ပိုင်ရှင်းယွဲ့၏လမ်းဆုံ

ပိုင်ထျန်းဟမ်၏ စကားများသည် လေထဲတွင် လွင့်မျောနေပြီး လက်မခံချင်သည့်ပုံပင်

သို့တိုင် မျက်နှာပြင်အောက်မှာတော့ တင်းမာမှုတွေ ငြိမ်သက်နေခဲ့သည်။

နတ်သမီးယွဲ့ဝူရွှမ်း၏ နတ်ဘုရားအမိန့်ကို မေးခွန်းထုတ်စရာ မလိုပေ။ ထို့အပြင်ဘယ်တော့မှလည်း အပေးအယူ မလုပ်နိုင်ပေ

သူမ တောင်းဆိုချက်ကို တွန့်ဆုတ်ခြင်းမရှိဘဲ ချက်ချင်းလက်ခံသင့်သည်။

သို့တိုင် ပိုင်ရှင်းယွဲ့၏ ရွေးချယ်မှုကို ပိုင်ထျန်းဟမ်၏ အလေးထားပြောဆိုမှုသည် လေးစားမှုရှိသော ပုံစံနဲ့ ဆန့်ကျင်ဘက်ဖြစ်နေဆဲသာ

လီနဲ့ ကျောက်မျိုးနွယ်စုခေါင်းဆောင်တို့သည် အကြည့်ချင်းဖလှယ်ခဲ့ကြပြီး သူတို့မျက်လုံးများတွင် အခွင့်အရေးကောင်းတွေနဲ့ တောက်ပနေခဲ့သည်

(ပိုင်ထျန်းဟမ်က တိတ်တဆိတ်သဘောတူပြီး နတ်သမီးယွဲ့ဝူရွှမ်းအပေါ် သူ့ရဲ့ထောက်ခံမှုကို တိုးမြှင့်နိုင်ခဲ့ပေမယ့်... အဲဒီစကားတွေကို ပြောရမယ်။)

ကျောက်ဝူထျန်းသည် မျက်လုံးတွေကို ကျဉ်းမြောင်းလိုက်သည်။

(မိုက်မဲလိုက်တာ)

သူသည် ဓားသွားကို လျှောက်နေတာပင်။

သူသတိမထားမိပေ

ကျောက်ဝူထျန်းသည် ရှေ့ကိုတိုးလာပြီး သူ့၏ ပါးနပ်သော အပြုံးသည် ထိုအမှားမျိုးကို စောင့်မျှော်နေသလို နက်ရှိုင်းလာ၏

"မျိုးနွယ်စုခေါင်းဆောင်ပိုင်" သူက ချောမွေ့စွာပြောလိုက်သည်။ "ငါ မအံ့ဩဘဲ မနေနိုင်ဘူး... နတ်သမီးယွဲ့ကိုယ်တိုင်က ဒီလိုကြင်နာတဲ့ တောင်းဆိုမှုတစ်ခု လုပ်တဲ့အခါ မင်း ဘယ်လိုလုပ် တွန့်ဆုတ်နေနိုင်တာလဲ"

သူသည် သူ့လက်တွေကို ပေါ့ပေါ့ပါးပါး ဖြန့်ကားလိုက်သည်။ လမ်းလွဲနေသော ကျောင်းသားတစ်ယောက်ကို ပြင်ပေးနေသည့် ကြင်နာတတ်သော ဆရာတစ်ယောက်လိုပင်။

"ဒါက အခွင့်အရေးတစ်ခု မဟုတ်ဘူး။ ဒါက ကောင်းကင်ဘုံက ကောင်းချီးတစ်ခုပါ။ စီးဆင်းနေတဲ့ လမင်းဂိုဏ်းကပါ”

