မြှားနတ်ဘုရား ကိုယ့်ကိုကိုယ် ဖျက်ဆီးလိုက်တာလား?

ယခင်က တစ်ကြိမ်သာ မိမိကိုယ်ကို ဖျက်ဆီးခဲ့ပြီး ချင်းယန်၏ "ကောင်းကင်နှင့်မြေကြီး သက်တမ်းရှည်ခြင်း" အသုံးပြုပုံအား ပို၍ ကျွမ်းကျင်လာခဲ့သည်။

သူ့စိတ်ထဲ အတွေးတွေ ပေါ်လာသည်နှင့် ကြီးမားသော ကြယ်စွမ်းအားတစ်ခု စတင်ပေါ်ပေါက်လာပြီး ရေစီးကြောင်းတစ်ခုကဲ့သို့ သူ့သွေးကြောတစ်လျှောက် တိုးဝင်လာကာ သူ့အရေပြားကို ဆုတ်ဖြဲကာ အပြင်သို့ အဆက်မပြတ် ထိုးထွက်လာခဲ့သည်။

ခဏအတွင်း စူးရှသော အလင်းပြကွက်များ ပေါ်လာသည်။ ကြယ်စွမ်းအင်များက တောက်ပစွာ ထွန်းလင်းတောက်ပနေပြီး သားရဲလေးကောင်၏ မြူခိုးများကို ဖြိုခွဲလိုက်သည်။

ဗုန်း!

အသံနက်ကြီး ရုတ်တရက် ထွက်ပေါ်လာသည်။

အနီးနားရှိ ကြယ်စွမ်းအားများ အဆုံးမရှိသော တိုးမြင့်လာပြီး မြင်သာသော အသံအားက လှိုင်းခတ်သွားသည်။ ကြယ်စွမ်းအင်၏ ထိုးစစ်ဆင်မှုအောက်တွင် ကောင်းကင်ရောင်ဝယ သင်္ကေတလေးခု ဖွဲ့စည်းမှုက အမှန်တကယ်ပဲ ပြိုကျစပြုလာ၏။

"ဒါဘာလဲ?"

"သူဘာဆက်လုပ်မှာလဲ!?"

အစီအရင်ကို ထိန်းထားသော သားရဲနတ်အရှင်ဂိုဏ်းဝင် အဖွဲ့ဝင်လေးယောက် လန့်ဖျပ်သွားကာ သူတို့လက်ထဲက အစီအရင်ကြီး ရုတ်တရက် တုန်လှုပ်သွားသည်အား ခံစားလိုက်ရသည်။ အစီအရင် လိုင်းများ ပြတ်တောက်သွားကုန်သည်။

ကြီးမားကျယ်ပြန့်သော ကောင်းကင်ရောင်ဝါ သင်္ကေတလေးခု ဖွဲ့စည်းခြင်းသည် ယခုအချိန်တွင်တော့ ချင်းယန်ကို မနှောင့်ယှက်နိုင်တော့ပါ။

"သူ ကိုယ့်ကိုကိုယ် ဖျက်ဆီးဖို့ ပြင်ဆင်နေတာလား"

သူ့ပတ်ဝန်းကျင်က ဖရိုဖရဲ ကြယ်စွမ်းအင်တွေကို အာရုံခံရင်း ကျားဖြူသခင်ရဲ့ လှောင်ပြောင်မှုက အေးခဲသွားပြီး နက်နဲတဲ့ အကြောက်တရားအဖြစ် ပြောင်းလဲသွားလေသည်။ ဖရိုဖရဲ ကြယ်စွမ်းအင်များ တဟုန်ထိုး တက်လာသည်။

ပေါက်ကွဲတော့မယ့် ဧရာမဗုံးကြီးတစ်လို ဒါတွေအားလုံးရဲ့ အရင်းအမြစ်က ချင်းယန်ဆီမှာပင်။

"ကျစ်! ဒီအရူးက ကိုယ့်ကိုကိုယ် ဖျက်ဆီးချင်နေတာ!"

