သား၏ အမည် အတွက် အကြံဉာဏ် တောင်းခံခြင်း

"လေတိုက်နှုန်း ကောင်းတယ်၊ လားရာလည်း မှန်တယ်။ လမ်းဆုံလမ်းခွ ကင်းစခန်းကို ရောက်ဖို့ တစ်မိနစ်ပဲ လိုတော့တယ်။ ဗစ်တိုးရီးယားမြို့က စစ်သည်တော် အားလုံး။ ဗစ်တိုးရီးယားမြို့ရဲ့ ဂုဏ်ကျက်သရေ အတွက်။" ဗစ်တိုးရီးယားမြို့မှ တပ်မှူး တစ်ဦး ယာဉ်ပျံကြီးပေါ်မှ အော်ပြော လိုက်သည်။ ထိုဂိမ်းမာမှာ သူ၏ အခန်းကဏ္ဍတွင် နစ်မြုပ် နေခဲ့သည်။ နောက်ထပ် ဂိမ်းမာ တစ်ဦးမှာတော့ စစ်သီချင်းကို သီဆို နေခဲ့သည်။

"ခက်ခဲတဲ့ တိုက်ပွဲ တစ်ခု ရောက်လာတော့မယ်~ ငါတို့ရဲ့ လျှို့ဝှက် လက်နက်က မကြာခင်မှာ ပရမ်းပတာဖြစ်မှုကို ထုတ်လွှတ် တော့မယ်~"

ဖျံခေါင်းလင်ချောင်းမှာ စစ်သီချင်းက ဆွဲဆောင်မှု ရှိသည်ဟု တွေ့ရှိ ခဲ့သည်။

"ငါတို့ ပြုတ်ကျသေကြမှာလား။ လေထီးက အလုပ်ကော လုပ်ရဲ့လား။"

လှံထိုးခံရသူမှာ ဖျံခေါင်းလင်ချောင်း နှင့် နှိုင်းယှဉ်ကြည့်လျှင် စိုးရိမ်နေပုံ ရသည်။

"ဘာဖြစ်လို့ မင်း ကြောက်နေ တာလဲ။ အများဆုံး ပြုတ်ကျသေဆုံးရုံပဲ ရှိတာကို။ မင်းက ဘာပဲဖြစ်ဖြစ် တိုက်ပွဲမှာ သိပ်အသုံးမဝင်ပါဘူး။"

လှံထိုးခံရသူမှာ ဖျံခေါင်းလင်ချောင်း၏ မထီမဲ့မြင် ပြုသော လေသံကြောင့် မကျေမနပ် ဖြစ်သွားခဲ့သည်။ သူ ယာဉ်ပျံကြီး၏ အပြင်ဘက် နံရံကို ရိုက်ကာ ပြောလိုက်သည်။ "မင်း ဘာပြောနေတာလဲ။ ငါက အားကောင်းတဲ့ အာသာကို ကိုင်တွယ်နိုင်တဲ့ မဟာဗျူဟာမှူး တစ်ယောက်ပဲ။ မင်းဆို သူ့ကို တစ်ယောက်ချင်း တိုက်ခိုက်မှုမှာ အနိုင်ယူနိုင်မယ်လို့ ထင်နေ တာလား။"

"လူဆိုးလေးက အာသာကို ကိုင်တွယ်ဖို့ တာဝန်ယူထားတယ်။ သူ့ လက်နက်အဆင့်က အာသာထက် တစ်ဆင့် ပိုမြင့်ပြီး သူ့ ပစ္စည်း ကိရိယာတွေက အတူတူပဲ။ အဲ့ဒါက ဒဏ္ဍာရီ ခရမ်းရောင် ပစ္စည်းပဲလေ။ အာသာ လူဆိုးလေးကို အနိုင်ယူနိုင်မှာ မဟုတ်ဘူး။"

ဗစ်တိုးရီးယားမြို့မှ ဂိမ်းမာ တစ်ဦး အံ့ဩတကြီး ပြောလိုက်သည်။ "ဘာလဲ။ အာသာရဲ့ လက်နက်အဆင့်က အဆင့် ၉ ရောက်ပြီလား။ ဒီလောက်တောင် မြန်တာလား။ သူ့ လက်နက်အဆင့်က အဆင့် ၆ ဒါမှမဟုတ် ၇ မဟုတ်ဘူးလား။"

