အခန်း (၂)

“ငါ့ရဲ့ တိုက်ခိုက်မှု အကွာအဝေးက တကယ်ပဲ… ပိုရှည်လာတာပဲ!”

အော်ဆန်သည် ဂေါ်ဘလင် ဆယ်ကောင်ကို တစ်ပြိုင်နက် ချေမှုန်းလိုက်ပြီးနောက် သူ၏ တိုက်ခိုက်မှု အကွာအဝေး သည် မူလ ၁၀ မီတာ မှ ၁၁ မီတာ သို့ တိုးလာသည်ကို မြင်သောအခါ မျက်လုံးများက စိတ်လှုပ်ရှားမှုဖြင့် ပြည့်လျှံလာသည်။

တစ်မီတာ တိုးလာခြင်းသည် လူအများစုအတွက် အရေးမပါသယောင် ထင်ရသော်လည်း၊ အော်ဆန်လို ပရိုဟောင်း တစ်ဦးအတွက်မူ အခြေနေတစ်ခုလုံးကို ပြောင်းလဲစေမည့်အရာပင် ဖြစ်သည်။ ထိုပိုလျှံသော တစ်မီတာသည် ရန်သူများကို သူ့နေရာမှ ထိန်းချုပ်ထားနိုင်စေပြီး ၎င်းတို့အတွက် အခြေခံတိုက်ခိုက်မှု ပြုလုပ်ရန် လုံးဝမဖြစ်နိုင်တော့ပေ။ ထို့အပြင် ကစားသူချင်း တစ်ယောက်ချင်းတိုက်ခိုက်မှုတွင် ပထမဦးဆုံး တိုက်ခိုက်ခွင့်ကိုပါ သူ့အား ပေးအပ်လိုက်သည်။

သူ၏ အကွာအဝေးသည် ၁၀ မီတာ၊ မီတာ ၁၀၀… သို့မဟုတ် မီတာ ၁,၀၀၀ အထိ တိုးလာမည်ဆိုလျှင်… သူသည် မည်သူက တိုက်ခိုက်လိုက်သည်ကိုပင် မသိလိုက်ရဘဲ ကစားသမားများကို ဖျက်ဆီးပစ်မည့် မျက်စိဖြင့် မမြင်နိုင်သော အိပ်မက်ဆိုး တစ်ခု ဖြစ်လာလိမ့်မည်။

“သင့်ရဲ့ အဆင့် သည် အဆင့် ၂ သို့ တိုးမြှင့်သွားပါပြီ။”

အော်ဆန်သည် သူ၏ စွမ်းရည်ပြ မျက်နှာပြင် ကို စစ်ဆေးလိုက်သည်။ ကောင်းကင်ဝိညာဉ်၏ ညာဘက်မျက်လုံး မှ ရရှိသော အကွာအဝေး တိုးမြှင့်မှု ကြောင့် အနီးကပ် တိုက်ခိုက်မှု ဖြင့် သေဆုံးမည့် အန္တရာယ်ကို စိုးရိမ်စရာ မလိုတော့ပေ။ ထို့ကြောင့် သူ အသစ်ရရှိထားသော စွမ်းဆောင်ရည်မှတ် ငါးမှတ် လုံးကို မှော်တိုက်ခိုက်စွမ်းအား ထဲသို့ ပုံထည့်လိုက်သည်။

တိုက်ခိုက်စွမ်းအား ၁၅ မှတ် ရရှိသွားသောကြောင့် ဂေါ်ဘလင်တစ်ကောင်ကို ချေမှုန်းရန် ယခင်က ရှစ်ချက် တိုက်ခိုက်ခဲ့ရရာမှ အခြေခံတိုက်ခိုက်မှု ခြောက်ချက် သာ လိုအပ်တော့သည်။

“သင်ဟာ [ အမဲရောင်ဂေါ်ဘလင်] ကို သတ်ဖြတ်လိုက်ပါပြီ။ အတွေ့အကြုံ +၂ ရရှိပါသည်”

