အခု သေသွားပြီလား
Vol. 73 Ch. 1093
လုချန်းက သူမကို သေစေချင်သည်ဟု ပြောခဲ့သော်လည်း အခန်းထဲသို့ အဘယ်ကြောင့် ခေါ်ဆောင်လာခဲ့သည်ကို ကျိချိုးယု နောက်ဆုံးတော့ နားလည်သွားခဲ့သည်။
သူမသည် အမှန်တကယ်ပင် သေဆုံးသွားခဲ့သည်။
သို့သော် သူမ ခန္ဓာကိုယ် သေဆုံးသွားခြင်းတော့ မဟုတ်ပေ။ အနည်းဆုံးတော့ သူမ၏ အသက် တည်ရှိနေသေး၏။ သူမ၏ ဦးနှောက်သာလျှင် သက်သောင့်သက်သာ သေဆုံးသွားခဲ့ခြင်း ဖြစ်သည်။
ယုတ်လျော့ ပျက်စီးခြင်းထဲသို့ ကျိချိုးယု မကျရောက်လိုခဲ့ပါ။ သူမသည် သူမ၏ စိတ်ခံစားချက်များကို ဖိနှိပ်ရန် အတွင်းစိတ်မှ ရုန်းကန်နေခဲ့၏။ လုချန်း၏ ပရိယာယ်များကို သူမ ကြိုတင် မြင်တွေ့ပြီး ဖြစ်သည်။
ထို မရိုးသားသော လူလိမ် သူမကို ကျရှုံးသွားစေရန် ဤနည်းလမ်းကို အသုံးပြုလိုခဲ့သည်။ သူမ သေခြင်းတရားကို ထပ်မံ မရှာဖွေတော့စေရန် သူ၏ အစေခံ မိန်းမ အဖြစ်သို့ ပြောင်းလဲပစ်ရန် သူက လိုလားနေ ခြင်းဖြစ်သည်။
မဖြစ်ပါ။
သူမ ဤအစီအစဉ်ကို အောင်မြင်ခွင့် လုံးဝ မပေးနိုင်ပေ။ သူမ ဤအရာကို ဆက်လက် မခံစားနိုင်သင့်တော့ပါ။ သူမ သတိရှိနေရမည်။
ကျိချိုးယုသည် သူမ၏ အတွင်းစိတ် လှုပ်ရှားမှုများကို တည်ငြိမ်အောင် အပြင်းအထန် ကြိုးစားခဲ့၏။ သို့သော် သူမ မည်သို့ပင် ကြိုးစားစေကာမူ သူမ၏ ခန္ဓာကိုယ်မှ ခံစားမှုများက သူမ၏ ဦးနှောက်ဆီသို့ ရောက်ရှိနေဆဲ ဖြစ်သည်။
မကြာမီတွင် သူမသည် စိတ်များ ဗလာဖြစ်သွားပြန်သည်။ သူမ နှလုံးသား၏ နက်ရှိုင်း သော တစ်နေရာတွင် အသိတရား တစ်ခုတည်းသာ ကျန်ရှိတော့သည်။
“ငါ...သွားပြီ...”
