စနစ်ဆုလာဘ်၊ ကျင်ကြံခြင်းနည်းလမ်းတစ်ရာ

နတ်ဆိုးများကို ဖျက်ဆီးရန် တိုက်ပွဲသည် ရက်ပေါင်းများစွာ ကြာမြင့်ခဲ့ပြီး ကောင်းကင်ကို မတူညီသော အရောင်များ ပြောင်းလဲစေခဲ့သည် ။

လူသားကျင့်ကြံသူစစ်တပ်သည် စိတ်ဓာတ်ကျနေသည့်နတ်ဆိုးစစ်တပ်ကို ဆန့်ကျင် တိုက်ခိုက်ရာတွင် အားသာချက်ရှိပြီးဖြစ်သောကြောင့် ၎င်းစစ်ပွဲ၏ရလဒ်သည် ထိုကဲ့သို့ ကောင်းမွန်သည့်အခြေအနေတွင် မည့်သည့်အနှောက်အယှက်မှမရှိခဲ့သည်မှာ သဘာဝပင်ဖြစ်ပါသည်။

နောက်ဆုံး တာအိုပေါင်းစည်းခြင်းနတ်ဆိုးခေါင်းဆောင်သည် ရှန်းရူယန်၏ လျှပ်စီးငါးပါးမသေမျိုးရန်နှိမ်ဓား၏ အောက်တွင် ကျဆုံးသွားပြီးနောက် နတ်ဆိုးတစ်ကောင်မှ ထိုဧရိယာတွင် လုံးဝ မတွေ့ရတော့ပေ။

အက်ကွဲနေသော မြေကြီးပေါ် တွင် နတ်ဆိုးအသား အပိုင်းအစများသည် နေရာအနှံ့ ပျံနှံ့နေပြီး အနက်ရောင်သွေးများ မြစ်ပေါ်တွင် စုပုံနေကြသည်။

တာအိုပေါင်းစည်းခြင်းနတ်ဆိုးခေါင်းဆောင် ငါးဦး၏ အလောင်းများသည် အထူး သိသာထင်ရှားနေကာ ပြင်းထန်စွာ ဒဏ်ရာရနေပြီး မိုင်းပေါက်ကွဲထားသောတောင်တန်းများနှင့် ဆင်တူနေ၍ ၎ င်းတို့၏ နတ်ဆိုးရောင်ဝါများသာလျှင် ၎ င်း တို့ ၏ တစ်ချိန်က ဘုန်းကြီးသော တည်ရှိမှုကို ပပျောက်သွားရန်ရန် ဆန္ဒမရှိဘဲ ကျန်နေလေသည်။

မရေတွက်နိုင်သော ဟောက်ရန်ဂိုဏ်းနှင့် လောကသစ်မှကျင့်ကြံသူများသည် ဤမြင်ကွင်းကို အလွန်ယုံကြည်ရန်ခက်ခဲနေလေသည် ။

နှစ်ပေါင်းများစွာ နတ်ဆိုးများကို တိုက်ခိုက်ပြီးနောက် ထိုနတ်ဆိုးများ၏ ကြက်သီးထစေသော ရက်စက်မှုနှင့် ကြမ်းကြုတ်မှုတို့အားသိပြီးဖြစ်ပါသည်။

ယခုမူ လောကသစ်တွင် မရေတွက်နိုင်သောလူသားကျင့်ကြံသူများကိုသတ်ဖြတ်ကာ များစွာသော ရတနာများကိုလုယူထားသော ထိုနတ်ဆိုးများအား သတ်ဖြတ်ကာ ဖျက်ဆီးခဲ့ပြီဖြစ်သည်။

သောင်းနှင့်ချီသော နတ်ဆိုးတပ်သားများတွင် အသက်ရှင်ကျန်ရစ်သူ တယောက်မှ မရှိဘဲ အားလုံး ဖျက်ဆီးခံခဲ့ရလေသည်။