လီကျန်းဟုန်သည် လေးနက်စွာ ခေါင်းညိတ်လိုက်သည်။

"ဟုတ်တယ်။ စီးဆင်းနေတဲ့ လမင်းဂိုဏ်းက ပေါ့ပေါ့တန်တန် ဝင်ရောက်စွက်ဖက်တာ မဟုတ်ဘူး။ သူတို့က သူမရဲ့ အလားအလာကို မြင်နေတာ၊ ပိုင်ရှင်းယွဲ့ကို ငါတို့ထဲက ဘယ်သူမဆို ပေးနိုင်တာထက် ပိုကြီးမားတဲ့အရာတွေအတွက် ကံကြမ္မာရှိနေတယ်လို့ ဆိုလိုတာ”

သူ ခဏရပ်ပြီး အသံကို နှိမ့်ချလိုက်သည်။

"လက်ခံမှုကို နှောင့်နှေးအောင်လုပ်နေတာက မလေးမစားပြုမှုလို့ မြင်နိုင်တယ်။ ပိုဆိုးတာက သံသယတွေကို ဖိတ်ခေါ်နေတာပဲ! ပိုင်ထျန်းဟမ်၊ မင်း ဒီလောက် တစ်ကိုယ်ကောင်းဆန်လို့ မရဘူး။"

စုဝေးနေသော ကျင့်ကြံသူများဆီကနေ တီးတိုးသံတွေ ထွက်ပေါ်လာသည်။

ယွဲဝူရွှမ်းလို တစ်ယောက်ယောက် ဒေါသထွက်လျှင် ပိုင်မျိုးနွယ်စု ပျက်စီးသွားရုံတင် မကဘူးဆိုတာ လူတိုင်းသိ၏ ဆိတ်ငြိမ်ရာ ကောင်းကင် အင်ပါယာတစ်ခုလုံး ပါဝင်ပတ်သက်နေနိုင်သည်။

(ဒီဖျံတွေ)

ပိုင်ထျန်းဟမ်သည် သူတို့နှစ်ယောက် ဘာလုပ်ဖို့ ကြိုးစားနေသည်ကို သိကြသည်။

သို့တိုင် သူ ဘာမှ မတတ်နိုင်ဘဲ ယွဲ့ဝူရွှမ်း အထင်လွဲမသွားပါစေနဲ့ဟုသာ မျှော်လင့်မိသည်။

နတ်သမီး ယွဲ့ဝူရွှမ်းသည် ခဏလောက် ငြိမ်နေပြီး ကြယ်ရောင်တောက်ပနေသော ဆံပင်များသည် လေထဲတွင် ညင်သာစွာ ယိမ်းနွဲ့နေ၏ ထို့နောက် ကျောက်ဝူထျန်းနဲ့ လီကျနိးဟုန်ကို ကြည့်နေ၏

သူမ မျက်နှာအမူအရာက ခန့်မှန်းရခက်ပေသည်။

လေထုသည် တိတ်ဆိတ်နေဆဲသာ၊ သေလောက်အောင် တိတ်ဆိတ်နေသည်။

ထို့နောက်

သူမအသံသည် စစ်မြေပြင်ရှိ နတ်ဘုရားခေါင်းလောင်းသံ ပျံ့လွင့်သွားလောက်သည့်အထိ ကျယ်၏

"တော်ပြီ”

တီးတိုးသံများသည် ချက်ချင်းပျောက်ကွယ်သွားချေသည်။

ကျောက်ဝူထျန်း မျက်လုံးများက အနည်းငယ် ကျဉ်းမြောင်းသွားသည်။

လီကျန်းဟုန်၏ ကျေနပ်အားရနေသော မျက်နှာအမူအရာက ယိမ်းနွဲ့သွားသည်။

ယွဲ့ဝူရွှမ်းလို လေးစားခံရသူတစ်ယောက် မျက်နှာမပျက်ဘူးလို့ မည်သူထင်မည်နည်း။

သူမလို ပုဂ္ဂိုလ်အများစုသည် မာနကြီးပြီး သံသယအနည်းငယ်ကိုတောင် သည်းမခံနိုင်ကြပေ။

မေးခွန်းမထုတ်ဘဲ လုံးဝနာခံမှုကို မျှော်လင့်နေကြသည်။

ဒါပေမယ့် ယွဲ့ဝူရွှမ်းကတော့ ကွဲပြား၏

စိတ်မဝင်စားပေ။ မာနမကြီးပေ

ဒီကမ္ဘာတွင် ရှားရှားပါးပါးလူစားမျိုးသာ

(ဒီအခွင့်အရေးကို ငါတို့လက်လွှတ်မခံနိုင်ဘူး။)

