အခန်း (၆)

အော်ဆန် ဟာ အနက်ရောင် [သားရဲမျိုးနွယ်ရဲ့ ရန်သူတော်] ဘွဲ့ကို ပိတ်ထားလိုက်ပြီး မြေပြင်ပေါ်က ဧကရာဇ် ရွှေဒင်္ဂါးနှစ်ပြား ကို သက်သောင့်သက်သာ ကောက်ယူလိုက်တယ်။

မဆိုးဘူး။ ဒါက သူ့အိတ်ထဲကို ဒေါ်လာ နှစ်ထောင် လောက် ရောက်သွားတာပဲ။

"ဟင်... သူက တကယ် ကောက်ယူလို့ ရနေတယ်?"

"ဒါ တကယ် မတရားဘူး! ဘာလို့ သူက ကောက်လို့ရတာလဲ?"

"သူက ဘော့ ကို သတ်လိုက်တဲ့သူလို့ မပြောနဲ့နော်? အဆင့် ၁ ပစ္စည်းတွေပဲ အော်ဆန်ဟာဝတ်ဆင်ထားတဲ့အတွက် ကစားသမားတွေက သူကိုထူးဆန်းစွာနဲ့ ဝိုင်းကြည့်နေကျပါတယ်။ သူက တကယ်ပဲ ဘော့ ကိုသတ်လိုက်တဲ့ လူများလား?"

ဂိမ်းစတင်တုံးက ရရှိထားတဲ့ အခမဲ့အသုံးအဆောင်တွေ ဝတ်ဆင်ထားတဲ့ အော်ဆန် ဟာ အဆင့် ၁၀

ခရမ်းရောင် တောင်ဝှေး တစ်ချောင်းကို သူ့လက်ထဲကို ပေါ့ပေါ့ပါးပါး ခေါ်ယူလိုက်တာကို မြင်လိုက်ရတဲ့အခါ ကစားသမားအုပ်စု ဟာ မယုံကြည်နိုင်စွာ စိုက်ကြည့်ရင်း ကြက်သေသေသွားခဲ့ကျတယ်။

"စောစောက ဘော့ ကို တိုက်ခိုက်တဲ့ တိုက်ခိုက်မှုစွမ်းအားက ၆၀၀ ကျော်တောင်ရှိတယ်။ အခုချိန်မှာ ဘယ်ကစားသမားမှ ဒါကို မလုပ်နိုင်ဘူး။"

"ကစားသမားတော့ မဟုတ်လောက်ဘူး။ ဂိမ်းစနစ် ချို့ယွင်းနေလို့ လာပြင်တဲ့ ဂိမ်းကဖန်တီးထားတဲ့တဲ့လူ တစ်ယောက် ဖြစ်နိုင်တယ်။ အရင်ကလည်း ဒီလို မြင်ဖူးတယ်။"

...

လောဘမီးတောက် နေတဲ့ လူအုပ်ကြီး ရဲ့ မျက်လုံးတွေဟာ အော်ဆန် ဆီမှာ စုပြုံကျရောက်နေခဲ့တယ်။ လူသစ်ကျေးရွာ က ကစားသမားအချင်းချင်း တိုက်ခိုက်ခြင်း ကို ကန့်သတ်မထားဘူးဆိုရင်၊ အော်ဆန် ကို သူ့တို့ ဝိုင်းသတ်ပြီး ပစ္စည်းတွေ လုယူဖို့ ဝိုင်းတိုက်ကျမယ်ဆိုတာ သေချာပါတယ်။

[ပီနော့ခ်၏ ဝိညာဉ်တောင်ဝှေး]

* အဆင့် : ၁၀

* အတန်းအစား : မှော်ဆရာ

* မှော်တိုက်ခိုက်မှု : ၇၀

* တိုက်ခိုက်နှုန်း : ၀.၇၈

* အကျိုးသက်ရောက်မှု : တစ်စက္ကန့်လျှင် မှော်စွမ်းအင် ၃ မှတ် ပြန်လည်ဖြည့်တင်းပေးသည်

