တာအိုနက်နဲခြင်းအဆင့်၏ စွမ်းအား၊ လူတိုင်းကိုကောင်းချီးပေးခြင်း

တိမ်တိုက်မြူတောင်ထိပ်တစ်ဝိုက်တွင် ကျင့်ကြံသူများသည် ပို၍စုဝေးလာကြသည်နှင့် ထိုဧရိယာသည် လူထူထပ်လာလေသည်။

ဂိုဏ်းချုပ်နှင့် အကြီးအကဲများမှ သာမန်တပည့်များအထိ ထိုအခြေအနေအားဆွေးနွေးကြခြင်းသည် အဆုံးမရှိပါ။

"ဟေ့ ၊ ဒါက ဘယ်အကြီးအကဲရဲ့ဂူလဲ၊ ဒီမှာ ဘာဖြစ်နေတာလဲ?"

“ဒါက ကျုပ်တို့ဂိုဏ်းရဲ့ ဒုဂိုဏ်းချုပ် ကျန်းချန်ရွှမ်ရဲ့ဂူပါ။ သူက တာအိုနက်နဲအဆင့်ကို ဖြတ်ကျော်တော့မယ်လို့ ပြောတယ်။"

"အာ? ဒုဂိုဏ်းချုပ်ကျန်းလား? သူ့အကြောင်းကို ကျွန်တော် ကြားဖူးပါတယ် ။ သူဟာ မကြာခင်မှာ ကျွန်တော်တို့ ဟောက်ရန်ဂိုဏ်းရဲ့ အနာဂတ် ဂိုဏ်းချုပ်ာ် ဖြစ်လာတော့မယ်လို့ ပြောကြတယ်။"

ဟောက်ရန်ဂိုဏ်း၏ တပည့်များသည် နယ်မြေငါးခုစစ်ပွဲနှင့် စစ်ပွဲအမျိုးမျိုးတွင် ရရှိခဲ့သောအောင်မြင်မှုများ သာမက ၎င်း၏ အံ့အားသင့်ဖွယ်ကောင်းသော ကျင့်ကြံရေးတိုးတက်မှုနှုန်း အတွက် နှစ်ပေါင်းများစွာကျော်ကြားလာသော ကျန်းချန်ရွှမ်အကြောင်း ဆွေးနွေးခဲ့ကြသည်။

ကျန်းချန်ရွှမ်ထက် အစောပိုင်းက ဂိုဏ်းသို့ဝင်ခဲ့ကြသော တပည့်အများအပြားသည် ပါရမီရှင်များအဖြစ် သတ်မှတ်ခံရသော်လည်း တာအိုပေါင်းစည်းခြင်းအဆင့်သို့ မရောက်ရှိသေးပါ။

သို့သော်လည်း ကျန်းချန်ရွှမ်၏ နောက်တွင် ဤစွမ်းရည်များသည် သာမန်ဖြစ်ပုံရကာ သူသည် ကြောက်မက်ဖွယ်ကောင်းသော ပါရမီရှင်တစ်ဦးဖြစ်ပါသည်။

လက်ရှိတွင် ဟောက်ရန်ဂိုဏ်းအတွက်မူ ကျန်းချန်ရွှမ်သည် အသက်ရှင်နေသောဒဏ္ဍာရီတစ်ပုဒ်ဖြစ်ပြီး သူတို့၌ရှိသော အနီးကပ်ဆုံးရှိကာ အနာဂတ်တွင် မဟာယာနတာအိုအဆင့်ကို ရောက်နိုင်ချေ များပါသည်။

ဟောက်ရန်ဂိုဏ်း၏ တပည့်များအနေဖြင့် သူ၏ ရောက်ရှိခြင်းကြောင့် ဂုဏ်ယူခဲ့ကြသည်။

အနီးအနားရှိ ကောင်းကင်တွင် ရင်းနှီးနေသော ပုဂ္ဂိုလ်နှစ်ဦး၏ပုံရိပ်သည် ဘေးချင်းယှဉ်ရပ်ကာ တိမ်တိုက်မြူတောင်ထိပ်သို့ကြည့်နေကြသည်။

