ဒိုင်းကာ မှော်ပညာ

"မင်း... ကျွန်တော်နောက်ကို လိုက်လာတာလား?"

အော်ဆန် စစ်မှန်စွာ အံ့သြမိသည်။

အဆုံးမဲ့ ကမ္ဘာဂိမ်း တွင် ဉာဏ်ရည်မြင့်မားသော

ဂိမ်းဇာတ်ကောင် များ ရှိသော်လည်း၊ ကစားသမားများနှင့် ၎င်းတို့၏ အပြန်အလှန်ဆက်ဆံမှုသည် အစောပိုင်းအဆင့်များတွင် အခြေခံကျပြီး လုပ်ငန်းဆောင်တာပုံစံသာ ရှိလေ့ရှိသည်။ ဥပမာအားဖြင့်၊ ပန်းပဲဆရာတစ်ဦးနှင့် ဆက်ဆံသည့်အခါ "ဝယ်မည်" သို့မဟုတ် "ရောင်းမည်" ကဲ့သို့သော ရွေးချယ်စရာများသာ ပေးလေ့ရှိပြီး၊ ဘေးထွက် မစ်ရှင် အချို့သာ ဂိမ်းဇာတ်ကောင် ၏ ဉာဏ်ရည်ကို အသက်ဝင်စေသည်။

သို့သော် ဤနေရာတွင် ဟေဇယ်သည် လူသစ်ကျေးရွာ

မှ သူ့နောက်သို့ လိုက်လာနိုင်ခဲ့သည့်အပြင်၊ သူ့လုပ်ရပ်ကိုပင် အတုယူ၍ အဆိပ်မှို စားသုံးခြင်း ကို လုပ်ဆောင်နိုင်ခဲ့သည်။ ထိုအရာက မမျှော်လင့်ထားသည့် အဖြစ်အပျက်ပင် ဖြစ်သည်။

"အွန်း" ဟေဇယ်သည် ချစ်စဖွယ် အပြစ်ကင်းစင်သော အမူအရာ ဖြင့် ခေါင်းညိတ်ပြသည်။

"ဘာလို့လဲ? အကြောင်းပြချက် တစ်ခုခု ရှိလို့လား?" အော်ဆန် ရဲ့ သိချင်စိတ်က ပိုထကြွလာသည်။

"အင်း... ရှင်လို့ ရိုးရှင်းပြီး... အားနည်းတဲ့ စွန့်စားသူကို ကျွန်မ တစ်ခါမှ မတွေ့ဖူးဘူး" သူမ စကားပြောရင်း ပါးပြင်လေး နီမြန်းလာသည်။ "ရှင် ဒုက္ခရောက်တော့မယ်လို့ ထင်တာနဲ့... ဒါကြောင့်မို့ပါ..."

သူမသည် အော်ဆန် ၏ အဆင့်နိမ့် ပစ္စည်းများ ကို သနားစရာမျက်လုံးဖြင့် လှည့်ကြည့်လိုက်သည်။

အော်ဆန် အနည်းငယ်မျက်မှောင်ကြုတ်သည်။ ဒါ ဘယ်လို အကြောင်းပြချက်မျိုးလဲ?

ဒီနေရာမှာ တစ်စုံတစ်ယောက် အန္တရာယ်ရှိနေတယ်ဆိုရင်၊ သူဟာ ဒီ ဉာဏ်နည်းတဲ့ မိန်းကလေး ကြောင့် လူပိပြီး သေမလို ဖြစ်ခဲ့ရတာပဲ။

သတိပေးချက် တစ်ခု ပေါ်လာသည်- "ဟေဇယ်၏ မစ်ရှင် အဆင့်၊ အပိုင်း ၂- ဟေဇယ်၏ ပျောက်ဆုံးသွားသော ပစ္စည်းကိရိယာများကို ရှာဖွေပေးပြီး

အထက်တန်းအဆင့် မွန်းစတားရဲတိုက်တာဝန် ပြီးဆုံးပါက ပေါင်းဒီနော်မြို့ သို့ လိုက်ပို့ပေးပါ။"

"ဟေဇယ်က သင် အလွန်အားနည်းသည်ဟု ထင်မြင်ပြီး သင့်အား မှော်ပညာသင်ကြားပေးရန် ဆုံးဖြတ်လိုက်သည်။ သင် လက်ခံမည်လား?"