…

သူ၏ မှော်စွမ်းအင်မှတ် သည် တစ်ဖန်ကုန်ခန်းသွားပြန်သည်။ မှော်စွမ်းအင်ပြန်ပြည့်စေမည့် အဆောင်ပစ္စည်း တစ်ခုမှ မရှိသောကြောင့် အော်ဆန်သည် မှော်စွမ်းအင်ကို ပြန်လည်ဖြည့်တင်းရန် တရားထိုင်၍သာ မှောင်စွမ်းအင်ပြန်ပြည့်အောင် စုဆောင်းနေရသည်။

“ဒါကတော့ တော်တော်လေး နှေးနေတုန်းပဲ။”

ဂေါ်ဘလင်တစ်ကောင်ကို ပစ်မှတ်သတ်မှတ်ဖို့ အနည်းဆုံး ၅ စက္ကန့်၊ သတ်ဖို့ ၁၀ စက္ကန့် ကြာတဲ့အတွက် သူဟာ တစ်မိနစ်ကို ဘီလူး လေးကောင် သာ အများဆုံး သတ်နိုင်တယ်။ ဒါ့အပြင် ဂေါ်ဘလင်တွေက အဆင့်နိမ့် နေပြီဖြစ်လို့ အတွေ့အကြုံမှတ် တွေက လျော့နည်းလာတယ်။ ပတ်ဝန်းကျင်မှာ တခြားကစားသမားတွေက အပြိုင်အဆိုင် သတ်ဖြတ်နေကြတာကြောင့် ဂေါ်ဘလင် ၁၀,၀၀၀ ပြည့်အောင် သတ်ဖို့ဆိုရင် အချိန်အများကြီး ကြာမြင့်နိုင်တယ်။

ဒါပေမဲ့ အော်ဆန် စိတ်မပူခဲ့ပါဘူး။ သူ အစပြုသူရွာ ကို ပြန်သွားပြီး ရွာအကြီးအကဲ ဆီကနေ အဓိကမစ်ရှင် ကို လက်ခံလိုက်တယ်။ ပြီးတာနဲ့ သူရဲ့သစ်ပင်စွမ်းရည် မှော်ပညာ ကို ဖွင့်လိုက်တယ်။

ကျန်ရှိသော စွမ်းရည်မှတ်များ ၂ မှတ်

အဆင့် တက်တိုင်း စွမ်းရည်မှတ် တစ်မှတ် ရရှိပါတယ်။

အဆုံးမဲ့ ကမ္ဘာဂိမ်း မှာ စွမ်းရည်သစ်ပင် က ဇာတ်ကောင်ရဲ့ ကြီးထွားမှု လမ်းကြောင်းကို ဆုံးဖြတ်ပေးပါတယ်။ အဆင့်မတက်ခင်မှာ မှော်ဆရာ တွေအတွက် အဓိက လမ်းကြောင်း လေးခု ရှိပါတယ်- မီး၊ ရေ၊ လေ နဲ့ မြေ။

* ရေမှော်ဆရာ တွေက တိုက်ခိုက်ရေးရော ကာကွယ်ရေးမှာပါ ဟန်ချက်ညီညီ စွမ်းဆောင်နိုင်သူတွေ ဖြစ်ပါတယ်။

* လေမှော်ဆရာ များသည် စွမ်းရည်ပြန်လည်အသုံးပြုချိန် တိုပြီး တစ်ဦးချင်း တိုက်ခိုက်မှု များတွင် ထူးချွန်သည်။

* မြေမှော်ဆရာ များသည် ကာကွယ်ရေးနှင့် ရန်သူကိုရွေ့လျားမှုနှင့်တိုက်ခိုက်မှုကို မပြုလုပ်နိုင်ရန် ချုပ်နှောင်ခြင်းကို အထူးစွမ်းဆောင်နိုင်ကြပါတယ်။

* မီးမှော်ဆရာ များသည် တိုက်ခိုက်မှု စွမ်းအား ကို အဓိကထားပြီး၊ မှော်စွမ်းအင်သုံးစွဲမှု မြင့်မားခြင်းကြောင့်မှောစွမ်းအင်ကုန်ခန်းသွားလျှင် တစ်ဖက်ရန်သူကြောင့် သေဆုံးနိုင်ချေရှိပါတယ်

သူတွင် စူပါနတ်ဘုရားအဆင့် ဝိညာဉ်တံဆိပ် ကို ပိုင်ဆိုင်ထားသောကြောင့် အော်ဆန်သည် မီးမှော်ဆရာ လမ်းကြောင်းကိုသာ ရွေးချယ်ရန် ဆုံးဖြတ်ထားသည်။

