တောင်တစ်ရာ၏ အင်အား၊ မဟာစုန်းမ ကိုယ်ခန္ဓာ သန့်စင်နည်း ကျင့်ကြံခြင်း၏ မရှိမဖြစ် လိုအပ်ချက်။

[ဝိညာဉ်စုဆောင်းပန်း ၅,၀၀၀]: ရောင်းဈေး စွမ်းအင် သန်း ၅၀၀။

ဤသရုပ်ပြခြင်းတွင် စုရှင်း၏ ပန်းတိုင်မှာ ရှင်းလင်းသောကြောင့် ဆုလာဘ် အမျိုးအစားများမှာ မများပေ။

"ဒါပေမယ့် ကိုယ်ခန္ဓာ သန့်စင်ခြင်း မဟာယာန အဆင့် စတုတ္ထအလွှာကို ရောက်ရှိဖို့အတွက်... ရွှေရောင် စွမ်းရည် တစ်ခုအပါအဝင် စွမ်းအင် ဘီလီယံ ၆၀ကျော် လိုအပ်တယ်... ဒီတစ်ခါတော့ တကယ်ကို ရေကုန်ရေခမ်း လုပ်ရတော့မယ် ထင်တယ်"

စုရှင်း အနည်းငယ် ခေါင်းခါလိုက်သည်။ သူသည် လက်ရှိတွင် စွမ်းအင် နှစ် ဘီလီယံကျော်သာ ပိုင်ဆိုင်ထားသည်။

ဤတစ်ကြိမ် လုယွမ်ဝူ ပေးသော ထူးခြားသတ္တုနှင့် ဆိုလျှင်ပင် စွမ်းအင်သည် နှစ်ဆယ်ဘီလီယံစွန်းစွန်းသာ ရရှိနိုင်လိမ့်မည်။

"ကျင်းချုံးရွှယ်က ထူးခြားသတ္တုတွေကို ပိုများများ သန့်စင်နိုင်ဖို့ကိုပဲ မျှော်လင့်ရတော့မယ့်ပုံပဲ…မဟုတ်ရင် သူတော်စင်ဝမ်မူရဲ့ ဘဏ္ဍာပစ္စည်း အချို့တစ်ဝက်ကို ရောင်းမှ လောက်တော့မှာ"

စုရှင်း ညင်သာစွာ သက်ပြင်းချလိုက်သည်။ သူတော်စင်ဝမ်မူ၏ သိုလှောင်လက်စွပ်ထဲရှိ ဘဏ္ဍာပစ္စည်းများသည် စုရှင်းအတွက် များစွာအသုံးဝင်သည်။

အချို့သည် ယခုအချိန်တွင် အသုံးမဝင်သော်လည်း ၎င်းတို့ကို စွမ်းအင်အဖြစ် ရိုးရှင်းစွာ ပြောင်းလဲခြင်းထက် ထားရှိခြင်းက နောက်ဆုံးတွင် ပိုမို တန်ဖိုးရှိသည်။

"ဒါ့အပြင် ငါ့ရဲ့ လက်ရှိ စွမ်းရည် အကွက်တွေက ပြည့်နေပြီ။ အစားမက်သူ စွမ်းရည်ကို ရယူချင်တယ်ဆိုရင် စွမ်းရည်တစ်ခုကို အစားထိုးဖို့ လိုအပ်လိမ့်မယ်…မဟုတ်ရင် စွမ်းရည်နေရာလွတ်ကို ဘီလီယံတစ်ရာနဲ့ တိုးချဲ့ဖို့ဆိုတာကကျ အရမ်းများလွန်းတယ်။"

စုရှင်းသည် သူ၏ အရည်အချင်း ဇယားဘက်သို့ အာရုံစိုက်လိုက်သည်။

[အမည်: စုရှင်း]

[အသက်: ၂၂ နှစ်]

[အလုပ်အကိုင်: ကျင့်ကြံသူ]

[ကျင့်ကြံမှု အဆင့်: ပေါင်းစည်းခြင်း အဆင့် ပြီးပြည့်စုံခြင်း၊ မဟာယာန အဆင့် ပထမအလွှာ]

[ကျင့်ကြံမှု နည်းစနစ်: လိုအင်ပြည့်ဝ ပုံဖော် နည်းစနစ်၊ ချန်ချွန်းနည်းစနစ်၊ အနန္တမီးလျှံ နည်းစနစ်]

