပွဲ၊ ကုမ္ပဏီပွဲများတွင် ထိုလူနှင့်အတူတူတချိန်တည်းရှိခဲ့ကြောင်းသိလိုက်ရသည်။

ထိုလူက ဆိုက်ကိုဖြစ်မည်။ အသက် ၃၄ နှစ်၊ တစ်ကိုယ်တည်းသမားဖြစ်ပြီး အမျိုးသမီးများ၏ဓာတ်ပုံကိုတိတ်တိတ်ရိုက်ယူထား၏။ အထင်လွဲစေနိုင်သောရှုထောင့်ကောင်းကောင်းမှရိုက်ထားသည်။

ဓာတ်ပုံရိုက်ရုံတင်မဟုတ်သေး။ ထိုလူကဦးနှောက်မရှိ။ ထိုဓာတ်ပုံများကိုထုတ်ကြွားပြီး သူနှင့်အတူအိပ်ခဲ့သောမိန်းမများဖြစ်ကြောင်း၊ သူ့ကိုယ်သူ F4 မင်းသားလိုလိုဇာတ်လမ်းတောင်ဆင်ပြောသည်။

ထို့ကြောင့် ချန်မျိုးရိုးနှင့်တစ်နေရာတည်းအတူရှိဖူးရုံနှင့် ထိုအမျိုးသမီးများမှာ သူနှင့်အတူအိပ်ဖူးသူများဖြစ်ကုန်တော့သည်။

အထူးသဖြင့် ချန်မျိုးရိုးက ထိုအမျိုးသမီးများ၏ယောက်ျားရှေ့တွင်ကြွားမိသောကြောင့် ပြဿနာတက်ရသည်။

ပူးပေါင်းအယူခံဝင်ကြသောကြောင့် ချန်မျိုးရိုးက အပ်ချုပ်စက်မှာအကြာကြီးအလုပ်လုပ်ရမည်တဲ့။

ချင်လင် သတင်းဆက်ကြည့်ချင်စိတ်မရှိတော့။

သတင်းဗီဒီယိုနှစ်ပုဒ်ဆက်တိုက်က အလိမ်အညာတွေ။ ဒါမျိုးတွေ ရွံစရာကောင်းသည်။

'ဒီလူတွေရဲ့စိတ်ကဘယ်လောက်ရွံစရာကောင်းလဲ' သူနားမလည်။

သူ့ဖုန်းချပြီး သူ့အမေကိုကူသန့်ရှင်းပေးလိုက်သည်။

ဒီနှစ် နှစ်သစ်ရွာပြန်လာရာ ချင်လင်မှာသားပါလာသောကြောင့် နည်းနည်းထူးခြားနေသည်။ နှစ်သစ်ပထမဆုံးနေ့တွင် သူ့သားကိုမိသားစုစာရင်းထဲထည့်ရမည်။

ဒါကလည်း လုပ်ထုံးလုပ်စဉ်ဖြစ်သည်။ သားကိုဆွေစဉ်မျိုးဆက်မှာမှတ်တမ်းတင်ရမည်။ ချင်ရန်လိုသမီးမွေးထားရင်မလို။

အတော်များများက မျိုးရိုးစဉ်ဆက်ကိုဂရုစိုက်ကြသည်။ အထူးသဖြင့် လူကြီးများပင်။

လူကြီးများအဖို့ မျိုးရိုးစဉ်ဆက်က မိသားစု၏မျိုးရိုးဆက်ခံမှု၊ ဘိုးဘေးများ၏သွန်သင်ဆုံးမမှုနှင့်မျှော်လင့်ချက်များကိုအမွေဆက်ခံခြင်းဖြစ်သည်။

ရှေးက မျိုးရိုးစဉ်ဆက်မှာ 'စိတ်နှင့်ခန္ဓာကိုစုစည်းရန် သွေးသားပေါင်းစပ်ခြင်း'ဟု သတ်မှတ်ထားသည်။

နေရာအတော်များများတွင် မျိုးရိုးစဉ်ဆက်မရှိကြတာများသည်။

သို့သော် တစ်ခုတော့သေချာသည်။ မျိုးရိုးစဉ်ဆက်ရှိသူက မရှိသူထက်ပိုပြီး အင်အားတောင့်သည်။

အနည်းဆုံးတော့ မျိုးရိုးစဉ်ဆက်မရှိသူက သူတို့ဘာသာသူတို့နေကြ၏။ တစ်ရွာတည်းဖြစ်ရင်တောင် စိတ်ချင်းဝေးနေကြသည်။

မျိုးရိုးစဉ်ဆက်ရှိသူကမူ နှစ်သစ်တိုင်း၊ထူးထူးခြားခြားရှိတိုင်း အိမ်ပြန်ပြီးအဆက်အသွယ်မပြတ်အောင်လူစုံကြသည်။

ထို့ကြောင့် တစ်ယောက်ဒုက္ခရောက်လျှင် အများကဝိုင်းကူကြသည်။ တချို့နေရာများတွင် တစ်ရွာလုံးအမျိုးဖြစ်သည်။ ရွာအပြင်မှာ အနိုင်ကျင့်ခံရရင် တစ်ရွာလုံးဝါးရင်းတုတ်များ၊ပေါက်ပြားများဆွဲပြီးလိုက်ကြသည်။

ရုပ်ရှင်ထဲကအတိုင်း၊ ရဲတွေဒီလိုရွာမျိုးမှာလူသွားဖမ်းရင် ဒုက္ခရောက်မည်စိုး၍အတော်ဂရုစိုက်ရသည်။

ဒီရွာမှာ လူတိုင်းကိုဦးဆောင်နိုင်သောခေါင်းဆောင်ရှိသောကြောင့်ပင်။ ရှေးကဂိုဏ်းခေါင်းဆောင်မျိုးဖြစ်ပြီး လူတိုင်းနာခံရသည်။

အားလုံးကဆွေမျိုးဖြစ်ပြီး သီးခြားမဟုတ်။

သူတို့ရွာလိုပင် တစ်ရွာစီမှာ သူတို့ကိုယ်ပိုင်မျိုးရိုးစဉ်ဆက်ရှိကြသည်။ အရင်က ဆင်းရဲသောကြောင့် ဘယ်သူမှဦးမဆောင်ဘဲ ရွာပြိုကွဲသည်။ ဟိုလိုလိုဒီလိုလိုတွေဖြစ်သည်။

ဘာပဲဖြစ်ဖြစ် လူ့သဘာဝက နားလည်ရခက်သည်။

သို့ရာတွင် လူမှုအဖွဲ့အစည်းတိုးတက်လာသည်နှင့်အမျှ မျိုးရိုးစဉ်ဆက်ဇယားနှင့် မိသားစုဝင်များအဆက်အသွယ်ပိုကောင်းစေရန်၊ မိသားစုအချင်းချင်းနားလည်ယုံကြည်မှုတိုးစေရန်၊ စည်းလုံးစေရန် ပြန်လည်ပြုပြင်သောနေရာများလာသည်။

ချင်လင်က သိပ်ဂရုမစိုက်။ ဘာပဲဖြစ်ဖြစ် သူ့အဖေနေမကောင်းစဉ်က အေးစက်စက်အကြည့်များနှင့်ရင်ဆိုင်ခဲ့ရသည်။ ရွာသားအတော်များများက သူ့ကိုမကြည်ကြ။