လုချန်း အောင်မြင်သွားခဲ့ပြီ ဖြစ်ကြောင်းကို ကျိချိုး၏ အတွင်းစိတ်ထဲ သိရှိနေခဲ့ပြီး ဖြစ်၏။ သူမသည် ဤလှည့်ဖြားတတ်သော လူလိမ်နှင့် မိမိကိုယ်ကို ခွဲခြားနိုင်စွမ်း မရှိတော့ချေ။
သူမသည် သူ့ကို အစကတည်းက သဘောကျခဲ့ခြင်း ဖြစ်၏။ လုချန်းက သူမကို လှည့်ဖြားခဲ့သော်လည်း လုချန်းအပေါ် ထားရှိသော သူမ၏ ခံစားချက်များက ရှိနေဆဲဖြစ်သည်။ သူက သူမကို လိမ်လည်ခဲ့သောကြောင့် ထိုခံစားချက်များ ပျောက်ကွယ်သွားခဲ့ခြင်း မရှိပေ။
ယခု လုချန်းက သူမကို ဤကဲ့သို့ ဆက်ဆံနေသောအခါ သူ့အပေါ် ထားရှိသော သူမ၏ ခံစားချက်များမှာ ပို၍ပင် နက်ရှိုင်းလာခဲ့သည်။
ကျိချိုးယု၏ စိတ်များ ဇဝေဇဝါ ဖြစ်နေချိန်မှာပင် လုချန်း၏ အသံက သူမ၏ နားထဲတွင် ရုတ်တရက် ပဲ့တင်ထပ်လာခဲ့သည်။
“ချိုးယု။ မင်း အခု သေသွားပြီလား။”
လုချန်း၏ လှောင်ပြောင်သရော်သော အသံကို ကြားသောအခါ ကျိချိုးယု ရုတ်တရက် သတိပြန်ဝင်လာခဲ့၏။ သူမ၏ မျက်လုံးများသည် မျက်ရည်များဖြင့် ဝေဝါးနေသည်။
သူမသည် လုချန်း၏ မျက်နှာကို ကောင်းစွာ မမြင်နိုင်ခဲ့သော်လည်း အချက်တစ်ခုကိုမူ သူမ သိနေသည်။ လုချန်း ယခုအချိန်တွင် အလွန် ကျေနပ်နေလိမ့်မည် ဟူသည့် အချက်ပင်ဖြစ်သည်။
ကျိချိုးယု သူမ၏ သွားများကို ကြိတ်လိုက်သည်။ ထို့နောက် သူမက
“ရှင်... မထင်နဲ့.။ ဒါက ကျွန်မကို... လက်နက်... ချသွားစေမယ်လို့။”
“ကျွန်မ ဘယ်တော့မှ.....”
သူမ လက်နက်ချမည် မဟုတ်ကြောင်း နှုတ်ဖြင့် ပြောဆိုခဲ့သော်လည်း အမှန်တရားကို ကောင်းကောင်း သိရှိနေခဲ့သည်။ လုချန်းသည် တခြားကမ္ဘာမှ ဟုတ်သည် မဟုတ်သည်ကို သူမ ဂရုမစိုက်တော့ခြင်း ဆိုသည့် အမှန်တရား ဖြစ်သည်။
လုချန်းသည် လှုပ်ရှားနေရင်း ကျိချိုးယု၏ လှပသော မျက်နှာကို စိုက်ကြည့်ထားသည်။ ထို့နောက် သူက
“ချိုးယု။ ကိုယ်က တခြားကမ္ဘာက ဖြစ်နေလို့ တို့နှစ်ယောက်ရဲ့ ရပ်တည်ချက်တွေက နည်းနည်း ဆန့်ကျင်ဘက် ဖြစ်နေတယ်ဆိုတော့ ကျိယန်ကမ္ဘာကို တိုက်ခိုက်တဲ့အကြောင်း ကိုယ် အများကြီး ဆင်ခြေမပေးတော့ပါဘူး။”
“ဒါပေမဲ့ မင်းအပေါ်ထားတဲ့ ကိုယ့်ရဲ့ ခံစားချက်တွေကတော့ အမှန်တွေပါ။ ကိုယ် မင်းကို ဘယ်တုန်းကမှ ထိခိုက်နာကျင်စေဖို့ မစဉ်းစားခဲ့ဖူးဘူး။”