စနစ်သတင်းစကား : “တောင်းပန်ပါတယ်၊ သစ်ပင်စွမ်းရည် မှော်ပညာ ကို လက်ရှိမှာ အသုံးပြုလို့ မရသေးပါဘူး။”

အော်ဆန် မအံ့သြသွားပါ။ ပုံမှန်အားဖြင့် သစ်ပင်စွမ်းရည် ဟာ အဆင့် ၁၀ ရောက်မှ အသက်ဝင်ပြီး၊ ကစားသမားတွေဟာ မှော်ပညာ စမ်းသပ်မစ်ရှင် ကို ပြီးမြောက်ဖို့အတွက် အက်ဂါမြို့ ကို ခရီးထွက်ရလေ့ရှိတယ်။

ဒါပေမဲ့ လျှို့ဝှက်နည်းလမ်း တစ်ခုတော့ ရှိတယ်။ အော်ဆန်ဟာ သစ်ပင်စွမ်းရည် ကို စောစီးစွာ ဖွင့်နိုင်မယ့် လျှို့ဝှက်မစ်ရှင် တစ်ခုအကြောင်း သိထားတယ်။ အဲဒါကတော့ အီဗာရဲ့ ပျောက်ဆုံးနေသော ဦးထုပ် မစ်ရှင်ပဲ။

ရွာရဲ့ အစွန်အဖျားထောင့်မှာ စိုးရိမ်ပူပန်နေပုံရတဲ့ မိန်းကလေးတစ်ယောက်ဟာ မြေပြင်ပေါ်မှာ တစ်ခုခုကို အသည်းအသန် ရှာဖွေနေပါတယ်။

အော်ဆန် ချဉ်းကပ်လာတဲ့အခါမှာ သူမဟာ မျက်ရည်တွေ ပြည့်နေတဲ့ မျက်လုံးတွေနဲ့ မော့ကြည့်ရင်း ငိုယိုကာ၊ "ကျွန်မရဲ့ ဦးထုပ်ကို ဘယ်သူများ မြင်မိပါသလဲရှင့်? ကျွန်မရဲ့ ဆရာက ကျွန်မကို အရမ်း စိတ်ဆိုးတော့မှာ… ဝါးးးး…"

သူမဟာ တကယ်ကို ရင်သပ်ရှုမောဖွယ် လှပပြီး ရှိုက်ကြီးတငင် ငိုနေချိန်မှာ ရင်ဘတ်ကလည်း သိသိသာသာ နိမ့်ချည်မြင့်ချည် ဖြစ်နေခဲ့တယ်။ အော်ဆန် ရဲ့ မျက်လုံးတွေက တောက်ပသွားတယ်။ ဒါဟာ တကယ့်ကို ရင်သပ်ရှုမောဖွယ် မြင်ကွင်းတစ်ခု ပါပဲ။

"အစပြုသူရွာ ပတ်ဝန်းကျင်က မွန်းစတားတွေကို သတ်ရင် [အီဗာရဲ့ ပျောက်ဆုံးနေသော ဦးထုပ်] ဆိုတဲ့ မစ်ရှင်ပစ္စည်းကို ရရှိနိုင်တယ်" လို့ ဖော်ပြထားတဲ့အတွက် မစ်ရှင် ကို အော်ဆန် ဟာ မဆိုင်းမတွ လက်ခံလိုက်တယ်။

ဒါဟာ လျှို့ဝှက်မစ်ရှင် တစ်ခု ဖြစ်ပေမဲ့ အဆင့် ၁၀ မတိုင်ခင်မှာ စွမ်းရည် အနည်းငယ် တိုးမြှင့်ပေးရုံသာ ဖြစ်တဲ့အတွက် ဒီဆုလာဘ်က သိပ်တန်ဖိုးမရှိပါဘူး။