ကျားဖြူ ဤတော့မှ တုံ့ပြန်နိုင်ခဲ့သည်။ ကျန်းဟိုင်မြှားနတ်ဘုရား တိတ်ဆိတ်နေပြီး အချိန်အတော်ကြာအောင် ရပ်တန့်နေခဲ့သည်မှာ အံ့သြစရာ မဟုတ်ပါ။ လျှို့ဝှက်ပြီး ကိုယ့်ကိုကိုယ် ဖျက်စီးခြင်းနည်းပညာကို အသက်သွင်းဖို့ အချိန်ကို စုဆောင်းထားခြင်းသာ ဖြစ်သည်။

အစကတည်းက ဒီလူဟာ ထွက်သွားဖို့ ရည်ရွယ်ချက် မရှိခဲ့ချေ။

သူသည် လူတိုင်းကို သူနှင့်အတူ ဆွဲချချင်ရုံသာ။ မြို့ကို သားရဲဒီရေလှိုင်း ချေမှုန်းစဉ်တွင် မြေအဓိပတိ ကျူးချွဲ့လည်း ဤနည်းဖြင့် ကွယ်လွန်သွားကာ ဓားနတ်ဘုရား၏ သူ့ကိုယ်သူ ပေါက်ကွဲသံကြောင့် ကျူးချွဲ့၏ စိတ်ဝိညာဉ် ကွဲအက်သွားကာ ခန္ဓာကိုယ် တစ်ခုလုံး ကွဲအက်သွားခဲ့သည်။

အခုတော့ ရင်းနှီးပြီးသား မြင်ကွင်းတစ်ခု ပြန်ပေါ်လာပြန်ပြီ။ ထိုအတွေးကြောင့် ကျားဖြူလည်း အအေးဓာတ်တွေ ကျောရိုးပေါ် စီးကျလာသလို တုန်လှုပ်ခြောက်ခြားသွားတော့သည်။

နောက်ဆုံးတွင် ဤအရာသည် အဓိပတိနယ်ပယ်၏ မိမိကိုယ်ကို ပေါက်ကွဲခြင်း တစ်ခုဖြစ်သည်။ ဒီအကွာအဝေး အတွင်းမှာဆို သူ့အတွက် ရှင်သန်ဖို့ အခွင့်အလမ်း လုံးဝမရှိနိုင်ပါ။ မြေအဓိပတိ ကျူးချွဲ့က သွေးတစ်စက်မှတစ်ဆင့် ပြန်လည်မွေးဖွားခြင်းဆိုင်ရာ လျှို့ဝှက်ပညာကို ပိုင်ဆိုင်ထားသော်လည်း သူတို့ထဲမှ တစ်ဦးမှ မလုပ်နိုင်ပေ။

မြှားနတ်ဘုရား သူ့ကိုယ်သူ ဖောက်ခွဲလိုက်တာနဲ့ အသေခံရမှာ သေချာသည်။

"ဒီမြှားနတ်ဘုရားက ဘယ်ဂိုဏ်းက လာတာလဲ.. သူတို့ ဘာလို့ ခဏခဏ ဖောက်ခွဲနေရတာလဲ"

"သူတို့ဘဝတွေကို လုံးဝ ဂရုမစိုက်လူးလား"

ကျားဖြူ: "ငါထွက်သွားရမယ်!"

အဓိပတိ နယ်ပယ်ကို ရောက်ဖို့ အရမ်းကြိုးစားခဲ့ရတာ။ ကျန်းဟိုင် မြားနတ်ဘုရားအတွက် အရာအားလုံးကို လုံးဝ မစွန့်လွှတ်နိုင်ဘူး။

ရှက်စရာကြီး!