ကျိချိုးယုက မထီမဲ့မြင်လေသံဖြင့်
“ရှင်က... ရှင် ကျွန်မကို သဘောကျတယ်လို့ အမြဲ ပြောနေတယ်။ အဲ့ဒါဆို ရှင် ကျွန်မအတွက်... ဒီကမ္ဘာကနေ ထွက်သွားသွားပေးမှာလား။”
လုချန်းက
“ဒါတော့ မဖြစ်နိုင်ဘူး။ ကိုယ်က ထျန်းချန်ကမ္ဘာရဲ့ ကမ္ဘာ့သခင်ပဲ။ ကိုယ် တပ်တွေ စေလွှတ်ပြီးမှတော့ ထျန်းချန်ကမ္ဘာရဲ့ အင်အားစုအသီးသီးနဲ့ ရှနိုင်ငံတော်က စစ်သည်တော်တွေကို ရှင်းပြချက်တစ်ခု ပေးရလိမ့်မယ်။”
ကျိချိုးယုက
“ဘာကို သဘောကျတာလဲ။ ရှင်က ကျွန်မကို... ရှင့်ရဲ့ မိန်းမ အစေခံ အဖြစ် ပြောင်းလဲပစ်ချင်နေတာပဲ။”
ကျိချိုးယု စကားပြောနေစဉ်မှာပင် လုချန်းက သူမ၏ ခြေထောက်ကို ရုတ်တရက် ဆွဲကိုင်လိုက်သည်။ ထို့နောက် သူမကို သူ၏ လက်မောင်းများထဲသို့ ဆွဲသွင်းလိုက်သည်။
ကျိချိုးယု သွားများကို တင်းတင်း ကြိတ်လိုက်၏။ ဤလှည့်ဖြားသောသူသည် သူ၏ ချစ်ခင်မှုကို ထုတ်ဖော် ပြောဆိုနေသော်လည်း သူက သူမအပေါ် နည်းလမ်းမျိုးစုံကို အသုံးပြုနေဆဲ ဖြစ်သည်။
ဤယောက်ျား၏ မျက်လုံးထဲတွင် သူမသည် ကစားစရာတစ်ခုမျှသာ ဖြစ်သည်။
လုချန်းက
“ချိုးယု။ ကိုယ် မင်းကို တစ်ခုအာမခံနိုင်တယ်။ အကယ်၍ ကျိယန်ကမ္ဘာရဲ့ ကြီးမားတဲ့ အင်အားစုတွေက ကိုယ်နဲ့ မဟာမိတ်ဖွဲ့ဖို့ ဆန္ဒရှိမယ်ဆိုရင် ကိုယ် ကျိယန်ကမ္ဘာမှာ အစုလိုက်အပြုံလိုက် သတ်ဖြတ်မှုတွေ လုပ်မှာ မဟုတ်ဘူး။”
“နောက်ပြီး ကိုယ် သူတို့ကို စဉ်းစားဖို့ အချိန် အများကြီး ပေးမယ်။ အဲ့ဒီ ဥပဒေ နိယာမ အလုံးစုံအဆင့် ကျင့်ကြံသူတွေက ဒီကမ္ဘာကနေ ထွက်သွားချင်တယ်ဆိုရင်လည်း ဒီကမ္ဘာကနေ ထွက်ခွာဖို့ တံခါးတစ်ခု တည်ဆောက်နိုင်အောင် ကိုယ် သူတို့ကို အချိန် လုံလုံလောက်လောက် ပေးမယ်။”
“ရှနိုင်ငံတော် စစ်တပ်က လနက်မြို့မှာ ခေတ္တ တပ်စွဲထားလိမ့်မယ်။ တို့တွေက နောက်လဝက်မတိုင်ခင်အထိ အဓိက အင်အားစုတွေကို တိုက်ခိုက်ဖို့ တပ်တွေ စေလွှတ်မှာ မဟုတ်ဘူး။”
လုချန်း၏ စကားကို ကြားသောအခါ ကုတင်ပေါ်တွင် လဲလျောင်းနေသော ကျိချိုးယုတစ်ယောက် တိတ်ဆိတ်သွားခဲ့သည်။ သူမအတွက်မူ လုချန်း မည်သို့ပင် လုပ်ပေးစေကာမူ အချက်တစ်ခုကတော့ ပြောင်းလဲသွားမည် မဟုတ်ပါ။ ၎င်းမှာ သူသည် တခြားကမ္ဘာမှ ကျူးကျော်သူတစ်ဦး ဖြစ်သည်ဟူသော အချက်ပင် ဖြစ်သည်။