အော်ဆန် ရဲ့ မျက်နှာက တွန့်ကနဲ ဖြစ်သွားသည်။ ပေါ့ပျက်ပျက် မိန်းကလေးတစ်ယောက်က သူ့ကို အားနည်းတယ်လို့ ကြေညာလိုက်ပေမဲ့၊ အခမဲ့ မှော်ပညာကိုတော့ သူ မတွန့်ဆုတ်ဘဲ လက်ခံလိုက်သည်။ သူမက သူ့ကို အားနည်းတယ်လို့ ထင်နေတာကို ဘယ်သူက ဂရုစိုက်နေမလဲ?

သူ့ရှေ့တွင် မှော်စာအုပ်နှစ်အုပ် ပေါ်လာသည်။

သိချင်စိတ်ပြင်းပြစွာ ဖြင့် အော်ဆန် က တစ်အုပ်ကို ကောက်ယူစစ်ဆေးလိုက်ပြီး သူ ကံအချီကြီးကောင်းသွားပြီဆိုတာကို သိရှိလိုက်ပါတယ်။

စီ-အဆင့် မီးမှော်ပညာ- သွေးပေါက်ကွဲမှု

အကျိုးသက်ရောက်မှု: ပစ်မှတ် တစ်ခုကို ဒဏ်ရာရစေပြီးနောက်၊ ၎င်းတို့၏ သွေး ကို ပေါက်ကွဲ စေရန် မှော်စွမ်းအင်မှတ် ၁၀၀ ကို သုံးစွဲရမည်။ အနည်းဆုံး ၂၅၀+ မှော်စွမ်းအား တိုက်ခိုက်မှု ကို ပေးသည်။ ပြန်လည် အသုံးပြုချိန် : ၈ စက္ကန့်။

အဆင့် မြင့်လေလေ၊ မှော်ပညာ က ပိုပြီး စွမ်းအားကြီး လေလေ ဖြစ်သည်။ မှော်ကျွမ်းကျင်မှု အဆင့်များသည် (အနိမ့်ဆုံး) အီး မှ (အမြင့်ဆုံး) အက်စ် အထိ ရှိပြီး၊ ရှားပါး သော တားမြစ်ထားသည့် ကျိန်စာများ ကိုမူ အထူးမစ်ရှင်များ မှတစ်ဆင့်သာ ရရှိနိုင်သည်။

သူ့ရဲ့ အတိတ်ဘဝ တုန်းက ဘုရင် မိသားစုဟာ ရှက်တာခရောင်း ကို မြို့တစ်မြို့လုံး ကို ပြာပုံ ဖြစ်စေနိုင်တဲ့ တားမြစ်ကျိန်စာသုံးခု ပိုင်ဆိုင်တဲ့ စူပါမှော်ဆရာ အဖြစ် ပြောင်းလဲ ဖို့အတွက် စည်းစိမ်အားလုံး ကို ပုံအော ခဲ့ရသည်။ သူ့ရဲ့ ဝမ်းနည်းစရာ

ကံမကောင်းပဲ စောစီးစွာ သေဆုံးမှုသာ မရှိခဲ့ရင် ဘုရင် မိသားစု ဟာ ပြင်းထန်တဲ့ အခြေနေမှာတောင် ဒရာဂွန်ကစ်ဂိုဏ်း နဲ့ ယှဉ်ပြိုင် နိုင်ခဲ့မှာ ဖြစ်သည်။

ယခုအချိန်မှာတော့ ဒီ-အဆင့် မှော်စာအုပ်များ ပင်လျှင် အင်ပါယာ လေလံအိမ် မှာ ရွှေဒင်္ဂါး ၅၀ မှ စတင်နေပြီဖြစ်ပြီး၊ စီ-အဆင့် မှော်ပညာများ ကတော့ ရွှေဒင်္ဂါး ၂၀၀+ ဖြင့် ရောင်းချနိုင်ကြသော်လည်း ရောင်းချသူ ပင် လုံးဝမရှိပေ။

