ချီစွမ်းအားကို အနှစ်သာရအဖြစ်ပြောင်းလဲခြင်း။ ဓားအနှစ်သာရ (၂)

“ချွမ်း ချွမ်း ချွမ်း”

စူးချန်ခုန်း ခဏလောက် ရပ်ပြီး တူကို အဆက်မပြတ် ထုရိုက်နေ၏။ တစ်ချက်ချင်းစီက တည်တည်ငြိမ်ငြိမ်နှင့် အင်အားအပြည့်နှင့်။

ထုနှက်မှုတိုင်းမှာ စူးချန်ခုန်းအတွင်းရှိ ဓားပုံသဏ္ဍာန် ဓားချီက ပဲ့တင်ထပ်လာပြီး သူသည် ဓားတစ်ချောင်းကို ပုံသွင်းနေရင်း တစ်ချိန်တည်းတွင် သူ၏ ဓားချီကို သန့်စင်နေသည်။

“ဟမ်.. အကန့်အသတ်နီးပါးမှာ ရှိနေတဲ့ ငါ့ရဲ့ ဓားချီက အရည်အသွေးပြောင်းလဲမှု လက္ခဏာတွေ ပြနေပြီ။”

စူးချန်ခုန်းက စိတ်ထဲတွင် အားရကျေနပ်စွာနှင့် အံ့အားသင့်နေမိသည်။

စူးချန်ခုန်းသည် ပန်းပဲဌာနတွင် လပေါင်းများစွာကြာအောင် သူ၏ ဓားချီကို ပိုမိုခိုင်မာစေရန် ပန်းပဲပညာကို အသုံးပြု၍ လက်နက်များကို နေ့တိုင်း ပုံသွင်းနေခဲ့သည်။ သူ၏ ဓားချီသည် အကန့်အသတ်သို့ ရောက်လုနီးနေပြီဖြစ်သော်လည်း ယခုအခါ သူသည် မိစ္ဆာငိုကြွေးဓားသွားကို ပုံသွင်းပြီး နတ်ဆိုးအမြုတေမှ တုံ့ပြန်မှုကို ခံယူလိုက်သောအခါ သူ၏ အတွင်းထဲကဓားချီသည် ပို၍တိုးတက်လာမည့် လက္ခဏာများကို ပြသနေသည်။

“ဒီမိစ္ဆာငိုကြွေးဓားသွားကို ဖန်တီးနိုင်တာနဲ့ ငါ့ရဲ့ပန်းပဲပညာက အဆင့်ရှစ်ကို ရောက်နိုင်ပြီး ငါ့ကိုယ်တွင်းက ဓားချီက အသွင်ပြောင်းသွားနိုင်ခြေများတယ်။”

စူးချန်ခုန်းရဲ့ မျက်လုံးထဲမှာ အံ့သြမှုအရိပ်အယောင်တို့ ဖျတ်ကနဲ ပေါ်လာလေ၏။

ထိုးဖောက်လို့မရနိုင်တဲ့ ဓားချီသာ ဆင့်ကဲပြောင်းလဲလာရင် ဘယ်လောက်ထိ ဆက်သွားနိုင်လောက်မည်နည်း။

လက်ရှိမှာ ဝေ့ချောင်လို ကျွမ်းကျင်တဲ့ပြိုင်ဘက်နဲ့ ရင်ဆိုင်နေရတဲ့ စူးချန်ခုန်းဟာ အနိုင်ရဖို့ ယုံကြည်မှု မရှိပေမယ့် သူ့ရဲ့ဓားချီသာ ပြောင်းလဲသွားခဲ့ရင် ရလဒ်ကတစ်မျိုးပြောင်းသွားနိုင်သည်။

“ငါ မိစ္ဆာငိုကြွေးဓားသွားကို ဖန်တီးရမယ်။”

မူလက စူးချန်ခုန်းသည် မိစ္ဆာငိုကြွေးဓားသွားကို ပုံသွင်းပြီးတာနဲ့ သူ့ကို ရှင်းပစ်မှာကို စိုးရိမ်ခဲ့ပေမယ့် အခုတော့ ဓားကို သွန်းလုပ်ပြီး သူ့ရဲ့ဓားချီကို အသွင်ပြောင်းရန် အကောင်းဆုံး ကြိုးစားဖို့ ဆုံးဖြတ်လိုက်သည်။

သူ့ရဲ ဓားချီ ပြန်လည်အသွင်ပြောင်းပြီးပါက ဝေ့ချောင်နှင့် ရင်ဆိုင်ရလျှင်ပင် သူ ယှဉ်နိုင်လိမ့်မယ်လို့ ယုံကြည်သည်။