အသူရာနတ်ဆိုးများနှင့်တိုက်ခိုက်ခြင်းသည် ဆယ်စုနှစ်ကျော်ကြာ ဆက်တိုက်ဖြစ်ခဲ့ပြီး သူတို့သည် ယနေ့ကဲ့သို့ ကြီးမားသောအောင်မြင်မှုရလဒ်ကို မရခဲ့ဖူးပါ။

ထို့အပြင် ဤသောင်းချီသော နတ်ဆိုးစစ်တပ်သည် အစပိုင်းတွင် စစ်မြေပြင်မှ လျှို့ဝှက်ဆုတ်ခွာရန် စီစဉ်ထားခဲ့ကြလေသည် ။

သူတို့သည် နတ်ဆိုးခံတပ်သို့ပြန်လည်ဆုတ်ခွာနိုင်သွားလျှင် သုတ်သင်ရန်မှာ အဆပေါင်းများစွာ ခက်ခဲသွားမည်ဖြစ်ပါသည်။

မည်သို့ပင်ဖြစ်စေ ဤတိုက်ပွဲတွင် ကျန်းချန်ရွှမ်နှင့် ရှန်းရူယန်တို့သည် အဓိကအခန်းကဏ္ဍမှ ပါ၀င်ခဲ့ပြီး လောကသစ်၏ နတ်ဆိုးများကိုဆန့်ကျင်သောစစ်ပွဲတွင် အံ့သြဖွယ်ရလဒ်ကို ဖန်တီးနိုင်ခဲ့သည် ။

သို့သော်လည်း ယခုအချိန်တွင် ကျန်းချန်ရွှမ်၏ အာရုံစူးစိုက်မှုက သူ့စိတ်ထဲမှ စနစ်၏ အသံတွင်သာ ရှိနေပါသည်။

နတ်ဆိုးများကိုသုတ်သင်ပယ်ရှားပြီးနောက် နတ်ဆိုးတစ်ထောင်ကိုသတ်ဖြတ်ရန်တာဝန်သည် ပြည့်စုံသွားပြီး သူ၏ဆုလာဘ်ကိုရရှိခဲ့ပါသည်။

[ဒင်]

[အသူရာနတ်ဆိုးတစ်ထောင်ကို သတ်နိုင်တဲ့အတွက်ဂုဏ်ယူပါတယ်၊ host။

စနစ်မှဆုလာဘ်ကိုလက်ခံရရှိပါတယ်။ ကျင်ကြံခြင်းနည်းလမ်းတစ်ရာဆေးလုံး သုံးလုံး။ သောက်သုံးပြီးနောက် ကျင့်ကြံခြင်းနည်းလမ်းတစ်ရာ အရည်အချင်းကို ချိုးဖောက်နိုင်မည် ဖြစ်သည်။

[သို့သော် ၊ ဤနည်းလမ်းမှတစ်ဆင့် အောင်မြင်မှုရရှိသော ကျင့်ကြံခြင်းနည်းလမ်းသည် စနစ်ဆုလာဘ်များကို ထပ်မံရရှိနိုင်မည်မဟုတ်ပါ ။]

စနစ်၏ကြေငြာချက်ကို ကြားရသောအခါ ကျန်းချန်ရွှမ်သည် သူသည် တန်ဖိုးရှိသည့်အရာကို ရရှိခဲ့သည်ကိုသိခဲ့ရသည်။

ကျင့်ကြံခြင်းနည်းလမ်းအဆင့်ကို တိုက်ရိုက် မြှင့်တင်ပေးနိုင်သော ကျင့်ကြံခြင်းနည်းလမ်းတစ်ရာ သည် လုံးဝအံ့အားသင့်စရာကောင်းပါသည် ။

ကျင့်ကြံခြင်းနည်းလမ်းတိုင်းသည် ပိုမိုမြင့်မားသော အဆင့်တစ်ခုသို့ ရောက်ရှိရန် ကိုယ်ပိုင်နားလည်မှုနှင့် အလေ့အကျင့်တစ်ခု လိုအပ်သည် ။

