ဖေဖေ.. တောင်းပန်ပါတယ်

"ထူးချွန်သော ဝန်ထမ်းဆု" ရလို့ သုံးသန်း ပေးတာဆိုပါလား?

ဒီအဖြစ်အပျက်သာ မနေ့က ဖြစ်ခဲ့လျှင် အော်ဆန် သည် ဒါဟာ ပြက်လုံး ဟုတ်မဟုတ်ကို ဂရုစိုက်နေမည်မဟုတ် ပါ။ သူသည် တစ်စက္ကန့်မျှ မစဉ်းစားဘဲ ထို ကတ်ကို လှမ်းယူ ပြီး အိတ်ကပ်ထဲ ထိုးထည့် လိုက်မည်။ သို့သော် အခုတော့?သုံးသန်း ဆိုသည် မှာ ပြက်လုံးသက်သက် သာ ဖြစ်သည်။

"အော်၊ လောရမ်၊ မင်းက တကယ် တော်လွန်းတယ်။"

အော်ဆန် ရယ်မော လိုက်သည် အော်ဆန်ရဲ့ အပြုံးကိုကြည့်ပြီ လောရမ် ဟာ မသက်မသာဖြစ်လာသည်။ သူမ၏ ရည်ရွယ်ချက် များကို သူသည် တစ်ချက်ကြည့်လိုက်ရုံဖြင့် လုံးဝ ဖတ် နိုင်ခဲ့သည်။ ဤ ဝန်းထမ်းဆု ဟုဆိုသောအရာသည် ဆုလာဘ် မဟုတ်ပါ; ၎င်းသည် ရင်းနှီးမြှုပ်နှံမှုဖြစ်ပြီး အော်ဆန် ၏ သစ္စာစောင့်သိမှု ဆက်လက်တည်မြဲစေရန်အတွက် စရံငွေ တစ်ခု ဖြစ်သည်။

သူမ၏ ကောက်ကျစ်သော လှုပ်ရှားမှုများ နှင့် ငွေကြေး ၃သန်းသည် သူ့ကို ဆက်လက် ချည်နှောင်ထားနိုင်မည်ဟု သူမ ထင်နေသလား? မဖြစ်နိုင်တော့ပေ။

လောရမ်သည် အော်ဆန် ၏ အဆုံးမဲ့ ကမ္ဘာ ဂိမ်းတွင် လွှမ်းမိုးပြသနေမှု ကို မျက်ခြည်မပြတ် စောင့်ကြည့် နေခဲ့သည်မှာ ထင်ရှားပြီး၊ သူမသည် သူ့ကို

ရန်ခ်စတူဒီယိုတွင်၊ သူမ၏ လက်အောက် ၌ ဆက်လက်ထားရှိလိုကြောင်း ရှင်းရှင်းလင်းလင်း သိသာသည်။

"ဒီရက်ပိုင်း တခြားဂိမ်းတွေက စီးပွားရေးက သိပ်အဆင်မပြေဘူး ထင်တယ်နော် လောရမ်?" ဟု အော်ဆန် က အပြုံးတုဖြင့် မေးလိုက်သည်။

လောရမ်၏ မျက်နှာထားမှာ သိသိသာသာပျက်သွားသော်လည်း သူမသည် ချက်ချင်းစိတ်ကို ထိန်းချုပ် လိုက်သည်။ "အဆင်ပြေပါတယ်။"

