အားလုံး နတ်ဘုရား တိုင်းပြည် အတွက်။

နီကိုလပ်စ်က အရှင်ရှားလော့ခ်၏ ဆုံးဖြတ်ချက်ကို ကြေညာခဲ့သည်။

ဒန်ဂျင်အရှင်များမှာ ထာဝရတိုင်းပြည် မြေပေါ်ကမ္ဘာကို တစ်ယောက်တည်း တိုက်ခိုက်ဝံ့ခြင်း၏ အစွမ်းသတ္တိကို ဝိုင်းချီးကျူး ခဲ့ကြသော်လည်း ရှားလော့ခ်ကိုမူ အရူး တစ်ယောက်နှင့် မောက်မာသူ တစ်ဦး အဖြစ်သာ ရှုတ်ချခဲ့ကြသည်။

မြေပေါ်ကမ္ဘာရှိ တိရစ္ဆာန်များအား ထုတ်ကုန် များစွာ ပြုလုပ်ရန် အသုံးပြုနိုင်ကြောင်းကို လူတိုင်း သိနေကြသည်။ သို့သော် ထိုအရာက မြေပေါ်ကမ္ဘာ မွန်းစတားများကို အနိုင်ယူနိုင်မှသာ လက်တွေ့ ဖြစ်နိုင်ပေမည်။

မိုက်ကယ်အိန်ဂျယ်လိုပင်လျှင် မြေပေါ်ကမ္ဘာကို သိမ်းပိုက်နိုင်ခဲ့ခြင်း မရှိခဲ့ပေ။ အရှင်ရှားလော့ခ်မှာ အားကောင်းသည် မှန်သော်လည်း သူက နှစ်ထောင်ပေါင်း များစွာ သက်တမ်း ရှိသော မဟာနတ်ဆိုးထက်တော့ ပို၍ အားကောင်းနိုင်မည် မဟုတ်ပေ။

လူတိုင်းက ရှားလော့ခ်အား မိမိကိုယ်ကို အထင်ကြီးလွန်းနေသည်ဟုသာ သတ်မှတ်ခဲ့သည်။

ဒန်ဂျင်အရှင်များမှာ ထိုသဘောတူညီချက်ကို လက်ခံရန် ဆန္ဒ ရှိခဲ့ကြသည်။ မည်သို့ဆိုဆို သူတို့က ထာဝရတိုင်းပြည်အား မြေပေါ်ကမ္ဘာနှင့် တိုက်ခိုက်ရာတွင် ပါဝင် ကူညီရန် ရည်ရွယ်ချက် မရှိပေ။ သူတို့က ထာဝရတိုင်းပြည်၊ ကုန်သည် မဟာမိတ် အဖွဲ့နှင့် နတ်ဆိုးစီမံခန့်ခွဲရေး ကော်မတီတို့က ဤအရှုပ်အထွေးကို ကိုင်တွယ်ဖြေရှင်း ပေးခြင်းကို ပိုမို နှစ်သက်ကြ ပေလိမ့်မည်။

အချို့သော သံတမန်ရေးရာ ကျွမ်းကျင်သည့် ဒန်ဂျင်အရှင်များမှာမူ ပစ္စည်းအထောက်အပံ့များ ပေးအပ်ရန် ဆန္ဒ ရှိခဲ့ကြသည်။ ၎င်းမှာ လောင်းကစား တစ်ခု ကဲ့သို့ပင်။ အကယ်၍ သူတို့သာ သူတို့၏ လောင်းကြေးများတွင် အနိုင်ရခဲ့ပါက အဘယ်သို့နည်း။ ၎င်းမှာ သူတို့၏ သယံဇာတ များစွာကိုလည်း ကုန်ကျစေမည် မဟုတ်ပေ။ အကျပ်အတည်းကာလတွင် အကူအညီ ပေးခြင်းမှာ အောင်မြင်နေချိန်တွင် လက်ဆောင်များ ပေးခြင်းထက် ပို၍ ထိရောက်မှု ရှိ၏။

ဒန်ဂျင်အရှင်များမှာ ပါဝင် ပတ်သက်ကြရန် ရည်ရွယ်ချက် မရှိကြသော်လည်း သူတို့က မြေပေါ်ကမ္ဘာ၏ ကျူးကျော်မှုကိုမူ စိုးရိမ် နေကြဆဲပင်။ ထို့ကြောင့် ရှားလော့ခ်က သူတို့အား ထာဝရတိုင်းပြည်သို့ လေ့လာသူများ စေလွှတ်ခွင့် ပြုခဲ့သည်။ ဟုတ်ပါ၏၊ ရှားလော့ခ်က လေ့လာသူ တစ်ဦးစီအတွက် မတန်တဆ အခကြေးငွေများတော့ တောင်းခံခဲ့သည်။

ဒန်ဂျင်အရှင် များစွာမှာ ရှေ့တန်းရှိ အခြေအနေကို အကဲခတ် လေ့လာနိုင်ရန် အတွက် ငွေပေးချေရန် ဆန္ဒ ရှိနေကြဆဲပင်။

...