ဝေ့ချောင်က သူ့ကို အသုံးပြုပြီးနောက် လက်စဖျောက်နိုင်ခြေဟာ အလွန်နည်းပါသည်။ နတ်ဆိုးအမြုတေကနေ နတ်ဘုရားလက်နက်ဖန်တီးနိုင်တဲ့ ပန်းပဲဆရာတစ်ယောက်ဟာ အလွန်ရှားပါးတဲ့ ပါရမီရှင်တစ်ယောက်ဖြစ်သည်။ သူ့ကို သတ်ဖို့ မလိုအပ်ပါ။ ဝေ့ချောင်က သူ့ကို အလွန်တရာ လေးလေးစားစား ဆက်ဆံပြီး ဆုလာဘ် အများကြီး ပေးပါလိမ့်မည်။ ဒါက စစ်ခေါင်းဆောင်တစ်ယောက်ရဲ့ ပုံမှန်အတွေးဖြစ်သည်။

ဒါပေမယ့် ဝေ့ချောင်က စိတ်မမှန်တဲ့သူဖြစ်နိုင်ချေရှိတယ်ဆိုတဲ့ အချက်ကို သူ လျှော့မတွက်နိုင်ပါ။ သူ သတိထားပြီး တစ်ဆင့်ချင်းစီ လုပ်ဆောင်ရမှာပင်။

“ချွမ်း ချွမ်း ချွမ်း”

စူးချန်ခုန်းက တူကို ဝှေ့ယမ်းပြီး ပန်းပဲထုရာမှာသာ စိတ်နှစ်ထားလိုက်သည်။

“ဒီစူးထိုက်လိုင်က အရင်ပန်းပဲဆရာတွေထက် ခေါင်းတစ်လုံးပိုသာတာ သိသာပါတယ်။”

စူးချန်ခုန်းက မိစ္ဆာငိုကြွေးဓားသွားကို ပန်းပဲပညာမှာ နစ်မြုပ်နေတာကို မြင်တော့ မာဟုန်က ကျေနပ်သဘောကျပြီး ခေါင်းညိတ်လိုက်သည်။ ချိုင်ကျန့်က စစ်မှန်တဲ့ ပန်းပဲဆရာတစ်ယောက်ကို ရှာတွေ့ခဲ့တဲ့အတွက် ယုံကြည်စိတ်ချရသည်။ ဒီလူငယ်လေးက မိစ္ဆာငိုကြွေးဓားသွားကို တကယ်ဖန်တီးနိုင်လောက်သည်။

တစ်နေ့တာ အလုပ်ပြီးနောက် စူးချန်ခုန်းသည် သူ့ရှေ့ရှိ ပုံပျက်နေသော ဓားပုံစံကို ကြည့်ပြီး မျက်မှောင်ကြုတ်လိုက်သည်။ မဟူရာရွှေသည် နတ်ဆိုးအမြုတေ၏ စွမ်းအင်ကို မခံနိုင်ပုံရသည်။ ၎င်းသည် လိမ်ကောက်ပြီး ပုံပျက်သွားရုံသာမက သံချေးတက်ပြီး ပျက်စီးလွယ်ကာ တစ်ချက်တည်းဖြင့် အစိတ်စိတ်အမွှာမွှာ ပြိုကွဲသွားခဲ့သည်။

“မဟူရာရွှေက မိစ္ဆာငိုကြွေးဓားသွားကို ပုံသွင်းဖို့အတွက် နတ်ဆိုးအမြုတေရဲ့ စွမ်းအားကို ခံနိုင်ရည်မရှိတဲ့ပုံပဲ။”

စူးချန်ခုန်း သူ့ဘာသာသူ တွေးနေမိသည်။

“ဆရာစူး၊ ဒီနေ့အတွက် အနားယူကြရအောင်။ အလျင်စလို လုပ်စရာမလိုပါဘူးဗျာ။”

ထိုအချိန်တွင် အနီးအနားရှိ မာဟုန်က ပြောလိုက်သည်။ ဤလူငယ်လေးက မိစ္ဆာငိုကြွေးဓားကို အမှန်တကယ် ထုလုပ်နိုင်မည်ကို သူ ခံစားမိသည်။

“အင်း” စူးချန်ခုန်း ခေါင်းညိတ်လိုက်သည်။ ကောင်းကင်ကြီးက တဖြေးဖြေးနှင့် မှောင်ကျလာပြီး သူသည်လည်း တောင်ကြားရှိ စခန်းတွင် အနားယူလိုက်သည်။