ကျင့်ကြံရေးတွင် အနည်းငယ်ထိုးထွင်းသိမြင်မှုလိုအပ်ပြီး ဓမ္မစွမ်းအားနှင့် တာအိုစုဆောင်းခြင်းဖြင့် ကျော်လွှားနိုင်သော အသေးစားထိုးဖောက်မှုများနှင့်မတူဘဲ ကျင့်ကြံခြင်းနည်းလမ်းကို ချိုးဖောက်ခြင်းသည် မိမိကိုယ်ကိုသတိပြုခြင်းကဲ့သို့ အဆင့်မြင့်အောင်မြင်မှုလိုအပ်ပါသည်။

သို့သော် ကျင့်ကြံခြင်းနည်းလမ်းတစ်ရာဆေးလုံးသည် ထိုအသိပညာကိုပေးနိုင်ပေသည်။ ကျန်းချန်ရွှမ်သည် အဘယ်ကြောင့်မအံ့သြရမည်နည်း?

ဤဆေးလုံးဖြင့် ရရှိခဲ့သော အောင်မြင်မှုများသည် စနစ်ဆုများအတွက် အရည်အချင်းပြည့်မီမည် မဟုတ်သော်လည်း ၎ င်းတို့ ၏ တန်ဖိုးမှာ ကြီးမားနေဆဲဖြစ်သည် ။

အဆင့်မြင့်များသို့ရောက်လာသည်နှင့် အမျှ ချိုးဖောက်မှုများသည် ပို၍ခက်ခဲလာပြီး တစ်ခါတစ်ရံတွင် အနည်းငယ်ထိုးဖောက်ရန်ပင် နှစ်ပေါင်းရာချီကြာမြင့်တတ်ပါသည်။

ရှေ့ဆက်သွားရန်အတွက် သူ၏အဆင့်ပိုမြင့်လာကာ ၎င်းသည် သူ၏ကျင့်ကြံခြင်းအဆင့်အား သူ၏ကျင့်ကြံခြင်းတိုးတက်မှုဖြင့် အရှိန်မြင့်ရမည်မှာ စိန်ခေါ်မှုဖြစ်လာလိမ့်မည်ဖြစ်သည်။

စနစ်ကပေးသော ဆုလာဘ်ဖြစ်သည့် ကျင့်ကြံခြင်းနည်းလမ်းတစ်ရာဆေးလုံးသည် ကျန်းချန်ရွှမ်အတွက် အနာဂတ်ပြဿနာများကို သိသာစွာဖြေရှင်းပေးမည်မှာသေချာပါသည်။

လက်ရှိတွင် သူ၏ကျင့်ကြံခြင်းနည်းလမ်းများဖြစ်သည့် အဂ္ဂိရတ်၊ အသုံးအဆောင်ပစ္စည်းသန့်စင်ခြင်း၊ အစီအရင်ပြုလုပ်ခြင်းနှင့် အဆောင်ပြုလုပ်ခြင်းအားလုံးသည် အဆင့် ခုနစ်တွင် ရှိနေပါသည်။

၎ င်းတို့သည် တာအိုပေါင်းစည်းမှုနယ်ပယ်အောက်ရှိ ကျင့်ကြံသူများအတွက်များစွာ အထောက်အကူပြုလိမ့်မည် ဖြစ်သည်။

ယခု တာအိုပေါင်းစည်းခြင်းအဆင့်တွင် သူ၏ လက်ရှိကျွမ်းကျင်မှုသည် အနည်းငယ် အရေးမပါတော့သည်မှာ သေချာပါသည် ။

သို့သော် ထိုအရည်အချင်းမျး၌ အဆင့် ရှစ်သို့တက်နိုင်လျှင် အရာအားလုံးပြောင်းလဲသွားလိမ့်မည် ဖြစ်သည်။

ကွဲပြားခြားနားသော ကျင့်ကြံခြင်းအရည်အချင်းများသည် အချင်းချင်းဖြည့်ဆည်းပေးခြင်းဖြင့် သူ ၏ ကျင့်ကြံရေးလမ်းကြောင်းသည် အခြားသူများကို တူညီသောအဆင့်တွင် ကျော်လွန် သွားလိမ့်မည်မှာ သေချာပါသည် ။