ဗိုလ်ချုပ်ရှီဒန် စစ်မြေပြင်တွင် တွေဝေစွာ ရပ်နေခဲ့သည်။ သူ၏ ပတ်လည်တွင် ကြမ်းတမ်းသော တိုက်ပွဲ၏ လက္ခဏာများနှင့် ကျဆုံးသွားသော နတ်ဘုရား တိုင်းပြည်မှ စစ်သည်တော်များ ရှိနေခဲ့၏။ သို့သော် ရန်သူ၏ အလောင်းများ ဟူ၍ မရှိခဲ့ပေ။ သူတို့၏ ခန္ဓာကိုယ်များမှာ မာနာအဖြစ်သို့ ပြောင်းလဲသွားပြီး ပျောက်ကွယ် သွားခဲ့ကြသည်။ သူက ထိုသို့သော အရာ ဖြစ်ပျက်သည့်အကြောင်းကို ဘယ်တော့မှ မကြားဖူး ခဲ့သော်လည်း ဤအမည်မသိ မွန်းစတားများအပေါ်တွင် မည်သည့် အရာမဆို ဖြစ်ပျက်နိုင်ပေသည်။ ဗိုလ်ချုပ်ရှီဒန်မှာ ထိုအရာကို ထူးဆန်းနေသည်ဟု မခံစားခဲ့ရပေ။

"ဗိုလ်ချုပ်။"

ဗိုလ်ချုပ်ရှီဒန် သတိပြန်မဝင်လာမီ သွေးစွန်းနေသော စစ်သား တစ်ဦး ရောက်ရှိလာပြီး ပြောလိုက်သည်။ "ဗိုလ်ချုပ်၊ မြေအောက်လောက သတ္တဝါအားလုံး အသတ် ခံခဲ့ရပါပြီ။ ကျွန်တော်တို့ ကျွန်တော်တို့ရဲ့ ထိခိုက်သေဆုံးမှုတွေကို စာရင်းပြုစု နေပါတယ်။ ကျွန်တော်တို့ရဲ့ ခန့်မှန်းချက်အရ အရေအတွက် များများစားစား မရှိပါဘူး။ မြေအောက်လောက သတ္တဝါတွေက အရှင့် အတွက် လာနေကြတာပါ။ ဗိုလ်ချုပ်အနည်းငယ်က ဂိုးလ်ရှိုင်းယားမြို့မှာ သစ္စာဖောက်တွေ ရှိနေနိုင်ခြေကို ဆွေးနွေး နေကြပါတယ်။"

ဗိုလ်ချုပ်များမှာ ထိုအတွေးများ ရှိနေ ခဲ့ကြသည်။ အကြောင်းမှာ နတ်ဘုရား တိုင်းပြည်စစ်တပ်၏ လှုပ်ရှားမှုအား အမြဲတမ်း လျှို့ဝှက် ထားခဲ့သော ကြောင့်ပင်။ ဂိုးလ်ရှိုင်းယားမြို့မှ နေထိုင်သူများနှင့် ဗစ်တိုးရီးယား မြို့သားများသာ ဤစစ်တပ်အကြောင်း သိကြသည်။

ဂိုးလ်ရှိုင်းယားမြို့မှ နေထိုင်သူများ သို့မဟုတ် ဗစ်တိုးရီးယား မြို့သားများကသာ ဗိုလ်ချုပ်ရှီဒန်ကို သစ္စာဖောက်ခဲ့ခြင်း ဖြစ်ရမည်။

ထိုသို့ မဟုတ်ပါက မြေအောက်လောက သတ္တဝါများက ဗိုလ်ချုပ်ရှီဒန် ဂိုးလ်ရှိုင်းယားမြို့တွင် ရှိနေကြောင်း မည်သို့ သိနိုင်မည်နည်း။ မည်သို့ပင်ဖြစ်စေ ဂိုးလ်ရှိုင်းယားမြို့တွင် ဆက်နေထိုင်ရန်မှာ မလုံခြုံတော့ပေ။

ဗိုလ်ချုပ်ရှီဒန်က ယင်းအဆိုကို သဘောတူကာ စစ်တပ်အား စခန်းနေရာ အသစ် တစ်ခု ရှာဖွေရန် အမိန့်ပေး ခဲ့သည်။

စစ်တပ် ပြန်မထွက်ခွာမီ ဗိုလ်ချုပ်ရှီဒန်က ဘုရင်အား အကြောင်းကြားရန် လိုအပ်သည်ဟု ခံစားခဲ့ရသည်။

...