လောရမ်သည် အမွေဆက်ခံသူ တစ်ဦးအနေဖြင့် အောင်မြင်မှု ရရှိခဲ့ကာ ပြိုင်ဆိုင်မှုများသော အဖွဲ့များကို တည်ထောင်ကာ ဓားနှင့်အောင်နိုင်ခြင်း ကဲ့သို့သော ငွေပေး၍ ကစားရသည့် စတူဒီယိုဂိမ်းများ မှ ဝင်ငွေ ကောင်းကောင်း ရရှိနေခဲ့သည်။ သို့သော် အဆုံးမဲ့ကမ္ဘာဂိမ်း စတင်လိုက်သည် မှစ၍ အခြားဂိမ်းများသည် ကစားသမားများကို လျင်မြန်စွာ ဆုံးရှုံး နေခဲ့ရသည်။ သူမ ဓားနှင့်အောင်နှိင်ခြင်းဂိမ်းတွင် ရင်းနှီးမြှုပ်နှံခဲ့သော ငွေများမှာ နေ့စဉ်နှင့်အမျှ တန်ဖိုးကျဆင်း နေခဲ့သည်။ ထို့ကြောင့် သူမသည် ဤဂိမ်းရဲ့ ကြီးမားသော အခြေခံခိုင်မာမှုက နောက်ဆုံးတွင် အကျိုးအမြတ် ပေးလိမ့်မည်ဟူသော မျှော်လင့်ချက်ဖြင့် သူမ၏ ငွေကြေးအားလုံးကို အဆုံးမဲ့ ကမ္ဘာဂိမ်းထဲသို့ ပုံအောရင်း သူမ၏ စတူဒီယိုကို ပိုကြီးသော ဂိုဏ်းတစ်ခုအဖြစ် ချဲ့ထွင်ရန် ကြံစည်ထားခဲ့သည်။

အော်ဆန်သည် သူ၏ မရှုံးနိမ့်သော "သုံးထပ်ကွမ်း" ဂုဏ်သတင်း နှင့် ဂိမ်းအတွင်း လက်ရှိ မြင့်တက်လာမှု တို့ကြောင့် လောရမ်၏ အဓိက ပစ်မှတ် ဖြစ်လာခဲ့သည်မှာ ရှင်းလင်း သည်။

အော်ဆန် လှောင်ပြုံးပြုံး၍ စူးရှသောအကြည့်ဖြင့် သူမအား သေချာ ကြည့်လိုက်သည်။ "လောရမ် မင်းက တော်တော် ထက်မြက်သားပဲ။"

"မင်းက ငါ့ကို ချီးမွမ်းလွန်းပါတယ် အော်ဆန်။

" သူရဲ့ စူးရှသော အကြည့် က သူမကို မသက်မသာ ဖြစ်စေသော်လည်း သူမသည် အတင်းအကျပ် ပြုံး လိုက်သည်။

ဂိမ်းစတင် ခဲ့သည့် ပထမ နာရီ ၃၀ အတွင်းမှာပင်

အော်ဂေါ့ဒ် အမည်သည် ထိပ်တန်းဦးဆောင်သူ စာရင်းကို လွှမ်းမိုး ထားခဲ့ပြီး ဒရာဂွန်ကစ်ဂိုဏ်း နှင့် ဂိုဏ်းခေါင်းဆောင် အာရှာထက်ပင် ကျော်ကြား သွားခဲ့သည်။ အကယ်၍ အော်ဆန်သည် ရန်ခ်စတူဒီယိုသို့ ပြန်ဝင်ရန် သဘောတူပြီး ၎င်းတို့၏ ဂိုဏ်းကို စတင်တည်ထောင်ရန် ကူညီပါက အော်ဆန်ရဲ့ ဂုဏ်သတင်း တစ်ခုတည်းကပင် တောက်ပသော ဂလက်ဆီဂိုဏ်းကို အာရုံစိုက်ခံရမှုမှာ မိုးထိရောက် စေမည်ဖြစ်သည်။

၎င်းသည် စီးပွားရေးအရ ပြီးပြည့်စုံသော လှုပ်ရှားမှုဖြစ်ပြီး —လောရမ်၏ ပြီးပြည့်စုံသော အစီစဉ် ဖြစ်သည်။