သို့သော် လုချန်းက သူပြောသည့်အတိုင်း အမှန်တကယ် လုပ်မည်ဆိုပါက သူ့ထံ လက်နက်ချလျှင် အစုလိုက်အပြုံလိုက် သတ်ဖြတ်မှုများ ရှိမည် မဟုတ်ဟု ဆိုလိုခြင်း ဖြစ်သည်။ ထိုစကားများ မှန်ပါက ကျိယန်ကမ္ဘာအတွက် သတင်းကောင်းတစ်ခု ဖြစ်ပေလိမ့်မည်။
ကျိချိုးယုက ပြန်မဖြေသည်ကို မြင်သောအခါ လုချန်းက သူ၏ လှုပ်ရှားမှုကို ပို၍ ပြင်းထန်လိုက်သည်။ ကျိချိုးယုထံမှ တိုးညှင်းသော ညည်းညူသံတစ်ခု ထွက်ပေါ်လာခဲ့ပြီး သူမက
“ရှင်... ရှင် ဘာလုပ်လုပ်... ကျွန်မနဲ့ ဘာမှမဆိုင်ဘူး...”
ကျိချိုးယု သူမ၏ အခြေအနေကို သိ၏။ သူမသည် လုချန်းကဲ့သို့သော ကမ္ဘာ့သခင်တစ်ဦးနှင့် ညှိနှိုင်းရန် အဆင့်အတန်း မရှိသည့် အရေးမပါသော လူတစ်ယောက်မျှသာ ဖြစ်သည်။
ထို့ပြင် သူမသည် ယခု မိမိကိုယ်ကို လုချန်းအတွက် ကစားစရာတစ်ခုအဖြစ်သာ သဘောထားလိုက်ပြိီဖြစ်သည်။ သူမသည် သူမ၏ ကိုယ်ပိုင် သေရေးရှင်ရေးကိုပင် မထိန်းချုပ်နိုင်သူ တစ်ဦး ဖြစ်နေသည်။
လုချန်း၏ ကတိက မည်သို့ အသုံးဝင်မည်နည်း။
ကတိတစ်ခု ပေးခဲ့လျှင်ပင် လုချန်းက သူ၏ စကားကို ပြန်ပြင်နိုင်သေးသည်။
ထို့ပြင် လုချန်းထံ၌ ကြောက်မက်ဖွယ်ကောင်းသော စွမ်းအားများ ရှိနေသည်။ သူက သူ၏ စကားကို ပြန်ပြင်ပြီး ကျိယန်ကမ္ဘာတွင် အစုလိုက်အပြုံလိုက် သတ်ဖြတ်မှုများ စတင်ခဲ့လျှင်လည်း မည်သူမှ ဘာမှ လုပ်နိုင်မည် မဟုတ်ပေ။
ဥပဒေ နိယာမ အလုံးစုံအဆင့် ကျင့်ကြံသူများပင်လျှင် ထွက်ပြေးသွားခဲ့ကြပြီ ဖြစ်သည်။ ထို့ကြောင့် ကျိယန်ကမ္ဘာတွင် လုချန်းကို ယှဉ်နိုင်သူ တစ်ဦးတစ်ယောက်မျှ မရှိတော့ချေ။ လုချန်းအတွက် ကျိယန်ကမ္ဘာ တစ်ခုလုံးကို စုစည်းရန်မှာ အချိန်အတိုင်းအတာ တစ်ခုမျှသာ ဖြစ်သည်။
ကျိချိုးယု၏ စကားကို ကြားသောအခါ လုချန်းကိုင်းညွှတ်လိုက်ကာ သူ၏ ရင်ဘတ်ကို သူမ၏ ကျောပြင်နှင့် နီးကပ်စေလိုက်သည်။ ထို့နောက် သူမ၏ နားထဲသို့
“ဒါဆို မင်း အခုထိ သေချင်နေတုန်းပဲလား”
ထိုအချိန်တွင် ကျိချိုးယု၏ ခန္ဓာကိုယ် အနည်းငယ် တုန်ယင်သွားသည်။ ထို့နောက် သူမက အေးစက်စွာဖြင့်
“ရှင်... ရှင် ကျွန်မကို မသတ်ခဲ့ရင်တောင် ရှင် ကျွန်မကို လွှတ်ပေးလိုက်တာနဲ့... ကျွန်မ ကိုယ့်ဘဝကိုယ် အဆုံးသတ်လိုက်မှာ...”