ကောင်းကင်ရောင်ဝါ သင်္ကေတလေးခု အစီအရင် ဖွဲ့စည်းခြင်းမှာ အသက်ဝင်နေဆဲ ဖြစ်သည်။ ချင်းယန် အထဲမှာ ရှိနေသရွေ့တော့ သူ့နောက်ကို လိုက်နိုင်မှာ မဟုတ်ချေ။ သူ လွတ်မြောက်ပြီးတာနဲ့ ကိုယ့်ဘာသာကိုယ် ဖျက်ဆီးပစ်နိုင်သည်။

"အားလုံးပဲ မင်းတို့ရဲ့ ကြယ်စွမ်းအင်တွေကို တိုးမြှင့်လိုက်!"

ဒါကိုတွေးတောရင်း ကျားဖြူသခင်က အစီအရင် အနီးအနားကလူတွေကို အမိန့်လှမ်းပေးလိုက်သည်။

"အစီအရင်ကို ခိုင်ခံ့အောင် လုပ်မယ်! မကြောက်နဲ့! ဒီလူက ကျန်းဟိုင်ဓားနတ်ဘုရားလို အစွမ်းအစမျိုး ရှိတယ်!"

လျှို့ဝှက်နည်းလမ်းကို အားကောင်းစေသည့် သူ၏ အသံနေအသံထားမှာ ဖွဲ့စည်းမှုကို ကိုင်ဆောင်ထားသူများ၏ ရက်စက်မှုကို ချက်ချင်း နှိုးဆွပေးနိုင်ခဲ့သည်။ ကြက်သွေးရောင်အလင်းတန်းများက သူတို့၏ သူငယ်အိမ်များအတွင်းတွင် စူးစူးဝါးဝါး ပေါက်ကွဲထွက်ကာ အလွန်အမင်း ရူးသွပ်သွားကြသည်။

"သားရဲနတ်အရှင်အတွက်!"

"သတ်!"

သားရဲနတ်အရှင်ဂိုဏ်းဝင် နတ်ဆိုးလေးကောင်သည် အစီအရင် ဖွဲ့စည်းပုံပုံစံကို နှိပ်ကာ တစ်ပြိုင်နက် တိုက်ခိုက်ခဲ့သည်။ မိုးခြိမ်းသံနှင့်အတူ နဂါးဟောက်သံနှင့် လေသည် ကောင်းကင် အထက်တွင် ရုတ်တရက် လှိုင်းထလာပြီး နတ်သားရဲကြီး၏ အရိပ်မည်းကြီး ပေါ်ထွက်လာလေသည်။

ဗုန်း!

ကောင်းကင်ရောက်ဝါ သင်္ကေတလေးခု ဖွဲ့စည်းမှု အထွတ်အထိပ်သို့ ရောက်ရှိခဲ့သည်။

အကန့်အသတ်မဲ့ ကြယ်စွမ်းအားသည် ချင်းယန် တစ်ဝိုက်တွင် ပျံ့နှံ့သွားပြီး သူ့ကို လီရွှေရေကန် အထက်တွင် အခိုင်အမာ ချိတ်ဆွဲထားသည်။ ကြယ်စွမ်းအင်များသည် ကြယ်တွေ စုဝေးနေသလို၊ ကောင်းကင်က ထင်ရှားတဲ့ကြယ်တွေ ကြွေကျလာသလိုပင်။

"ဖောင်း!"