ကျောက်ဝူထျန်းက တွေးလိုက်သည်။

သို့တိုင် သူနောက်ထပ်စကားတစ်ခွန်းမပြောခင်မှာပဲ နတ်သမီး ယွဲ့ဝူရွှမ်းက ရွေ့လျားသွားသည်

ယဉ်ကျေးစွာပင်

ပြီးတော့ သူတို့ကို လုံးဝလျစ်လျူရှုလိုက်သည် ။

တစ်ချက်မှ မကြည့်လိုက်ပေ ။ ခေါင်းညိတ်သာ ပြသည်။

အသိအမှတ်ပြုသောစကားတစ်ခွန်းတောင် မရှိပေ

သူမမျက်စိအောက်က ပိုးကောင်တွေလိုပင်

သူတို့စကားတွေ၊ သူတို့ခြိမ်းခြောက်မှုတွေ၊ သူတို့၏သေးငယ်သော လှည့်စားမှုတွေသည် လုံးဝအဓိပ္ပာယ်မရှိပေ

အဘယ်ကြောင့်ဆိုသော် သူတို့သည် အဓိပ္ပာယ်မရှိလို့ပင်

သူမသည် သူတို့နှိုးဆွပေးနိုင်သော သို့မဟုတ် လုပ်ဆောင်ရန် တွန်းအားပေးနိုင်သော အကြီးအကဲတစ်ဦး မဟုတ်ပေ

သူမသည် စီးဆင်းနေသော လမင်းဂိုဏ်းမှ

ယွဲ့ဝူရွှမ်းဖြစ်ပြီး ဗဟိုထွန်းလင်းတိုက်ကြီးကို တုန်လှုပ်စေသော အင်မော်တယ် ကောင်းကင်တက်ခြင်းအဆင့် ကျင့်ကြံသူဖြစ်သည်။

သူမသည် ဧကရာဇ်များ ဒူးထောက်နေသည်ကို မြင်တွေ့ခဲ့ရသည်။

သူတို့က ဘာတွေလဲ

၎င်းတို့၏ ထင်ရှားသော နှိုးဆွမှုကို သူမ မြင်တွေ့ပြီးဖြစ်သည်။

သူမသည် သူတို့ကို မဆန့်ကျင်သည့် အကြောင်းရင်းမှာ တစ်ခုတည်းသာ ၊ အချင်းချင်း၏ ကိစ္စရပ်များကို ဝင်ရောက်စွက်ဖက်ခြင်းမပြုရန် အင်ပါယာများ၏ သဘောတူညီချက်ကြောင့်ဖြစ်သည်။

သူမ ဤနေရာတွင် ရှိနေခြင်းသည် ထိုသဘောတူညီချက်ကို ချိုးဖောက်ခြင်း ဖြစ်သည်။ သူတို့ကို သတ်ခြင်းသည် အရာများကို ပိုမိုရှုပ်ထွေးစေမည်ဖြစ်သည်။

သူမသည် ပိုင်ရှင်းယွဲ့ရှေ့တွင် ရပ်လိုက်သည်။

သူမ၏ ရှိနေခြင်းသည် ရှင်းယွဲ့အား ကြယ်များ ပြည့်နှက်နေသော အကန့်အသတ်မရှိ ညကောင်းကင်ရှေ့တွင် ရပ်နေရသကဲ့သို့ ခံစားရစေသည်။ ကြယ်တစ်လုံးချင်းစီသည် ဘုရားသခင်၏ ဆန္ဒဖြင့် ခုန်ပေါက်နေသည်။