သူ ၏ စိတ်ကို တဖြည်းဖြည်းပြန်လည်အာရုံစိုက်ရင်း ကျန်းချန်ရွှမ်သည် ကျင့်ကြံခြင်းဆေးလုံးများ ကို သိမ်းလိုက်ပြီး သူ၏အာရုံကို ပြင်ပလောကသို့ ပြန်လှည့်လိုက်သည် ။

ဤအချိန်တွင် တိုက်ပွဲသည်လုံးဝပြီးဆုံးသွားပြီး လူသားကျင့်ကြံသူများအားလုံးသည် ကျန်းချန်ရွှမ်၏ ညွှန်ကြားချက်များကိုစောင့်ဆိုင်းနေကြသည် ။

နောက်ဆုံးတွင် ကျန်းချန်ရွှမ်သည် လှုပ်ရှားလိုက်သည်ကို မြင်သောအခါ သူတို့သည် မျှော်လင့်ချက်ရှိသော အမူအရာများကို ချက်ချင်း ပြသခဲ့ကြသည် ။

“ဒုဂိုဏ်းချုုပ်၊ နတ်ဆိုးစစ်တပ်ကို လုံးဝဖျက်ဆီးလိုက်ပါပြီ။ နောက်ဘာဆက်လုပ်ရမလဲ ။"

ထိုအချိန်တွင် အကူညီပေးရန်ရောက်လာသည့် ဟောက်ရန်ဂိုဏ်းမှအကြီးအကဲသည်ရှေ့သို့ထွက်ကာ ပြောလိုက်လေသည်။

သူ၏ အမူအရာက အလွန်စိတ်လှုပ်ရှားနေပြီး သူ၏ အသံသည် တုန်လှုပ်သွားသည် ။

ဟောက်ရန်ဂိုဏ်းမှ အသစ်ခန့်အပ်ထားသော ဒုဂိုဏ်းချုပ်နှင့် ပတ်သက်၍ အထူးသဖြင့် ကျန်းချန်ရွှမ် ရောက်ရှိလာချိန်တွင် လူကို မတွေ့ရသေးဘဲ တပ်ဖွဲ့များကို စေလွှတ်ရန် သတင်းစကားသာ ပေးပို့ခဲ့သောကြောင့် အစပိုင်း၌ သံသယဖြစ်မိလေသည်။

အကယ်၍ ဟောက်ရန်ဂိုဏ်းအတွင်းမှ ကျန်းချန်ရွှမ်၏ဂုဏ်သတင်းနှင့် သူ၏ဆရာသည် မဟာယာနတာအိုအရှင်မဟုတ်ခဲ့လျှင် သူသည် ထိုကဲ့သို့လူများစွာကို အကူအညီပေးရန် အမိန့်ပေးနိုင်လိမ့်မည်မဟုတ်ပါ။

သူ ၏ အမိန့်များကို လျစ်လျူရှုခြင်း ၏ အကျိုးဆက်များကို တွေးတောရင်း ကျန်းချန်ရွှမ်၏ အင်အားသည် အမှန်တကယ် မည်မျှ ကြောက်မက်ဖွယ်ကောင်းသည်ကို ယခုမှသာ သူနားလည်ခဲ့သည် ။

အကယ် ၍ ဤစစ်ပွဲကို နှောင့်နှေးခဲ့လျှင် သူသည်ဟောက်ရန်ဂိုဏ်းနှင့် လူလောက၌ပင် အပြစ်သားဖြစ်သွားနိုင်ပါသည်။

သို့သော် ကျန်းချန်ရွှမ်သည် သူ၏အတွေးကိုသတိမထားမိသောကြောင့် သူသည် စိတ်လှုပ်ရှား နေသည်ဟုပင် ထင်ကာ ပြောလိုက်လေသည်။

"အခုပြီးသွားပြီဆိုတော့ စစ်မြေပြင်ကိုရှင်းလင်းကြရအောင်။ အခြားနတ်ဆိုးအင်အားစုတွေက ကျုပ်တို့ကို သတိမထားမိကြဘူး။ ဒါကြောင့် ကျုပ်တို့ဟာ မဆင်မခြင်နဲ့ တိုက်ပွဲဝင်ကြမှာ မဟုတ်ပါဘူး ။”