သွေးပေါက်ကွဲမှု စွမ်းရည် သည် သံသယဖြစ်ဖွယ်မရှိ ဘဲ ပျက်စီးဆုံးရှုံးမှုမြင့်မား သော မှော်ပညာ ဖြစ်သည်။ ၎င်းသည် ရုတ်တရက်ပြင်းထန်သော တိုက်ခိုက်နိုင်စွမ်းကို ပေးနိုင်ပြီး ကစားသမား၏ တိုက်ခိုက်မှုစွမ်းအား အပေါ် မူတည်၍ အင်အားတိုးမြှင့် နိုင်သည်။ ၈ စက္ကန့် သာ ပြန်လည်အသုံးပြုချိန် ရှိခြင်းကြောင့် ၎င်းသည် အမှန်တကယ် ပင် ထိပ်တန်း စီ-အဆင့် မှော်ပညာ ဖြစ်သည်။

အော်ဆန် သည် စိတ်ဝင်စား နေသော်လည်း သိလိုစိတ် ကြောင့် ဒုတိယ မှော်စာအုပ် ကို ဖွင့်ဖတ် လိုက်သည်။

ဒီ-အဆင့် မီးမှော်ပညာ- မြင့်မြတ်သော နေဒိုင်းကာ

ပေါင်းဒီနော်မြို့ မှ အကြီးအကဲ မှော်ဆရာ သုံးဦးထဲက ဖလိမ်ဘောင်းဒ် မှ ဖန်တီးထားခြင်း ဖြစ်သည်။

အကျိုးသက်ရောက်မှု: မှော်ဒိုင်းကာ တစ်ခု ဖန်တီးရန် မှော်စွမ်းအား ၄၀၀မှတ် သုံးစွဲရမည်။ စုစုပေါင်း ဒိုင်းကာ ကိုးထပ် အထိ ဖန်တီးနိုင်သည်။

ဒိုင်းကာ တစ်ထပ်စီ သည် ရုပ်ပိုင်းဆိုင်ရာ သို့မဟုတ် မှော်ဆိုင်ရာ တိုက်ခိုက်မှုအမှတ် ၇၀၀ ကို စုပ်ယူ နိုင်ပြီး၊ သက်ဝင်လှုပ်ရှားနေစဉ် အတွင်း တစ်မိနစ်လျှင် မှော်စွမ်းအား ၁၀၀မှတ် သုံးစွဲရသည်။

မှော်ပညာရဲ့ ဖော်ပြချက် ကို ဖတ် ပြီးနောက် အော်ဆန် ဟာ မတွေဝေ တော့ဘဲ ဒီ-အဆင့် မြင့်မြတ်သော နေဒိုင်းကာ ကို ချက်ချင်း ရွေးချယ်လိုက်သည်။

စိတ်လှုပ်ရှား နေသော အော်ဆန် ၏ လက်များ မှာ တုန်ယင် လုနီးပါး ဖြစ်နေခဲ့သည်။ ထို မှော်ပညာ သည် ၎င်း၏ ပြင်းထန်သော မှော်စွမ်းအား ကုန်ကျမှု ကြောင့် သာမန် မှော်ဆရာ တစ်ဦးအတွက် အသုံးမဝင်ချေ ဒိုင်းကာတစ်ထပ် တည်းကို ရိုးရိုးဖန်တီး လိုက်ရုံဖြင့် အဆင့် ၁၀ မှော်ဆရာ တစ်ဦး၏ မှော်စွမ်းအား ကို ခန်းခြောက် စေနိုင်ပြီး ကြာရှည်စွာ ထိန်းသိမ်း ထားဖို့ ဆိုလျှင် ပို၍ပင် မဖြစ်နိုင် တော့ချေ။

သို့သော် အော်ဆန် ကတော့ သာမန် မှော်ဆရာ တစ်ယောက် မဟုတ် ခဲ့ပါ။

သူ့မှာရှိတဲ့ မှော်စွမ်းအားမှတ် ၁၄,၄၀၀ ပမာဏက အင်မတန် များပြားလွန်းတာကြောင့်၊ ဒီ မှော်ပညာ ဟာ သူ့အတွက် အထူးဖန်တီး ပေးထားသလိုပင် ဖြစ်နေ ခဲ့သည်။