"ဂျူနီယာမောင်လေး ချန်ရွှမ်ပဲ။"

၎ င်းတို့သည် ကျန်းချန်ရွှမ်၏စီနီယာအစ်ကိုနှင့်အစ်မ ရှီရှန်းယောင်နှင့် ကျောက်ထျန်းဖန်တို့ဖြစ်သည် ။

၎င်းတို့သည် ကျန်းချန်ရွှမ်၏ ကြီးထွားမှုနှင့် ဟောက်ရန်ဂိုဏ်း၏ ဒဏ္ဍာရီတစ်ပုဒ်မွေးဖွားလာခြင်းကို မြင်တွေ့ခဲ့ရသည်။ သူတို့၌ ရောထွေးသော ခံစားချက်များရှိခဲ့သည်။

သူတို့၏ မျက်လုံးများ၌ အားကျမှု၊ အထင်ကြီးမှု၊ လေးစားမှုတို့ဖြင့် ပြည့်နှက်နေသည် ။

ကျန်းချန်ရွှမ်က ဂိုဏ်းသို့ပထမဆုံးရောက်ရှိခဲ့သည့်အချိန်က သူတို့သည် သူ့အားစောင့်ရှောက်ခဲ့ရသည်။

သို့သော် သူတို့သည် သူတို့၏ဂျူနီယာမောင်လေး ကျန်းချန်ရွှမ်ကို မော့သာကြည့်ရတော့မည်ဖြစ်သည်။

၎င်းသည် ကျင့်ကြံခြင်းလမ်းဖြစ်ပြီး အင်အားကြီးသူက ထိပ်တွင်ဖြစ်ကာ အရည်အချင်းက လမ်းတစ်ခုပင်ဖြစ်ပါသည်။

ကြိုးပမ်းအားထုတ်မှု ၊ ဉာဏ်ရည်ဉာဏ်သွေးနှင့် အချိန်များသည် လူသားများအတွက် ကိရိယာများပင် ဖြစ်ကာ ပါရမီရှင်များက လိုက်မီနိုင်ပါသည်။

သို့သော် စစ်မှန်သည့်ပါရမီရှင်သည် ရိုးရှင်းစွာဖြင့် သူတို့၏ကံကြမ္မာလမ်းကိုပင် လိုက်ကာ လူတိုင်းကို နောက်တွင်ချန်ခဲ့နိုင်သည်။

ဂျုန်း...

ရုတ်တရက် တိမ်တိုက်မြူတောင်ထိပ်မှ ပိုမိုကြီးမားသော မငြိမ်မသက်မှုတစ်ခု ပေါ်ပေါက်လာသည် ။

သက်တန့်အလင်းများသည် တိမ်တိုက်များဖွဲ့စည်းပြီး ထူးခြားသောရောင်ဝါတစ်ခုသည် တာအို၏မူလ အနှစ်သာရကို သယ်ဆောင်ကာ အမြင့်မားဆုံးဥပဒေများ ၏ စွမ်းအားနှင့် ပြည့်နှက်လျက် ဟောက်ရန်ဂိုဏ်းတစ်ခုလုံးတွင် ချက်ချင်းပျံ့နှံ့သွားခဲ့သည် ။

ဤအလင်းရောင်တွင် ဟောက်ရန်ဂိုဏ်းမှတပည့်များသည် ၎င်းတို့၏ စိတ်များပွင့်သွားသည်ကို ခံစားခဲ့ရပြီး အများအပြားသည် ဉာဏ်အလင်းရရှိကာ ထိုနေရာတွင် အောင်မြင်မှုများ ရရှိခဲ့ကြသည် ။

တာအိုပေါင်းစည်းခြင်းအဆင့်ရှိ အကြီးအကများပင် တာအို၏ နက်ရှိုင်းသော ထိုးထွင်းသိမြင်မှုများကို ရရှိခဲ့သည် ။

"အံ့သြစရာကောင်းလိုက်တဲ့ရောင်ဝါပဲ။ ဒါက ဘယ်လိုတာအိုမျိုးလဲ? ထူးခြားလိုက်တာ။" တာအိုပေါင်းစည်းခြင်းအကြီးအကဲတစ်ဦးက ပြောလိုက်လေသည်။