[စွမ်းရည်: နှင်းဆီလက်ဆောင်၊ မိုက်မဲမှုထဲမှ ကြီးမြတ်သော ဉာဏ်ပညာ၊ မွေးရာပါ ဓားကိုယ်ခန္ဓာ၊ ရံဖန်ရံခါ ထိုးထွင်းဉာဏ်၊ အစီအရင် ပါရမီရှင်၊ ဆေးဖော်စပ်ခြင်း ပါရမီရှင်၊ အဆောင်လက်ဖွဲ့ ပညာရှင်၊ မိုးကြိုး၊ သစ်သား၊ မီး၏ ကောင်းကင် ဝိညာဉ်အမြစ်၊ တောင်ရွှေ့ပြောင်း ခွန်အား၊ စီးပွားရေး ပညာရှင်၊ ရှန်းနန်မျိုးဆက်၊ ကံကောင်းခြင်း၊ ဘေးအန္တရာယ် ရှောင်ရှားခြင်း၊ အောင်မြင်မှု သခင်၊ မသေနိုင်သော ရှောင်ချီ]

[စွမ်းရည်: လီ မီးနည်းစနစ် (မဟာယာန အဆင့်)၊ ဆေးဖော်စပ်ခြင်း (အသေးစား အောင်မြင်ခြင်း)၊ ဝိညာဉ် ပေါက်ကွဲခြင်း နည်းစနစ် (အစပြုသူအဆင့်)၊ ရှန်းနန်ဝိညာဉ်ပျိုးထောင်ခြင်း နည်းစနစ်(အစပြုသူအဆင့်)၊ နယ်ပယ် နှစ်ဆယ် နတ်အာရုံ(အငယ်တန်း)၊ မူလ ခွန်အား (ပြီးပြည့်စုံခြင်း)၊ သုံးပါးသော ဓားပါရမီ နည်းစနစ် (ကောင်းကင် ဓား မဟာယာနအဆင့်)၊ ဓားကာကွယ်ရေး အရှိန်အဝါ(ကျန်းသုံးရာ့ခြောက်ဆယ်)၊ လီ တစ်သောင်း ခြေရာခံ နည်းစနစ် (အစပြုသူအဆင့်)၊ ရှစ်မြှောင့် ဗေဒင်ဟောကိန်း နည်းစနစ် (ပြည့်စုံခြင်း)၊ လိုအင်ပြည့်ဝ ရွှေဒယ်အိုး (မဟာယာန)၊ အစီအရင် လမ်းစဉ် (အနည်းငယ် အောင်မြင်ခြင်း)၊ ဓား ထိန်းချုပ် နည်းစနစ်(ပြည့်စုံခြင်း)၊ အသက် လောင်ကျွမ်းခြင်း ဆုံးဖြတ်ချက် (ပြည့်စုံခြင်း)၊ အမျိုးမျိုးသော အမတ ကျင့်ကြံမှု နည်းစနစ်များ...]

[မူလ ထိုးထွင်းဉာဏ်: မိုးကြိုး၏ မူလ (အနည်းငယ် အောင်မြင်ခြင်း)၊ သစ်သား၏ မူလ (အနည်းငယ် အောင်မြင်ခြင်း)၊ ဓား၏ မူလ (ကြီးမြတ်သော အောင်မြင်မှု၊ အရှိန်၏ မူလ (ကြီးမြတ်သော အောင်မြင်မှု)၊ ခွန်အား၏ မူလ (ကြီးမြတ်သော အောင်မြင်မှု)]

[အထူး ကိုယ်ခန္ဓာ: ကောင်းကင် မိုးကြိုး ကိုယ်ခန္ဓာ (အဆင့် နှစ်)]

မကြာသေးမီ လများအတွင်း စုရှင်း၏ ခွန်အားသည် လျင်မြန်စွာ တိုးတက်လာခဲ့သည်။

ကျင့်ကြံမှုအဆင့် ရုတ်တရက် မြင့်တက်လာခြင်းအပြင် သူ၏ ကျွမ်းကျင်မှု နှင့် စွမ်းရည်များကို ကျွမ်းကျင်မှုသည်လည်း တိုးတက်ခဲ့သည်။

ထို့အပြင် စုရှင်း၏ ဇယားတွင် မူလ ထိုးထွင်းဉာဏ် အသစ်တစ်ခု ပေါ်လာခဲ့သည်။

"မူလ ထိုးထွင်းဉာဏ် ပြီးရင် ကြီးမြတ်သော လမ်းစဉ်တွေ... အဲဒါတွေက အမတတွေပဲ ထိတွေ့နိုင်တဲ့ အားကောင်းတဲ့ စည်းမျဉ်းတွေကြည့်ပဲ"

"ပြီးတော့ ငါ့ရဲ့ လက်ရှိ စွမ်းရည်တွေ အားလုံးက အရမ်း အရေးကြီးတယ်"