၃,၆၀၀ မှော်စွမ်းအားမှတ် သုံးစွဲရုံဖြင့် တိုက်ခိုက်မှုစွမ်းအား ၆,၃၀၀ မှတ်ကို စုပ်ယူ နိုင်တဲ့ ဒိုင်းကာ ကိုးထပ် ကို ချက်ချင်း ဖန်တီး နိုင်ခဲ့သည်။

ဒီလို အကာအကွယ် မျိုးနဲ့ဆိုရင် ဘယ်သူ ကများ သူ့ကို ထိ နိုင်မှာလဲ?

လုပ်ကြံသူတွေလား? သူတို့ အဖွဲ့လိုက် လာရင်တောင် အဓိပ္ပာယ်မဲ့ မှာ ဖြစ်သည်။

"မင်း ပြောတာ မှန်တယ်; ငါက တကယ်ပဲ သေးငယ်ပြီး အားနည်း ပါသေးတယ်။ မှန်ကန်တဲ့ ရွေးချယ်မှု ပဲ။" အော်ဆန် က ပြုံး လိုက်ပြီး ဟေဇယ် ရဲ့ ကြွေရုပ် လို ပါးပြင် ကို စနောက်သည့် သဘောဖြင့် နမ်း လိုက်သည်။ "မင်းက အကောင်းဆုံးပဲ၊ ဟေဇယ်!"

ဟေဇယ် ဟာ သူ့ကို စိုက်ကြည့် နေခဲ့ပြီး ပါးပြင် တွေက ပန်းရောင် သန်းလာခဲ့သည်။ "အိုး... ကျွန်မက အကောင်းဆုံးဟုတ်ရဲ့လား?"

အော်ဆန် ဟာ လရောင် အောက်မှာ မှိုရတဲ့မျက်နှာမျိုးနဲ့ ပြုံးရွှင် နေခဲ့သည်။ "စိတ်မပူပါနဲ့။ မင်းကို ကယ်တင်ဖို့ ငါ ပြန်လာခဲ့မယ်။"

မှတ်သားထား တဲ့ လမ်းကြောင်း အတိုင်း သူဟာ မြေအောက်ခန်း နံရံ တွေကို တက် ပြီး အလွယ်တကူ ထွက်လာခဲ့သည်။

အနီးအနားတွင် စခန်းငယ်များမှာ မီးများလင်းလက်နေပြီး၊ ထိုနေရာ၌ သားရဲမျိုးနွယ်စု စစ်သည်တော်များ အဖွဲ့တစ်ဖွဲ့သည် တခြားသားရဲသား ကို စားသောက် နေကြသည်။ သူတို့ထံသို့ လူတစ်ယောက် ချဉ်းကပ်လာနေသည်ကို လုံးဝ သတိမမူ မိကြပေ။

(အထက်တန်းအဆင့်လူတစ်ပိုင်းမြင်းတစ်ပိုင်းလေးသမား) : အဆင့် ၁၃

(အသက်အမှတ်) : ၃၅၀၀/၃၅၀၀

(တိုက်ခိုက်မှုစွမ်းအား): ၁၂၀

(ကျွမ်းကျင်မှု): ပြေးလွှားခုန်ပေါက် ပစ်ခတ်ခြင်း

အထက်အဆင့်မွန်းစတားများ သည် သာမန်မွန်းစတားများ ထက် အသက်အမှတ် နှင့် တိုက်ခိုက်မှုစွမ်းအား များစွာ ပိုမိုမြင့်မားသည်။ အဆင့် ၂၀ အောက် ရှိသော သာမန် ကစားသမား မည်သူမဆို သည် ခြောက်သွေ့မြစ်ကြမ်းပြင်ရဲတိုက် ထဲရှိ မွန်းစတားတစ်ကောင် ကိုပင် တိုက်ခိုက်ရန် ရုန်းကန် ရလိမ့်မည်။

ဝှီး၊ ဝှီး၊ ဝှီး...