ဖန်ဆင်းခြင်း၏ မျိုးစေ့မှ ထုတ်လွှတ်သောရောင်ဝါ၏ လွှမ်းမိုးမှုအောက်တွင် သူ ၏ နယ်ပယ်အတားအဆီးကို အနည်းငယ် ဖြေလျှော့လိုက်သည်ဟု ခံစားခဲ့ရသည် ။

ကျန်းချန်ရွှမ်၏ တာအိုနက်နဲအဆင့်သို့ ထိုးဖောက်မှုသည် သူ့အပေါ် မမျှော်လင့်ထားသော အကျိုးသက်ရောက်မှု ရှိခဲ့သည် ။

အကယ်၍ ထိုထက်ပိုသော ရောင်ဝါများသာ ရှိခဲ့လျှင် သူ့၏ကိုယ်ပိုင်အောင်မြင်မှုက ထင်ထားသည်ထက် နှစ်ပေါင်းရာချီစောပြီး ရောက်လာနိုင်ပါသည်။

သူ၏ အလိုဆန္ဒများကို ဖြည့်ဆည်းပေးသကဲ့သို့ နောက်ထပ် မိုးကြိုးအလင်းပေါက်ကွဲမှုတစ်ခု ထပ်မံဖြစ်ပွားခဲ့ပြီး ကြောက်မက်ဖွယ်ကောင်းသော အသံသည် လူတိုင်းကို နောက်တစ်ကြိမ် လွှမ်းမိုးသွားကာ မရေမတွက်နိုင်သော ဟောက်ရန်ဂိုဏ်း ၏ တပည့်များကို အကျိုးဖြစ်ထွန်းစေခဲ့သည် ။

ဂျုန်း...

မျက်စိလျှင်သည့် အကြီးအကဲအချို့က တိမ်တိုက်မြူတောင်ထိပ် ကိုယ်တိုင်သည် စွမ်းအင်ပေါက်ကွဲမှုတစ်ခုဆီတိုင်းနှင့်အတူ ပိုမိုမြင့်မားလာပုံရသည်ကို သတိပြုမိခဲ့ကြသည် ။

ဂျုန်း...

ထိတ်လန့်ဖွယ်ကောင်းသောရောင်ဝါသည် စကြဝဠာအတွင်းဖြစ်ပွားနေသော ပေါက်ကွဲမှုနှင့် ဆင်တူပြီးတစ်လှိုင်းပြီးတစ်လှိုင်းပေါက်ကွဲကာ တိမ်တိုက်မြူတောင်ထိပ်ကိုလည်း မြင့်တက်လာစေခဲ့သည်။

သက်တန့်အလင်း၏ပုံရိပ်အောက်တွင် ၎င်းသည် မယုံနိုင်လောက်သောနှုန်းဖြင့် ကြီးထွားလာပြီး လျို့ဝှက်ဆန်းကြယ်မှုဖြင့် ပြည့်နှက်နေခဲ့သည်။

ကောင်းကင်အလင်းဖြင့်လွှမ်းမိုးခံလိုက်ရသော ဟောက်ရန်ဂိုဏ်းတစ်ခုလုံးသည် မြေပေါ်သို့ သက်ဆင်းလာသည့် ရတနာမြေနှင့်တူကာ အမျိုးမျိုးသောဆန်းကြယ်သည့်အခြေအနေများသည် အလင်းထဲမှထွက်ပေါ်လာသည်။

ကြယ်များသည်လောင်ကျွမ်းသွားပြီး ရှေးဟောင်းသားရဲများသည် အော်မြည်နေကာ အမျိုးမျိုးသော လောကများမှမြင်ကွင်းများသည် အတိတ်ကော အနာဂတ်ပါ လူတိုင်း၏မျက်လုံးထဲ ပေါ်ထွက်လာခဲ့သည်။

ဒဏ္ဍာရီဆန်သော သတ္တဝါများသည် အလင်းထဲတွင် ပေါ်လာပြီး ဟောက်ရန်ဂိုဏ်းကို ကောင်းကင်တန်ဆာအဖြစ် ပြောင်းလဲနေပုံရပါသည် ။