"ချမ်းသာတဲ့ ဂိမ်းမာတွေ သူတို့ရဲ့ လက်နက်အဆင့်ကို အရမ်း မြန်မြန် အဆင့် မြှင့်တင်နိုင်တာက ပုံမန်ပဲ။ နောက်ဆုံးတော့ သူတို့ ထူးဆန်းတဲ့ တွေ့ကြုံမှုတွေကို ဖြစ်ပေါ်စေဖို့ ပိုက်ဆံ သုံးနိုင်တယ်လေ။ မင်းတို့ မှော်ကျောက်တုံးတွေ ပေးနိုင်ရင် တိုက်ခိုက်ရေး စွမ်းရည်တွေ သင်ကြားပေးမယ့် အားကောင်းတဲ့ ဆောင်းတောင်ကုန်းမြို့က စစ်သည်တော်တွေ အများကြီး ရှိတယ်လို့ ငါ ကြားဖူးတယ်။ ထာဝရတိုင်းပြည်က ဂိမ်းမာ အများစုက သူတို့ကို ချဉ်းကပ်ပြီး တိုက်ခိုက်ရေး စွမ်းရည်တွေ သင်ခဲ့ကြတယ်တဲ့။"

"ငါတို့ လန်ဆလော့ကလည်း တော်တော် အားကောင်းပါတယ်။ လန်ဆလော့က လူဆိုးလေးကို အနိုင်ယူခဲ့တယ် မဟုတ်ဘူးလား။ ငါတို့ လန်ဆလော့ကို ငါတို့ကို သင်ကြားပေးဖို့ တောင်းဆို နိုင်တာပဲလေ။"

"မေ့လိုက်ပါကွာ။ လန်ဆလော့က ယော့ခ်နယ်စားကြီးရဲ့ ရဲတိုက်မှာ သူ့ ဇနီးကို အဖော်လုပ်ပေး နေတယ်။ သူ့မှာ ငါတို့အတွက် အချိန်ရှိမှာ မဟုတ်ဘူး။"

"မြို့စားဂွီနီဗီယာက အမျိုးသား မဟုတ်ဘူးလား။ လန်ဆလော့က လိင်တူတိမ်ထူ နေတာလား။"

"ဖြစ်နိုင်ပါတယ်။ ဂိမ်းက အမ်ပီစီ တစ်ယောက်ကို တစ်စက္ကန့်အတွင်းမှာတင် အမျိုးသမီး တစ်ယောက်အဖြစ် ပြောင်းလဲ ပေးပစ်နိုင်တယ်လေ။"

"မဟုတ်လောက်ဘူး၊ ဂိမ်းအရာရှိတွေက တိမ်ထူတဲ့ လမ်းဘက်ကို သွားနေတာ ဖြစ်နိုင်တယ်။ ဒါက အရမ်း ခေတ်စားနေတာပဲဟာ။ အိုတာကုတွေတောင် ကြိုက်ကြတယ်။"

"မင်းက အိုတာကု အားလုံးကို စွပ်စွဲနေတာပဲ။"

ဗစ်တိုးရီးယားမြို့မှ ဂိမ်းမာများမှာ ယခု စစ်မြေပြင် အပေါ်မှ ယာဉ်ပျံကြီးများ ပေါ်တွင် ရူးသွပ်စွာ စကားပြောဆို နေခဲ့ကြသည်။ အကယ်၍ သူတို့သာ လေထီးများကို အသုံးပြု၍ ရန်သူ့ နယ်နိမိတ် နောက်ကျောဘက်တွင် ဆင်းသက်ပြီး ထာဝရတိုင်းပြည်မှ ဂိမ်းမာများကို ဝင်တိုက်ခိုက် နိုင်ခဲ့ပါက ၎င်းမှာ အလွန် ထိခိုက်မှု ပေးနိုင် ပေလိမ့်မည်။ ထာဝရတိုင်းပြည်မှ ဂိမ်းမာများ အထူးသဖြင့် သူတို့ သေဆုံးရန် မတတ်နိုင်သည့် အခါတွင် အသတ်ခံလိုက်ရပါက အလွန် လျင်မြန်စွာ စိတ်ဓာတ် ကျဆင်းသွား ပေလိမ့်မည်။