ယခင်အချိန်တွင် တောက်ပသော ဂလက်ဆီဂိုဏ်း သည် အစောပိုင်းကာလ များ၌ ထိပ်တန်းဂိုဏ်း တစ်ခု ဖြစ်ခဲ့သည်မှာ မှန်သည်။ အော်ဆန် ကိုယ်တိုင်ပင်လျှင် ၎င်း၏ လူ ၁၀၀ ပါဝင်သော ပစ္စည်းရှာဖွေရေး အဖွဲ့ တစ်ခုကို ဦးဆောင် ခဲ့သေးသည်။ ထိုအချိန်က ကစားသမားများ၏ စွမ်းရည်အဆင့် များသည် သိပ်မကွာ ခဲ့ပေ၊ အော်ဆန် နှင့် အနားယူထားသော ပရိုကစားသမားများ အများအပြား ပါဝင်မှုကြောင့် တောက်ပသော ဂလက်ဆီဂိုဏ်းသည် ခက်ခဲသော တိုက်ပွဲများစွာကို ရင်ဆိုင်ရင်း လျင်မြန်စွာ တိုးတတ်လာခဲ့သည်။ ပြိုင်ဆိုင်မှုများသော ပထမဆုံး ဂိုဏ်းထိန်းချုပ်နယ်မြေ တိုက်ပွဲများမရောက်လာမီအထိ အခြေအနေများက ကောင်းမွန် နေခဲ့သည်။

သို့သော် လောရမ်သည် သူမ၏ အစောပိုင်း ရရှိမှု များဖြင့် ကျေနပ် နေခဲ့ပြီး ကြီးမားသော တွက်ချက်မှု အမှား တစ်ခုကို လုပ်မိခဲ့သည်။ သူမရဲ့ ဂိုဏ်း သည် နယ်မြေစခန်းတစ်ခုကို သိမ်းယူနိုင်လောက်အောင် စွမ်းအားမရှိဟု ထင်ခဲ့ပြီး ဂိုဏ်းစစ်ပွဲများတွင် နေရာတစ်ခုရရန်အတွက် ဝင်ကြေး ၅ သန်း ကို ပေးချေရန် ငြင်းဆန် ခဲ့သည်။ တောက်ပသော ဂလက်ဆီးဂိုဏ်း ၏ ထိပ်တန်း ကစားသမားများမှာ တခြားဂိုဏ်းများသို့ ထွက်ခွာကုန်ပြီး လအနည်းငယ် အတွင်းမှာပင် ဂိုဏ်းသည် ပြိုင်ပွဲဝင်စာရင်း ပြန်သွင်းရန်ပင် အရည်ချင်းမရှိတော့ပေ။

လောရမ်သည် အံ့ကြိတ် လိုက်ပြီးမှ သူမ၏ အသံကို နူးညံ့ စေခဲ့သည်။ "ပြန်စဉ်းစားကြည့်ပါဦး။ဂိုဏ်းကို အပြည့်ဝ ထိန်းချုပ်ခွင့်တောင် မင်းကို ပေးနိုင်ပါတယ်။"

အော်ဆန် မရယ်ဘဲ မနေနိုင်တော့ပေ။ "အိုး၊

လောရမ်၊ နောက်တာတွေ ရပ်လိုက်ပါတော့။ အဲဒီလို

ကြီးမားတဲ့တာဝန်ကို ကျနော် ဘယ်လိုမှ ယူနိုင်မှာ မဟုတ်ဘူး။"

သူမ စိတ်အေးလက်အေး ဟန်ဆောင်နိုင်သော်လည်း အမှန်မှာ ထိုသို့မဟုတ်ပေ၊ သူသာ ဘာမှအသုံးမကျလျှင် သူမနှင် သူ့၏ မန်နေဂျာ တို့မှာ ဒီနေရာမှာ စိတ်အားငယ်ဟန်ဖြင့် ရပ်နေပြီး အပိုဆုကြေးငွေ ကို လက်ခံရန် တောင်းဆိုနေပါ့မလား။ ဆွဲဆောင်မှုရှိသော အသွင်အပြင် နှင့် နှစ်လိုဖွယ် အမူအရာ ရှိသည့် ဤအမျိုးသမီးသည် စီးပွားရေး ဝတ်စုံ ဝတ်ထားသော ဝံပုလွေ တစ်ကောင်ထက် မပိုပေ။