* အတွဲလိုက် အပိုဆု (၃ ခု): အသက် +၁၂၀၊ မှော်စွမ်းအင် +၁၅၀

* အတွဲလိုက် အပိုဆု (၆ ခု): အသက် +၂၀၀၊ မှော်စွမ်းအင် +၃၀၀

"ဟမ့်။ မှော်စွမ်းအင် ပြန်ဖြည့်ပေးတယ်ဆိုပေမဲ့ ၃ မှတ် လား? ဒါက အသုံးမကျဘူး။"

အော်ဆန် ဟာ အနည်းငယ် စိတ်ပျက်လက်ပျက် ဖြင့် ခေါင်းခါလိုက်တယ်။

မှော်စွမ်းအင် ပြန်ဖြည့်ပေးနိုင်တဲ့ လက်နက်တွေဟာ တန်ဖိုးရှိပေမဲ့ ဒါကတော့ သူ့အတွက်တော့ အသုံးမဝင်ဘူး။ ရာခိုင်နှုန်း နဲ့ ပြန်ဖြည့်ပေးမယ်ဆိုရင်တော့ အခြေအနေက တစ်မျိုးဖြစ် သွားလိမ့်မယ်။

အဆုံးမဲ့ ကမ္ဘာဂိမ်း မှာ ကစားသမားတွေဟာ သံချပ်ကာ ခြောက်ခု နဲ့ အပိုပစ္စည်းလေးခု ဝတ်ဆင်နိုင်တယ်။ ဒါပေမဲ့ သူရဲကောင်းအဆင့် သို့မဟုတ် အဲဒီထက် မြင့်တဲ့ ပစ္စည်း များသာ အတွဲလိုက် အပိုဆု ပါလာတယ်။ ကိုက်ညီတဲ့ ပစ္စည်း သုံးခု သို့မဟုတ် ခြောက်ခု စုဆောင်းရင် စွမ်းရည်ကိန်းဂဏန်း အပိုတွေ အသက်ဝင်လာပြီး၊ ပိုပြီး ရှားပါးတဲ့ ပစ္စည်းအစုံလိုက် ဝတ်ဆင်ထားမယ်ဆိုရင် ရှားပါတဲ့စွမ်းရည် တွေပါ ဖွင့်ပေးနိုင်တယ်။

ဒီ တောင်ဝှေး ပေါ်က မှော်စွမ်းအင် အပိုဆုက အော်ဆန် အတွက် အရေးမကြီးပေမဲ့ အသက် အပိုဆုကတော့ အတော်အသင့် ကောင်းတယ်။ အဝေးပစ် တိုက်ခိုက်မှု မှာ အထူးကျွမ်းကျင်တဲ့အတွက် အနီးကပ် တိုက်ခိုက်မှုတွေမှာ ပါဝင်တိုက်ခိုက်ဖို့ အစီစဉ်မရှိပါဘူး ။

တောင်ဝှေး အပြင် ဘော့ က အဆင့် ၁၀ အပြာရောင် သံချပ်ကာပစ္စည်း သုံးခု လည်း ချပေးခဲ့တယ်။ အော်ဆန် ဟာ အဲဒီ ပစ္စည်းတွေကို လေလံတင်ရောင်းချခန်းထဲကို ချက်ချင်း တင်ပြီးရောင်းချလိုက်တယ်။

ဒီလို အဆင့်နိမ့်ပစ္စည်း ဂိမ်းအစောပိုင်းမှာသာအသုံးဝင်တာ ဖြစ်ပြီး၊ ဂိမ်းစဖွင့်တဲ့ အစပိုင်းကာလ ပြီးသွားတာနဲ့ တန်ဖိုးတွေဟာ အကြီးအကျယ် ကျဆင်း သွားလိမ့်မယ်။ အခု ရောင်းလိုက်တာက အကောင်းဆုံး ဖြစ်တယ်။

မိုးကြိုးဘုရင်: "ခဏ... မင်းက ကစားသမားလား?"