လမ်းကြောင်းလေးခုလုံးရှိ သားရဲများသည် ၎င်းတို့၏ ပါးစပ်နှင့် နှာခေါင်းများမှ သွေးများ ထွက်ကျလာသည်။ ၎င်းတို့၏ မျက်နှာများက စက္ကူတွေလို ဖြူဖျော့နေပြီး အစီအရင် ဖွဲ့စည်းခြင်းကို ၎င်း၏ကန့်သတ်ချက်အထိ တွန်းအားပေးခြင်း၏ နောက်ဆက်တွဲ ဆိုးကျိုးများကို စတင်ပြသလာခဲ့သည်။

ခြေလှမ်းတစ်ဝက် အဓိပတိတစ်ယောက်အနေနဲ့တောင် ဒါကို မခံနိုင်ကြသေးချေ။ သို့သော် သားရဲဘုရား၏ သွန်သင်ချက်အတွက် သေခြင်းကလည်း တန်လေသည်။

"ငါနောက်ဆုတ်ရမယ့် အချိန်ရောက်ပြီ"

ကျားဖြူသည် သူ့ပတ်ဝန်းကျင်ကို လှည့်ပတ်ကြည့်ရှုပြီး အချိန်ကို တွက်ချက်နေ၏။ ခဏလေးအတွင်းမှာပဲ မြှားနတ်ဘုရားက သူ့ဘာသာသူ ဖျက်ဆီးပစ်တော့မည်။ အကယ်၍ သူ ယခု လွတ်မြောက်ခဲ့ပါက ချင်းယန်၏ ရုန်းကန်နေရသော မျက်နှာကို ချီးကျူးရန် အကောင်းဆုံး အခွင့်အရေး ရှိလိမ့်မည်။

သူ တဖြည်းဖြည်း နောက်ပြန်ဆုတ်ကာ ဖွဲ့စည်းခြင်းတွင် ယုံကြည်သူချင်းများအား အကာအရံဖြင့် အသုံးချကာ လှည့်ထွက်ခဲ့သည်။ သို့သော်ကျားဖြူသခင် စတင်လှုပ်ရှားလာသည်နှင့်အမျှ ကွဲလွဲနေသော အာကာသနိယာမက ဆင်းသက်လာကာ သူ့လှုပ်ရှားမှုကို တိုက်ရိုက်ပိတ်ဆို့ကာ သူ၏လွတ်မြောက်ရာ လမ်းကြောင်းကို ရုတ်ခြည်း ဖြတ်တောက်ပစ်လိုက်သည်။

ဝုန်း!

မမြင်နိုင်သော နံရံတစ်ခုက သူ့လမ်းကြောင်းကို ပိတ်ဆို့ထားသလိုပင်။

"ဘာတွေဖြစ်နေတာလဲ?!"

ကျားဖြူသခင်လည်း ခဏတာ အံ့အားသင့်သွားပြီး သူ့ရှေ့က နေရာကို လှမ်းကိုင်လိုက်တဲ့အခါ ရုတ်တရက် မှင်တက်သွားတော့သည်။ ၎င်းက နိယာမစွမ်းအင်ဖြင့် ဖွဲ့စည်းထားသော သီးခြားဇုန်ဖြစ်လေ၏။

ချင်းယန်ဟာ သူ့ရဲ့ ခွန်အားတွေ ကုန်ဆုံးသွားပေမယ့် သူ့ရဲ့စွမ်းအင် အားလုံးကို အစွမ်းကုန် အသုံးချထားလေသည်။ လျှို့ဝှက်ဆန်းကြယ်သော အာကာသနိယာမများသည် အစီအရင် ဖွဲ့စည်းခြင်း၏ဗဟိုမှ ထွက်ပေါ်လာပြီး အပြင်ဘက်သို့ အဆက်မပြတ် ဖြန့်ကျက်ကာ သူနှင့် သူ၏အဖော်များကို ဖုံးအုပ်ထားတာကြောင့် ပတ်ဝန်းကျင် နေရာက ယခုအခါ ပရမ်းပတာဖြစ်နေသည်။

ကျန်းဟိုင်မြှားနတ်ဘုရားက သူ့ကိုယ်သူနဲ့ အားလုံးကို ချုပ်နှောင်ထားသည်။

"ကောင်းကင်မြေကြီး အသက်ရှည်ခြင်း" ၏ ချဲ့ထွင်နိုင်သော စွမ်းအားကို အသုံးပြု၍ ချင်းယန် သူ့လက်ကို မြှောက်ကာ အာကာသဆိုင်ရာ နိယာမစွမ်းအင်များကို အသက်သွင်းကာ အနီးနားရှိ လေထုကို အလွယ်တကူ ပိတ်ပစ်လိုက်သည်။