"အဖွဲ့ဝင် အားလုံး၊ လေထီးတွေနဲ့ ခုန်ချဖို့ အသင့်ပြင်ကြပါ။" တပ်မှူး အော်ပြော လိုက်သည်။ သီချင်းဆိုနေသော ဂိမ်းမာက လက်မထောင်ပြကာ သူ၏ လေထီး နှင့်အတူ ခုန်ချလိုက်ရာ လေထီးမှာ မပွင့်သွားခဲ့ပေ။ သူက စက္ကန့် ၃၀ အတွင်း မြေပြင်ပေါ်သို့ ကားယားကြီး ပြုတ်ကျ သွားခဲ့သည်။

လှံထိုးခံရသူမှာ သူမြင်လိုက်ရသော အရာကြောင့် ထိတ်လန့် သွားခဲ့သည်။ သို့သော် ၎င်းမှာ ချီတုံချတုံ ဖြစ်ရန်အချိန် မဟုတ်ခဲ့ပေ။

ဂိမ်းမာ များစွာ သူတို့၏ လေထီးများဖြင့် ခုန်ချခဲ့ကြသည်။ ယာဉ်ပျံကြီးများ၏ လားရာကို ထိန်းချုပ်နိုင်သော်လည်း သူတို့ အရှိန်မြှင့်တင်နိုင်ခြင်း မရှိခဲ့ပေ။ ယာဉ်ပျံကြီးများမှာ အရှိန်အပြည့်ဖြင့် ပျံသန်းနေသော်လည်း လမ်းဆုံလမ်းခွ ကင်းစခန်းအပေါ်မှ ကောင်းကင်သို့ ယခုမှ ရောက်ရှိလာခဲ့ခြင်း ဖြစ်၏။

လှံထိုးခံရသူမှာ ချီတုံချတုံ မဖြစ်ခဲ့ပေ။ သူ သူ၏ ပြည့်စုံသော တိုက်ပွဲ အစီအစဉ်ကို ပြန်စဉ်းစားရင်း သူ၏ လေထီး နှင့်အတူ ခုန်ချလိုက်သည်။ သူ သတ်ဖြတ်မှုများနှင့် ပစ္စည်း ကိရိယာများ လုယက်ခြင်းကို မစတင်မီ အဓိက အင်အားစု နှင့်အတူ လူပြန်စု ပေလိမ့်မည်။

ထို့နောက် သူ ထာဝရတိုင်းပြည်မှ အားကောင်းသော စစ်သည်တော် တစ်ဦးနှင့် ကြုံတွေ့ ပေလိမ့်မည်။ ပြင်းထန်သော တိုက်ပွဲ တစ်ခု ဆင်နွှဲပြီးနောက် သူ၏ ပြိုင်ဘက်ကို သတ်ဖြတ်လိုက်ပြီး သူက ဗစ်တိုးရီးယားမြို့၏ သူရဲကောင်းဖြစ်လာ ပေလိမ့်မည်။

ထိုအရာမှာ လှံထိုးခံရသူ၏ အစီအစဉ်ပင်။ သူ၏ လေထီးချို့ယွင်းမှု မရှိခဲ့ပါက သူ၏ အောင်မြင်နိုင်မှု အခွင့်အလမ်းမှာ အလွန် မြင့်မား နေခဲ့သည်။

"အား—။"

သူ၏ စိတ်ပျက်လက်ပျက်မှု၊ ဒေါသနှင့် မကျေမနပ် ဖြစ်ခြင်း ရောနှောနေသော ခံစားချက်များ ဖြစ်နေရင်း လှံထိုးခံရသူမှာ ပြုတ်ကျသေဆုံး သွားခဲ့သည်။ သူ၏ လေထီးမှာ သူအတွေး လွန်နေခဲ့သောကြောင့် အလွန် နောက်ကျမှ ပွင့်ခဲ့သည်။

သူ့ လေထီးပွင့်ခဲ့လျှင်ပင် ၎င်းမှာ အသုံးမဝင်နိုင်ပေ။ လေထီးမှာ ချို့ယွင်း နေခဲ့သည်။