ဂိုးလ်ရှိုင်းယားမြို့ရှိ ဗိုလ်ချုပ်ရှီဒန်၏ ယာယီအခန်း နေရာအနှံ့တွင် ပစ္စည်း များစွာ ရှိနေခဲ့၏။ ကြမ်းပြင်မှာ သင်္ချာသင်္ကေတများနှင့် ကိန်းဂဏန်းများဖြင့် ပြည့်နှက်နေပြီး ဘုန်းတော်ကြီးများက မြေပြင်ပေါ်တွင် ထိုင်ကာ ပုံသေနည်းများကို ရွတ်ဖတ် နေခဲ့ကြသည်။ မြင့်မြတ်သော အလင်းတန်းစွမ်းအားက အခန်းကို ပြည့်နှက်သွားပြီး ဝေဝါးသော ပုံရိပ်များကို ပြသနေသော မျက်နှာပြင် တစ်ခု ဖွဲ့တည်လာခဲ့သည်။

ပုံရိပ်များမှာ ပိုမို ရှင်းလင်းလာပြီး လေးနက်ပုံသော မဟာမှော်အရှင် တစ်ဦးက ဗိုလ်ချုပ်ရှီဒန်ကို စိုက်ကြည့် နေခဲ့သည်။

"ဗိုလ်ချုပ်ရှီဒန်၊ အရှင်က ကျွန်တော်တို့ကို အခြေအနေကို သတင်းပို့ နေတာလား။" မဟာမှော်အရှင် မေးလိုက်သည်။

"ငါ အခြေအနေကို သတင်းပို့နေတာ မဟုတ်ဘူး၊ ဒါပေမဲ့ ငါ ဘုရင်နဲ့ စကား ပြောရမယ်။" ဗိုလ်ချုပ်ရှီဒန် ကိစ္စရပ်၏ လေးနက်မှုကို အလေးပေး လိုခဲ့သည်။ သူ မျက်မှောင် ကြုတ်ကာ ထပ်ပြောလိုက်သည်။ "ငါ ဘုရင်နဲ့ ချက်ချင်း စကား ပြောရမယ်။"

မဟာမှော်အရှင်က ဗိုလ်ချုပ်ရှီဒန်၏ လေးနက်သော မျက်နှာကို သတိပြု မိပြီး ကိစ္စများက ပိုမို ဆိုးရွားလာနေကြောင်း သိသွားသည်။ သူက ခေါင်းညိတ်ကာ ထွက်ခွာ သွားခဲ့သည်။ မကြာမီတွင် ပင်ပန်းနွမ်းနယ်နေသော လူတစ်ဦး မျက်နှာပြင်ပေါ်တွင် ထွက်ပေါ် လာခဲ့သည်။ ထိုသူမှာ သူကောင်းမျိုးဆန်ပြီး တော်ဝင်ဆန် နေခဲ့၏။ ထိုသူမှာ နတ်ဘုရား တိုင်းပြည်၏ ဘုရင် ဘုရင်အာလူး ၂သာ ဖြစ်ရမည်။

"မင်း ဘာတွေ သတင်းပို့နေ တာလဲ။ ဗိုလ်ချုပ်ရှီဒန်၊ သတင်းကောင်း ဖြစ်လိမ့်မယ်လို့ ငါ မျှော်လင့်တယ်။" ဘုရင်က ခြိမ်းခြောက်သော လေသံဖြင့် ပြောလိုက်သည်။

"အရှင်မင်းကြီး။" ဗိုလ်ချုပ်ရှီဒန်က ဘုရင်အာလူး ၂ကို ကြည့်ကာ လေးလေးစားစား ပြောလိုက်သည်။ "အရှင် အလုပ်များနေချိန်မှာ အနှောင့်အယှက် ပေးရတဲ့ အတွက် တောင်းပန်ပါတယ်။ ဗစ်တိုးရီးယားမြို့က အခြေအနေက အကောင်းမြင်စရာ မရှိပါဘူး။ မြေအောက်လောက သတ္တဝါတွေရဲ့ အရေအတွက်က ကျွန်တော်တို့ မျှော်လင့်ထားတာထက် ပိုများနေပါတယ်။"