အော်ဆန် က မီတာ ၁၀၀ အကွာ မှ မီးလုံးဖြင့် တိုက်ခိုက်လိုက်သည်နှင့် မီးလုံးသုံးလုံး သည် ညကောင်းကင် ကို ဖြတ်ကာ ပျံသန်းသွားခဲ့သည်။

-၁၂၅

-၁၃၅၀

-၁၃၅၀

...

အထက်အဆင့်မြင်းတစ်ပိုင်းစစ်တော် လေးကောင် သည် လဲကျ သွားခဲ့ပြီး မီးလောင်ကျွမ်းတိုက်ခိုက်မှု သုံးစက္ကန့်စာ က ၎င်းတို့ကို အသက်ချုပ် စေခဲ့သည်။

"သင်သည် အထက်အဆင့်မြင်းတစ်ပိုင်းစစ်သည်တော် တစ်ကောင်ကို သတ်လိုက်ပြီ။

အတွေ့ကြုံမှတ် +၃၀၀။"

"သင်သည် နောက်တစ်ကောင်သတ်လိုက်ပြီ..."

အော်ဆန် ၏ မျက်လုံးများ အရောင်တောက်သွားသည်။ အထက်အဆင့် မွန်းစတားများ ထံမှ ရရှိသော အတွေ့အကြုံမှတ် သည် သာမန်မွန်းစတားများ ထက် သုံးဆကျော် ပိုများသည်။ ထို့ကြောင့် ရဲတိုက် ၏ အခက်အခဲ တိုးမြှင့်မှု နှင့် အမှန်တကယ် ထိုက်တန် ပါသည်။

ကျယ်လောင်သော စစ်ချီသံ တစ်ခု ထွက်ပေါ်လာပြီး ကြီးမားသော မြင်းတစ်ပိုင်းစစ်သည်ဆယ်ကောင် က တန်ပြန်တိုက်ခိုက် လာကာ သူ့ဘက်သို့ မြှားမိုး ရွာချလိုက်သည်။

အော်ဆန် သည် တည်ငြိမ်စွာ နေလျက် သူ့ရဲ့ အဆင့်နိမ့်မှော်တောင်ဝှေး ဖြင့် မီးဒိုင်းကာများ ကို ခေါ်ယူ လိုက်ရာ အနီရောင် ဒိုင်းကာနှစ်ထပ် ဟာ သူ့ရဲ့ အရှေ့ နဲ့ အပေါ် မှာ မျောလွင့် နေခဲ့သည်။ မြှားများ ဟာ ဒိုင်းကာများကို ထိမှန် သွားတဲ့အတွက် အော်ဆန်ဟာ အသက် ၁မှတ်တောင် လျော့ကျမသွားပေ။

"ဒါက မယုံနိုင်စရာပဲ! လူသားအမြောက်ကြီး တစ်ခု ဖြစ်လာမယ့် အိပ်မက် ဟာ အမှန်တကယ် ဖြစ်လာတော့မှာပါ!" အော်ဆန် ရယ်မောလိုက်ပြီး ထိုးစစ်ဆင် လာသော မြင်းတစ်ပိုင်းစစ်သည်များကို လောင်ကျွမ်း စေမည့် မီးလုံးများ ကို လျင်မြန်စွာ ပစ်လွှတ်လိုက်သည်။

ဘုန်း!

ကျယ်လောင်သော ထိမှန်သံ တစ်ခုက နောက်ကျော ဘက်မှ ထွက်ပေါ်လာခဲ့သည် ၎င်းသည် ဒေါသထွက်နေသော နွားတစ်ပိုင်းလူတစ်ပိုင်း စစ်သည်တော် အဖွဲ့၏ အံ့အားသင့်ဖွယ် တိုက်ခိုက်မှု ဖြစ်ပြီး၊ သူတို့တစ်ကောင်စီတွင် အသက်အမှတ် ၅,၀၀၀စီ ရှိကာ ကြီးမားသော တင်းပုတ်များ ကို လက်နက် အဖြစ် ကိုင်ဆောင်ထားကြသည်။