အော်ဆန် ဟာ သူ့လမ်းကို ပိတ်ဆို့နေတဲ့ ဓားသမား ကို လှမ်းကြည့်လိုက်တယ်။

မလိုအပ်တဲ့ ပြဿနာ တွေကို ရှောင်ရှားဖို့ သူဟာ တည်ငြိမ်စွာ ခေါင်းခါလိုက်တယ်။ "တာဝန်ရှိ စမ်းသပ်သူ ပါ။ သတ်မှတ်အမည် ၄၀၄ ပါ။"

အဆုံးမဲ့ ကမ္ဘာ ရဲ့ နောက်ကွယ်အမှန်တရား ကို သိရှိပြီးတဲ့နောက် အော်ဆန် ဟာ သူ့ကိုယ်သူ "ကစားသမား" လို့ မသတ်မှတ်တော့ဘူး။

သုံးနှစ် အတွင်းမှာ "ကစားသမား" ဆိုတဲ့ ဝေါဟာရဟာ ပျောက်ကွယ် သွားလိမ့်မယ်။ အဲဒီအစား လူတွေဟာ "စိန်ခေါ်သူများ" အဖြစ် အသက်ရှင်ရေးနဲ့ သေခြင်း စမ်းသပ်မှုတွေနဲ့ ရင်ဆိုင်ရတော့မှာ ဖြစ်တယ်။

"ဖူး... လန့်သွားတာပဲ။ ငါ သိသားပဲ! ဒီဂိမ်းက ကစားသမားတွေကို ဒီလို လွန်ကဲတဲ့ စွမ်းအားတွေရှိဖို့ ဘယ်နည်းနဲ့မှ ခွင့်ပြုမှာ မဟုတ်ဘူး—ဒါဆိုရင် ချိန်ခွင်လျှာ မညီတော့ဘဲ ဖြစ်သွားလိမ့်မယ်။"

လူအုပ်ကြီးတစ်ခုလုံးက သက်ပြင်းချ လိုက်ကြတယ်။ အဆင့် ၇ လူသစ်မှော်ဆရာတစ်ယောက်က မီတာ ရာပေါင်းများစွာ အကွာအဝေးကနေ ဘော့ ကို ချနိုင်တယ်ဆိုရင်၊ တခြားသူတွေအတွက် ဂိမ်းပြီးဆုံးသွားပြီ လို့ ဆိုရမှာပဲ။

မိုးကြိုးဘုရင်: "ဟေး၊ ငါတို့ စကားပြောလို့ ရမလား?"

အော်ဆန် ဟာ ဓားသမားရဲ့ အသုံးပြုသူအမည် ထိပ်က [အက်အက်အာ] ဆိုတဲ့ ရှေ့ဆက်စာလုံး ကို ကြည့်ပြီး၊ ပစ္စည်းတွေ ကို အိတ်ထဲထည့်ကာ လျှောက်သွားရင်း စိတ်ထဲကနေ လှောင်ပြောင် လိုက်တယ်။

"နားထောင်ပါဦး၊ ဘော့ဆီကရတဲ့ တောင်ဝှေး ငါတို့ ရဲ့ အက်အက်အာ ဂိုဏ်းမာစတာက မှော်ဆရာဆိုတော့ အဲဒါကို လိုချင်လိမ့်မယ်။ မင်း ဘယ်လောက်ဈေး လိုချင်လဲ ပြောပါ"

ရူးသွပ်စွာတိုက်ခိုက်နိုင်တဲ့ ဓားသမားဟာ ဘယ်သူမှမကြားအောင် သီးသန့်စကားဝိုင်း ပြောင်းပြီး အော်ဆန် ကို အမှီလိုက်ကာ ပြောလိုက်တယ်။

"မင်း ဝယ်လို့ ရတယ်၊ ဒါပေမဲ့ မင်းတို့ ဂိုဏ်း ကိုတော့ ငါ မရောင်းပေးနိုင်ဘူး" လို့ အော်ဆန် က အဓိပ္ပာယ်ပါပါ ပြန်ဖြေလိုက်တယ်။

"အဲဒါ ဘာကို ဆိုလိုတာလဲ? မင်းကိုယ်မင်း ဘယ်သူထင် နေတာလဲ၊ မာနကြီးစွာ ပြုမူနေတာ?"