စုရှင်း စိတ်ထဲတွင် ပဋိပက္ခ ဖြစ်နေသည်။ ရွှေရောင် စွမ်းရည်ကို လဲလှယ်ရန် လိုအပ်သည်။

သို့သော် စုရှင်းသည် မည်သည့်စွမ်းရည်အား အစားထိုးရမည်ကို ဝေခွဲမရ ဖြစ်နေခဲ့သည်။

"ဟမ်းး ဒါပေမဲ့... ကျင့်ကြံမှု၏ အနုပညာ တစ်ရာ စွမ်းရည်က သရုပ်ပြခြင်းတိုင်းမှာ အသက်ဝင်တဲ့ပုံ မပေါ်ဘူး"

စုရှင်း၏ မျက်လုံးများ တောက်ပလာသည်။

ဆေးလုံး သန့်စင်ခြင်း အပြင် စုရှင်းသည် အချို့သော သရုပ်ပြခြင်းများတွင် အစီအရင်များ၊ အဆောင်လက်ဖွဲ့များ နှင့် ပစ္စည်း သန့်စင်ခြင်းတို့ကို အထူးပြုနိုင်သေးသည်။

ထိုအချိန်တွင် သူသည် စွမ်းရည်များကို ယာယီ ဆွဲယူပြီး လိုအပ်သလို အသုံးပြုနိုင်သည်။

၎င်းတို့ကို ထီပုံးတွင် ထားရှိခြင်းဖြင့် ဘီလီယံ တစ်ရာဖြင့် စွမ်းရည် အကွက်များကို တိုးချဲ့ခြင်းထက် သန်းပေါင်းများစွာသာ သုံးစွဲ၍ လိုအပ်သလို မဲနှိုက်ယူခြင်းက ပိုမို ကုန်ကျစရိတ် သက်သာလိမ့်မည်။

"အင်း... အဆောက်လက်ဖွဲ့ပညာရှင်က လက်ရှိမှာ အသုံးမဝင်ဘူး၊ ဒါကို ရွှေရောင် စွမ်းရည်ဖြစ်တဲ့ အစားကြူးသူနဲ့ အစားထိုးနိုင်တယ်။"

စုရှင်းသည် သူ၏ တွက်ချက်မှုများကို ပြုလုပ်ခဲ့သည်။

အချိန်ကို စစ်ဆေးကြည့်လိုက်သောအခါ လုယွမ်ဝူ စောင့်ဆိုင်းနေလောက်ပြီ ဖြစ်သည်။

ထို့ကြောင့် စုရှင်းသည် သူ၏ ပုံပန်းသဏ္ဌာန်ကို ပြောင်းလဲပြီး သူ၏ တည်ရှိမှုကို ဖုံးကွယ်ကာ တောင်များအတွင်းသို့ ဦးတည်သွားခဲ့သည်။

…

"အကြီးအကဲ"

သဘောတူထားသော နေရာတွင် လုယွမ်ဝူသည် အချိန်အကြာကြီး စောင့်ဆိုင်းနေခဲ့ပြီး စုရှင်းကို လေးလေးစားစား နှုတ်ဆက်ခဲ့သည်။

စုရှင်းသည် ရသေ့တစ်ပါးလို အမူအရာမျိုးဖြင့် အနည်းငယ် ခေါင်းညိတ်လိုက်ပြီး ညင်သာစွာ မေးခဲ့သည်-

"ပစ္စည်းတွေ ယူလာခဲ့သလား။"

လုယွမ်ဝူသည် ထူးခြားသတ္တု တန်တစ်ထောင် ဖြစ်သော အပတ်သစ်၏ ကုန်ပစ္စည်းများကို လျင်မြန်စွာ ထုတ်ယူခဲ့ပြီး စုရှင်းသည်လည်း ဆေးလုံး တစ်သောင်းကို ထုတ်ယူပေးခဲ့သည်။

လုယွမ်ဝူက စုရှင်းသည် ပုံမှန်အတိုင်း ချက်ချင်း ထွက်ခွာလိမ့်မည်ဟု ထင်နေစဉ် စုရှင်းက ရုတ်တရက် မေးခဲ့သည်-

"ဒါနဲ့ မင်း နောက်ဆုံးအကြိမ်က ပြောခဲ့တဲ့ ထူးခြားသတ္တု တန် တစ်သောင်းကို ဘယ်တော့လောက် ရနိုင်မလဲ။"