ရန်ခ်စတူဒီယိုတွင် နှစ်နှစ် ကြာ ကြိုးကြိုးစားစား လုပ်ခဲ့ရာတွင် အော်ဆန် သည် မြို့တော်၏ အနိမ့်ဆုံးလုပ်ခ ကိုသာ ရရှိခဲ့ပြီး၊ တစ်နေ့လျှင် ၁၂ နာရီ ခိုင်းစေခံခဲ့ရသည်။ သို့သော် ပျော်ရွှင်စွာဖြင့် သူမ၏ မသမာသောအလုပ် များကို လုပ်ဆောင်ခဲ့သည့် မန်နေဂျာ ချားလ် ကဲ့သို့ပင် လောရမ်မှာလည်း အပြစ်ရှိ ကြောင်း သူသိသည်။

"အော်ဆန်၊ ကျေးဇူးပြုပြီး ပြန်စဉ်းစားပါဦး၊" ဟု

ချားလ် ကအပြုံး ဖြင့် တောင်းပန် စပြုလာသည်။ "ငါက ပါးစပ်အရမ်းဆိုးတာ မင်းလဲသိပါတယ်၊ မင်းငါ့ကို စိတ်ဆိုးတယ်ဆို—ဒီမှာ၊ မင်း စိတ်ကျေနပ်မယ်ဆိုရင် ငါ့ကို ပါးရိုက်လိုက်လို့ရတယ်။" သူသည် သေချာစေရန် သူ့ကိုယ်သူ ပါးရိုက် ရန် အသင့်အနေအထားဖြင့် လက်ကိုပင် မြှောက်ပြသည်။

အော်ဆန် သည် မျက်နှာမဲ့ သွားသည်။ "ဒီလို လုပ်ပြနေဖို့ မလိုပါဘူး။ မနေ့ကဆို မင်းက ဘရက်ဒ်လေ နဲ့ ငါ အလုပ်ထွက်တာကို အပျော်ဆုံးလူ ဖြစ်နေခဲ့တာပဲ။"

သူသည် ခေါင်းခါ လိုက်ပြီး လှည့်ထွက် သွားသည်။ "ဒီကိစ္စကို ဒီနေရာမှာ ဆွေးနွေးဖို့ မသင့်တော်ပါဘူး။ ခွဲစိတ်ခတွေနဲ့ ဒီ 'အပိုဆုကြေးငွေ' ကိုလည်း ကျနော် လက်ခံမှာ မဟုတ်ဘူး။" လောရမ်မှာ မျှော်လင်ချက်မှာ အောက်ဆုံးထိ ထိုးကျသွားသည်။သူမ နောက်လှည့် ထွက်ခွာဖို့ ပြင်နေစဉ် အော်ဆန်က လှမ်းတားလိုက်သည်။ "ဒါပေမယ့် ခွဲစိတ်ဆရာဝန်ချုပ်ကို စီစဉ်ပေးခဲ့တဲ့အတွက်တော့ ကျေးဇူးတင်စရာ ရှိပါတယ်။"

လောရမ်၏ မျက်နှာ သည် အနည်းငယ် တောက်ပ လာပြီး ဒါက အခွင့်အရေး တစ်ခုဆိုတာကိုသိလိုက်သည်။အော်ဆန်က အသာယာပြုံးပြလိုက်ပြီ "ကျနော် မင်းရဲ့ ဂိုဏ်း ကိုဝင်မှာ မဟုတ်ဘူး။ ကျနော် ကူညီပေးနိုင်တာ တစ်ခုတည်းကတော့ မင်းကို နယ်မြေစခန်း တစ်ခု ရအောင် ကူညီပေး ဖို့ပဲ—ဒါပေမဲ့ ကျနော့်မှာ အခြေအနေ တစ်ခု ရှိတယ်။"