ထို့အပြင် ဖန်တီးမှုကဲ့သို့သော ရောင်ဝါ ပိုမိုပြင်းထန်လာသည်နှင့်အမျှ ဟောက်ရန်ဂိုဏ်းတပည့်များ၏ တိုးတက်မှုများကိုကြုံတွေ့ရသော အရေအတွက်သည်မြင့်တက်လာလေသည်။

သူတို့၏ထိုးဖောက်မှုများသည် တိမ်တိုက်မြူတောင်ထိပ်မှ သာလွန်သည့်အခြေအနေများနှင့် ပေါင်းစပ်ပြီး ထိုနေရာအား အထူးသဖြင့် မှော်ဆန်စေကာ ရှေးဟောင်းနတ်ဘုရားတပါးက တာအိုသင်ခန်းစာများဖြန့်ဝေနေသကဲ့သို့ မရေတွက်သည့် သေမျိုးများအား တက်ရောက်စေခဲ့သည်။

ယေဘုယျအားဖြင့် မဟာယာနတာအိုအရှင်၏ အောင်မြင်မှုနှင့်ဆက်စပ်သော ထိုကဲ့သို့သော ဖြစ်စဉ်များသည် ကျန်းချန်ရွှမ်၏တာအိုနက်နဲအဆင့်သို့ထိုးဖောက်မှုကြောင့် မမျှော်လင့်ဘဲစတင်ခဲ့သည်။

ဂျုန်း...

တိမ်တိုက်မြူတောင်ထိပ်သည် အကန့်အသတ်မရှိကြီးထွားမှုကို ဆက်လက်လုပ်ဆောင်နေစဉ် နောက်ဆုံးတွင် ဟောက်ရန်ဂိုဏ်း၏ အကာအကွယ်အတားအဆီးများကိုထိတွေ့ခဲ့ပြီး ပြင်းထန်သော တုန်ခါမှုများကို ဖြစ်ပေါ်စေခဲ့သည် ။

ဟောက်ရန်ဂိုဏ်း၏ ပတ်ဝန်းကျင်တစ်ခုလုံး ပြင်းထန်စွာ တုန်လှုပ်သွားသည် ။

"အတားအဆီး၊ ဖွင့်။"

ထိုအချိန်တွင် ကျန်းချန်ရွှမ်၏ဆရာ ချင်ရှန်းဝူက လှုပ်ရှားလိုက်သည်။

သူ၏လက်ထဲမှလှိုင်းတစ်ခုနှင့် မမြင်နိုင်သော စွမ်းအားတစ်ခုက ထွက်လာပြီး ဂိုဏ်း၏အကာအကွယ် အတားအဆီးအား ပိတ်ချလိုက်သည်။

ချင်ရှန်းဝူ၏ တည်ရှိမှုနှင့်အတူ အတားအဆီးများ၏ တည်ရှိမှုသည် အဓိပ္ပာယ်မရှိပါ ။

ကျန်းချန်ရွှမ်၏ ထိုးဖောက်မှုသည် ဦးစားပေးဖြစ်ခဲ့ပြီး အတားအဆီးများကို ပိတ်ဆို့ခြင်းသည် သူ၏ ထိုးဖောက်မှုကြောင့် ၎င်းတို့ကို မပျက်စီးစေရန် အကာအကွယ်ပေးသည့် အစီအရင်တစ်ခုပင် ဖြစ်ပါသည် ။

အတားအဆီးများမရှိသည့် တိမ်တိုက်မြူတောင်ထိပ်သည်ပို၍ တိုးတက်လာပြီး ရေတံခွန်ဂိတ်နယ်မြေ၏ ကောင်းကင်ပေါ်တွင် အပေါက်တစ်ခုကိုထိုးဖောက်ရန် ရည်ရွယ်ထားသကဲ့သို့ဖြစ်နေသည်။

ဟောက်ရန်ဂိုဏ်း၏ မူလကန့်သတ်ချက်များကို ကျော်လွန်သွားသည်နှင့်အမျှ လျှို့ဝှက်ဆန်းကြယ်သော အလင်းနှင့် ရောင်ဝါသည် ရေတံခွန်ဂိတ်နယ်မြေတစ်ဝှမ်းလုံးတွင် မီးခွက်တစ်လုံးကဲ့သို့ ပေါက်ကွဲသွားသည် ။

ဂျုန်း...