အော်ဆန် ဒီမစ်ရှင်အကြောင်းကို အက်ဂါမြို့ရှိ ရင်သားအလှဆုံး ထိပ်တန်း အလှမယ် ၁၀ ဦး ဆိုတဲ့ ဖိုရမ် စာမူတစ်ခုကနေ သိခဲ့တာဖြစ်ပါတယ်။ ဒီမစ်ရှင်ကို ပြီးမြောက်ခဲ့တဲ့ ကစားသမား အများစုဟာ ဆုလာဘ်ကြောင့် မဟုတ်ဘဲ၊ လှပတဲ့ ရှုခင်းကို စိတ်ဝင်စားလို့ သာ လုပ်ခဲ့ကြတာပါ။

(လှပတဲ့ ရူခင်းဆိုတာ ယောက်ကျားလေးတွေအကြိုက် ရွှေရင်၂စုံကိုပြောတာပါ)

အခုဆိုရင် ဂိမ်းစတင်ပြီး ၄ နာရီနီးပါး ရှိနေပြီဖြစ်လို့ ကစားသမား အတော်များများ အစပြုသူရွာ ကနေ ထွက်ခွာနေကြပြီဖြစ်ရာ မွန်းစတားတွေကို အပြိုင်အဆိုင် သတ်ဖြတ်မှု လျော့ကျလာပါပြီ။

"သင်သည် မစ်ရှင်ပစ္စည်း [အီဗာရဲ့ ပျောက်ဆုံးနေသော ဦးထုပ်] ကို ရရှိပါပြီ။"

"ကောင်းတာပေါ့၊ပစ္စည်းကျဖို့အတွက် အချိန်သိပ်မကြာလိုက်ဘူးပဲ" လို့ ဂေါ်ဘလင် အကောင် ၃၀ လောက်သာ သတ်ရုံနဲ့ မစ်ရှင်ပစ္စည်းရတဲ့အတွက် သူကံ မဆိုးဘူလို့ပဲ ပြောရမလိုပါ။

ဘီလူးသတ်တဲ့ အဓိကမစ်ရှင် ကို ပြီးတဲ့နောက် အော်ဆန် ဟာ အဆင့် ၃ ကို ရောက်သွားပြီး သူ့ရဲ့ စွမ်းရည်မှတ် တွေကို မှော်တိုက်ခိုက်စွမ်းအား တိုးမြှင့်ဖို့ ထပ်ထည့်လိုက်တယ်။

ပြီးတာနဲ့ သူက အီဗာရဲ့ ပျောက်ဆုံးနေသော ဦးထုပ် ပြန်ပေးဖို့၊ မစ်ရှင်ပြီးရန် အတွက် ပြန်လာခဲ့တယ်။

သူ ဦးထုပ်ကို လွှဲပြောင်းပေးလိုက်တဲ့အခါ မှော်ကျောက်တိုင် ဟာ အလင်းရောင် တောက်ပလာပြီး၊ ယခင်က ပိတ်ထားတဲ့ သစ်ပင်စွမ်းရည် ဟာလည်း လင်းလက်လာခဲ့တယ်။

သစ်ပင်စွမ်းရည်ရဲ့ အောက်ခြေမှာ အစပြု စွမ်းရည်သုံးမျိုး ရှိပါတယ်။ ၎င်းတို့ကတော့ စွမ်းအားမြင့် မီးလျှံ၊ မှော်စွမ်းအင် စုပ်ယူခြင်း နဲ့ မှော်စွမ်းရည် အသုံးပြုပြီး ပြန်အသုံးပြုချိန် လျှော့ချခြင်း (ဂိမ်းမာတွေဆိုသိမှာပါ Cooldownလျော့တာကိုပြောတာပါ) တို့ ဖြစ်ကြပြီး တစ်ခုစီက မီးမှော်ဆရာ လမ်းကြောင်းအသီးသီးကို ကိုယ်စားပြုပါတယ်။

အော်ဆန်ဟာ မဆိုင်းမတွ ရွေးချယ်လိုက်တယ်- "စွမ်းအားမြင့် မီးလျှံ" ဒါပဲ!"