“ဝေ့ချောင် ဦးဆောင်တဲ့ ဒီသူပုန်တပ်မတော်မှာ ကျွမ်းကျင်သူတွေ အများကြီးရှိတာပဲ။ လွန်ခဲ့တဲ့ လအနည်းငယ်က တာ့ဖုန်းသံမဏိမြင်းတပ်ကို အောင်အောင်မြင်မြင်နဲ့ ဝင်ရောက်စီးနင်းပြီး အောင်ပွဲခံနိုင်ခဲ့တာ အံ့သြစရာမဟုတ်တော့ပါဘူး။”

စူးချန်ခုန်းသည် စခန်းအတွင်းရှိ အခြေအနေကို လေ့လာပြီး သူ့ဘာသာသူ တွေးလိုက်သည်။

စူးချန်ခုန်း တစ်ရက် အနားယူလိုက်သည်။ နောက်တစ်နေ့နံနက်တွင် သူသည် အဖိုးတန် ခရမ်းရောင်ရွှေနှင့် လေ့ကျင့်ရင်း မိစ္ဆာငိုကြွေးဓားကို ဆက်လက်ထုလုပ်ခဲ့သည်။ သုံးရက်အကြာတွင် မအောင်မြင်သေးဘဲ ခရမ်းရောင်ရွှေပြား ၂၀ ကျော်သည် သတ္တုအပိုင်းအစများအဖြစ် ပြောင်းလဲသွားခဲ့သည်။

ဒီလုပ်ငန်းစဉ်အတွင်းမှာ နတ်ဆိုးအမြုတေရဲ့ မကောင်းဆိုးဝါးဂုဏ်သတ္တိတွေက စူးချန်ခုန်းကို ဖျက်ဆီးနေပေမယ့် သူက အားလုံးကို ခံနိုင်ရည်ရှိပြီး သူ့ရဲ့ လပ်အသက်ရှူနည်းချီစွမ်းအင်က အဲဒီလွှမ်းမိုးမှုတွေကို ပျောက်ကွယ်သွားစေခဲ့သည်။

အရင်က ပန်းပဲဆရာတွေနဲ့မတူတာက သူတို့ဟာ ရုပ်ပိုင်းဆိုင်ရာ သန်မာပေမယ့် သူတို့ရဲ့ ကျင့်ကြံမှုက အလွန်အားနည်းတာကြောင့် နတ်ဆိုးအမြုတေကို ထုလုပ်လုပ်တဲ့အခါ ထွက်လာတဲ့ မကောင်းဆိုးဝါးသတ္တိတွေရဲ့ လွှမ်းမိုးမှုအောက်မှာ သူတို့ ရူးသွပ်သွားလိမ့်မည်။

မျက်စိတစ်မှိတ်အတွင်းမှာပဲ လဝက်လောက် ကုန်လွန်သွားခဲ့သည်။

ပန်းပဲပညာ ( သတ္တမအဆင့်၊ နက်နဲသောကျွမ်းကျင်မှု ၉၉% )

စူးချန်ခုန်းရဲ့ဓားချီဟာ အသွင်ပြောင်းအံ့ဆဲဆဲ ပိုပိုပြီး စုစည်းလာကာ သူ့ရဲ့ပန်းပဲပညာဟာလည်း မကြာခင်မှာပဲ အဆင့်တက်တော့မည်ဖြစ်သည်။

“မိစ္ဆာငိုကြွေးဓားသွားကို တစ်ကြိမ်တည်းနဲ့ ဖန်တီးဖို့ အချိန်ရောက်ပြီ။ ငါ့ရဲ့ ပန်းပဲပညာနဲ့ ဓားချီနှစ်ခုလုံးကို အသွင်ပြောင်းဖို့ အချိန်ရောက်ပြီ။”

စူးချန်ခုန်းဟာ အသက်ကို ပြင်းပြင်းရှူလိုက်သည်။ ဒီအချိန်အတွင်းမှာ ဝေ့ချောင် စုဆောင်းထားတဲ့ ရှားပါးသတ္တုတွေကို သူ့ရဲ့ပန်းပဲပညာစွမ်းရည်တွေကို တိုးတက်အောင်လုပ်ဖို့ ရည်ရွယ်ချက်ရှိရှိ အသုံးပြုခဲ့ပြီး အခု အသွင်ပြောင်းဖို့အတွက် အခွင့်အရေး ရောက်လာပြီလို့ ခံစားလိုက်ရသည်။