မိုးကြိုးဘုရင် က ဒေါသထွက်သွားပြီ လေသံဟာ ရန်လိုလာ တယ်။

စကားတစ်ခွန်းမှ ထပ်မပြောဘဲ အော်ဆန် ဟာ သူ့ကို အသံပိတ် လိုက်တယ်။

ကစားသမား အများအပြားဟာ သူတို့ရဲ့ နာမည်တွေမှာ ဂိုဏ်းအမည် ကို ရှေ့ဆက်စာလုံး အဖြစ် ပြသလေ့ရှိပြီး၊ ဒီဓားသမားက အက်အက်အာ ဂိုဏ်း ရဲ့ လက်ပါးစေ တစ်ယောက်ဖြစ်ကြောင်း ရှင်းနေတယ်။

အော်ဆန် နဲ့ အက်အက်အာ ဂိုဏ်း ရဲ့ သမိုင်းဟာ နက်ရှိုင်း ခဲ့တယ်။

ဓားနှင့်အောင်ပွဲများ ဂိမ်းမှာ သူဟာ ဒီ ဂိုဏ်း အတွက် ဂုဏ်တွေ အများကြီး ယူဆောင်ပေးခဲ့တယ်။ ဒါပေမဲ့ နောက်ဆုံးမှာ သူဟာ အပြစ်ပုံချခံခဲ့ရ ပြီး သစ္စာဖောက်ခြင်း ခံခဲ့ရကာ ပွဲလိမ်လည်ကာ ကစားခြင်းဆိုတဲ့ မကောင်းသတင်း ကိုစွပ်စွဲ ခံခဲ့ရတယ်။

သူ့ရဲ့ အတိတ်ဘဝ တုန်းက အရင်းရှင်စနစ် ရဲ့ ကြီးမားလွန်းတဲ့ အင်အား ကို အော်ဆန် ဟာ ဘာမှ မတတ်နိုင်ခဲ့ဘူး။ ဒါပေမဲ့ အခုတော့ အခြေအနေတွေ ပြောင်းလဲသွားပြီ။

"မင်းတို့ ငါ့ကို ပွဲလိမ်ကစားတယ် လို့ စွပ်စွဲပြီး ငါ့နာမည်ကို ဖျက်ဆီးခဲ့တယ်။ စောင့်နေလိုက်၊ ဒီအကြွေးကို အတိုးနဲ့တကွ ပြန်ဆပ် မယ်" လို့ အော်ဆန် က ခပ်ရွဲ့ရွဲ့ ပြုံးလိုက်တယ်။

ရွာကို ပြန်ရောက်တာနဲ့ သူဟာ အဓိကမစ်ရှင် ကို အပ်နှံခဲ့ပြီး တောင်ဝှေး ကို ရွှေဒင်္ဂါး ၂၀ နဲ့ လေလံစတင်ဈေး သတ်မှတ်ကာ နှစ်နာရီကြာ လေလံပွဲ ဖြင့် ရောင်းချလိုက်တယ်။

တခြား ကစားသမားများ ရဲ့ နောက်ယောင်ခံ လိုက်ခြင်း ကို ရှောင်ရှားဖို့အတွက် အော်ဆန် ဟာ ဂိမ်းကနေ ထွက်လိုက် ပြီး ရေနွေးပူပူ ချိုးကာ အနားယူ လိုက်တယ်။

မိုးသောက်ယံ မှာ သူဟာ ဂိမ်းထဲကို ပြန်လည်ဝင်ရောက် လာခဲ့တယ်။

"စာအသစ် ရောက်ထားပါတယ်။ ကျေးဇူးပြုပြီး စာပုံး ကို စစ်ဆေးပါ!"

"သင် လေလံတင်ထားသော ပစ္စည်း ရောင်းထွက်သွားပါပြီ။"

"သင် လေလံတင်ထားသော ပစ္စည်း ရောင်းထွက်သွားပါပြီ။"

...

အော်ဆန် ဂိမ်းထဲဝင်ဝင်ချင်းမှာပဲ အသိပေးချက် မက်ဆေ့ချ် ငါးခု ပေါ်လာခဲ့တယ်။ သူဟာ အရောင်းအဝယ်မှတ်တမ်း ကို စစ်ဆေးဖို့ စာပုံး ကို ဖွင့်ကြည့်လိုက်တယ်။