"မင်း အင်အားဖြည့်တင်းမှုတွေ ထပ်တောင်းနေတာလား။" ဘုရင်အာလူး ၂ မျက်မှောင် ကြုတ်လိုက်သည်။

"အရှင်မင်းကြီး၊ တိုက်ပွဲက ပြင်းထန်ပြီး ထိခိုက်သေဆုံးမှုတွေ ဖြစ်ပွားတာ မှန်ခဲ့ပေမဲ့ ကျွန်တော်တို့ အင်အားဖြည့်တင်းမှုတွေ မလိုနေပါဘူး။ ကျွန်တော့်ရဲ့ ကြီးမြတ်တဲ့ ခေါင်းဆောင်မှုနဲ့ ကျွန်တော်တို့ ပထမလှိုင်း တိုက်ခိုက်မှုကို အနိုင်ယူ နိုင်ခဲ့ကြပါတယ်။ ကျွန်တော် ကျွန်တော်တို့ရဲ့ စခန်းနေရာကို ပြောင်းရွှေ့ဖို့ ရည်ရွယ် ထားပါတယ်။ ဗစ်တိုးရီးယား မြို့သားတွေက မြေအောက်လောက သတ္တဝါတွေကို ကြောက်ရွံ့ပြီး ကျွန်တော်တို့အပေါ် သစ္စာဖောက် ခဲ့ကြတယ်။ ဒါပေမဲ့ စိတ်မပူပါနဲ့၊ အရာအားလုံး ထိန်းချုပ်မှု အောက်မှာ ရှိနေဆဲပါပဲ။" ဗိုလ်ချုပ်ရှီဒန်က လေးနက်စွာ ပြောလိုက်သည်။ ထာဝရတိုင်းပြည်မှ ဂိမ်းမာများ စတင်တိုက်ခိုက်ခဲ့သော တိုက်ပွဲအတွင်း ဗိုလ်ချုပ်ရှီဒန်ဘက်မှ လူတစ်ရာ အောက်သာ သေဆုံးခဲ့ကြသည်။ အများစုမှာ ဒဏ်ရာ ရရှိရုံသာ ဖြစ်၏။ သို့သော် ဗိုလ်ချုပ်ရှီဒန်မှာ ရန်သူ၏ အရေအတွက်ကို ချဲ့ကားပြီး ထိုပဋိပက္ခကို ခက်ခဲကြီးကျယ်သော တိုက်ပွဲ တစ်ခု အဖြစ် ဖော်ပြခဲ့သည်။

ထို့အပြင် ဗိုလ်ချုပ်ရှီဒန်၏ ချပ်ဝတ်မှာ သွေးစွန်းနေပြီး သူ့ကြည့်ရသည်မှာ ပင်ပန်းနွမ်းနယ်နေပုံ ရ၏။ ထို့ကြောင့် သူ၏ စကားများမှာ အတော်အတန် ယုံကြည်ဖွယ် ကောင်း နေခဲ့သည်။

ဘုရင်အာလူး ၂မှာလည်း ဗိုလ်ချုပ်ရှီဒန် စကားကို ယုံကြည်ခဲ့သည်။

ဘုရင်အာလူး ၂က ခေါင်းညိတ်ကာ ပြောလိုက်သည်။ "ဗစ်တိုးရီးယား မြို့သားတွေက မြေအောက်လောက သတ္တဝါတွေကို ဒီလောက် ကြာကြာ ခုခံကာကွယ် ထားနိုင်လောက်အောင် အားကောင်းလိမ့်မယ်လို့ ငါ မမျှော်လင့် ထားခဲ့ဘူး။ မင်း ကောင်းကောင်းမွန်မွန် လုပ်ဆောင်ခဲ့တယ်။ ငါ မင်းရဲ့ ပံ့ပိုးကူညီမှုတွေကို အမှတ်ရနေပါ့မယ်။"

ဗိုလ်ချုပ်ရှီဒန်က စိတ်လှုပ်ရှားစွာ ပြန်ပြောလိုက်သည်။ "ကျွန်တော့် လုပ်ဆောင်ချက် အာလုံးက နတ်ဘုရား တိုင်းပြည် အတွက်ပါပဲ။"