[စွမ်းအားမြင့် မီးလျှံ]

အကျိုးသက်ရောက်မှု- သာမန်တိုက်ခိုက်မှုများတွင် မှော်စွမ်းရည်များကို ၃ စက္ကန့် ကြာအသုံးပြုတိုင်း မှော်စွမ်းအင် ၏ ၁% လျော့နည်းသွားမည်ဖြစ်သည်။ ၎င်းသည် မှော်စွမ်းအင် ၁၀% အသုံးပြုပြီးသွားရင်တောင် ၂ စက္ကန့်စာပဲ မှော်စွမ်းအင်ပြန်လည်ရရှိမှာဖြစ်ပါသည်။

မှော်ဆရာ အများစုအတွက် ဒီစွမ်းရည်က အစပိုင်းမှာ အသုံးမဝင် ပါဘူး။ အဆင့် ၁၀ မှော်ဆရာတစ်ဦးရဲ့ မှော်စွမ်းအင်အများဆုံး ပမာဏ ဟာ ပုံမှန်အားဖြင့် ၅၀၀ ဝန်းကျင်သာ ရှိတာကြောင့် ဒီစွမ်းရည်ကို အပြည့်တိုးမြှင့်လိုက်ရင်တောင် ၃ စက္ကန့်အတွင်း ပျက်စီးဆုံးရှုံးမူ ၁၅၀ လောက်ပဲ ရရှိမှာပါ။ ဒါဟာ မှော်စွမ်းအင်စုပ်ယူခြင်း ဒါမှမဟုတ် မှော်စွမ်းရည် အသုံးပြုပြီး ပြန်အသုံးပြုချိန် လျှော့ချခြင်း တို့လောက် အသုံးမဝင်ပါဘူး။

ဒါပေမဲ့ အော်ဆန် အတွက်တော့ ဒီစွမ်းရည်ဟာ နတ်ဘုရားအဆင့် စွမ်းရည်လိုပဲ ဖြစ်နေပါပြီ။

သူ့ရဲ့ မှော်စွမ်းအင် ပမာဏ အများဆုံး ၁၀,၀၀၀ ပြည့်နေတဲ့အတွက် သူပေးမယ့် လောင်ကျွမ်းမှု အကျိုးသက်ရောက်မှု ဟာ တစ်စက္ကန့်ကို ပျက်စီးဆုံးရှုံးမှု ၁,၀၀၀ ပေးမှာဖြစ်ပြီး၊ ၃ စက္ကန့်မှာ စုစုပေါင်း ၃,၀၀၀ အထိ ရှိမှာပါ။

ဘယ်သူကများ ဒီတိုက်ခိုက်မှုကို ခံနိုင်ရည်ရှိမှာလဲ။

အော်ဆန် ဟာ မွန်းစတားတွေ ထပ်မံပေါ်ပေါက်တဲ့နေရာကို ပြန်သွားပြီး သတ်ဖြတ်မှုကို ထပ်မံစတင်ပါတယ်။ သူရဲ့ မှော်စက်သေနတ် ဖြင့် ဂေါ်ဘလင် တစ်ထောင် ကို အဆက်မပြတ် ရှင်းလင်းရင်း အချိန်တွေ ကုန်ဆုံးသွားခဲ့ပါတယ်။ သူရဲ့ စွမ်းရည်ပြ မျက်နှာပြင် ကို စစ်ဆေးကြည့်လိုက်တဲ့အခါ သူ့မျက်နှာထက်က အပြုံးဟာ တောက်ပသွားခဲ့ပါတယ်။

အမည်: အော်ဂေါ့ဒ်

မျိုးနွယ်: လူသား

အဆင့် : ၄

မှော်တိုက်ခိုက်စွမ်းအား : ၂၅

အသက်မှတ် : ၁၁၀/၁၅၀

မှောင်စွမ်းအင်: ၇၂၀/၁၁၀၀

တိုက်ခိုက်နှုန်း : ၀.၅၀

သွက်လက်မှု : ၅

ကာကွယ်မှု : ၃

ပစ်ခတ်နိုင်သည် အကွာဝေး : မီတာ ၁၁၀

သူ၏ မှော်စွမ်းအင်ပမာဏ သည် ယခုအခါ မိမိဘာသာ ထိန်းထားနိုင်လုနီးပါး ဖြစ်နေပြီဖြစ်သည်။ တိုက်ခိုက်မှု မပြုလုပ်သည့်အခါ တရားထိုင်ခြင်း စွမ်းရည်ဖြင့် တစ်စက္ကန့်လျှင် မှော်စွမ်းအင် ၅% ကို ပြန်လည်ဖြည့်တင်းနိုင်သောကြောင့်၊ တိုက်ခိုက်မှုများကို အဆက်မပြတ် ပြုလုပ်နိုင်တော့မည်ဖြစ်သည်။

သူ့ရဲ့ ပစ်ခတ်နိုင်တဲ့ မီတာ ၁၁၀ အကွာအဝေး ကို ကြည့်မယ်ဆိုရင်… သူဟာ အစပြုသူရွာရဲ့ ကာကွယ်ရေးမှော်ကျောက်တိုင် လို ဖြစ်နေပါပြီ။

"ဘယ်သူက မီးမှော်ဆရာလဲ။ ငါက လှုပ်ရှားနိုင်တဲ့ အမြောက်တပ် တစ်ခုပဲ!"