လုယွမ်ဝူ၏ အိုမင်းသော မျက်နှာ နီရဲ သွားပြီး "အစောဆုံး သုံးပတ် ဒါမှမဟုတ် အကြာဆုံး တစ်လ အတွင်း ရရှိနိုင်ပါတယ်..." ဟု ပြောခဲ့သည်။

စုရှင်းသည် မျက်မှောင်ကြုတ်လိုက်ပြီး အနည်းငယ် မကျေမနပ် ဖြစ်ကာ "အရမ်းနှေးတယ်၊ မင်း ထူးခြားသတ္တု တန် တစ်သောင်းကို တစ်လခွဲအတွင်း ယူလာရမယ်" ဟု ပြောခဲ့သည်။

စုရှင်း၏ စကားကို ကြားသောအခါ လုယွမ်ဝူသည် ချက်ချင်း အလေးအနက် ဖြစ်သွားသည်။

စုရှင်းလို ရသေ့တစ်ပါးကို လုယွမ်ဝူသည် အနည်းငယ်မျှပင် ပြစ်မှားရန် မရဲဘဲ စုရှင်း စိတ်အလိုကျစေရန် နည်းလမ်းမျိုးစုံဖြင့်ပင် ကြိုးစားခဲ့သည်။

ထို့ကြောင့် လုယွမ်ဝူသည် လျင်မြန်စွာ ခေါင်းညိတ်ခဲ့ပြီး "ဟုတ်ကဲ့၊ တစ်လခွဲ အတွင်း ခင်ဗျားအတွက် ယူလာပေးပါ့မယ်" ဟု ပြောခဲ့သည်။

စုရှင်းသည် ဤစကားကို ကြားပြီးနောက် မကျေမနပ်ဖြင့် ခေါင်းညိတ်ကာ လှည့်၍ ထွက်ခွာသွားခဲ့သည်။

စုရှင်း ထွက်ခွာပြီးနောက် လုယွမ်ဝူသည် ဆေးလုံးများကို သူ၏ သိုလှောင်လက်စွပ်ထဲသို့ စုဆောင်းခဲ့ပြီး ရေရွတ်သည်-

"ဒီလို ရသေ့တစ်ပါးရဲ့ မျက်နှာသာပေးမှု သေးသေးလေးကတောင် ငါတို့ရဲ့ ရှားနိုင်ငံရဲ့ ခွန်အား၊ လူမျိုးနွယ်စု တစ်ခုလုံးရဲ့ ခွန်အားကို များစွာ တိုးမြှင့်ပေးနိုင်တယ်။"

"ငါ အကြီးအကဲရဲ့ လိုအပ်ချက်တွေကို ပြည့်မီအောင် ငါ့ရဲ့ အစွမ်းအစ အကုန်သုံးပြီး လုပ်ရမယ်။"

လုယွမ်ဝူသည် စုရှင်း၏ တောင်းဆိုချက်များကို တတ်နိုင်သမျှ ဖြည့်ဆည်းရန် ဆုံးဖြတ်ချက်ချခဲ့သည်။

ထိုအချိန်တွင် စုရှင်းသည် ဝိညာဉ်စိုက်ခင်းဂူသို့ အလျင်စလို ပြန်မသွားဘဲ သူ၏ ရုပ်သေး ကိုးကောင်ကို ဆင့်ခေါ်ခဲ့သည်။

သူတော်စင်ပုဂ္ဂိုလ် ဝမ်မူ၊ ရုပ်သေး ရှောင်ပိုင် နှင့် အခြား သန္ဓေတည်ဝိညာဉ် အထွတ်အထိပ် ရုပ်သေး ခုနစ်ကောင် ပါဝင်သည်။

ထို့နောက် စုရှင်းသည် ကာကွယ်ရေး အတွက် ဆဋ္ဌမအဆင့် အဆောင်လက်ဖွဲ့ အချို့ကို ရုပ်သေး တစ်ကောင်စီအား ပေးခဲ့သည်။

သူသည် ဤ ရုပ်သေးများအတွက် သက်တမ်းတိုး ဆေးလုံးများ နှင့် အဆင့်နိမ့် ဘဏ္ဍာများ အချို့ကိုလည်း ထုတ်ယူခဲ့သည်။

"ကောင်းကင် လျှို့ဝှက်နန်းတော် စီမံကိန်းကို အကောင်အထည်ဖော်ဖို့ အချိန်တန်ပြီ... မဟုတ်ရင် ငါ့ရဲ့ ကျင့်ကြံမှုအဆင့် တိုးလာတာနဲ့အမျှ စွမ်းအင်အတွက် ငါ့ရဲ့ လိုအပ်ချက်က ပိုပြီး မြင့်မားလာလိမ့်မယ်…”

…