"လောရမ်၊ သူ့ရဲ့ အဓိပ္ပာယ်မရှိတဲ့ စကားတွေကို နားမထောင်ပါနဲ့။ နယ်မြေစခန်း တစ်ခုရဖို့က လွယ်တဲ့ကိစ္စ မဟုတ်ဘူး!" ဟု ချားလ် က အသံတိုးတိုး ဖြင့် လောရမ် ကိုပြောလိုက်သည်။ "သူ ဘယ်လောက်ပဲ တော်နေပါစေ၊ သူကတစ်ယောက်တည်းပဲ။ စာရင်းသွင်းထားတဲ့ဂိုဏ်းက အဖွဲ့ငါးဆယ်ကျော်နေပြီ၊ အနည်းဆုံး ဂိုဏ်း တစ်ရာလောက်အထိ ရောက်လာမယ်လို့ ခန့်မှန်းရတယ်။ ပြီးတော့ ရနိုင်တဲ့ ဂိုဏ်းစခန်း က ၁၂ ခုပဲ ရှိတာ!"

လောရမ်သည် စိတ်လှုပ်ရှား သွားသော်လည်း သူမသည် ရာသီဥတုကဲ့သို့ တခနအတွင်းမှာ ဘာမှမဖြစ်သလို တည်ငြိမ်နေသော မျက်နှာဖြင့် အော်ဆန် ဘက်သို့ လှည့်လိုက်သည်။ "ကောင်းပြီ၊ မင်းတောင်းဆိုချက်က ဘာလဲ?" ဟု သူမက စိတ်အားထက်သန်မှု ကို ဖုံးကွယ် ရင်း မေးလိုက်သည်။

သူမအတွက် ကြီးမားသော စွန့်စားမှု တစ်ခုဖြစ်သည်။ အဆုံးမဲ့ ကမ္ဘာဂိမ်း၏ လူကြိုက်များမှု ရုတ်တရက် မြင့်တက်လာ မှုနှင့်အတူ၊ စခန်းတစ်ခုကို အောင်မြင်စွာ သိမ်းပိုက်ခြင်း သည် သူမအတွက် အမြတ်အစွန်းများစွာ ရရှိစေမည့် လက်မှတ် ဖြစ်နိုင်သည်။

အော်ဆန် ချားလ် ကို လှမ်းကြည့်လိုက်ရင်း လောရမ်ကိုပြောလိုက်သည်။ဘရက်ဒ်လေကို တောင်းပန်ရမယ်၊ချားလ် စိတ်အေးသွားသည် ရတယ်လေ

ဘရက်ဒ်လေကို တောင်းပန်ရုံပဲမလား၊ဟုတ်တယ် ဒါပေမဲ့ ရိုးရိုးတောင်းပန်ရမှာမဟုတ်ဘူး ဖေဖေ တောင်းပန်ပါတယ်လို့ မင်းသူကိုပြောရမယ်၊ချားလ် မျက်နှာပျက်သွားပြီး ငြင်းဖို့ပြင်လိုက်စဉ်မှာ

လောရမ် က ရတယ်လေ ခုဖုန်းခေါ်လိုက် ချားလ် သူအမှားတွက်တောင်းပန်လိုက်မယ်လို့ပြောလိုက်သည်။သူ စီလီရှယ်မှ အလုပ်ထုတ် ခံရပြီးနောက် အောက်ဆုံးအဆင့် သို့ ရောက်ရှိခဲ့ချိန်တွင် သူ့ကို လက်ခံပေးခဲ့သူ မှာ လောရမ်တစ်ဦးတည်းသာ ဖြစ်သည်။ သူမသည် ငွေကြေးပိုင်းတွန့်တို ခဲ့သည်မှာ မှန်သော်လည်း သူ့ကို လက်ခံခဲ့သည် ဖြစ်သည်။ တစ်နည်းအားဖြင့် သူသည် သူမအား ကျေးဇူးဆပ်ရန် ရှိ သည်။