ယခုအခါ ရေကန်အထက် ဧရိယာသည် ခံနိုင်ရည်မရှိသော အကျဉ်းထောင် ဖြစ်လို့လာသည်။

"မဟုတ်ဘူး..မဖြစ်နိုင်ဘူး..."

ဒါကိုမြင်တော့ ကျားဖြူသခင်က သူ့လက်ဖဝါးကို မြှောက်လိုက်ပြီး ချင်းယန်ရဲ့ရှေ့မှာ လွတ်မြောက်ဖို့ ကြိုးစားရင်း သူ့ရှေ့က နေရာကို အရူးအမူး ထုရိုက်လိုက်တော့၏။

ဗုန်း!

ကြီးမားသော ကြယ်စွမ်းအားများ ပေါက်ကွဲထွက်လာပြီး စွမ်းအားရှိသမျှ ပေါက်ကွဲထွက်လာသည်။ ကောင်းကင်ကြီးသည် မိုးခြိမ်းသံများ ပဲ့တင်ထပ်နေပုံရပြီး ကြီးကျယ်ခမ်းနားသော သားရဲတစ်ကောင်လို ဟောက်နေသလိုပင်။

ဒါပေမယ့် သက်ရောက်မှု မရှိခဲ့ပါဘူး!

နေရာအနှံ့ ပိတ်ဆို့ထားမှုမှာ လုံးဝ မပြိုကွဲသေးချေ။

ဗုန်း!

ဆူညံသံများကြားတွင် မြို့သူမြို့သားတွေလည်း ဘေးလွတ်ရာကို ရွှေ့ပြောင်းခဲ့ကြပါ၏။ တဝုန်းဝုန်း အသံများကြောင့် အံ့အားသင့်စွာဖြင့် ကောင်းကင်ကို မျှော်ကြည့်လိုက်ကြသည်။

"ဘာတွေဖြစ်နေတာလဲ?"

လူအိုလီသည် လူအုပ်ထဲတွင် ရပ်နေရာမှ အပေါ်သို့ မော့ကြည့်လိုက်သည်။

"ဒီနတ်ဆိုး အစောက အကောင်းကြီးပါ.... သူဘာလို့ ပတ်ဝန်းကျင်ကို ရုတ်တရက် တိုက်ခိုက်ရတာလဲ"

"တစ်ခုခုတော့မှားနေပြီ ဆရာ"

လင်မော့ဖုန်းကလည်း သူ့အနီးအနားတွင် ရပ်ကာ ကောင်းကင်မှ ထွက်ပေါ်လာသော ကြယ်စွမ်းအင်လှိုင်းများကို စောင့်ကြည့်နေသည်။

"ကောင်းကင်ပေါ်က ကြယ်တွေရဲ့ စွမ်းအင်က အရမ်းထူးဆန်းနေတယ်"

ယခု ဂိုဏ်းဆရာကသာ များစွာကျယ်ပြန့်သော ကြယ်စွမ်းအင်များကို ရှာဖွေတွေ့ရှိနိုင်သောကြောင့် အထက်တွင်ရှိသော ကြယ်စွမ်းအင်များ၏ အရှိန်အဟုန်ကို ပိုမိုကောင်းမွန်စွာ သိရှိနိုင်သည်။

"ဆရာ ဟိုနားက ရောင်ဝါက အရမ်း ဖရိုဖရဲ ဖြစ်နေတယ်!"