အော်ဆန် ဟာ သတ်ဖြတ်မှု ကို လုပ်လေလေ ပိုပြီး စိတ်ဓာတ်တက်ကြွလာလေလေ ဖြစ်တယ်။ သူရဲ့ စွမ်းရည်မှတ် လေးမှတ်လုံးကို စွမ်းအားမြင့် မီးလျှံ ထဲ ပုံထည့်လိုက်တဲ့အတွက် သူ့ရဲ့တိုက်ခိုက်မှုတွေမှာ မှော်စွမ်းအင် ၄% လောင်ကျွမ်းမှု ကို ထပ်ပေါင်းလိုက်ပြီ။

သူဟာ တောင်ကုန်းထိပ်မှာ ရပ်နေရင်း တောင်ကြားဆီကို လှံတံ နဲ့ ပစ်မှတ်ထားလိုက်ချိန်မှာ မီးလုံးတွေ မိုးလို ရွာကျလာတယ်။

-၂၅

-၄၄

-၄၄

သူ့ရဲ့ နောက်ထပ် ပစ်မှတ်ကို ရှာဖွေဖို့ လှည့်မသွားခင် အခြေခံတိုက်ခိုက်မှု တစ်ချက် သာ လိုအပ်ခဲ့တယ်။ ၃ စက္ကန့် ကြာ လောင်ကျွမ်းမှုဟာ ပျက်စီးဆုံးရှုံးမှု ၁၃၂ မှတ် အထိ ရောက်သွားပါပြီး၊ အသက်အမှတ် ၈၀ ရှိတဲ့ ဂေါ်ဘလင်ကို တောင်ကုန်းပေါ် မရောက်ခင် မှာပင် ချက်ချင်း ပြန်လည်မွေးဖွားခြင်းလမ်းကြောင်းကို ပို့ဆောင်ဖို့ လုံလောက်တာထက် ပိုနေပါတယ်။ သူ့ရဲ့ သတ်ဖြတ်ခြင်း စွမ်းဆောင်ရည် ဟာ တကယ်ကို အရူးအမူး ဖြစ်နေပါပြီ။

မစ္စတာမေယိုဂီ: "ဒီဂိမ်းက အမှိုက်ပဲ! ငါ အခုမှ စကစားတာ တစ်ကောင်မှ သတ်လို့မရဘူး!"

ဆာလတ်အေလော့: "ဟေ့လူ၊ ဟိုတောင်ကုန်းပေါ်ကို ကြည့်စမ်း! အဲဒါ အစပြုသူရွာ ရဲ့ ကာကွယ်ရေးမျှော်စင်က မွန်းစတားတွေကို အဆက်မပျက်သတ်ဖြတ်နေတာနေတာလား?"

ဂေ့ါဒ်လိုက်ဂိမ်းမား : "ဟင်… ဒီ အသုံးပြုသူနာမည် က ရင်းနှီးနေသလိုပဲ…"

…

ကမ္ဘာလုံးဆိုင်ရာ စကားပြောခန်းမှာ ကစားသမားတွေဟာ အော်ဂေါ့ဒ် ဟာ သူတို့ မြင်ဖူးသမျှထဲမှာ အကြမ်းဆုံး ကစားသမား ဟုတ်မဟုတ် ဝေဖန်ပြောဆိုနေကျရင်း၊ "သနားစရာဂေါ်ဘလင်တို့ရဲ့ ကောင်းကျိုးချမ်းသာ" ကို လျစ်လျူရှုမှုအတွက် ပြစ်တင်နေကြတယ်။