အော်ဆန် သည် သူ၏ ဖုန်း ကို ထုတ်ယူကာ ဘရက်ဒ်လေ ကို ခေါ်ဆို လိုက်သည်။

"ဟေး၊ အော်ဆန်! ဘာအကြောင်းလဲ?အရေးမကြီးရင် မြေအောက်ခန်း ကိုသွားတိုက်ခိုက်တော့မို့?

"ခဏလေး။ မင်းကို နှုတ်ဆက်ချင်တဲ့သူ တစ်ယောက် ရှိတယ်။"

"တကယ်လား?" ဘရက်ဒ်လေ စိတ်လှုပ်ရှား သွားသည်။ "ချစ်စရာကောင်းတဲ့ ကောင်မလေးများလား?"

ဖုန်းတစ်ဖက်မှ ကျယ်လောင်သော ရိုက်သံ နှင့် သူ၏ ရည်းစား ၏ ဆူပူသံ ကို ကြားလိုက်ရသည်။ "ကောင်မလေး မဟုတ်ဘူး—သွား"

အော်ဆန် သည် ရယ်မော လိုက်သည်။ "စိတ်မပူပါနဲ့၊ ငါ့နားတွေက 'ပိတ်' ထားတယ်။" သူသည် စပီကာ ဖွင့်လိုက်ပြီး သိသိသာသာ စိတ်မသက်မသာ ဖြစ်နေသော ချားလ် ကို ဖုန်းကမ်းပေးလိုက်သည်။

လောရမ် သည် သူ့ကို ဒေါသတကြီး ကြည့် လိုက်သော်လည်း ချားလ် က ဝန်လေးသော အသံ ဖြင့် ထစ်အ ကာ ပြောလိုက်သည်။ "ဖေ...ဖေဖေ... တောင်းပန်ပါတယ်ခင်ဗျာ။"

ဘရက်ဒ်လေရဲ့ ပျော်ရွှင်မြူးတူးနေသော အသံ သည် ဖုန်းထဲမှ ပြတ်တောင်းပြတ်တောင်း ထွက်ပေါ်လာသည်။ "ဘာ? လိုင်းက မကောင်းဘူး—ငါ သေချာ မကြားလိုက်ဘူး။ ပိုကျယ်ကျယ်လေးပြော!"

ချားလ် မျက်နှာတစ်ခုလုံး နီရဲ သွားပြီး အော်ဟစ် လုနီးပါး ဖြစ်သွားသည်။ "ဖေဖေ! ကျွန်တော် မှားသွားပြီ၊ ရပြီလား?!"

ကျေနပ် သွားသော အော်ဆန် သည် ဖုန်းချ လိုက်သည်။ ဘရက်ဒ်လေကို ပျော်ရွင် စေခဲ့ပြီး လောရမ် နှင့် ချားလ် တို့နှစ်ဦးလုံး ဘာစကားမှစကားမပြောခင် လှည့်ထွက်လာခဲ့သည်။

သူတို့နှစ်ဦးကို ချန်ထားခဲ့ပြီးနောက် သူသည် ပန်းစည်း ကို ယူကာ ဆေးရုံအခန်း နံပါတ် ၄၁၄ ၏ တံခါးဝသို့ သွားလိုက်သည်။ အော်ဆန် အပြင်ဘက်တွင် ရပ်နေရင်း အသက်ပြင်းပြင်း ရှူ လိုက်သည်။ ပန်းများ ကို တင်းတင်းဆုပ်ကိုင် ထားသော သူ၏ လက်များ မှာ အနည်းငယ် တုန်ယင် နေသည်။