ကြောက်မက်ဖွယ်ကောင်းသော ရောင်ဝါသည် ချက်ချင်းပျံ့နှံ့သွားပြီး ဟောက်ရန်ဂိုဏ်းနှင့် ပတ်ဝန်းကျင်ဒေသများ၏ ကောင်းကင်ယံတွင် ပျံ့နှံ့သွားခဲ့သည် ။

ထိုထိုးဖောက်မှုသည် အဆုံးမရှိကျယ်ပြန့်နေပြီး အပြင်မှလူများသည် ဆွဲဆောင်မှုရှိကာ အပြင်လောကမှ အာရုံကိုလာစားနေသည်။

အနီးအနားရှိ မိုးကြိုးချိုင့်ဝှမ်းသည် တိမ်တိုက်မြူတောင်ထိပ်၏ရောင်ဝါကို ပထမဆုံးခံစားခဲ့ရသည် ။

မိုးကြိုးချိုင့်ဝှမ်း၏ အကြီးအကဲများသည် ဟောက်ရန် ဂိုဏ်းမှ ထိုကဲ့သို့ ကြီးကျယ်ခမ်းနားသော ရောင်ဝါများ ရုတ်တရက် ပေါ်ထွက်လာခြင်းကြောင့် အံ့အားသင့်ခဲ့ကြသည် ။

သူတို့သည် ချိုင့်ဝှမ်းမှ ပျံသန်းကာ ဟောက်ရန်ဂိုဏ်းသို့ ကြည့်၍ မိုးကြိုးအလင်းရောင်နှင့် ဖြစ်စဉ်များကို အံ့အားသင့်စွာ ကြည့်ရှုခဲ့ကြသည် ။

"ဘာတွေဖြစ်သွားတာလဲ? ဟောက်ရန်ဂိုဏ်းမှာ ဘာဖြစ်ခဲ့သလဲ ။"

ခဏအကြာတွင် မိုးကြိုးချိုင့်ဝှမ်းရှိလူတိုင်း ရှုပ်ထွေးပြီးမေးခွန်းများနှင့်ပြည့်နှက်နေသည် ။

ကျန်းချန်ရွှမ်၏ တာအိုအဖော်ဖြစ်သူ ရှန်းရူယန်မှလွဲ၍ ကျန်းချန်ရွှမ်၏ တာအိုနက်နဲအဆင့်သို့ ထိုးဖောက်ခြင်းအောင်မြင်မှု၏ ရလဒ်ဖြစ်သည်ကို မည်သူမျှမခန့်မှန်းနိုင်ပါ ။

ဟောက်ရန်ဂိုဏ်း၏ အခြေအနေများကို သိရှိပြီးနောက် ၎င်းသည် ကျန်းချန်ရွှမ်၏ အောင်မြင်သော ထိုးဖောက်မှုဖြစ်နိုင်သည်ဟု သူမက သံသယရှိခဲ့သည် ။

မိုးကြိုးချိုင့်ဝှမ်း အပြင်ဘက်တွင် ကောင်းကင်သို့ ရောက်လုနီးပါးဖြစ်နေသည့် တိမ်တိုက်မြူတောင်ထိပ်ကိုမြင်ရခြင်းက သူမ၏သံသယများကိုအတည်ပြုပေးခဲ့သည်။

သူမ ၏ ခင်ပွန်းဖြစ်သူ ကျန်းချန်ရွှမ်သည် တာအိုနက်နဲအဆင့်ကို အောင်မြင်စွာ ဖြတ်ကျော်နိုင်ခဲ့ပြီဖြစ်သည် ။

ထူးခြားသော အဖြစ်အပျက်ကြား၌ပင် သူမသည် သူမနှင့် ရင်းနှီးနေသော တိမ်တိုက်မြူတောင်ထိပ်ကို မှတ်မိခဲ့လေသည်။

***