တစ်ချိန်တည်းမှာပဲ၊ ရန်ခ်စတူဒီယို မှာ အဆင့်တင်တဲ့အဖွဲ့ ဟာ အက်ဂါမြို့ ဘက်ကို ချီတက်နေကြတယ်။

အဆင့် ၇ ရှိတဲ့ စစ်သည်တော် တစ်ဦးဟာ သူ့ရဲ့ ခေါင်းစွပ် ကို ဆွဲချွတ်လိုက်တဲ့အခါ ငွေရောင်ဆံပင်တွေ ဝန်းရံနေတဲ့ ထင်ရှားတဲ့ မျက်နှာကို ဖော်ပြသွားတယ်။ သူ၏ မျက်ခုံးများက တွန့်ချိုးသွားတယ်၊ "အော်ဆန် ဘာလုပ်နေတာလဲ?"

"နေ့တစ်ပိုင်းလောက်ကို ပစ္စည်းမကျတဲ့ ထောင်ချီတဲ့ အမှိုက်မွန်းစတားတွေကို သတ်နေတယ်။ သူရူးနေတာပဲ!"

အဖွဲ့ကို ဦးဆောင်နေတဲ့ ချားလ်စ် ဟာ ဒေါသထွက်လုနီးပါး ဖြစ်သွားတယ်။ "တော်ပြီ! အားလုံး ဂိမ်းပိတ်ပြီး အနားယူကြ။ သူ ဒီစတူဒီယိုမှာ မနေချင်ဘူးဆိုတာ ရှင်းနေတာပဲ!"

"သင်သည် ပစ္စည်းကျနှုန်း +၁၀% ဆုကြေး ကို ဖွင့်လှစ်လိုက်ပါပြီ။"

အော်ဆန် ရဲ့ မျက်လုံးတွေဟာ သူရရှိတဲ့ဘွဲ့ ရဲ့ အကျိုးသက်ရောက်မှုကြောင့် တောက်ပသွားတယ်။ ဒီ ၁၀% ပစ္စည်းကျနှုန်း ထပ်တိုးခြင်း ဟာ ဂိမ်းအစောပိုင်းမှာ သိသာတဲ့ ပြောင်းလဲမှုတစ်ခု ဖြစ်စေပြီး၊ အမှိုက်ပစ္စည်းတွေ ကြားကနေ ရှားပါးတဲ့ ပစ္စည်းကောင်းတွေ ရရှိဖို့ အခွင့်အရေး ပိုများလာစေမှာပါ။

စနစ်သတိပေးချက် * သားရဲမျိုးနွယ် သည် သင့်ရဲ့ ပြင်းထန်သော ရန်လိုမှုကို အာရုံခံမိပါသည်။*

* ထိပ်တန်း အဆင့် ၁၀ ဘော့: ဂေါ်ဘလင် ဧကရာဇ် သည် သင့်ကို ကိုယ်တိုင်လိုက်လံ ရှာဖွေပါမည်။ သင် သေဆုံးသွားပါက သို့မဟုတ် ထွက်ပြေးပါက၊ ဤဘွဲ့ကို ရုပ်သိမ်းပါမည်။*

အော်ဆန် ရပ်တန့်သွားတယ်။ ဘော့တိုင်ခိုက်မှု သတိပေးချက် တစ်ခုက ညာဘက်အပေါ်ထောင့်မှာ မိနစ် ၃၀ ရေတွက်စက် နဲ့အတူ ပေါ်လာခဲ့တယ်။

သူဟာ အဆင့် ၄ သာ ရှိသေးပေမဲ့ ထိပ်တန်း အဆင့် ၁၀ ဘော့ တစ်ကောင် ဘယ်လောက် အစွမ်းထက်နိုင်တယ်ဆိုတာကို ကောင်းကောင်းသိပါတယ်။ စတူဒီယိုအဖွဲ့ ကို အကူအညီတောင်းဖို့ သူစဉ်းစားလိုက်ပေမဲ့၊ ရုတ်တရက် အမြင်အာရုံ က အနီရောင်အလင်း ဖြတ်ပြေးသွားပြီး ဝေဝါး သွားတယ်။ ဂိမ်းပြင်ပက တစ်ယောက်ယောက်က သူ့ကို အတင်းအကြပ် နိုးထစေဖို့ ကြိုးစားနေတာ ဖြစ်ပါတယ်။