ထို ဧရာမ သတ္တဝါများ ဟာ ဖုန်များ ကို ထူထပ်စွာ ဖုံးလွှမ်းစေရင်း ကွင်းပြင် ကို ပြေးလွှား နေကြသော်လည်း အော်ဆန် က လှည့်ပင် မကြည့် ခဲ့ပေ။ ခြောက်ထောင့်ပုံကြယ်ပွင့်သင်္ကေတ လင်းလက်လာပြီး သူ့ရဲ့ နောက်ကျော မှာ ဒိုင်းကာ တစ်ထပ်ကို ဖန်တီး ပေးလိုက်သည်။ ဒိုင်းကာ လေးထပ် က သူ့ကို လုံးဝ ဖုံးအုပ် ထားခဲ့ပြီး အသက်မှတ် တစ်မှတ် ပင် မဆုံးရှုံးဘဲ ရိုက်ချက်တိုင်း ကို ကာကွယ် ပေးနိုင်ခဲ့သည်။ သူ့ရဲ့ ဒိုင်းကာ ထိခိုက်မှု ကို ခံနေရ ကြောင်းကို သူ့အပေါ် မှာ ပေါ်နေတဲ့ တိုက်ခိုက်မှု ကိန်းဂဏန်းများ ကသာ ဖော်ပြနေခဲ့သည်။

သူ့ရဲ့ မီးမှော်ပညာ မှ ထွက်လာသော မီးလျှံများ က အထက်တန်းအဆင့် မွန်းစတားများ ကို ဝိုင်းရံ ထားခဲ့ပြီး၊ ဒေါသထွက်နေတဲ့ အော်ဟစ်သံများ ဟာ ညအမှောင် မှာ ပဲ့တင်ရိုက်ခတ်နေခဲ့သည်။ မွန်းစတားများ ရဲ့ ခွာများ နဲ့ ဧရာမ ပုဆိန်များ က သူ့ရဲ့ ဒိုင်းကာများ ကို ထုရိုက် နေကြသည်။

ဒိုင်းကာ တစ်ခု ကွဲအက် သွားချိန်မှာ အော်ဆန် က နောက်တစ်ခုကို ပေါ့ပေါ့ပါးပါး ထပ်ထည့်လိုက်သည်။

မြင့်မြတ်သော နေဒိုင်းကာ ဟာ သူ့ရဲ့ ပျင်းရိတဲ့ ကစားဟန် အတွက် လုံးဝ ပြီးပြည့်စုံ ခဲ့သည်။

မွန်းစတားသတ်ခြင်းကို တစ်နေကုန် လုပ်ပြီးနောက် သူဟာ ပျင်းရိစွာပဲ အေးဆေးရပ်နေခဲ့တယ်။ သူ့ရဲ့ မှော်စွမ်းအားမှတ် ၁၄,၄၀၀ က အကုန် ဖြေရှင်း နိုင်တာကို အင်အား ဘာလို့ ဖြုန်း ရမှာလဲ? စွမ်းအားပြင်း မီးလျှံ ရဲ့ ပြန်လည်အသုံးပြုချိန် ကို အချိန်ကိုက် တွက်ချက်ပြီး အခြေခံ တိုက်ခိုက်မှုများ နဲ့ နွားတစ်ပိုင်းစစ်သည်တော် ရဲ့ အသက်အမှတ်များ ကို တဖြည်းဖြည်း ချေဖျက် ခဲ့သည်။

သူ သားရဲစခန်း ရဲ့အားလုံးကို ချေမှုန်းသွားပြီးအချိန်မှာ မြေပြင် မှာ ပစ္စည်းကိရိယာများ နဲ့ ငွေဒင်္ဂါးများ ပြန့်ကျဲနေခဲ့သည်။

အထက်အဆင့်ရဲတိုက်ရဲ့ ကောင်းမွန်တဲ့ အချက် တစ်ခုကတော့ ပစ္စည်းကျနှုန်းက ပိုမို များပြား ခြင်းဖြစ်သည်။ မွန်းစတားများ က ခက်ခဲ ပေမယ့် ပိုမိုများပြားတဲ့ ရတနာများကို ပေးစွမ်းသည်။