လင်မော့ဖုန်း ခဏလောက် စဉ်းစားပြီး။

"အဲဒီနတ်ဆိုးက ထွက်သွားချင်နေတာ ဒါပေမယ့် အကြီးအကဲ မြှားနတ်ဘုရား အနားမှာပဲ ပိတ်မိနေတယ်..."

"သူကြောက်နေတယ်!"

လူအိုလီ: "ကြောက်နေတာ... အကြီးအကဲ မြှားနတ်ဘုရားက ဘာလုပ်ဖို့ စီစဉ်နေတာလဲ"

ဤစကားကို ကြားသောအခါ လူအိုလီလည်း အနည်းငယ် မယုံနိုင် ဖြစ်သွားမိသည်။

သူတို့ဟာ ထိုနေရာမှာပင် ရှေ့မတိုးနောက်မဆုတ်သာ ပိတ်လှောင်နေကြသည်။ တော်တော်များများ အခြေအနေက ရှင်းနေပေမယ့် အခုအခြေအနေက ပြောင်းပြန်ဖြစ်သွား၏။ ချင်းယန် သားရဲနတ်အရှင် ဂိုဏ်းဝင်များကို ဝိုင်းထားတဲ့ အခြေအနေ ဖြစ်သွားပါပြီ။

မြှားနတ်ဘုရားမှာ တခြား လှည့်ကွက်တွေ ရှိနေလို့ ဖြစ်မလား။

"ဒီရင်းနှီးတဲ့ ခံစားချက်မျိုးက...."

လီချင်းဟဲလည်း မြင့်မားသော လှိုင်းလုံးကြီးများကို မျှော်ကြည့်ရင်း ယခင် သားရဲဒီရေကို သတိရနေမိသည်။ ရုတ်တရက် စိတ်လှုပ်ရှားမှုတစ်ခုက သူမကို ထိမှန်သွားပြီး ရုတ်ချည်း နားလည်သွား၏။

နည်းပရိယာယ်တူသလို တူညီသော အကျပ်အတည်းလည်း ဖြစ်လေသည်။

"ဧကန္တ... ဆရာဘိုးဘိုးက ကိုယ့်ကိုကိုယ် ပြန်ဖျက်ချင်နေတာလား?!"

…………

နတ်သားရဲလေးကောင်၏ ခြိမ်းချောက်သံများက ညကောင်းကင်ယံတွင် ပဲ့တင်ထပ်နေဆဲ။ အစီအရင် ဖွဲ့စည်းမှုကို ထိန်းသိမ်းထားသော နတ်ဆိုးများကလည်း တင်းမာမှုကို စတင်ခံစားလာကြသည်။ အစီအရင် ဖွဲ့စည်းမှုဗဟိုမှ ကြယ်ရောင်ဝါများ ပိုမိုပြင်းထန်လာသည်နှင့်အမျှ ၎င်းကို ဖိနှိပ်ရန် အလွန်ခက်ခဲလာသည်။

ဒီထက်ပိုကြာလာရင် အစီအရင် ဖွဲ့စည်းမှုအတွင်းက ချင်းယန်ကို မနှိမ်နင်းနိုင်တော့မှာ ကြောက်ရသည်။ ဤခဏ၌ ကျားဖြူသခင်က ပို၍ပင် စိတ်ဓာတ်ကျနေခဲ့သည်။ သူသည် လေထဲသို့ အရူးအမူး ဗုံးကြဲနေသော်လည်း ထွက်ပေါက်ကို ရှာမတွေ့ပေ။

လေက သူ့အား လွတ်မြောက်ရန် နေရာမရှိအောင် ပိတ်လှောင်ထားသည်။ ဒီအတိုင်းသာ ဆက်သွားနေမယ်ဆိုရင် မြှားနတ်ဘုရားနဲ့အတူ ပေါက်ကွဲမှုမှာ မြုပ်သွားလိမ့်မည်။

"မြေအဓိပတိ တိုက်ဦး!"