သို့သော်—

ယွဲ့ဝူရွှမ်း၏ အကြည့်တွင် သာလွန်မှု မရှိပေ

တိတ်ဆိတ်သော စူးစမ်းလိုစိတ်သာ ရှိသည်။

သူမသည်… သူမကို ငုံ့မကြည့်သကဲ့သို့။

ဒါပေမယ့် သူမမှတစ်ဆင့်

"ပိုင်ရှင်းယွဲ့" သူမပြောလိုက်သည်။ တည်ငြိမ်ပေမဲ့ နှလုံးသားထဲကို နက်ရှိုင်းစွာ ပဲ့တင်ထပ်နေသော အသံနဲ့ "ငါ မင်းကို အတင်းအကျပ် လုပ်ချင်တဲ့ ဆန္ဒမရှိဘူး။ မင်းက တောင်းဆိုရမဲ့ ရတနာတစ်ခု မဟုတ်သလို ရောင်းဝယ်ဖောက်ကားရမယ့် ဆုတစ်ခုလည်း မဟုတ်ဘူး။"

နှုတ်ခမ်းများသည် ကွေးညွတ်သွားသော အပြုံးလေးတစ်ခုနဲ့ပင်

"မင်းရဲ့ အရည်အချင်းကို ငါမြင်တယ်။ ဒီအင်ပါယာက ပေးစွမ်းနိုင်တာထက် ပိုပြီး ထိုက်တန်တယ်။"

သူမ ခေါင်းကို အနည်းငယ်လှည့်လိုက်၏

"မင်းဒီမှာ ဆက်နေဖို့ ရွေးချယ်ရင် မင်းရဲ့လမ်းကြောင်းက ရှည်လျားပြီး ခါးသီးလိမ့်မယ်။ ဒါပေမယ့် မင်း ငါနဲ့အတူ လိုက်ခဲ့မယ်ဆိုရင်—" သူမအသံက တိုးတိုးလေးနဲ့ ဆွဲဆောင်မှုရှိ၏ “တစ်နေ့မှာ တိုက်ကြီးတစ်ခုလုံးက မင်းရဲ့ခြေရင်းမှာ ဒူးထောက်ရလိမ့်မယ်။"

တိတ်ဆိတ်ကုန်၏

ပိုင်ထျန်းဟမ်တောင် အသက်ရှုမဝပေ

ယွဲ့ဝူရွှမ်း ထိုစကားတွေကို မပြောမချင်း ပိုင်

ရှင်းယွဲ့၏အလားအလာကို သူတို့ နားမလည်ကြပေ

တခြားတစ်ယောက်ယောက်သာ ထိုစကားတွေကို ပြောနေပါက ရူးသွပ်သည်ဟု ထင်ရပေမဲ့ ယွဲ့ဝူရွှမ်း ပြောနေတာသည်က ဖြစ်

နိုင်သောအရာတစ်ခုဟု ဆိုလိုသည်။

ယွဲ့ဝူရွှမ်း နောက်ဆုတ်လိုက်ပြီး သူမဝတ်ရုံသည် လရောင်လို တဖျပ်ဖျပ်တောက်ပနေ၏

"တစ်ခွန်းတည်းနဲ့ မင်းကို ကောင်းကင် အထက် ကျော်လွန်အောင် ခေါ်ဆောင်သွားမယ်။"

အားလုံးအကြည့်များက သူမဆီ ကျရောက်သွားသည်

"ကျွန်မ.. ကျွန်မ.."

ပိုင်ရှင်းယွဲ့လက်တွေ တုန်ရီနေသည်။ ကြောက်ရွံ့မှုကြောင့် မဟုတ်ပေ

အလေးချိန်ကြောင့်သာ

ရွေးချယ်မှုအလေးချိန်ကြောင့်ပင်

သူမနောက်ကွယ်တွင် ပိုင်ကျီဟန်သည် တိတ်ဆိတ်စွာကြည့်နေပြီး မျက်နှာအမူအရာကို ခန့်မှန်းမရပေ

(တကယ်တော့ ကြယ်ငါးပွင့် ကံကြမ္မာနဲ့ ကောင်းကင်ဘုံက ရွေးချယ်ထားတဲ့သူ...)