အထူးသဖြင့် အထက်အဆင့်နွားတစ်ပိုင်းစစ်သည်တော်များ ဆီက ဖြစ်သည်။ သူတို့ ဆယ်ကောင်က အပြာရောင် ပစ္စည်း တစ်ခုကို ကျ ပေးခဲ့ပြီး အော်ဆန် အတွက် အမြတ် သီးသန့် ဖြစ်ခဲ့သည်။

နွားတစ်ပိုင်းစစ်သည်တော်ရဲ့ ခြေထောက် ကာပစ္စည်း

အရည်အသွေး : ကောင်းမွန်

အဆင့်: ၁၀

အမျိုးအစား: စစ်သည်တော်

ရုပ်ပိုင်းဆိုင်ရာ ကာကွယ်မှု : ၃၂

မှော် ခုခံမှု : ၃၂

+၁ ဖျတ်လတ်မှု

+၁ ရှောင်တိမ်းမှု

နွာတစ်ပိုင်းစစ်သည်တော်ရဲ့ ဦးထုပ်

အရည်အသွေး : ကောင်းမွန်

...

ခြောက်သွေ့နေသော မြစ်ကြမ်းပြင် ရဲတိုက်သည် အခြေခံအားဖြင့် စစ်သည်တော်များ အတွက် တန်ဆာပလာအသုံးဆောင်ပစ္စည်းများရတဲ့ နိဗ္ဗာန်ဘုံ ဖြစ်ပြီး၊ ရတနာများ အားလုံးနီးပါးသည် စစ်သည်တော် အတန်းအစား သံချပ်ကာများ ဖြစ်သည်။

အဆုံးမဲ့ ကမ္ဘာဂိမ်းတွင် စစ်သည်တော် ကစားသမားများ အလွန်များပြားသည့်အတွက် အဆင့် ၁၀ အပြာရောင် ပစ္စည်းများ ဟာ ဝယ်လိုအား အလွန်များ နေပြီး တစ်ခုလျှင် ၅,၀၀၀ ကျော် ဈေး ခေါ်နေခဲ့သည်။

ဤပစ္စည်းများသည် သာမန် ပစ္စည်းများ သက်သက် မဟုတ်ကြပါ။ ၎င်းတို့သည် သူရဲကောင်း ပစ္စည်းများ ကဲ့သို့ အစုံလိုက် အပိုဆုများ မပါရှိသော်လည်း၊ တန်ဖိုးရှိသော အပိုစွမ်းရည်ကိန်းဂဏန်းများ ပါဝင်လေ့ရှိသည်။ ထို့ကြောင့် မည်သည့် စစ်သည်တော် အတွက်မဆို တန်ဖိုးအရှိဆုံး သံချပ်ကာ များ ဖြစ်နေခဲ့သည်။

အော်ဆန် သည် မွန်းစတားများ ကို မြက်ခင်းပြင်ထဲ့ကနေစ၍ ဘော့စ် ဧရိယာရောက်တဲ့ထိ လိုက်လံသတ်ဖြတ်ခဲ့ပြီး၊ နောက်ဆုံးတွင် ၎င်းတို့ ဘော့စ် ဧရိယာ ထဲ့သို့ရောက်လာခဲ့သည်။

အထက်တန်းအဆင့်မွန်းစတား နှစ်ရာ သတ်ဖြတ်ပြီးနောက် သူသည် လျှို့ဝှက်ယဇ်ပလ္လင် တစ်ခုဘေးတွင် နေရာယူ လိုက်ပြီး သူ့ရဲ့ မှော်စွမ်းအား ကို ပြန်လည်ဖြည့်တင်းရန် အတွက် တရားထိုင်ခြင်း