"ဒီအဖြစ်အပျက်ကို ငါ ဘယ်နှစ်ခါပဲ ပြန်လုပ်ရပါစေ... ဒီတစ်ကြိမ်တော့ ဘာမှ အမှားအယွင်း မဖြစ်စေရဘူးလို့ ငါ ကျိန်ဆိုတယ်။"

အော်ဆန် သည် သူ့ကိုယ်သူ အားတင်း လိုက်ပြီး သတ္တိကို စုစည်းရန် အချိန် ခဏတာယူလိုက်သည်။ သူမနဲ့ ထိုက်တန်သော အစ်ကို ပြန်လာပြီဟု သူ့ကိုယ်သူ ပြောခဲ့သည်။ နောက်ဆုံးတွင် သူသည် ပြတင်းပေါက်မှ ချောင်းကြည့် လိုက်သည်။

ညနေ့ခင်းရဲ ရွှေအိုရောင်သန်းနေသော နေရောင်ခြည် အောက်၌ သစ်ချသီးရောင် ဆံပင် နှင့် မိန်းကလေးငယ် တစ်ဦးသည် ဆေးရုံကုတင်ပေါ်၌ ထိုင် နေသည်။ သူမသည် နူးညံ့သိမ်မွေ့ လှပြီး သူမ၏ ဖျော့တော့သော အသားအရေ မှာ ကြည်လင် ဝင်းပနေသည်။ သူမ၏ ဆံပင်ရှည် များသည် လေပြည် တွင် ညင်သာစွာ မြောက် နေပြီး၊ သူမသည် တတ်ဘလက် တစ်ခုကို ပွတ်ဆွဲ နေသည်။ သူမ၏ နှုတ်ခမ်း များတွင် အားနည်းသော မှိန်ဖျော့ဖျော့ အပြုံး တစ်ခုကို တွေ့ရသည်။

ထို တစ်ခဏ တွင် အော်ဆန် သည် သူ၏ နှလုံးသား သည် တစ်ခုလုံး ကွဲကြေ သွားသကဲ့သို့ ခံစားလိုက်ရသည်၊ မျက်ရည်များ သည် သူ့ပါးပြင်ပေါ်သို့ စီးကျ လာသောအခါ သူ၏ အမြင်အာရုံ သည် မှုန်ဝါး သွားသည်။

၎င်းသည် အမှန်တကယ် ဖြစ်သည်—သူ၏ အိပ်မက်ဆိုးများသည် ပပျောက် သွားခဲ့ပြီး၊ သူ၏ အဖြစ်ချင်းဆုံးအိပ်မက်သည် အကောင်အထည် ပေါ်လာခဲ့ပြီ။

သူသည် တံခါး ကို ဖွင့် လိုက်ပြီး အခြားလူနာများ ၏ အကြည့်များကို လျစ်လျူရှု ကာ သူမဆီသို့ လှမ်းသွား ပြီး သူမကို တင်းကျပ်စွာ ပွေ့ဖက် လိုက်သည်။ သူသည် သူမ၏ ဆံပင် ပေါ်သို့ လက်ဖြင့် ညင်သာစွာ ပွတ်သပ် လိုက်ပြီး သူမ၏ နား နားတွင် တိုးတိုးလေး ရေရွတ် လိုက်သည်။ "ဒီတစ်ကြိမ်တော့ ငါ တကယ် ပြန်လာခဲ့ပြီ။ ငါ တကယ်ပဲ ပြန်လာခဲ့တာပါ။"

"...အစ်ကို၊ အလုပ် သွားနေရမှာ မဟုတ်ဘူးလား?" မိန်းကလေး သည် အံ့သြ ကာ သူ့ကို မော့ကြည့် လိုက်သည်။ သူမ၏ ပါးပြင်မှာ ပန်းနုရောင်သန်းလာပြီး၊ သူမ၏ မှိန်ဖျော့ဖျော့ မျက်နှာ သည် နေရောင် အောက်တွင် တောက်ပ နေသည်။