“ကျွန်မကိုယ်ကျွန်မ... ရှင့်ရဲ့... မိန်းမ အစေခံ... ဖြစ်ခွင့်မပေးဘူး”
လုချန်း ခပ်တိုးတိုး ရယ်မောလိုက်သည်။ ထို့နောက် သူက
“ကောင်းပြီလေ။ မင်း အခုထိ သေချင်နေတုန်း ဆိုမှတော့ ကိုယ် မင်းကို နောက်တစ်ခါ သေခိုင်းရတာပေါ့။”
ထို့နောက်တွင် လုချန်းသည် သူ ယွမ်ရှန်ရှန် နှင့် စုဟန်ယန် တို့အပေါ် အသုံးပြုခဲ့သော နည်းလမ်းများကို ကျိချိုးယု အပေါ်သို့ အသုံးပြုခဲ့သည်။ မကြာမီပင် ကျိချိုးယု ဆက်လက် တောင့်မခံနိုင်တော့ချေ။
လုချန်း၏ နတ်ဆိုး အသံက သူမ၏ စိတ်ထဲတွင် ပဲ့တင်ထွက်လာသည်။
“မင်း အခု သေပြီလား”
ကျိချိုးယု ခေါင်းမာစွာ ခုခံလိုခဲ့သည်။ သို့သော် သူမ၏ အသိစိတ်များကို ထိန်းချုပ်မရနိုင်တော့ပေ။ သူမက
“ကျွန်မ... ကျွန်မ သေတော့... မယ်...”
ရေရွတ်လိုက်သည်။
လုချန်းက
“ ချစ်သူ’ လို့ ခေါ်တာ ကိုယ် ကြားပါရစေ...”
မသိစိတ်ဖြင့်ပင် ကျိချိုးယုက
“ချစ်သူ... “
ဟု ပြောလိုက်မိသည်။
ကျိချိုးယုသည် မူလအစကမ္ဘာ နယ်ပယ်အဆင့်တွင်သာ ရှိသည်။ လုချန်း ယွမ်ရှန်ရှန် နှင့် စုဟန်ယန် တို့အပေါ် အသုံးပြုခဲ့သော နည်းလမ်းများက နိယာမ အလုံးစုံအဆင့် ကျင့်ကြံသူများအတွက် အထူး စီစဉ်ထားခြင်း ဖြစ်သည်။
ယခု မူလအစကမ္ဘာ နယ်ပယ်အဆင့်သာ ရှိသော ကျိချိုးယု အပေါ် ဤကဲ့သို့သော နည်းလမ်းများကို အသုံးပြုလိုက်ခြင်းဖြစ်သည်။ ထိုသို့ပြုလုပ်ခြင်းက သူမအတွက် လက်နက်ချ အရှုံးပေးခြင်းမှလွဲ၍ အခြား ရွေးချယ်စရာ မရှိစေတော့သည်မှာ သဘာဝကျလှသည်။
…….