ကို ပြုလုပ်လိုက်သည်။

"မှော်စွမ်းအား ၁၀,၀၀၀ ကျော်တောင် ရှိနေတာတောင် မလုံလောက် သေးဘူး။ ဒိုင်းကာတွေ သုံးပြီး ပြေးလွှားနေတာ က မိနစ် ၃၀ မပြည့်ခင်မှာတင် ခန်းခြောက် သွားစေတယ်။" အော်ဆန် က သက်ပြင်းချလိုက်သည်။ ပိုမိုများပြားတဲ့ မှော်စွမ်းအား ရဖို့အတွက် သူရဲ့ တပ်မက်မှု ဟာ မငြိမ်းနိုင် ဖြစ်နေခဲ့သည်။

အခြား မှော်ဆရာများ သာ သူ့ရဲ့ ညည်းညူသံ ကို ကြားခဲ့ရင် သူ့ကို သတ် ချင်စိတ် ပေါက်သွားနိုင်ပါသည်။

"ထူးဆန်း တယ်... ဟေဇယ် ဆုံးရှုံးသွားတဲ့ ပစ္စည်း တစ်ခုမှ မကျ ဘူး။" အော်ဆန် က မျက်မှောင်ကြုတ် လိုက်ပြီး ယဇ်ပလ္လင် ကို လှမ်းကြည့် လိုက်သည်။ "ဒါတွေအားလုံး ဘော့စ် ဆီမှာများ ရှိနေမလား"

နွားတစ်ပိုင်းလူတစ်ပိုင်းအရိုးစုနတ်ဆရာ တစ်ဦးက ယဇ်ပလ္လင် ပတ်လည်၌ လက်များ ဝှေ့ယမ်းရင်း အသံတိုးတိုး ဖြင့် တစ်စုံတစ်ရာကိုရွတ်ဖတ် နေသည်။

ရုတ်တရက် အပြာရောင် အလင်းတန်း တစ်ခုသည် ကောင်းကင် သို့ ပစ်လွှတ်သွားပြီး၊ နေရာလွတ် ကိုယ်တိုင်က ဆုတ်ဖြဲ ခံလိုက်ရသလိုမျိုး ဂိတ်ပေါက် တစ်ခု ပွင့် လာခဲ့သည်။

မိုင်နိုတော ဖုတ်ကောင်မှော်ဆရာ: အဆင့် ၁၅

(ဘာသာပြန်ဆရာ အမှာစာ - လူတစ်ပိုင်းနွားစစ်သည်တော်ဆိုတာ ဂရိဒဏ္ဍာရီကဆင်းသက်လာတဲ့ မိုင်နိုတော လို့ခေါ်တဲ့ သတ္တဝါအမျိုးစားဖြစ်ပါတယ်)

အသက်အမှတ်: ၈၀,၀၀၀/၈၀,၀၀၀

တိုက်ခိုက်မှုစွမ်းအား: ???

ကျွမ်းကျင်မှုများ: ???

"ဤ ဘော့စ် သည် သခင်အဆင့် ရန်သူဖြစ်သည်။ သင် ကိုင်တွယ်နိုင်မည် မဟုတ်ပါ။ မဟာမိတ်များ ခေါ်ယူလိုပါသလား?"

"ငြင်းပယ်တယ်။"

အော်ဆန် ခေါင်းခါလိုက်သည်။ မိုင်နိုတောဖုတ်ကောင်မှော်ဆရာ ကို အနိုင်ယူ ဖို့က ခက်ခဲ လိမ့်မည်၊ သို့သော် ၎င်းကိုတိုက်ခိုက်မှသာ ကျွမ်းကျင်မှု နှင့် တိုက်ခိုက်မှု ပုံစံများ ကို သိရှိရမည်ဖြစ်သည် မြင့်မြတ်သော နေဒိုင်းကာက သူ့ကို ကာကွယ် ပေးထားသဖြင့် သူ၏ လက်လှမ်းမီ နိုင်သော အခြေအနေတွင် ရှိသည်။

ထို့အပြင်၊ သူမတိုက်ခိုက်ခဲ့ပါက ခြောက်သွေ့သော မြစ်ကြမ်းပြင် ရဲတိုက် ၏ အမှန်တကယ် ဆုလာဘ် ဖြစ်သော လျှို့ဝှက် ဘော့စ် အမှောင်ဘုရင်မအဲလ်ဖ် ကိုလွဲချော် သွားလိုက်မည်။