ဤအချိန်တွင် ကျန်းချန်ရွှမ်သည်အလွန်သတိထားခဲ့သည် ။

သူသုတ်သင်လိုက်သည့် သောင်းနှင့်ချီသောအသူရာနတ်ဆိုးများသည် များစွာသောဧရိယာများမှ တပ်များဖြစ်ကြောင်း သူသိပါသည်။

၎ င်းသည် လူသားအစောင့်တပ်စခန်း ၄ ခု သို့မဟုတ် ၅ ခုကို ချက်ချင်းလွတ်မြောက်စေခြင်းနှင့် ညီမျှသည် ။

၎င်းတိုက်ပွဲတစ်ခုတည်းက အသူရာနတ်ဆိုများ၏အစီအစဉ်များကို ပျက်စီးစေနိုင်ပါသည်။ စွန့်စားမှုထပ်ယူရန် မလိုအပ်တော့ပါ။

သူ ၏ စကားများကို ကြားလိုက်ရသောအခါ အစောပိုင်းတွင် စိတ်အားထက်သန်နေသည့် ကျင့်ကြံသူစစ်တပ်သည် ငြိမ်သက်သွားသည် ။

အမှန်တကယ်လည်း ထိုနည်းတူပင် ဖြစ်သည် ။ ယခုအချိန်တွင် ကျန်းချန်ရွှမ်ကိုပိုမိုလေးစားရန်မှ လွဲ၍ သူတို့မကူညီနိုင်ပါ ။

ခေါင်းဆောင်ကောင်းတစ်ယောက်သည် ရဲစွမ်းသတ္တိနှင့်ခွန်အားများ လိုအပ်ရုံသာမက မည်သည့်အချိန်မှာ နောက်ဆုတ်ပြီး ရှေ့ဆက်ရမည်ကိုသိပါသည်။

ယခုအချိန်တွင် စခန်း၌နေခြင်းက အကောင်းဆုံးရွေးချယ်စရာဖြစ်သည်မှာသေချာပါသည်။

ထို့ကြောင့် ယခုအချိန်သည် စစ်မြေပြင်အားရှင်းလင်းရမည့်အချိန်ဖြစ်ပါသည်။

သူတို့သည် နတ်ဆိုးများမှ လုယူထားသည့် သယံဇာတများနှင့် ရတနာများအား သိမ်းယူပြီး သူတို့၏အလောင်းများအား ရှင်းလင်းရန်လိုအပ်ပါသည်။

အသူရာနတ်ဆိုးများ၏ တည်ရှိမှုသည် သေခြင်း၌ပင် ညစ်ညမ်းစေသည် ။

လောကသစ်တွင် အသူရာနတ်ဆိုးများကျန်ရစ်ခဲ့သော နတ်ဆိုးစည်းမျဉ်းများအား တဖြည်းဖြည်းနှင့် ရှင်းလင်းရမည်ဖြစ်သည်။

အသူရာနတ်ဆိုးခေါင်းဆောင်ငါးဦးအတွက်မူ ကျန်းချန်ရွှမ်က သုံးဦး၊ ရှန်းရူယန်က တစ်ဦး နှင့် အဆင့်မြင့်လူသားကျင့်ကြံသူတစ်ဦးက ကိုင်တွယ်ခဲ့သည်။

နတ်ဆိုးများ၏ အလောင်းများကို ဖျက်ဆီးရန် ၎ င်းတို့ကိုယ်ပိုင်တာအိုကို ထုတ်ဖော်ခဲ့ပြီး ၎ င်းတို့ ၏ တာအိုနှင့်အတူ အသုံးပြုခဲ့သော နတ်ဆိုးအသုံးအဆောင်ပစ္စည်းးများကို တံဆိပ်ခတ်ခဲ့လေသည် ။

သောင်းနှင့်ချီသော နတ်ဆိုးများကို ဖျက်ဆီးခဲ့သောထိုတိုက်ပွဲသည် အင်မတန်မှ အကျိုးရှိခဲ့ပါသည်။

***