ပိုင်ရှင်းယွဲ့ကို ထိုအခွင့်အရေးပေးခြင်းသည် တခြားသူများအတွက် ထူးဆန်းနေနိုင်သည့်တိုင် သူမကံကြမ္မာကို နားလည်သော ပိုင်ကျီဟန်အတွက်တော့ ထူးဆန်းသည်ဟု မခံစားရပေ

သူ ဒါမှမဟုတ် ပိုင်မျိုးနွယ်စုသည် သူမကို မကာကွယ်ရင်တောင် သူမကို မလိုအပ်ဘူးဟု ထင်ရသည်။

အမှန်အတိုင်းပြောရလျှင် ပိုင်ရှင်းယွဲ့သည် ထိုနေရာအပေါ် ခံစားချက်တွေ ဘာမှ မရှိပေ

နာကျင်စရာအမှတ်တရတွေသာ ရှိ၏

သူမသည် ၎င်းကို သိပ်ဂရုမစိုက်ပေ

သူမအကြည့်များသည် ပိုင်ကျီဟန်ဆီ အလိုလို ရောက်သွားခဲ့သည်။

ဒီမြေနဲ့ တစ်ခုတည်းသော ဆက်စပ်မှု ဖြစ်နိုင်သည်။

သူမတစ်ချိန်က လက်စားချေလိုသူတစ်ယောက်—ယခုအခါ ထိုဆန္ဒသည် ဝေးကွာသွားပုံရ၏ ယခု မရှိတော့ပေ။

သူမ မသိခဲ့ပေ

အရာအားလုံးရှိနေသော်လည်း ထွက်ခွာရန် ထူးဆန်းသော တွန့်ဆုတ်မှုတစ်ခုသည် သူမ၏နှလုံးသားထဲတွင် ကျန်ရှိနေခဲ့သည်။

ဖြစ်နိုင်သည်မှာ နောက်ဆုံးတွင်... သူမ၏ဇာစ်မြစ်နှင့် နေအိမ်သည် ဤနေရာတွင် အမြဲရှိနေခဲ့ကြောင်းလည်း သူမသိခဲ့သည်။

သို့သော် သူမနေချင်သော်လည်း—သူမ မနေနိုင်ပေ

လီနှင့် ကျောက်မျိုးနွယ်စုများသည် သူမကို မရမချင်း ဘယ်တော့မှ ရပ်တန့်မည်မဟုတ်ပေ

သူမ၏ရှိနေခြင်းသည် သူမ မရပ်တန့်နိုင်သော စစ်ပွဲတစ်ခု ဖြစ်လာလိမ့်မည်။ အသက်ပေါင်းများစွာ ဆုံးရှုံးစေမည့် စစ်ပွဲတစ်ခု။

ယခုအချိန်တွင် လီနှင့် ကျောက်မျိုးနွယ်စုများသာ ဖြစ်သည်။

မကြာမီတွင် နတ်ဆိုးဂိုဏ်းဝင်များ ပါဝင်လာနိုင်သည်။

ဧကရာဇ်မိသားစုသည် အဝေးမှကြည့်နေသောကြောင့်သာ တိတ်ဆိတ်နေခြင်းဖြစ်သည်။ သို့သော် နောက်ဆုံးတွင် ၎င်းတို့ လုပ်ဆောင်ကြလိမ့်မည်။

၎င်းတို့သည် ထိန်းချုပ်၍မရသော စွမ်းအားတစ်ခုကို ၎င်းတို့၏နှာခေါင်းအောက်တွင် ကြီးထွားလာခွင့်မပြုနိုင်ပေ

ဘာပဲဖြစ်ဖြစ်

ဤနေရာတွင်နေထိုင်ခြင်းသည် ပိုင်မျိုးနွယ်စုအတွက် ဖျက်ဆီးခြင်းကို ဆိုလိုသည်။