ရက်အနည်းငယ် ကြာပြီးနောက်။
လုချန်းသည် ရုပ်သေးတစ်ခုကို အမိန့်တစ်ခု ထုတ်လွှင့်စေခဲ့သည်။ ထို့နောက် ကျိယန်ကမ္ဘာ တစ်ခုလုံးသို့ အမိန့်ကြေညာစာတစ်ရပ်ကို ထုတ်ပြန်ခဲ့သည်။
သူသည် ထျန်းချန်ကမ္ဘာတွင် ကြော်ငြာစာရွက်များစွာကိုလည်း ပုံနှိပ်စေခဲ့သည်။ ထို့နောက် ၎င်းတို့ကို ကျိယန်ကမ္ဘာ အနှံ့အပြားရှိ အင်အားစုအသီးသီးထံ ဖြန့်ဝေခဲ့သည်။
ထိုအမိန့်ကြေညာစာတွင် အဓိက အကြောင်းအရာတစ်ခုတည်းကို အသားပေး ဖော်ပြထားသည်။ ၎င်းမှာ ကျိယန်ကမ္ဘာ၏ ကြီးမားသော အင်အားစုများသည် သာမန်လူများ၏ အသက်ကို လျစ်လျူရှုခဲ့ပြီး ကောင်းကင်နတ်ဆိုးကို လွှတ်ပေးခြင်းဖြင့် ကောင်းကင်နတ်ဆိုးနှင့် ပူးပေါင်း ကြံစည်ခဲ့ကြသည်ဟူ သောအချက်ဖြစ်သည်။
ကျိယန်ကမ္ဘာနှင့် ကပ်လျက်တွင် တည်ရှိနေသော ထျန်းချန်ကမ္ဘာသည်လည်း ဤအကြောင်းကြောင့် ဒုက္ခများ ခံစားခဲ့ရသည်။ ထို့ကြောင့် ကျင့်စဉ်လောက၏ ငြိမ်းချမ်းရေးနှင့် တည်ငြိမ်ရေးကို ထိန်းသိမ်းရန်နှင့် ကမ္ဘာနှစ်ခုလုံးမှ လူများ၏ အကျိုးစီးပွားကို ကာကွယ်ရန် ရှနိုင်ငံတော်က ကျိယန်ကမ္ဘာကို ကျူးကျော်ရန်ခဲ့ရခြင်း ဖြစ်သည်။
ယခုအခါ ကောင်းကင်နတ်ဆိုးကို ရှနိုင်ငံတော်က အနိုင်ယူ ချေမှုန်းပြီး ဖြစ်သည်။ သို့သော် ကျိယန်ကမ္ဘာရှိ ကျန်ရှိနေသော နတ်ဆိုး ကျင့်ကြံသူများက ကောင်းကင်နတ်ဆိုးနှင့် ထပ်မံ ပူးပေါင်း ကြံစည်နိုင်သေးသည်။ ၎င်းတို့က ကျိယန်ကမ္ဘာကို အန္တရာယ် မပြုနိုင်စေရန် ရှနိုင်ငံတော်က ကျိယန်ကမ္ဘာ တစ်ခုလုံးကို ၎င်း၏ အုပ်ချုပ်မှုအောက်သို့ သွတ်သွင်းရန် ဆုံးဖြတ်ခဲ့သည်။
သူသည် ထိုအင်အားစုများကို စဉ်းစားရန် အချိန်အနည်းငယ် ပေးမည် ဖြစ်သည်။ သူတို့သည် ရှနိုင်ငံတော်ထံ ဆန္ဒအလျောက် လက်နက်ချ အညံ့ခံရမည်။ ထို့ပြင် သူတို့၏ အစုအဖွဲ့များထဲမှ နတ်ဆိုး ကျင့်ကြံသူများကို တက်ကြွစွာ ရှင်းလင်း ဖယ်ရှားရမည်။ ထိုသို့ပြုလုပ်ပါက ရှနိုင်ငံတော် အနေနှင့် နတ်ဆိုး ကျင့်ကြံသူများနှင့် ပူးပေါင်း ကြံစည်ခဲ့မှုအတွက် ၎င်းတို့ကို ဆက်လက် အရေးယူတော့မည် မဟုတ်ပေ။
………………..