စိမ်းပြာနဂါး ရောင်ဝါကို ပိုင်ဆိုင်ထားတဲ့ နတ်ဆိုးက ဟစ်အော်သည်။

"ဒီမြှားနတ်ဘုရားက သူ့ရဲ့ အစွမ်းအစ အဆုံးမှာ ရှိနေပြီ... ငါတို့ သူ့ကို သတ်ဖို့ အတင်းအကြပ် ဖိနှိပ်ထားတာတောင် ဘယ်လိုမှ မတတ်နိုင်တော့ဘူး"

"မဟုတ်ဘူး လုံးဝ မဟုတ်ဘူး!"

ကျားဖြူသခင်သည် ထိုလှိုင်းထန်နေသော လေထုမှတစ်ဆင့် သူ့လက်သီးများကို တင်းတင်းဆုပ်ထားသည်။ သူက ချင်းယန်ကို ထိတ်လန့်စွာ လှည့်ကြည့်လိုက်ကာ။

"သူ့ရဲ့ ကြယ်စွမ်းအားက အခု မတည်မငြိမ် ဖြစ်နေတာ... သူ့ကို သတ်လိုက်တာက အားလုံး ပြီးသွားမှာ မဟုတ်ဘူး... ဒီကျန်းဟိုင် မြှားနတ်ဘုရားက ထိန်းချုပ်လို့မရတဲ့ ဗုံးတစ်လုံးပဲ... ဖျူးဖြုတ်ပြီးတာနဲ့ ငါတို့အားလုံး ပျက်စီးသွားလိမ့်မယ်!"

အဓိပတိနယ်ပယ် သခင်၏ မိမိကိုယ်ကို ဖျက်ဆီးခြင်းက သူနှင့် အဖော်များအား ဒီကမ္ဘာပေါ်က ပျောက်ကွယ်သွားစေလိမ့်မည်။

ကျားဖြူ: "သူ့ကို လျစ်လျူရှုလိုက်တော့... အစီအရင် ဖွဲ့စည်းမှုကို ဖျက်သိမ်းလိုက်! အစွမ်းကုန် ထုတ်သုံးပြီး ဒီနယ်မြေ ပိတ်ဆို့ထားတာကို ဖြတ်ကျော်ရအောင်!"

အခု သူလိုချင်တာက အကုန်ထွက်သွားရဖို့ပင်။

သူ ထွက်သွားနိုင်သရွေ့ အရာအားလုံး ပုံမှန် ပြန်ဖြစ်သွားလိမ့်မည်။

"အခုထွက်သွားဖို့ကျ အရမ်းနောက်ကျနေပြီ မဟုတ်လား"

ချင်းယန်သည် ကြောက်မက်ဖွယ်ကောင်းသော ကျားဖြူသခင်ကို စိုက်ကြည့်ကာ လက်နှစ်ဖက်ကို ခေါက်လိုက်သည်။

"ငါ မင်းကို ပြောခဲ့တုန်းက မသွားဘဲ အခုမှ နောင်တရနေလည်း နောက်ကျသွားပြီ!"

သူစကားပြောနေစဉ်တွင် သူ့အရေပြားမှ အက်ကွဲကြောင်းများ ကျယ်လာပြီး နေရောင်သည် သူ့ခန္ဓာကိုယ်မှ လွတ်မြောက်တော့မည်ကဲ့သို့ ကြီးမားသော အဖြူရောင်အလင်းတန်းကြီးကို ပေါ်လွင်လာစေသည်။

"နေပါဦး! ကျန်းဟိုင်မြှားနတ်ဘုရား ငါတို့ ညှိနှိုင်းလို့ရသေးတယ်!"