“ကြယ်ပုံစံရွှေကို အဓိကအစိတ်အပိုင်းအဖြစ်အသုံးပြုပါ။ မဟူရာရွှေအချို့ကို ရောပါ…”

ပန်းပဲခန်းတွင် စူးချန်ခုန်းသည် ပြန်လည်ထုလုပ်လုပ်ခဲ့ပြီး ဤကာလအတွင်း သူသည် ဤသတ္တုများ၏ လက္ခဏာများကို အကြမ်းဖျင်း နားလည်သဘောပေါက်ခဲ့သည်။ ကြယ်ပုံစံရွှေသည် အရှားပါးဆုံးဖြစ်ပြီး စူးချန်ခုန်း ယခင်က ဖန်တီးခဲ့သော ကြယ်ပုံစံရွှေဆေးမီးဖိုကို ကြယ်ပုံစံရွှေဖြင့် ပြုလုပ်ထားပြီး မိစ္ဆာသိုင်းဆေးပြားကို ထုတ်လုပ်နိုင်သည်။

“ချလွမ်း ချလွမ်း ချလွမ်း”

စူးချန်ခုန်းသည် မိုးရေကဲ့သို့ အဆက်အပြတ် ထုရိုက်ကာ ကြယ်ပုံစံရွှေကို အဓိကအစိတ်အပိုင်းအဖြစ် အသုံးပြု၍ အခြားသတ္တုများနှင့် ရောနှောကာ တည်ငြိမ်မှုကို မြှင့်တင်ခဲ့သည်။ ဓားတစ်ချောင်း၏ ကနဦးပုံစံက တဖြည်းဖြည်း ပုံပေါ်လာသည်။

အရေးအကြီးဆုံးမှာ ဓားနှင့်နတ်ဆိုးအမြုတေကို ပေါင်းစပ်ရန်ဖြစ်သည်။ ဒီတစ်ခါ အမှန်တကယ် အောင်မြင်လိမ့်မည်။

သူသည် ဓားထဲတွင် ချန်ထားသော ဟရာထဲသို့ နတ်ဆိုးအမြုတေ ဖြည့်ပြီး ပြန်လည်ထုလုပ်သည်။

“ချလွမ်း”

တူဖြင့် ရိုက်ချက်ကြောင့် နတ်ဆိုးအမြုတေ တုန်ခါသွားပြီး ဓားတစ်ခုလုံး တုန်ယင်သွားကာ စူးချန်ခုန်း၏ ဓားချီသည် ၎င်းနှင့်အတူ ပဲ့တင်ထပ်သွားလေ၏။

“ချလွမ်း ချလွမ်း ချလွမ်း”

ဆက်လက်ထုရိုက်နေစဉ် မိစ္ဆာငိုကြွေးဓားသွား တစ်ခုလုံးသည် ပုံပျက်လာပြီး ဝိညာဉ်အလင်းရောင်များ ထွက်ပေါ်လာသော်လည်း စူးချန်ခုန်း၏ တူဖြင့်ထုရိုက်မှုအောက်တွင် ပြန်လည်ပုံပေါ်လာခဲ့သည်။ စူးချန်ခုန်း၏ အဆက်မပြတ်ထုရိုက်မှုနှင့် ပြင်းထန်သောမီးလျှံ၏ စဉ်ဆက်မပြတ် လောင်ကျွမ်းမှုအောက်တွင် နတ်ဆိုးအမြုတေ တစ်ခုလုံးသည် အစိုင်အခဲအခြေအနေမှ အရည်အခြေအနေသို့ ပြောင်းလဲသွားခဲ့ပြီး ဓားတစ်ချောင်းလုံးတွင် ရက်လုပ်ထားသော ချည်မျှင်များအဖြစ်သို့ ပြောင်းလဲသွားခဲ့သည်။

“ဝေါင်း”

ပန်းပဲခန်းသည် တစ္ဆေများ၊ ဝံပုလွေများနှင့် ဆင်တူသော အော်ဟစ်သံများနှင့် ပြည့်နှက်နေပြီး အံ့အားသင့်ဖွယ် ဆူညံသံများ ဖြစ်ပေါ်စေခဲ့သည်။

“ဓားပုံပေါ်တော့မှာလား။”

ပန်းပဲခန်းအတွင်း၌ သန်မာသောပုံရိပ်တစ်ခု ပေါ်လာသည်။ အနှီလူက ဝေ့ချောင်ဖြစ်သည်။