ဒါကိုကြားတော့ ကျားဖြူသခင်လည်း အစီအရင် ဖွဲ့စည်းရေး အတားအဆီးကို တုန်တုန်ယင်ယင်ဖြင့် ချဉ်းကပ်ပြီး။

"ဘာလိုချင်လဲ.. မင်း ငါတို့ကို လွှတ်ပေးရင်း ငါတို့ ညှိနှိုင်းလို့ရတယ်... ဒီအမုန်းကို လွှတ်ချလိုက်ရအောင်.. မင်းလိုချင်တာမှန်သမျှ တောင်းပါ"

"ညှိနှိုင်းမယ်???"

ချင်းယန် အေးစက်စွာ ပြောလိုက်သည်။ သူ့မျက်လုံးများသည် အေးစက်သော အမှုန်အမွှားများဖြင့် မှိတ်တုတ်မှိတ်တုတ် လတ်လာသည်။ အေးစက်နေသော လူသတ်ချင်စိတ်က အပြင်သို့ ပျံ့နှံ့သွားပြီး ကွင်းအတွင်းရှိလူအားလုံးကို ဖုံးအုပ်ထားလိုက်သည်။

"နောက်ကျသွားပြီ!"

သူစကားပြောပြီးသည်နှင့် မျက်လုံးများက အလင်းစူးစူးဖြင့် တောက်လောင်လာပြီး ကြယ်ရောင်များ လျှံထွက်လာသည်။ ချင်းယန်ခန္ဓာကိုယ်မှ ကြီးမားသော အပူလှိုင်းများ ထွက်လာသည့်အခါ အောက်ဖက်ရှိ ရေကန်ကြီးထဲမှ အငွေ့များ ပျံထွက်လာသည်။

အလုံပိတ်နေရာအတွင်း၌ ကြက်သွေးရောင်မီးတိုင်တစ်တိုင် ဆုံသွားပြီး ချင်းယန်၏ဗဟိုမှ အပြင်သို့ ရုတ်ချည်း ပျံ့နှံ့သွားသည်။

ဗုန်း! ဗုန်း!

ဧရာမ စွမ်းအင်များ တဟုန်ထိုး ပေါက်ကွဲထွက်ကာ ဖွဲ့စည်းမှု၏ အတားအဆီးကို ဖြိုခွဲကာ အဓိပတိနယ်ပယ် အဆင့်တစ်ဝက် နတ်ဆိုးလေးပါး ချက်ချင်း အငွေ့ပျံသွားသည်။ ၎င်းတို့နှင့်အတူ အစီအရင် ဖွဲ့စည်းမှု ပုံကြမ်းကလည်း မီးရှို့ခံလိုက်ရသည် ။

"မဟုတ်ဘူး!!"

ကျားဖြူ စိတ်ပျက်လက်ပျက် ဟောက်ပြီး သူ့ကြယ်စွမ်းအင်ဖြင့် ထိုးစစ်ဆင်ခြင်းကို တားဆီးရန် ကြိုးပမ်းမှုတွင် မျက်လုံးများကို ဖွင့်ထားသော်လည်း အချည်းနှီးသာဖြစ်သည်။

ကြောက်စရာကောင်းသော ကြယ်စွမ်းအား သူ့ကို တိုက်ခိုက်လာသောအခါ သူ့အသွေးအသားများ တဟုန်းဟုန်း တောက်ကာ မီးခိုးငွေ့များ ဖြစ်သွားသည်။ ရေတွေ ချက်ချင်း အငွေ့ပျံသွားသလိုပဲ သွေးစွန်းနေသော မြူမှုန်များ လွင့်ပျံလာပြီး အရိုးများ အက်ကွဲသွားသည်။

ကမ်းပေါ်ရှိ နိုင်ငံသားအားလုံး အံ့အားသင့်သွားခဲ့ကြပြီး ၎င်းတို့ရှေ့မှ မြင်ကွင်းကို မယုံနိုင်အောင် တုံ့ပြန်ခဲ့ကြသည်။

အကြီးအကဲ မြှားနတ်ဘုရား... ကိုယ်တိုင် ဖျက်ဆီးခဲ့တာလား?